"ဝ" အဖွဲ့အပါအဝင် တိုင်းရင်းသားအဖွဲ့ (၃) ဖွဲ့နှင့် စစ်ကောင်စီ တို့ တွေ့ဆုံနိုင်ရေး ဆွေးနွေး

Watch more detail -
https://youtu.be/0vY5bDolqWM

#တိုင်းရင်းသားအဖွဲ့ (၃) ဖွဲ့#စစ်ကောင်စီ #တွေ့ဆုံနိုင်ရေး ဆွေးနွေး #VideoNews #shorts #reels

​​မြန်မာ့စီးပွားရေး တည်ငြိမ်လာသော်လည်း စီးပွားရေးလုပ်ငန်းများနှင့် အိမ်ထောင်စုများ ပြဿနာများနှင့် ရင်ဆိုင်နေရဟု ကမ္ဘာ့ဘဏ် ပြော
=====================

ယခုနှစ် ၂၀၂၃ ၏ ပထမနှစ်ဝက်တွင် မြန်မာ၏ စီးပွားရေး အခြေအနေတွင် တည်ငြိမ်မှု တချို့ ရှိသော်လည်း နိုင်ငံ၏ စီးပွားရေးလုပ်ငန်းများမှာ အမျိုးမျိုးသော အတားအဆီးများနှင့် ကြုံတွေ့နေကြရဆဲ ဖြစ်ကြောင်း ကမ္ဘာ့ဘဏ်၏ တစ်နှစ်နှစ်ကြိမ်ထုတ် မြန်မာ့စီးပွားရေးစောင့်ကြည့်မှုအစီရင်ခံစာ (၂၀၂၃ ဇွန်) တွင် ထုတ်ဖော်သည်။ ထို့ပြင် အိမ်ထောင်စုများ၏ ဝင်ငွေရရှိမှုသည် မခိုင်ခံ့ဘဲ ဆက်လက်အားနည်းနေဆဲ ဖြစ်သလို အာဏာသိမ်းစစ်ကောင်စီလက်အောက် မြန်မာတွင် စားနပ်ရိက္ခာ လုံခြုံမှုနှင့် ပတ်သက်ပြီး စိုးရိမ်ပူပန်မှုများ တိုးပွားလျက် ရှိကြောင်း ကမ္ဘာ့ဘဏ်၏ “မခိုင်ခံ့သော ပြန်လည်နာလန်ထူမှု- အလုပ်အကိုင်၊ ဝင်ငွေများနှင့် ကိုင်တွယ်ဖြေရှင်းမှု နည်းလမ်းများအပေါ် အထူးအာရုံစိုက်ခြင်း’ ဟု ခေါင်းစဉ်တပ်ထားသည့် အစီရင်ခံစာတွင် ဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရေးမြောက်ပိုင်း တိုက်ပွဲ စစ်ကောင်စီတပ်သား ၃၀ နီးပါးသေဆုံး၊ စစ်ကောင်စီအထိနာ၍ လေကြောင်းပစ်ကူသုံးတိုက်ခိုက်
=====================

ဂျူချန်း
(မဇ္ဈိမ)။ ။ မွန်ပြည်နယ်၊ ရေးမြို့နယ်မြောက်ပိုင်း အောင်သာယာကျေးရွာနှင့် ကနင်ကမော့ကျေးရွာအကြားတွင် ဖြစ်ပွားခဲ့သည့် နှစ်ရက်တာ တိုက်ပွဲအတွင်း စစ်ကောင်စီတပ်သား ၂၈ ဦးသေဆုံးခဲ့ပြီး စစ်ကောင်စီဘက်မှ အထိနာ၍ လေကြောင်းပစ်ကူသုံးတိုက်ခိုက်နေကြောင်း ကာကွယ်ရေးတပ်ဖွဲ့များထံက သိရသည်။

ဇွန်လ ၂၆ ရက်နေ့ ညနေ ၆နာရီခွဲဝန်းကျင်တွင် အောင်သာယာကျေးရွာနှင့် ကနင်ကမော့ကျေးရွာကြား ကင်းပုန်းဝတ်နေသည့် စစ်ကောင်စီတပ်ဖွဲ့အား ကျားဖြူစစ်ကြောင်း၊ ရေး ပြည်သူ့ကာကွယ်ရေးတပ်ဖွဲ့ နှင့် KNLA တပ်မဟာ(၆) တပ်ရင်း(၂၇) ပူးပေါင်းတပ်ဖွဲ့တို့ သွားရောက်တိုက်ခိုက်ခဲ့ခြင်းဖြစ်သည်။

ဇွန်လ ၂၇ ရက်နေ့ နံနက် ၇နာရီခန့်တွင်လည်း ထိုနေရာတွင် တိုက်ပွဲဆက်လက်ဖြစ်ပွားခဲ့ပြီး ထိုနေ့ နံနက် ၁၁ နာရီခွဲခန့်တွင် တိုက်ပွဲဖြစ်ပွားသည့် နေရာအနီးတဝိုက်ရှိ အောင်သပြေကျေးရွာ၊အောင်သာယာ ကျေးရွာနှင့် ကနင်ကမော့ကျေးရွာ အပြင်ဘက်ရှိ တောစပ်များတွင်ရဟတ်ယာဉ်နှစ်စီးဖြင့် လေကြောင်းပစ်ကူသုံး ပစ်ခတ်ခဲ့ကြောင်း သိရသည်။

“တစ်နေ့ညက နေရာတဝိုက်မှာပဲ။ မနက် ၇နာရီလောက်အထိ ဆက်ဖြစ်တာပါ။ ညမနက်ပေါင်း ၂၈ ယောက်။ ကင်ပုန်းဝပ်နေတာ ဘယ်တပ်ကလဲတော့ မသိဘူး အင်အားတော့များတယ်” ဟု ရေး ပ.က.ဖ တာဝန်ခံဗိုလ်ရန််နိုင်က မဇ္ဈိမ ကိုပြောသည်။

ထို ဇွန်လ ၂၇ ရက်နေ့ နံနက် ၁၀နာရီခန့်တွင်လည်း သံဖြူဇရပ်မှ ခြေလျင် ဆင်းလာသည့် စစ်ကောင်စီစစ်ကြောင်းကို ရေးမြို့ ဘေးလမိုင်းကျေးရွာအနီးတွင် ကာကွယ်ရေး ပူးပေါင်းတပ်ဖွဲ့များက ကြားဖြတ်တိုက်ခိုက်ခဲ့ရာ စစ်ကောင်စီတပ်သား သုံးဦး သေဆုံးခဲ့ကြောင်း တိုက်ခိုက်မှု လုပ်ဆောင်ခဲ့သည့် တောင်ညိုစစ်ကြောင်းမှ ရဲဘော်တစ်ဦးက ပြောသည်။

“ဖြတ်တောက်တိုက်တာ။ သုံးယောက်ကျပြီး အထိအခိုက် များတယ်ဗျ။ စပစ်ထဲက ချိန်ပစ်ထားတော့ သေချာတာတော့ ထိကိုထိမှာပဲ။ ကျနော်တို့ အဖွဲ့ကတော့ အထိခိုက်မရှိ ဆုတ်ခွာနိုင်ခဲ့တယ်” ဟု အဆိုပါရဲဘော်က ပြောသည်။

ထိုတိုက်ပွဲများအတွင်းတွင် စစ်ကောင်စီတပ်သား ၃၀နီးပါး သေဆုံးခဲ့ကြောင်း ကာကွယ်ရေးတပ်ဖွဲ့များ၏ သတင်းရင်းမြစ်များမှ အတည်ပြုထားသော်လည်း စစ်ကောင်စီ၏ ထိခိုက်ကျဆုံးမှုကို မဇ္ဈိမ အနေဖြင့် သီးခြားအတည်ပြုနိုင်ခြင်း မရှိပေ။

တိုက်ပွဲဖြစ်ပွားချိန်အတွင်း စစ်ကောင်စီ၏ နှစ်ကရင်ကျေးရွာအုပ်စု ၊ ဝယ်ဖယ်ကျေးရွာ အခြေစိုက် စစ်ကောင်စီ၏ အမြောက်တပ်မှ လက်နက်ကြီးပစ်ကူများလည်း ပစ်ခတ်ခဲ့ပြီး ကာကွယ်ရေးတပ်ဖွဲ့ဝင်နှစ်ဦး ဦးခေါင်း ရှပ်ထိဒဏ်ရာနှင့် ခြေထောက်ထိခိုက် (မစိုးရိမ်ရ) ဒဏ်ရာများ ရရှိခဲ့ကြောင်း ကျားဖြူစစ်ကြောင်းက ထုတ်ပြန်ထားသည်။

ပြီးခဲ့သည့် ဇွန်လ ၂၅ ရက်နေ့တွင် လည်း ရေးမြို့နယ်မြောက်ပိုင်းရှိ နှစ်ကရင်ကျေးရွာရဲစခန်တွင် တပ်စွဲထားသည့် စစ်ကောင်စီတပ်ကို ကျားဖြူစစ်ကြောင်းနှင့် KNLA တပ်ရင်း(၂၇)၊ PDF ပူးပေါင်းတပ်ဖွဲ့များ သွားရောက်တိုက်ခိုက်ခဲ့ရာ စစ်ကောင်စီတပ်သား ကိုးဦး သေဆုံးခဲ့ပြီး ထိုတိုက်ပွဲအပြီးတွင်လည်း စစ်ကောင်စီမှ ရဟတ်ယာဉ်နှစ်စီးဖြင့် နှစ်ကရင်ကျေးရွာအတွင်းသို့ လာရောက်ပစ်ခတ်ခဲ့သဖြင့် အမျိုးသမီးငယ်တစ်ဦးသေဆုံးခဲ့ရာ ကိုးနှစ်အရွယ်ကလေးငယ်တစ်ဦးအပါအဝင် အရပ်သားလေးဦး ထိခိုက်ဒဏ်ရာ ရရှိခဲ့ကြောင်း သိရသည်။

စာတည်း။ ။အောင်ကျော်ဖြိုး

#Mizzima
#၃၀ နီးပါးသေဆုံး
#လေကြောင်းပစ်ကူ
#ရေးမြောက်ပိုင်း တိုက်ပွဲ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အောင်ဇေယျတပ်ကုန်းရှိ စစ်ဆေးရေးဂိတ်တိုက်ခိုက်ခံရပြီး သစ်တောရဲသေဆုံး
======================

လွှမ်းမိုး
မဇ္ဈိမ ။ ။ စစ်ကိုင်းတိုင်း ၊ မုံရွာမြို့တစ်ဖက်ကမ်း၊ အောင်ဇေယျတပ်ကုန်းရှိ အနောက်ဘက် စစ်ဆေးရေးဂိတ်ကို ဒေသကာကွယ်ရေးတပ်ဖွဲ့များက ဇွန်လ ၂၈ ရက် နံနက် ၇ နာရီ အချိန်တွင် အလစ်အငိုက် ဝင်ရောက်ပစ်ခတ်တိုက်ခိုက်ခဲ့ကြောင်း ရိုးမဖိုက်တာ တပ်ဖွဲ့ထံက သိရသည်။

ထိုတိုက်ခိုက်မှူတွင် ဝိုင်းချစ်မိုးဆိုသည့် သစ်တောရဲ တစ်ဦးသေဆုံးခဲ့ပြီး စစ်သားတစ်ဦး ပြင်းထန်ဒဏ်ရာရရှိခဲ့ကြောင်း ရိုးမဖိုက်တာ တပ်ခွဲ(၃) မှ တပ်ခွဲမှူးက ပြောသည်။

“ စစ်ဆေးရေးဂိတ်က ခရီးသွားပြည်သူတွေအပေါ် မတရားငွေညှစ်တောင်းခံနေတဲ့ ဂိတ်တစ်ခုဖြစ်ပါတယ်။ ဒီမစ်ရှင်ကို ဆောင်ရွက်ဖို့ နှစ်လလောက် အချိန်ယူခဲ့ရတယ်။ ဂိတ်က ရဲနဲ့ စစ်သားတွေကို အနီးကပ်ပစ်ခဲ့ရတာဖြစ်ကါတယ်။ ရဲတစ်ဦးသေဆုံးတယ် တစ်ခြား စစ်သားတစ်ဦးကတော့ သေလောက်အောင်ပြင်းထန် ဒဏ်ရာရသွားတယ်” ဟု ၎င်း က ဆိုသည်။

အဆိုပါ တိုက်ခိုက်မှူကို ယင်းမာပင်ခရိုင် အမှတ် (၃၄) တပ်ရင်း( ရိုးမဖိုက်တာ) နှင့် ကိုမိုးကောင်း ဦးဆောင်သည့် ယင်းမာပင်ခရိုင် အမှတ် (၄) တပ်ရင်း တို့ ပူးပေါင်းတိုက်ခိုက်ခဲ့ပြီး ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း ရိုးမဖိုက်တာ တပ်ခွဲ(၃) မှ တပ်ခွဲမှူးက ပြောသည်။

တိုက်ခိုက်မှုဖြစ်ပွားပြီးနောက် အောင်ဇေယျတပ်ကုန်းမှ လက်နက်ကြီးများဖြင့် ရမ်းသန်း ပစ်ခတ်ကာ စစ်ဆေးရေးဂိတ်ကိုအင်အားတိုးချဲ့ထားပြီး ခရီးသွားပြည်သူများကို ဖမ်းဆီး စစ်ဆေးမှူများ ပြုလုပ်နေကြောင်း သိရသည်။

စာတည်း ။။ Alden
စာမူတည်းဖြတ်။ ။ အော်ကျော်ဖြိုး

#မုံရွာမြို့
#သစ်တောရဲ
#အောင်ဇေယျတပ်ကုန်း
#ရိုးမဖိုက်တာ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ထိုင်းရွေးကောက်ပွဲ၌ ကြားဝင်စွက်ဖက်ခဲ့သည်ဆိုသော ပြောဆိုချက်များအား အမေရိကန် သံအမတ်ကြီး ပယ်ချ
====================

မကြာသေးသော ထိုင်းရွေးကောက်ပွဲ၌ အမေရိကန်က ကြားဝင်စွက်ဖက်ခဲ့သည်ဆိုသော ပြောဆိုချက်များသည် ထိုင်းပြည်သူများအတွက် “အကျိုးမဲ့စေသော လုပ်ရပ်”ပဲ ဖြစ်သည်ဟု ထိုင်းနိုင်ငံဆိုင်ရာ အမေရိကန်သံအမတ်ကြီးက ပယ်ချသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရေးမြို့နယ် နှစ်ကရင်ကျေးရွာရဲစခန်းကို KNLA ပူးပေါင်းတပ်ဖွဲ့တိုက်ခိုက်မှု စကစတပ်ဖွဲ့ဝင် ၉ ဦး သေဆုံးဟုဆို
==================

YT
(မဇ္ဈိမ)။ ။မွန်ပြည်နယ်၊ ရေးမြို့နယ်၊ နှစ်ကရင်ကျေးရွာအတွင်းရှိ ရဲစခန်းကို ကရင်အမျိုးသားလွတ် မြောက်ရေးတပ်မတော် (KNLA)နှင့် PDF ပူးပေါင်းတပ်ဖွဲ့များက ဝင်ရောက်စီးနင်းတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ကိုးဦးသေဆုံးခဲ့ကြောင်း ကျားဖြူစစ်ကြောင်း (၂) ဒု- တပ်ရင်းမှူး စောဝင်းဇော်က မဇ္ဈိမကို ပြောသည်။

ပြီးခဲ့သည့် ဇွန်လ ၂၅ ရက်နေ့၊ မွန်းလွဲပိုင်းက နှစ်ကရင်ရဲစခန်းကို တပ်မဟာ (၆) KNLA တပ်ရင်း (၂၇)၊ PDF ပူးပေါင်းတပ်ဖွဲ့များက ဝင်ရောက်တိုက်ခိုက်ခဲ့ခြင်းဖြစ်ပြီး တိုက်ပွဲဖြစ်ပွားချိန်နှစ်နာရီကျော်အတွင်း စစ်ကောင်စီတပ်သား ကိုးဦးသေဆုံးပြီး တစ်ဦးထိခိုက်ဒဏ်ရာရခဲ့ကြောင်း ဆိုသည်။

“သူတို့ရဲ့သေဆုံးစာရင်းက ဒေသခံတွေရဲ့ပြောပြချက်အရ ကျွန်တော်တို့သိရတာဖြစ်ပါတယ်” ဟု ကျားဖြူ စစ်ကြောင်း (၂) ဒု-ရင်းမှူး စောဝင်းဇော်က မဇ္ဈိမကို အတည်ပြု ပြောကြားသည်။

အဆိုပါရဲစခန်းအတွင်း၌ စစ်ကောင်စီလက်အောက်ခံ ရဲများမရှိသော်လည်း ရေးမြို့နယ်အတွင်း စစ်ရေး လှုပ်ရှားနေသည့် အင်အား ၃၀ ဝန်းကျင်ရှိသော စစ်ကောင်စီတပ်စစ်ကြောင်းက အထိုင်ချနေသဖြင့် ဝင်ရောက်တိုက်ခိုက်ခဲ့ခြင်းဖြစ်ကြောင်း KNLA ပူးပေါင်းတပ်ဖွဲ့က ပြောသည်။

တိုက်ခိုက်မှုအတွင်း စစ်ကောင်စီတပ်သားများ ထိခိုက်သေဆုံးမှု အရေအတွက်နှင့် ပတ်သက်ပြီး မဇ္ဈိမ အနေဖြင့် သီးခြားအတည်ပြုချက် မရသေးပေ။

ရဲစခန်း တိုက်ခိုက်ခံရမှုအပြီးတွင် စစ်ကောင်စီတပ်က Mi 35 ရဟတ်စဉ်နှစ်စင်းဖြင့် နှစ်ကရင်ကျေးရွာကို လေကြောင်းမှ ဗုံးကြဲတိုက်ခိုက်မှု ပြုလုပ်ခဲ့ကြောင်း သိရသည်။

အဆိုပါ လေကြောင်းတိုက်ခိုက်မှုနှင့် အမတ(၃၁၇) အမြောက်တပ်မှ လက်နက်ကြီးဖြင့် ပစ်ခတ်မှုတို့ ကြောင့် နှစ်ကရင်ကျေးရွာမှ အရပ်သားသုံးဦး သေဆုံးခဲ့ကြောင်း ဒေသခံများက ပြောသည်။
ထိခိုက်ဒဏ်ရာရသူ ခြောက်ဦးဝန်းကျင်ရှိပြီး လက်ရှိမှာ ဒဏ်ရာရရှိထားသူများမှာ လမိုင်းမြို့ဆေးရုံတွင် ဆေးကုသမှုခံယူနေကြကြောင်း သိရသည်။

“ဒေသခံက လက်ရှိ သုံးယောက်သေတယ်လို့ လက်ရှိသိထားရတယ်၊ ထိခိုက် ဒဏ်ရာရတာကတော့ လေး၊ ငါး၊ ခြောက်ယောက်လောက်ရှိတယ်ဗျ၊ သူတို့က ရွာတွေထဲကို ရမ်းသန်းပစ်ခတ်လို့ ထိခိုက်ဒဏ်ရာရတာ တွေ ရှိတယ်၊ ထိခိုက်ပျက်စီးတဲ့ အိမ်တွေလည်းများတယ်ဗျ” ဟု ကျားဖြူစစ်ကြောင်း (၂) ဒု-ရင်းမှူး စောဝင်းဇော်က ပြောသည်။

ပြီးခဲ့သည့် ဇွန်လ၂၄ ရက်နေ့ ညပိုင်းကလည်း အရှေ့တောင်တိုင်းစစ်ဌာနချုပ်လက်အောက်ခံ ၊ ခလရ (၂၇၅) မှ ပစ်ခတ်သော လက်နက်ကြီးကျည်ထိမှန်ပြီး မြဝတီမြို့၊ ကျောက်မိုင်း (ကျောက်တောင်) ဒေသမှ ဒေသခံလေးဦး ထိခိုက်ဒဏ်ရာရခဲ့ကာ ဒေသခံနေအိမ်အချို့လည်း ထိခိုက်ပျက်စီးမှုများ ရှိခဲ့ကြောင်း သိရသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ရေးမြို့
#နှစ်ကရင်ရွာရဲစခန်း
#KNLAPDF
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဟောင်ကောင်က အထပ်မြင့်မိုးမျှော်သင်္ချိုင်း

https://www.facebook.com/reel/809480000476055

#International #MizzimaTV #HongKong #Reels #shorts

KNU တပ်မဟာ (၅) မျိုးဆက်သစ်ကျောင်းအား စစ်ကောင်စီ လေကြောင်းမှ တိုက်ခိုက်
=======================

YT
မဇ္ဈိမ။ ။ ကရင်ပြည်နယ်၊ ဖာပွန်ခရိုင် (မူတြော်ခရိုင်)၊ ကရင်အမျိုးသားအစည်းအရုံး (KNU) တပ်မဟာ (၅) နယ်မြေအတွင်းရှိ မျိုးဆက်သစ် စာသင်ကျောင်းပရဝဏ်အတွင်းသို့ စစ်ကောင်စီက လေကြောင်းတိုက်ခိုက်မှုပြုလုပ်ခဲ့ရာ ထိခိုက်ပျက်စီးမှု များရှိကြောင်း KNU တပ်မဟာ (၅) ပြောရေးဆိုခွင့်ရှိသူ ဒုဗိုလ်မှူးကြီး စောကလယ်ဒို့ထံက သိရသည်။

ယမန်နေ့၊ ဇွန်လ ၂၇ ရက်နေ့၊ နံနက် ၇ နာရီ ၁၅ မိနစ်အချိန်တွင် လူသောမြိို့နယ်၊ ပေးကေးဒဲကျေးရွာအုပ်စု၊ ထော့ထီးပယ်ကျေးရွာအတွင်းရှိ မျိုးဆက်သစ်ကျောင်း ပရဝဏ်အတွင်းသို့ စစ်ကောင်စီက ဂျက်လေယာဉ် နှစ်စင်းကို အသုံးပြု၍ ဗုံးကြဲတိုက်ခိုက်ခဲ့ခြင်းဖြစ်သည်။

" စစ်တိုက်လေယာဥ် နှစ်စင်းနဲ့ ဗုံးလာကြဲသွားခဲ့ပါတယ်။ ကျောင်းခန်းမ တစ်ဆောင်အပါအဝင် အိမ်ခြေအဆောက်အအုံ ငါးလုံးပြင်မရအောင် ပျက်စီးခဲ့ပြီး ခုနစ်လုံး အမိုးအကာအချို့ပျက်စီးခဲ့ပါတယ်" ဟု KNU တပ်မဟာ (၅) ပြောရေးဆိုခွင့်ရှိသူ ဒုဗိုလ်မှူးကြီး စောကလယ်ဒို့က မဇ္ဈိမကိုပြောသည်။

ဗုံးကြဲတိုက်ခိုက်ခံရမှုကြောင့် စာသင်ကျောင်း၏ ကျောင်းခန်းမအဆောက်အအုံတစ်ခုနှင့် အနီးအနားရှိ အဆောက်အအုံငါးခု ပြင်မရသည်အထိ ကြေမွပျက်စီးခဲ့ရကြောင်းနှင့် အခြား အဆောက်အအုံ ခုနစ်ခု ဗုံးစထိမှန်၍ အနည်းငယ် ထိခိုက်ပျက်စီးခဲ့ကြောင်း သိရသည်။

ဗုံးကြဲတိုက်ခိုက်ခံရမှုကြောင့် အဆောက်အအုံ ပျက်စီးမှုများသော်လည်း လူသူထိခိုက်မှု မရှိခဲ့သည့်အကြောင်း ဒုဗိုလ်မှူးကြီး စောကလယ်ဒို့ထံက သိရသည်။

" လူထိခိုက်ဒဏ်ရာရမှု တစ်ယောက်မှမရှိဘူး။ ဘာဖြစ်လို့လဲဆိုရင် ထော့ထီးပယ်ရွာကို စစ်ကောင်စီက လေယာဥ်နဲ့ လာပစ်တာ အခုအကြိမ်ပါ အပါဆိုရင် သုံးခါရှိပြီ။ ပထမ တစ်ခါပစ်တာ ရွာအပြင်မှာ ကျပြီး ထိခိုက်မှုဘာမှမရှိဘူး။ အဲ့ဒီအချိန်ကနေစပြီး ရွာသားတွေက ရွာထဲမှာ မနေတော့ဘဲ အခြားနေရာကိုရွှေ့နေကြတာ။ နေ့လည်နေ့ခင်းမှာ သန်မာဖြတ်လတ်တဲ့လူလောက်ပဲ ပြန်လာကြတယ်။ ဒါကြောင့် အဆောက်အအုံပဲ ထိခိုက်ပျက်စီးပြီးလူထိခိုက်မှု မရှိရခြင်းဖြစ်တယ်" ဟု ဆိုသည်။

ပြီးခဲ့သည့် ၂၀၂၃ ခုနှစ်၊ ဖေဖော်ဝါရီလ ၁၄ ရက်နေ့ကလည်း စစ်ကောင်စီတပ်၏ လေကြောင်းမှ ဗုံးကြဲတိုက်ခိုက်ခံရမှုကြောင့် မျိုးဆက်သစ်ကျောင်း အဆောက်အအုံအချို့ မီးလောင်ပြာကျခဲ့ရသေးသော်လည်း ယခုအကြိမ် လေကြောင်းတိုက်ခိုက်ခံရမှုတွင် ပျက်စီးမှု ပိုများကြောင်း ဒုဗိုလ်မှူးကြီး စောကလယ်ဒို့ထံက သိရသည်။

စစ်ကောင်စီသည် ထော့ထီးပယ်ကျေးရွာအား ၂၀၂၃ ခုနှစ်၊ ဖေဖော်ဝါရီလ ၁၄ ရက်နေ့နှင့် ဖေဖော်ဝါရီလ ၁၅ ရက်နေ့တို့တွင် တိုက်လေယာဉ်သုံးစင်းဖြင့် လေကြောင်းတိုက်ခိုက်မှုပြုလုပ်ခဲ့သေးပြီး အဆိုပါ လေကြောင်းတိုက်ခိုက်မှုများကြောင့် မျိုးဆက်သစ်စာသင်ကျောင်း အဆောက်အအုံအချို့အပါအဝင် ကျေးရွာအတွင်းရှိ အခြားစာသင်ကျောင်းတစ်ကျောင်းနှင့် ဒေသခံနေအိမ် ၁၂ လုံး မီးလောင်ပြာကျခဲ့ရကြောင်း သိရသည်။

တပ်မဟာ (၅) နယ်မြေရှိ မျိုးဆက်သစ်ကျောင်းသည် ကရင့်ပညာရေးနှင့် ယဉ်ကျေးမှုဌာန (KECD) လက်အောက်ရှိ အထက်တန်းကျောင်းတစ်ကျောင်းဖြစ်ပြီး နှစ်နှစ်လျှင်တစ်ကြိမ် ဖွင့်လှစ်ကြောင်း သိရသည်။

ပြီးခဲ့သည့် ၂၀၂၂ ခုနှစ်တွင် ကိုးကြိမ်မြောက် ပညာသင်နှစ် ဖွင့်လှစ်နိုင်ခဲ့ပြီး KNU တပ်မဟာ (၁) သထုံခရိုင်၊ KNU တပ်မဟာ (၂) တောင်ငူခရိုင်၊ KNU တပ်မဟာ (၃) ညောင်လေးပင်ခရိုင်၊ KNU တပ်မဟာ (၅) မူတြော်ခရိုင်တို့မှ ကျောင်းသူ၊ကျောင်းသားဦးရေ ၁၀၀ ဝန်းကျင် တက်ရောက်ပညာသင်ယူနိုင်ခဲ့သည်။

စာတည်း။ ။အောင်ကျော်ဖြိုး

# မျိုးဆက်သစ်ကျောင်း
#KNU တပ်မဟာ (၅)
#လေကြောင်းမှ တိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရေးမြို့နယ်တွင် စကခ (၁၉) လှည့်ကင်းအား ရေးဘီလူးအဖွဲ့ ပစ်ခတ်
===================

ဂျူချန်း
မဇ္ဈိမ။ ။မွန်ပြည်နယ်၊ ရေးမြို့နယ်၊ ကလော့ကြီးကျေးရွာတွင် အမှတ်(၁၉) စစ်ဆင်ရေးကွပ်ကဲမှုဌာနချုပ် မှထွက်လာသည့် လှည့်ကင်းယာဉ်ကို ယနေ့ ဇွန်လ ၂၈ ရက်နေ့ နံနက် ၈ နာရီခွဲက ရေးဘီလူးအဖွဲ့မှ ပစ်ခတ်တိုက်ခိုက်ခဲ့ကြောင်း သိရသည်။

စစ်ကောင်စီတပ်သား ၁၅ ဦးလိုက်ပါလာသည့် ကင်းလှည့်ယာဉ်ကို ပစ်ခတ်ခဲ့ရာ စစ်ကောင်စီတပ်သား ငါးဦးသေဆုံးပြီး ထိခိုက်ဒဏ်ရာရသူများလည်းရှိကြောင်း ရေးဘီလူးအဖွဲ့ ခေါင်းဆောင်ကဆိုသည်။
“ကလော့ကြီးရွာထိပ်မှာ ဝင်ပစ်တာ။ ကျောင်းကားမလာခင် နယ်မြေရှင်းလင်းတဲ့ပုံစံမျိုးနဲ့ ရွာထဲကို ရှေ့ပွိုင့်ကားနဲ့လာတာ။ အဲ့ဒီပွိုင့်ကားကိုပစ်တာ။ ကားထဲမှာ ငါးယောက်ကျတယ်။ ကားထဲမှာ ၁၅ ယောက် လောက်ပါတယ်။ ဒဏ်ရာရလည်း ရှိမယ်။ ဒဏ်ရာရကိုတော့ ကျနော်တို့ ကောင်းကောင်း အတည်မပြု နိုင်ဘူး” ဟု ရေးဘီလူးအဖွဲ့ခေါင်းဆောင်က မဇ္ဈိမသို့ပြောသည်။

စစ်တပ်ကျောင်းကြိုပို့သည့် ကျောင်းကားမလာခင် လုံခြုံရေးလမ်းရှင်းသည့်အနေအဖြစ် ကင်းလှည့်လေ့ ရှိပြီး အဆိုပါကင်းလှည့်သည့်ကားပေါ်တွင်ပါသည့် စစ်ကောင်စီတပ်သားများကို ပစ်ခတ်ခဲ့ခြင်းဖြစ်ရာ အရပ်သား နှင့် ကလေး ထိခိုက်မှုမရှိကြောင်း ဆိုသည်။
ရေးဘီလူးအဖွဲ့အနေဖြင့် စစ်ရေးအရှိန်မြှင့်တင်မည်ဟုပြောဆိုပြီးသည့်နောက် စစ်ဆင်ရေးများ ဆက် တိုက်လုပ်ဆောင်လာရာ ပြီးခဲ့သည့် ဇွန်လ ၂၂ ရက်နေ့က ကလော့ကြီးကျေးရွာနှင့် ကပ်လျှက် ချောင်း တောင်ကျေးရွာရှိ ချောင်းတောင်တံတား စစ်ဆေးရေးဂိတ်ကိုလည်း သွားရောက်ပစ်ခတ်ခဲ့သေးသည်။

စာတည်း ။ ။ Alden
စာမူတည်းဖြတ်။ ။စောဖေ

#ရေးမြို့
#စကခ(၁၉)
#လှည့်ကင်းကား
#ရေးဘီလူး
Photo - ရေးဘီလူးအဖွဲ့(ပုံဟောင်း)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဝက်လက်မြို့နယ် ငါးပါတ်ချောင်းကျေးရွာကို စစ်ကောင်စီတပ်က ရွာလုံးကျွတ်နီးပါး မီးရှို့
========================

လွှမ်းမိုး
(မဇ္ဈိမ)။ ။စစ်ကိုင်းတိုင်း၊ ဝက်လက်မြို့နယ်အရှေ့ခြမ်း ဧရာဝတီမြစ်ကမ်းဘေးရှိ ငါးပါတ်ချောင်းကျေးရွာကို စစ်ကောင်စီတပ်က ဇွန်လ ၂၇ ရက်နေ့ မွန်းလွဲ ၂ နာရီခန့်တွင် ဝင်ရောက်မီးရှို့ခဲ့ရာ ရွာလုံးကျွတ်နီးပါး မီးလောင်ပျက်စီးခဲ့ရကြောင်း သိရသည်။

အိမ်ခြေ ၂၀၀ ခန့်ရှိသည့် ငါးပါတ်ချောင်းကျေးရွာကို ကျောက်မြောင်းတွင် အထိုင်ချတပ်စွဲနေသည့် စစ်ကောင်စီတပ်က အင်အား ၆၀ ခန့်ဖြင့် မြစ်ကြောင်းအတိုင်းစုန်ဆင်းလာပြီး ဝင်ရောက်မီးရှို့ခဲ့ခြင်းဟု ဒေသခံကပြောသည်။

“ အင်အား ၆၀ လောက်နဲ့ ရွာထဲကိုဝင်ပြီး သုံးနာရီလောက်ကြာအောင် မီးရှို့သွားတာ ဖြစ်ပါတယ်။ အိမ်ခြေ ၁၅၀ လောက် မီးလောင် ပြာကျသွားတယ်။ အခုမှ ရွာထဲဝင်ပြီး သန့်ရှင်းရေးလုပ်နေရတာ” ဟု လုံခြုံရေး အရ အမည်မဖော်လိုသည့် ဒေသခံတဦးက ဆိုသည်။

ဇွန်လ ၂၇ ရက်နေ့တွင် စစ်ကြောင်းဝင်လာ၍ စစ်ဘေးပြီးရွာသို့ပြန်ရောက်ချိန်တွင် တရွာလုံးနီးပါး မီးလောင်ပြင်ဖြစ်နေသည်ကို မြင်တွေ့လိုက်ရခြင်းဟုလည်း စစ်ဘေး၊ မီးဘေးသင့် ဒေသခံတဦးက ပြောသည်။

“ အိမ်ထောင်သက် အနှစ် ၃၀ လုံးလုံး မစားရက်မသောက်ရက်စုဆောင်းပြီး အိမ်လေးတလုံးဖြစ်ဖို့တည် ဆောက်ခဲ့ရတာ။ ပြတင်းပေါက်ကလေးတောင် မတတ်နိုင်သေးဘူး။ အခုတောင် တခြားရွာက ထောက်ပံ့ တာလေးတွေနဲ့ ထမင်းချက်ကျွေးနေလို့စားနေရတာပါ။ ရှေ့ဆက် ဘယ်လိုအသက်ရှင်ရမှန်းတောင် မသိ တော့ဘူး” ဟု ၎င်းကဆိုသည်။

ဝက်လက်မြို့နယ် ငါးပါတ်ချောင်းကျေးရွာရှိ ဒေသခံပြည်သူများမှာ တောင်ယာလုပ်ငန်း အဓိကလုပ်ကိုင် အသက်မွေးဝမ်းကြောင်းပြုကြသူများဖြစ်ပြီး အိမ်ထောင်စု ၂၀၀ ဝန်းကျင် နေထိုင်ကြသည်။
ယခုအခါ ရွာလုံးကျွတ်နီးပါးမီးရှို့ခံရသဖြင့် စားဝတ်နေရေးအတွက် အခက်အခဲများစွာ ဖြစ်ပေါ်နေကြောင်း လည်း ဒေသခံများကဆိုကြသည်။

စာတည်း ။ ။ Alden
စာမူတည်းဖြတ်။ ။စောဖေ

#ဝက်လက်မြို့နယ်
#ရွာလုံးကျွတ်မီးရှို့
#ငါးပါတ်ချောင်းရွာ
#စစ်ကောင်စီတပ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇွန်လ (၂၈)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
========================

01:05 - စစ်ကောင်စီရဲ့ ဖိအားပေးမှုကြောင့် ငွေချေးလုပ်ငန်း Pact Myanmar က ကြွေးမြီဒေါ်လာသန်း ၁၅၀ ကျော်ကိုလျှော်ပစ်ပြီး လုပ်ငန်းပိတ်သိမ်းတဲ့သတင်း

03:01 - ပဋိပက္ခဒဏ်ကို ခံစားရတဲ့ ကလေးသူငယ်အရေအတွက် ပိုများလာနေကြောင်း ကုလပြောတဲ့သတင်း

06:43 - ရေးမြောက်ပိုင်း တိုက်ပွဲမှာ စစ်ကောင်စီတပ်သား ၃၀ နီးပါးသေဆုံးပြီး စစ်ကောင်စီအထိနာနေလို့ လေကြောင်းသုံးတိုက်ခိုက်တဲ့သတင်း

08:10 - မုံရွာ ကညနရုံး တိုက်ခိုက်မှု စစ်ကောင်စီတပ်ဖွဲ့ဝင် ၁၅ ဦး သေဆုံးတယ်လို့ CAF ပြောတဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/94NzwoE3Nds

#2pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ပဋိပက္ခဒဏ်ကို ခံစားရတဲ့ ကလေးသူငယ်အရေအတွက် ပိုများလာနေကြောင်း ကုလထုတ်ပြန်
=========================

၂၀၂၂ ခုနှစ်ထဲမှာ ပဋိပက္ခတွေ‌ရဲ့ ဒဏ်ကို ဝမ်းနည်းဖွယ် ခံစားရတဲ့ ကလေးသူငယ်အရေအတွက်က ပိုများလာတယ်လို့ ကလေးသူငယ်များနဲ့ လက်နက်ကိုင်ပဋိပက္ခဆိုင်ရာ ကုလသမဂ္ဂ ထွေထွေအတွင်းရေးမှူးချုပ်ရဲ့ နှစ်ပတ်လည် အစီရင်ခံစာထုတ်ပြန်ချက်အရသိရပါတယ်။

ရှည်လျားတဲ့ လက်နက်ကိုင် ပဋိပက္ခအသစ်တွေဟာ ၂၀၂၂ ခုနှစ်ထဲမှာလည်း ဆက်လက်ပြင်းထန်လာခဲ့လို့ ဖြစ်ရပ် ၂၄ ခုနဲ့ စောင့်ကြည့်ရေးအစီအစဉ်တစ်ခုမှာ ရန်လိုမှုတွေကြောင့် ထိခိုက်ခဲ့ရတဲ့ ကလေး ဦးရေက ၁၉,၀၀၀ နီးပါး အရေအတွက်နဲ့ တုန်လှုပ်ချောက်ချား ဖွယ် မြင့်မားနေဆဲဖြစ်တယ်လို့ ကုလ အစီအရင်ခံစာမှာ ဖော်ပြထားပါတယ်။

၂၀၂၂ ခုနှစ်ထဲမှာ ကလေးသူငယ် သတ်ဖြတ်ခံရတဲ့၊ ဒါမှမဟုတ် ပြင်းပြင်းထန်ထန် ထိခိုက်ဒဏ်ရာရခဲ့တဲ့ အရေအတွက်က ၈,၆၃၀ ကျော် ရှိကြောင်း ကုလသမဂ္ဂက စိစစ်နိုင်ခဲ့ပြီး ဒါဟာ ၂၀၂၁ ခုနှစ်နဲ့ နှိုင်းယှဉ်ရင် ၅ ရာခိုင်နှုန်း တိုးလာခဲ့ပါတယ်။

အသက်သေဆုံး၊ ထိခိုက်ဒဏ်ရာရခဲ့တဲ့ ကလေးသူငယ်တွေရဲ့ ၂၅ ရာခိုင်နှုန်းကျော်ဟာ မြေမြှုပ်မိုင်းတွေ အပါအဝင် ပေါက်ကွဲစေတတ်တဲ့ လက်နက်တွေ အသုံးပြုခြင်းကြောင့် ဖြစ်ပါတယ်။

ကလေးသူငယ်တွေ ထိခိုက်ခဲ့ရတဲ့ စာသင်ကျောင်းတွေနဲ့ ဆေးရုံတွေ တိုက်ခိုက်ခံရမှု ဖြစ်ရပ် ၁၁၀ % အထိ တိုးလာပြီး ဒီလို အဓိက ဖြစ်နေတဲ့ နိုင်ငံတွေထဲမှာ မြန်မာနိုင်ငံလည်း ပါဝင်နေပါတယ်။
မြန်မာ အပါအဝင် ယူကရိန်း၊ အစ္စရေး၊ ပါလက်စတိုင်း၊ အာဖဂန်နစ္စတန်၊ ဘူကီနာဖာဆိုနဲ့ မာလီနိုင်ငံတွေမှာ ကျောင်းနဲ့ ဆေးရုံ တိုက်ခိုက်ခံရမှု ၁,၈၄၃ အထိ ဖြစ်ခဲ့ကြောင်း အတည်ပြုနိုင်ခဲ့တယ်လို့ ဆိုပါတယ်။

https://youtu.be/W3-rk_QCGUM

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U