Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​ကာကွယ်ရေးပူးပေါင်းအဖွဲ့ဖမ်းမိထားသည့် ရဲတပ်ကြပ် သေနတ်လုထွက်ပြေး၍ ပစ်ခတ်ခံရပြီး သေဆုံး
=====================

ကိုရွှေမြိတ်
မဲဆောက်(မဇ္ဈိမ) ။ ။ တနင်္သာရီတိုင်း၊ ရေဖြူ - ကလိန်အောင် လမ်းပိုင်းတစ်နေရာတွင် ခရီးသည်တင်ကားနှင့် လိုက်ပါလာသည့် ရဲတပ်ကြပ်ကို ကာကွယ်ရေးပူးပေါင်းအဖွဲ့က ဖမ်းမိထားစဉ် သေနတ်လု၍ထွက်ပြေး ခုခံသဖြင့် ပစ်ခတ်ဖမ်းဆီးရာ သေဆုံးသွားသည်ဟု သိရသည်။

“သူ့ကို ဖမ်းမိထားချိန် တာဝန်အရ စစ်ဆေးဖို့ ပြုလုပ်နေချိန်မှာ သေနတ်လုပြီး ထွက်ပြေးလို့ ကျည်ထိမှန် သေဆုံးသွားတာ ဖြစ်တယ်”ဟု ကာကွယ်ရေးပူးပေါင်းအဖွဲ့တစ်ခုဖြစ်သည့် ကစယ်ဒိုဖယ်ဒရယ်စစ်ကြောင်းမှ ရဲဘော်တစ်ဦးက ပြောသည်။

ကာကွယ်ရေးပူးပေါင်းတပ်ဖွဲ့ဝင်များက စစ်ဆေးမှုပြုလုပ်နေသည့် လမ်းပိုင်းတွင် ဇူလိုင်လ ၂ ရက် နေ့လယ် ၂ နာရီ အချိန်ခန့်က ရဲတပ်ကြပ်ကြီး ဦးဇော်မင်းဦး ဆိုသူသည် ခရီးသည်တင်ကားဖြင့် စီးနင်းလိုက်ပါလာစဉ် ဖမ်းဆီးမိခြင်းဖြစ်သည်ဟု ၎င်းက‌ ပြောသည်။
အသက် ၄၀ နှစ်ခန့်ရှိ ရဲတပ်ကြပ်ကြီး ဦးဇော်မင်းဦးသည်၊ ပဲခူးတိုင်း ၊ လက်ပံတန်းမြို့နယ်မှ ဖြစ်ပြီး အခုနှစ် ဇန်နဝါရီလတွင် ရေဖြူရဲစခန်းသို့ ပြောင်းရွှေ့တာဝန် ထမ်းဆောင်နေသူ တစ်ဦး ဖြစ်သည်ဟု သိရသည်။

“ရေဖြူ ရဲစခန်းကို ပြောင်းလာတာ သိပ်မကြာသေးဘူးလို့ ပြောတယ်။ သူက အခုနှစ် ဇန်နဝါရီလကမှ ရောက်လာတယ်။ အခုဆို သူရောက်လာတာ ခြောက်လလောက်ပဲ ရှိသေးတယ်”ဟု မဟာမိတ်ပူးပေါင်းအဖွဲ့မှ တာဝန်ရှိသူတစ်ဦးက ပြောသည်။

ထားဝယ်-ရန်ကုန် ကားလမ်းမပေါ်က နယ်မြေ စိုးမိုးနိုင်ရန် စစ်ဆေးမှုများကို ကံပေါက် ကာကွယ်ရေးတပ်ဖွဲ့ (KBDF)၊ ထားဝယ်ပြည်သူ့လွတ်မြောက်ရေးတပ်ဖွဲ့ (TPLF)၊ ထားဝယ်ခရိုင် ပြည်သူ့ ကာကွယ်ရေးတပ်မတော် (T1)၊ ဝေဟင် ပြည်သူ့ကာကွယ်ရေးအဖွဲ့ (ပကဖ)၊ ဇင်ယော် ပြည်သူ့ကာကွယ်ရေးအဖွဲ့ (ပကဖ)၊ တနင်္သာရီတိုင်း ပြည်သူ့ ကာကွယ်ရေးတပ်ဖွဲ့ (TPDF)၊ ရေဖြူအလယ်ပိုင်း ပြည်သူ့ကာကွယ်ရေးအဖွဲ့ (ပကဖ)၊ ထားဝယ်အမျိုးသား လွတ်မြောက်ရေးတပ်တော် (DNLA) အဖွဲ့တို့က ပူးပေါင်းလုပ်ဆောင်နေကြောင်း သိရ သည်။

အဆိုပါ စစ်ဆေးမှုကို ဇူလိုင်လ ၂ ရက် မှ စတင်ကာ ပြုလုပ်နေခြင်း ဖြစ်သည်ဟု ဆိုသည်။

စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး
#တနင်္သာရီတိုင်း
#ရေဖြူမြို့နယ်
#ရဲတပ်ကြပ်
#ဖမ်းဆီးစစ်ဆေး

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍19😁1🥴1
​​“မိုခါ” မုန်တိုင်းပြီးနောက် ကိုယ်ဝန်ဆောင် သောင်းနှင့်ချီ ကျန်းမာရေးစောင့်ရှောက်မှုမရရှိဘဲ အခက်ကြုံနေ
======================

ရွှေနွယ်
(မဇ္ဈိမ)။ ။ ရခိုင်ပြည်နယ်အတွင်းတွင် အင်အားပြင်း “မိုခါ” ဆိုင်ကလုန်းမုန်တိုင်းဝင်ရောက်ပြီးနောက် နေအိမ်၊ ဆေးရုံ၊ ဆေးပေးခန်းများ ပျက်စီးမှုနှင့်အတူ စီးပွားရေးကျပ်တည်းလာမှုများကြောင့် ကျန်းမာရေးစောင့်ရှောက်မှု ကောင်းမွန်စွာမရရှိနေသည့် ကိုယ်ဝန်ဆောင်အရေအတွက်မှာ သောင်းနှင့်ချီရှိနေသည်ဟု အရပ်ဖက်အဖွဲ့အစည်းအချို့နှင့် ရခိုင်ပြည်နယ်အတွင်းမှ အမျိုးသမီးအရေးလုပ်ကိုင်ဆောင်ရွက်နေသူများ၏ ပြောဆိုချက်အရသိရသည်။

မုန်တိုင်းကြောင့် နေအိမ်ပျက်စီးမှုများ ကြီးမားစွာဖြစ်ပေါ်ခဲ့သည့်အတွက် အမိုးအကာအောက် ပြန်လည်ရောက်ရှိရေးနှင့်အတူ စားဝတ်နေရေးအဆင်ပြေရန် ကြိုးပမ်းရသည်များ ရှိလာသည့်အခါ မိသားစုများမှာ ကိုယ်ဝန်ဆောင်ကျန်းမာရေးကို ဂရုမစိုက်နိုင်ကြသကဲ့သို့ ကျေးလက်ဒေသများတွင် တိုက်နယ်ဆေးရုံများ ဆေးပေးခန်းများ ပျက်စီးသွားသည့်အတွက် ကျန်းမာရေးစောင့်ရှောက်မှုများရရှိရန် အခက်အခဲများလည်းများစွာရှိနေကြောင်း သိရသည်။

“နယ်တွေရွာတွေဘက်ကတော့ ကိုယ်ဝန်ဆောင်သည်တွေ ဓာတ်မှန်ရိုက်တာ မွေးဖွားတာတွေက နီးစပ်ရာမြို့ကြီးတွေက ဆေးရုံကြီးတွေကို လာကြရတယ်လေ၊ စစ်တွေတို့ ကျောက်တော်တို့လိုမျိုး မြို့တွေဆီကိိုပေါ့။ အခုကျ စီးပွားကျပ်တည်းသွားကြတယ်။ စားဝတ်နေရေးအဆင်ပြေဖို့နဲ့ အမိုးအကာအောက်ပြန်ရောက်ဖို့ အိမ်ပြန်ဆောက်နိုင်ဖို့ကို မိသားစုတိုင်းက ဦးတည်နေကြရတယ်။ ဆိုတော့ အခုလာစရာ စရိတ်မရှိလို့ မလာနိုင်ကြတော့တာတွေလည်း အများကြီးရှိတယ်။ တိုက်နယ်ဆေးရုံတွေလည်း ပျက်စီးသွားတာတွေ ကျန်းမာရေးစောင့်ရှောက်မှုတွေလည်း ဘယ်ကမှမလာကြတဲ့အတွက် အရပ်လက်သည်တွေနဲ့ ဖြစ်သလိုမွေးလိုက်ကြရတာတွေလည်း ရှိတယ်” ဟု စစ်တွေမြို့မှ အရပ်ဖက်အဖွဲ့အစည်းတစ်ခု၏ တာဝန်ရှိသူက မဇ္ဈိမကိုပြောသည်။

ရခိုင်ပြည်နယ်အတွင်းတွင် မေလ ၁၄ ရက်နေ့က အင်အားပြင်း "မိုခါ" ဆိုင်ကလုန်းမုန်တိုင်း ဝင်ရောက်ပြီးနောက် မုန်တိုင်းကြောင့် ဘေးဒုက္ခရောက်ရှိရသူများအထဲတွင် အမျိုးသမီး သောင်းနှင့်ချီပါဝင်နေပြီး ထိုအထဲတွင် ကိုယ်ဝန်ဆောင်အမျိုးသမီး ၂၀,၇၀၀ ခန့်ပါဝင်နေကြောင်း ကုလသမဂ္ဂ လူဦးရေရန်ပုံငွေအဖွဲ့ (UNFPA)က ရေးသားထုတ်ပြန်ထားသည်။

ကိုယ်ဝန်ဆောင်အမျိုးသမီးများ ဘေးကင်းစွာ မီးဖွားနိုင်ရန် စိုးရိမ်ရသည့် အခြေအနေတွင်ရှိနေပြီး ပံ့ပိုးကူညီမှုများလိုအပ်နေကြောင်းကိုလည်း UNFPAက အသိပေးထားသည်။

ကုလသမဂ္ဂ လူဦးရေရန်ပုံငွေအဖွဲ့( UNFPA )သည် မြန်မာနိုင်ငံအတွင်း ကိုယ်ဝန်ဆောင် အမျိုးသမီးများ၏ မျိုးဆက်ပွားကျန်းမာရေး စောင့်ရှောက်မှုလုပ်ငန်းများကို ပံ့ပိုးကူညီနေသည့် အဖွဲ့အစည်းတစ်ခုဖြစ်သည်။

"ကုလသမဂ္ဂပြောတဲ့ ၂၀,၀၀၀ ကျော်ဆိုတာ မုန်တိုင်းသင့်သွားတဲ့ ရခိုင်တစ်ပြည်လုံးအနေနဲ့ဆိုရင် ဒီအရေအတွက်ဟာ ဟုတ်ပါတယ်။ အစ္စလာမ်ဘာသာဝင်တွေပါပါတယ် ဒီအရေအတွက်ထဲမှာ။ ကျွန်မတို့သိထားသလောက်ဆိုရင် ပေါက်တောမြို့နယ်ထဲမှာ အရပ်လက်သည်နဲ့မွေးရင်း ကျန်းမာရေးစောင့်ရှောက်မှုမရရှိတဲ့အတွက် ကလေးသေဆုံးသွားသူကိုယ်ဝန်ဆောင်မိခင်သည် တစ်ဦးရှိပါတယ်။
ကိုယ်ဝန်ဆောင်တစ်ဦး ချော်လဲပြီး ဆေးရုံကို အချိန်မီမလာနိုင်ခဲ့တဲ့အတွက် ကလေးရောမိခင်ရောသေဆုံးသူ တစ်ဦးရှိပါတယ်” ဟု ရခိုင်ပြည်နယ်အတွင်းမှ အမျိုးသမီးအရေးလုပ်ကိုင်ဆောင်ရွက်နေသူ အမျိုးသမီးတစ်ဦးက ပြောသည်။

စာတည်း - သန့်ဇော်(သန်လျင်)

#mizzima
#မိုခါ
#ဆိုင်ကလုန်းမုန်တိုင်း
#ရခိုင်ပြည်နယ်
#ကိုယ်ဝန်ဆောင်အမျိုးသမီး

Photo - မိုခါမုန်တိုင်းဘေးသင့်ကိုယ်ဝန်ဆောင်အမျိုးသမီးတစ်ဦး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢4🔥2👍1
ရခိုင်ပြည်သို့ နိုင်ငံတကာ အကူအညီပေးရေးအဖွဲ့များ လွတ်လပ်စွာ သွားလာခွင့် ပေးရန် AA ပြော
==========================

ဆိုင်ကလုန်း မိုခါမုန်တိုင်းတိုက်ခတ်အပြီးမှာ နိုင်ငံတကာနဲ့ NGO, INGO အဖွဲ့အစည်းတွေရဲ့ လူသားချင်း စာနာထောက်မှုဆိုင်ရာ အကူအညီ ပေးမှုများကို စစ်ကောင်စီက ပိတ်ပင်ထားမှု ပြန်လည် ကူညီ ခွင့်ပြုရန် ရက္ခိုင့်တပ်တော် AA က ပြောကြားလိုက်ပါတယ်။
ပြီးခဲ့တဲ့ မေ ၁၄ ရက်နေ့ က တိုက်ခတ်ခဲ့တဲ့ မုန်တိုင်းကြောင့် ရခိုင်ပြည် စစ်တွေ၊ ပုဏ္ဏားကျွန်း၊ ကျောက်တော်၊ မြောက်ဦးနဲ့ ရသေ့တောင် ပေါက်တော၊ မြေပုံမြို့နယ်များမှ နေအိမ်အများအပြား ပျက်စီးခဲ့ရပြီး အကူအညီများရရှိရေး နိုင်ငံတကာအဖွဲ့အစည်းများက လုပ်ဆောင်နေမှုကို စစ်ကောင်စီက ပိတ်ပင်ခဲ့တာဖြစ်ပါတယ်။
အခုလို ပိတ်ပင်လိုက်ပြီးနောက် အကူအညီမဲ့နေတဲ့ ရခိုင်ပြည်အတွင်း မုန်တိုင်းသင့် ပြည့်သူများနဲ့ စစ်ဘေးရှောင်များကို အကူအညီများ ပြန်လည်ရရှိရေး ဆောင်ရွက်ပေးဖို့ စစ်ကောင်စီကို ရက္ခိုင့်တပ်တော်က ပြောဆိုလိုက်ခြင်းဖြစ်ပါတယ်။

စစ်ကောင်စီက ရခိုင်နဲ့ ချင်းပြည်နယ်တို့တွင် မိုခါမုန်တိုင်းတုန့်ပြန်ဆောင်ရွက်မှု အတွက် ကယ်ဆယ်ရေးပစ္စည်း သယ်ယူပို့ဆောင်ရေးနဲ့ ဖြန့်ဝေရေးအစီအစဉ်များကို ယခုထိ ဆိုင်းငံ့ထားခံရဆဲဖြစ်ကြောင်း UNOCHA က ထုတ်ပြန်ထားပါတယ်။

https://youtu.be/SQG37rVJi-c

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍6😁4🔥1
This media is not supported in your browser
VIEW IN TELEGRAM
ဖူကူရှီးမားက သန့်စင်ထားတဲ့ရေ ထုတ်လွှတ်မယ့်အစီအစဉ်ကို IAEA ထောက်ခံ
#internationalnews #reels #shorts
👍3🔥2
ဇူလိုင်လ ( ၅)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
======================

01:04 - ဒေါ်အောင်ဆန်းစုကြည်ရဲ့ ကိုယ်ရံတော်တပ်ဖွဲ့ခေါင်းဆောင် ရဲအုပ်ပြည့်ဖြိုးနိုင် ပြန်လည်လွတ်မြောက်လာတဲ့သတင်း

01:14 - ရခိုင်ပြည်ကို နိုင်ငံတကာ အကူအညီပေးရေးအဖွဲ့တွေ လွတ်လပ်စွာသွားလာခွင့်ပေးဖို့ AA ပြောတဲ့သတင်း

05:19 - စစ်ရေးတင်းမာနေတဲ့အတွက် ပြည်သူတွေ အသွားအလာသတိပြုကြဖို့ KIO အစိုးရက သတိပေးထုတ်ပြန်တဲ့သတင်း

06:20 - ဟောင်ကောင်တက်ကြွလှုပ်ရှားသူတွေကို ဥပဒေနဲ့အညီ ဖမ်းဝရမ်းထုတ်ထားကြောင်း တရုတ်ပြောတဲ့သတင်း အပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာ ဖြစ်ပါတယ်ခင်ဗျာ။

https://youtu.be/BYe-iCJJ8bg

#12pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7👏2😁2
This media is not supported in your browser
VIEW IN TELEGRAM
အစ္စရေးရဲ့ အနောက်ဘက်ကမ်းစီးနင်းမှုနှစ်ရက်မြောက်နေ့မှာ အာရပ်အဖွဲ့ချုပ် အရေးပေါ် အစည်းအဝေးကျင်းပ

#internationalnews #reels #shorts
👍3🔥2😁1
This media is not supported in your browser
VIEW IN TELEGRAM
အာဖဂန်တာလီဘန်က အမျိုးသမီးအလှပြင်ဆိုင်တွေကို ပိတ်ဖို့အမိန့်ထုတ်


#internationalnews #reels #shorts #Taliban
🤬6🔥1😁1
This media is not supported in your browser
VIEW IN TELEGRAM
မြို့တော်အနှံ့တိုက်ပွဲတွေပြင်းထန်နေတဲ့ဆူဒန်မှာ တိုက်လေယာဉ်တစ်စင်းပစ်ချခံရ

#internationalnews #reels #shorts
👏3🔥2👍1
This media is not supported in your browser
VIEW IN TELEGRAM
ရှန်ဟိုင်းမဟာမိတ်တွေစည်းလုံးဖို့ ရှီကျင့်ဖျင်ရဲ့တိုက်တွန်းမှုအပေါ် ပူတင်ချီးကျူးခဲ့

#internationalnews #reels #shorts
😁11👍4🔥1
​​မိုခါအပြီး ရခိုင်ဒေသခံအများစု တာပေါ်လင်စများကိုသာ အိမ်အမိုးအဖြစ် အသုံးပြုနေရ
=======================

ဂျူချန်း
(မဇ္ဈိမ)။ ။ အင်အားပြင်း ဆိုင်ကလုန်းမုန်တိုင်း “မိုခါ” ရခိုင်ကမ်းရိုးတန်းဒေသသို့ ဝင်ရောက်တိုက်ခတ်ပြီးနောက် ရခိုင်ပြည်နယ် မြောက်ပိုင်းရှိ ဒေသခံအများစုသည် နေအိမ်ပျက်စီးခဲ့ရပြီး လက်ရှိတွင် တာပေါ်လင်စ(တာလပတ်စ)များကိုသာ အိမ်အမိုးအဖြစ် အသုံးပြုနေရကြောင်း ဒေသခံနှင့် ကူညီကယ်ဆယ်ရေးဆောင်ရွက်သူများက ပြောသည်။

နေထိုင်ရာ အိမ်အများစုသည် တာပေါ်လင်စများဖြင့် မိုးထားကြပြီး အချို့ တာပေါ်လင်စများသည် အမျိုးအစားမကောင်းသဖြင့် မိုးယိုသည်များရှိကြောင်းသိရသည်။

“ကျနော်တို့ သွားသလောက် သွပ်မိုးနိုင်တဲ့သူတွေက တော်တော်နည်းပါတယ်။ တာပေါ်လင်စနဲ့ပဲ ဒီတစ်မိုးအတွက် ယာယီပေါ့။ ရွာတွေမှာ အသက်ကြီးအဘိုးအဘွားတွေနဲ့ အမျိုးသမီးတွေ ကလေးတွေပဲ ရှိတော့ တာလပတ်နဲ့တောင် အဆင်ပြေသလို ကြိုးနဲ့ပဲ တုပ်ထားတာပေါ့။ သပ်သပ်ရပ်ရပ် လုပ်နိုင်တဲ့ အနေအထားတော့ သိပ်မရှိဘူး” ဟု ရခိုင်ဒေသတွင်း ကူညီကယ်ဆယ်ရေးဆောင်ရွက်နေသည့် Arakan CSO Network မှ တာဝန်ရှိသူတစ်ဦးက မဇ္ဈိမ ကိုပြောသည်။
ဒေသခံအများစုမှာ လက်ရှိတွင် အမိုးရောက်အောက်သို့ ရောက်သည်ဆိုရုံမျှအနေအထားဖြင့်သာ နေထိုင်နေကြရကြောင်း ၎င်းကဆိုသည်။

ပေါက်တောမြို့တွင်လည်း မြို့ပေါ်ရှိ ရပ်ကွက်ငါးခုတွင် သုံးခုခန့်သာ အမိုးအကာအောက်သို့ ရောက်ကြပြီး ကျန်သည့် ရပ်ကွက်နှစ်ခုနှင့် ငွေကြေးမတတ်နိုင်သည့် နေ့စားအလုပ်သမားများသည် အမိုးအကာမရှိသဖြင့် မိုးရွာသည့် အခါမျိုးတွင် နားနေနိုင်သည့် ဇရပ်ကဲ့သို့သော နေရာမျိုးတွင် စုပေါင်းနေကြရကြောင်း ပေါက်တောမြို့မှ အမျိုးသမီးတစ်ဦးက ပြောသည်။

“အားလုံးက အဆင်ပြေသလို နေနေကြရတယ်။ ဆင်းရဲသားတွေကတော့ အမိုးအကာတွေမရှိဘူး။ မိုးမရွာရင် သူတို့အိမ်ထဲ နေလို့ရတယ်ပေါ့။ မိုးရွာတဲ့အခါမှာဆိုရင်တော့ လူနားလို့ရတဲ့ ဇရပ်တွေမှာ စုနေကြပြီး ပြဿနာကို ဖြေရှင်းရပါတယ်” ဟု ပေါက်တောဒေသခံ အမျိုးသမီးတစ်ဦးက မဇ္ဈိမ ကိုပြောသည်။

လူဦးရေ ၂,၈၀၀ ကျော် ခိုလှုံနေသည့် မြောက်ဦးမြို့ တိမ်ညိုစစ်ရှောင်စခန်းသည်လည်း မိုခါမုန်တိုင်းဒဏ်ကြောင့် ပျက်ဆီးခဲ့ရကာ လက်ရှိတွင် မိုးရာသီရောက်ပြီဖြစ်သောကြောင့် တာပေါ်လင်စများဖြင့် အဆင်ပြေသလို ပြန်လည်ပြင်ဆင်ကာ နေထိုင်နေကြရကြောင်း စခန်းတာဝန်ရှိသူတစ်ဦးက မဇ္ဈိမကို ပြောသည်။

“အမိုးအောက်တော့ ယာယီရောက်နေကြပါပြီ။ ဖြစ်သလိုပြင်ဆင်ပြီး နေနေကြတယ်ပေါ့။ အမိုးအကာအောက်တော့ ရောက်ပြီလို့တော့ ပြောလို့ရပါတယ်။ အိမ်တွေက ဝါးလေးတွေနဲ့ ပြန်ဆောက်ထားတာဆိုတော့ ခိုင်ခန့်မှုသိပ်မရှိဘူး။ လေပြင်းတိုက်ရင်တော့ အခက်အခဲရှိနိုင်ပါတယ်။ အခုက အကူအညီတွေလည်း သိပ်မရတော့ ဖြစ်သလိုနေနေရတဲ့ သဘောပေါ့” ဟု တိမ်ညိုစစ်ရှောင်စခန်းတာဝန်ရှိသူက ပြောသည်။

စစ်တွေမြို့တွင်လည်း ဒေသခံ ၉၀ရာခိုင်နှုန်းခန့် အမိုးရောက်ပြီဟု ဆိုနိုင်သော်လည်း လုံခြုံသည့်အမိုးအကာမဟုတ်ဘဲ မိုးခိုနိုင်သည်ဆိုသည့် အနေအထားလောက်သာ ရှိပြီး အိမ်တွင်းပရိဘောဂ ပစ္စည်းများကို ဘုန်းကြီးကျောင်းနှင့် စာသင်ကျောင်းများသို့ ပို့ထားရကြောင်း ဒေသတွင်း ကူညီကယ်ဆယ်ရေး ဆောင်ရွက်နေသူက ပြောသည်။
“အရင်တုန်းက ဖက်နဲ့နေတဲ့သူဆို အခု တာလပတ်နဲ့ပဲ နေနိုင်တယ်ပေါ့။ လောလောဆယ် အမိုးအောက်ရောက်ဖို့ တစ်ခုကိုပဲ နေနေတာပေါ့နော့်။ အခုက (လူ)အမိုးအောက်ရောက်ဖို့ပဲလိုတယ် ပိုက်ဆံလည်း မရှိဘူးဆိုတော့ ဆယ်ပေပတ်လည်အခန်းမှာ လူလွတ်ရင်ပြီးရော။ ပစ္စည်းတွေကို ဘုန်းကြီးကျောင်း စာသင်ကျောင်းတွေမှာ ထားထားရတယ်” ဟု လူမှုကယ်ဆယ်ရေးအသင်းတစ်ခုမှ တာဝန်ရှိသူက ပြောသည်။

ပြီးခဲ့သည့် မေလ ၁၄ရက်နေ့တွင် မိုခါဆိုင်ကလုန်းမုန်တိုင်းသည် ရခိုင်ကမ်းရိုးတန်းဒေသကို ဝင်ရောက်တိုက်ခတ်ခဲ့သဖြင့် ရခိုင်ဒေသတွင်းရှိ လူ ၁၂သိန်းကျော် မုန်တိုင်းဒဏ်သင့်ခဲ့ရကာ နေအိမ် ၂၀၀,၀၀၀ ကျော် ပျက်စီးခဲ့ရကြောင်း ရက္ခိုင့်တပ်တော်AA က ထုတ်ပြန်ထားသည်။ လက်ရှိတွင် နိုင်ငံတကာ ကူညီကယ်ဆယ်ရေး အဖွဲ့အစည်းများကို စစ်ကောင်စီမှ သွားလာခွင့် ပိတ်ထားသဖြင့် မုန်တိုင်းဒဏ်သင့် ဒေသခံများအနေဖြင့် အကူအညီများစွာ လိုအပ်လျက်ရှိနေပြီး ဒေသတွင်းအရပ်ဘက်အဖွဲ့စည်းများမှ ကူညီကယ်ဆယ်ရေးလုပ်ဆောင်သည့် အခါတွင်လည်း စစ်ကောင်စီက တားဆီးစစ်ဆေးခြင်းများ လုပ်ဆောင်နေသဖြင့် ကြန့်ကြာမှုများ ရှိကြောင်း သိရသည်။

စာတည်း။ ။အောင်ကျော်ဖြိုး

#Mizzima
#တာပေါ်လင်စ
#မိုခါမုန်တိုင်း
#ရခိုင်ဒေသ
ဓါတ်ပုံ-(ဝေဟင်အောင်) ကျောက်တော်မြို့၊ ပြိန်းချောင်းကျေးရွာတွင် မုန်တိုင်းကြောင့် နေအိမ်ပျက်စီးခဲ့ရသည့် အဖွား မရုံ အား ဇွန်လ ၁ ရက်နေ့တွင် မြင်တွေ့ရစဉ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7😢5🔥2
မြိတ်နှင့်ဘုတ်ပြင်မြို့နယ်တို့တွင် တိုက်ပွဲများဖြစ်ပွား၊ စစ်ကောင်စီတပ်မှ ထိခိုက်သေဆုံးမှုရှိဟုဆို
👍8🔥2👎1
မြိတ်နှင့်ဘုတ်ပြင်မြို့နယ်တို့တွင် တိုက်ပွဲများဖြစ်ပွား၊ စစ်ကောင်စီတပ်မှ ထိခိုက်သေဆုံးမှုရှိဟုဆို
====================

ကိုရွှေမြိတ်
(မဇ္ဈိမ)။ ။တနင်္သာရီတိုင်း၊ မြိတ်နှင့် ဘုတ်ပြင်းမြို့နယ်တို့တွင် စစ်ကောင်စီဂိတ်နှင့် ကင်းလှည့်ယာဉ်တို့ကို မဟာမိတ်ပူးပေါင်းတပ်ဖွဲ့က တိုက်ခိုက်မှုကြောင့် စစ်ကောင်စီတပ်သားများ ထိခိုက်သေဆုံးမှုရှိခဲ့ကြောင်း PDF တပ်ဖွဲ့ဝင်များထံမှ သိရသည်။

ကော့သောင်းခရိုင်၊ ဘုတ်ုပြင်းမြို့နယ်ရှိ လေညာ-မဏ္ဍိုင်အနီး ချောင်းမွန်ကျေးရွာအလွန်ရှိ ဒေသအခေါ် Rzero သို့ ကင်းလှည့်လာသည့် စစ်ကောင်စီတပ်ဖွဲ့များစီးနင်းလိုက်ပါလာသည့် ယာဉ်တန်းကို ဇူလိုင်လ ၃ ရက်နေ့ ညနေ ၄ နာရီ ၄၅ မိနစ်တွင် ပြည်သူ့ကာကွယ်ရေးတပ်ဖွဲ့ဝင်များက ခြုံခိုတိုက်ခိုက်ရာမှ စစ်ကောင်စီတပ်သား ငါးဦးသေဆုံးကာ လက်နက်သုံးလက် သိမ်းဆည်းနိုင်ခဲ့သည်ဟု ဘုတ်ပြင်းမြို့နယ် ပြည်သူ့ကာကွယ်ရေးအဖွဲ့ထံမှ သိရသည်။

ဘုတ်ပြင်းမြို့နယ် ပြည်သူ့ကာကွယ်ရေးတပ်ဖွဲ့ဝင်မှ သတင်းနှင့်ပြန်ကြားရေးတာဝန်ခံက “တိုက်ပွဲဖြစ်စဉ် ကတော့မှန်တယ်။ အဓိက ကတော့ စစ်တပ်ဘက်က လူကြီးလမ်းကြောင်းရှိလို့ ကင်းလှည့်လာတဲ့အချိန် မှာ တိုက်ခိုက်မှုပြုလုပ်ခဲ့တာဖြစ်တယ်။ ကျန်တဲ့ အသေးစိတ်အချက်အလက်ကိုတော့ တိုက်ပွဲဖော်ဆောင် တဲ့အဖွဲ့က သတင်းမထုတ်ပြန်သေးတာ ဖြစ်ပါတယ်”ဟု ပြော သည်။
စစ်ကောင်စီလက်အောက်ခံ ဘုတ်ပြင်းအခြေစိုက် ခလရ(၂၂၄)၊ လေညာ-မဏ္ဍိုင်မှ ခမရ(၅၆၀)၊ ခမရ (၅၅၉)တို့နှင့် တော်လှန်ရေးတပ်ပေါင်းစုတို့၏ ထိတွေ့တိုက်ပွဲတွင် စစ်ကောင်စီတပ်သား ငါးဦး သေဆုံးခဲ့ သည်။

အလားတူ ဇူလိုင်လ ၄ ရက်နေ့ မွန်းတည့်၁၂ နာရီတွင် မြိတ်-တနင်္သာရီလမ်းပိုင်း၊ တုံးဗျောကျေးရွာရှိ တုန်းဗျောကြီးရွာ စာသင်ကျောင်းအနီးတပ်စွဲထားသည့် စစ်ကောင်စီတပ် တိုက်ခိုက်ခံရပြီး တပ်သားအချို့ သေဆုံးကာ ဒဏ်ရာရသူများလည်းရှိကြောင်း ဒေသခံများထံမှ သိရသည်။

“ဘယ်နှစ်ဦးသေလည်းဆိုတာ သေချာမသိရဘူး။ လမ်းပေါ်မှာ စစ်ကောင်စီတပ်သား နှစ်ယောက်လောက် သေနေတာတော့ တွေ့ရတယ်။ တိုက်ပွဲပြီးတော့ အရေးပေါ်ကားတွေ လာတာတွေ့ရတယ်” ဟု တုံးဗျော ကျေးရွာမှဒေသခံတဦးက ပြောသည်။

စစ်ကောင်စီ၏ယာယီဂိတ်စခန်းကို PDF ပူးပေါင်းအဖွဲ့က လက်နက်ငယ်များဖြင့် သွားရောက်တိုက်ခိုက် သည့်အပြင် ဒရုန်းဖြင့်ပါတိုက်ခိုက်ခဲ့ကြောင်းသိရပြီး အသေးစိတ်မသိရသေးကြောင်း တနင်္သာရီမြို့နယ် ပြည်သူ့ကာကွယ်ရေးအဖွဲ့ကပြောသည်။
“တိုက်ပွဲဖြစ်တာတော့ ဟုတ်ပါတယ်။ စစ်ရေးအရ တပ်နဲ့အရမ်းနီးနေလို့ တပ်ဖွဲ့ဝင်တွေအနေနဲ့ ချက်ချင်း သတင်းမထုတ်ပြန်နိုင်သေးဘူး”ဟု တနင်္သာရီမြို့နယ် ပြည်သူ့ကာကွယ်ရေးအဖွဲ့မှ ပြောရေးဆိုခွင့်ရှိသူက ပြော သည်။

လက်ရှိတွင် တနင်္သာရီမြို့နယ်တွင် စစ်ရေးတင်းမာနေ၍ PDF ပူးပေါင်းတပ်ဖွဲ့က ဇွန်လ ၃၀ ရက်နေ့မှ စတင်ပြီး အနီရောင်အဆင့်အဖြစ်သတ်မှတ်ထားပြီး ညပိုင်းအချိန်တွင် ပြည်သူများအား ခရီးသွားလာခြင်း မပြုလုပ်ရန် သတိပေး ထုတ်ပြန်ထားသည်။

စာတည်း။ ။စောဖေ
စာမူတည်းဖြတ်။ ။စောဖေ

#တနင်္သာရီတိုင်း
#ဘုတ်ပြင်းမြို့နယ်
#မြိတ်-တနင်္သာရီလမ်းပိုင်း
#စစ်ရေးတင်းမာ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17🔥2
​​နွားထိုးကြီးတွင် ကြံ့ခိုင်ရေးပါတီ ရပ်ကျေးဥက္ကဋ္ဌ၊ ကျေးရွာအုပ်ချုပ်ရေးမှူးပစ်သတ်ခံရ
========================

007
(မဇ္စျိမ)။ ။မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်တွင် ကြံ့ခိုင်ရေးပါတီ ရပ်ကျေးဥက္ကဋ္ဌနှင့် ကျေးရွာစု အုပ်ချုပ်ရေးမှူး ဦးမောင်ဌေးဆိုသူ သေနတ်ဖြင့်ပစ်သတ်ခံရကြောင်း ဒေသခံများထံမှ သိရသည်။

“မနေ့က (ဇူလိုင် ၄ ရက်) မနက်ပိုင်းမှာ မြို့ကသူ့အစ်ကိုဆီ သွားတယ်။ အချိန်တန်ပြန်မလာလို့ လိုက်ရှာ ကြတော့မှ မလှိုင်ကားလမ်းဘေးသေနေတဲ့ အလောင်းတွေ့တာပဲ” ဟု ဒေသခံတဦးကပြောသည်။

၎င်းသည် ဇူလိုင်လ ၄ ရက် နံနက် ၁၀ နာရီခန့်တွင် နွားထိုးကြီးမြို့နေ အစ်ကိုဖြစ်သူထံ သွားရောက်လည် ပတ်ကြောင်း၊ အချိန်တန်သည်အထိ ပြန်ရောက်မလာ၍ လိုက်ရှာရာမှ အောင်သာကျေးရွာအနီး နွားထိုး ကြီး-မလှိုင်သွားကားလမ်းဘေးတွင် ရုပ်အလောင်းကို တွေ့ရှိခဲ့ကြခြင်းဟုသိရသည်။

သေနတ်ဖြင့်ပစ်ခံရမှုကြောင့် ဦးမောင်ဌေး၏ ဦးခေါင်းတွင် နောက်စေ့ဖောက်၀င် ဒဏ်ရာတချက်၊ ယာနား ထင်ဖောက်၀င်ဒဏ်ရာတချက်တို့ဖြင့် သေဆုံးနေကြောင်း နီးစပ်သူတဦးက ပြောသည်။
၎င်းသည် မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်၊ ဖလံကုန်းကျေးရွာအုပ်စု၏ အုပ်ချုပ်ရေးမှူးဖြစ် ပြီး ကြံ့ခိုင်ရေးပါတီရပ်ကျေးဥက္ကဋ္ဌလည်းဖြစ်ကြောင်း မန္တလေးတိုင်းရဲတပ်ဖွဲ့နှင့် နီးစပ်သည့် အသိုင်းအဝိုင်း က အတည်ပြုသည်။

မြင်းခြံခရိုင်တွင် ဇူလိုင်လ ၃ ရက်နေ့ကလည်း မြင်းခြံမြို့နယ်၊ ရွှေပေါ်ကျွန်းကျေးရွာမှ ကြံ့ခိုင်ရေးပါတီ၀င် ကျေးရွာအုပ်ချုပ်ရေးမှူး ဦးသန်းထွန်းအောင်နှင့် သားဖြစ်သူတို့ သေနတ်ဖြင့် ပစ်သတ်ခံခဲ့ရသေးသည်။

စာတည်း ။ ။ Alden
စာမူတည်းဖြတ်။ ။စောဖေ

#နွားထိုးကြီး
#ဖလံကုန်းကျေးရွာအုပ်စု
#ကြံ့ခိုင်ရေး
#ပစ်ခတ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍30🔥2
Business Round Up (5 July 2023)
=================

- မြန်မာကုန်ထုတ်လုပ်မှုကဏ္ဍ ဇွန်လအတွင်း ကျဆင်းခဲ့

- ပြည်တွင်းရှိ အခြေခံစားကုန်ဈေးနှုန်းများမြင့်တက်

- ရန်ကုန် အပါအဝင် ဒေသ (၄) ခုမှာ ရုရှားက အသေးစား သဘာဝမြေဩဇာစက်ရုံများ တည်ဆောက်မည်

- အာဆီယံတွင် ထိုင်းဘဏ်များ ကြွေးဆုံး ချေးငွေ အများဆုံးဖြစ်နေ

- အယ်နီညိုရာသီဥတု ဖြစ်နိုင်တာကြောင့် ကြိုတင်ပြင်ဆင်ထားဖို့ လိုအပ်ကြောင်း ကုလသမဂ္ဂ သတိပေး

https://youtu.be/0YSqP4KEE6A

#BusinessRoundUp
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7🔥2
This media is not supported in your browser
VIEW IN TELEGRAM
July - 5 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts
👍1😁1🍌1
ဇူလိုင်လ (၅)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
=====================

01:02 - မြန်မာကို စစ်လက်နက်မပို့ကြောင်း စင်ကာပူ ထပ်မံ ငြင်းဆိုတဲ့သတင်း

04:10 - ကာကွယ်ရေးပူးပေါင်းအဖွဲ့ဖမ်းမိထားတဲ့ ရဲတပ်ကြပ် သေနတ်လုထွက်ပြေးလို့ ပစ်ခတ်ခံရပြီး သေဆုံးတဲ့သတင်း

05:04 - စစ်အာဏာရှင်ကိုခုခံနေတဲ့ တော်လှန်ရေးအဖွဲ့တိုင်းနဲ့ လက်တွဲပြီး ရန်သူတွေကို ခုခံတော်လှန်ရမယ်လို့ KNU ဥက္ကဋ္ဌတိုက်တွန်းတဲ့သတင်း

07:01 - မြို့တော်အနှံ့တိုက်ပွဲတွေပြင်းထန်နေတဲ့ဆူဒန်မှာ တိုက်လေယာဉ်တစ်စင်းပစ်ချခံရတဲ့သတင်း အပါအဝင်တခြားအရေးကြီး သတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/tK8bGfvWncE

#4pmnews
#Mizzimanewshour
#mizzimatv
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9🔥1😁1