​​ကွယ်လွန်ပြီး နှစ် ၅၀ အထိ တောက်ပနေဆဲ ဘရုစ်လီ
=====================

ဟောင်ကောင်စီးပွားရေးလုပ်ငန်းရှင် ဒဗလျူ ဝန်သည် ၁၉၇၀ ခုနှစ် ရက်တစ်ရက်၌ အိမ်နီးချင်းကလေးငယ်များ၏ ဘရုစ်လီအကြောင်း အံ့ဩဘနန်း ပြောဆိုမှုများကို ပထမဆုံး စကြားခဲ့ရချိန်အား အမှတ်ရနေဆဲ ဖြစ်သည်။

သိုင်းပညာခန်း ပြည့်ဝသော ဘရုစ်လီ၏ ရုပ်ရှင်များသည် ကမ္ဘာတစ်လွှား ကွန်ဖူးရူးသွပ်သူများကို ပေါက်ဖွားစေခဲ့သကဲ့သို့ အသက် ၃၂ နှစ် ၎င်း မကွယ်လွန်ခင် ဟောလီဝုဒ်၏ ငွေကြယ်ပွင့်များ အခန်းကဏ္ဍ၌ ပထမဆုံး ပါဝင်နိုင်သည့် အာရှသားများမှ တစ်ယောက်လည်းပဲ ဖြစ်သည်။

သူ ကလေးဘဝနှင့် သူ့နောက်ဆုံးနှစ်များတွင် နေထိုင်သွားခဲ့ရာ ဟောင်ကောင်၌ သူ၏ ဩဇာကို ယနေ့ထက်တိုင် ခံစားနေရဆဲ ဖြစ်သည်။ ယခုသီတင်းပတ်တွင်တော့ ဘရုစ်လီ ကွယ်လွန်သည့် နှစ် ၅၀ မြောက်အဖြစ် ပြပွဲများနှင့် သိုင်းကစားခြင်းများကို ပရိသတ်များက ပြုလုပ်ကြသည်။

​​မန္တလေးတွင် အာဇာနည်နေ့ အခမ်းအနား လူထု စိတ်ဝင်စားခြင်းမရှိ
=====================

007
(မဇ္ဈိမ)။ ။ ယနေ့ ဇူလိုင်လ ၁၉ ရက်တွင် ကျရောက်သည့် (၇၆) နှစ်မြောက် အာဇာနည်နေ့ အခမ်းအနားကို မန္တလေးမြို့ ပြည်သူလူထုက စိတ်ဝင်စားခြင်းမရှိကြောင်း ဒေသခံများထံက သိရသည်။

“မနှစ်ကတော့ ကားဟွန်းတီးရင်ဖမ်းတယ်။ ဒီနှစ်ကားဟွန်းတီးခိုင်းတော့ မတီးကြတော့ဘူး။ မီးသတ်စခန်းတချို့ တစ်မိနစ်တောင် မကြာတဲ့ ဥသြဆွဲတယ်။ ပရဟိတကားတချို့ လမ်းပေါ်ထွက်ပြီးဟွန်းတီးပြတယ်။ လူတွေကတော့ ပုံမှန်သွားလာနေတာပဲ တွေ့ရတယ်။ ကားမောင်းနေရင်းနဲ့လည်း ကားရပ်လိုက်တာမျိုး မရှိတော့ဘူး” ဟု မြို့ခံတစ်ဦးက ပြောသည်။

အာဇာနည်နေ့အခမ်းအနားကို မန္တလေးမြို့ရှိ မီးသတ်တပ်ဖွဲ့ စခန်းအချို့တွင် ယနေ့နံနက်ပိုင်းက ပြုလုပ်ခဲ့သေးသည်။
“တစ်အိမ်တစ်ယောက်ထွက်ခိုင်းလို့သွားလိုက်ရသေးတယ်။ ဘာမှလည်းမဟုတ်ဘူး။ ဥသြဆွဲတာ တစ်မိနစ်တောင်မကြာလိုက်ဘူး။ အဲဒါပြီးတော့ ပြန်လာလိုက်တယ်။ သူတို့လည်းအဖြစ်ပဲ လုပ်ပြကြတာ” ဟု မီးသတ်စခန်းတစ်ခုရှေ့ ပြုလုပ်ခဲ့သည့် အာဇာနည်နေ့ အခမ်းအနား တက်ရောက်ခဲ့ရသူတစ်ဦးက ပြောသည်။

အာဇာနည်ကိုးဦးကျဆုံးခဲ့သော အချိန်ဖြစ်သည့် နံနက် ၁၀ နာရီ ၃၇ မိနစ်တွင် မီးသတ်စခန်းတချို့မှ ဥသြဆွဲခဲ့သော်လည်း လမ်းသွားလမ်းလာများနှင့် ယာဥ်များက ရပ်တန့်နေခြင်းမျိုးမရှိဘဲ ပုံမှန်အတိုင်းသာ ဆက်လက်သွားလာနေကြကြောင်း ဒေသခံ တစ်ဦးက ပြောသည်။

လမ်းသွားလမ်းလာယာဥ် တချို့က ကားဟွန်းတီးခဲ့သော်လည်း အရေအတွက်အားဖြင့် နည်းပါးကြောင်း ၎င်းကဆိုသည်။ မန္တလေးမြို့ရှိ ရပ်ကွက်အုပ်ချုပ်ရေးမှူးရုံးအချို့နှင့် ပရဟိတ အသင်းတချို့တွင်လည်း အာဇာနည်နေ့အခမ်းအနားကို ပြုလုပ်ကြသေးကြောင်း သိရသည်။

ပုံ - အာဇာနည်နေ့ အခမ်းအနားတွင် အလံတစ်ဝက် လွင့်တင်ထားသည့် မီးသတ်ဌာန
စာတည်း။ ။အောင်ကျော်ဖြိုး

#Mizzima
#အာဇာနည်နေ့အခမ်းအနား
#မန္တလေး ပြည်သူလူထု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇူလိုင်လ (၁၉) ရက်၊ ည ၇ နာရီ The Mizzima Primetime မဇ္စျိမ ပင်မသတင်းအစီအစဥ်
=======================

-အခုနှစ် အာဇာနည်နေ့ အခမ်းအနားမှာလည်း ဖမ်းဆီးခံ ဒေါ်အောင်ဆန်းစုကြည် တက်ရောက်ခွင့် မရတဲ့သတင်း

-စစ်တပ်ထောက်ခံတဲ့ အမျိုးသားရေး အစွန်းရောက်တွေက သူတို့လုံခြုံရေးအတွက် စစ်ကောင်စီဆီ အသနားခံစာတင်တဲ့အကြောင်း

-မော်လမြိုင်မြို့ပေါ်မှာ မိုးသည်းထန်စွာ ရွာသွန်းလို့ ရေကြီးရေလျှံဖြစ်ပွားနေတဲ့အကြောင်း

-"မြန်မာ့အရေး ချဉ်းကပ်ရာမှာ အာဏာရှင်စနစ်အောက် သွတ်သွင်းတဲ့ ပုံစံ မဖြစ်ဖို့ လိုအပ်တယ်ဆိုတဲ့သတင်းနဲ့

-ကမ္ဘောဒီးယားဝန်ကြီးချုပ်က သူ့သားကို အာဏာလွှဲပေးဖို့ လမ်းစဖော်အကြောင်း သတင်းအပါအဝင် အရေးကြီးတဲ့ သတင်းတွေနဲ့ စိတ်ဝင်စားဖွယ်ရာ သတင်းတွေကို တင်ဆက်ပေးသွားမှာပါ။

https://www.youtube.com/live/srC9cR6qalo?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ကလေးငယ်များနှင့် ကာကွယ်ဆေး
============

ဂျူချန်း (မဇ္ဈိမ)။ ။ မြန်မာနိုင်ငံတွင် အသက် ၁၀နှစ်အောက်ကလေးငယ်များအား ကာကွယ်ဆေး ၈ ကြိမ် ထိုးလေ့ရှိရာ ကာကွယ်ဆေးထိုးရမည့် အချိန်တွင် အကြောင်းအမျိုးမျိုးကြောင့် ပျက်ကွက်ခဲ့ပါက နောက်ဆက်တွဲအနေဖြင့် သေဆုံးနှုန်းများ မြင့်တက်လာနိုင်ကြောင်း CDM သမားတော်တစ်ဦးက မဇ္ဈိိမကို ပြောသည်။

ကလေးငယ်များအား မွေးကင်းစတွင် တစ်ကြိမ်၊ အသက်နှစ်လသားတွင် တစ်ကြိမ်၊ လေးလသားတွင်တစ်ကြိမ်၊ ခြောက်လသားတွင်တစ်ကြိမ်၊ ကိုးလသားတွင်တစ်ကြိမ်၊ တစ်နှစ်ခွဲအရွယ်တွင် တစ်ကြိမ်၊ ကိုးနှစ်အရွယ်တွင်တစ်ကြိမ်နှင့် အသက်ဆယ်နှစ်တွင်တစ်ကြိမ် ကာကွယ်ဆေးများအား ထိုးရမည်ဖြစ်ကြောင်း သိရသည်။

ကာကွယ်ဆေးသည် အစိုးရ၏ အစီအစဉ်ဖြင့် ထိုးပေးရမည်ဖြစ်သော်လည်း လက်ရှိတွင် တိုက်ပွဲပြင်းထန်နေသည့် စစ်ကိုင်းတိုင်း၊ မကွေးတိုင်းနှင့် ကရင်နီဒေသများမှ ကလေးငယ် ၆၀ ရာခိုင်နှုန်းခန့်သည် စစ်ဘေးရှောင်နေရသဖြင့် ကာကွယ်ဆေးထိုးခွင့် မရရှိကြကြောင်း သိရသည်။

https://youtu.be/H3Qy9NrhLtg

မေးမြန်း/တည်းဖြတ်-ဂျူချန်း

#ကလေးငယ်ကာကွယ်ဆေး
#Mizzima
#ကရင်နီစစ်ကိုင်း
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ဇူလိုင်လ (၁၉) ရက်၊ ဗုဒ္ဓဟူးနေ့ ညပိုင်း မဇ္ဈိမရေဒီယိုအစီအစဉ်
==================

အာဇာနည် ၉ ဦးအပြင် တော်လှန်ရေးမှာကျဆုံးခဲ့တဲ့ သူရဲကောင်းတွေကို ဂုဏ်ပြုလှုပ်ရှားမှုတွေ ရန်ကုန်မှာပြုလုပ်ကြတဲ့ သတင်းနဲ့အတူ ၃ရက်ဆက်မိုးကြောင့်မော်လမြိုင်မြို့ပေါ်မှာ ရေကြီးရေလျှံနေတဲ့ အခြေအနေနဲ့အအပါအဝင် ကရင်နီဒေသ တိုက်ပွဲတွေကြောင့် စစ်ရှောင်တွေ ပိုများလာပြီး အကူညီပေးရေးမှာလည်း ပိုခက်ခဲလာနေတယ်ဆိုတဲ့ ပြည်တွင်းသတင်းတွေကိုနားဆင်ရမှာဖြစ်ပြီး နိုင်ငံတကာဘက်မှာတော့ ကမ္ဘောဒီးယားဝန်ကြီးချုပ်က သူ့သားကို အာဏာလွှဲပေးဖို့ လမ်းစဖော်နေတာ၊ ယူကရိန်းအရှေ့မြောက်ပိုင်းမှာ ၁.၅ ကီလိုမီတာ ရှေ့တိုးနိုင်ပြီဖြစ်ကြောင်း ရုရှားကပြောလိုက်တာ စတဲ့ နောက်ဆုံးရနိုင်ငံတကာသတင်းတွေနဲ့အတူ စီးပွားရေးသတင်းတွေနဲ့ အားကစားကဏ္ဍကိုလည်းနားဆင်ရမှာပါ။

သတင်းတွေအပြီးမှာတော့ ဒီနေ့အတွက် သတင်းသုံးသပ်ချက်တွေနဲ့ ကုန်ဈေးနှုန်းတွေကိုလည်း နားဆင်ရဖို့ရှိပါတယ်။

အဲဒါပြီးရင်တော့ အပတ်စဉ် ကဏ္ဍတွေအဖြစ် မဇ္ဈိမရေဒီယိုနဲ့ the Call အွန်လိုင်းမဂ္ဂဇင်းတို့ ပူးပေါင်းတင်ဆက်တဲ့ တော်လှန်ရေးအနုပညာ ကဏ္ဍကို နားဆင်ရမှာဖြစ်ပြီးတော့ တိုင်းရင်းသားတွေရဲ့အသံနဲ့အမြင်တွေကို စုစည်းတင်ဆက်ပေးနေတဲ့ BNI ရေဒီယိုအစီအစဉ်တွေကိုလည်း ထုတ်လွှင့်သွားဖို့ရှိပါတယ်။

https://youtu.be/j3FlLHVVydQ

#eveningradio
#mizzimaradio
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မလေးရှားတွင် မြန်မာနိုင်ငံသား ၃ ဦးကို ကားအတွင်း သေဆုံးလျက် တွေ့ရှိ
=========================

ကနဦး စစ်ဆေးမှုများအရ အသက် ၂၃ နှစ်နှင့် ၂၅ နှစ်ရှိ အမျိုးသားနှစ်ဦးနှင့် အသက် ၂၇ နှစ်ရှိ အမျိုးသမီးတစ်ဦးတို့သည် Pahang ပြည်နယ် Genting Highlands မြို့မှ Pasir Gudang မြို့ Taman Air Biru အရပ်သို့ ငှားထားသည့် ကားတစ်စီးဖြင့် သွားခြင်း ဖြစ်သည်ကို တွေ့ရှိကြောင်း ၎င်းက ပြောသည်။
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

နွေဦးဖွံ့ဖြိုးရေးဘဏ်၏ အစုရှယ်ယာရှင်များကို ဘဏ်တည်ထောင်သည့် ပထမနှစ်မှအပ နှစ်စဉ် အမြတ် ငွေထုတ်ပေးမည်
====================

မောင်ခက်နွေ
(မဇ္ဈိမ)။ ။နွေဦးဖွံ့ဖြိုးရေးဘဏ်ကို ဒါရိုက်တာသုံးဦးဖြင့်ဖွဲ့စည်းမည်ဖြစ်ပြီး အစုရှယ်ယာရှင်များကို ဘဏ် တည်ထောင်သည့်ပထမနှစ်မှအပ နှစ်စဉ်အမြတ်ငွေများထုတ်ပေးမည်ဟု ကြားကာလဗဟိုဘဏ်ကထုတ် ပြန်ထားသည်။

နွေဦးဘဏ်တွင် တလ၊ သုံးလ၊ ခြောက်လ၊ ကိုးလ၊ တနှစ်သက်တမ်းရှိသည့် ပုံသေအပ်ငွေစာရင်းကို ကျပ် ငွေနှင့် နိုင်ငံခြားငွေများဖြင့် ဖွင့်လှစ်နိုင်မည်ဟုလည်း ထုတ်ပြန်ချက်တွင် ပါရှိသည်။
ကြားကာလဗဟိုဘဏ်၏ ခွင့်ပြုချက်ဖြင့်တည်ထောင်မည့် နွေဦးဖွံ့ဖြိုးရေးဘဏ်ကို အမျိုးသားညီညွတ် ရေးအစိုးရက ရှယ်ယာပိုင်ဆိုင်မှု ၅၁ ရာခိုင်နှုန်းနှင့် ကနဦးအစုရှယ်ယာဝယ်သူများက ရှယ်ယာ ၄၉ ရာခိုင် နှုန်းဖြင့်စတင်မည်ဟု ကြားကာလဗဟိုဘဏ်ကထုတ်ပြန်သည့် နွေဦးဖွံ့ဖြိုးရေးဘဏ် ဖွဲ့စည်းတည်ထောင် ခြင်းဆိုင်ရာစည်းမျဉ်းများတွင် ဖော်ပြထားသည်။

နွေဦးဘဏ်၏ရှယ်ယာ ၄၉ ရာခိုင်နှုန်းကို IPO ( Initial Public Offering) စနစ်ဖြင့် ရှယ်ယာကြိုတင် ရောင်းချထားသူများကပိုင်ဆိုင်မည်ဟု ဆိုသည်။

နွေဦးဘဏ်ကိုတည်ထောင်ရာတွင် မတည်ရင်းနှီးရင်းငွေသည် အနိမ့်ဆုံး ဒေါ်လာ ၅၀၀,၀၀၀ ဖြစ်ပြီး ဘဏ် အစုရှယ်တစ်စုကို ဒေါ်လာ ၀.၀၀၀၁ ( ၀.၃၁ ကျပ်) ဖြင့် အစုရှယ်ယာပေါင်း ၁၀၀ ဘီလီယံ သတ်မှတ်ထား သည်ဟု စည်းမျဉ်းတွင် ဖော်ပြထားသည်။

နွေဦးဘဏ်ကိုတည်ထောင်ရာတွင် ဘဏ်သို့အပ်ငွေအပ်နှံသူနှင့် အများပြည်သူတို့၏ အကျိူးစီးပွားကို အထူးအလေးအနက်ထား ဝန်ဆောင်မှုဖော်ဆောင်သွားရန်၊ စစ်ကောင်စီဗဟိုဘဏ်ကိုစီးဆင်းနေသည့် နိုင်ငံခြားငွေအပါအဝင် ငွေကြေးများကို နွေဦးဘဏ်သို့စီးဝင်စေခြင်းဖြင့် စစ်ကောင်စီထိန်းချုပ်ထားသည့် ငွေကြေးစနစ်ကိုဟန့်တားနိုင်ရန်၊ တော်လှန်ရေး ဘဏ္ဍာငွေထောက်ပံ့ခြင်းလုပ်ငန်းကို NUG ကိုယ်စား လှယ်အဖြစ်ပံ့ပိုးကူညီရန်နှင့် နွေဦးကာလအလွန်တွင် တိုင်းပြည်ဖွံ့ဖြိုးရေးလုပ်ငန်းများကို ဖွံဖြိုးရေးဘဏ် တခုနှင့်အညီ ဖွဲ့စည်းအုပ်ချုပ်ပုံအခြေခံဥပဒေလမ်းစဉ်နှင့်အညီ ဆောင်ရွက်သွားရန်အတွက်ဖြစ်သည်ဟု NUG ကြားကာလဗဟိုဘဏ်က ထုတ်ပြန်ထားသည်။

ထို့ပြင် Crypto Currency (USDT) ဖြင့် ဘဏ်လုပ်ငန်းများဆောင်ရွက်မည်ဟုလည်း ထုတ်ပြန်ချက်တွင် ဆိုထားသလို NUG pay နှင့်ချိတ်ဆက်ဆောင်ရွက်နိုင်မည်ဟုလည်းပါရှိသည်။
နွေဦးဘဏ်သည် ရွှေများကိုဝယ်ယူရန် ကိုယ်စားလှယ်အဖြစ်ဆောင်ရွက်နိုင်သည်ဟုလည်း ဆိုထားသည်။ ထိုသို့ဆောင်ရွက်ရာတွင် ကမ္ဘာ့ရွှေဈေးအတိုင်း Gold Certificate (ရွှေဝယ်ယူထားသည့်လက်မှတ်)များ ထုတ်ပေးခြင်း၊ ရွှေသက်သေခံလက်မှတ်များ စုဆောင်းခြင်း၊ ရောင်းဝယ်ခြင်းတို့ပါဝင်မည်ဟု ဖော်ပြထား သည်။

စာတည်း။ ။စောဖေ
စာမူတည်းဖြတ်။ ။စောဖေ

#အမျိုးသားညီညွတ်ရေးအစိုးရ
#ကြားကာလဗဟိုဘဏ်
#နွေဦးဖွံ့ဖြိုးရေးဘဏ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၁၉ ဇူလိုင် ၂၀၂၃) 
=======================

စစ်ကောင်စီကျင်းပသည့် အာဇာနည်နေ့အခမ်းအနားကို အာဇာနည်ခေါင်းဆောင်ကြီး ဗိုလ်ချုပ် အောင်ဆန်း၏ သမီးဖြစ်သူကို တက်ခွင့်မပြုသလို စစ်ကောင်စီအဖွဲ့ဝင်အဆင့်သာ ဦးဆောင် စေလွှတ်ခဲ့သည်ကို ကြည့်ပါက အာဇာနည်နေ့ကို အဆင့်နှိမ့်ချ ပြုလုပ်လာသည်ကို တွေ့ရသည်။
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖက်ဒရယ်နိုင်ငံရေးစနစ်နှင့်စစ်ဘက်ဆိုင်ရာတရားမျှတမှုစနစ်(Military Justice) | Beyond Panglong Oath Ep12
==================

မြန်မာနိုင်ငံမှာ ဒီကနေ့ ကြုံတွေ့နေရတဲ့ နိုင်ငံရေးပြဿနာရဲ့ ထွက်ပေါက်ဟာ စစ်မှန်တဲ့ ဖက်ဒရယ်စနစ်ကို အခြေခံတဲ့ ဒီမိုကရေစီစနစ် ဖေါ်ဆောင်ရေးဖြစ်တယ်လို့ အားလုံးက တညီတညွတ်တည်း ပြောနေကြပါတယ်။ နိုင်ငံရေးအင်အားစုတွေက ဖက်ဒရယ်ကိစ္စကို ကျယ်ကျယ်လောင်လောင် ပြောဆိုဆွေးနွေးနေကြတဲ့ အခုလိုအချိန်မှာ ဖက်ဒရယ်နဲ့ ပတ်သက်လို့ စဥ်းစားဖို့ လိုအပ်တဲ့ နိုင်ငံရေးသီအိုရီပိုင်းဆိုင်ရာတွေကို အစဖေါ်ထုတ်ပေးတဲ့အနေနဲ့ “ပင်လုံသစ္စာအလွန်၊ ဖက်ဒရယ်ရေးရာ ဆွေးနွေးစရာများ” အစီအစဥ်ကို Mizzima TV ကနေ ဗုဒ္ဓဟူးနေ့ ည ၇နာရီခွဲတိုင်း တင်ဆက်ပေးနေပါတယ်။ နိုင်ငံရေးသိပ္ပံ လေ့လာသူဒေါ်ခင်မမမျိုးနဲ့ ဖက်ဒရယ်နဲ့ အခြေခံဥပဒေရေးရာ လေ့လာသူ ဦးခင်မောင်၀င်းတို့က ဆွေးနွေးတင်ဆက်သွားမှာဖြစ်လို့ Mizzima News In Burmese Facebook Page နဲ့ Mizzima TV YouTube Channel တို့မှာလည်း အချိန်မရွေး ပြန်လည်ကြည့်ရှုနိုင်ပါတယ်။

https://youtu.be/d5Yo3pRkJJw

#ပင်လုံသစ္စာ
#ဖက်ဒရယ်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​မြဝတီတိုက်ပွဲအတွင်း စစ်ကောင်စီတပ်မှဗိုလ်ကြီးသေဆုံးပြီး ၅ ဦးဒဏ်ရာရကြောင်း Cobra ပြော
==========================

YT
(မဇ္ဈိမ)။ ။ထိုင်း-မြန်မာနယ်စပ်၊ ကရင်ပြည်နယ်၊ မြဝတီမြို့နယ်၊ လက်ခတ်တောင်အနီးတစ်ဝိုက် ဖြစ်ပွားခဲ့ သောတိုက်ပွဲအတွင်း စစ်ကောင်စီတပ်မှ ဗိုလ်ကြီးအဆင့်ရှိသူတဦး သေဆုံးခဲ့ကြောင်း Cobra စစ်ကြောင်း က ဇူလိုင်လ ၁၈ ရက်နေ့တွင် ထုတ်ပြန်သည်။

ဇူလိုင်လ ၁၈ ရက်နေ့ နံနက်ပိုင်းက မြဝတီမြို့နယ်၊ ကျောက်တောင်ဒေသနှင့် လက်ခတ်တောင်တဝိုက်ရှိ စစ်ကောင်စီတပ်နှင့် BGF စခန်းကုန်းများအား တပ်မဟာ (၆) KNLA ၊ Cobra စစ်ကြောင်း(၁)၊ ကျားသစ် နက်စစ်ကြောင်း၊ Federal Wings ပူးပေါင်းတပ်ဖွဲ့က သွားရောက်တိုက်ခိုက်ခဲ့ခြင်းဖြစ်သည်။

အဆိုပါတိုက်ပွဲများအတွင်း စစ်ကောင်စီတပ်မှဗိုလ်ကြီးအဆင့်ရှိသူသေဆုံးခဲ့ပြီး ငါးဦးထိခိုက်ဒဏ်ရာရခဲ့ ခြင်းဖြစ်ကြောင်းသိရသော်လည်း အသေးစိတ်ကို ဒေသခံများထံမှ အတည်ပြုချက် ရယူနိုင်ခြင်းမရှိသေး ပေ။

တိုက်ပွဲအတွင်း တပ်မဟာ(၆) KNLA ၊ Cobra စစ်ကြောင်း(၁)၊ ကျားသစ်နက်စစ်ကြောင်း၊ Federal Wings ပူးပေါင်းတပ်ဖွဲ့မှလည်း တဦးထိခိုက်ဒဏ်ရာရခဲ့ပြီး MA-3 တလက်၊ RPG သုံးလုံး၊ ၆၀ မမ သုံးလုံး၊ အီနာဂါ အသီးလေးလုံးနှင့် ဖုန်းခုနစ်လုံးတို့အား သိမ်းဆည်းရမိခဲ့ကြောင်း ဖော်ပြထားသည်။

တိုက်ပွဲဖြစ်ပွားခြင်းမရှိတော့သည့် ယနေ့ ဇူလိုင်လ ၁၉ ရက်နေ့ နံနက်ပိုင်းအထိ မြဝတီမြို့နယ် ခြေလျင် တပ်ရင်း ခလရ(၂၇၅)၊ သင်္ကန်းညီနောင်ဗျူဟာကုန်း၊ စွယ်တော်စခန်းတို့မှ ၁၂၀ မမ၊ ၈၁ မမ လက်နက်ကြီး များဖြင့်ပစ်ခတ်ခဲ့ပြီး ပွင့်လင်းအေးမြိုင်ကျေးရွာအတွင်း ကျရောက်ပေါက်ကွဲခဲ့ကြောင်း KNLA သတင်း ရင်းမြစ်တဦးထံမှ သိရသည်။

“လက်နက်ကြီးက တိုက်ပွဲဖြစ်နေမှမဟုတ်ဘူး ဒီတိုင်းနေလည်း ပစ်နေတာပဲ။ ဒီနေ့မနက်တော့ ပွင့်လင်း အေးမြိုင်ဘက်ကို ကျတာရှိတယ်။ အပျက်အစီးတော့ သေချာမသိရသေးဘူး။ ပြီးခဲ့တဲ့ ၁၃ ရက်နေ့ကတော့ လက်နက်ကြီးပစ်တာ သင်္ကန်းညီနောင်နားမှာ တယောက်သေ၊ တယောက်ဒဏ်ရာရတယ်” ဟု KNLA သတင်းရင်းမြစ်က မဇ္ဈိမကိုပြောသည်။

ပြီးခဲ့သည့် ဇူလိုင်လ ၁၃ ရက်နေ့ ညနေပိုင်းကလည်း စစ်ကောင်စီတပ်စခန်းများမှပစ်ခတ်သော လက်နက် ကြီးကျည်ထိမှန်၍ မြဝတီမြို့နယ်၊ သင်္ကန်းညီနောင်ကျေးရွာအရှေ့ဘက်ရှိ အေးသုခရွာမှ အသက် ၃၀ ကျော်အရွယ် အမျိုးသားတဦးသေဆုံး၍ အသက် ၅၀ ကျော်အရွယ် အမျိုးသားတဦးထိခိုက်ဒဏ်ရာရခဲ့ ကြောင်း သိရသည်။

မြဝတီမြို့နယ်သည် ကရင်အမျိုးသားအစည်းအရုံး(KNU) တပ်မဟာ(၆)အုပ်ချုပ်နယ်မြေအတွင်း တည်ရှိ ပြီး စစ်ကောင်စီတပ်၊ ကရင်နယ်ခြားစောင့်တပ်(BGF)များနှင့် ကရင်အမျိုးသားလွတ်မြောက်ရေး တပ်မတော် (KNLA)၊ PDF ပူးပေါင်းတပ်ဖွဲ့များအကြား မကြာခဏ ထိတွေ့တိုက်ပွဲပြင်းထန်လေ့ရှိသည်။

စာတည်း ။။ Alden
စာမူတည်းဖြတ်။ ။စောဖေ

#ကရင်ပြည်နယ်
#မြဝတီ
#စစ်ဗိုလ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အထူးစစ်ဆင်ရေးတပ်ဖွဲ့ -SOF ရှေ့တန်းစစ်ကြောင်းအချို့နှင့် တပ်ရင်းတပ်ဖွဲ့များအားလုံး အာဇာနည်နေ့ အခမ်းအနား တပြိင်နက်ကျင်းပ
====================

ဂျူချန်း
(မဇ္ဈိမ)။ ။ အမျိုးသားညီညွတ်ရေးအစိုးရ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန၏ အထူးတိုက်ခိုက်ရေးနှင့်ချေမှုန်းရေးလက်ရင်းတပ်ဖွဲ့ဖြစ်သော အထူးစစ်ဆင်ရေးတပ်ဖွဲ့ -SOF က
ယနေ့ကျရောက်သည့် အာဇာနည်နေ့ အခမ်းအနားကို ရှေ့တန်းတွင်ရော တပ်ရင်းတပ်ဖွဲ့များ၌ပါကျင်းပခဲ့ကြောင်း သိရသည်။

(၇၆) ကြိမ်မြောက် အာဇာနည်နေ့အခမ်းအနားကို ယနေ့ ဇူလိုင်လ ၁၉ ရက် နံနက် ၇နာရီတွင် ရှေ့တန်း၌ တိုက်ပွဲဝင်နေသည့် စစ်ကြောင်းမှရဲဘော်များအပါအဝင် SOF ၏ တပ်ရင်းတပ်ဖွဲ့များ၌ တပြိုင်နက် ကျင်းပခဲ့ခြင်းဖြစ်ကြောင်း SOF တာဝန်ခံကိုအောင်စံရှားက ပြောသည်။

"တပ်မဟာ (၄)မှာရှိတဲ့ စစ်ကြောင်း (၁) နဲ့ တပ်မဟာ (၆) မှာရှိတဲ့ စစ်ကြောင်းနှစ်ခုမှာ အဆင်ပြေတဲ့ ရဲဘော်တွေစုပြီး လုပ်ဖြစ်တာပါ။ အဓိက ကျနော်တို့ SOF တပ်ဖွဲ့ဝင်တွေက စစ်ကြောင်းနှစ်ကြောင်းစလုံးက ရှေ့တန်းရောက်နေတာ။ ရှေ့တန်းမှာပဲ အဓိက လုပ်ဖြစ်ပါတယ်"ဟု ကိုအောင်စံရှားက မဇ္ဈိမကို ပြောသည်။

မြန်မာ့လွတ်လပ်ရေးကြိုးပမ်းမှုအတွင်း ကျဆုံးသွားသော အာဇာနည်ခေါင်းဆောင်များနှင့်ပြည်သူ့ခုခံစစ်စတင်သည့်အချိန်မှစ၍ ကျဆုံးခဲ့သော အာဇာနည်သူရဲကောင်းအားလုံးအတွက် စစ်အာဏာရှင်တော်လှန်ရေးကို ပိုမိုကြိုးစားသွားမည်ဟု SOFက ဆိုသည်။

ယနေ့ ကျင်းပသည့်အာဇာနည်နေ့အခမ်းအနားတွင် ပြည်သူ့ကာကွယ် ရေးတပ်မတော်အလံတော်အားအလေးပြုခြင်း၊ တောင်ပိုင်းစစ်ဒေသ စစ်ဆင်ရေးမှုးရဲဘော်စောရှားပေးပို့သောအာဇာနည်နေ့သဝဏ်လွှာအားဖတ်ကြားခြင်းတို့ကို ပြုလုပ်ခဲ့ကြသည်။ ထို့အပြင် ကျဆုံးခဲ့သည့် အာဇာနည်ခေါင်းဆောင်များ၊ SOF တပ်ဖွဲ့မှ ကျဆုံးသွားသည့် ရဲဘော်များအကြောင်းအား တပ်ဖွဲ့ဝင်များသို့ ပြန်လည်ပြောကြားခြင်းများကိုလည်းဆောင်ရွက်ခဲ့ကြောင်း သိရသည်။

အထူးစစ်ဆင်ရေးတပ်ဖွဲ့ SPECIAL OPERATION FORCE (S.O.F) သည် ၂၀၂၁ ခုနှစ် ဇူလိုင် ၁၉ ရက်နေ့တွင် အမျိုးသားညီညွတ်ရေးအစိုးရ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန၏ အထူးတိုက်ခိုက်ရေးနှင့်ချေမှုန်းရေး လက်ရင်းတပ်ဖွဲ့အဖြစ် စတင်ဖွဲ့စည်းခဲ့ခြင်းဖြစ်သည်။

ယနေ့ ဇူလိုင်လ ၁၉ ရက်နေ့တွင် ကျရောက်သည့် အာဇာနည်နေ့အခမ်းအနားကို မြန်မာနိုင်ငံဒေသအနှံ့ရှိ တော်လှန်ရေးအင်အားစုများကလည်း သက်ဆိုင် ရာနေရာ အသီးသီးတွင်ကျင်းပခဲ့ကြသည်။
ထိန်းသိမ်းခံထားရသည့်ဒေါ်အောင်ဆန်းစုကြည် သည် စစ်ကောင်စီကနိုင်ငံတော် အာဏာကိုသိမ်းယူခဲ့သည့် ၂၀၂၁ ခုနှစ်နောက်ပိုင်း ကျင်းပခဲ့‌သော အာဇာနည်နေ့အခမ်းအနားသုံးကြိမ်စလုံးကို တက်ရောက်ခွင့်မရသလို စစ်‌ကောင်စီဥက္ကဋ္ဌလည်းတက်ရောက်ခြင်းမရှိပေ။

SOF တပ်ဖွဲ့ဝင်များ အာဇာနည်နေ့အခမ်းအနားကျင်းပနေစဉ်
Photo - SOF
စာတည်း-မောင်ကြီး

#mizzima
#အာဇာနည်နေ့
#အထူးစစ်ဆင်ရေးတပ်ဖွဲ့ -SOF
#ရှေ့တန်းစစ်ကြောင်း
#တပ်ရင်းတပ်ဖွဲ့များ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

National Unity Government (NUG)၏ PVTV Channel မှ ၂၀၂၃ ခုနှစ် ဇူလိုင်လ ၁၉ ရက်ထုတ်လွှင့်မှုများ
===================

https://youtu.be/4TWG6dCdbNw

​​အာဇာနည်နေ့အထိမ်းအမှတ်အဖြစ် ရတနာပုံတက္ကသိုလ်ရှေ့တွင် အသံမိုင်းခွဲ
=====================

YT၊ ၀၀၇
(မဇ္ဈိမ)။ ။ မန္တလေးတိုင်း၊ ရတနာပုံတက္ကသိုလ်ရှေ့တွင် ကင်းစောင့်နေသော စစ်ကောင်စီတပ်သားများအား အာဇာနည်နေ့အထိမ်းအမှတ်အဖြစ် အသံမိုင်းခွဲ တိုက်ခိုက်ခဲ့ကြောင်း Dutiful Citizens Team (DCT) တာဝန်ရှိသူထံက သိရသည်။

“ ကျနော်က အခြားနယ်ကလာတာဗျ။ လက်ထဲမှာမိုင်းတွေပါလာတာ ပြန်မယူသွားချင်တော့တာနဲ့ အထိမ်းအမှတ်ဖြစ်အောင် ၁၉ ဇူလိုင်မှာ လမ်းကြုံဝင်လုပ်လိုက်တာပါဗျ" ဟု DCT တာဝန်ရှိသူက မဇ္ဈိမကိုပြောသည်။

ယနေ့ ဇူလိုင်လ ၁၉ ရက်နေ့တွင် ကျရောက်သော အာဇာနည်နေ့ အထိမ်းအမှတ်အဖြစ် မန္တလေး ရတနာပုံတက္ကသိုလ်အရှေ့တွင် ကင်းစောင့်နေသော စစ်ကောင်စီတပ်သားများ၏အနီးသို့ ချိန်ကိုက် ဖောက်ခွဲရသော အသံမိုင်းချခဲ့ကာ ညနေ ၃ နာရီ ၃၀ မိနစ်ခန့်တွင် ဖောက်ခွဲခဲ့ခြင်းဟုဆိုသည်။

အဆိုပါ အသံမိုင်း ဖောက်ခွဲရန် ယနေ့ ဇူလိုင်လ ၁၉ က်နေ့၊ နံနက်ပိုင်းက စတင်ကြိုးပမ်းခဲ့ပြီး ဖောက်ခွဲရာတွင် မိုင်းချို့ယွင်းမှုကြောင့် ပေါက်ကွဲခြင်းမရှိခဲ့ဘဲ ညနေပိုင်းတွင် မန္တလေးရတနာပုံ တက္ကသိုလ်ရှေ့ စစ်ကောင်စီတပ်သားများ လမ်းပိတ်ထားရာ အတားအဆီးများကြားထဲမှ နောက်ဆုံးမိုင်းအား ဖောက်ခွဲခဲ့ခြင်းဟုသိရသည်။

Dutiful Citizen Team မှ အခြားအဖွဲ့တာ၀န်ရှိသူတစ်ဦးကလည်း “ငြိမ်မနေဘူး။ မင်းတို့ကိုအခွင့်မသာသေးလို့မလုပ်တာ။ ငါတို့အလှည့်ရှိသေးတယ်။ ငါတို့ကချမှာဆိုတာကို အသိပေးတဲ့သဘောနဲ့အသံမိုင်းခွဲခဲ့တာပါ ” ဟု ပြောသည်။

DCT သည် ကောလင်းအခြေစိုက် Local အဖွဲ့တစ်ခုဖြစ်ပြီး ၎င်းတို့ အသံမိုင်းခွဲခြင်းအား မန္တလေးရှိ နယ်မြေခံ ဒေသတွင်းတော်လှန်ရေးအင်အားစုများထံ အချိန်မီ ချိတ်ဆက်၊ အသိပေးနိုင်ခြင်းမရှိခဲ့၍ တောင်းပန်ကြောင်း ထုတ်ပြန်ပြောဆိုထားသည်။

ယနေ့ ဇူလိုင်လ ၁၉ ရက်သည် ကျောင်းပိတ်ရက်ဖြစ်သော်လည်း အသံမိုင်းဖောက်ခွဲရာနေရာအား ကျောင်းသူ ကျောင်းသားများ၊ ပြည်သူများ ထိခိုက်မှုမရှိစေရန် ဘေးလွတ်ကင်းသော နေရာကို ရွေးချယ်ခဲ့ကြောင်းလည်းဆိုသည်။

ယနေ့ ဇူလိုင်လ ၁၉ ရက်နေ့တွင် ကျရောက်သော (၇၆) နှစ်မြောက် အာဇာနည်နေ့အား နိုင်ငံတစ်ဝန်းရှိ တော်လှန်ရေးအင်အားစုများ၊ ဒေသခံပြည်သူများက ၎င်းတို့၏ သက်ဆိုင်ရာဒေသအသီးသီးတွင် အခမ်းအနားကျင်းပပြုလုပ်ခြင်း၊ သပိတ်ပြုလုပ်ခြင်းတို့ ပြုလုပ်ခဲ့ကြသည်။

စာတည်း ။ ။ Alden
စာမူတည်းဖြတ်။ ။အောင်ကျော်ဖြိုး

#DCT
#ကောလင်း
#အသံဗုံး
#ရတနာပုံတက္ကသိုလ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U