ရွေးကောက်ခံ ပါရာဂွေးသမ္မတက ချစ်ကြည်ရင်းနှီးမှုခိုင်မာစေရေးအတွက် ထိုင်ဝမ်သို့ သွားရောက်

#internationalnews #Mizzima #Taiwan #reels #shorts

Cyclone Mocha aid fails to reach women and kids in Rakhine
===================

https://youtu.be/4jEXfsp6AFc

မုံရွာမြို့ အနောက်မြောက်တိုင်းစစ်ဌာနချုပ် ရှော့တိုက်ဒုန်းဖြင့် ပစ်ခတ်ခံရ
=================

မောင်ခက်နွေ (မဇ္ဈိမ)။ ။မုံရွာမြို့ရှိ အနောက်မြောက်တိုင်းစစ်ဌာနချုပ်(နမခ)ကို ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ ကြောင်း မုံရွာမြို့နယ်ပြည်သူ့ကာကွယ်ရေးအဖွဲ့ (ပကဖ) မှ ထုတ်ပြန်သည်။

ဇူလိုင်လ ၁၁ ရက်နေ့ မွန်းလွဲ ၂ နာရီခွဲတွင် မုံရွာ နမခ ကို ၁၀၇ မမ ရှော့တိုက်ဒုံးဖြင့် သွားရောက်ပစ်ခတ် ခဲ့ကြောင်း မုံရွာမြို့နယ်ပြည်သူ့ကာကွယ်ရေးအဖွဲ့(ပကဖ)တာဝန်ရှိသူ ကိုအောင်ကျော်က မဇ္ဈိမသို့ ပြော သည်။

“ရန်သူ့တပ်စခန်းထဲက အထိအခိုက်အခြေအနေကို စုံစမ်းရတာဖြစ်လို့ တိကျတဲ့အဖြေမျိုးရဖို့ ကြန့်ကြာ တာမျိုးတွေ ရှိပါတယ်ဗျ။ အခြေအနေကိုသိရတာနဲ့ ကျနော်တို့ ထုတ်ပြန်ချက်တွေ ထုတ်ပြန်‌ကြေညာပါ တယ် ” ဟု ၎င်းကပြောသည်။

ယခင်တိုက်ခိုက်မှုများအတွင်း စစ်ကောင်စီတပ်ဖွဲ့ဘက်မှ လက်နက်ကြီးများဖြင့်ပြန်လည် ပစ်ခတ်လေ့ရှိ သော်လည်း ယခုရှော့တိုက်ဒုံးဖြင့်ပစ်ခတ်မှုတွင် ပြန်လည်တုံ့ပြန်ခြင်း မရှိခဲ့ကြောင်း ကိုအောင်ကျော်က ဆိုသည်။

တိုက်ခိုက်မှုကို မုံရွာမြို့နယ်ပြည်သူ့ကာကွယ်ရေးအဖွဲ့ (ပကဖ) ကပြုလုပ်ခဲ့ခြင်းဖြစ်ပြီး အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။

ပြီးခဲ့သည့် ဇူလိုင်လ ၅ ရက်နေ့ကလည်း အနောက်မြောက်တိုင်းစစ်ဌာနချုပ်(နမခ)ကို ပြည်သူ့ကာကွယ် ရေးတပ်ဖွဲ့မှ ၁၀၇ မမ သုံးလုံး ဖြင့် ပစ်ခတ်တိုက်ခိုက်ခဲ့သေးသည်။

“ ၅ ရက်နေ့က ပစ်ခတ်မှုကတော့ ထုတ်ပြန်ချက်ထဲပါတဲ့အတိုင်း စစ်ကောင်စီတပ်သား ၉ ယောက် ထိတာ ကို အတည်ပြုနိုင်ခဲ့ပါတယ် ” ဟု ကိုအောင်ကျော်က ရှင်းပြသည်။

သို့သော် အထိအခိုက်၊ အပျက်အစီးများနှင့်ပတ်သက်၍ မဇ္ဈိမအနေဖြင့် ဒေသခံများထံမှ သီးခြား အတည် ပြုနိုင်ခြင်း မရှိသေးပေ။

ဇူလိုင်လဆန်းပိုင်းကတိုက်ခိုက်မှုကို မုံရွာမြို့နယ်ပြည်သူ့ကာကွယ်ရေးအဖွဲ့ (ပကဖ) နှင့် မုံရွာခရိုင်အမှတ် (၅) တပ်ရင်းတို့ ပူးပေါင်းလုပ်ဆောင်ခဲ့ကြခြင်းဖြစ်သည်။

စာတည်း ။ ။ Alden
စာမူတည်းဖြတ်။ ။စောဖေ

https://youtu.be/yKgmJCQALvA

#မုံရွာ
#နမခ
#ရှော့တိုက်ဒုံး
#တိုက်ခိုက်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အဖွဲ့ဝင်အဖြစ်ခွင့်ပြုမယ့်အချိန်ဇယားကို တိတိကျကျချပြဖို့ နေတိုးကို ယူကရိန်းပြောဆို

#internationalnews #Mizzima #Ukraine #reels #shorts

​​ပျူစောထီးများထံမှ လက်နက်များသိမ်းဆည်းရမိကြောင်း တပင်ရွှေထီးစစ်ကြောင်း ထုတ်ပြန်
========================

YT
(မဇ္ဈိမ)။ ။မွန်ပြည်နယ်၊ ပေါင်မြို့နယ်၊ ထန်းလေးကျေးရွာရှိ ပျူစောထီးခေါင်းဆောင်၏နေအိမ်မှ လက်နက် ခဲယမ်းများ သိမ်းဆည်းရမိခဲ့ကြောင်း တပင်ရွှေထီးစစ်ကြောင်းက ဇူလိုင်လ ၁၀ ရက်နေ့က ထုတ်ပြန်ထား သည်။

“သတင်းပေးရှိလို့ သူ့အိမ်ကို အလစ် ဝင်စီးနင်းလိုက်တာပါ၊ လက်နက်သုံးလက်နဲ့ ခဲယမ်းတွေရတယ်။ စစ် မေးလိုက်တော့ သူ့တပည့်တွေဆီကပါ ထပ်ရလိုက်တယ်” ဟု တပင်ရွှေထီးစစ်ကြောင်းတွင်ပါဝင်သည့် တပ်ဖွဲ့တခုမှ ရဲဘော်က မဇ္ဈိမကိုပြောသည်။

ပြီးခဲ့သည့် ဇူလိုင်လ ၉ ရက်နေ့ ညနေပိုင်းက ပေါင်မြို့နယ်၊ ထန်းလေးကျေးရွာ ဗမာစုရှိ ဦးရွှေမြ၏ နေအိမ် အား သွားရောက်စီးနင်းခဲ့ရာမှ ရိုင်ဖယ်သေနတ်သုံးလက်၊ B-A52 စတင်းဂန်းတလက်၊ ကျည်အိမ်ခြောက် ခုနှင့် ကျည်ဆံများသိမ်းဆည်းရမိခဲ့ကြောင်း သိရသည်။
ဦးရွှေမြအား စစ်ဆေးမေးမြန်းခဲ့ရာတွင်၎င်း၏ ပြောကြားချက်အရ အခြားပျူစောထီးနှစ်ဦး၏ နေအိမ်ကို လည်း ဝင်ရောက်ရှာဖွေနိုင်ခဲ့ပြီး ရိုင်ဖယ်သေနတ်တလက်စီနှင့် ကျည်အိမ်တခုစီ ထပ်မံ သိမ်းဆည်း ရမိခဲ့ ကြောင်း ဆိုသည်။

တပင်ရွှေထီးစစ်ကြောင်း၏ စီးနင်းရှာဖွေမှုအတွင်း စစ်ကောင်စီလက်အောက်ခံ ပျူစောထီးများက ပြန် လည်ခုခံခြင်း တစုံတရာမရှိခဲ့သည့်အတွက် ၎င်းတို့အား သတိပေးခြင်းသာလုပ်ဆောင်ခဲ့ကြောင်း ထုတ်ပြန် ချက်တွင်ဖော်ပြထားသည်။

သထုံခရိုင် PDF တာဝန်ခံကလည်း ယခုဖြစ်စဉ်သည် မှန်ကန်ကြောင်း မဇ္ဈိမကိုအတည်ပြုပြောဆိုသည်။
တပင်ရွှေထီးစစ်ကြောင်းသည် အမျိုးသားညီညွတ်ရေးအစိုးရ(NUG)လက်အောက်ခံ တောင်ပိုင်းတိုင်း စစ် ဒေသကွပ်ကဲရေး၊ J.O.C (Joint Commanding Office)၊ အမှတ်(၂)စစ်ဒေသခွဲတွင် ပါဝင်သည့် စစ် ကြောင်းဖြစ်သည်။

အဆိုပါစစ်ကြောင်းသည် ကရင်အမျိုးသားလွတ်မြောက်ရေးတပ်မတော်(KNLA)နှင့် ပြည်သူ့ကာကွယ်ရေး တပ်ဖွဲ့ (PDF)များ ပူးပေါင်းဖွဲ့စည်းထားပြီး ကရင်အမျိုးသားအစည်းအရုံး (KNU) တပ်မဟာ (၁)၊ သထုံ ခရိုင်၊ တပ်ရင်း (၂) နယ်မြေအတွင်းရှိ အဓိက လှုပ်ရှားလျက်ရှိသည်။

စာတည်း။ ။စောဖေ
စာမူတည်းဖြတ်။ ။စောဖေ

#မွန်ပြည်နယ်
#ပေါင်မြို့နယ်
#တပင်ရွှေထီးစစ်ကြောင်း
#ပျူစောထီး
ဓါတ်ပုံ- သိမ်းဆည်းရမိခဲ့သော လက်နက်၊ ခဲ၊ ယမ်းများ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၁၂ ဇူလိုင် ၂၀၂၃)
=================

အမျိုးသားညီညွတ်ရေး အစိုးရ
•   ဥပဒေရုံး ဖွဲ့စည်းတည်ထောင်ထားသည့် မြို့နယ်များတွင် ရှိသည့် မြို့နယ် ပြည်သူ့ အုပ်ချုပ် ရေးအဖွဲ့ (ပ.အ.ဖ) များ၊ ဥပဒေ တာဝန်ခံများ နှင့် အမျိုးသားညီညွတ်ရေး အစိုးရ၊ တရားရေး ဝန်ကြီးဌာနတို့အကြား တွေ့ဆုံဆွေးနွေးမှုကို ဇူလိုင် ၉ ရက်၊ မွန်းလွဲ ၁ နာရီတွင် ပြုလုပ် ခဲ့ကြောင်း သိရသည်။

•   စစ်ကိုင်းတိုင်း၊ ဝက်လက်မြို့နယ် နှင့် အရာတော်မြို့နယ်တို့တွင် အကြမ်းဖက်စစ်တပ်၏ စစ်ကြောင်းက ပြည်သူများကို သတ်ဖြတ်ခဲ့မှု နှင့် ပတ်သက်ပြီး အမျိုးသားညီညွတ်ရေး အစိုးရ၊ လူ့အခွင့်အရေးဆိုင်ရာဝန်ကြီးဌာနက အသိပေးထုတ်ပြန်ထားသည်။

•   အမျိုးသားညီညွတ်ရေး အစိုးရ၊ ကြားကာလဒေသန္တရ ပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ နှင့် ရန်ကုန်တိုင်းအတွင်းက မြို့နယ် ပြည်သူ့အုပ်ချုပ်ရေးအဖွဲ့များ တွေ့ဆုံဆွေးနွေးပွဲကို ဇူလိုင် ၁၁ ရက်၊ မွန်းလွဲ ၁ နာရီတွင် ပြုလုပ်ခဲ့ကြောင်း သိရသည်။

•   အာဏာသိမ်းကတည်းက ဖမ်းဆီးအကျဉ်းကျခံထားရသည့် ဒေါ်အောင်ဆန်းစုကြည်နှင့် တွေ့ဆုံခွင့်ရခဲ့ပြီး မြန်မာ့အကျပ်အတည်း အဆုံးသတ်ရေး “ကြိုတင်သတ်မှတ်ချက်များ မပါဘဲ ဆွေးနွေးပွဲများကို ထောက်ခံမည်”ဟု ပြောကြောင်း ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်းက ပြောဆိုခဲ့ခြင်းအပေါ် အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်က "တရားမဝင်" ဟု ဧရာဝတီ သတင်းဌာနတွင် ရေးသားဖော်ပြထားသည်။

ဇူလိုင်လ (၁၂) ရက်၊ ည ၇ နာရီ The Mizzima Prime Time မဇ္စျိမ ပင်မသတင်းအစီအစဥ်
========================

-မြန်မာ့အကျပ်အတည်း ဖြေရှင်းရန် “ကြိုတင် သတ်မှတ်ချက်တွေ” မပါတဲ့ ဆွေးနွေးမှုတွေကို ဒေါ်အောင်ဆန်းစုကြည် ထောက်ခံတယ်လို့ ဆိုတဲ့သတင်း

-တရုတ်စီမံကိန်းတွေရှိတဲ့ မြို့နယ်တွေမှာ တိုက်ပွဲထက်ဝက်ကျော်ကျဆင်းသွားတယ်လို့ ISP-Myanmar ထုတ်ပြန်တဲ့အကြောင်း

-ရှမ်းမြောက်တွင် TNLA နှင့် စစ်ကောင်စီတပ်တို့ တကျော့ပြန် တိုက်ပွဲဖြစ်ပွားနေတဲ့သတင်း

-စစ်အာဏာရှင်တော်လှန်ရေးအတွက် တိုက်ပွဲဝင်နေတဲ့ PDF တွေအတွက် လက်နက်ခဲယမ်း၊ ရိက္ခာ၊ ဆေးဝါးတွေ အဓိက ဖြည့်တင်းနေပြီလို့ သမ္မတ ဒူဝါလရှီးလ ပြောတဲ့အကြောင်း

-မယ်စဲ့မှာ တိုက်ပွဲမရှိတဲ့နေရာကို စစ်ကောင်စီတပ်က လေကြောင်းတိုက်ခိုက်လို့ ကလေးငယ် ၁ ဦးသေဆုံးတဲ့သတင်းနဲ့

-အဖွဲ့ဝင်အဖြစ် ခွင့်ပြုမယ့်အချိန်ဇယားကို တိတိကျကျချပြဖို့ နေတိုးကို ယူကရိန်းပြောဆိုလိုတဲ့ သတင်းအပါအဝင် အရေးကြီးတဲ့ သတင်းတွေနဲ့ စိတ်ဝင်စားဖွယ်ရာ သတင်းတွေကို တင်ဆက်ပေးသွားမှာပါ။

https://www.youtube.com/live/S5ZRrKIuDeQ?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

စရိုက် | မရွှေမိုး(ကိုရီးယား)“လေးညှို့သံ” − အပိုင်း (၆၁)
==================

နေ့တိုင်းစာသင်နေတဲ့ ဆရာမတွေ..။
ကိုယ့်အတွက် ကုသိုလ်ရ၊ သူတပါး (သို့မဟုတ်) တိုင်းပြည်အတွက် အကျိုးရှိမယ်ဆို အကောင်းဆုံးပဲ။... ဆိုပြီး မရွှေမိုး ရေးသားထားတဲ့ ဆောင်းပါးကို စာရေးသူ မရွှေမိုး(ကိုရီးယား)က ဖတ်ပြပေးသွားမှာဖြစ်ပါတယ်။

ဒီအစီစဉ်ကိုတော့ အပတ်စဉ် ဗုဒ္ဓဟူးနေ့ ညနေ ၆နာရီခွဲတိုင်းမှာ Mizzima TV ကနေ စောင့်မျှော်ကြည့်ရှုနိုင်ပါပြီ။

https://youtu.be/H61ZoldddIk

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

July - 12 [ 7 Pm ] The Mizzima Primetime

Mizzima Headline News

#7pmnews #themizzimaprimetime #mizzimadailynews #reels #shorts

​​၆ လအတွင်း ရန်ကုန်မြို့ပြတော်လှန်ရေးရဲဘော် ၁၀၀ ကျော် ဖမ်းဆီးခံရ
====================

ဂန္ဒမာ
(မဇ္ဈိမ)။ ။ ၂၀၂၃ ခုနှစ် ပထမခြောက်လအတွင်း၌ ရန်ကုန်မြို့ပြတော်လှန်ရေး မြေပေါ်မြေအောက်ရဲဘော် ၁၀၀ ကျော် ဖမ်းဆီးခံရကြောင်း ရန်ကုန်တော်လှန်ရေးအင်အားစုတခုထံမှ သိရသည်။
“အဖမ်းခံရတာနဲ့ပတ်သတ်ပြီး အဓိကအားနည်းချက်က စစ်ကောင်စီကြောင့်မဟုတ်ဘဲ ပြည်သူတွေအနေ နဲ့ သူတို့ရဲ့စီးပွားရေးကိုစောင့်ရှောက်ဖို့ CCTV တွေတပ်ထားတာက မြို့ပြပြောက်ကျားတွေရဲ့အခက်အခဲ ပါပဲ။ လမ်းမပေါ်မှာတပ်ဆင်ထားတဲ့ CCTV တွေကြောင့် မြို့ပြတော်လှန်ရေးအင်အားစုတွေဖမ်းမိ့ခဲ့တဲ့ သာဓကတွေ အတော်ကိုများပြားပါတယ်” ဟု UG Supporter Group က ပြောသည်။

လက်ရှိအခြေအနေသည် မြို့ပြပြောက်ကျားအဖွဲ့တိုင်းနီးပါး အခက်အခဲများကိုကြုံတွေ့နေရပြီး ထိုထဲတွင် နေထိုင်သွားလာစရိတ်၊ မစ်ရှင်ဖော်ဆောင်စရိတ်များလိုအပ်လျက်ရှိကာ မြို့ပြတွင် စစ်ကောင်စီ၏ရန်မှ ကင်းလွတ်အောင် နေထိုင်ရာတွင်လည်း ရပ်တည်မှုအတွက် ထောက်ပံ့မှုနည်းလာ၍ ခက်ခဲမှုများရှိ ကြောင်း စမ်းချောင်းပင်မသပိတ်စစ်ကြာင်းထံမှ သိရသည်။

သို့သော် တော်လှန်ရေး နှစ်နှစ်တာကာလနှင့် နှိုင်းယှဉ်မည်ဆိုပါက ရန်ကုန်မြို့တွင် မစ်ရှင်ဖော်ဆောင်မှု များမှာ အပြည့်အဝအောင်မြင်သည်မဟုတ်သေးသော်လည်း ထိရောက်မှုရှိနေသည့်အတွက် တောတွင်း ဖြစ်စေ၊ မြို့ပြဖြစ်စေ စစ်ကောင်စီတပ်အတွက် အန္တရာယ်သည် အနီးတွင်သာရှိနေပြီး လုံခြုံမှုမရှိတော့ သည်ကို တွေ့ရကြောင်း စမ်းချောင်း PDF က ပြောသည်။

မြို့ပြပြောက်ကျားများအနေဖြင့် မစ်ရှင်ဖော်ဆောင်ရာတွင်လည်း စစ်ကောင်စီ၏ တန်ပြန်ထိုးနှက်ချက် များကိုကြုံတွေ့ရပြီး အထူးသဖြင့် စစ်ကောင်စီ၏ဖမ်းဆီးခံရခြင်း၊ ရဲဘော်များ၏ မိသားစုဝင်များ အသက် အန္တရာယ်ပြုခံရခြင်း၊ ဆိုးရွားစွာ သတ်ဖြတ်ခံရသည့် ဖြစ်စဉ်များ ရှိခဲ့သည်။

“ဒီဖြစ်စဉ်တွေကရှိတယ်။ အများကြီးရှိတယ်။ ဒါပေမယ့် မြေပြင်မှာဖြစ်နေတာတွေကို အကုန်ပြောပြလို့ မရဘူး။ ဒါကိုအာရုံစိုက်မိသွားရင် ဒီအတိုင်းထပ်လုပ်တော့မှာ။ ဒါပေမယ့်လည်း ရဲဘော်တွေကတော့ လုပ်စရာရှိတာ ဆက်လုပ်နေပါတယ်။ စစ်ကောင်စီဘက်က ဘာပဲလုပ်လုပ် ဂရုစိုက်မနေကြပါဘူး” ဟု ရန်ကုန် မြို့ပြပြောက်ကျားတပ်ဖွဲ့တခုက ပြောသည်။

စစ်ကောင်စီအနေဖြင့် အကြမ်းဖက်ဖမ်းဆီး၊ သတ်ဖြတ်မှုများကို ပြုလုပ်နေဆဲဖြစ်၍ တော်လှန်ရေး ရဲဘော် များအနေဖြင့် မစ်ရှင်ဖော်ဆောင်ပြီးတိုင်း စိတ်ချလုံခြုံသည့်နေရာဒေသကို ချက်ခြင်းပြောင်းရွှေ့ရန် လိုအပ် ကြောင်းဆိုသည်။

“ ရှေ့ဆက်ပြီး အဖမ်းခံရတာတွေစိပ်လာရင် တော်လှန်ရေးအနေနဲ့ ရှေ့ဆက်ဖို့ အားယုတ်သွားတာတွေ၊ ထိထိရောက်ရောက်မလုပ်နိုင်တော့တာတွေ ဖြစ်လာနိုင်ပါတယ်။ ဒါကြောင့် မြို့ပြတော်လှန်ရေးအင်အား စုက ညီကိုမောင်နှမတွေအနေနဲ့ လုံခြုံရေးကိုအထူးဂရုစိုက်ကြပါလို့ ပြောချင်ပါတယ်” ဟု USG က သတိပေးစကားဆိုသည်။

မြို့ပြပြောက်ကျားများ၏ အဓိက လိုအပ်ချက်မှာ ငွေကြေးဖြစ်၍ အဆိုပါ အခက်အခဲအားကူညီနိုင်ရန် YFA (Yangon Fundraising Army) ရန်ကုန်ထောက်ပို့တပ် အဖွဲ့ဝင်များဖြစ်ကြသော စမ်းချောင်းပင်မ သပိတ် စစ်ကြောင်း၊ UG Supporter Group နှင့် Yangon Drone တို့မှ မြို့ပြထောက်ပို့ကမ်ပိန်းအား ဇူလိုင်လ ၁၀ ရက်မှ စက်တင်ဘာလ ၁၀ ရက်ထိ ပြုလုပ်သွားမည်ဖြစ်ကြောင်းသိရသည်။
ရရှိလာသည့်ငွေများအား San Chaung PDF ၊ UG Supporter Group ၏ မိတ်ဖက် UG များ နှင့် အညာ ဒေသ Black Wolf Army ထံသို့ ထောက်ပို့သွားမည်ဖြစ်ကြောင်း စမ်းချောင်းပင်မသပိတ်စစ်ကြောင်းက ပြောသည်။

မြို့ပြပြောက်ကျားများ ဖမ်းဆီးမခံရစေရန် ပြည်သူများအနေဖြင့် မလိုအပ်ပဲ CCTV များကို လမ်းမတွေပေါ် သို့ လှည့်မထားကြရန် ထပ်မံမေတ္တာရပ်ခံလိုပြီး မြို့ပြတော်လှန်ရေးအင်အားစုများအနေဖြင့်လည်း မိမိတို့ အဖွဲ့အစည်းကထုတ်ပြန်သည့် စည်းကမ်းများကိုလိုက်နာကာ ဂရုစိုက်စေလိုကြောင်း မြေပြင်ရဲဘော် တဦး က အသိပေးသည်။

စာတည်း။ ။စောဖေ
စာမူတည်းဖြတ်။ ။စောဖေ

#ရန်ကုန်မြို့ပြတော်လှန်ရေး
#မြို့ပြပြောက်ကျား
#ထောက်ပို့ကမ်ပိန်း
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖက်ဒရယ်နိုင်ငံရေးစနစ်နဲ့ဖွဲ့စည်းအုပ်ချုပ်ပုံအခြေခံဥပဒေရဲ့ အရေးပါမှု | Beyond Panglong Oath Ep-11
===================

ပင်လုံသစ္စာအလွန် ဖက်ဒရယ်ရေးရာ ဆွေးနွေးစရာများ အပိုင်း(11) | မြန်မာနိုင်ငံမှာ ဒီကနေ့ ကြုံတွေ့နေရတဲ့ နိုင်ငံရေးပြဿနာရဲ့ ထွက်ပေါက်ဟာ စစ်မှန်တဲ့ ဖက်ဒရယ်စနစ်ကို အခြေခံတဲ့ ဒီမိုကရေစီစနစ် ဖေါ်ဆောင်ရေးဖြစ်တယ်လို့ အားလုံးက တညီတညွတ်တည်း ပြောနေကြပါတယ်။ နိုင်ငံရေးအင်အားစုတွေက ဖက်ဒရယ်ကိစ္စကို ကျယ်ကျယ်လောင်လောင် ပြောဆိုဆွေးနွေးနေကြတဲ့ အခုလိုအချိန်မှာ ဖက်ဒရယ်နဲ့ ပတ်သက်လို့ စဥ်းစားဖို့ လိုအပ်တဲ့ နိုင်ငံရေးသီအိုရီပိုင်းဆိုင်ရာတွေကို အစဖေါ်ထုတ်ပေးတဲ့အနေနဲ့ “ပင်လုံသစ္စာအလွန်၊ ဖက်ဒရယ်ရေးရာ ဆွေးနွေးစရာများ” အစီအစဥ်ကို Mizzima TV ကနေ ဗုဒ္ဓဟူးနေ့ ည ၇နာရီခွဲတိုင်း တင်ဆက်ပေးနေပါတယ်။ နိုင်ငံရေးသိပ္ပံ လေ့လာသူဒေါ်ခင်မမမျိုးနဲ့ ဖက်ဒရယ်နဲ့ အခြေခံဥပဒေရေးရာ လေ့လာသူ ဦးခင်မောင်၀င်းတို့က ဆွေးနွေးတင်ဆက်သွားမှာဖြစ်လို့ Mizzima News In Burmese Facebook Page နဲ့ Mizzima TV YouTube Channel တို့မှာလည်း အချိန်မရွေး ပြန်လည်ကြည့်ရှုနိုင်ပါတယ်။

https://youtu.be/ryIsSFjLa8I

#ပင်လုံသစ္စာ
#ဖက်ဒရယ်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​မြန်မာ့အကျပ်အတည်း အဆုံးသတ်ရေးအတွက် အပြန်အလှန်ဆွေးနွေးပွဲကို အင်ဒိုနီးရှား တောင်းဆို
===================

၂၀၂၁ ဖေဖော်ဝါရီ၌ စစ်တပ်က အာဏာသိမ်းမှုကြောင့် ဖြစ်ပွားနေသော မြန်မာနိုင်ငံက နက်ရှိုင်းသည့် အကျပ်အတည်း အဆုံးသတ်စေရေး အပြန်အလှန် ဆွေးနွေးပွဲကို အင်ဒိုနီးရှား နိုင်ငံခြားရေးဝန်ကြီးက ဗုဒ္ဓဟူးနေ့တွင် တိုက်တွန်းတောင်းဆိုသည်။

“အပြန်အလှန် ဆွေးနွေးမှုကပဲ နိုင်ငံရေးအရ ဖြေရှင်းခြင်းဆီ ဦးတည်စေပါမယ်၊ နိုင်ငံရေးအရ ဖြေရှင်းမှုကသာ ခိုင်မာတဲ့ ငြိမ်းချမ်းရေးကို ဆောင်ကြဉ်းနိုင်မှာပါ”ဟု မြန်မာအရေးကို ဦးတည်ထားသော အာဆီယံနိုင်ငံခြားရေးဝန်ကြီးများအစည်းအဝေး ဒုတိယနေ့ ဖွင့်ပွဲ၌ ရတ်နိုမာဆူဒီက ပြောသည်။

နှစ်ပတ်လည် အာဆီယံ ဥက္ကဋ္ဌ တာဝန်ယူထားရသော အင်ဒိုနီးရှားသည် မြန်မာ့အရေးနှင့် ပတ်သက်ပြီး သက်ဆိုင်ရာအားလုံးနှင့် အကြိမ်ပေါင်း ၁၁၀ ထက်မနည်း ချိတ်ဆက်ဆွေးနွေးခဲ့ကြောင်း သူမက ဆိုသည်။

ဇူလိုင်လ (၁၂)ရက်၊ ဗုဒ္ဓဟူးနေ့ ညပိုင်း မဇ္ဈိမ ရေဒီယို အစီအစဉ်
================

ဒီကနေ့ည နားဆင်ရမယ့် အစီစဉ်တွေကတော့ ... အာဆီယံအစည်းအဝေးအတွင်းမှာ မြန်မာ့အရေးလွှမ်းမိုးနေပြီး အဖွဲ့ဝင်တွေအကြား သဘောထားကွဲလွဲမှုတွေရှိနေတယ်ဆိုတဲ့ သတင်းနဲ့အတူ နိုင်ငံရေးအကျဉ်းသားများကို ပြောင်ပြောင်တင်းတင်း သတ်ဖြတ်နေမှုအကြောင်း AAPP ထုတ်ပြန်လိုက်တဲ့သတင်းတွေပါဝင်တဲ့ နောက်ဆုံးရပြည်တွင်းသတင်းတွေ၊ နိုင်ငံတကာသတင်းတွေအပြင် စီးပွားရေးကဏ္ဍတွေကို နားဆင်ကြရမှာပါ။

အဲ့ဒီနောက်မှာတော့ အပတ်စဉ်ကဏ္ဍတွေအနေနဲ့ Mizzima Radio နဲ့ “The Call “ အွန်လိုင်းမဂ္ဂဇ္ဇင်းတို့ပူးပေါင်းတင်ဆက်တဲ့ အနုပညာကဏ္ဍအစီအစဉ်
ကိုနားဆင်ရမှာဖြစ်ပါတယ်။
....................................................
မဇ္ဈိမရေဒီယို ညနေပိုင်းအစီအစဉ်ကို မတ်လ ၂၆ ရက်နေ့ကစပြီး Frequency ပြောင်းလဲထုတ်လွှင့်နေတာဖြစ်တဲ့အတွက် ယခင်ဖမ်းယူနေကျ လှိုင်းတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လှိုင်းတိုမီတာ ၁၃ မီတာ၊ ၂၁.၇၁ မီဂါဟဇ်ကို ပြောင်းလဲဖမ်းယူနားဆင်ကြဖို့အတွက် မေတ္တာရပ်ခံအပ်ပါတယ်။

ဖမ်းယူနားဆင်နိုင်မယ့်အချိန်ကတော့ ထုတ်လွှင့်နေကျဖြစ်တဲ့ မြန်မာစံတော်ချိန် ညနေ ၆ နာရီခွဲကနေ ၇ နာရီခွဲအတွင်း ဖမ်းယူနားဆင်နိုင်မှာပဲဖြစ်ပါတယ်။

https://youtu.be/-fv_69wcq4w

#Mizzimaradio
#Eveningradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​တရုတ်တွင် အနောက်နိုင်ငံ ရင်းနှီးမြှုပ်နှံမှုများရှိနေသည်ကို မမေ့ရန် အမေရိကန်သမ္မတ သတိပေး
========================

ရုရှားသမ္မတ ဗလာဒီမာပူတင်နှင့် တွေ့ဆုံခဲ့သည့် တရုတ်သမ္မတ ရှီကျင့်ဖျင်အနေဖြင့် အနောက်နိုင်ငံများ၏ ရင်းနှီးမြှုပ်နှံမှုများနှင့်ပတ်သက်၍ သတိထားဆောင်ရွက်ရန် အမေရိကန်သမ္မတ ဂျိုးဘိုင်ဒင်က သတိပေးလိုက်သည်။ တရုတ်နိုင်ငံ၏စီးပွားရေးသည် အမေရိကန်အပေါ်တွင် နည်းလမ်းများစွာဖြင့် မှီခိုနေရကြောင်း ၎င်းက ထပ်လောင်း ပြောကြားခဲ့သည်ဟု CNN သတင်းတွင် ဖော်ပြထားသည်။ 

“ဒါက ခြိမ်းခြောက်တာ မဟုတ်ဘူး။ သတိပေးတာပါ” ဟု အမေရိကန်သမ္မတက CNN သတင်းထောက် ဖာရိဒ်ဇာကာရီယာနှင့် တွေ့ဆုံမေးမြန်းခန်းတွင် ပြောကြားခဲ့သည်။

“ရုရှားက ယူကရိန်းကို ကျူးကျော်ပြီးကတည်းက အမေရိကန် ကုမ္ပဏီပေါင်း ၆၀၀ ဟာ ရုရှားကနေ ထွက်ခွာခဲ့ပါတယ်။ နောက်ပြီး တရုတ်ရဲ့စီးပွားရေးက ဥရောပနဲ့ အမေရိကန်က ရင်းနှီးမြှုပ်နှံမှုတွေအပေါ် မှီခိုနေရတယ်လို့ ခင်ဗျား ပြောဖူးတယ်။ ကြပ်ကြပ် သတိထားပါ” ဟု ဘိုင်ဒန်က CNN သို့ ပြောကြားခဲ့သည်။

​​မြင်းခြံတွင် ကျောင်းထိုင်ဆရာတော် သေနတ်ဖြင့် ပစ်သတ်ခံရ
===================

007
(မဇ္စျိမ)။ ။ မန္တလေးတိုင်း၊ မြင်းခြံခရိုင် မြင်းခြံမြို့နယ်တွင်၊ ယမန်နေ့နေ့လယ်ပိုင်းက၊ ဂွေးပင်ရိုးကျေးရွာ စိတ္တသုခကျောင်းတိုက်မှဦးပညာသာမိဘွဲ့အမည်ရှိသည့် ကျောင်းထိုင်ဆရာတော်တစ်ပါး သေနတ်ဖြင့်ပစ်ခတ်ခံရပြီး၊ ပျံလွန်တော်မူသွားကြောင်းသတင်းရရှိသည်။

"ကျောင်း၀င်းထဲက ဓမ္မာရုံနားမှာ အပစ်ခံရပြီးပျံလွန်တာ၊ ဓမ္မာရုံတံခါးဘောင်တွေပြင်နေတာကို ကြည့်နေတုန်း၊ လူငါးယောက်က၀င်လာပြီး ပစ်သွားတာလို့ သိရတယ်" ဟု မြင်းခြံမြို့ဒေသခံတစ်ဦးက ပြောသည်။

ယမန်နေ့ ဇူလိုင်လ ၁၁ ရက်နေ့ နေ့လယ် ၃ နာရီ ၁၀ မိနစ်ခန့်က၊ ဆရာတော်ကျောင်း၀င်းထဲရှိနေစဉ်၊ ဆိုင်ကယ် လေးစီးဖြင့်ရောက်လာသော လူ ငါးဦးက သေနတ်ဖြင့်ပစ်ခတ်ထွက်ပြေးသွားခြင်းဖြစ်ကြောင်း၊ ပစ်ခတ်ခံရမှုကြောင့် ဆရာတော်တွင် ဝဲဘက်နောက်စေ့ ဖောက်၀င်ဒဏ်ရာတစ်ချက်ရရှိပြီး၊ အခင်းဖြစ်နေရာတွင် ပျံလွန်တော်မူသွားခဲ့ခြင်းဖြစ်ကြောင်း သိရသည်။

မည်သည့်အဖွဲ့အစည်းက လုပ်ဆောင်သွားခြင်းဖြစ်ကြောင်းမသိရသေးသော်လည်း၊ PDF လက်ချက်ဖြစ်သည်ဟု စစ်အုပ်စု၏သတင်းများကဖော်ပြကြရာ မဇ္ဈိမအနေဖြင့် အတည်ပြုနိုင်ခြင်းမရှိသေးပေ။
လက်ရှိတွင်၊ ကျောင်းထိုင်ဆရာတော်ပစ်သတ်ခံရသည့်ကိစ္စနှင့်ပတ်သက်၍၊ စစ်တပ်ထောက်ခံသူများဘက်က မကျေမနပ်ဖြစ်နေကြကြောင်းသိရသည်။

"ကျောင်းထိုင်အပစ်ခံရတဲ့ကိစ္စနဲ့ပတ်သက်ပြီး၊ စစ်တပ်လော်ဘီတွေက မကျေမချမ်းဖြစ်နေကြတယ်၊ အန်အယ်လ်ဒီထောက်ခံတဲ့ဘုန်းကြီးတွေကို တန်ပြန်လုပ်ဖို့ လှုံ့ဆော်နေကြလို့ တချို့လည်းတခြားမြို့ရှောင်နေကြရတယ်" ဟု ဒေသခံတစ်ဦးက ပြောသည်။
မြင်းခြံခရိုင်တွင်၊ ဇူလိုင်လ ၃ ရက်နေ့နှင့် ၄ ရက်နေ့တို့က၊ ကြံ့ခိုင်ရေးပါတီ၀င်ကျေးရွာအုပ်ချုပ်ရေးမှူးနှစ်ဦးနှင့် ပါတီ၀င်တစ်ဦးတို့ပစ်သတ်ခံခဲ့ရပြီးနောက်၊ အရပ်သား(အမျိုးသား)တစ်ဦး ရက်ရက်စက်စက်သတ်ဖြတ်ခံခဲ့ရသလို၊ နောက်ထပ်အမျိုးသားတစ်ဦးနှင့်အမျိုးသမီးတို့လည်း ဖမ်းဆီးခံရပြီးမီးရှို့သတ်ဖြတ်ခံခဲ့ရကြောင်း သိရသည်။

စာတည်း - သန့်ဇော်(သန်လျင်)

#mizzima
#PDF
#မြင်းခြံမြို့နယ်
#စိတ္တသုခကျောင်းတိုက်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

National Unity Government (NUG)၏ PVTV Channel မှ ၂၀၂၃ ခုနှစ် ဇူလိုင်လ ၁၂ ရက်ထုတ်လွှင့်မှုများ
==================

https://youtu.be/0Dkgk33moHE

​​မြန်မာ့အကျပ်အတည်းကို နိုင်ငံရေးအရ အဖြေရှာရန် အာဆီယံဥက္ကဋ္ဌ တိုက်တွန်း
======================

မြန်မာ့အကျပ်အတည်းကို နိုင်ငံရေးအရ အဖြေရှာရန် အာဆီယံဥက္ကဋ္ဌ အင်ဒိုနီးရှားက ဇူလိုင် ၁၂ ရက်တွင် တိုက်တွန်းပြောကြားသည်။ အာဆီယံအဖွဲ့သည် စစ်အာဏာသိမ်းထားသည့် မြန်မာနိုင်ငံနှင့်ပတ်သက်ပြီး စည်းလုံးညီညွတ်သော ရပ်တည်ချက်သဘောထားတစ်ရပ် ပုံဖော်ရန် ဒုတိယမြောက်နေ့ ဆွေးနွေးမှုများကို ယနေ့ လုပ်ဆောင်သည်။

မြန်မာတွင် ပြီးခဲ့သည့် နှစ်နှစ်ကျော်အကြာက စစ်တပ်က ဒေါ်အောင်ဆန်းစုကြည်၏ အစိုးရကို ဖြုတ်ချ အာဏာသိမ်းပြီး ၎င်းတို့ကို ဆန့်ကျင်အတိုက်အခံပြုသူများအပေါ် သွေးထွက်သံယို လူမဆန် ဖြိုခွင်းနှိမ်နင်းမှုများ လုပ်ဆောင်ပြီးကတည်းက နိုင်ငံသည် လူသေဆုံးသော အကြမ်းဖက်မှုဒဏ် ခံထားရသည်။

အဖွဲ့ဝင် ၁၀ နိုင်ငံပါ အာဆီယံအုပ်စုသည် ထိရောက်မှုမရှိသော ဆွေးနွေးပြောဆိုရာ နေရာတစ်ခုအဖြစ် ကာလကြာကတည်းက ဝေဖန်ခံထားရပြီး လက်ရှိတွင်လည်း မြန်မာအကျပ်အတည်း ပြေလည်အောင် ဖြေရှင်းရေး သံတမန်ရေးဆိုင်ရာ ကြိုးပမ်းမှုများနှင့်ပတ်သက်ပြီး သဘောကွဲလွဲမှုများ ဆက်ရှိနေသည်။

ဇူလိုင်လ (၁၃)ရက်၊ ကြာသပတေးနေ့ မနက်ပိုင်း မဇ္ဈိမ ရေဒီယို အစီအစဉ်
========================

ဒီကနေ့ မနက်နားဆင်ရမယ့် သတင်းတွေကတော့  ဖမ်းဆီးအကျဉ်းချခံထားရတဲ့  မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ မကြာသေးခင်က တွေ့ဆုံခဲ့ပြီး ဒေါ်အောင်ဆန်းစုကြည်ဟာ  စိတ်ရောကိုယ်ပါ ကျန်းမာတယ်လို့ ထိုင်းနိုင်ငံခြားရေးဝန်ကြီး ဒွန် ပရာမွတ်ဝီနိုင်းပြောဆိုခဲ့တဲ့ သတင်းနဲ့အတူ ရှမ်းပြည်နယ်မြောက်ပိုင်း ကျောက်မဲမြို့နယ်နဲ့ မူဆယ်မြို့တွေမှာ တအာင်းအမျိုးသားလွတ် မြောက်ရေးတပ်မတော်(TNLA)နဲ့ စစ်ကောင်စီတပ်တို့ နှစ်ရက်ဆက်တိုက် တိုက်ပွဲဖြစ်ပွားခဲ့တဲ့သတင်းအပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။
 အဲ့ဒီနောက်မှာတော့ အပတ်စဉ်ကဏ္ဍတွေအနေနဲ့   Mizzima Radio နဲ့ “The Call “ အွန်လိုင်းမဂ္ဂဇ္ဇင်းတို့ပူးပေါင်းတင်ဆက်တဲ့ အနုပညာကဏ္ဍအစီအစဉ် ကိုနားဆင်ရမှာဖြစ်ပါတယ်ခင်ဗျာ။

https://youtu.be/Q9xehkZl2Os
 
#Mizzimaradio
#Morningradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

မဇ္ဈိမအတွက် ဗွီအိုအေ သတင်းလွှာ (ဇူလိုင်လ ၁၃ ရက်၊ ၂၀၂၃ ခုနှစ် | VOA On Mizzima)
======================

အာရှနွယ်ဖွားအမေရိကန်နိုင်ငံသားတွေကို ဟော်လိဝုဒ်ရုပ်ရှင်လောကမှာ အတွေ့များလာတဲ့အကြောင်းနဲ့ ကမ္ဘာ့လူဦးရေအများဆုံးနိုင်ငံဖြစ်လာမယ့် အိန္ဒိယနိုင်ငံရဲ့ အခြေအနေအကြောင်း၊ ဒီလို စိတ်ဝင်စားစရာ ဆောင်းပါးတွေအပြင် နောက်ဆုံးရ ငွေလဲနှုန်း၊ ရွှေဈေးနဲ့ စက်သုံးဆီဈေးတွေကိုလည်း ၂၀၂၃ ခုနှစ်၊ ဇူလိုင်လ ၁၃ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/d5rSK7TnfB8

#VOA
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ဒေါ်အောင်ဆန်းစုကြည်နှင့် ပတ်သက်ပြီး ထိုင်းနိုင်ငံခြားရေးဝန်ကြီး၏ ပြောကြားချက် နိုင်ငံရေးလုပ်ကြံမှုဖြစ်ကြောင်း NUG ပြော
===================

001
(မဇ္စျိမ)။ ။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပတ်သက်ပြီး ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်း၏ ပြောကြားချက်မှာ နိုင်ငံရေးလုပ်ကြံမှု တစ်ခုဖြစ်ကြောင်း အမျိုးသားညီညွတ်ရေးအစိုးရ (NUG) ၊ နိုင်ငံတော်သမ္မတရုံးပြောရေးဆိုခွင့်ရှိသူ ဦးကျော်ဇော်က ပြောသည်။

“မတရား ဖမ်းဆီးထိန်းသိမ်းခံထားရတဲ့ နိုင်ငံရေးအကျဉ်းသားတစ်ယောက်ကိုပေါ့နော်။ ဒီလိုမျိုး နိုင်ငံရေးအတွက် အသုံးချဖို့အတွက် ခြေလှမ်းတစ်ရပ်လို့ ထင်မြင်မိတယ်။ နိုင်ငံရေးလုပ်ကြံမှု တစ်ခုဖြစ်နေတယ်။ မရိုးသားတဲ့ ကြံစည်ကြိုးစားချက် တစ်ခုဖြစ်နေတယ်ဆိုတာ တွေ့ရှိရတယ်”ဟုဆိုသည်။

ဒေါ်အောင်ဆန်းစုကြည်နှင့် ဇူလိုင်လ ၉ ရက်နေ့က တွေ့ဆုံခဲ့ကြောင်း ထိုင်းနိုင်ငံခြားရေးဝန်ကြီး၏ ပြောကြားချက်များနှင့် ပတ်သက်ပြီး အမျိုးသားညီညွတ်ရေးအစိုးရ (NUG) က အထက်ပါအတိုင်းပြန်လည် တုံ့ပြန်ခြင်းဖြစ်သည်။

ထိုင်းနိုင်ငံခြားရေးဝန်ကြီးအနေဖြင့် စေတနာမှန်မှန် ရည်ရွယ်ချက်မှန်မှန်ရှိပါက ယခုကဲ့သို့ မတရားဖမ်းဆီးထိန်းချုပ်ခံထားရသည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတဦးဝင်းမြင့်အပါအဝင် သောင်းနှင့်ချီကာ မတရားထိန်းသိမ်းခံထားရသည့် နိုင်ငံရေးအကျဉ်းသားများကို ချက်ချင်း လွှတ်ပေးရန်အတွက် တောင်းဆိုသင့်ကြောင်း NUG နိုင်ငံတော်သမ္မတရုံးပြောရေးဆိုခွင့်ရှိသူ ဦးကျော်ဇော်ကပြောသည်။

ထို့ပြင် ၎င်းအနေဖြင့် ဒေါ်အောင်ဆန်းစုကြည်နှင့် အမှန်တကယ် တွေ့ဆုံခဲ့မှုရှိ၊ မရှိကို အမျိုးသားညီညွတ်ရေးအစိုးရက ရရှိထားသည့် သတင်းများအရ အတည်ပြု၍ မရသည့်အပြင် အဆိုပါ တွေ့ဆုံမှုနှင့် ပတ်သက်ပြီး မည်သည့်အထောက်အထားမှလည်း မရှိကြောင်း NUG နိုင်ငံတော်သမ္မတရုံး ပြောရေးဆိုခွင့်ရှိသူ ဦးကျော်ဇော်က ထောက်ပြသည်။

“အခုက NUGအနေနဲ့ပြောရမယ်ဆိုရင် ဒီသတင်းကိုလည်း confirmလုပ်လို့မရဘူး။ နောက်ပြီးတော့ ထိုင်းနိုင်ငံခြားရေးဝန်ကြီးက ဒေါ်အောင်ဆန်းစုကြည် ပြောတယ်ဆိုတဲ့စကားနဲ့ ဒေါ်အောင်ဆန်းစုကြည်ရဲ့ အရင်တုန်းက ပြောကြားခဲ့တဲ့ သူ့ရဲ့လုပ်ဖော်ကိုင်ဖက်တွေကနေ တစ်ဆင့်ပြောကြားခဲ့တဲ့စကားတွေ၊ သူနဲ့တွေ့ဆုံခဲ့တဲ့လူတွေဆီက ပြောတဲ့စကားတွေနဲ့ လုံးဝမတူညီဘူး၊ ကွာဟနေတယ်ဆိုတာလည်း တွေ့ရတယ်”ဟု ဆိုသည်။

ထို့ပြင် ထိုသို့ ဒေါ်အောင်ဆန်းစုကြည်နှင့် တွေ့ဆုံရမည့်ကိစ္စမှာ အာဆီယံ၏ အထူးကိုယ်စားလှယ်က လုပ်ဆောင်ရမည့်ကိစ္စဖြစ်ပြီး ရာထူးမှဆင်းရခါနီး အချိန်အနည်းငယ်သာကျန်တော့သည့် ထိုင်းနိုင်ငံခြားရေးဝန်ကြီးက ဝင်ရောက်လုပ်ဆောင်မှုအပေါ် NUG က မေးခွန်းထုတ်သည်။

အာဆီယံအဖွဲ့ဝင်နိုင်ငံများအနေဖြင့် မြန်မာ့အရေးတွင် ကူညီဆောင်ရွက်ရာတွင် ပြည်သူလူထု၏ ဆန္ဒသဘောထားနှင့် ထင်ဟပ်ရမည်ဖြစ်ပြီး အခြေအနေပိုရှုပ်ထွေးအောင် ကြံစည်ကြိုးစားမှုများ မလုပ်သင့်ကြောင်းနှင့် အာဆီယံ၏ ပဋိညာဥ်နှင့်အညီ လိုက်နာဆောင်ရွက်ရန်လိုကြောင်းလည်း NUG က တိုက်တွန်းသည်။
ဇူလိုင်လ ၉ ရက်နေ့က ဒေါ်အောင်ဆန်းစုကြည်နှင့် တွေ့ဆုံခဲ့ကြောင်း ထိုင်းနိုင်ငံခြားရေးဝန်ကြီးက ယမန်နေ့ ဇူလိုင်လ ၁၂ ရက်နေ့ အင်ဒိုနီးရှားနိုင်ငံ၊ ဂျကာတာတွင်ပြုလုပ်သည့် အာဆီယံနိုင်ငံခြားရေးဝန်ကြီးများ အစည်းအဝေးအပြီးတွင် သတင်းထောက်များကို ပြောကြားခဲ့သည်။

ဒေါ်အောင်ဆန်းစုကြည်၏ ကျန်းမာရေးကောင်းမွန်ကြောင်းနှင့် ကောင်းမွန်သည့် တွေ့ဆုံမှုဖြစ်ခဲ့ကြောင်း ထိုင်းနိုင်ငံခြားရေးဝန်ကြီးက ပြောသည်။ ထို့ပြင် ဒေါ်အောင်ဆန်းစုကြည်က တွေ့ဆုံဆွေးနွေးရေးကို အားပေးကြောင်း ထိုင်းနိုင်ငံခြားရေးဝန်ကြီးက ပြောဆိုခဲ့ပြီး အသေးစိတ်ကို ပြောဆိုခဲ့ခြင်းမရှိပေ။

ထိုင်းနိုင်ငံခြားရေးဝန်ကြီးအနေဖြင့် အာဆီယံနိုင်ငံခြားရေးဝန်ကြီးများအစည်းအဝေးမကျင်းပမီတွင် နေပြည်တော်သို့ တိတ်တဆိတ်လာရောက်ခဲ့ခြင်းဖြစ်ပြီး ယင်းခရီးစဉ်အပေါ် နှစ်ဖက်သတင်းထုတ်ပြန်ခဲ့ခြင်းမရှိခဲ့ပေ။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား စစ်ကောင်စီက အာဏာသိမ်းပြီးနောက်ပိုင်း NLDပါတီဝင်အချို့နှင့် တွေ့ဆုံခွင့်ပေးခဲ့ခြင်းမှလွဲ၍ နိုင်ငံတကာ သံတမန်များနှင့် ယခင်က တွေ့ဆုံခွင့်ပြုခြင်း မရှိခဲ့ပေ။

ထိုင်းနိုင်ငံခြားရေးဝန်ကြီးမှာ စစ်ကောင်စီက လက်ခံနိုင်သည့် သဘောထားရပ်တည်ချက်မျိုးနှင့် တွေ့ဆုံဆွေးနွေး ပြောဆိုမည်ဖြစ်ကြောင်း သေချာသည့်အတွက် တွေ့ဆုံခွင့်ပေးခြင်းဖြစ်နိုင်ကြောင်း နိုင်ငံ​ရေး​လေ့လာသုံးသပ်သူ ဦးရဲထွန်းက ယူဆသည်။
“တပ်က အာဏာသိမ်းထားတဲ့အခြေအနေချင်း ဘဝချင်းတူတာပေါ့နော်။ ဒီနစကနဲ့က ဘဝချင်းတူတဲ့လူတွေဆိုတဲ့အခါကျတော့ တစ်ယောက်နဲ့တစ်ယောက် နားလည်နိုင်တယ်။ နောက်တစ်ခုက တွေ့လို့ရှိရင် ဘာတွေပြောမလဲ ဆိုတဲ့ဟာကိုလည်း သူတို့ ပွင့်ပွင့်လင်းလင်းဆွေးနွေးပြီးတော့ တောင်းဆိုပုံရပါတယ်”ဟု ဦးရဲထွန်းက ဆိုသည်။

စာတည်း - သန့်ဇော်(သန်လျင်)

#mizzima
#နိုင်ငံတော်၏အတိုင်ပင်ခံပုဂ္ဂိုလ်
#စစ်ကောင်စီ
#ထိုင်းနိုင်ငံခြားရေးဝန်ကြီး