ကုန်သွယ်မှုလိုငွေပြမှုနှင့် ဒေါ်လာငွေလဲနှုန်းမြင့်တက်မှုတို့ကြောင့် ပြည်တွင်း ကုန်ဈေးနှုန်းများကြီးမြင့်နေ

#Businessnews #reels #shorts #mizzima

​​နမ်ဆန်ယန်ရွာခံအချို့ ယခင်နေထိုင်ခဲ့သော မိုင်းနားစစ်ရှောင်စခန်းတွင်ပြန်‌နေရန် ပြင်ဆင်
=======================

KMN
(မဇ္ဈိမ) ။ ။ ကချင်ပြည်နယ်၊ KIO ဌာနချုပ်ရှိရာ လိုင်ဇာမြို့အနီး နမ်ဆန်ယန်ကျေးရွာဝန်းကျင်တွင် စစ်ကောင်စီတပ်များ စစ်ကြောင်းထိုးနေသည့်အတွက် ပြီးခဲ့သည့် ဇူလိူင်လ ၃ ရက်နေ့ ဝန်းကျင်မှစပြီး ရွာခံများ ထွက်ပြေးတိမ်းရှောင်နေကြရကြောင်း သိရသည်။

နမ်ဆန်ယန်ကျေးရွာသား ရာနှင့်ချီပြီး နီးစပ်ရာမြို့နယ်များသို့ ထွက်ပြေးတိမ်းရှောင်နေကြပြီး အချို့မှာ ယခင်နေထိုင်ခဲ့သည့် ဝိုင်းမော်မြို့နယ်၊ မိုင်းနား ကက်သလစ်စစ်ရှောင်စခန်းတွင် ပြန်လည်နေထိုင်ရန် ပြင်ဆင်နေကြကြောင်း စစ်ဘေးရှောင် ကူညီပေးနေသူများက ပြောသည်။

နမ်ဆန်ယန်ကျေးရွာမှ ကက်သလစ်ဘာသာဝင်များသည် ဝိုင်းမော်မြို့နယ်၊ မိုင်းနားကက်သလစ်စစ်ရှောင် စခန်းတွင် ပြန်လည်နေထိုင်ရန်စီစဉ်နေခြင်း ဖြစ်သည်။

“လက်ရှိသူတို့က မြစ်ကြီးနားက ဘုရားကျောင်းတခုမှာရှိတယ်၊ အိမ်ထောင်စု ၆၀ လောက်ရှိတယ်၊ မိုင်းနား စစ်ရှောင်စခန်းပြောင်းဖို့က လူဦးရေ ၃၀၀ နီးပါးလောက် ရှိတယ်။ လာမယ့်သောကြာနေ့လောက် ပြောင်း ဖို့စီစဉ်နေတယ်”ဟု နမ်ဆန်ယန်ကျေးရွာ၊ ကက်သလစ်ကျောင်းထိုင်ဘုန်းတော်ကြီးက မဇ္ဈိမကိုမိန့်ကြား သည်။

နန်ဆန်ယန်ကျေးရွာသား ၃၀၀ နီးပါး ပြန်လည်နေထိုင်မည့် မိုင်းနားကက်သလစ်စစ်ရှောင်စခန်းရှိ အခန်း လွတ်များသည် ပျက်စီးယိုယွင်းပြီး အမိုးအကာများပေါက်ပြဲနေသည့်အတွက် ပြုပြင်ရန်လိုအပ်နေကြောင်း လည်း ဘုန်းတော်ကြီးက မိန့်ကြားသည်။
မြစ်ကြီးနား-လိုင်ဇာ-ဗန်းမော် လမ်းပိုင်းတွင် တည်ရှိသည့် နမ်ဆန်ယန် ကျေးရွာသည် လူဦးရေ ၁,၀၀၀ ခန့် နေထိုင်သည့် ရွာကြီးဖြစ်သည်။

၂၀၁၁ ခုနှစ် ဇွန်လ ၉ ရက်နေ့တွင် မြန်မာစစ်တပ်နှင့် KIA တို့အကြား တိုက်ပွဲဖြစ်ပွားပြီးနောက် ရွာခံများ ထွက်ပြေးခဲ့ရကာ ရွာပျက်ကြီးအဖြစ် ကျန်ခဲ့သည်။

ယင်းနောက် ငြိမ်းချမ်းရေးဆွေးနွေးပွဲများပြုလုပ်ခဲ့ပြီး ဒေါ်အောင်ဆန်းစုကြည်၏ NLD အစိုးရလက်ထက် ၂၀၁၉ ခုနှစ်ဆန်းမှ စတင်ကာ ရွာခံများ တဖြည်းဖြည်း ပြန်လည် ဝင်ရောက် နေထိုင်ခဲ့သည်။
သို့သော်လည်း ၂၀၂၁ ခုနှစ် ဖေဖော်ဝါရီလ စစ်တပ်အာဏာသိမ်းပြီးချိန်မှစ၍ စစ်ကြောင်းများ မကြာခဏ ဝင်ထွက်နေခြင်းကြောင့် ရွာခံများထပ်မံတိမ်းရှောင်နေရရာ ယခုနှစ် ဇူလိူင် ၃ ရက်နေ့တွင် စစ်ကောင်စီ တပ်များ ထိုးစစ်ဆင်လာသည့်အတွက် ရွာလုံးကျွတ် တကျော့ပြန်ထွက်ပြေးတိမ်းရှောင်ခဲ့ ကြရခြင်းဖြစ် သည်။

“ရွာသားတွေတော့ ဘယ်သူမှ မကျန်တော့ဘူး၊ ရွှေ့ပြောင်းပြီး ရွှေတူးကြတဲ့အလုပ်သမားတွေပဲ ရှိလောက် မယ်၊ တောင်ယာမှာကျန်ခဲ့တဲ့ ကြက်တွေ၊ ဝက်တွေ ပြန်ကြည့်ကြတဲ့သူတွေတော့ ရှိချင်ရှိလိမ့်မယ်” ဟု စစ်ဘေးရှောင်ကူညီသူတဦးက ပြောသည်။

ကချင်လွတ်လပ်ရေးတပ်မတော်(KIA)ဌာနချုပ်ရှိရာ လိုင်ဇာမြို့အနီးရှိ နမ်ဆန်ယန်ကျေးရွာဝန်းကျင်တွင် ဇူလိုင် ၈ ရက်နေ့က တိုက်ပွဲများဖြစ်ပွားခဲ့ပြီး ယင်းနေ့တွင် လိုင်ဇာမြို့အနီးကို စစ်ကောင်စီတပ်က လက် နက်ကြီးဖြင့် ငါးကြိမ်ခန့် ပစ်ခတ်ခဲ့သည်။

ဝိုင်းမော်မြို့နယ်၊ နမ်ဆန်ယန်ကျေးရွာအနီး မိုင်ဆတ်ပါဒေသများတွင် စစ်ကောင်စီတပ်နှင့် ကချင်လွတ် လပ်ရေးတပ်မတော်(KIA)အကြား လက်ရှိတိုက်ပွဲများ ဖြစ်နေသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#နန်ဆန်ယန်
#တကျော့ပြန်တိမ်းရှောင်
#လိုင်ဇာ
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Asian Clearing Union အဖွဲ့ဝင်နိုင်ငံများက အမေရိကန်ဒေါ်လာအသုံးပြုမှုကို လျော့ချပြီး ပြည်တွင်းငွေကြေးများသုံးစွဲရန် သဘောတူ

#Businessnews #reels #shorts #mizzima

ချင်းပြည်နယ်တွင် ငှက်ဖျားရောဂါ တကျော့ပြန်အဖြစ်များနေပြီး အရေးပေါ်ဆေးဝါးများ လိုအပ်
=================

မဇ္စိုမ။ ။ချင်းပြည်နယ်အတွင်းရှိ ကျေးရွာများ၊ စစ်ဘေးရှောင်စခန်းများတွင် ရာသီပေါ်တုတ်ကွေးရောဂါ နှင့် ငှက်ဖျားရောဂါများပြန်လည်ဖြစ်ပွားနေပြီး အရေးပေါ်ဆေးဝါးများ လိုအပ်နေကြောင်း စခန်းတာဝန်ခံ အချို့ကပြောသည်။

တကျော့ပြန်အဖြစ်များလာနေသည့် ငှက်ဖျားရောဂါသည် မြို့နှင့် အလှမ်းဝေးသောရွာများတွင် ပိုအဖြစ် များလာပြီး သက်ကြီးရွယ်အိုနှင့် ကလေးငယ်တချို့ သေဆုံးမှုများပင်ရှိနေပြီဟု သိရသည်။
“ချင်းမှာက ငှက်ဖျားရောဂါဆိုတာ တော်တော်လေးပပျောက်သွားပြီး မရှိသလောက်ကို ဖြစ်နေတာ။ ကျွန်တော်တို့တာဝန်ယူတဲ့အချိန်က ကျန်းမာရေးဌာန၊ NGO ၊ အပြည်ပြည်ဆိုင်ရာ ကြက်ခြေနီအဖွဲ့တွေ အားလုံးပေါင်းပြီး စီမံချက်တစ်ခုလိုချမှတ်ပြီး လုပ်ဆောင်ခဲ့တာ။ ချင်းပြည်နယ်မှာ ငှက်ဖျားအဖြစ်များတာ က တောင်ပိုင်းမှာ ပိုအဖြစ်များတယ်။ အထူးသဖြင့် ပလက်ဝနဲ့ မတူပီဖက်ခြမ်းမှာ ပိုအဖြစ်များတယ်။ အခု ကျတော့ စီမံချက်တွေကလည်း ပျက်စီးကုန်ပြီ။ ဆေးဝါးတွေလည်းအချိန်မီမရောက်တော့ ငှက်ဖျားက ပြန် ထလာတဲ့သဘောရှိတယ်’’ ဟု ငှက်ဖျားတိုက်ဖျက်ရေးတာဝန်ခံ (ငြိမ်း)တဦးက ပြောသည်။

စစ်ကောင်စီအာဏာမသိမ်းမီအချိန်ကာလအထိ ချင်းပြည်နယ်တွင် ငှက်ဖျားရောဂါ ကြိုတင်ကာကွယ်ရေး လုပ်ငန်းများကို ကောင်းမွန်စွာထိန်းချုပ် နှိမ်နင်းနိုင်ခဲ့ကြောင်း ချင်းရေးရာအဖွဲ့ချုပ် (ICA) မှလည်းထုတ် ပြန်ထားသည်။

လက်ရှိတွင် ငှက်ဖျားရောဂါ တကျော့ပြန်အဖြစ်များလာမှုနှင့်ပတ်သက်၍ ချင်းပြည်သူများအနေဖြင့် မြို့ ပေါ်သို့ဆေးဝါးကုသနိုင်ရန် နိုင်ငံရေးနှင့် လုံခြုံရေးအခြေအနေအရ အခက်ကြုံနေကြရကြောင်း ဆိုသည်။

“အတော်ကိုလိုအပ်ချက်တွေ များနေပါတယ်။ ကူညီနိုင်မယ့်သူရှိရင်တော့ အတူတူလက်တွဲပြီး ပူးပေါင်း လုပ်ဆောင်ဖို့ ဖိတ်ခေါ်ပါတယ်” ဟု ချင်းရေးရာအဖွဲ့ချုပ်(ICA)မှ လက်ထောက်ညွှန်ကြားရေးမှူး ဆလိုင်း ဗန်ဆေးစံက ရာသီတုတ်ကွေးနှင့် ငှက်ဖျားရောဂါတိုက်ဖျက်ရေးနှင့်ပတ်သက်ပြီး ပြောကြားသည်။

ချင်းလူမှုရေးအသိုင်းအဝန်းအဖွဲ့အစည်းများအားလုံးအနေဖြင့် ကြိုတင်ကာကွယ်မှုများ ပြုလုပ်ပေးနိုင်ရန် နှင့် ပံ့ပိုးကူညီပေးကြရန်အထူးလိုအပ်ကြောင်းလည်း ICA မှ နှိုးဆော်ထားသည်။
စစ်အာဏာသိမ်းပြီးနောက်ပိုင်း နှစ်နှစ်ကျော်အတွင်း ချင်းပြည်နယ်တွင် ကာကွယ်ရေးတပ်ဖွဲ့ဝင်များနှင့် အရပ်သားသေဆုံးသူ ၅၉၅ ဦးအထိရှိခဲ့ကြောင်းလည်း ချင်းရေးရာအဖွဲ့ချုပ် (Institute of Chin Affairs - ICA) မှ ဇူလိုင် ၄ ရက်နေ့‌တွင်ထုတ်ပြန်ခဲ့သည့် အစီရင်ခံစာတွင် ဖော်ပြခဲ့သည်။

ပုံစာ - ၂၀၂၃ ခုနှစ်၊ ဇွန်လဆန်းပိုင်းတွင် မင်းတပ်စစ်ရှောင်စခန်းသို့ရောက်ရှိလာပြီး ငှက်ဖျားကြောင့် သေဆုံးခဲ့ရသူအချို့။

စာတည်း ။ ။ Alden
စာမူတည်းဖြတ်။ ။စောဖေ

#ရာသီတုတ်ကွေး
#ငှက်ဖျားရောဂါ
#ICA
#ကျန်းမာရေး
#ချင်းပြည်နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ပြည်ပ ဆက်ဆံရေး  ဥပဒေ နောက်ကွယ်မှ တရုတ်သမ္မတရှီကျင့်ဖျင်၏ ရည်မှန်းချက်များ 
========================

တရုတ်သမ္မတ ရှီကျင့်ဖျင်သည် ဗိုလ်ကျသော အနောက်အုပ်စု၏ အနိုင်ကျင့်မှုကို ဆန့်ကျင်တုန့်ပြန်သည့်အနေဖြင့် သဘောထားတင်းမာသော ဆောင်ရွက်ချက်များကို တရားဝင်ဖြစ်စေရန် အစိုးရပြည်ပဆက်ဆံရေးဆိုင်ရာဥပဒေသစ်ကို ပြဋ္ဌာန်းလိုက်သည်။ ဇူလိုင်လ ၁ ရက်နေ့တွင် စတင်အာဏာသက်ဝင်သည့် ယင်းဥပဒေသည် ဒုတိယကမ္ဘာစစ်နောက်ပိုင်း အမေရိကန်ဦးဆောင်သည့် အနောက်မဟာမိတ်အဖွဲ့က ထူထောင်ခဲ့သော မူဘောင်ကို စိန်ခေါ်နိုင်မည့် တရုတ်နိုင်ငံကို ဗဟိုပြုသော ကမ္ဘာ့စည်းမျဉ်းကို ဖော်ဆောင်လိုသည့် သမ္မတရှီ၏ ကာလရှည် ဆန္ဒကို အားကောင်းခိုင်မာလာစေမည် ဖြစ်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရိုဟင်ဂျာများအား မြန်မာသို့ ပြန်ပို့ရေးအတွက် ဘင်္ဂလားဒေ့ရှ်ဝန်ကြီးချုပ် ထပ်လောင်းပြောဆို
==========================

ဘင်္ဂလားဒေ့ရှ်နိုင်ငံ အရှေ့တောင်ပိုင်း ကော့ဘဇားခရိုင်တွင် ခိုလှုံနေကြသော ရိုဟင်ဂျာများအား မြန်မာနိုင်ငံသို့ ပြန်ပို့ရေးအတွက် ဝန်ကြီးချုပ် ရှိတ်ဟာစီနာသည် အင်္ဂါနေ့တွင် ထပ်လောင်းပြောဆိုသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြန်မာ့အရေး သဘောကွဲလွဲမှုများအကြား ဒေသတွင်းထိပ်တန်းသံတမန်များ တွေ့ဆုံစဉ် စည်းလုံးညီညွတ်မှုရှိရေး အာဆီယံဥက္ကဋ္ဌ တိုက်တွန်း
=======================

အရှေ့တောင်အာရှဒေသဆိုင်ရာ အဖွဲ့အနေဖြင့် အများယုံကြည် လက်ခံနိုင်မှု ဆက်ရှိစေရန်အတွက် စည်းလုံးညီညွတ်မှုရှိရန် အရေးကြီးကြောင်းကို အာဆီယံအလှည့်ကျဥက္ကဋ္ဌ အင်ဒိုနီးရှားက ဇူလိုင် ၁၁ ရက်တွင် အလေးပေး ပြောဆိုသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

China warns of 'humanitarian problems' after Ukraine cluster bombs approval
=======================

https://youtu.be/fkhqrhWk_Ck

'ဝဥ' စိုက်တောင်သူများ ဈေးကွက်ပျက်စီးမှုကြောင့် ထိခိုက်မှုများရှိနေ

#Businessnews #reels #shorts #mizzima

"ပြောခွင့်လေးပေးပါ" (Trailer)
===============

ဘာလိုလို့လဲ ဇာတ်လမ်းတွဲက
နောက်ထပ် ဇာတ်လမ်းတိုတပုဒ်ပါ။

မိသားစုအတွင်း အထီးကျန်ရာကနေ စိတ်ဒဏ်ရာ ရသွားတတ်တဲ့ ကလေးတွေ အကြောင်း။

မိသားစုအတွင်း အထီးကျန်နေသူတွေ ရှိတတ်ကြပါတယ်။
သူတို့ရဲ့ ပြောဆိုမှုတွေက မိသားစုထဲမှာ အရာမရောက်ပဲ ရှိတတ်ကြပါတယ်။
ဘယ်လို အကျိုးသက်ရောက်မှုတွေ ရှိတတ်ကြပါသလဲ။

စိတ်ဒဏ်ရာ ရသွားတဲ့သူတွေမှာကော ဘယ်လို သက်ရောက်မှုတွေ ရှိတတ်ပါသလဲ။
မိသားစုနဲ့ ပြောရေးဆိုခွင့်ကိစ္စကို ဒီဇာတ်လမ်းလေးမှာ တင်ဆက်ထားပါတယ်။

သတင်းနှင့်မီဒီယာကွန်ရက် (NMG) က လူငယ် အနုပညာရှင်တွေနဲ့ လက်တွဲ ထုတ်လုပ်တဲ့ အစီအစဉ် အပတ်စဉ် စနေနေ့ ညနေ ၆ နာရီမှာ Mizzima ရဲ့ ရုပ်သံတီဗွီမှာကြည့်ရှုနိုင်ပါတယ်။

အပတ်စဉ် တနင်္ဂနွေနေ့ နံနက် ၁၁း၃၀ နာရီ နဲ့ ည ၉း၄၅ နာရီ အပြင် ဗုဒ္ဓဟူးနေ့ မွန်းလွှဲ ၁း၁၅ နာရီ အချိန်တို့တွင်လည်း ပြန်လည်ထုတ်လွှင့်ပေးမှာ ဖြစ်ပါတယ်။

https://youtu.be/wt3POhJckvw

​​နွေဦးတော်လှန်ရေးနေ့စဉ် မှတ်စု (၁၁ ဇူလိုင် ၂၀၂၃) 
=======================

အမျိုးသားညီညွတ်ရေးအစိုးရသည် အာဆီယံဒေသတွင်း နိုင်ငံကို တရားဝင် ခရီးစဉ် သွားရောက် ပြီး သဘောတူညီချက်များရသည်အထိ ဆွေးနွေးနိုင်သည်ကို ကြည့်ပါက နိုင်ငံတကာ ဆက်ဆံ ရေး တဆင့်တက်လာသည်ဟု ဆိုရမည်ဖြစ်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

July - 11 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts

ဇူလိုင်လ (၁၁) ရက်၊ အင်္ဂါနေ့ ညပိုင်း မဇ္ဈိမရေဒီယိုအစီအစဉ်
===================

ဇူလိုင်လ (၁၁) ရက်၊ အင်္ဂါနေ့ ညပိုင်း မဇ္ဈိမရေဒီယိုအစီအစဉ်

ဒီကနေ့ ကြားကြရမယ့်သတင်းတွေကတော့ အာဆီယံအထူးသံတမန်ရုံးအကြီးအကဲနဲ့ လူငယ်တော်လှန်ရေးသမားတွေ တွေ့ဆုံရာမှာ ကောင်းမွန်တဲ့ တုံ့ပြန်မှုများရရှိခဲ့တယ်ဆိုတဲ့ သတင်းနဲ့အတူ ကရင်နီဒေသအတွက် ခွဲစိတ်ခန်းပစ္စည်းကိရိယာစုံပါ ကိန္နရာဆေးရုံ တည်ဆောက်ဖို့ ရှိတယ်ဆိုတယ်ဆိုတဲ့ နောက်ဆုံးရပြည်တွင်းသတင်းတွေ၊ နိုင်ငံတကာသတင်းတွေအပြင် စီးပွားရေးကဏ္ဍတွေကို နားဆင်ကြရမှာပါ။

အဲ့ဒီနောက်မှာတော့ အပတ်စဉ်ကဏ္ဍတွေအနေနဲ့ “မရွှေမိုးရဲ့လေးညှို့သံ “ အစီအစဉ် နဲ့ “သဘာဝရဲ့လက်ဆောင်” အစီအစဉ်တွေကို နားဆင်ရမှာဖြစ်ပြီးတော့ အဲဒါပြီးရင် တိုင်းရင်းသားတွေရဲ့အသံကို စုစည်းတင်ဆက်ပေးနေတဲ့ BNI ရေဒီယိုအစီအစဉ်တွေကိုလည်း ထုတ်လွှင့်သွားဖို့ရှိပါတယ်။

https://youtu.be/wkZ5fcdsoTg

#Eveningradio
#Mizzimaradio
----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ဇူလိုင်လ (၁၁) ရက်၊ ည ၇ နာရီ The Mizzima Prime Time မဇ္စျိမ ပင်မသတင်းအစီအစဥ်
=======================

- အာဆီယံအထူးသံတမန်ရုံးအကြီးအကဲနဲ့ လူငယ်တော်လှန်ရေးသမားတွေတွေ့ဆုံမှု ကောင်းမွန်သည့်တုံ့ပြန်မှုများရရှိခဲ့တဲ့သတင်း

- ကလေးသူငယ်များ ထိခိုက်သေဆုံးမှုဆိုင်ရာ ကုလအစီရင်ခံစာကို စစ်ကောင်စီ ပယ်ချတဲ့ သတင်း

-ခြောက်လအတွင်း KNU ထိန်းချုပ်နယ်မြေမှာ တိုက်ပွဲ ၂၅၀၀ နီးပါးဖြစ်ခဲ့ပြီး စစ်ဘေးရှောင်ပြည်သူ ၆သိန်းခန့်ထိ ရှိလာနေတဲ့ သတင်း

- ကရင်နီဒေသအတွက် ကိန္နရာဆေးရုံ တည်ဆောက်ဖို့ရှိနေတဲ့သတင်း

- ကန့်ဘလူမြို့နယ် ထန်းကုန်းတိုက်နယ်တွင် ဒေသခံ ၂ ဦး မြွေဆိုးကိုက်ခံရတဲ့သတင်းနဲ့

- ဆွီဒင်ရဲ့နေတိုးအဖွဲ့ဝင်ဖြစ်ရေးကို တူရကီရဲ့အီးယူအဖွဲ့ဝင်ဖြစ်ရေးနဲ့ချိတ်ဆက်ပြီး အာဒိုဂန်ပြောဆိုတဲ့ သတင်း အပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးပါမယ်။

https://www.youtube.com/live/ur3lV5WVmdQ?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မင်းတပ်မြို့နယ်က စစ်ဘေးရှောင်တွေ ဘာတွေကြုံနေရလဲ (ရုပ်သံ)
=================

ပါခွီး (မဇ္စျိမ) ။ ။ချင်းပြည်နယ်၊ မင်းတပ်မြို့နယ်အတွင်းမှ စစ်ရှောင်နေကြသည့်ဒေသခံများသည် အချိန်ကြာ လာသည့်အလျှောက် ကျန်းမာရေးစောင့်ရှောက်မှုနှင့် အခြားလိုအပ်ချက်များရှိနေသည်ဟု စစ်ရှောင်များ အား ကူညီဆောင်ရွက်ပေးနေသူထံမှ သိရသည်။

လက်ရှိအချိန်ထိ စစ်ကောင်စီတပ်ဖွဲ့က စစ်ကြောင်းထိုးခြင်း၊ လေကြောင်းမှ ဗုံးကြဲတိုက်ခိုက်ခြင်းနှင့် လက်နက်ကြီးဖြင့် ပစ်ခတ်ခြင်းများရှိနေသည်ဟု သိရသည်။

စစ်ကောင်စီတပ်ဖွဲ့ကပစ်ခတ်သည့် လက်နက်ကြီးကျည် ကျရောက်ပေါက်ကွဲမှုကြောင့် ဒေသခံများ ထိခိုက်သေဆုံးမှုများ ရှိနေသည်ဟုလည်း ကူညီပေးရေးဆောင်ရွက်နေသူထံမှ သိရသည်။
စစ်ဘေးရှောင်နေရသည့် ဒေသခံများကြုံတွေ့နေရသည့်အခြေအနေများကို စစ်ရှောင်များအတွက် စားဝတ်နေရေး၊ ကျန်းမာရေးနှင့် ပညာရေးအခြေအနေများကို ကူညီဆောင်ရွက်ပေးနေသည့် Mindat Township IDPs Camp Management Committee တာဝန်ခံ ကိုလော့ရင့်စ်ကို မဇ္စျိမကဆက်သွယ်မေး မြန်းထားသည်။

https://youtu.be/tPTmIbZbvSo


#ဆက်သွယ်မေးမြန်းချက်
#ကချင်ပြည်နယ်
#မင်းတပ်မြို့နယ်
#စစ်ဘေးရှောင်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​တရုတ်စီမံကိန်းများရှိသည့်မြို့နယ်များတွင် တိုက်ပွဲထက်ဝက်ကျော်ကျဆင်းဟု ISP-Myanmar ထုတ်ပြန်
===================

မိုးသောက်
မဲဆောက်(မဇ္ဈိမ)။ ။တရုတ်စီမံကိန်းများရှိနေသည့်မြို့နယ်များတွင် စစ်ကောင်စီနှင့် တော်လှန်ရေးအဖွဲ့ တို့အကြား တိုက်ပွဲအရေအတွက် ထက်ဝက်ကျော်လျော့ကျသွားကြောင်း ISP-Myanmar မှထုတ်ပြန်ထား သည်။

တရုတ်-မြန်မာစီးပွားရေးစင်္ကြန်စီမံကိန်းများနှင့် အခြားတရုတ်စီမံကိန်းများရှိနေသည့် မြို့နယ် ၆၁ မြို့နယ် ကို ISP-Myanmar မှ ၁၄ လတာစီ နှိုင်းယှဉ်လေ့လာခဲ့ခြင်းဟု ဆိုသည်။

အာဏာသိမ်းပြီးချိန်မှစ၍ ၂၀၂၂ ခုနှစ်မတ်လအထိ တိုက်ပွဲဖြစ်ပွားခဲ့တဲ့အကြိမ်အရေအတွက် ၁,၄၈၆ ကြိမ် ရှိခဲ့ပြီး ၂၀၂၂ ခုနှစ်၊ ဧပြီလမှ ၂၀၂၃ ခုနှစ် မေလအထိ တိုက်ပွဲစုစုပေါင်းသည် ၇၆၂ ကြိမ်သာရှိခဲ့ကြောင်း အဆိုပါအဖွဲ့က ထောက်ပြသည်။

ကချင်ပြည်နယ်၊ ရှမ်းပြည်နယ်၊ ရခိုင်ပြည်နယ်၊ မကွေးတိုင်း၊ စစ်ကိုင်းတိုင်း၊ ပဲခူးတိုင်းနှင့် ရန်ကုန်တိုင်း တို့တွင် တရုတ်နိုင်ငံမှလုပ်ဆောင်ခွင့်ရရှိထားသည့် စီမံကိန်းကြီး စုစုပေါင်း ၁၇ ခု ရှိနေသည်။

တိုက်ပွဲထက်ဝက်ကျော်ကျဆင်းရခြင်းမှာ တရုတ်စီမံကိန်းတည်ရှိရာဒေသများတွင် စစ်ကောင်စီတပ်မှ လုံခြုံရေးတိုးမြှင့်ချထားခြင်းကြောင့်ဟု တော်လှန်ရေးအဖွဲ့အချို့က ပြောသည်။

လက်ပံတောင်းတောင်ကြေးနီစီမံကိန်းတည်ရှိရာ စစ်ကိုင်းတိုင်း၊ ဆားလင်းကြီးမြို့နယ်၌လည်း စစ်ကောင် စီတပ်က ဝမ်ပေါင်ကုမ္ပဏီဝင်းအတွင်း စခန်းအထိုင်ချခြင်း၊ လက်နက်ခဲယမ်းများ သိုလှောင်ခြင်းများ ပြုလုပ်ပြီး ရွာစဉ်လှည့်ကာစစ်ဆင်ရေးများပြုလုပ်နေသည်ဟု ဆိုသည်။

“ တိုက်ပွဲတစ်ခုဖြစ်လာရင် ဝမ်ပေါင်ကုမ္ပဏီထဲက လက်နက်ကြီးနဲ့ပစ်ကူခဲ့တာရှိတယ်။ တိုက်ပွဲဖော်ဆောင် ရတာခက်ခဲတာပေါ့။ ဝမ်ပေါင်ကုမ္ပဏီအတွင်းထဲမှာဆို ခန့်မှန်းခြေ ၄၀၀ လောက်ရှိတယ်” ဟု ဆားလင်း ကြီးမြို့နယ်ပြည်သူ့အုပ်ချုပ်ရေးအဖွဲ့မှ ဆက်သွယ်ရေးတာဝန်ခံ ကိုစစ်ငြိမ်းကသုံးသပ်သည်။

ပြီးခဲ့သည့်မေလအတွင်း၌ မြန်မာနိုင်ငံဆိုင်ရာတရုတ်သံအမတ်ကြီး H.e.Mr.Chen Hai က စစ်ကောင်စီ၏ ဥပဒေရေးရာဝန်ကြီးဌာနတာဝန်ရှိသူနှင့်တွေ့ဆုံရာတွင် ရခိုင်ပြည်နယ်ရှိ၊ ကျောက်ဖြူအထူးစီးပွားရေးဇုန်၊ ရေနက်ဆိပ်ကမ်းစီမံကိန်းကို အမြန်ဆုံးအကောင် အထည်ဖော်ဆောင်ရွက်လိုကြောင်း ထုတ်ပြောခဲ့သည် ကို စစ်ကောင်စီဝါဒဖြန့်မီဒီယာများမှ ဖော်ပြခဲ့သည်။

တရုတ်သည်မြန်မာနိုင်ငံအတွင်း ၎င်းတို့၏စီမံကိန်းများလုပ်ဆောင်နေသကဲ့သို့ နယ်နိမိတ်ချင်းထိစပ်သည့် ဒေသများတွင် စစ်ဖြစ်ပွားမှုမရှိစေရန် စစ်ကောင်စီနှင့် တော်လှန်ရေးအဖွဲ့များအကြား စေ့စပ်ရန်လည်း အမျိုးမျိုးကြိုးစားနေသည်။

အာဏာသိမ်းကာလအလွန် ပထမ ၁၄ လတာအတွင်း တရုတ်စီမံကိန်းများရှိရာဒေသများအတွင်း တိုင်း ရင်းသားလက်နက်ကိုင်အချင်းချင်း တိုက်ပွဲဖြစ်ပွားမှု အကြိမ် ၄၀ ကျော်ရှိခဲ့သော်လည်း ဒုတိယ ၁၄ လတာ ကာလတွင် တိုက်ပွဲဖြစ်ပွားမှုမရှိခဲ့ကြောင်း ISP မြန်မာကထုတ်ပြန်ထားသည်။

စာတည်း ။။ Alden
စာမူတည်းဖြတ်။ ။စောဖေ

#တရုတ်စီမံကိန်း
#ISP_Myanmar
#တိုက်ပွဲ
#လက်နက်ကိုင်
#စစ်ကောင်စီ
PHOTO-ပုံဟောင်း(တရုတ်စီမံကိန်းတစ်ခု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​စာချုပ်အငြင်းပွားမှုနဲ့ ပတ်သက်လို့ ကိုင်လီယန် အမ်ဘာပေ ပရိသတ်တွေရဲ့ ရန်လိုတဲ့ တုံ့ပြန်မှုကို ရင်ဆိုင်ရနိုင်တယ်လို့ ပီအက်စ်ဂျီ ယုံကြည်
======================

ကိုင်လီယန် အမ်ဘာပေဟာ သူ့ရဲ့ စာချုပ်အငြင်းပွားမှုကို ဖြေရှင်းမပေးပါက သူဟာ လာမယ့်ရာသီမှာ ကလပ်အသင်းပရိသတ်တွေရဲ့ ရန်လိုတဲ့ လုပ်ဆောင်မှုကို ရင်ဆိုင်ရနိုင်တယ်လို့ ပဲရစ်စိန့်ဂျာမိန်းက ယုံကြည်နေပါတယ်။

ပြင်သစ်တိုက်စစ်မှူးက ပီအက်စ်ဂျီအတွက် ကစားပေးနေတာဟာ အကူအညီသိပ်မဖြစ်ဘူးလို့ ကျနော် ယူဆပါတယ်။ ဘာဖြစ်လို့လဲဆိုတော့ အဲဒီအသင်းက "သဘောထားကွဲလွဲမှုတွေ ရှိနေတဲ့ အသင်း၊ သဘောထားကွဲလွဲမှုတွေ ရှိနေတဲ့ ကလပ်ဖြစ်လို့ပါပဲ"လို့ သီတင်းပတ်ကုန်က L'Equipe နဲ့ အင်တာဗျူးမှာ ပြောပါတယ်။

ရီးယဲလ်မက်ဒရစ်အသင်းထံ ပြောင်းရွှေ့ဖို့ ချိတ်ဆက်မှုတွေရှိနေတဲ့ အမ်ဘာပေက သူဟာ စာချုပ်သစ် ချုပ်ဆိုမှာမဟုတ်ကြောင်း ပီအက်စ်ဂျီအသင်းကို ပြောဆိုခဲ့ပါတယ်။

ပင်လောင်းနှင့် ဖယ်ခုံမြို့နယ်တို့တွင် မြေမြှုပ်မိုင်းများအား ကာကွယ်ရေးတပ်ဖွဲ့ ရှာဖွေရှင်းလင်း
========================

ဂျူချန်း (မဇ္ဈိမ) ။ ။ရှမ်းပြည်နယ်၊ ဖယ်ခုံမြို့နယ်နှင့် ပင်လောင်းမြို့နယ်အတွင်း စစ်‌ကောင်စီတပ်များ ထောင်ထား ခဲ့သည့် မြေမြှုပ်မိုင်းများကို ကာကွယ်ရေးတပ်ဖွဲ့များက မိုင်းရှင်းလင်းရေး လုပ်ဆောင်နေကြရကြောင်း KNDF ထံမှ သိရသည်။

ဖယ်ခုံမြို့နယ်နှင့် ပင်လောင်းမြို့နယ်အတွင်းရှိ စလုံး(တောင်)ရွာနှင့် စလုံး(မြောက်)ကျေးရွာများတွင် စစ်ကောင်စီတပ်ဖွဲ့များက တပ်စွဲခဲ့ခြင်းဖြစ်ပြီး ၎င်းတို့ဆုတ်ခွာသွားချိန်၌ မြေမြှုပ်မိုင်းများ ထောင်ထားခဲ့ ခြင်းဖြစ်သည်ဟု ဆိုသည်။

“မိုင်းရှင်းတဲ့အခါမှာတော့ အန္တရာယ်အများကြီးရှိပါတယ်။ ကျနော်တို့ ခေတ်မှီနည်းပညာ၊ ခေတ်မှီ မိုင်းရှာ စက်တွေလည်း မသုံးနိုင်ဘူး။ မြေပြင်မှာရှိတဲ့ ရဲဘော်တွေကတော့ ကိုယ့်နည်းကိုယ့်ဟန်နဲ့ ရှာရပါတယ်။ ဒါပေမယ့် အများပြည်သူနေတဲ့ ရပ်ကွက်တွေမှာ မိုင်းတွေရှင်းပေးဖို့တာဝန်ရှိတဲ့အတွက် ခုလိုရှင်း နေရ တာဖြစ်ပါတယ်” ဟု KNDF ဗဟို သတင်းနှင့် ပြန်ကြားရေးဌာနမှ တာဝန်ရှိသူတဦးက မဇ္ဈိမကိုပြောသည်။

လက်ရှိအချိန်အထိ ရှာဖွေရရှိထားသည့် မြေမြှုပ်မိုင်းအရေအတွက် အလုံး ၁၀၀ ခန့်ရှိသည်ဟု ဆိုသည်။

ပြီးခဲ့သည့် ဖေဖော်ဝါရီလ နောက်ဆုံးအပတ်မှစတင်ကာ စစ်ကောင်စီတပ်သည် ပင်လောင်း-ဖယ်ခုံဘက်သို့ အင်အားအလုံးအရင်းဖြင့် စစ်ကြောင်းထိုးလာပြီး မေလအထိ တိုက်ပွဲပြင်းထန်ခဲ့ရာ သုံးလကျော်ကြာပြီး နောက် စစ်ကောင်စီတပ်များ ပြန်လည်ဆုတ်ခွာသွားခြင်းဖြစ်ကြောင်း သိရသည်။

“ဇွန်လလောက်မှာ ထိတွေ့တိုက်ပွဲတွေ တဖြည်းဖြည်းနည်းသွားတော့ စစ်ကောင်စီတပ်တွေက တဖြည်း ဖြည်း ဆုတ်သွားတယ်။ ဆုတ်သွားတာကလည်း လုံးဝဥဿုံဆုတ်သွားတာမျိုးမဟုတ်ဘဲ PNO ထိန်းချုပ် တဲ့ရွာတွေမှာ PNO နဲ့တွဲပြီးရှိနေတာ” ဟု KNDF ဗဟို သတင်းနှင့် ပြန်ကြားရေးဌာနမှ တာဝန်ရှိသူတဦးက မဇ္ဈိမကိုပြောသည်။

သုံးလကျော် တိုက်ပွဲများအတွင်း စစ်ကောင်စီတပ်က လေကြောင်းတိုက်ခိုက်မှု အကြိမ်ရေ ၁၀၀ ထက် မနည်း လုပ်ဆောင်ခဲ့ရာ ပင်လောင်းမြို့နယ်၊ လုံးပင်ကျေးရွာအုပ်စု၊ စလုံး(တောင်)ရွာ၊ စလုံး(မြောက်)ရွာ၊ တောင်မဲသင်းနှင့် လုံးပျဥ်ကျေးရွာများတွင် စစ်ကောင်စီ၏ လေကြောင်းပစ်ခတ်မှုများကြောင့် နေအိမ် ၃၀၀ ကျော် ပျက်စီးခဲ့ရကြောင်း KNDF Pekhon Zone ၏ ထုတ်ပြန်ချက်အရ သိရသည်။

မိုးဗြဲ-ဖယ်ခုံ လမ်းပိုင်းတွင်လည်း စစ်ကောင်စီတပ်များက ယခင်တပ်စွဲထားသည့် နေရာများ၌ မြေမြှုပ်မိုင်း များ ထောင်ထားခဲ့သဖြင့် ကာကွယ်ရေးတပ်ဖွဲ့ဝင်များက မြေမြှုပ်မိုင်းများကို သံချောင်းများအသုံးပြုကာ ရှင်းလင်းနေကြကြောင်း သိရသည်။

သို့သော် မိုးဗြဲမြို့အဝင်နေရာများဖြစ်သည့် ညောင်ဝိုင်းရပ်ကွက်၊ စည်ကား(၃)၊ ဒုန်းဒူထန်နှင့် စက်တော်ရာ ရပ်ကွက်များတွင် စစ်ကောင်စီတပ်များ တပ်စွဲထားဆဲဖြစ်ရာ ဒေသခံများအနေဖြင့် နေရပ်ပြန်ရန် အဆင် မပြေကြသေးကြောင်း သိရသည်။

“ကျမတို့တော့ အဆင်ပြေသလိုနေရတယ်။ အိမ်ကထွက်လာတာ တလကျော်တော့ အိမ်လွမ်းပြီ။ လမ်းမ ကြီးအောက်ပိုင်းရပ်ကွက်မှာ မီးပြန်လာတော့ တချို့အိမ်ပြန်နေကြပြီ။ ကျမတို့လမ်းမကြီးအပေါ်ပိုင်း အရင် စစ်ဇုံကတော့ အိမ်ပြန်မအိပ်ရဲကြသေးဘူး။ မီးလည်းမလာသေးဘူး။ မီးလောင်သွားတဲ့အိမ်ကလောင်။ လက်နက်ကြီးကျလို့ နေလို့မရတဲ့ အိမ်လည်းရှိတယ်” ဟု မိုးဗြဲမြို့ခံတဦးက မဇ္ဈိမကိုပြောသည်။

လက်ရှိတွင် မိုင်းရှင်းလင်းရေး လုပ်ဆောင်နေဆဲကာလဖြစ်သောကြောင့် ပင်လောင်း-ဖယ်ခုံအစပ်ရှိ စလုံး(တောင်)ရွာ၊ စလုံး( မြောက်)ရွာနှင့် မိုးဗြဲမြို့မှ ပြည်သူများအနေဖြင့် နေရပ်ပြန်ခြင်းများ မပြုလုပ် ကြရန် KNDF Pekhon Zone က သတိပေးထားသည်။

https://youtu.be/cVua6seDAxg

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ရှမ်းပြည်နယ်
#ဖယ်ခုံမြို့နယ်
#စစ်ကောင်စီတပ်
#မြေမြှုပ်မိုင်း
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U