Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ခင်ဦးတွင် စစ်ကောင်စီတပ်၏လက်နက်ကြီးထိမှန်ပြီး အမျိုးသမီး ၁ ဦးသေဆုံးကာ ၉ ဦး အပြင်းအထန် ဒဏ်ရာရ
🤬6🔥1😁1😢1
ခင်ဦးတွင် စစ်ကောင်စီတပ်၏လက်နက်ကြီးထိမှန်ပြီး အမျိုးသမီး ၁ ဦးသေဆုံးကာ ၉ ဦး အပြင်းအထန် ဒဏ်ရာရ
=================

လွှမ်းမိုး
(မဇ္ဈိမ)။ ။စစ်ကိုင်းတိုင်း၊ ခင်ဦးမြို့နယ်အရှေ့ခြမ်းတွင် စစ်ကြောင်းထိုးနေသည့် စစ်ကောင်စီတပ်က ဇွန်လ ၂၄ ရက်နေ့တွင် တဲစုကျေးရွာသို့ရောက်ရှိပြီး လက်နက်ကြီးများဖြင့် ရမ်းသန်းပစ်ခတ်ကာ နေအိမ်များနှင့် ပစ္စည်းများကို မီးရှို့ဖျက်ဆီးခဲ့ကြောင်း Khin U Specialforce Organization (KSO) ထံမှ သိရသည်။
စစ်ကောင်စီတပ်မှ လက်နက်ကြီးဖြင့်ပစ်ခတ်မှုကြောင့် စစ်ရှောင်အမျိုးသမီးတဦးသေဆုံးကာ ကိုးဦး အပြင်းအထန်ဒဏ်ရာရရှိခဲ့ကြောင်း KSO သတင်းနှင့်ပြန်ကြားရေးတာဝန်ရှိသူက ပြောသည်။

“အင်အား ၁၀၀ ခန့်ပါတဲ့ စစ်ကောင်စီတပ်က တဲစုကျေးရွာရောက်တော့ လက်နက်ကြီးနဲ့ သုံးချက်ရမ်းပြီး ပစ်ပါတယ်။ အဲဒီလက်နက်ကြီးက တဲစုကျေးရွာက စစ်ရှောင်တွေဆီကျပြီး ၄၅ နှစ်အရွယ် အမျိုးသမီး တဦးသေဆုံးကာ ကိုးဦးအပြင်းအထန် ဒဏ်ရာရရှိခဲ့တာပါ” ဟု ၎င်းကဆိုသည်။

ထို့ပြင် စစ်ကောင်စီတပ်သည် တဲစုကျေးရွာမှ ဒေသခံများ၏နေအိမ်များအတွင်းရှိ ပစ္စည်းများကို မွှေ နှောက်ခိုးယူပြီး ကားနှင့်ဆိုင်ကယ်များကို မီးရှို့ဖျက်ဆီးထားခဲ့ကြောင်း သိရသည်။

ခင်ဦးမြို့နယ်တွင် စစ်ကောင်စီစစ်ကြောင်းကြောင့် အလယ်လျှို၊ ယောက်သွားအိုင်၊ စိုင်ဂေါင်း၊ အုန်းပင် ကုန်း၊ ပေါက်ကန်၊ သောက်ကန်၊ ရွာစဉ်ကျေးရွာများမှ ဒေသခံ ၄,၀၀၀ ကျော်စစ်ရှောင်နေရကြောင်း သိရ သည်။

အဆိုပါ စစ်ကောင်စီစစ်ကြောင်းသည် ခင်ဦးမြို့နယ် ရွှေဘို-မြစ်ကြီးနားလမ်းဘေးရှိ အလယ်လျှိုကျေးရွာ တွင်ရောက်ရှိနေပြီး ခရီးသွားပြည်သူများ၏ ကားများကိုတားဆီးစစ်ဆေးကာ ငွေတောင်းခံနေကြောင်း KSO သတင်းနှင့်ပြန်ကြားရေးထံမှ သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#စစ်ကိုင်းတိုင်း
#ခင်ဦးမြို့နယ်
#စစ်ကောင်စီစစ်ကြောင်း
#လက်နက်ကြီး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢4👍3🤬3🔥2😁1
​​ရေးမြို့နယ်တွင် စစ်မှုထမ်းဟောင်း ပျူစောထီးခေါင်းဆောင်အား ရေးဘီလူးအဖွဲ့ပစ်ခတ်ရှင်းလင်း
===================

ဂျူချန်း
(မဇ္ဈိမ)။ ။မွန်ပြည်နယ်၊ ရေးမြို့နယ်၊ ဒူးယားကျေးရွာသင်္ချိုင်းတွင် စစ်မှုထမ်းဟောင်း ပျူစောထီးခေါင်း ဆောင်တဦးအား သေနတ်ဖြင့်ပစ်ခတ်ခဲ့ရာ နေရာတွင်ပင်သေဆုံးခဲ့ကြောင်း ရေးဘီလူးအဖွဲ့ခေါင်းဆောင် က ပြောသည်။

ဇွန်လ ၂၆ ရက်နေ့ မွန်းတည့် ၁၂ နာရီခန့်တွင် နာရေးလာပို့သည့် ဒူးယားကျေးရွာနေထိုင်သူ အသက် ၆၄ နှစ်အရွယ် ဦးစိုးအောင်ကို ရေးဘီလူးအဖွဲ့မှ သေနတ်ဖြင့် လေးချက်ပစ်ခတ်ခဲ့ခြင်းဖြစ်သည်။
“ အစင်၊ ကျားတန်း၊ ဓမင်းဆိပ်၊ ဆိတ်ကလေးကျေးရွာ၊ ဇီးဖြူသောင်တို့ဘက်မှာ အရမ်းကို ဗိုလ်ကျပြီး တော့ မိုက်ကြေးခွဲပြီးတောင်းတယ်။ သူကိုယ်တိုင်လည်း ပျူစောထီးခေါင်းဆောင်ဖြစ်တယ်။ လက်နက် လည်းကိုင်တယ်။ လေးချက်ပစ်လာတယ် ၉ မမ ကျည်ပဲဆိုတော့ ချက်ချင်းသေသွားတယ်။ သင်္ချိုင်းမှာပဲ သေသွားတယ်ဗျ။ အတိုလည်းရှိတယ်။ အရှည်လည်းရှိတယ် သူ့ဆီမှာ။ လက်နက်ကတော့ မရလိုက်ဘူး” ဟု ရေးဘီလူးအဖွဲ့ခေါင်းဆောင်က ပြောသည်။

ဒေသခံများ၏ ပြောဆိုချက်အရ ဦးစိုးအောင်သည် စစ်မှူထမ်းဟောင်းတစ်ဦးဖြစ်ရာ ကာကွယ်ရေးတပ်ဖွဲ့ ဝင်များ၏လှုပ်ရှားမှုများကို သတင်းပေးခြင်းများရှိသကဲ့သို့ နယ်မြေလုံခြုံရေးဆောင်ရွက်သည့်အခါတွင် လည်း စစ်ကောင်စီနှင့် ပူးပေါင်းလုပ်ဆောင်ခဲ့ဖူးကြောင်း ဆိုသည်။

မဇ္ဈိမအနေဖြင့် ဦးစိုးအောင်အကြောင်းနှင့်ပတ်သက်၍ ဒေသခံများထံမှ သီးခြားအတည်ပြုချက် ရယူနိုင် ခြင်းမရှိသေးပေ။ ပစ်ခတ်မှုအတွင်း အစင်ကျေးရွာတွင်နေထိုင်သူ မဇင်မာနွယ်လည်း (မစိုးရိမ်ရ) ထိခိုက် ဒဏ်ရာရရှိခဲ့ကြောင်း သိရသည်။

ရေးဘီလူးအဖွဲ့သည် စစ်ကောင်စီထောက်တိုင်များအား မကြာခဏပစ်ခတ်တိုက်ခိုက်လေ့ရှိရာ ဇွန်လထဲ တွင် ရေးမြို့နယ်အတွင်း ဦးစိုးအောင်အပါအဝင် ပြည်သူ့စစ်အဖွဲ့ဝင်ဟောင်းသုံးဦးကို ပစ်သတ်ခဲ့သည်။

ဇွန်လ ၂ ရက်နေ့တွင် ရေးမြို့နယ်၊ ချောင်းတောင်ကျေးရွာတွင် ပြည်သူ့စစ်ဟောင်း ဦးပန်းရွှေအား ပစ်ခတ် ခဲ့ပြီး ဇွန်လ ၂၀ ရက်နေ့က ရေးမြို့နယ်၊ ကျောက်မိချောင်းကျေးရွာတွင် စစ်မှုထမ်း‌ဟောင်း ဦးရဲဝင်းနိုင်ကို ပစ်ခတ်ခဲ့သည်။

ပြီးခဲ့သည့် ဇွန်လ ၂၂ ရက်နေ့ကလည်း ရေးမြို့နယ်၊ ချောင်းတောင်တံတားစစ်ဆေးရေးဂိတ်အား ရေးဘီလူး အဖွဲ့မှသွားရောက်ပစ်ခတ်ခဲ့ရာ စစ်ကောင်စီတပ်သားလေးဦးသေဆုံးခဲ့ကြောင်း သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#ရေးဘီလူးအဖွဲ့
#ရေးမြို့နယ်
#ပျူစောထီး
#ပစ်သတ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17👏4🔥1🥴1
​​ထိုင်းနှင့် မြန်မာက အမေရိကန်ဒေါ်လာ ၁ ဘီလီယံကျော်ရှိ မူးယစ်ဆေးဝါးများကို မီးရှို့ဖျက်ဆီး
====================

ကုလသမဂ္ဂ မူးယစ်ဆေးဝါး အလွဲသုံးစားမှုနှင့် တရားမဝင် ကုန်ကူးခြင်း ဆန့်ကျင်သော နိုင်ငံတကာနေ့တွင် ပြုလုပ်သည့် မြန်မာနိုင်ငံက မူးယစ်ဆေးဝါးများ မီးရှို့ခြင်းကို ရန်ကုန်၊ မန္တလေးနှင့် တောင်ကြီးတို့တွင် ပြုလုပ်ခဲ့ခြင်း ဖြစ်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍3🔥2😁1
ဇွန်လ (၂၇)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
====================

01:00 - အာဏာသိမ်းပြီးနောက် ဘိန်းစိုက်ပျိုးမှုတိုးလာပြီး မူးယစ်ဆေးဝါးရောင်းဝယ်မှု မြင့်တတ်နေတဲ့သတင်း

05:52 - KIO ရုံး စီးနင်းခံရသော ဆိုင်းတောင်မှာ အမျိုးသား ၁ ဦးကို စစ်တပ်ဖမ်းဆီးထားတဲ့သတင်း

07:07 - အာရှနိုင်ငံတွေထဲ လူ့အခွင့်အရေး ချိုးဖောက်မှု မြန်မာမှာ အများဆုံးဖြစ်ပွားခဲ့တဲ့သတင်းနဲ့

10:55 - ဝဂ္ဂနာအကျပ်အတည်းက ယူကရိန်းစစ်ပွဲကြောင့် ရုရှားမှာအာဏာပြိုကွဲလာနေခြင်းကို ပြသနေကြောင်း အီးယူပြော တဲ့သတင်းအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးသွားမှာပါ။

https://youtu.be/H3Tv-VNhUag

#2pmnews
#Mizzimanewshour
#MizzimaTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍4❤2🔥1😁1
ယုဇနဥယျာဉ်မြို့တော်ရှိ ဆိုင်ခန်းများကို အင်အားသုံးဖယ်ရှားပြီးအသစ်‌ဆောက်လုပ်ကာ ပြန်လည်ရောင်းချ
🤬4❤2🔥2
ယုဇနဥယျာဉ်မြို့တော်ရှိ ဆိုင်ခန်းများကို အင်အားသုံးဖယ်ရှားပြီးအသစ်‌ဆောက်လုပ်ကာ ပြန်လည်ရောင်းချ
==================

ဂန္ဒမာ
(မဇ္ဈိမ)။ ။ ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ်၊ (၉၄) ရပ်ကွက်၊ ယုဇနဥယျာဉ်မြို့တော်ရှိ ဆိုင်ခန်းများကို စစ်ကောင်စီမှ အင်အားသုံးဖယ်ရှားပြီးနောက် ဆိုင်ခန်းအသစ်ဆောက်လုပ်ကာ ပြန်လည်ရောင်းချနေကြောင်း သိရသည်။

"အရင်က ဆိုင်ခန်းတွေက်ို ကျူးကျော်ဆိုပြီး ဖျက်ပစ်ပါတယ်။ ပြီးမှ အဲ့ဒီနေရာတွေကို ဆိုင်ခန်းအဖြစ် ၃၅သိန်းနဲ့ ပြန်ရောင်းပါတယ်။ လက်လုပ် လက်စားပြည်သူတွေက မဝယ်နိုင်ရင် သူတ်ို့နဲ့ပတ်သက်ရာ ပတ်သက်ကြောင်းကို ရောင်းပြီး ပြည်သူတွေကို ဆိုင်ခန်းပြန်ငှားစားပါတယ်" ဟု Dagon Seikkan PDF က မဇ္ဈိမ ကို ပြောသည်။

ဖယ်ရှားခံရသည့် ဆိုင်ခန်းများမှာ (၉၄) ရပ်ကွက်၊ ကံ့ကော်လမ်း၊ ကျွန်းရွှေဝါလမ်း၊ စိန်ပန်းလမ်း၊ ခရေလမ်းနှင့် အခြားသောလမ်းများမှ ဆိုင်ခန်းများဖြစ်ပြီး စစ်ကောင်စီတပ်မှ လုံခြုံရေးယူကာ လက်အောက်ခံအဖွဲ့အစည်းများက အင်အားသုံး၍ ဇွန်လ ၂၃ ရက်နေ့က ၂၄ နာရီအတွင်း ဖယ်ရှားခဲ့ကြောင်း သိရသည်။

ထို့ကြောင့် ဈေးဆိုင်ခန်းပိုင်ရှင်များနှင့် ဈေးဝယ်ယူနေသော ပြည်သူများအတွက် အခက်အခဲများစွာဖြစ်ရပြီး ယုဇနဥယျာဉ်မြို့တော်နေ ပြည်သူများအကြား ယခုကိစ္စမှာ ဝေဖန်မှုမြင့်တက်လျက်ရှိကြောင်း ကြားသိရသည်။

ယခင်ဆိုင်ခန်းများဖျက်သိမ်းပြီးနောက် ဆိုင်ခန်းအသစ်ပြန်လည်ဆောက်လုပ်၍ ရောင်းချမည်ဖြစ်သော အစီအစဉ်အား (၉၄) ရပ်ကွက် အုပ်ချုပ်ရေးမှူး ခင်မောင်ဇင်၊ အိမ်ယာကော်မတီ၊ အိုးအိမ်နှင့် စစ်တပ်မှ ကြိုးကိုင်ဆောင်ရွက်ခြင်းဖြစ်ကြောင်း သိရသည်။

ဖယ်ရှားခံရသည့်ဆိုင်ခန်းများနေရာတွင် ယခုအခါ အသစ်ပြန်လည်ဆောက်လုပ်ခြင်း၊ ရောင်းချခြင်း၊ ခွဲဝေခြင်း ကိစ္စရပ်များတွင် မည်သူမျှ ပါဝင်ပတ်သက်ခြင်းမပြုရန်နှင့် ဆက်လက်လုပ်ဆောင်ပါက ဒဂုံဆိပ်ကမ်းပြည်သူများကိုယ်စား Dagon Seikkan PDF မှ ထိရောက်စွာ အရေးယူဆောင်ရွက်မည့် အသိပေးမှုကို ဇွန်လ ၂၄ ရက်နေ့က ထုတ်ပြန်ကာ သတိပေးထားသည်။

စာတည်း - သန့်ဇော်(သန်လျင်)

#mizzima
#ယုဇနဥယျာဉ်မြို့တော်
#ဆိုင်ခန်း
#အင်အားသုံးဖယ်ရှား
#PDF
ဓာတ်ပုံ - Ne Kyaw (Facebook)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🤬4🔥2❤1😁1
This media is not supported in your browser
VIEW IN TELEGRAM
ရွေးကောက်ပွဲမှာ အပြတ်အသတ်အနိုင်ရရှိပြီးနောက် ဒုတိယမြောက် ရာထူးသက်တမ်းကို ဂရိဝန်ကြီးချုပ် မီဆိုတားကစ် စတင်

https://www.facebook.com/reel/962244495083501

#internationalnews #reels #shorts #Mizzima
🔥1
စစ်ကိုင်းတိုင်းတွင် စိုက်ခင်းများစိုက်ပျိုးပြီး စစ်ဘေးသင့်ပြည်
👍7🔥2😁1😢1
စစ်ကိုင်းတိုင်းတွင် စိုက်ခင်းများစိုက်ပျိုးပြီး စစ်ဘေးသင့်ပြည်သူများအား လှူဒါန်း
====================

KMN
(မဇ္စျိမ)။ ။စစ်ကိုင်းတိုင်း၊ ဒီပဲယင်းမြို့နယ်တွင် စိုက်ခင်းများစိုက်ပျိုးပြီး သီးနှံများကို စစ်ဘေးသင့် ပြည်သူ များအား လှူဒါန်းနေကြောင်း S&C မီးဘေးစစ်ဘေးပညာရေး ကူညီစောင့်ရှောက်ရေးအဖွဲ့မှတာဝန်ရှိသူက ပြောကြားသည်။

“တောင်သူတွေ မစိုက်ပျိုးနိုင်တဲ့စိုက်ခင်းတွေကို ကျွန်တော်တို့အဖွဲ့ကို မြေလှူထားတဲ့သဘောပါ။ လော လောဆယ် သုံးဧကရထားတယ်။ စိုက်ပျိုးထားတဲ့ သီးနှံတွေကိုတော့ ခူးဆွတ်ပြီး စလှူနေပါပြီ” ဟု ၎င်းက ဆိုသည်။

S&C အဖွဲ့သည် စိုက်ခင်းသုံးဧကတွင် အော်ဂဲနစ်သီးနှံများ စိုက်ပျိုးနိုင်ရန်စီစဉ်နေပြီး အခြား ရာသီပေါ် သီးနှံများလည်း စိုက်ပျိုးသွားရန်ရှိကြောင်း အဖွဲ့ဝင်များကပြောသည်။

လတ်တလောတွင် စိုက်ခင်းတခုမှ ကျောက်ဖရုံသီးများခူးဆွတ်ကာ စစ်ဘေးရှောင်များထံ စတင်ပို့ဆောင် နေကြောင်း သိရသည်။
S&C အဖွဲ့သည် ရွှေဘို၊ ဒီပဲယင်း၊ ယင်းမာပင် စသည့်မြို့နယ်များတွင် စစ်ဘေးရှောင်များအတွက် နေအိမ်၊ စာသင်ကျောင်းများတည်ဆောက်ခြင်းနှင့် အခမဲ့ဆေးပေးခန်းများအားဖွင့်လှစ်ကာကူညီနေသည့် အဖွဲ့ဖြစ် ပြီး ယခုလမှစတင်ကာ သီးနှံများလည်း စိုက်ပျိုးလှူဒါန်းသွားမည်ဖြစ်ကြောင်း သိရသည်။

Photo - S&C
စာတည်း။ ။စောဖေ
စာမူတည်းဖြတ်။ ။စောဖေ

#စစ်ကိုင်းတိုင်း
#စစ်ဘေးရှောင်
#S&Cအဖွဲ့
#mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍15❤2🔥1😁1