Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​ကျိုက်စကောထောင်တွင် အကျဉ်းကျနေသော ဝေါမြို့နယ်အမတ် ဦးမောင်ဒီ ပဲခူးဆေးရုံတွင်ကွယ်လွန်
====================

ရွှေနွယ်
(မဇ္ဈိမ)။ ။ပဲခူးတိုင်းအရှေ့ခြမ်း ၊ ဝေါမြို့နယ်၊ အမှတ် (၁) တိုင်းဒေသကြီးလွှတ်တော်ကိုယ်စားလှယ် ဦးမောင်ဒီသည် ကျိုက်စကောထောင်အတွင်း ကျန်းမာရေးဆိုးရွားလာ၍ ပဲခူးဆေးရုံသို့ ပို့ဆောင် ကုသနေစဉ် ယမန်နေ့ ဇူလိုင်လ ၁၇ ရက် ည ၇ နာရီအချိန်ခန့်တွင် ကွယ်လွန်သွားသည်ဟု မိသားစုနှင့် နီးစပ်သူတဦးထံမှ သိရသည်။
ဇူလိုင်လ ၇ ရက်နေ့တွင် ကျိုက်စကောထောင်မှတဆင့် ပဲခူးဆေးရုံသို့ ပို့ဆောင်ကုသခြင်းဖြစ်သည်ဟု သိရသည်။

“ဗိုက်ထဲကနေခွဲထုတ်ထားရတဲ့ အူတွေနဲ့ အလုံးကိုတွေ့ရပါတယ်။ အချိန်လွန်မှ ဆေးရုံကိုရောက်တာပါ။ ၇ ရက်နေ့ ဆေးရုံတင်တော့ တန်းခွဲရတယ်။ ပထမ ၁၀ ရက်ကြာမှအဖြေသိရမယ် အူကင်ဆာလို့ ယူဆတယ် ပြောပါတယ်။ အခုတော့ မနေ့ညက ဆုံးပါးသွားပါပြီ”ဟု ဝေါမြို့နယ် အမှတ်(၂)တိုင်းဒေသကြီးလွှတ်တော် ကိုယ်စားလှယ် ဒေါ်ရီရီထိုက်က မဇ္ဈိမသို့ ပြောသည်။

ဦးမောင်ဒီအား ကျန်းမာရေးအခြေအနေမကောင်းသဖြင့် ဆေးရုံတင်မည်ဖြစ်ကြောင်းကို ဇူလိုင်လ ၆ ရက် နေ့တွင် ကျိုက်စကောထောင်ဆေးရုံအုပ်က မိသားစုထံအကြောင်းကြားခဲ့ကြောင်း သိရသည်။
ဦးမောင်ဒီသည် ၂၀၂၀ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD)ပါတီ၏ အမှတ် (၁) တိုင်းဒေသကြီးလွှတ်တော်ကိုယ်စားလှယ်အဖြစ် ဝေါမြို့နယ်မဲဆန္ဒနယ်တွင် ဝင်ရောက်ယှဉ်ပြိုင်ခဲ့ရာအနိုင် ရရှိခဲ့ သည်။

အာဏာသိမ်းပြီးနောက် ဝေါမြို့နယ်မှတိမ်းရှောင်နေစဉ် ၂၀၂၁ ခုနှစ် ဇူလိုင်လ ၂ ရက်နေ့က ဘီးလင်း မြို့နယ်အတွင်း၌ ဖမ်းဆီးခံခဲ့ရခြင်း ဖြစ်သည်။

ထို့နောက် ပုဒ်မ ၅၀၅ (က) နှင့်အတူ မတရားအသင်း ဆက်သွယ်ရေး အက်ဥပဒေပုဒ်မ ၁၇ (၂) တို့ဖြင့် တရားစွဲဆိုခံရကာ ထောင်ဒဏ်ချမှတ်ခံထားရခြင်းဖြစ်သည်။

ဖမ်းဆီးခံရပြီးနောက် အင်းစိန်ထောင်တွင် ကနဦးအကျဉ်းကျကာ သထုံထောင်သို့ပြောင်းရွှေ့ရပြီး ထိုမှ တဆင့် ဒိုက်ဦးမြို့နယ် ကျိုက်စကောထောင်သို့ ပြောင်းရွှေ့ခံရပြီးနောက် အကျဉ်းထောင်အတွင်း ကျန်းမာရေးချို့ယွင်းလာကာ ယခုကဲ့သို့ ကွယ်လွန်သွားခြင်းဖြစ်ကြောင်း သိရသည်။

လူ့အခွင့်အရေးချိုးဖောက်မှု မှတ်တမ်းများကောက်ယူရေးအဖွဲ့ (အမျိုးသားဒီမိုကရေစီအဖွဲ့ချုပ်) (National League for Democracy – Human Rights Documentary Team) (NLD-HRDT) မှ ပြုစုထားသည့် စာရင်းအချက်အလက်များအရ အာဏာသိမ်းပြီးချိန်မှ စတင်ကာ၂၀၂၃ ခုနှစ် မေလ ၃၁ ရက်အထိ အာဏာသိမ်းမှုကို ဆန့်ကျင်သောကြောင့် လွှတ်တော်ကိုယ်စားလှယ် ၇၇ ဦး အပါအဝင် အမျိုးသားဒီမိုကရေစီအဖွဲ့ချုပ်ပါတီဝင် ၁,၂၀၀ ဦးအား စစ်ကောင်စီက ဖမ်းဆီးထိန်းသိမ်းထားကြောင်း သိရသည်။

ထိုသို့ဖမ်းဆီးထားစဉ်အတွင်းနှင့် အကြောင်းမဲ့ သတ်ဖြတ်ခံရသူ ၃,၈၁၈ ဦးရှိသည့်အနက် ထိုအထဲတွင် လွှတ်တော်ကိုယ်စားလှယ် နှစ်ဦးအပါအဝင် အမျိုးသားဒီမိုကရေစီ အဖွဲ့ချုပ်ပါတီဝင် ၉၃ ဦး ပါဝင်ကြောင်း NLD-HRDT၏ အချက်အလက်များအရ သိရသည်။
ဒိုက်ဦးမြို့ ကျိုက်စကောအကျဉ်းထောင်တွင် ပြီးခဲ့သည့် မေလနှင့်ဇွန်လအတွင်းကလည်း နိုင်ငံရေး အကျဉ်းသားများအား ထောင်ပြင်ပသို့ခေါ်ထုတ်ကာ ရိုက်နှက်နှိပ်စက် စစ်ဆေးခြင်းနှင့် စစ်ကောင်စီတပ်ဖွဲ့ ၏ ပစ်ခတ်သတ်ဖြတ်ခြင်းတို့ကြောင့် အကျဉ်းသားများ အသက်ဆုံးရှုံးခဲ့ရပြီး လက်ရှိတွင်လည်း သေဆုံး စာရင်းမရရှိဘဲ အကျဉ်းသားအချို့ပျောက်ဆုံးနေဆဲ ဖြစ်သည်ဟု သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ပဲခူးတိုင်း
#ဝေါမြို့နယ်
#ကျိုက်စကောထောင်
#နိုင်ငံရေးအကျဉ်းသား

ပုံစာ။ ။ပဲခူးဆေးရုံတွင် ဆေးကုသမှုခံယူနေစဉ်က ရိုက်ကူးထားသည့် ဦးမောင်ဒီ၏ပုံ။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢17👍4😁2🤬1
Media is too big
VIEW IN TELEGRAM
ဇူလိုင်လလယ်မှာ အပူချိန် ၅၂.၂ ဒီဂရီသို့ စံချိန်တင်ရောက်ရှိခဲ့ကြောင်း တရုတ်ပြော

#internationalnews #reels #shorts #Mizzima #China
👍6😁3👏1
Media is too big
VIEW IN TELEGRAM
မြန်မာ့အိမ်ခြံမြေဈေးကွက် အမြင့်ဘက်သို့ ဦးတည်နေ

Watch more detail - https://www.youtube.com/watch?v=Ggcdqo7RTwk

#BusinessRoundUp #reels #shorts
👍5🔥2
တနင်္သာရီတိုင်း ဝန်ကြီးများအိမ်ရာ ဒုတိယအကြိမ် တိုက်ခိုက်ခံရ
👍4😁2🥱1
တနင်္သာရီတိုင်း ဝန်ကြီးများအိမ်ရာ ဒုတိယအကြိမ် တိုက်ခိုက်ခံရ
======================

ကိုရွှေမြိတ်
(မဇ္ဈိမ)။ ။တနင်္သာရီတိုင်း၊ ထားဝယ်မြို့တွင် ဇူလိုင်လ ၁၆ ရက် ည ၁၁ နာရီခန့်က ဝန်ကြီးများအိမ်ရာ၊ နယ်စပ်ဒေသနှင့် တိုင်းရင်းသားလူမျိုးများဖွံ့ဖြိုးရေးဦးစီးဌာနရုံးကို ဒုတိယအကြိမ် သွားရောက်တိုက်ခိုက် ခဲ့ကြောင်း လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့က ယနေ့ ဇူလိုင်လ ၁၈ ရက်တွင် ထုတ်ပြန် သည်။

“ကျွန်တော်တို့ ပူးပေါင်းအဖွဲ့နဲ့ သွားရောက် တိုက်ခိုက်ခဲ့တာဖြစ်ပါတယ်၊ လက်နက်ကြီးနဲ့ သွားရောက် ပစ်ခတ်ခဲ့တယ်ဆိုပေမယ့် ထိခိုက်သေဆုံးမှုကတော့ အခုချိန်အထိတ မသိရသေးဘူး”ဟု တိုက်ခိုက်မှုတွင် ပါဝင်သည့် လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့(LLPDF) ရဲဘော် တဦးက ပြောသည်။

အဆိုပါ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးရေးဦးစီးဌာနရုံးသည် ထားဝယ်-လောင်းလုံး ဆက်သွယ်ထားသော ကမြောကင်းတံတားအနီးတွင်တည်ရှိပြီး စစ်ကောင်စီက ကင်းပုန်းချထားသော လုံခြုံရေးတင်းကြပ်သည့်နေရာ ဖြစ်သည်ဟု LLPDF တပ်ဖွဲ့ဝင်များထံမှ သိရသည်။

အဆိုပါ ဝန်ကြီးများအိမ်ရာနှင့် ကမြောကင်းတံတားအနီးရှိ စစ်ကောင်စီတပ်သားများကို ပြီးခဲ့သည့် မေလ ၃၁ ရက်နေ့ကလည်း လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့(LLPDF) က လက်နက်ကြီးဖြင့် ပထမအကြိမ် ပစ်ခတ်တိုက်ခိုက်ခဲ့သေးသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#တနင်္သာရီတိုင်း
#ထားဝယ်မြို့နယ်
#စစ်ကောင်စီတပ်
#တိုက်ခိုက်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👏10👍3🥱2
​​စစ်ကောင်စီရဲ့ လုပ်ရပ်တွေက လူသားမျိုးနွယ်အပေါ်ကျူးလွန်တဲ့ စစ်ရာဝတ်မှု မြောက်နေပြီလား | သတင်းသုံးသပ်ချက်
==================

မြန်မာနိုင်ငံတဝှမ်း လက်နက်ကိုင် ပဋိပက္ခတွေကြောင့် နေရပ်စွန့်ခွာ ထွက်ပြေးရသူ ၂ သန်းနီးပါး ရှိနေပြီလို့ ကုလသမဂ္ဂ လူသားချင်းစာနာမှုဆိုင်ရာ ပူးပေါင်းညှိနှိုင်းရေးရုံး - UN OCHA က ဇူလိုင်လ ၁၅ ရက်နေ့က ထုတ်ပြန်လိုက်ပါတယ်။ ဒီအရေအတွက်ဟာ မြန်မာ့လူဦးရေရဲ့ ၅ ရာခိုင်နှုန်း နီးပါးကို ညွှန်းဆိုရာလည်း ရောက်ပါတယ်။
ဆက်လက်ဖြစ်ပေါ်နေတဲ့ ပဋိပက္ခတွေနဲ့ သဘာဝဘေးအန္တရာယ်တွေက လူသားချင်းစာနာမှု အကူအညီ လိုအပ်ချက်ကို ပိုဆိုးရွားစေတဲ့အပြင် စစ်ဘေးဒုက္ခသည်တွေရဲ့ စားဝတ်နေရေးအတွက် အရေးပေါ် အကူအညီတွေ အမြန်ဆုံးလိုအပ်နေတယ်လို့လည်း ဆိုပါတယ်။

UN OCHA ရဲ့ ထုတ်ပြန်ချက်အရ ပြီးခဲ့တဲ့ ဇွန် ၁၃ ရက်နေ့မှာ စစ်ဘေးဒုက္ခသည် ၁ သန်း ၈ သိန်း ၄ သောင်းကျော် ရှိနေရာကနေ အခု ဇူလိုင် ၁၃ ရက်နေ့မှာ ၁ သန်း ၈ သိန်း ၈ သောင်းကျော်အထိ မြင့်တက် လာပါတယ်။ ဒါကြောင့် တစ်လအတွင်းမှာ စစ်ဘေးရှောင် ၄ သောင်းကျော် ထပ်တိုးလာတယ်လို့ သိမြင်နိုင်ပါတယ်။

စစ်ကောင်စီ အာဏာသိမ်းပြီးနောက် စစ်ရေးပဋိပက္ခတွေကြောင့် နေရပ်စွန့်ခွာ ထွက်ပြေးရတဲ့ စစ်ရှောင် တွေထဲမှာ စစ်ကိုင်းတိုင်းက အများဆုံးဖြစ်ပြီး ဒုက္ခသည်ပေါင်း ၈ သိန်းနီးပါး ရှိနေတယ်လို့ သိရပါတယ်။

UN OCHA က ဒီအစီအရင်ခံစာ ထုတ်ပြီး နောက်တစ်ရက်အကြာမှာပဲ စစ်ကောင်စီတပ်တွေက ခင်ဦးမြို့နယ်ထဲမှာ စစ်ကြောင်း ဝင်ထိုးလို့ ရွာပေါင်း ၂၀ လောက်က ဒေသခံ ၁ သောင်းနီးပါးဟာ ဘေးလွတ်ရာကို ထွက်ပြေးကြရ ပါသေးတယ်။

စစ်ကိုင်းတိုင်းလိုပဲ စစ်ရေးပဋိပက္ခတွေ ဖြစ်နေတဲ့ ချင်းပြည်နယ်မှာ စစ်ဘေးရှောင် ဒုက္ခသည်ပေါင်း ၅ သောင်းကျော် ရှိနေပြီလို့ သိရပါတယ်။

တိုက်ပွဲတွေကြောင့် အရပ်သားတွေ ထွက်ပြေးနေကြရသလို နေ့စဉ်လိုလို ပစ်ခတ်နေတဲ့ လက်နက်ကြီးနဲ့ လေကြောင်းတိုက်ခိုက်မှုတွေကြောင့်လည်း နေ့စဉ်နေ့တိုင်း အသက်အန္တတွေကို ခြိမ်းခြောက်နေတာ ဖြစ်ပါတယ်။

ရှမ်းပြည်နယ်မြောက်ပိုင်း မိုးဗြဲမြို့မှာတော့ စစ်ကောင်စီတပ်တွေက ဆန်သယ်ယူခွင့် ပိတ်ပင်ထားတာကြောင့် စစ်ဘေး ဒုက္ခသည်တွေ အခက်ကြုံနေကြရတယ်လို့ သိရပါတယ်။

စစ်ဘေးရှောင်တွေ၊ သဘာဝဘေးအန္တရာယ် ကြုံတွေ့ခဲ့ရတဲ့ ဒေသတွေကို နိုင်ငံတကာ အဖွဲ့အစည်းတွေက လူသားချင်း စာနာထောက်ထားမှု အကူအညီပေးချင်ပေမယ့် စစ်ကောင်စီရဲ့ ကန့်သတ်ပိတ်ပင်မှုတွေကြောင့် ပေးချင်တိုင်း ပေးလို့ မဖြစ်နိုင်တဲ့ အနေအထားကို ရောက်ရှိနေပါတယ်။

အဲဒီလို ကန့်သတ်မှုတွေဟာ နိုင်ငံရဲ့ အရှေ့တောင်ပိုင်းနဲ့ ကချင်ပြည်နယ်မှာ ပိုဆိုးရွားတယ်လို့ UN OCHA ရဲ့ အစီအရင်ခံစာမှာ ဖော်ပြထားပါတယ်။

စစ်ကိုင်းတိုင်း ဝက်လက်မြို့နယ်ထဲမှာ စစ်ကောင်စီတပ်တွေက မကြာခဏ စစ်ကြောင်းထိုးနေတာကြောင့် ဇူလိုင်လဆန်းကတည်းက နေရပ်စွန့်ခွာထွက်ပြေးနေရတဲ့ ဒေသခံပေါင်း ၃၀၀၀ ကျော်ထဲမှာ ၂၀၀ လောက်က လတ်တလော ဖျားနာနေကြပြီး အကူအညီ အရေးပေါ် လိုအပ်နေတယ်လို့ သတင်းဖော်ပြချက်တွေအရ သိရပါတယ်။

အခုအချိန်ဟာ မိုးသည်းထန်စွာ ရွာသွန်းတဲ့ အချိန်ဖြစ်တာကြောင့် ကိုယ့်နေရပ်က နေအိမ်တွေမှာ လုံလုံခြုံခြုံ နေရသူတွေတောင် ဖျားတာနာတာ ဖြစ်နေကြတာပါ။

ကလေးငယ်တွေမှာဆိုရင် သွေးလွန်တုပ်ကွေးရာသီ ဖြစ်တဲ့အပြင် ပြင်းထန်တဲ့ ဗိုင်းရပ်စ်တစ်မျိုး ကူးစက်ခံရပြီး ဖျားတာနာတာကို ပြင်းပြင်းထန်ထန် ခံစားနေကြရတဲ့ အချိန်လည်း ဖြစ်ပါတယ်။
ဒီလိုကာလမှာ အမိုးအကာမဲ့၊ အာဟာရပြည့်ပြည့်ဝဝ စားသောက်ဖို့မရှိ၊ ဆေးဝါးမလုံလောက်တဲ့ ပြည်တွင်း နေရပ်စွန့်ခွာ ထွက်ပြေးကြရသူတွေအတွက် တစ်ပူပေါ်နှစ်ပူဆင့်ဆိုတဲ့ အနေအထားနဲ့ ကြုံနေရပါပြီ။

ကူကယ်ရာမဲ့ ပြည်တွင်းနေရပ်စွန့်ခွာ ထွက်ပြေးရသူတွေရဲ့ဘဝဟာ အခုလိုအချိန်မှာ မတွေးရဲစရာပါ။ ဒါတွေအားလုံးရဲ့ တရားခံဟာ ပြည်သူကို ပစ်မှတ်ထားတိုက်ခိုက်နေတဲ့ စစ်ကောင်စီပဲ ဖြစ်ပါတယ်။
အမျိုးသမီးတွေ၊ ကလေးငယ်တွေ၊ သက်ကြီးရွယ်အိုတွေ အပါအဝင် စုစုပေါင်း မြန်မာပြည်သူအရေအတွက်ရဲ့ ၅ ရာခိုင်နှုန်းနီးပါးကို နေရပ်စွန့်ခွာထွက်ပြေးစေပြီး အကူအညီပေးမယ့် သူတွေကို ကန့်သတ်ပိတ်ပင်နေတဲ့၊ မြန်မာပြည်သူ ၉၀ ရာခိုင်နှုန်းကို စိတ်ဆင်းရဲ ကိုယ်ဆင်းရဲ ဖြစ်စေတဲ့ စစ်ကောင်စီဟာ လူသား မျိုးနွယ်အပေါ် ကျူးလွန်တဲ့ ရာဇဝတ်မှု မြောက်နေပြီ ဖြစ်ကြောင်း ဖော်ပြလိုက်ပါတယ်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16😁3
Media is too big
VIEW IN TELEGRAM
ကမ္ဘာ့ရွှေဈေးနှုန်း အတက်ဘက် ဦးတည်နေတာကြောင့် ပြည်ပသို့ ရွှေတင်ပို့မှု ရပ်နားထား

Watch more detail - https://www.youtube.com/watch?v=Ggcdqo7RTwk

#BusinessRoundUp #reels #shorts #Mizzima
❤3🔥2
စစ်အာဏာရှင်ဆန့်ကျင်ရေး ရွာပေါင်းစုံသပိတ် ချီတက်ဆန္ဒပြ
====================

ပါခွီး(မဇ္စျိမ) ။ ။ စစ်ကိုင်းတိုင်း ၊ ယင်းမာပင်နှင့် ဆားလင်းကြီးကျေးရွာများမှစုပေါင်း စစ်အာဏာရှင်ဆန့်ကျင်ရေးဆန္ဒပြပွဲကို ဇူလိုင်လ ၁၈ရက် ယနေ့တွင်ဆက်လက်ချီ တက်ခဲ့ကြသည်။

လူထုသပိတ်စစ်ကြောင်းသည် “အာဇာနည်မျိုးသေရိုးမရှိ” ဆိုသည့် စာတန်းကို ကိုင်စွဲ ပြီး စစ်အာဏာရှင်ဆန့်ကျင်သည့် ကြွေးကြော်သံများ ဟစ်ကြွေး ချီတက်ခဲ့ခြင်း ဖြစ်ကြောင်း သိရသည်။

ယနေ့ဆန္ဒပြ ချီတက်မှုသည် ရွာပေါင်းစုံသပိတ်စစ်ကြောင်း၏ စစ်အာဏာရှင်ဆန့် ကျင်ရေး ရက်ပေါင်း (၈၄၈) မြောက်ဖြစ်ပြီး ချီတက်မှုအပြီး ကျဆုံးခဲ့သည့် အာဇာနည်များ အလေးပြုခြင်း ၊ သွေးသစ္စာသီချင်သံပြိုင်သီဆိုခြင်းနှင့် ကြွေးကြော်သံများဖြင့်အဆုံး သတ်ခဲ့ကြသည်။

ယင်းမာပင်နှင့် ဆာလင်းကြီး ကျေးရွာပေါင်းစုံ သပိတ်စစ်ကြောင်းသည် ၂၀၂၁ ခုနှစ် မတ်လ ၉ရက်မှ စတင်ကာ စစ်အာဏာရှင် ကိုဆန့်ကျင်ဆန္ဒပြခဲ့ခြင်း ဖြစ်သည်။

https://youtu.be/qE8YcB6rXro

#ရွာပေါင်းစုံသပိတ်
#စစ်အာဏာရှင်ဆန့်ကျင်ရေး
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U
👍13😁2
Media is too big
VIEW IN TELEGRAM
ဂျီ-၂၀ ဘဏ္ဍာရေးဆွေးနွေးပွဲတွေမှာ ကမ္ဘာ့ကြွေးမြီကိစ္စ လွှမ်းမိုးထား

#internationalnews #reels #shorts #Mizzima
🔥3
မွန်ပြည်နယ်၌ မိုးကြီးပြီး မုဒုံ-သံဖြူဇရပ်ကားလမ်းပိုင်းရေကျော်နေ
❤3👏2🔥1
မွန်ပြည်နယ်၌ မိုးကြီးပြီး မုဒုံ-သံဖြူဇရပ်ကားလမ်းပိုင်းရေကျော်နေ
====================

ဂျူချန်း
(မဇ္ဈိမ)။ ။ မိုးသည်းထန်စွာ ရွာသွန်းမှုကြောင့် ရန်ကုန်-မွန်ပြည်နယ် ပြည်ထောင်စုလမ်းမှ မုဒုံ-သံဖြူဇရပ်မြို့ကြားတွင် ကားလမ်းရေကျော်နေပြီး ခရီးသွားပြည်သူများ သတိပြုသွားလာကြရန် ဒေသခံများနှင့် လူမှုရေးအသင်းအဖွဲ့များက အသိပေးသည်။
မွန်ပြည်နယ်တွင် ယခုရက်ပိုင်း မိုးသည်းထန်စွာ ရွာပြီးနောက် မုဒုံနှင့် သံဖြူဇရပ်မြို့ကြားရှိ နှီးပဒေါ၊ အဘစ်၊ ရောင်းဒေါင်း၊ ကွာန်လှာနှင့်ဖောင်စိန် ကျေးရွာတို့တွင် ယနေ့(ဇူလိုင်လ ၁၈ရက်)နံနက်မှစ၍ ကားလမ်းပေါ် ရေကျော်နေခြင်းဟုသိရသည်။

"မနက်ပိုင်းအစောကြီးကတော့ ကားဖြတ်လို့မရဘူး။ အခုတော့ ကားတွေဖြတ်လို့ရနေပြီ။ အခု ရေက ဒူးခေါင်းလောက်တော့ ရှိသေးတယ်။ ဒါပေမယ့် မိုးက ဆက်ရွာနေတုန်းပဲ။ နောက်ထပ်ကြီးဖို့တောင် ကြောက်နေရတယ်။ ရေတက်ရက်နဲ့လည်း ကိုက်နေတယ်လေ” ဟု နှီးပဒေါကျေးရွာဒေသခံတစ်ဦးက ယနေ့ နေ့လည် ၂နာရီခွဲခန့်တွင် ပြောသည်။

လက်ရှိတွင် ရေအနည်းငယ်ကျသွားသဖြင့် ကားများ ဖြတ်သန်းသွားလာနိုင်သော်လည်း မိုးဆက်လက်ရွာသွန်းလျက်ရှိရာ ထပ်မံရေကြီးမည်စိုးသဖြင့် မုဒုံနှင့် သံဖြူဇရပ်လမ်းပိုင်းတွင် နယ်မြေခံ ပရဟိတအသင်းများက စောင့်ကြည့်ပေးနေကြောင်း သိရသည်။
မုဒုံ-သံဖြူဇရပ်လမ်းပိုင်းအား အသုံးပြုရမည့် ခရီးသွားများအနေဖြင့် လက်ရှိ ရာသီဥတုအခြေအနေများကြောင့် လမ်းခရီးအခြေအနေကို စုံစမ်းပြီးမှသာ သတိထားသွားလာကြရန် လူမှုကူညီရေးအသင်းများက သတိပေးထားကြသည်။

သံဖြူဇရပ်မြို့နယ်၊ ပငကျေးကျေးရွာအုပ်စုတွင်လည်း မြေနိမ့်ပိုင်းနေရာများတွင် ရေကြီးရေလျှံနေပြီး ဆိုင်ကယ်နှင့် ကားများသွားလာ၍မရကြောင်း ဒေသခံများကပြောသည်။

“အနိမ့်ပိုင်းတွေမှာ ရင်ဘတ်အထိရောက်တယ်။ တချို့ခါးလောက်။ ခုထိတော့ ရေမကျသေးဘူး။ မိုးလည်း ဆက်ရွာနေတုန်းပဲ။ ရေစီးသန်တယ်။ ဘာမှသွားမရဘူး” ဟု ပငကျေးရွာဒေသခံတစ်ဦးက ယနေ့ညနေ ၃နာရီခန့်တွင် ပြောသည်။

မွန်ပြည်နယ်ဒေသအနှံ့တွင် ယမန်နေ့ ဇူလိုင်လ ၁၇ ရက်မှစ၍ မိုးသည်းထန်စွာ ရွာသွန်းခဲ့ပြီး တောင်ကျရေများဆင်းကာ မုဒုံမြို့၊ သံဖြူဇရပ်မြို့၊ ရေးမြို့နယ်အတွင်းရေလွှမ်းမိုးမှုကြုံတွေ့‌နေခြင်းဖြစ်သည်။

မုတ်သုံလေအားအလွန်ကောင်းနေသောကြောင့် မွန်ပြည်နယ်နှင့် တနင်္သာရီတိုင်းတွင် ဇူလိုင်လ ၂၁ရက်အထိ မိုးသည်းထန်စွာရွာသွန်းနိုင်ပြီး ရေကြီးရေလျှံခြင်းနှင့် မြေပြိုမှုဘေး သတိထားရန် အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး၀န်ကြီးဌာနက သတိပေးထားသည်။

စာတည်း - မောင်ကြီး

#mizzima
#ရန်ကုန်-မွန်ပြည်နယ်ပြည်ထောင်စုလမ်း
#ကားလမ်းရေကျော်
#တောင်ကျရေ
#သတိပေး

ဓါတ်ပုံ-ဗြဟ္မဝိဟာရ လူမှုကူညီရေးအသင်း၊ Myat Min
ပုံစာ-မုဒုံ-သံဖြူဇရပ် ကားလမ်းပိုင်း နှင့် ပငကျေးရွာတွင် ရေကြီးမှု ဖြစ်ပွားစဉ် (ဇူလိုင်၁၈)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8❤1👎1🔥1👏1