လက်နက်ကြီး ပစ်ခတ်မှုကြောင့် ကလေးငယ်အပါအဝင် ပြည်သူ ၈ ဦးထိခိုက်၊ သေဆုံးသူရှိ
=====================

မောင်ခက်နွေ
(မဇ္ဈိမ) ။ ။ ရွှေဘိုမြို့၊ ပလိုင်းကျေးရွာ စာသင်ကျောင်း၌ တပ်ဆွဲထားသည့် စစ်ကောင်စီတပ်သည် တက်တူရွာကို လက်နက်ကြီးဖြင့် ပစ်ခတ်ခဲ့၍ ငါးနှစ်အရွယ် ကလေးငယ်တစ်ဦး အပါအဝင် ရှစ်ဦးထိခိုက်ခဲ့ကာ တစ်ဦးသေဆုံးသွားကြောင်း တက်တူရွာ ဒေသခံ ကိုလင်းယုန် ကပြောသည်။

ယမန်နေ့ ဇူလိုင်လ ၁၂ ရက်နေ့ ညနေပိုင်းတွင် စစ်ကောင်စီတပ်သည် တက်တူရွာဘက်သို့ ၆၀-မမ လက်နက်ကြီး သုံးလုံးပစ်ခတ်ခဲ့ရာ တစ်လုံးမှာ ရွာထဲရှိပြည်သူပိုင်နေအိမ်အပေါက်ဝတွင်ကျရောက်ပေါက်ကွဲခဲ့ခြင်းသည်။ ကလေးငယ်မှာ အမျိုးအိမ်သို့ လာရောက်လည်ပတ်စဉ် ယင်းသို့ ထိခိုက်ခဲ့ခြင်းဖြစ်ပြီး အူဖြတ်ကာ ပြန်ဆက်ထားရကြောင်း သိရသည်။

ကျန်နှစ်လုံးမှာ တက်တူရွာတောင်ပိုင်းသို့ ကျရောက်ပေါက်ကွဲ ခဲ့ပြီး ထိခိုက်သူမရှိကြောင်း ထိုဒေသခံကဆိုသည်။

“အမျိုးသမီးတစ်ဦးပါတယ်။ အိမ်ပိုင်ရှင်ပေါ့နော်။ သူတို့အိမ်ရှေ့ကို ကျတာ။ အိမ်ရှင် အမျိုးသားက ဆုံးသွားတယ်ဗျ ။ ထိခိုက်သွားတဲ့ ကလေးငယ်တစ်ဦးက အခု ဆေးကုသမှုခံယူနေရတယ်၊ အခြေအနေ နည်းနည်း ကောင်းတယ် ခင်ဗျ ”ဟု တက်တူဒေသခံ ကိုလင်းယုန် ကဆိုသည်။

သေဆုံးသွားသည့် အမျိုးသားမှာ အသက် ၄၀ ဝန်းကျင်ရှိပြီး ဆေးရုံသွားသည့် လမ်းတစ်ဝက်တွင် သေဆုံးသွားခြင်းဖြစ်ကြောင်း သိရသည်။ တိုက်ပွဲဖြစ်ပွားခြင်းမရှိဘဲ စစ်ကောင်စီတပ်က လက်နက်ကြီးဖြင့် ပစ်ခတ်ခဲ့ခြင်းဖြစ်သည်။

ပြီးခဲ့သည့် ဇူလိုင် ၂ ရက်နေ့ကလည်း စစ်ကိုင်းတိုင်း ရွှေဘိုမြို့နယ် အရှေ့ခြမ်းရှိ ရွာများကို အင်အား ၄၀ ခန့်ပါသည့် စစ်ကောင်စီတပ်က စစ်ကြောင်းထိုးပြီး ပြန်ထွက်သွားချိန်တွင် ပစ်ခတ်သတ်ဖြတ်ခံထားရသည့် အမျိုးသားနှစ်ဦး၏ အလောင်းတွေ့ရှိရကြောင်း ဒေသခံများက ပြောသည်။

စာတည်း။ ။အောင်ကျော်ဖြိုး

#Mizzima
#ပြည်သူ ၈ ဦးထိခိုက်
#တက်တူရွာ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရိုဟင်ဂျာ ဒုက္ခသည်စခန်းကို စစ်ကောင်စီမှ ပြန်လည်ပြင်ဆင်ခွင့်မပြုသေး
===================

ဂျူချန်း
(မဇ္ဈိမ)။ ။ ရခိုင်ပြည်နယ်၊ စစ်တွေမြို့သို့ ဝင်ရောက်တိုက်ခတ်ခဲ့သည့် ဆိုင်ကလုန်းမုန်တိုင်း မိုခါကြောင့် ရိုဟင်ဂျာ ဒုက္ခသည်စခန်းများအပါအဝင် ရခိုင်ပြည်နယ်မြောက်ပိုင်းတွင် ၉၀ ရာခိုင်နှုန်းကျော် ပျက်စီးခဲ့ရကာ ပျက်စီးခဲ့သည့် ရိုဟင်ဂျာဒုက္ခသည်စခန်းများအား ပြုပြင်ခွင့်ကို စစ်ကောင်စီမှ ခွင့်မပြုသေးကြောင်း သိရသည်။

“စစ်တပ်က ပျက်စီးသွားတဲ့ camp တွေကို ပြန်လည်ပြုပြင်ခွင့် အခုအထိ မပေးသေးဘူး၊ အဲ့တော့ IDP(ဒုက္ခသည်) တွေက တာပေါ်လင်ရရ ဘာရရ ဖြစ်သလိုနေရတယ်။ ဘာလို့ဆို camp အကုန်လုံးနီးပါးက ခေါင်မိုးမရှိကြတော့ဘူးလေ၊ အဲ့ဒါကို ပြင်ဆင်ခွင့်မပေးသေးဘူးဆိုတော့ ဒီအတိုင်းပဲ နေနေရတာ” ဟု စစ်တွေမြို့ရှိ ရိုဟင်ဂျာဒုက္ခသည်များအား ကူညီဆောင်ရွက်ပေးနေသူတစ်ဦးက မဇ္ဈိမ ကိုပြောသည်။

ပျက်စီးသွားသည့် ဒုက္ခသည်စခန်းများ ပြန်လည်နေရာချခြင်း၊ ပြုပြင်ခြင်းနှင့် ပြောင်းရွှေ့ခြင်းများအတွက် ပြည်နယ်အစိုးရကို ခွင့်ပြုချက်တောင်းရပြီး စစ်ကောင်စီလက်အောက်ခံ ရခိုင်ပြည်နယ်အစိုးရအဖွဲ့မှ မိုခါမုန်တိုင်းတိုက်ခတ်ပြီး နှစ်လနီးပါးကြာသည့် လက်ရှိအချိန်အထိ ပြင်ဆင်ခွင့်မပြုသေးကြောင်း သိရသည်။
လက်ရှိအချိန်အထိ စစ်ကောင်စီထံမှ ထောက်ပံ့မှုများမရရှိကြသကဲ့သို့ ရိုဟင်ဂျာဒုက္ခသည်စခန်းများအတွက် ပေးထားသည့် ကူညီထောက်ပံ့ရေးပစ္စည်းများကို စစ်ကောင်စီလက်အောက်ခံ အုပ်ချုပ်ရေးလူကြီးများမှ စခန်းအတွက် မပေးဘဲ သိမ်းယူထားကြသည်များရှိကြောင်း ပြောသည်။

“အစိုးရက ဆန်တွေဘာတွေလည်း ထောက်ပံ့တာမရှိဘူး၊ တချို့နေရာတွေမှာဆိုရင် တာပေါ်လင်စတွေ ထောက်ပံ့ပေမယ့် အဲ့ဒီ တာပေါ်လင်တွေကို IDPs တွေကို မပေးဘဲနဲ့ အုပ်ချုပ်ရေးအဖွဲ့တွေက သိမ်းထားတာမျိုးရှိတယ်၊ ဒါကတော့ ခေါင်းဒုက္ကာ စခန်းမှာဖြစ်တာပေါ့။ ရခိုင်ပြည်တစ်ခုလုံးကို ခြုံပြီးပြောမယ်ဆိုရင် သေချာတာကတော့ စစ်တပ်ကပေးသလောက် IDP တွေက မရကြဘူး။ သူတို့လည်း ပေးတာလည်း သိပ်ရှားပါတယ်” ဟု ရိုဟင်ဂျာဒုက္ခသည်များအာ ကူညီနေသူတစ်ဦးက ပြောသည်။

စစ်တွေမြို့တွင် ခေါင်းဒုက္ကာ ရိုဟင်ဂျာ ဒုက္ခသည်စခန်းအပါအဝင် ဒုက္ခသည်စခန်းပေါင်း ၁၄ ခုရှိပြီး စခန်းအားလုံး လက်ရှိအချိန်အထိ ပြင်ဆင်ခွင့်မရသေးကြောင်း သိရသည်။

ရိုဟင်ဂျာဒုက္ခသည်များအတွက် နိုင်ငံတကာအဖွဲ့အစည်းများမှ ကူညီပေးခွင့်ရရန် မုန်တိုင်းမတိုင်မီကပင် စစ်ကောင်စီထံ တောင်းဆိုခဲ့သော်လည်း အကူအညီပေးခွင့် မရရှိခဲ့သကဲ့သို့ မုန်တိုင်းတိုက်ခတ်ပြီးနောက်တွင်လည်း စစ်ကောင်စီမှ နိုင်ငံတကာအဖွဲ့အစည်းများအား သွားလာကူညီခွင့်ကို ကန့်သတ်ထားသည်။

လက်ရှိတွင် စစ်ကောင်စီမှ နိုင်ငံတကာအဖွဲ့အစည်းများအား သွားလာခွင့် ကူညီခွင့် ကန့်သတ်ထားသည်မှာ ရိုဟင်ဂျာ ဒုက္ခသည်များအပေါ် လျစ်လျူရှုထားခြင်းဖြစ်ကြောင်း ၎င်းက ဆက်ပြောသည်။

“အဓိကပြောရမယ်ဆိုရင် IDPs တွေကို မစာနာရာရောက်တယ်။ IDPs တွေကို လျစ်လျူရှုထားရာရောက်တယ်။ ဘာလို့ဆို IDP တွေက NGO, INGO တွေအပေါ်မှာပဲ မှီခိုနေကြရတယ်ဆိုတာ သူတို့သိတယ်။ အဲ့ဒါကို NGO,INGO တွေကို သွားလာခွင့်မပေးဘူးဆိုတာက IDP တွေဆီ အကူညီမရောက်စေတဲ့ သဘောပေါ့နော်။ တချို့ဆို တော်တော်လေး ရုန်းကန်နေရတဲ့ အခြေအနေရှိတယ်” ဟု ၎င်းက ပြောသည်။

ရိုဟင်ဂျာ ဒုက္ခသည်များအား WFP မှ တစ်လလျှင် တစ်ဦးကို ငွေကျပ် ၂၇,၀၀၀ ထောက်ပံ့ထားသော်လည်း လက်ရှိကုန်ဈေးနှုန်းမြင့်တက်နေမှုကြောင့် အလုပ်လက်မဲ့ဖြစ်နေသည့် ရိုဟင်ဂျာဒုက္ခသည်များသည်် စားဝတ်နေရေးအတွက် အခက်အခဲများစွာဖြစ်နေကြရကြောင်း သိရသည်။

မိုခါမုန်တိုင်းမဝင်ရောက်မီ တစ်ရက်အလို မေလ ၁၃ ရက်နေ့တွင် စစ်ကောင်စီတပ်သားများမှ ပင်လယ်နှင့် နီးသည့် ဒေသများရှိ ရိုဟင်ဂျာဒုက္ခသည်စခန်းများကို မုန်တိုင်းလွတ်ကင်းရာသို့ ရွှေ့ပြောင်းပေးကြရန် လာရောက် သတိပေးခဲ့သော်လည်း သိန်းနှင့်ချီသည့် ရိုဟင်ဂျာများအတွက် အာဏာသိမ်း စစ်တပ်က နေရာထိုင်ခင်း လောက်ငအောင် မစီစဉ်ပေးနိုင်ခဲ့ကြောင်း သိရသည်။

မိုခါမုန်တိုင်းကြောင့် စစ်တွေမြို့တွင် ရိုဟင်ဂျာဒုက္ခသည် ၉၈ ဦး သေဆုံးခဲ့ကြောင်း မုန်တိုင်းတိုက်ခတ်မှုအပြီး ရိုဟင်ဂျာဒုက္ခသည်စခန်းများတွင် စာရင်းလိုက်လံကောက်ယူခဲ့သူမှ သိရသည်။
ရခိုင်ပြည်နယ်အတွင်းတွင် ရိုဟင်ဂျာဒုက္ခသည် ၁၅၃,၀၀၀ ခန့် ကယ်ဆယ်ရေးစခန်းများတွင် နေထိုင်နေရပြီး ၇၀၀,၀၀၀ခန့်သည့် ဘင်္ဂလားဒေ့ရှ်နိုင်ငံရှိ ဒုက္ခသည်စခန်းများတွင် ခိုလှုံလျက်ရှိကြောင်း UN Myanmar မှ ၂၀၂၂ ခုနှစ် စက်တင်ဘာလတွင် ဖော်ပြထားသည်။

စာတည်း - သန့်ဇော်(သန်လျင်)

#mizzima
#ရခိုင်ပြည်နယ်
#ရိုဟင်ဂျာ
#ဒုက္ခသည်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​တွန်းဇံမြို့ အ.ထ.က ကျောင်းတွင် တပ်စွဲထားသည့်စစ်တပ်တိုက်ခိုက်ခံရပြီးသေဆုံးမှုရှိ
=========================

ပါခွီး
(မဇ္စျိမ) ။ ။ ချင်းပြည်နယ်၊ တွန်းဇံမြို့ အခြေခံပညာအထက်တန်းကျောင်းတွင် တပ်စွဲထားသည့် စစ်ကောင်စီတပ်တိုက်ခိုက်ခံရပြီး တစ်ဦးသေဆုံးကာ သေနတ်နှစ်လက်သိမ်းဆည်းရမိခဲ့ကြောင်း CDF – Ton Zang ကထုတ်ပြန်သည်။
စစ်ကောင်စီတပ်အင်အား ၁၀ ဦးခန့်ဖြင့်တပ်စွဲထားသည့် အဆိုပါကျောင်းကို ဇူလိုင်လ ၁၃ ရက်၊ ၁၀ နာရီခန့်တွင် ကျောင်းသား၊ ကျောင်းသူများ ကျောင်းတက်နေသည့်အချိန်၌ ဝင်ရောက်တိုက်ခိုက်ခဲ့ခြင်းဖြစ်သည်။

“ ကျနော်တို့က အဲဒီစာသင်ကျောင်းမှာတပ်မစွဲဖို့ ဗုံးခွဲပြီးသတိပေးထားပြီးပြီ။ အဲဒီအပြင် စစ်ကောင်စီရဲ့ ပညာရေးမှူးကလည်း ကျနော်တို့ကိုစိန်ခေါ်ထားတဲ့အတွက် ဝင်တိုက်ခဲ့တာပါ ” ဟု CDF – Ton Zang ပြောရေးဆိုခွင့်ရှိသူ ထန်ဆွင်းမုန် မဇ္စျိမသို့ပြောသည်။
တိုက်ပွဲဖြစ်ပွားချိန် ၁၅ မိနစ်အချိန်အတွင်း စစ်ကောင်စီတပ်သားတစ်ဦးသေဆုံးပြီး ကျန်တပ်သားများထွက်ပြေးသွားကြကာ ၎င်းတို့ကိုင်ဆောင်သည့် မောင်းပြန်တစ်လက်နှင့် ၆၀ မမ တစ်လက် သိမ်းခဲ့ခြင်းဖြစ်ကြောင်းဆိုသည်။

အဆိုပါစစ်ကောင်စီတပ်သားများသည် နေ့ခင်းပိုင်းကျောင်းဖွင့်ချိန်သာ လာရောက်စောင့်ဆိုင်းနေခြင်းဟု ထန်ဆွင်းမုန်ကဆိုသည်။
ထို့ကြောင့် အလစ်အငိုက် ဝင်ရောက်တိုက်ခိုက်ခဲ့ရခြင်းဖြစ်ပြီး စစ်ကောင်စီတပ်သားများမှလွဲ၍ အခြားထိခိုက်သူမရှိခဲ့ဟုလည်းပြောသည်။

ချင်းကာကွယ်ရေးတပ်ဖွဲ့မှ ရဲဘော်များသည် စစ်ကောင်စီတပ်သားများကို ကျောင်းခန်းများအတွင်း လိုက်လံရှာဖွေခဲ့ပြီး ထပ်မံမတွေ့ရှိရသောကြောင့် အထိအခိုက်မရှိပြန်လည်ဆုတ်ခွာခဲ့ခြင်း ဖြစ်ကြောင်းသိရသည်။

ပစ်ခတ်မှုအပြီး မွန်းတည့် ၁၂ နာရီတွင် ကျောင်းသား၊ ကျောင်းသူများကို ကျောင်းဆင်းပေးလိုက်ပြီးနောက် စစ်ကောင်စီတပ်က အထက်တန်းကျောင်းသို့ စစ်ကားတစ်စီးနှင့် ထပ်မံအင်အားဖြည့်တင်းထား ကြောင်းဆိုသည်။

အဆိုပါကျောင်းတွင် စစ်ကောင်စီတပ်စွဲထားခြင်းနှင့် စစ်ကောင်စီယန္တရားလည်ပတ်မှုကို လက်မခံနိုင်သဖြင့် ဇွန်လ ၂၀ ရက်နေ့က CDF – Ton Zang က ဗုံးဖောက်ခွဲ သတိပေးခဲ့ပြီးဖြစ်သည်။
ယင်းနောက် တွန်းဇံမြို့နယ်ပညာရေးမှူးနှင့် အထွေထွေအုပ်ချုပ်ရေးမှူးတို့က စစ်ကောင်စီယန္တရားလည်ပတ်စေသည် သာမက ချင်းကာကွယ်ရေးတပ်ဖွဲ့အပေါ် ပြင်းထန်သောစကားလုံးများဖြင့် စိန်ခေါ်ပြောဆိုခဲ့သည့်အတွက် CDF – Ton Zang က ဇူလိုင်လ ၅ ရက် တွင် ဖမ်းဝရမ်းထုတ်ပြန်ခဲ့သေးသည်။

စာတည်း ။။ Alden
စာမူတည်းဖြတ်။ ။အောင်ကျော်ဖြိုး

#တွန်းဇံ
#ချင်းကာကွယ်ရေးတပ်
#စာသင်ကျောင်း
#တိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မဇ္စျိမပရိသတ်များအတွက် စစ်တမ်းတစ်ခု ပြုလုပ်ပါရစေ.
ပရိသတ်ရဲ့ထင်မြင်ယူဆချက်များသည် မဇ္စျိမအဖွဲ့သားများအတွက်
နေ့တဓူ၀အစီအစဥ်များကို ထုတ်လုပ်ရာတွင်
အလွန်အကျိုးပြုပေးနေကြောင်းကို အသိပေးလိုပါသည်။

ဒါဆို ဘာကြောင့် ဒီစစ်တမ်းကို ကောက်ယူနေတာလဲ?
ပရိသတ်အဖြေများသည် မဇ္စျိမ၏တင်ဆက်မှုအပေါ် နှစ်သက်မှု၊ စိတ်ဝင်စားမှုနှင့် လိုအပ်ချက်များကို ပိုမိုနားလည်သဘောပေါက်ရန် ကူညီပေးပါသည်။ အကြံပြုချက်များကို တိုက်ရိုက်ကြားသိရခြင်းဖြင့် ပရိသတ်ရဲ့ထင်မြင်ယူဆချက်တွေမှတဆင့် ဆွဲဆောင်မှုအရှိဆုံးအကြောင်းအရာများ၊ သင်နှစ်သက်သော အစီအစဥ်များနှင့် အနာဂတ်တွင် မည်သည့်အစီအစဥ်မျိုးကို ကြည့်လိုကြောင်းကို မဇ္စျိမအဖွဲ့သားများက သိရှိနားလည်နိုင်မည် ဖြစ်ပါသည်။
ဒါကြောင့် -
စစ်တမ်းတွင်ပါဝင်ခြင်းဖြင့် သင်၏ထင်မြင်ယူဆချက်တွေကို
မဇ္စျိမအဖွဲ့သားများအား ပြောပြပေးလိုက်ပါ.

စစ်တမ်းတွင် ၀င်ရောက်ဖြေဆိုရန် -
https://www.surveymonkey.com/r/25JR9Z3

#mizzimasurvey #mizzimaudiencesurvey

မဇ္စျိမပရိသတ်များအတွက် စစ်တမ်းတစ်ခု ပြုလုပ်ပါရစေ.

ပရိသတ်ရဲ့ထင်မြင်ယူဆချက်များသည် မဇ္စျိမအဖွဲ့သားများအတွက်
နေ့တဓူ၀အစီအစဥ်များကို ထုတ်လုပ်ရာတွင်
အလွန်အကျိုးပြုပေးနေကြောင်းကို အသိပေးလိုပါသည်။

ဒါဆို ဘာကြောင့် ဒီစစ်တမ်းကို ကောက်ယူနေတာလဲ?
ပရိသတ်အဖြေများသည် မဇ္စျိမ၏တင်ဆက်မှုအပေါ် နှစ်သက်မှု၊ စိတ်ဝင်စားမှုနှင့် လိုအပ်ချက်များကို ပိုမိုနားလည်သဘောပေါက်ရန် ကူညီပေးပါသည်။ အကြံပြုချက်များကို တိုက်ရိုက်ကြားသိရခြင်းဖြင့် ပရိသတ်ရဲ့ထင်မြင်ယူဆချက်တွေမှတဆင့် ဆွဲဆောင်မှုအရှိဆုံးအကြောင်းအရာများ၊ သင်နှစ်သက်သော အစီအစဥ်များနှင့် အနာဂတ်တွင် မည်သည့်အစီအစဥ်မျိုးကို ကြည့်လိုကြောင်းကို မဇ္စျိမအဖွဲ့သားများက သိရှိနားလည်နိုင်မည် ဖြစ်ပါသည်။

ဒါကြောင့် -
စစ်တမ်းတွင်ပါဝင်ခြင်းဖြင့် သင်၏ထင်မြင်ယူဆချက်တွေကို
မဇ္စျိမအဖွဲ့သားများအား ပြောပြပေးလိုက်ပါ.

စစ်တမ်းတွင် ၀င်ရောက်ဖြေဆိုရန် -
https://www.surveymonkey.com/r/25JR9Z3
#mizzimasurvey #mizzimaudiencesurvey

​​မြန်မာ့အရေးတွင် ဘုံသဘောတူညီချက် ငါးရပ်ကို အာဆီယံ ဆက်လက်ကိုင်စွဲ
=====================

မြန်မာနှင့် အာဆီယံကြား ရရှိထားသော ငြိမ်းချမ်းရေးအစီအစဉ်သည် အာဆီယံ၏ မြန်မာ့ပဋိပက္ခအား ချည်းကပ်ရာ၌ အခြေခံအဖြစ် ရှိနေဆဲဖြစ်ကာ ယင်း အစီအစဉ် အကောင်အထည်ဖော်ရေးက အရေးကြီးကြောင်း အာဆီယံနိုင်ငံခြားရေးဝန်ကြီးများက အလေးထားဖော်ပြသည်။

ဂျကာတာတွင် ဗုဒ္ဓဟူးနေ့က ၅၆ ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးတွင် အာဆီယံ၏ နိုင်ငံခြားရေးဝန်ကြီးများက မြန်မာနှင့်ပတ်သက်ပြီး အာဆီယံက မည်သို့ ကိုင်တွယ်ဖြေရှင်းရမည်ဆိုခြင်း၌ အခြေခံမူဘောင်အဖြစ် ဘုံသဘောတူညီချက် ငါးရပ်ကို ဆက်လက်အတည်ပြုခဲ့ကြောင်း စင်ကာပူနိုင်ငံခြားရေးဝန်ကြီးဌာနက ထုတ်ပြန်သည်။

“အာဆီယံနိုင်ငံခြားရေးဝန်ကြီးတွေဟာ ဘုံသဘောတူညီချက် ငါးရပ် အကောင်အထည်ဖော်မှု ပြန်လည်သုံးသပ်ခြင်းနှင့် ဆုံးဖြတ်ချက်ချခြင်းကိုလည်း အတည်ပြုခဲ့ကြတယ်”ဟု ဝန်ကြီးဌာန ထုတ်ပြန်ချက်တွင် ဖော်ပြသည်။

July - 13 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts

​​ရှေ့သို့ချီပါတီ ခေါင်းဆောင် ဖိထာ ထိုင်းဝန်ကြီးချုပ်ရာထူးအတွက် လွှတ်တော်တွင်း မဲခွဲမှု၌ အရေးနိမ့်
======================

ထိုင်းနိုင်ငံ၏ ရွေးကောက်ပွဲအနိုင်ရ ရှေ့သို့ချီပါတီ (MFP) ခေါင်းဆောင် ဖိထာ လင်မ်ဂျရွန်ရတ်သည် ယနေ့ ဇူလိုင် ၁၃ ရက်တွင် ကျင်းပသည့် လွှတ်တော်နှစ်ရပ် ပူးတွဲအစည်းအဝေးတွင် ဝန်ကြီးချုပ်နေရာရယူနိုင်ရန် လိုအပ်သည့် ထောက်ခံမဲအရေအတွက်ကို မရရှိခဲ့သဖြင့် ထိုင်းဝန်ကြီးချုပ်သစ် ဖြစ်လာရန် ၎င်း၏ ကနဦးကြိုးပမ်းမှု အရေးနိမ့်ခဲ့ရသည်။

MFP ခေါင်းဆောင် ဖိထာသည် ဝန်ကြီးချုပ်နေရာ ယှဉ်ပြိုင်ပွဲတွင် ကန့်ကွက်ခံခဲ့ရခြင်း မရှိသော်လည်း ၎င်းအား ဝန်ကြီးချုပ်ခန့်အပ်ရန် မဲခွဲဆုံးဖြတ်မှုတွင် ကြားနေမဲများ၊ ကန့်ကွက်မဲများ ရှိခဲ့ခြင်းနှင့်အတူ အနိုင်ရရန် လိုအပ်သည့် ထောက်ခံမဲအရေအတွက်ဖြစ်သည့် ၃၇၅ မဲကို စုဆောင်းရရှိနိုင်ခဲ့ခြင်း မရှိဟု သိရသည်။ မဲများကို ဆက်လက်ရေတွက်ဆဲဖြစ်သော်လည်း လက်ရှိတွင် ဖိထာအနေဖြင့် ယခုမဲခွဲဆုံးဖြတ်မှုတွင် ဝန်ကြီးချုပ်ဖြစ်လာရန် လိုအပ်သည့် မဲအရေအတွက်ကို ရရှိရန် မဖြစ်နိုင်တော့ဟု သိရသည်။

ထိုင်းပါလီမန်သည် လာမည့်သီတင်းပတ်တွင် ဝန်ကြီးချုပ်သစ်ရွေးချယ်ရန် နောက်ထပ်တစ်ကြိမ် မဲခွဲဆုံးဖြတ်မှုကို ကျင်းပဖွယ်ရှိပြီး ထိုမဲခွဲမှုတွင် ဖိထာအနေဖြင့် အကယ်၍ နောက်တစ်ကြိမ် ထပ်မံ အဆိုပြုခံရမည်ဆိုပါက ယှဉ်ပြိုင်နိုင်မည်ဟု သိရသည်။

ဇူလိုင်လ ၁၃ ရက်၊ ည ၇ နာရီ The Mizzima Prime Time မဇ္စျိမ ပင်မသတင်းအစီအစဥ်
=====================

-ဒေါ်အောင်ဆန်းစုကြည်နဲ့ ထိုင်းဝန်ကြီးတွေ့ဆုံမှုအခြေအနေ အာဆီယံအစည်းအဝေးမှာ တင်ပြဖို့ရှိတယ်ဆိုတဲ့ သတင်း

-ထိုင်း-ကရင်နီ နယ်စပ်က ဆယ်သဲ စစ်ရှောင်စာသင်ကျောင်း ဗုံးကြဲခံရပြီး အသက်မပြည့်သူ ဦးအပါအဝင် စစ်ဘေးရှောင် နှစ်ဦးသေဆုံးခဲ့တဲ့သတင်း

-ရန်ကုန်မှာ ရာသီတုပ်ကွေးနဲ့ အဆုတ်ရောင်ရောဂါ ဖြစ်ပွားမှုနှုန်း မြင့်တက်နေတဲ့အကြောင်း

-PDF သင်တန်းဆင်းပွဲရှိလို့ လေကြောင်းတိုက်တာပါဆိုတဲ့ စစ်ကောင်စီ စွပ်စွဲချက် ရေမျက်ဒေသခံတွေ ငြင်းဆိုတဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးပါမယ်။

https://www.youtube.com/live/fBAbPrQrkuA?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇူလိုင်လ (၁၃)ရက်၊ ကြာသပတေးနေ့ ညပိုင်း မဇ္ဈိမ ရေဒီယို အစီအစဉ်
=================

ဒီကနေ့ည နားဆင်ရမယ့် အစီစဉ်တွေကတော့ ... ဒေါ်အောင်ဆန်းစုကြည်နဲ့ ထိုင်းဝန်ကြီးတွေ့ဆုံမှုအခြေအနေ အာဆီယံအစည်းအဝင်းအတွင်း တင်ပြဖို့ရှိတယ်ဆိုတဲ့သတင်း နဲ့အတူ ကရင်နီဒေသအတွက် ခွဲစိတ်ခန်းပစ္စည်းကိရိယာစုံပါ ကိန္နရာဆေးရုံ တည်ဆောက်ဖို့ ရှိတယ်ဆိုတယ်ဆိုတဲ့ နောက်ဆုံးရပြည်တွင်းနဲ့ နိုင်ငံတကာသတင်းတွေအပြင် စီးပွားရေးကဏ္ဍတွေကိုလည်းနားဆင်ရမှာဖြစ်ပြီး သတင်းတွေအပြီးမှာတော့ ဒီနေ့အတွက် သတင်းသုံးသပ်ချက်တွေနဲ့ ကုန်ဈေးနှုန်းတွေကိုလည်း နားဆင်ရဖို့ရှိပါတယ်။

အဲဒါပြီးရင်တော့ အပတ်စဉ် ကြာသပတေးနေ့တိုင်းမှာ ထုတ်လွင့်မယ့် အစီအစဉ်သစ်တခုအဖြစ် “Post Mocha” ဆိုတဲ့ခေါင်းစဉ်နဲ့ မိုခါအလွန် ရခိုင်ဒေသအခြေအနေတွေအကြောင်းကို နားဆင်ရမှာပါ။
အဲ့ဒီနောက်မှာတော့ အပတ်စဉ်ကဏ္ဍအနေနဲ့ “ကျန်းမာသုတလူမှုဘဝ“ အစီအစဉ်ကို နားဆင်ရမှာဖြစ်ပါတယ်။
....................................................
မဇ္ဈိမရေဒီယို ညနေပိုင်းအစီအစဉ်ကို မတ်လ ၂၆ ရက်နေ့ကစပြီး Frequency ပြောင်းလဲထုတ်လွှင့်နေတာဖြစ်တဲ့အတွက် ယခင်ဖမ်းယူနေကျ လှိုင်းတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လှိုင်းတိုမီတာ ၁၃ မီတာ၊ ၂၁.၇၁ မီဂါဟဇ်ကို ပြောင်းလဲဖမ်းယူနားဆင်ကြဖို့အတွက် မေတ္တာရပ်ခံအပ်ပါတယ်။

ဖမ်းယူနားဆင်နိုင်မယ့်အချိန်ကတော့ ထုတ်လွှင့်နေကျဖြစ်တဲ့ မြန်မာစံတော်ချိန် ညနေ ၆ နာရီခွဲကနေ ၇ နာရီခွဲအတွင်း ဖမ်းယူနားဆင်နိုင်မှာပဲဖြစ်ပါတယ်။

https://youtu.be/fMr-EOgkeSE

#Mizzimaradio
#Eveningradio
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U