Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
Media is too big
VIEW IN TELEGRAM
ဒေါ်အောင်ဆန်းစုကြည်ကို နေအိမ်အကျယ်ချုပ်ပြောင်းဖို့အစီအစဉ်ရှိ

Watch more detail - https://youtu.be/pb9KD2VVfFw

#reels #PoliticalNews #shorts #MizzimaTV
👍10😁2😢1🤮1
This media is not supported in your browser
VIEW IN TELEGRAM
July - 26 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts
👍2😁1🍌1
Media is too big
VIEW IN TELEGRAM
ဒိန်းမတ်မှာ ကိုရမ်းကျမ်းကို ထပ်ခါတလဲလဲဖျက်ဆီးဆန္ဒပြမှုအတွက် အီရတ်ရှုတ်ချ

#InternationalNews #reels #shorts
🔥4❤‍🔥2👍2😁1
Media is too big
VIEW IN TELEGRAM
စစ်ကောင်စီနှင့် UWSA အပါအဝင် မြောက်ပိုင်း ၃ ဖွဲ့ တွေ့ဆုံခဲ့

Watch more detail - https://youtu.be/rrpaCZ-bm-k

#reels #PoliticalNews #shorts #MizzimaTV
🤣11🤮3😱1
Media is too big
VIEW IN TELEGRAM
အီလွန်မတ်စ်က တွစ်တာရဲ့ ငှက်ပုံတံဆိပ်ကို X သင်္ကတနဲ့အစားထိုး

#InternationalNews #reels #shorts
👍4👎2🔥1
Media is too big
VIEW IN TELEGRAM
လေကြောင်းတိုက်ခိုက်မှုများကြောင့် ကရင်နီပြည်သူ အများအပြား ထွက်ပြေး တိမ်းရှောင်နေရပြီး အကူအညီများလိုအပ်နေ

Watch more detail - https://youtu.be/VCkbYibVDXU

#PoliticalNews #reels #shorts #MizzimaTV
🤬12🔥2
​​ကျောက်တံခါးမြို့နယ်တွင် တိုက်ပွဲဖြစ်ပွားပြီး စစ်ကောင်စီတပ်မှ ဗိုလ်ကြီးအပါအဝင် ၅ ဦးသေဆုံး
==================

ရွှေနွယ်
(မဇ္ဈိမ)။ ။ပဲခူးတိုင်း၊ ကျောက်တံခါးမြို့နယ်၊ နံဇကျေးရွာအနီးတွင် ဇူလိုင်လ ၂၅ ရက်နေ့ ညပိုင်းက ထိတွေ့တိုက်ပွဲဖြစ်ပွားကာ စစ်ကောင်စီတပ်မှ ဗိုလ်ကြီးအပါအဝင် ၅ ဦးထက်မနည်း သေဆုံးခဲ့ကြောင်း ကျောက်တံခါးမြို့နယ်ပြည်သူ့ကာကွယ်ရေးတပ်ဖွဲ့မှ ထုတ်ပြန်ထားသည်။

ဇူလိုင်လ ၂၅ ရက်နေ့ ည ၉ နာရီခန့်က ကားကြီးတစီး၊ ဘေးတွဲနှစ်စီးဖြင့် နံဇကျေးရွာဘက်သို့ ရောက်ရှိ လာသော စစ်ကောင်စီတပ်မှအင်အား ၄၀ ကျော်ကို ပြည်သူ့ကာကွယ်ရေးပူးပေါင်းတပ်ဖွဲ့မှ ရှေ့ထွက်မိုင်း ဖြင့် အနီးကပ်တိုက်ခိုက်ခဲ့ခြင်းဖြစ်သည်။
အဆိုပါတိုက်ခိုက်မှုအတွင်း အပြန်အလှန်ထိတွေ့မှုဖြစ်ပွားပြီး စစ်ကောင်စီတပ်မှ ဗိုလ်ကြီးတဦး အပါအဝင် ငါးဦးသေဆုံးကာ ခုနစ်ဦးခန့် အပြင်းအထန်ဒဏ်ရာရရှိခဲ့သဖြင့် တောင်ငူဆေးရုံသို့ အတွင်းလူနာအဖြစ် ပို့ ဆောင်ထားရကြောင်း ကျောက်တံခါး ပ.က.ဖ မှပြောကြားသည်။

“တိုက်ပွဲကနေ BA-94 တလက်ရတယ်။ ဒီမနက်မှာလည်း ရေတွင်းကုန်းရွာဘက်ကို လူနာတင်ယာဉ်တွေ ရောက်နေတယ်ကြားတယ်” ဟု ကျောက်တံခါး ပ.က.ဖ မှ ဆိုသည်။

ကျောက်တံခါးမြို့နယ် နံဇကျေးရွာတွင် ဇူလိုင်လ ၁၉ ရက်နေ့ ညပိုင်းမှစတင်ကာ စစ်ကောင်စီတပ်နှင့် EAO ၊ PDF ပူးပေါင်းတပ်ဖွဲ့များကြား တိုက်ပွဲပြင်းထန်ခဲ့ပြီး အဆိုပါတိုက်ပွဲများအတွင်း စစ်ကောင်စီ တပ် ဘက်မှ ဗိုလ်ကြီးအဆင့်အပါအဝင် ၄၁ ဦးသေဆုံးကာ ၄၀ ဦးထက်မနည်း ထိခိုက်ဒဏ်ရာရခဲ့သည်ဟု အမျိုး သားညီညွတ်ရေးအစိုးရ ကာကွယ်ရေးဝန်ကြီးဌာနမှ ဇူလိုင်လ ၂၄ ရက်နေ့တွင် ထုတ်ပြန်ထားသည်။

တိုက်ပွဲဖြစ်ပွားပြီးနောက်တွင် နံဇကျေးရွာအား စစ်ကောင်စီတပ်က မီးရှို့ဖျက်ဆီးမှု အကြိမ်ကြိမ်ပြုလုပ်ခဲ့ ပြီး ပြည်သူများ၏ပစ္စည်းများကိုလည်းယူဆောင်သွားသည်ဟု ကျောက်တံခါးမြို့နယ်အတွင်းမှ တော်လှန် ရေးတပ်ဖွဲ့ဝင်တဦးက မဇ္ဈိမကိုပြောသည်။

“နံဇရွာကို စစ်ကောင်စီတပ်က မီးအကြိမ်ကြိမ်ရှို့လို့ နေအိမ်ကိုလုံးမီးလောင်ပျက်စီးခဲ့ရပါတယ်။ စပါးရိတ် ခြွေစက်၊ ဆိုင်ကယ်တွေနဲ့ အခြားအဖိုးတန်ပစ္စည်းတွေကိုလည်း စစ်ကောင်စီတပ်သားတွေ သယ်ယူသွား တယ်” ဟု ဆိုသည်။

လက်ရှိတွင် ကျောက်တံခါးမြို့နယ်အတွင်း စစ်ရေးအခြေအနေတင်းမာနေပြီး စစ်ကောင်စီတပ်၏ လက်နက်ကြီးဖြင့်ရမ်းသန်ပစ်ခတ်မှု၊ မီးရှို့ဖျက်ဆီးမှုများကြောင့် နံဇ၊ စဉ့်အိုးလှ၊ တလိုင်းခင်၊ ဖိုးတ၊ ချောင်း ဝ၊ တောင်ခင်၊ အလှိုင်နှင့် နွားရေချောင်း စသည့်ကျေးရွာများမှ ဒေသခံ ၈,၀၀၀ ခန့်သည် အိုးအိမ်စွန့်ခွာ၍ ဘေးလွတ်ရာသို့ထွက်ပြေးတိမ်းရှောင်နေကြရကြောင်း သိရသည်။

ကျောက်တံခါးမြို့နယ်သည် ရန်ကုန်−မန္တလေးအမြန်လမ်းပေါ်တွင်တည်ရှိသည့် မြို့နယ်ဖြစ်ပြီး အမျိုးသား ညီညွတ်ရေးအစိုးရ၊ ကာကွယ်ရေးဝန်ကြီးဌာန၏ “လမ်းများအားလုံးနေပြည်တော်သို့” စစ်ဆင်ရေးကြေ ညာချက် ထုတ်ပြန်ပြီးနောက်ပိုင်း စစ်ရေးအခြေအနေတင်းမာနေခြင်းဖြစ်သည်။

လက်ရှိတွင် စစ်ကောင်စီက ရန်ကုန်−မန္တလေး အမြန်လမ်းတစ်လျှောက်နှင့်အတူ ရန်ကုန်မှ နေပြည်တော် သို့သွားရာလမ်းများတွင် လုံခြုံရေးများတိုးမြှင့်ချထားပြီး အထူးကြပ်မတ်နေကြောင်း ပဲခူးတိုင်း မြေပြင် တော်လှန်ရေးအင်အားစုများ၏ ပြောဆိုချက်အရသိရသည်။

စာတည်း။ ။စောဖေ
စာမူတည်းဖြတ်။ ။စောဖေ

ပုံစာ- ဇူလိုင် ၂၅ရက်တိုက်ပွဲတွင်စစ်ကောင်စီတပ်ထံမှရရှိသော BA94 သေနတ်

#ပဲခူးတိုင်း
#ကျောက်တံခါးမြို့နယ်
#စစ်ရေးတင်းမာ
#လမ်းများအားလုံးနေပြည်တော်သို့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍30😁5👏3❤2
​​စစ်ကောင်စီ၏ စက်ဆုပ်ဖွယ် တိုက်ခိုက်မှုများအောက် ကလေးငယ်များပါ ပစ်မှတ်ထားခံနေရ
===================

ဗီဒီယိုရုပ်သံက ကြည့်ရှုရသည်မှာ အလွန်ပင် စိတ်မချမ်းမြေ့စရာ ကောင်းသည်။ မြန်မာနိုင်ငံ၏ မပြီးနိုင် မဆုံးနိုင်သော ယခုပြည်တွင်းစစ်အတွင်း အာဏာသိမ်းစစ်တပ်၏ တိုက်လေယာဉ်များနှင့် ရဟတ်ယာဉ်များက အရပ်သားပြည်သူများကို ဗုံးကြဲတိုက်ခိုက်နေချိန် ကလေးငယ်များ အထိတ်တလန့်ဖြင့် ပြေးလွှားနေရသည့် သို့မဟုတ် ဝပ်နေရသည့် စိတ်မချမ်းမြေ့စရာ မြင်ကွင်းများကို ပြီးခဲ့သည့် သီတင်းပတ်က မဇ္ဈိမ ၊ ဘီဘီစီ ၊ Sky News နှင့် DW တို့၏ မီဒီယာရုပ်သံတစ်ခုထဲတွင် တွေ့ရသည်။
🤬17👍4🔥3
ဇူလိုင်လ ၂၆ ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
=================

-ကျပ်၂၀,၀၀၀တန်ဂယက်ကြောင့် ဆောက်လုပ်ရေးလုပ်ငန်းကြီးတချို့ ဝယ်ရောင်းခေတ္တရပ်ဆိုင်းပြီး အရောင်းပြခန်းပါပိတ်တဲ့သတင်း 

-လေကြောင်းတိုက်ခိုက်မှုတွေကြောင့် ကရင်နီပြည်သူတွေ တိမ်းရှောင်နေရပြီး
အကူအညီလိုအပ်နေတဲ့သတင်း 

-ထိုင်းနိုင်ငံရေး ဂယက်ကြောင့် ရနောင်းကို တင်ပို့နေတဲ့ ငါးဈေး ထက်ဝက်ခန့် ထိုးကျလို့ လုပ်ငန်းရှင်တွေ အရှုံးပေါ်တဲ့သတင်း

-ထိုးစစ်ဆင်နေတဲ့ စစ်ကောင်စီတပ်ဖွဲ့နှင့် ကရင်နီပူးပေါင်းတပ်ဖွဲ့တို့ တိုက်ပွဲပြင်းထန်နေတဲ့သတင်းအပါအဝင် တခြားအရေးကြီး သတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/_ANGnliIFtw

#2pmnews
#Mizzimanewshour
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11😁4
This media is not supported in your browser
VIEW IN TELEGRAM
July - 26 [2 Pm] Mizzima News Hour

Mizzima Headline News

#2pmnews
#mizzimanewshour
#reels
#shorts
👍5🍌2😁1
ကျွန်းစုမြို့ ရှော်တောမော်ကျေးရွာ ရဲစခန်း တိုက်ခိုက်ခံရ
👍10👏4🔥2🥱1
ကျွန်းစုမြို့ ရှော်တောမော်ကျေးရွာ ရဲစခန်း တိုက်ခိုက်ခံရ
==================

ကိုရွှေမြိတ် 

(မဇ္ဈိမ) ။  ။ တနင်္သာရီတိုင်း ၊ မြိတ်ခရိုင် ၊ ကျွန်းစုမြို့နယ် ၊ ဘဒ္ဒနဲကျေးရွာအုပ်စု၊ ရှော်တောမော် ကျေးရွာ ရဲစခန်းကို ဇူလိုင်လ ၂၅ ရက်နေ့ ညနေ ၆ နာရီ ၄၅ မိနစ် အချိန်တွင် သွားရောက် အလစ်အငိုက် ပစ်ခတ်ခဲ့ကြောင်း မြို့နယ် ပြည်သူ့ကာကွယ်ရေး အဖွဲ့ (ပကဖ) ကထုတ်ပြန်ထားသည်။

အဆိုပါ ကျေးရွာ ရဲစခန်းတွင် ရေတပ်အရာရှိ တစ်ဦး ရောက်ရှိနေသည်ဟု သတင်း သိရှိရ၍ သွားရောက် ပစ်ခတ် တိုက်ခိုက်ခြင်းဖြစ်ကြောင်း ကျွန်းစုမြို့နယ် ပြည်သူ့ကာကွယ်ရေးအဖွဲ့(ပကဖ)၏ ပြန်ကြားရေး တာဝန်ခံထံက သိရသည်။

“စကစ ရေတပ်က CO အဆင့်ရှိ အရာရှိ တစ်ဦး ခုရက်ပိုင်း ရောက်ရှိ နေတယ်လို့ သိရလို့ လျှပ်တစ်ပြက် ဝင်ပစ်တယ် ဆိုတော့ ထိဖို့က ရာခိုင်နှုန်း နည်းပါလိမ့်မယ် ထိခိုက်သေဆုံးမှုတော့ မကြားရသေးဘူး”ဟု ၎င်းက ပြောသည်။

အဆိုပါ တိုက်ခိုက်မှုတွင် ပြည်သူ့ကာကွယ်ရေး တပ်ဖွဲ့ဘက်က ထိခိုက်မှု မရှိဘဲ ပြန်လည် ဆုတ်ခွာနိုင်ခဲ့ကြောင်း သိရသည်။

ကျွန်းစုမြို့နယ်သည် ပင်လယ်ပိုင်း ဒေသဖြစ်ပြီး စစ်ကောင်စီ၏ ရေတပ်စခန်း အခြေစိုက်ရာ မြို့လည်း ဖြစ်ကာ ကျေးရွာ အများစုတွင် ပျူစောထီး အင်အား အားကောင်းသည့် မြို့လည်းဖြစ်သည်။

စာတည်း။ ။အောင်ကျော်ဖြိုး

#Mizzima
#ရှော်တောမော်ကျေးရွာ
#မြိတ်ခရိုင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍19🔥1😁1
​​ကျပ်ငွေအပေါ် မမှီခိုသည့် ဘဏ္ဍာရေးစနစ်တည်ဆောက်ရန် NUG ယာယီသမ္မတတိုက်တွန်း
==================

ရောင်နီ

(မဇ္စျိမ)။ ။ ပြည်သူလူထုကို ကာကွယ်ရန်အတွက်စစ်အာဏာရှင်တော်လှန်ရေးလုပ်ငန်းစဥ်များကို ချဲ့ထွင်ရန်နှင့် လူထု၏ လုပ်အားတန်ဖိုးများဆုံးရှုံးမှုမဖြစ်စေရေးအတွက် ကျပ်ငွေအပေါ် အမှီသဟဲမပြုသည့် ဘဏ္ဍာရေးစနစ်မျိုးကို စနစ်တကျတည်ဆောက်ပေးရလိမ့်မည်ဖြစ်ကြောင်း အမျိုးသားညီညွတ်ရေးအစိုးရ၊ယာယီသမ္မတဒူ၀ါလရှီးလက ပြောကြားသည်။ 

ဇူလိုင်လ ၂၅ ရက်နေ့က ပြုလုပ်ခဲ့သည့် အမျိုးသားညီညွတ်ရေးအစိုးရအဖွဲ့အစည်းအဝေးတွင် ယာယီသမ္မတဒူဝါလရှီးလက အစိုးရအဖွဲ့၀င်များကို မိန့်ခွန်းပြောကြားရာ၌ အထက်ပါအတိုင်း ထည့်သွင်းပြောကြားခြင်းဖြစ်သည်။ 

" လူထုဟာ သူတို့ အကျိုးစီးပွားကို ကာကွယ်စောင့်ရှောက်ပေးသူကိုသာ ယုံကြည်စွာ အပ်နှံလေ့ရှိပါတယ်။ ဒါ့ကြောင့် လူထုရဲ့လုပ်အားတန်ဖိုးတွေကို လေထဲမှာ အလိုအလျောက် ဆုံးရှုံးတာမျိုး မဖြစ်စေဖို့၊ ကျပ်ငွေအပေါ် အမှီသဟဲမပြုတဲ့ ဘဏ္ဍာရေးစနစ်မျိုးကို ကျွန်တော်တို့ အနေနဲ့ စနစ်တကျ တည်ဆောက်ပေးရပါလိမ့်မယ်။ ဒါမှသာလျှင် စစ်ကောင်စီရဲ့ လက်အောက်ကလွတ်တဲ့ ဘဏ္ဍာရေးရပ်ဝန်းကို ပြည်သူတွေက ခံစားခွင့်ရမှာ ဖြစ်ပါတယ်" ဟု ယာယီသမ္မတဒူ၀ါလရှီးလက ပြောသည်။ 

လက်ရှိတွင် NUG အစိုးရအနေဖြင့် “နွေဦးဖွံ့ဖြိုးရေးဘဏ်” ကို တရားဝင်ဖွင့်လှစ်ထားပြီး နွေဦးဖွံ့ဖြိုးရေးဘဏ်၏ ဖြစ်တည်မှုသည် မြန်မာကျပ်ငွေ၏ မခိုင်မာမှုကို အစားထိုးပေးနိုင်မည့် လူထုမျှော်လင့် ချက်ဖြစ်သင့်ကြောင်း တိုက်တွန်းပြောကြားသည်။ 

 “ တကယ်တော့ လူထုဟာ ကျပ်ငွေအပေါ်မှာ မှီခိုအားထားနေရပါတယ်။ ဒါ့ကြောင့် လူထုလုပ်အားတွေကို ကျပ်ငွေ မတည်ငြိမ်မှုက ဖျက်စီးလိုက်သလိုမျိုး မဖြစ်အောင် ကျွန်တော်တို့ ဘက်က ခေတ်မှီဘဏ္ဍာရေးမဟာဗျူဟာတွေနဲ့ အကာအကွယ်ပြုပေးဖို့ လိုပါတယ်။ အဲသည့်လို အကာအကွယ် ပြုနိုင်ဖို့အတွက် ယခုလက်ရှိ နွေဦးဖွံ့ဖြိုးရေးဘဏ်က တည်ဆောက်နေတဲ့ ဘဏ္ဍာရေးစနစ်အပေါ်ကို လူထုယုံကြည်မှု ပိုရလာဖို့ လိုအပ်ပါတယ်” ဟု ဆိုသည်။

ပြည်သူလူထုအား နိုင်ငံရေးအရ စည်းရုံးလှုံ့ဆော်ရန် လိုအပ်သလို လက်တွေ့ အကျိုးခံစားခွင့်ကို သိသိသာသာ ပြနိုင်ရန်လည်း ကြိုးစားသင့်ကြောင်းလည်း ယာယီသမ္မတဒူ၀ါလရှီးလက တိုက်တွန်းသည်။ 

စစ်ကောင်စီရိုက်နှိပ်ဖြန့်‌ဝေမည့် ကျပ် ၂၀,၀၀၀တန် ငွေစက္ကူကိစ္စနှင့် ပတ်သက်ပြီး လတ်တလောကာလတွင် ပြည်သူလူထုကြား စိုးရိမ်ပူပန်နေရကြောင်းလည်း ယာယီသမ္မတဒူ၀ါလရှီးလ၏ မိန့်ခွန်းတွင်ထည့်သွင်းပြောကြားသွားသည်။ 

စစ်အာဏာရှင်များလက်ထက်တွင် တိုင်းပြည်အတွင်း ငွေကြေးဖောင်းပွမှုဒဏ်ကို လူထုက အလူးအလဲ ခံရပြီး လူထု၏လုပ်အားများသည် သွယ်ဝိုက်သည့်နည်းဖြင့် စစ်အာဏာရှင်အဆက် ဆက်၏ ဂုတ်သွေးစုတ်အမြတ်ထုတ်ခံနေရကြောင်း၊ စစ်ကောင်စီသည် နိုင်ငံခြားငွေ ဖြည့်တင်းရေးကိစ္စကို နည်းလမ်းမျိုးစုံဖြင့် ကြိုးစားနေပြီး ထိုသို့လုပ်ဆောင်မှုသည် တိုင်းပြည်တိုးတက်ရန်မဟုတ်ဘဲ စစ်လက်နက်အင်အား ဖြည့်တင်းကာ ပြည်သူကို ဖိနှိပ်ရန် ဆောင်ရွက်နေခြင်းသာဖြစ်ကြောင်းသတိပေးထားသည်။ 

အမျိုးသားညီညွတ်ရေးအစိုးရ၏ အဓိကတာဝန်သည် ပြည်သူ၏ အသက်အိုးအိမ်စည်းစိမ်ကို ကာကွယ်စောင့်ရှောက်ပေးရန်ဖြစ်ပြီး စစ်ကောင်စီကို အမြစ်ပြတ် ချေမှုန်းနိုင်ရေးသည် ပြည်သူလူထု၏ အသက်အိုးအိမ်စည်းစိမ်ကို ကာကွယ်စောင့်ရှောက်ခြင်းနှင့် တိုက်ရိုက်သက်ဆိုင်ကြောင်းလည်း ယာယီသမ္မတက ပြောကြားသွားသည်။

ထို့အပြင်နွေဦးတော်လှန်ရေးအတွင်း စစ်ကောင်စီကို တော်လှန်သည့် ထိုးနှက်ချက်များကိုကြည့်ပါက သိပ္ပံနှင့် နည်းပညာ၏ အခန်းကဏ္ဍကြီးမားပြီး ခေတ်၏ အားသာချက်ကို ကောင်းကောင်းအသုံးချ ကိုင်တွယ်နိုင်သည့် ခေါင်းဆောင်မှုအရည်အသွေး ရှိမှသာ လူထုအတွက် တော်လှန်ရေးရလဒ်လက်တွေ့ အကျိုးဖြစ်စေမည်ဖြစ်ကြောင်း အစိုးရအဖွဲ့ဝင်များအား ယာယီသမ္မတက ပြောကြားထားသည်။

" လူထုဟာ နေ့စဉ် စားဝတ်နေရေး စရိတ်စက ကြီးမားတဲ့ ဝန်ကို ထမ်းနေရပါတယ်။ ဒါ့ကြောင့် ကျွန်တော်တို့ အမျိုးသားညီညွတ်ရေးအစိုးရအဖွဲ့ဝင်တွေအနေနဲ့ ပိုပြီး အမြင်ကျယ်ကျယ်နဲ့ တော်လှန်ရေးလုပ်ငန်းစဉ်တွေကို ချဲ့ထွင်ဖို့ လိုပါတယ်” ဟု ယာယီသမ္မတဒူ၀ါလရှီးလက ပြောသည်။ 

စာတည်း - မောင်ကြီး
ကုန်ဈေးနှုန်းများ မြင့်တက်နေချိန် စစ်ကောင်စီက ခွဲတမ်းဖြင့်ရောင်းချသည့် ဆီဝယ်ယူရန် တန်းစီးနေသူများ 
- Photo/Mizzima

#mizzima
#အမျိုးသားညီညွတ်ရေးအစိုးရ
#ယာယီသမ္မတ
#အစိုးရအဖွဲ့အစည်းအဝေး
#ဘဏ္ဍာရေးစနစ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍29👏4❤2😁1🤮1
​​ရာသီတုပ်ကွေးကြောင့် ယာဒိုဒေသခံများ ကျန်းမာရေးစောင့်ရှောက်မှု အရေးပေါ်လိုအပ် ၊ လမ်းပိတ်ဆို့မှုများကြောင့် လိုအပ်ချက် များပြား
=====================

YT 

(မဇ္ဈိမ)။      ။ ကရင်- ကရင်နီ- ရှမ်း နယ်စပ်၊ ကရင်ပြည်နယ်၊ သံတောင်ကြီးမြို့နယ် မြောက်ပိုင်း၊ လိပ်သိုလ်မြို့နယ်ခွဲ၊ ယာဒိုဒေသက စစ်ဘေးရှောင်အများစုသည် ရာသီတုပ်ကွေးရောဂါဖြစ်ပွားနေကြပြီး ကျန်းမာရေးစောင့်ရှောက်မှု အရေးပေါ်လိုအပ်နေကြောင်း သိရသည်။

ဆေးဝါး၊ အမိုးအကာနှင့် စားနပ်ရိက္ခာမလုံလောက်မှုများရှိနေသည့် အပြင် စစ်ကောင်စီက လမ်းများ ပိတ်ဆို့ထား၍ သယ်ယူပို့ဆောင်ရေး အခက်အခဲဖြစ်ကာ စစ်ဘေးရှောင်များ ပိုမိုဒုက္ခရောက်နေကြကြောင်း ဒေသတွင်း သတင်းရင်းမြစ်နှင့် စစ်ဘေးရှောင်ကူညီနေသူထံက သိရသည်။ 

" အခုတော့ တော်တော်များများ ရာသီတုပ်ကွေးမိနေကြတယ်။ မိုးကတော့ ပုံမှန်အနေအထားပါပဲ။ တောမှာဆိုတော့ အမိုးအကာ မလုံ၊ 
ခြင်ကိုက်ဖြုတ်ကိုက်နဲ့ ဆိုတော့ တုပ်ကွေးဖြစ်ကြတာပေါ့။ ကလေးတွေမှာ ပိုအဖြစ်များနေပါတယ်၊ လမ်းတွေလည်း ပိတ်ဆို့ထားတော့ ဆေးဝါးကုသဖို့ ဝယ်ရတာလည်း အခက်အခဲရှိတယ် " ဟု ဒေသခံ သတင်းရင်းမြစ်တစ်ဦးက မဇ္ဈိမကိုပြောသည်။ 

ယာဒိုဒေသသည် တောင်ငူ- လိပ်သိုလ်-လွိုင်ကော်လမ်းကြောင်းမှ တစ်ဆင့် အဓိက ကုန်သယ်ယူရပြီး ထိုလမ်းကြောင်းကို စစ်ကောင်စီက လမ်းပိတ်ဆို့ စစ်ဆေးကာ ရိက္ခာသယ်ယူမှုများကို ကန့်သတ်ထားသည်။ ထို့ကြောင့် စစ်ဘေးရှောင်များအတွက် အခြေခံလိုအပ်ချက်များ ပိုမိုမြင့်တက်လာနေကြောင်း စစ်ဘေးရှောင်များကို ကူညီနေသူက ပြောသည်။ 

" ကားလမ်းပိတ်ထားတော့ ကူးလူးသွားလာဖို့ ခက်တာကတစ်ပိုင်း၊ စားဖို့အတွက်ဝယ်ဖို့ပြုဖို့ အတွက် ခဲခက်သလို၊ ဆေးကုသဖို့ ဆေးဝယ်ရတာအခက်အခဲရှိတာပေါ့။ ၁၀ရက်ကျော်လာပြီဆိုတော့ စုထားတာလည်း နည်းပါးလာပြီလေ" ဟု တပ်မဟာ (၂) သတင်းရင်းမြစ်က ဆက်လက်ပြောဆိုသည်။

ပြီးခဲ့သည့် ဇူလိုင်လ ၁၇ ရက်ကလည်း ဝါသောခိုကျေးရွာ ဒေသခံ စစ်ဘေးရှောင် အမျိုးသမီး ကိုယ်ဝန်ဆောင်တစ်ဦး တောထဲတွင် မီးဖွားနိုင်ခြင်းမရှိခဲ့၍ ကလေးငယ်သေဆုံးခဲ့ရကြောင်း သတင်းရင်းမြစ်တစ်ဦးထံက သိရသည်။ 

" အမျိုးသမီးက ပြေးရလွှားရနဲ့ အရမ်းပင်ပန်းထားတော့ ကလေးမမွေးနိုင်တော့တာပေါ့။ အပြင်ရောက်တော့ ကလေးလေးက သေနေပြီ" ဟု ဒေသတွင်းသတင်းရင်းမြစ်က မဇ္ဈိမကိုပြောသည်။ 

ယာဒိုဒေသတွင်ဖြစ်ပွားနေသော တိုက်ပွဲများ၊ စစ်ကောင်စီတပ်​၏ လေကြောင်းတိုက်ခိုက်မှုများကြောင့် ယာဒိုကျေးရွာ၊ ဝါသောခိုကျေးရွာ၊ ကလေထကျေးရွာ၊ ဝါဘမ်းခိုကျေးရွာ၊ လိုရာဒိုကျေးရွာ၊ ပရယ်စိုးကျေးရွာနှင့် တပ်ကုန်းကျေးရွာတို့မှ ဒေသခံ ဦးရေ၂,၀၀၀ ကျော်သည် ဇူလိုင်လ ၁၁ ရက်နေ့မှစ၍ ကရင်နီနယ်စပ်ဘက်အခြမ်းနှင့် ကရင်ပြည်နယ်၊ သံတောင်ကြီးမြို့နယ်ရှိ ဒေသအချို့တွင် ထွက်ပြေးတိမ်းရှောင်နေကြရခြင်းဖြစ်သည်။ 

ယာဒိုဒေသမှ စစ်ဘေးရှောင်များသည် စစ်ဘေးရှောင်ရသည်မှာ ၁၅ ရက်ရှိပြီဖြစ်ပြီး တိုက်ပွဲများလည်း ဆက်လက်ပြင်းထန်နေ၍ နေအိမ်သို့ မပြန်နိုင်သေးကြောင်းနှင့် နေအိမ်အများစုမှာ မီးရှို့ဖျက်ဆီးခံလိုက်ရပြီဖြစ်ကြောင်း ဒေသခံများထံက သိရသည်။ 

ယာဒိုဒေသတွင် ပြီးခဲ့သည့် ဇူလိုင်လ ၁၁ ရက်နေ့မှစ၍ ဇူလိုင်လ ၂၃ ရက်နေ့အထိ တိုက်ပွဲများပြင်းထန်ခဲ့ခြင်းဖြစ်ပြီး ၁၃ ရက်အတွင်း စစ်ကောင်စီက ယာဒိုဒေသအား လေကြောင်းတိုက်ခိုက်မှု ၃၃ ကြိမ်ပြုလုပ်ခဲ့ကြောင်း ကရင်အမျိုးသားအစည်းအရုံး (KNU) တပ်မဟာ (၂) က ယမန်နေ့ ဇူလိုင်လ ၂၅ ရက်နေ့က ထုတ်ပြန်သည်။

စာတည်း။ ။အောင်ကျော်ဖြိုး

#Mizzima
#ယာဒိုဒေသ
#ရာသီတုပ်ကွေး
#စစ်ဘေးရှောင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9😢3❤1😁1🤬1
ဆက်သွယ်ရေးလိမ်လည်မှုများကို နှိမ်နင်းဖို့ တရုတ်-မြန်မာပူးပေါင်း ဆွေးနွေး | Business Round Up (26.7.2023)
=====================

- စင်ကာပူရှိဘဏ် (၃)ခုမှာ အပ်ထားတဲ့ ဒေါ်လာ(၄)ဘီလီယံကျော်ကို စစ်ကောင်စီ ထုတ်သုံးမရအောင် NUG ကြိုးပမ်းနေ

- ဆက်သွယ်ရေးလိမ်လည်မှုများကို နှိမ်နင်းဖို့ တရုတ်-မြန်မာပူးပေါင်း ဆွေးနွေး

- ငွေကြေးဖောင်းပွမှုကြောင့် အတိုးနှုန်းလျှော့ချရမည့် အစီအစဉ်မရှိသေးဟု စစ်ကောင်စီ ဗဟိုဘဏ်ပြော

- နိုင်ငံအတွင်း ရုပ်ရှင်ရိုက်ကူးမယ့် ပြည်ပထုတ်လုပ်ရေးတွေကို အခွန်နှုန်းထားလျှော့ချပေးမယ် လို့ ထိုင်းအစိုးရ မက်လုံးပေး
 
https://youtu.be/YrISXLkbZXE
 
#BusinessRoundUp
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8😁5👏1
အင်းလေး ပြည်သူလူထု၏ ၉၀ ရာခိုင်နှုန်းကျော်သည် စစ်ကောင်စီလက်အောက်ခံ ကျန်းမာရေးဝန်းထမ်းများ၏ မောက်မာစွာ ဆက်ဆံခြင်းကို ကြုံတွေ့နေရ 
=================

ဂျူချန်း
(မဇ္ဈိမ)။ ။ စစ်ကောင်စီလက်အောက်ခံ ကျန်းမာရေးဝန်းထမ်းများ၏ မောက်မာစွာ ဆက်ဆံခြင်း၊ အရည်အချင်း မပြည့်မှီ၍ မယုံကြည်ရခြင်း၊ ဆေးကုသမှု စားရိတ် မြင့်မားခြင်း၊ အရည်အသွေးမပြည့်မှီသည့် ဆေးဝါးပစ္စည်းများ မလုံလောက်ခြင်းကိုအင်းလေးဒေသရှိ ပြည်သူလူထု၏ ၉၆ ရာခိုင်နှုန်းသည် ကြုံတွေ့နေရကြောင်း Justice Movement for Community-Innlay ( JMC-Innlay )က ပြုလုပ်သည့် စစ်တမ်းအရ သိရသည်။

စစ်ကောင်စီ အာဏာသိမ်းပြီးနောက် ကောက်ယူထားသည့် ထိုစစ်တမ်းနှင့် ပတ်သက်သည့် သတင်းစာရှင်းလင်းပွဲကို ယနေ့ ဇူလိုင်လ ၂၆ ရက်တွင် JMC-Innlay အဖွဲ့က ပြုလုပ်ခဲ့သည်။ 

“တာဝန်အရ စစ်ကောင်စီကခိုင်းလို့သာ လုပ်နေရတဲ့ ဝန်ထမ်းတွေကို လူထုက ဘယ်လိုမှ ယုံကြည်လို့မရတော့ဘူး။ စစ်ကောင်စီက ဖွင့်လှစ်ထားတဲ့ ဆေးရုံဆေးခန်းတွေကို အားလုံးနီးပါး မသွားရဲကြတော့ဘူး။ အစိုးရဆေးရုံတွေမှာ ထောက်ခံစာအကြောင်းပြပြီး လက်မခံတာတွေရှိနေတယ်” ဟု JMC-Innlay မှ မမေယုက သတင်းစာရှင်းလင်းပွဲတွင် ပြောသည်။
 

အင်းလေးဒေသတွင် လူ့အခွင့်အရေး ချိုးဖောက်ခြင်း အမျိုးမျိုးကို ကြုံတွေ့ခံစားနေရသည့် ဒေသခံများအား ကောက်ယူခဲ့သည့် ထိုစစ်တမ်းအရ အာဏာသိမ်းပြီးနောက် ကျန်းမာရေး၊ စီးပွားရေး၊ ပညာရေး၊ လုံခြုံရေး၊ လူမှုရေးတို့တွင် အဘက်ဘက်မှ ယိုယွင်းလာကြောင်း ၎င်းက ပြောသည်။

ထို့ပြင် အာဏာသိမ်းပြီးနောက်ပိုင်းတွင် ကလေးငယ်များသည် ပြည့်ဝသည့် ပညာရေးစနစ်များ မရရှိခြင်း၊ ကျောင်းတွင်း အကြမ်းဖက်ခံရခြင်းများရှိကြောင်း ထိုသတင်းစာရှင်းလင်းပွဲက သိရသည်။ 

အင်းလေးဒေသအတွင်းတွင် စစ်ကောင်စီတပ်သားများအပြင် ပျူစောထီးများနှင့် ပအိုဝ်းအမျိုးသားအဖွဲ့ချုပ်(PNO/PNA) တို့ ပူးပေါင်းပြီး ဒေသခံများအား ခြိမ်းခြောက်ဖမ်းဆီးခြင်း၊ ငွေညှစ်ခြင်းများ လုပ်ဆောင်လေ့ရှိသည်ဟုလည်း စစ်တမ်းတွင် ဖော်ပြထားသည်။ 

စစ်ကောင်စီကို အစိုးရတစ်ရပ်အဖြစ် အသိအမှတ်မပြုရန်၊ အကြမ်းဖက်စစ်ကောင်စီက ကျူးလွန်သည့် လူ့အခွင့်အရေးချိုးဖောက်မှုများအား တာဝန်ယူမှု တာဝန်ခံမှုရှိဖို့ ဖိအားပေးရန်၊ စစ်ကောင်စီ ကျူးလွန်သော လူ့အခွင့်အရေးချိုးဖောက်မှုများကို နိုင်ငံတကာရာဇဝတ်ခုံရုံး ICC (Iternational Criminal Court) တွင် တရားစွဲတင်ရန် အင်းလေးဒေသ အပါအဝင် မြန်မာတစ်နိုင်ငံလုံးတွင် ချိုးဖောက်ခံနေရသည့် လူ့အခွင့်အရေးများအား နိုင်ငံတကာမှ အရေးယူဆောင်ရွက်ပေးရန် JMC-Innlay က တောင်းဆိုထားသည်။

အင်းလေးဒေသတွင် ကျေးရွာအုပ်စု ၃၅စု၌ ကျေးရွာပေါင်း ၄၄၇ ရွာရှိပြီး နေထိုင်သည့် ဒေသခံ ဦးရေ ၁၈၇,၁၅၇ ရှိကြောင်း သိရသည်။

ယနေ့ ကျင်းပသည့် အင်းလေးဒေသ သုတေသန သတင်းစာရှင်းလင်းပွဲသို့ NGO, INGO , Myanmar CSO, Thail CSO, Medias, JMC_Innlay အဖွဲ့ဝင်များ၊ နိုင်ငံခြားသားများ၊ CMU မှ ကျောင်းသားများ၊ Political Science ပညာရှင်များ တက်ရောက်ခဲ့ကြကြောင်း သိရသည်။

https://youtu.be/Y6eR3kGaZ-s

Video- JMC-Innlay
စာတည်း။ ။အောင်ကျော်ဖြိုး

#Mizzima
#အင်းလေး
# ကျန်းမာရေးဝန်းထမ်းများ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13🤬5❤3🔥1🤩1
Media is too big
VIEW IN TELEGRAM
လွတ်လပ်ရေးမရလိုကြောင်းမဲပေးခဲ့တဲ့ မြောက်ကယ်လီဒိုးနီးယားအား ဘုံအနာဂါတ်ကိုတည်ဆောက်ဖို့ မက်ခရွန်တိုက်တွန်း

#InternationalNews #reels #shorts
👍8🔥3
​​ဒေါ်အောင်ဆန်းစုကြည်ကို နေပြည်တော်က အိမ်တစ်လုံးဆီ ပြောင်းရွှေ့သည့်သတင်းမှာ မှန်ကန်ကြောင်း သိရ
===================

မောင်ခက်နွေ 

(မဇ္ဈိမ)။ ။နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို နေပြည်တော်က အိမ်တစ်လုံးဆီ ပြောင်းရွှေ့လိုက်သည်ဆိုသည့်သတင်းမှာ မှန်ကန်ကြောင်း စိတ်ချယုံကြည်ရသည့် မဇ္ဈိမ၏ သတင်းရင်းမြစ်တစ်ဦးက ပြောသည်။ 

"အခုလေးတင် သံအမတ်ကြီးတစ်ယောက်က confirmed လုပ်ပါတယ်။ အန်တီကို နေပြည်တော်က အိမ်တစ်လုံးဆီကို ရွေ့လိုက်ပါတယ်” ဟု အဆိုပါသတင်းရင်းမြစ်က ဆိုသည်။ 

ဒေါ်အောင်ဆန်းစုကြည်ကို ပြောင်းရွှေ့ရသည့် အကြောင်းအရင်းနှင့် နေရာကိုတော့ မဇ္ဈိမ အနေဖြင့် သီးခြားအတည်မပြုနိုင်သေးသလို ဆက်လက်စုံစမ်းနေဆဲဖြစ်သည်။ 

ယမန်နေ့ ဇူလိုင်လ ၂၅ ရက်နေ့က ဒေါ်အောင်ဆန်းစုကြည်ကို နေပြည်တော်အကျဉ်းထောင်ကနေ နေအိမ်အကျယ်ချုပ် ပြောင်းရွှေ့ဖို့ အာဏာသိမ်းစစ်ကောင်စီက စီစဉ်နေတယ်လို့ လုံခြုံရေးတာဝန်ရှိသူတစ်ဦးကို ကိုးကားပြီး AP သတင်းဌာနက ဖော်ပြထားသည်။ 

ပြီးခဲ့သည့် ဇူလိုင် ၉ ရက်က ထိုင်းနိုင်ငံခြားရေးဝန်ကြီး ဒွန်ပရာမွတ်ဝီနိုင်း နဲ့ ဒေါ်အောင်ဆန်းစုကြည်တို့ သီးသန့် နှစ်ဦးတည်းတွေ့ဆုံခွင့်ရခဲ့ပြီးတဲ့နောက် ဒေါ်အောင်ဆန်းစုကြည်ကို နေရာပြောင်းရွှေ့ထားတယ်ဆိုတဲ့ သတင်းထွက်ပေါ်လာခြင်းဖြစ်သည်။ 

ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ်သည် ၂၀၂၀ ရွေးကောက်ပွဲတွင် အပြတ်အသတ်အနိုင်ရခဲ့ပြီးနောက်၊ အစိုးရနောက်သက်တမ်းအတွက် လွှတ်တော်ခေါ်ယူမည့်အချိန်တွင် စစ်တပ်က အာဏာသိမ်းပြီး ဒေါ်အောင်ဆန်းစုကြည်နှင့် အစိုးရအဖွဲ့ဝင်အားလုံးနီးပါးကို ဖမ်းဆီးထောင်ချခဲ့ခြင်း ဖြစ်သည်။ 

လက်ရှိအချိန်တွင် ဒေါ်အောင်ဆန်းစုကြည်ကို စစ်ကောင်စီက ပုဒ်မမျိုးစုံနှင့် တရားစွဲခဲ့ပြီး စစ်ကောင်စီလက်အောက်ခံ တရားရုံးမှ စုစုပေါင်း ထောင်ဒဏ် ၃၃ နှစ် ချမှတ်ထားသည်။ 

စစ်ကောင်စီက ဒေါ်အောင်ဆန်းစုကြည်ကို ပြောင်းရွှေ့လိုက်သည့် သတင်းနှင့်ပတ်သက်၍ တစ်စုံတရာ တုံ့ပြန်ထားခြင်း မရှိသေးပေ။

စာတည်း - သန့်ဇော်(သန်လျင်)

ပုံစာ - တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အမျိုးသားဒီမိုကရေစီ အဖွဲ့ချုပ် (NLD) ပါတီခေါင်းဆောင် ဒေါ်အောင်ဆန်းစုကြည်တို့ ၂၀၁၅ ခုနှစ် ဒီဇင်ဘာ ၂ ရက်က နေပြည်တော်ရှိ ကာကွယ်ရေးဦးစီးချုပ်ရုံးတွင် တွေ့ဆုံစဉ် (ဓာတ်ပုံ - AFP)

#mizzima
#စစ်ကောင်စီ
#အတိုင်ပင်ခံပုဂ္ဂိုလ်
#ဒေါ်အောင်ဆန်းစုကြည်
#ထိုင်းနိုင်ငံခြားရေးဝန်ကြီး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍20🤮4😁2❤1😭1