​​Shehzada
===========

အေးဆေးတည်ငြိမ်ပြီး ဘ၀ ကိုသာယာစွာပဲ ရောင့်ရဲတင်းတိမ်ရင်း ဖြတ်သန်းနေတဲ့ ဘန်တူတစ်ယောက် သူရဲဘောကြောင်တဲ့ အဖေဖြစ်သူရဲ့ ကလေးချင်း လဲခဲ့တဲ့ ဖြစ်ရပ်ကို သိရပြီးတဲ့နောက် သူဟာ အရမ်းချမ်းသာတဲ့ ဂျင်ဒယ်လ်မိသားစုရဲ့ဆက်ခံသူ ဖြစ်နေမှန်း သိခဲ့ရပါတယ် သာ‌ယာအေးချမ်းတဲ့ ဘန်တူရဲ့ ဘဝလေး အထက်အောက်ပြောင်းပြန် ဖြစ်ပြီးတဲ့နောက်မှာတော့ ဘန်တူ တစ်ယောက် ဘီလီယံပေါင်းများစွာချမ်းသာတဲ့ ဆက်ခံသူနေရာကို ပြန်လည်ရရှိအောင် ကြိုးစားမှာလား အရင်လိုပဲ ဘ၀ ကို သာသာယာယာ ဆက်လက် ဖြတ်သန်းမှာလား သူဘယ်ဘဝကို ရွေးချယ်သွားမှာလဲ Kartik Aaryan နဲ့ Kriti Sanon က အဓိကဇာတ်ကောင်များအဖြစ် ပါဝင်သရုပ်ဆောင်ထားပါတယ်
ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် - http://onelink.to/jnuwak

#New ပြသမည့်ရက်။ ။ ၂၉.၇.၂၀၂၃
ပြသမည့် အချိန် ။ ။ ည (၈:၀၀)နာရီ
ပြန်လည်ပြသမည့်ရက်။ ။ ၃၀.၇.၂၀၂၃
အချိန်။ ။ နေ့လည် (၂:၀၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”

ဇူလိုင်လ (၂၉) ရက်၊ စနေနေ့ ညပိုင်း မဇ္ဈိမရေဒီယိုအစီအစဉ်
====================

ဒီကနေ့ညမှာတော့ .............

ကမ်းရိုးတန်းတိုင်းဒေသစစ်ဌာနချုပ် ဒုတိုင်းမှူး၊ စကခ (၂၀) ဌာနချုပ်မှူးနဲ့ တနင်္သာရီနယ်လုံဝန်ကြီးအဖမ်းခံရတဲ့သတင်းနဲ့အတူ

တရုတ်အာရှရေးရာအထူးကိုယ်စားလှယ်နဲ့ စစ်ကောင်စီခေါင်းဆောင်တို့ နေပြည်တော်မှာ တွေ့ဆုံတဲ့သတင်းအပါအဝင်

နောက်ဆုံးရပြည်တွင်းသတင်းတွေ၊ တစ်ပတ်အတွင်း စီးပွားရေး၊နိုင်ငံတကာနဲ့ အားကစားသတင်းတွေကိုနားဆင်ကြရမှာပါ။

အဲ့ဒီနောက်မှာတော့ အပတ်စဉ်စနေနေ့တိုင်းတင်ဆက်နေကျဖြစ်တဲ့ “သံစဉ့်အိမ်” အစီအစဉ်ကို နားဆင်ကြရပါမယ်။

နောက်ဆုံးမှာတော့ တိုင်းရင်းသားတွေရဲ့အသံကို စုစည်းတင်ဆက်ပေးနေတဲ့ BNI ရေဒီယိုအစီအစဉ်ကိုလည်း ထုတ်လွှင့်သွားမှာဖြစ်ပါတယ်။

https://youtu.be/GWmlXEr4m3I

#Mizzimaradio
#Eveningradio
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၂၉ ဇူလိုင် ၂၀၂၃) 
=======================

မြန်မာနိုင်ငံတွင် လျှပ်စစ်မီးမှန်အောင်မပေးနိုင်သလို အင်တာနက် လိုင်းများလည်း နိုင်ငံအနှံ့ မရ သေးသည့်အပြင် အာဏာသိမ်းပြီးကတည်းက လိုင်းဖြတ်ထားသည့် ဒေသများ ယခုထိရှိနေ သေး သော်လည်း စစ်ကောင်စီမှ တောရွာများအထိ မြန်းနှုန်းမြှင့် အင်တာနက်များ တောရွာများ အထိ ဆောင်ရွက်မည်ဆိုသော အကြမ်းဖက်ဗိုလ်ချုပ်ကြီးများ၏ အစည်းအဝေးတွင် လူကြား ကောင်း အောင်သာ ပြောနေခြင်းဖြစ်သည်ဟု ဆိုရမည်ဖြစ်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Weekend News Roundup | July 29 2023
===================

ဒီအစီအစဥ်မှာ ပြီးခဲ့တဲ့ သီတင်းပတ်အတွင်း Mizzima က ထုတ်လွှင့်ခဲ့တဲ့ သတင်းတွေထဲက စိတ်၀င်စားဖွယ်နဲ့ အရေးကြီးသတင်းတွေကို ရွေးချယ်ပြီး ပြန်လည် ထုတ်လွှင့်ပေးသွားမှာပါ။

-ဒေါ်အောင်ဆန်းစုကြည်ကို နေအိမ်အကျယ်ချုပ်ပြောင်းဖို့အစီအစဉ်ရှိတဲ့သတင်း

-စစ်အုပ်စုရဲ့ အကျဉ်းထောင်များအတွင်း ဥပဒေမဲ့ သတ်ဖြတ်မှုများ ပိုများလာနေတဲ့သတင်း

- နိုင်ငံခြားရေးဝန်ကြီးချင်းဂန်ကိုထုတ်ပယ်ခြင်းနဲ့ပတ်သက်ပြီး ကောလာဟလများ ဖောင်းပွနေမှုအပေါ် တရုတ်ရှုတ်ချ တဲ့သတင်း

-ရုရှားကာကွယ်ရေးဝန်ကြီးကို မောင်းသူမဲ့လေယာဉ်တွေနဲ့ တိုက်ချင်းပစ်ဒုံးကျည်တွေကို ကင်ဂျုံအန်ပြသတဲ့သတင်း

-နွေဦးဖွံ့ဖြိုးရေးဘဏ် စတင်ဖွင့်လှစ် တဲ့ သတင်း

-အွန်လိုင်းစနစ်ဖြင့် ဈေးရောင်းသူများ မှတ်ပုံမတင်ပါက အရေးယူမယ်လို့ စစ်ကောင်စီပြောတဲ့သတင်း

https://youtu.be/nz4uWHWHKYE

#weekendnewsroundup
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

သထုံနှင့် ဘီးလင်းတွင် စစ်ကောင်စီတပ်၏ လက်နက်ကြီးကြောင့် ဒေသခံ ၁ ဦးသေဆုံး၊ ၆ ဦး ဒဏ်ရာရ
=====================

YT
(မဇ္ဈိမ) ။ ။ ကရင်အမျိုးသားအစည်းအရုံး( KNU) တပ်မဟာ (၁) ထိန်းချုပ်နယ်မြေဖြစ်သည့် မွန်ပြည်နယ်၊ သထုံမြို့နယ်နှင့် ဘီးလင်းမြို့နယ်တွင် စစ်ကောင်စီတပ်၏ လက်နက်ကြီးပစ်ခတ်မှုမျာကြောင့် ဒေသခံတစ်ဦးသေဆုံး၍ ခြောက်ဦး ထိခိုက်ဒဏ်ရာရခဲ့ကြောင်း KNU ဗဟို၏ ဇူလိုင်လ ၂၇ ရက်နေ့နှင့် ၂၉ ရက်နေ့ ထုတ်ပြန်ချက်အရ သိရသည်။

" တော်လက်နက်ကြီးကတော့ ပစ်နေတာပဲလေ။ ကျိုက်ထိုရော ဘီးလင်းရော သထုံမှာရောက။ စစ်တိုက်လို့ မနိုင်ရင် လူနေတဲ့ ရွာတွေထဲ သူတို့ထုတာပဲ။ ပြီးရင် ဒါတွေ တော်လှန်ရေးဘက်က လုပ်ပါတယ်ဆိုပြီး အပြစ်ပုံချတယ် " ဟု တပ်မဟာ (၁) KNLA သတင်းရင်းမြစ်က မဇ္ဈိမကိုပြောသည်။

ဇူလိုင်လ ၂၇ ရက်နေ့၊ နံနက်ပိုင်းတွင် ဝီယော်စစ်ကောင်စီစခန်းမှ စစ်ကောင်စီတပ်သားတပ်သားများနှင့် KNLA၊ PDF အကြား ထိတွေ့တိုက်ပွဲဖြစ်ပွားမှုရှိခဲ့ပြီး ထိုတိုက်ပွဲအပြီးတွင် သထုံမြို့နယ် အခြေစိုက် စစ်ကောင်စီခြေမြန်တပ်ရင်း ခမရ (၉) က ထုံးဘိုလေးကျေးရွာ၊ ထို့ကော်ကျိုးကျေးရွာနှင့် ဘီးလင်းမြို့နယ် ရွှေရောင်ပြကျေးရွာအုပ်စုအတွင်းသို့ လက်နက်ကြီးများဖြင့် ပစ်ခတ်ခဲ့ခြင်းဖြစ်သည်။

စစ်ကောင်စီတပ်၏ လက်နက်ကြီးဖြင့် ပစ်ခတ်ခံရမှုကြောင့် သထုံမြို့နယ်၊ ထုံးဘိုလေးကျေးရွာမှ အသက် ၁၈ နှစ်အရွယ်ရှိ စောအဲ့ကော့ရှီး သေဆုံးခဲ့ရပြီး အသက် ၄၅ နှစ်အရွယ်ရှိ စောဆာထူးထိခိုက်ဒဏ်ရာရခဲ့ကာ ထို့ကော်ကျိုးကျေးရွာမှ အသက် ၁၈ နှစ်အရွယ်ရှိ စောဖိုးကျော်၊ အသက် ၄၈ နှစ်အရွယ်ရှိ စောပလေးဒေး၊ အသက် ၁၃ နှစ်အရွယ်ရှိ နော်အဲ့စိုးတို့ ထိခိုက်ဒဏ်ရာရခဲ့ကြောင်း KNU က ဖော်ပြထားသည်။

ထို့အတူ ဇူလိုင်လ ၂၇ ရက်နေ့ ညနေပိုင်းက ခမရ (၉) ၏ လက်နက်ကြီးပစ်ခတ်မှုကြောင့် ဘီးလင်းမြို့နယ်၊ ရွှေရောင်ပြကျေးရွာအုပ်စု၊ ခလောက်အင်းကျေးရွာမှ အသက် ၃၇ နှစ်အရွယ် စောဦးနှင့် သထုံမြို့နယ်၊ ထို့ကော်ကျိုးကျေးရွာမှ အသက် ၄၈ နှစ်အရွယ်ရှိ ဒေါ်ကြည်ထွန်း လက်နက်ကြီးကျည်ထိမှန် ဒဏ်ရာရခဲ့ကြောင်း KNU က ယနေ့ ဇူလိုင်လ ၂၉ ရက်နေ့က ထုတ်ပြန်သည်။

ခမရ (၉) ၏ လက်နက်ကြီး ပစ်ခတ်မှုများကြောင့် ဒေသခံ ထိခိုက်သေဆုံးမှုအပြင် ဒေသခံနေအိမ် ၁၃ လုံး၊ ဘာသာရေးအဆောက်အအုံ နှစ်လုံး၊ ဆေးခန်း၊ ဒေသခံပိုင် ကားနှစ်စီးနှင့် ဒေသခံများ မွေးမြူထားသည့် နွားတစ်ကောင်သေဆုံးကာ ငါးကောင် လက်နက်ကြီးထိမှန်ကြောင်း KNU က ဆိုသည်။
စစ်ကောင်စီတပ်၏ ကျေးရွာများအတွင်း စစ်ကြောင်းထိုးဝင်ရောက်မှုကြောင့် မိချောင်းအိုင်ကျေးရွာ၊ ခလောက်အင်းကျေးရွာ၊ မရမ်းကုန်းကျေးရွာတို့မှ ဒေသခံအချို့ နေအိမ်စွန့်ခွာ ထွက်ပြေးနေကြရကြောင်း သိရသည်။

" အကုန်ထွက်ပြေးကြတာတော့ မဟုတ်ဘူး။ မရမ်းကုန်းဆို ရွာကြီးလေ၊ အဲ့ဒီထဲမှာမှ အိမ်ခြေ ၅၀ လောက်ထွက်ပြေးတာပေါ့။ အနည်းအကျဉ်းပဲ ထွက်ပြေးကြတာ။ စစ်ရေးအခြေအနေကတော့ လက်ရှိ တိုက်ပွဲဖြစ်တာတော့ မရှိသေးဘူး" ဟု မရမ်းကုန်းကျေးရွာအုပ်ချုပ်ရေးနှင့် နီးစပ်သည့် ဒေသခံတစ်ဦးက မဇ္ဈိမကိုပြောသည်။

ပြီးခဲ့သည့် ဇူလိုင်လ ၂၀ ရက်နေ့မှ ဇူလိုင်လ ၂၃ ရက်နေ့အတွင်း၌လည်း မွန်ပြည်နယ်၊ နှင့် ကရင်ပြည်နယ်နှင့် ပဲခူးတိုင်းတို့ရှိ KNU ထိန်းချုပ်နယ်မြေများတွင် စစ်ကောင်စီ အထိုင်ချတပ်စခန်းများ၏ လက်နက်ကြီးပစ်ခတ်မှုကြောင့် ကလေးငယ်လေးဦးအပါအဝင် ဒေသခံ ၁၀ ဦး ထိခိုက်ဒဏ်ရာရခဲ့ကြောင်း သိရသည်။

စာတည်း။ ။အောင်ကျော်ဖြိုး

#Mizzim
#လက်နက်ကြီးကျည်
#KNU
ဓါတ်ပုံ - (KNU ) ခမရ (၉) ​၏ လက်နက်ကြီး ပစ်ခတ်မှုကြောင့် ဒဏ်ရာရ ဒေသခံအချို့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

"ဓနုလူမျိုးက လက်ရှိမှာ လူဦးရေ တစ်သန်းဝန်းကျင်ရှိတယ်။ ပထဝီအနေအထားအရလည်း လူမျိုးစုလက်နက်ကိုင် မဖြစ်မနေလိုအပ်ပါတယ်။ Army အနေနဲ့ မလုပ်ရသေးချိန်ကလည်း PDF၊ LPDF အနေနဲ့ လှုပ်ရှားခဲ့ပါတယ်" ဟု ဓနုပြည်သူ့လွတ်မြောက်ရေးတပ်ဦး၏ ထိပ်ပိုင်းခေါင်းဆောင်တစ်ဦးအဖြစ် တာဝန်ယူထားသူ ဦးထွန်းထွန်းနိုင်(၂၀၂၀ ရွေးကောက်ပွဲအနိုင်ရ ပြည်နယ်လွှတ်တော်ကိုယ်စားလှယ်(ပင်းတယ)မှ မဇ္ဈိမကိုပြောသည်။

ဓနုပြည်သူ့လွတ်မြောက်ရေးတပ်ဦး၏ ဦးတည်ချက်မှာ ဓနုတစ်မျိုးသားလုံးနှင့်အတူ ဒေသတွင်းအတူနေ ညီနောင်တိုင်းရင်းသားများအားလုံး အဖိနှိပ်ခံဘဝမှ လွတ်မြောက်ရန်၊ ဒီမိုကရေစီနှင့် လူအခွင့်အရေးကို အာမခံသည့် ဓနုပြည်နယ်တည်ဆောက်ရန်နှင့် အမျိုးသားကိုယ်ပိုင်ပြဋ္ဌာန်းခွင့်ကိုအာမခံသည့် ဖက်ဒရယ်ဒီမိုကရေစီပြည်ထောင်စုနိုင်ငံ တည်ဆောက်ရန်တို့ဖြစ်ကြောင်း ဓနုပြည်သူ့လွတ်မြောက်ရေးတပ်ဦး၏ ထုတ်ပြန်ချက်တွင်ဖော်ပြထားသည်။

ထို့ပြင် ဓနုလူထုနှင့် အတူနေညီနောင်တိုင်းရင်းသားများကို ကာကွယ်ရန်၊ စစ်အာဏာရှင်စနစ်၊ မဟာလူမျိုးကြီးဝါဒနှင့် ကျဉ်းမြောင်းသော အမျိုးသားရေးဝါဒီများကို ဆန့်ကျင်တိုက်ဖျက်ရန်၊ ပိုမိုထွန်းကားသော လူ့ဘောင်အသိုင်းအဝိုင်းကို တည်ဆောက်ရန်နှင့် ဓနုတိုင်းရင်းသားရိုးရာယဉ်ကျေးမှုနှင့် ဓလေ့ထုံးတမ်းစဉ်လာများအား ထိန်းသိမ်းဖော်ထုတ်ရန်တို့ကိုလည်း ရည်ရွယ်ကြောင်း သိရသည်။
"ကျွန်တော်တို့အနေနဲ့ ပြီးခဲ့တဲ့ ဧပြီလအတွင်းက နောင်ချိုမှာဖြစ်ခဲ့တဲ့ တိုက်ပွဲမှာလည်း MDY-PDF နဲ့အတူ ပူးပေါင်းပြီး တိုက်ပွဲဝင်ခဲ့ပါတယ်။ တိုက်ပွဲတွင်း ရဲဘော်နှစ်ဦးကျဆုံးခဲ့တာလည်း ရှိတယ်။ NUG နဲ့လည်း ပုံမှန်ဆက်ဆံရေးရှိပါတယ်" ဟု ဦးထွန်းထွန်းနိုင်က ပြောသည်။

ပြီးခဲ့သည့် ဧပြီလအတွင်းက နောင်ချိုမြို့နယ်အနီးတွင် အာဏာသိမ်း စစ်ကောင်စီနှင့် ပြည်သူ့ကာကွယ်ရေး ပူးပေါင်းတပ်ဖွဲ့တို့ကြား ၁၀ ရက်ခန့်ကြာမြင့်အောင် တိုက်ပွဲပြင်းထန်ခဲ့ခြင်းဖြစ်သည်။
အဆိုပါ တိုက်ပွဲအား ပြည်သူ့ကာကွယ်ရေးပူးပေါင်းစုတပ်ဖွဲ့ဘက်မှ သပြေညိုစစ်ဆင်ရေးအဖြစ် လှုပ်ရှားဆောင်ရွက်ခဲ့ခြင်းဖြစ်ပြီး စစ်ကောင်စီဘက်က အထိနာခဲ့သည့် တိုက်ပွဲလည်းဖြစ်သည်။
လက်ရှိတွင် ဓနုပြည်သူ့လွတ်မြောက်ရေးတပ်ဦးအနေဖြင့် စစ်သင်တန်းအပတ်စဉ် လေးခု သင်တန်းဆင်းပြီးဖြစ်ကြောင်း သိရသည်။

ဓနုလူမျိုးများသည် လက်ရှိတွင် ဓနုဒေသများဖြစ်သည့် နောင်ချို၊ ရပ်စောက်၊ ပင်းတယ၊ ရွာငံ၊ ကလောနှင့် တောင်ကြီးတို့တွင် အဓိကနေထိုင်ကြပြီး မိုးကုတ်၊ ပြင်ဦးလွင်၊ သာစည်၊ ကျောက်ဆည်၊ ညောင်ရွှေ၊ ရန်ကုန်နှင့် မန္တလေးတို့တွင် ပျံ့နှံ့နေထိုင်နေကြကြောင်း၊ ရှေးယခင်ကမူ စော်ဘွား၊ ငွေခွန်မှူး၊ မြို့စားစသဖြင့် မြေလတ်ဒေသဖြစ်သော ပင်မှီ၊ သာမိုင်းခမ်း၊ ကျုံး၊ ရွာငံ၊ ပင်းတယနှင့် ပွေးလှတို့တွင် အဓိကနေထိုင်ကာ စစ်ကိုမလိုလားသည့် လူမျိုးများဖြစ်ကြောင်း ဓနုပြည်သူ့လွတ်မြောက်ရေးတပ်ဦး၏ ထုတ်ပြန်ချက်တွင် ဖော်ပြထားသည်။

စစ်ကိုမလိုလားကြသော်လည်း နယ်ချဲ့အင်္ဂလိပ်ကို တွန်းလှန်တိုက်ခိုက်ချိန်တွင် ပါဝင်တိုက်ခိုက်ခဲ့ကြသည့် သမိုင်းကြောင်းများရှိကြောင်းနှင့် ပင်လုံစာချုပ် ချုပ်ဆိုရာတွင်လည်း ဓနုလူမျိုးများဖြစ်သည့် သာမိုင်းခမ်းစော်ဘွား စဝ်ထွန်းအေးနှင့် လူထုကိုယ်စားလှယ် ဦးခွန်စောတို့ ပါဝင်လက်မှတ်ရေးထိုးခဲ့ကြကြောင်းထုတ်ပြန်ချက်တွင် ပါရှိသည်။

လွတ်လပ်ရေးရရှိပြီးချိန်မှစ၍ ဓနုတိုင်းရင်းသားလူမျိုးများသည် ခေတ်အဆက်ဆက် စစ်အာဏာရှင်တို့၏ ဖိနှိပ်ချုပ်ချယ်မှုများအောက်မှ ကျန်းမာရေး၊ ပညာရေး၊ စီးပွားရေး စသည့်ကဏ္ဍအသီးသီးတွင် ဖွံ့ဖြိုးတိုးတက်မှုနိမ့်ပါးခဲ့ရကြောင်း၊ ၂၀၀၈ ဖွဲ့စည်းပုံအခြေခံဥပဒေအရ ပင်းတယမြို့နယ်နှင့် ရွာငံမြို့နယ်တို့အား ဓနုကိုယ်ပိုင်အုပ်ချုပ်ခွင့်ရဒေသအဖြစ်သတ်မှတ်ခဲ့သော်လည်း အမည်ခံအခွင့်အရေးသာဖြစ်ပြီး အဓိကအရေးပါသော လုပ်ပိုင်ခွင့်များကိုမူ မြန်မာစစ်တပ်မှသာ ချုပ်ကိုင်ချယ်လှယ်ခဲ့ကြောင်းလည်း ထုတ်ပြန်ချက်မှဆိုသည်။

စစ်ကောင်စီသည် ၂၀၂၁ ခုနှစ် အာဏာသိမ်းပြီးနောက် ရှမ်းပြည်နယ်ရှိ ကိုယ်ပိုင်အုပ်ချုပ်ခွင့်ရဒေသ ငါးခုတွင် စီမံအုပ်ချုပ်ရေးအဖွဲ့ ဥက္ကဋ္ဌများခန့်အပ်ခဲ့ပြီး ဓနုကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ ဥက္ကဋ္ဌအဖြစ် ပြည်ခိုင်ဖြိုးပါတီမှ ပင်းတယ ပြည်နယ်လွတ်တော်ကိုယ်စားလှယ် ဦးအာကာလင်းကို ခန့်အပ်ထားခဲ့သည်။

စာတည်း - သန့်ဇော်(သန်လျင်)

#mizzima
#ဓနုကိုယ်ပိုင်အုပ်ချုပ်ခွင့်ရဒေသ
#ဓနုပြည်သူ့လွတ်မြောက်ရေးတပ်ဦး
#ဖွဲ့စည်း
#NUG

ဓနုပြည်သူ့လွတ်မြောက်ရေးတပ်ဦး၏ အပတ်စဥ် (၃) သင်တန်းဆင်းပွဲ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​စစ်ရှောင်နှင့် CDM ကျောင်သား ကျောင်းသူတို့၏ လိုအပ်ချက်များကို ထောက်ပံ့ရန် ရန်ပုံငွေရှာ
=====================

ဂန္ဒမာ
(မဇ္ဈိမ)။ ။ စစ်ကိုင်းတိုင်း၊ ကန့်ဘလူမြို့နယ်ရှိ စစ်ဘေးရှောင်များနှင့် CDM ကျောင်သား/သူ တို့၏ လိုအပ်ချက်များကို ဖြည့်ဆည်းနိုင်ရန် Vitamins ရန်ပုံငွေ ရှာဖွေရေးအဖွဲ့မှ စီစဉ်နေကြောင်း တာဝန်ရှိသူထံမှ သိရသည်။

"ကန့်ဘလူဘက်က စစ်ရှောင်ကလေးတွေရဲ့ ပညာရေးလိုအပ်ချက်တွေအတွက်ရယ်၊ စစ်ရှောင်ဆေးရုံမှာသုံးဖို့နဲ့ လက်နက်ထုတ်လုပ်ရေးပိုင်းမှာ လိုအပ်နေတဲ့ ဘက်ထရီအိုးတွေ၊ မီးစက်တွေကို ထောက်ပံ့ပေးဖို့လိုအပ်နေလို့ပါ၊ စခန်းအများကြီးကို ခွဲဝေပေးမှာပါ၊" ဟု Vitamins - Monthly Program မှ မုန်လာဥနီက ပြောသည်။
စစ်အာဏာသိမ်းမှုကို ဆန့်ကျင်သည့် CDM ကျောင်းသား/သူများအတွက် Vitamins - Monthly Progam မှ Graphic Design Class ကို ဖွင့်လှစ်ရန်ရှိသော်လည်း ၎င်းတို့တွင် Laptop မရှိကြသည့်အတွက် သင်တန်းစတင်ရန် ခက်ခဲနေကြောင်း သိရသည်။
ယင်းကြောင့် Vitamins - Monthly Progam မှ တာဝန်ရှိသူတစ်ဦး၏ Laptop အား မဲ‌ရောင်းချကာ ရန်ပုံငွေရှာဖွေရန် စီစဉ်နေကြောင်း ဆိုသည်။

"ပထမဆုံး ဒီ laptop လေးက ဥနီ အာဏာသိမ်းကာစမှာ ဝယ်ထားတာပါ၊ နောက်ပိုင်း ကိုယ်က ပြောင်းရရွှေ့ရနဲ့ ကျောင်းလည်း မတက်ဖြစ်တော့ သိပ်မသုံးဖြစ်တော့ဘူး၊ သင်တန်းတက်မယ့် ကလေးတွေရဲ့ သူတို့ရဲ့အဓိကပြဿနာက Laptop မရှိကြတာပေါ့၊ အဲ့ကလေးတွေအတွက် ရည်ရွယ်ပြီး ဥနီရဲ့ laptop လေးကိုအခု Project အနေနဲ့ထုတ်ပြီး မဲလုပ်ဖြစ်တာပါ" ဟု မုန်လာဥနီက ဆိုသည်။

စစ်ဘေးဒုက္ခသည်အရေးနှင့် ကျောင်းသူ၊ ကျောင်းသားများ၏ လိုအပ်ချက်ကို ဖြည့်ဆည်းပေးနိုင်မည့် ထိုရန်ပုံငွေရှာဖွေပွဲအတွက် မဲအစောင်ရေ ၁,၀၀၀ ရောင်းချရန် စီစဉ်ထားသည်။

Vitamins ရန်ပုံငွေရှာဖွေရေး အဖွဲ့အစည်းမှ စီးဆင်းလာသည့် ဘဏ္ဍာငွေများကို မြန်မာပြည်တစ်ဝန်းက စစ်ရှောင်ကလေးများ၏ ပညာရေးနှင့် တော်လှန်ရေးလိုအပ်ချက်များတွင် ပြန်လည်ထောက်ပံ့ အသုံးပြုနေကြောင်း တာဝန်ရှိသူများက ပြောသည်။

စာတည်း။ ။ နောင်နောင်
စာမူတည်းဖြတ်။ ။သန့်ဇော်(သန်လျင်)

#စစ်ရှောင်
#ရန်ပုံငွေ
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

National Unity Government (NUG)၏ PVTV Channel မှ ၂၀၂၃ ခုနှစ် ဇူလိုင်လ ၂၉ ရက်ထုတ်လွှင့်မှုများ
===================

https://youtu.be/EtPfJb8X11E

ဇူလိုင်လ (၃၀) ရက်၊ တနင်္ဂနွေနေ့ မနက်ပိုင်း မဇ္ဈိမရေဒီယိုအစီအစဉ်
=========================

ဒီကနေ့မနက် နားဆင်ရမယ့် အစီစဉ်တွေကတော့ ...

ဒေါ်အောင်ဆန်းစုကြည်အပါအဝင် နိုင်ကျဉ်းအားလုံး လွတ်မြောက်ဖို့နဲ့ တိုင်းရင်းသားရေးရာကော်မတီ တိုးချဲ့ဖွဲ့စည်းဖို့ NLD လုပ်ဆောင်မယ့်သတင်းနဲ့အတူ

လားရှိုးက တရုတ်စီးပွားရေးသမား အပါအဝင် လုပ်ငန်းရှင် ၃ ဦး ဖမ်းဆီးခံရတဲ့အကြောင်းအပါအဝင်

နောက်ဆုံးရပြည်တွင်းသတင်းတွေ၊ တစ်ပတ်အတွင်းနိုင်ငံတကာသတင်း၊ စီးပွားရေးသတင်းနဲ့ အားကစား သတင်းတွေကိုနားဆင်ကြရမှာပါ။

အဲ့ဒီနောက်မှာတော့ အပတ်စဉ်ကဏ္ဏဖြစ်တဲ့ “သံစဉ့်အိမ်” အစီအစဉ်ကို နားဆင်ကြရပါမယ်။

https://youtu.be/GYobcK2Xsps

#Morningradio
#Mizzimaradio
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​Alive
==========

တစ်ကမ္ဘာလုံးသာ Zombie ဖြစ်သွားခဲ့ရင် ဘယ်လိုအသက်ရှင်ကြမလဲ?

ကိုရီးယားနိုင်ငံမှာ ကူးစက်ရောဂါတစ်ခုဖြစ်သွားခဲ့ပြီး ရောဂါလက္ခဏာအနေနဲ့ အကြမ်းဖက်ခြင်းနဲ့လူသားစားခြင်းတွေကို လုပ်ဆောင်လာကြပါတယ်...

ရုတ်ချည်းဖြစ်သွားတဲ့ ကူးစက်ရောဂါဟာ ရောဂါရှိသူရဲ့ အကိုက်ခံရမှုကနေတစ်ဆင့် လူအယောက်ပေါင်းများစွာကို အလျင်အမြန်ကူးစက်သွားခဲ့တယ်...

မနက်နောက်ကျမှနိုးလာတဲ့ Jun-U ဆိုတဲ့ကောင်လေးကတော့ ဂိမ်းကစားနေရင်းကနေ တီဗီကလာတဲ့သတင်းကြောင့်အပြင်လောကကို ကြည့်မိချိန်မှာတော့....

တစ်အိမ်လုံးမှာ သူတစ်ယောက်တည်းကျန်ခဲ့ရာကနေ ဘ​ယ်နှရက်အထိ တောင့်ခံနိုင်မှာလဲ သတင်းထဲမှာတော့ အပြင်မထွက်ဖို့ အထပ်ထပ်သတိပေးထားပေမဲ့ စားနပ်ရိက္ခာကုန်သွားချိန်မှာတော့အသက်ရှင်ကျန်ရစ်သူများလည်း အပြင်ထွက်ပြီး အသက်စွန့်ကာ ရိက္ခာရှာရပါတော့တယ်...

ဒီလိုနဲ့ ကိုယ့်လိုအသက်ရှင်တဲ့လူအချင်းချင်းတွေ့ပြီး အခက်အခဲတွေကို ဘယ်လိုရင်ဆိုင်ကြမလဲဆိုတာစိတ်ဝင်တစား ကြည့်ရှုရမယ့်ကားပဲဖြစ်ပါတယ်
..

ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် - http://onelink.to/jnuwak

#New ပြသမည့်ရက်။ ။၃၀.၇.၂၀၂၃
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U"

ဇူလိုင်လ ၃၀ ရက်နေ့ ရုပ်သံသတင်းအစီအစဉ်
===================

By ရန်ကုန်ခေတ်သစ်

ဒီကနေ့ ဇူလိုင် ၃၀ ရက်နေ့မှာ ရန်ကုန်ခေတ်သစ်သတင်းဌာရဲ့ This Week ရုပ်သံအစီအစဉ်ကို ထုတ်လွှင့် သွားမှာဖြစ်ပါတယ်။ဒီအစီအစဉ်မှာ တစ်ပတ်အတွင်း မြန်မာနိုင်ငံမှာ ဖြစ်ပေါ်ခဲ့တဲ့ သတင်းတွေထဲကမှ ထူးခြားတဲ့ သတင်းတွေကို ရွေးချယ်ကောက်နုတ်သုံးသပ် တင်ဆက်ပေးထားတာလည်း ဖြစ်ပါတယ်။

https://youtu.be/r4hNFxU8S8w

#ရန်ကုန်ခေတ်သစ်
#thisweek
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U