Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
စီးပွားရေးအညွှန်းကိန်းတွေ စိတ်ပျက်ဖွယ်ဖြစ်နေချိန် လူငယ်တွေရဲ့အလုပ်အကိုင်အချက်အလက်များ ထုတ်ပြန်မှုကို တရုတ်ရပ်တန့်ထား
========================

https://youtu.be/Qy1jxMr2ah4

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥3😁2
ဂျပန်နိုင်ငံက အင်းဆက်ပိုးမွှား ဟင်းလျာများ | VOA On Mizzima
====================

ဂျပန်နိုင်ငံ တိုကျိုမြို့တော်မှာ အင်းဆက်ပိုးမွှားတွေကို မှာယူစားသုံးလို့ ရတဲ့ ကော်ဖီ ကဖေးဆိုင်တခုရှိပါတယ်။ ဒီဆိုင်လေးက အင်းဆက်ပိုးမွှားတွေကို ပုံမှန် နေ့တိုင်း စားနေကျ ဟင်းတွေလိုမျိုး စားသုံးနိုင်အောင် ရည်ရွယ်ထားတာပါ။ ရိုက်တာသတင်းဆောင်းပါးကို အခြေခံပြီး အလိမ္မာ တင်ဆက်ထားပါတယ်။

https://youtu.be/nSzX5sPSofw

#မဇ္ဈိမအတွက်ဗွီအိုအေ
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁3🔥2
​​ရိုဟင်ဂျာ ၁၅၀ နီးပါး မွန်ပြည်နယ်တွင် ဖမ်းဆီးခံရ
=========================

နိုင်ငံမှ ထွက်ပြေးရန် ကြိုးပမ်းသည်ဟု ယူဆရသည့် ရိုဟင်ဂျာ ၁၅၀ ဦးနီးပါးကို မြန်မာစစ်ကောင်စီ အာဏာပိုင်တို့က ဖမ်းဆီးခဲ့ကြောင်း တာဝန်ရှိသူတဦးက ဩဂုတ် ၁၅ ရက်တွင် အေအက်ဖ်ပီကို ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥5👍3👏1
အာဏာသိမ်းပြီးနောက်ပိုင်း အရပ်သားသေဆုံးမှု ၃၉၀၀ ကျော်လာ
======================

(မဇ္ဈိမ) ။။ အာဏာသိမ်းပြီးနောက် ယခုဩဂုတ်လ လလယ် အထိ အရပ်သားသေဆုံးမှု ၃၉၂၇ ဦးခဲ့ပြီဖြစ်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP က ထုတ်ပြန်ထားပါတယ်။

၂၀၂၁ခုနှစ်ဖေဖော်ဝါရီလကနေ့ကစပြီး ဒီမိုကရေစီရေးလှုပ်ရှားသူတွေနဲ့ အရပ်သားပြည်သူများတွေအပေါ် တရားလက်လွတ်သတ်ဖြတ်မှုတွေနဲ့ပတ်သက်ပြီး အချက်အလက်တွေကောက်ထားတာဖြစ်တယ်လို့ AAPP ရဲ့ တာဝန်ရှိသူတစ်ဦးက မဇ္ဈိမကိုပြောပါတယ်။

ဒီစာရင်းတွေထဲမှာ ဒလန်ဆိုပြီးသတ်ဖြတ်ခံရသူတွေမပါဝင်ပေမယ့် သူတို့ရဲ့စာရင်းတွေကို သီးခြားပြုစုထားတယ်လို့သိရပါတယ်။

တည်းဖြတ်၊ တင်ဆက် ။ ။ မိုးသောက်
စာတည်း ။ ။ Alden

https://youtu.be/Ccd90-axuNw

#အရပ်သားသေဆုံးမှု
#AAPP
#အာဏာသိမ်း
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤4🔥3😢2👍1
လာမယ့် ၂ဝ၂၆ ခုနစ် အာဆီယံအလှည့်ကျ ဥက္ကဋ္ဌတာဝန် မြန်မာမယူနိုင်သေး
=====================

၂၀၂၆ ခုနှစ် အာဆီယံဥက္ကဋ္ဌနေရာမှာ မြန်မာနိုင်ငံက အလှည့်ကျတာဝန်ယူမယ့် အစီအစဉ်ကို တစ်နှစ်ရွှေ့ဆိုင်းလိုက်တယ်လို့ သံတမန်သတင်းရင်းမြစ်တွေကို ကိုးကားပြီး ထိုင်းအခြေစိုက် PBS သတင်းဌာနက ဩဂုတ်လ ၁၅ ရက်နေ့မှာ ဖော်ပြလိုက်ပါတယ်။
နိုင်ငံတွင်းအခြေအနေနဲ့ ကြိုတင်ပြင်ဆင်မှုတွေ လိုအပ်နေသေးတဲ့အတွက် အလှည့်ကျဥက္ကဋ္ဌနေရာကို မြန်မာနိုင်ငံက ရှောင်ပေးလိမ့်မယ်လို့ သံတမန်အသိုက်အဝန်းမှာ ပြောနေကြကြောင်း ထိုင်း PBS သတင်း က ဆိုပါတယ်။

ဒါကြောင့် အဲဒီနှစ်အတွက် ဥက္ကဋ္ဌတာဝန်ကို ဖိလစ်ပိုင်ကယူပြီး မြန်မာနိုင်ငံက ၂၀၂၇ ခုနှစ်မှ ယူမယ်လို့လည်း ဆိုပါတယ်။
နေပြည်တော်မှာ ဖြစ်ပျက်နေတာတွေအရ မြန်မာနိုင်ငံတွင်းက လက်ရှိအခြေအနေနဲ့ အနာဂတ် မရေရာမှုတွေကို ဖော်ပြနေတယ်လို့ သတင်းမှာ ဖော်ပြပါတယ်။

၂၀၂၁ ခုနှစ် ဖေဖော်ဝါရီလ ၁ ရက် စစ်တပ်က အာဏာသိမ်းပြီးကတည်းက မြန်မာစစ်ကောင်စီဟာ နိုင်ငံရေး၊ စီးပွားရေး၊ လူမှုရေးပြဿနာ အများအပြားနဲ့ ရင်ဆိုင်နေရပြီး၊ အထူးသဖြင့် ပြည်သူ့ကာကွယ်ရေးအဖွဲ့ PDF တွေနဲ့ တိုင်းရင်းသားလက်နက်ကိုင်အဖွဲ့တွေ အပါအဝင် တိုးပွားလာနေတဲ့ လက်နက်ကိုင်တော်လှန်ရေးအဖွဲ့တွေနဲ့ ရင်ဆိုင်တိုက်ခိုက်နေရတယ်လို့ ဖော်ပြထားပါတယ်။

လွန်ခဲ့တဲ့ ၂၀၀၆ တုန်းကလည်း မြန်မာနိုင်ငံဟာ ရွေးကောက်ပွဲအတွက် ပြင်ဆင်နေတာနဲ့ ပြည်တွင်းပြဿနာတွေကြောင့် အာဆီယံအလှည့်ကျဥက္ကဋ္ဌတာဝန်ကို ရွှေ့ဆိုင်းခဲ့ရပါသေးတယ်။
အဲ့ဒီတုန်းက လာအိုနိုင်ငံက အစားထိုး တာဝန်ယူခဲ့ရပါတယ်။
အာဆီယံအဖွဲ့ထဲမှာ ဥက္ကဋ္ဌတာဝန်ကို တိုင်းပြည် နာမည် အင်္ဂလိပ်အက္ခရာစဉ်အလိုက် ထမ်းဆောင်ကြရတာပါ။

လာမဲ့ ၂၀၂၄ ခုနှစ်အတွက် လာအိုနိုင်ငံက အာဆီယံဥက္ကဋ္ဌတာဝန် ယူမှာဖြစ်ပြီး ၂၀၂၅ ခုနှစ်မှာ မလေးရှားနိုင်ငံက တာဝန်ယူမှာဖြစ်ပါတယ်။

အလှည့်ကျ ဥက္ကဋ္ဌ ဟာ အာဆီယံထိပ်သီးအစည်းအဝေးနဲ့ သက်ဆိုင်ရာ ထိပ်သီးအစည်းအဝေးတွေ၊ အာဆီယံပေါင်းစပ်ညှိနှိုင်းရေးကောင်စီ၊ အာဆီယံအသိုက်အဝန်း ကောင်စီ သုံးရပ် နဲ့ဆိုင်ရာကဏ္ဍအလိုက် ဝန်ကြီးအဆင့်အစည်းအဝေးတွေကျင်းပဖို့ တာဝန်ယူရပါတယ်။

အာဆီယံဘုံသဘောတူညီချက်ငါးရပ်ကို အကောင်အထည်မဖော်နိုင်တာကြောင့် စစ်ကောင်စီခေါင်းဆောင်တွေကို နိုင်ငံရေးအဆင့် အာဆီယံထိပ်သီး အစည်းအဝေးတွေမှာ တက်ရောက်ခွင့်မပေးဖို့ အာဆီယံက ဆုံးဖြတ်ထားတာပါ။

လွန်ခဲ့တဲ့လများအတွင်း အင်ဒိုနီးရှားဟာ ASEAN ဥက္ကဌအနေနဲ့ မြန်မာမှ သက်ဆိုင်သူအားလုံးနဲ့ထိတွေ့ ဆက်ဆံဖို့ ကြိုးစားခဲ့ပါတယ်။

ဇူလိုင်လအစောပိုင်းအထိ အင်ဒိုနီးရှားဟာ စစ်ကောင်စီနဲ့ အမျိုးသားညီညွတ်ရေး အစိုးရ အပါအဝင် မြန်မာမှ အဓိကပတ်သက်သူတွေနဲ့ အကြိမ် ၁၁၀ ကျော် ထိတွေ့ဆက်ဆံခဲ့ကြောင်း ပြောကြားထားပါတယ်။

မြန်မာနိုင်ငံအနေနဲ့ ၁၉၉၇ ခုနှစ်မှာ အဖွဲ့ဝင်အဖြစ် ဝင်ရောက်လာခဲ့သလို စစ်ခေါင်းဆောင်တွေရဲ့ လုပ်ရပ်တွေဟာလည်း အာဆီယံအနေနဲ့ ခေါင်းကိုက်စရာ ဖြစ်လာနေတာပါ။

အာဆီယံအနေနဲ့ ထိရောက်တဲ့ ဆောင်ရွက်ချက်တွေ လုပ်ဆောင်ဖို့ ကြိုးပမ်းခဲ့ပေမယ့် လက်တွေ့မှာတော့ ကြေညာချက်တွေ ထက်ပိုမလာသေးပါဘူး။

https://youtu.be/LOkfhXH-SW0

#PoliticalNews
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9👎2🔥1
​​ရေဘဝဲ မြေပြင်သပိတ်အဖွဲ့အစည်းက ခေတ်လူငယ်သင်တန်း (၅) ကြိမ်မြောက် ဖွင့်လှစ်
========================

ဂန္ဒမာ
(မဇ္ဈိမ)။ ။ အမျိုးသားညီညွတ်ရေးအစိုးရ၊ အမျိုးသမီး၊လူငယ် နှင့် ကလေးသူငယ်ရေးရာဝန်ကြီးဌာန နှင့် ရေဘဝဲ ပြည်သူ့အကျိုးပြုလူငယ်အဖွဲ့အစည်းတို့ ပူးပေါင်းကာ ( ၅ ) ကြိမ်မြောက် ခေတ်လူငယ်သင်တန်း ဖွင့်လှစ်မည်ဖြစ်ကြောင်း သိရသည်။

"နေဝင်းလက်ထက်ကစလို့ ဒါကျက်၊ဒါဖြေ ကျောင်းသူကျောင်းသားတွေ လွတ်လပ်စွာ တွေးခေါ်လုပ်ဆောင်နိုင်စွမ်း မရှိတဲ့ မျက်စိပိတ်၊နားပိတ်ခေတ်ကို နွေဦးတော်လှန်ရေးမှာ တပါတည်းရိုက်ချိုးဖျက်ဆီးပစ်နေပါပြီ။ ဒီခေတ်လူငယ် နောင်လူကြီးဖြစ်လာလို့ ကိုယ့်သားသမီး၊မြေးတွေကို ကြီးလာရင် အင်ဂျင်နီယာလုပ်၊ ဆရာဝန်လုပ်ဆိုတဲ့ ပုံသေနံရံကြီးတွေကို ဖြိုချဖို့ လူ့အခွင့်အရေး၊ ဒီမိုကရေစီ စတဲ့ ဘာသာရပ်အခြေခံတွေကို လေ့လာ၊ လေ့လာပြီးမျှဝေ၊ မျှဝေရင် တည်ဆောက်ကြဖို့ ရည်ရွယ်ပါတယ်" ဟု ရေဘဝဲ ပြည်သူ့အကျိုးပြုလူငယ်အဖွဲ့ ဥက္ကဋ္ဌက မဇ္ဈိမကို ပြောသည်။

ထိုသင်တန်းမှာ ရေဘဝဲအဖွဲ့ ၏ တော်လှန်ရေးလုပ်ငန်းစဥ် လေးခုအနက် တခုဖြစ်ပြီး အခမဲ့ ဖွင့်လှစ်ခြင်းဖြစ်ကာ နိုင်ငံသားများနေဖြင့် သိထားသင့်သည့် ပြည်သူ့နီတိ၊ ဟစ်အော်ကြွေးကြော်နေကြသော လူ့အခွင့်အရေး၊ လူငယ်များကြား ရေပန်းစားနေသည့် ကျားမတန်းတူညီမျှမှု၊ ခေတ်ပြောင်း၊ စနစ်ပြောင်း တော်လှန်ရေးတွင် သိထားသင့်သည့် နိုင်ငံရေးပညာမိတ်ဆက်၊ လူနေမှုဘဝတွင် ကြုံတွေ့နေရသော စိတ်ပိုင်းဆိုင်ရာ ကျန်းမာရေး စသည့် နိုင်ငံသားတိုင်း လေ့လာသင့်သည့် ဘာသာရပ်အခြေခံများကို မျှဝေသင်ကြားပေးမည်ဖြစ်ကြောင်း သိရသည်။

သင်တန်းအမှတ်စဥ် တစ်ခုလျှင် တက်ရောက်သူဦးရေ ၃၀ ရှိခဲ့ပြီး အသက်အရွယ်အားဖြင့် ၁၆ နှစ်မှ ၂၅ နှစ်အထိ ကန့်သတ်ထားသော်လည်း သင်ယူလေ့လာလိုသူတိုင်းကို ကြိုဆိုလက်ခံနေကြောင်း ၎င်းကဆိုသည်။

ရန်ကုန်သပိတ် ရေဘဝဲလူငယ်များ မြေပြင်လုံခြုံရေးအရ နှင့် အဖွဲ့ အတွင်းစည်း ခိုင်မာရေးတည်ဆောက်ကာ အင်အားပြန်ယူရသည့် အချိန်အခါမျိုးတွင် အနားမယူဘဲ အခြားသော တော်လှန်ရေးတာဝန်တစ်ခု ထမ်းရွက်နေသည့် သဘောဖြင့် ထိုသင်တန်းကို ဖွင့်လှစ်ခြင်းဖြစ်ကြောင်း သိရသည်။

စာတည်း။ ။အောင်ကျော်ဖြိုး

#Mizzima
#ခေတ်လူငယ်သင်တန်း
#ရေဘဝဲအဖွဲ့
#Hard news , ethnic

ပုံအညွှန်း သင်တန်းကြော်ငြာစာ( ဓာတ်ပုံ-ရေဘဝဲ အဖွဲ့အစည်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13😁3❤1
​​သာယာဝတီထောင်တွင် နိုင်ငံရေးကျဉ်းသား ၅ ဦး ရိုက်နှက် တိုက်ပိတ်ခံရ
=====================

001
(မဇ္စျိမ)။ ။ပဲခူးတိုင်း၊ သာယာဝတီထောင်တွင် ပြီးခဲ့သည့် ၈၈၈၈ အရေးတော်ပုံအထိမ်းအမှတ်နေ့ မတိုင်မီ က စစ်ကားကိုးစီးဖြင့် စစ်ကောင်စီတပ်သားများ ဝင်ရောက်လာပြီးနောက် ဩဂုတ်လ ၇ ရက်နေ့က နိုင်ငံရေးအကျဉ်းသား အနည်းဆုံး ငါးဦး ရိုက်နှက်တိုက်ပိတ်ခံရကြောင်း အကျဉ်းထောင်နှင့် နီးစပ်သော ယုံကြည်ရသည့် သတင်းရင်းမြစ်က မဇ္ဈိမကို ပြောသည်။

အဆိုပါ နိုင်ငံရေးအကျဉ်းသားငါးဦးသည် အကျဉ်းထောင်တွင် တန်းထုတ်သည့်အချိန် စကားပြောနေသည့် အတွက်ဟုဆိုကာ စစ်ကောင်စီတပ်သားများက ရိုက်နှက် တိုက်ပိတ်ခဲ့ခြင်းဖြစ်ကြောင်း ဆိုသည်။

“တန်းထုတ်တဲ့အချိန် ကလေးငါးယောက်က စကားပြောလို့တဲ့။ အဲဒီငါးယောက်ပဲလား၊ ငါးယောက်ထက် ပိုလားတော့မသိဘူး၊ ဆန္ဒပြဖို့တိုင်ပင်နေတယ်ဆိုပြီးတော့ ဖမ်းပြီးတိုက်ပိတ်လိုက်တယ်”ဟု အကျဉ်း ထောင်နှင့်နီးစပ်သူ သတင်းရင်းမြစ်က ပြောသည်။
အဆိုပါ နိုင်ငံရေးအကျဉ်းသားငါးဦး၏ အမည်များနှင့် နောက်ဆက်တွဲအခြေအနေများကို မဇ္ဈိမက ဆက် လက်စုံစမ်းနေသည်။

စစ်ကောင်စီတပ်သားများ တင်ဆောင်လာသည့် ကားကိုးစီးသည် ဩဂုတ်လ ၆ ရက်နေ့ ညနေပိုင်းတွင် အကျဉ်းထောင်သို့ရောက်ရှိလာခြင်းဖြစ်ပြီး ဩဂုတ်လ ၉ ရက်နေ့တွင် ပြန်လည်ထွက်ခွာသွားသော်လည်း စစ်သားများ ပြန်ပါသွားခြင်းမရှိကြောင်း အကျဉ်းထောင်နှင့် နီးစပ်သူက ဆိုသည်။

ပြီးခဲ့သည့် ဇူလိုင်လ ၁၉ ရက်၊ အာဇာနည်နေ့ကလည်း သာယာဝတီထောင်တွင် နိုင်ငံရေးအကျဉ်းသားများ စုပေါင်းပြီး အာဇာနည်နေ့အထိမ်းအမှတ် အလေးပြုခြင်းနှင့် ဖဲကြိုးအနက်ရောင် ရင်ဘတ်တွင် တပ်ဆင် ခြင်းကြောင့် ထောင်ဝန်ထမ်းများက နိုင်ငံရေး အကျဉ်းသူ၊ အကျဉ်းသား ၃၁ ဦးကို ရိုက်နှက်တိုက်ပိတ်ခဲ့ သည်။

ထိုသို့ ရိုက်နှက်ခံရမှုကြောင့် နိုင်ငံရေးအကျဉ်းသားလေးဦး ပြင်းထန်ဒဏ်ရာရရှိခဲ့ပြီး ယင်းအနက် ကိုသန်းတိုးအောင်မှာ ဦးခေါင်းသွေးခဲမှုကြောင့် သေဆုံးသွားပြီဟု သတင်းများထွက်နေသော်လည်း သီးခြား အတည် မပြုနိုင်သေးပေ။

“၃၁ ဦးထဲမှာ အမျိုးသမီးတွေကတော့ တော်တော်များများကိုတိုက်ဖွင့်ပေးလိုက်ပြီ၊ ပြီးတော့ မရွှန်းအိဖြူ လား၊ အဲဒီတဦးတော့ကျန်သေးတယ်၊ သူ့ကိုတော့ ချန်ထားတယ်၊ ကျန်တဲ့သူတွေကိုတော့ တိုက်ဖွင့်ပေး လိုက်ပြီဗျ” ဟု မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPN)၏ တာဝန်ရှိသူ ကိုသိုက် ထွန်းဦးက မဇ္ဈိမကို ပြောသည်။

အလားတူ ပဲခူးတိုင်း၊ ဒိုက်ဦးထောင်တွင်လည်း နိုင်ငံရေးအကျဉ်းသားရှစ်ဦး ပြီးခဲ့သည့် ဇူလိုင်လ ၂၅ ရက်နေ့ကစပြီး ဩဂုတ်လ ၁၅ ရက်နေ့အထိ တိုက်ပိတ်ခံထားရဆဲဖြစ်ကြောင်း မဇ္ဈိမက စုံစမ်းသိရသည်။

ထို့ပြင် ဒိုက်ဦးထောင်တွင် ပြီးခဲ့သည့်ရက်ပိုင်းက စစ်ကောင်စီလက်အောက်ခံ ရဲများပါဝင်သည့် အထူးရှာ ဖွေရေးအဖွဲ့များ ဝင်ရောက်လာပြီး အကျဥ်းသားများထံမှ စာရွက်၊ ဘောပင်၊ ခဲတံကအစ သိမ်းဆည်း သွားကြောင်း နိုင်ငံရေးအကျဉ်းသားများကွန်ရက်မှ ကိုသိုက်ထွန်းဦးက ပြောသည်။

လက်ရှိတွင် ဒိုက်ဦးထောင်နှင့် သာယာဝတီထောင်တို့တွင် နိုင်ငံရေးအကျဉ်းသားများ နှိပ်စက်ခံနေရမှု များရှိပြီး ထောင်အာဏာပိုင်များက ထောင်တွင်းသတင်းများကို အမှောင်ချထားကြောင်း အကျဉ်းထောင် နှင့် နီးစပ်သူများက ဆိုသည်။

ယခုလို နိုင်ငံရေးအကျဉ်းသားများ ထောင်တွင်းနှိပ်စက်ခံနေရမှုအပေါ် အပြည်ပြည်ဆိုင်ရာ ကြက်ခြေနီ ကော်မတီ(ICRC)ကဲ့သို့ နိုင်ငံတကာအဖွဲ့အစည်းများအနေဖြင့် ကူညီပေးစေလိုကြောင်း နိုင်ငံရေး အကျဉ်း သားတဦး၏ မိသားစုဝင်က တောင်းဆိုသည်။
၂၀၂၁ ခုနှစ် အာဏာသိမ်းချိန်မှ ၂၀၂၃ ခုနှစ်၊ ဩဂုတ်လ ၁၅ ရက်နေ့ထိ နိုင်ငံတဝန်း ဖမ်းဆီးခံခဲ့ရသူ စုစုပေါင်း ၂၄,၂၆၅ ဦးရှိပြီး ထိုအထဲမှ ၁၉,၇၅၈ ဦးမှာ ထိန်းသိမ်းခံနေရဆဲဖြစ်ကြောင်း နိုင်ငံရေး အကျဥ်း သားများ ကူညီစောင့်ရှောက်ရေးအသင်း (AAPP) က ထုတ်ပြန်ထားသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#သာယာဝတီထောင်
#တိုက်ပိတ်ခံရ
#Mizzima

သာယာဝတီအကျဉ်းထောင် ကျောင်းသားများကို လက်ပံတန်းတရားရုံးတွင် ၂၀၁၅ ခုနှစ် မတ်လအတွင်းက ရုံးထုတ်စဉ်။ (ဓာတ်ပုံ-EPA)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🤬3😢2❤1🔥1
သြဂုတ်လ ၁၆ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
======================

01:04-နေပြည်တော်နယ်မြေအတွင်း စစ်ကောင်စီတပ် အထိအနာဆုံး ဘို့မသံတောင် စခန်းသိမ်း တိုက်ပွဲအကြောင်း

03:41-လာမယ့် ၂ဝ၂၆ ခုနစ် အာဆီယံအလှည့်ကျ ဥက္ကဋ္ဌတာဝန် မြန်မာမယူနိုင်သေးတဲ့သတင်း

06:32-မြိတ် ဆန္ဒပြမှုကို အကြမ်းဖက်နှိမ်နင်းသူ စစ်အရာရှိ ရာထူးဖယ်ရှားခံရတဲ့သတင်း

08:07-လက်ခတ်တောင်စခန်းကုန်းကို စစ်ကြောင်းထိုးလာတဲ့ စစ်ကောင်စီတပ် အများအပြား ထိခိုက် သေဆုံးပြီး ဆုတ်ခွာထွက်ပြေးတဲ့သတင်း အပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/2gK3QS83SNI

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍6🔥2😁1
This media is not supported in your browser
VIEW IN TELEGRAM
August - 16 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts
🍌3👍1😁1
​​ပေါ့လျော့မှုအနည်းငယ်ကြောင့် ပြည်သူများဒုက္ခပိုစေမည်ကို အထူးသတိပြုရန် NUGယာယီသမ္မတသတိပေး
====================

002
(မဇ္ဈိမ)။ ။ပေါ့လျော့မှုအနည်းငယ်ကြောင့် ပြည်သူများ ဒုက္ခဆင်းရဲ ပိုဖြစ်စေနိုင်သည့် အ‌ခြေအနေမျိုးအား အထူးသတိပြုရှောင်ကြဉ်ရန် အမျိုးသားညီညွတ်ရေးအစိုးရ NUGယာယီသမ္မတဒူဝါလရှီးလက အစိုးရအဖွဲ့ဝင်များအား သတိပေးပြောကြားသည်။

သြဂုတ် ၁၅ ရက်က ပြုလုပ်သည့် အစိုးရအဖွဲ့ အစည်းအဝေးတွင် ယင်းကဲ့သို့ သတိပေးခြင်းဖြစ်သည်။

" ပြည်သူ့အသက်နဲ့ ရင်းနှီးပေးဆပ်ရတဲ့ ခုခံတော်လှန်စစ်ရဲ့ တာဝန်ဝတ္တရားတွေကို အမြဲတမ်းအလေးအနက်ထား ထမ်းဆောင်ကြဖို့ တိုက်တွန်းချင်ပါတယ်။ ကျွန်တော်တို့ရဲ့ သတိလက်လွတ် ပေါ့လျော့မှု အနည်းငယ်ဟာ ရာနဲ့ချီ၊ထောင်နဲ့ချီသော ပြည်သူလူထုကို ဒုက္ခဆင်းရဲတွေကို ပိုမိုစေပါလိမ့်မယ်။ ဒါကို အထူးသတိပြုရှောင်ကြဉ်နိုင်ဖို့ ကျွန်တော့အနေနဲ့ သတိပေးချင်ပါတယ်" ဟု NUGယာယီသမ္မတက ပြောသည်။

စစ်အာဏာရှင်စနစ် အမြစ်ပြတ် ချေမှုန်းရေးအတွက် ခုခံတော်လှန်စစ်ကို ဆင်နွှဲနေရချိန်တွင် စစ်ကောင်စီ၏ ထိုးစစ်ကြောင့် စစ်ဘေးရှောင်လူထု အရေအတွက် ပိုများပြားလာကြောင်းလည်း အသိပေးထားသည်။ ထို့ကြောင့် ပြည်သူ့ အသက်အိုးအိမ်စည်းစိမ်ကို ကာကွယ်စောင့်ရှောက်ခြင်းနှင့် စစ်ကောင်စီထိုးစစ်ကြောင့် ဒုက္ခရောက်နေသော ပြည်သူလူထုကို ကူညီကယ်ဆယ်ရခြင်းကို တပြိုင်နက်လုပ်ဆောင်နေရပြီး ပေါ့ပေါ့လျော့‌လျော့မလုပ်ရန် ယာယီသမ္မတက တိုက်တွန်းထားသည်။

ထို့အပြင် လက်ရှိ၌ အစိုးရအဖွဲ့က ထမ်းဆောင်နေသည့် တာဝန်များမှာ ပြည်သူများခံစားရသည့် ဒုက္ခနှင့် နှိုင်းယှဉ်ပါက အသေးအဖွဲမျှသာဖြစ်သည်ဟု ဆိုသည်။

" ကျွန်တော့အနေနဲ့ ပြည်သူတွေရဲ့ ဒုက္ခဆင်းရဲကို နေ့စဉ်နဲ့အမျှ မြင်တွေ့နေရတာကို အတော်ကြီး စိတ်မကောင်းဖြစ်မိပါတယ်။ ကျွန်တော်တို့တတွေဟာ ယခု လုံ့လထုတ်ကြိုးစားသည်ထက် နှစ်ဆ၊သုံးဆ လောက် အားထုတ်ကြဖို့ လိုပါတယ်။ ဒုက္ခရောက်နေတဲ့ ပြည်သူလူထုကို တွေ့ဆုံတဲ့အခါ ကျွန်တော်တို့ စိတ်လုံချင်ပါတယ်" ဟု ပြောကြားသည်။

တဆက်တည်းတွင် " တော်လှန်ရေးကာလမှာ ခုခံတော်လှန်စစ်ရဲ့ တာဝန်တွေကို နေ့စဉ်နဲ့အမျှ အချိန်ပြည့် ထမ်းဆောင်နေရတာဟာ မလွယ်ကူမှန်း ကျွန်တော် နားလည်ပါတယ်။ ဒါပေမယ့် အိုးပစ်အိမ်ပစ် အသက်လုပြီး စွန့်ခွာထွက်ပြေးနေရတဲ့ ပြည်သူလူထုရဲ့ ဒုက္ခနဲ့ယှဉ်ရင် ကျွန်တော်တို့ရဲ့ ကြီးလေးတဲ့ တာဝန်ဟာ အသေးအဖွဲမျှသာ ဖြစ်တယ်လို့ ယူဆပါတယ်" ဟု ယာယီသမ္မတက ပြောသည်။

စစ်ကောင်စီသည် ယခုအခါ အင်အားချိနဲ့ကာ လုံးဝပြိုလဲလုနီးဖြစ်နေသောကြောင့် တော်လှန်ရေးအင်အားစုများအကြား သွေးခွဲမှုများ ပိုမိုလုပ်ဆောင်လာကြောင်း၊ ရည်မှန်းချက်ပန်းတိုင်ကို မျက်ခြေမပြတ် တစိုက်မတ်မတ် လုပ်ဆောင်ကြရန် လိုအပ်ကြောင်း အစိုးရအဖွဲ့ကို သတိပေးသည်။

စစ်ကောင်စီက အရပ်သားပြည်သူများကို စစ်ရေး ပစ်မှတ်ထားကာ ထိုးစစ်ဆင်နေသည်ကို နိုင်ငံတကာကသိရှိ အောင် လုပ်ဆောင်ရန်လည်း အစိုးရအဖွဲ့ဝင်များအား တိုက်တွန်းထားသည်။

ထို့အပြင် PDF များ၏ တဦးချင်းစွမ်းရည်များ မြှင့်တင်ပေးရန် လိုအပ်ပြီး လက်နက်ခဲယမ်းလုံ လောက်စွာရရှိရန်လည်း အာရုံစိုက်ရမည်ဖြစ်ကြောင်း၊ PDF များ၏ စွမ်းရည်များ မြင့်တက်မှ ပြည်သူများကို ကာကွယ်ပေးနိုင်မည်ဖြစ်ကြောင်း ယာယီသမ္မတက ပြောထားသည်။

စာတည်း - မောင်ကြီး

#mizzima
#NUGယာယီသမ္မတ
#အစိုးရအဖွဲ့အစည်းအ‌ဝေး
#Hard News

ပုံအညွှန်း-NUGယာယီသမ္မတဒူဝါလရှီးလ

“Supported by the Staying Resilient Amidst Multiple Crises in Southeast Asia initiative of SEA Junction in partnership with CMB Foundation”
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12😁4❤3
အစိုးရအနေဖြင့် လက်နက်ခဲယမ်းမီးကျောက်များလုံလောက်ာရရှိရေးအာရုံစိုက်ရန်လိုအပ်ကြောင်း NUG ယာယီသမ္မတပြော
=====================

NUGအစိုးရအဖွဲ့အနေနဲ့ လက်နက်ခဲယမ်းမီးကျောက် လုံလောက်စွာရရှိရေးကို အထူးအာရုံစိုက်ဖို့ လိုအပ်ကြောင်း အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလကပြောသည်။
လက်ရှိ ကြိုးစားအားထုတ်မှုထက် နှစ်ဆ၊ သုံးဆ ပိုအားထုတ်ရန်လည်း ယာယီသမ္မတက တိုက်တွန်းထားသည်။

ဩဂုတ်လ ၁၅ ရက်နေ့ တွင် ကျင်းပခဲ့သည့် အမျိုးသားညီညွတ်ရေးအစိုးရ၏ ၂၇ / ၂၀၂၃ အစိုးရ အဖွဲ့အစည်းအဝေးတွင်  ယာယီသမ္မတ ဒူဝါလရှီးလက အထက်ပါအတိုင်း ပြောဆိုလိုက်ခြင်းဖြစ်သည်။
လက်ရှိတွင် အားလုံး၏ ဝိုင်းဝန်းကြိုးပမ်းမှုကြောင့် အကြမ်းဖက်စစ်တပ် လုံးဝပြိုလဲလုနီးဖြစ်နေပြီး ထိန်းမရ၊သိမ်းမရ အခြေအနေကို ရောက်နေပြီဖြစ်သည်ဟုလည်း ပြောကြားသည်။

ယခုလိုဖြစ်လာချိန်မှာ တစ်ဖက်ကလည်း  မိမိတို့ တော်လှန်ရေးအဖွဲ့များ အင်အားယုတ်လျှော့စေရန် စိတ်ဓာတ်စစ်ဆင်ရေး ပိုမိုလုပ်ဆောင်လာကြောင်း ယာယီသမ္မတက သတိပေးထားသည်။
ညီညွတ်မှုပျက်ပြားအောင် PDF အချင်းချင်းကြား သွေးကွဲမှုတွေလုပ်ဆောင်လာတာ တွေ့ရမှာဖြစ်ပြီး  NUG အစိုးရနှင့် ပြည်သူကြား အထင်လွဲမှုဖြစ်အောင်အကွက်ဆင်လုပ်ဆောင်လာနေတာမျိုးလည်း တွေ့ရကြောင်း ပြောကြားထားသည်။

ထို့ကြောင့်  မိမိတို့ ရည်မှန်းချက်ပန်းတိုင်ဖြစ်သည့် စစ်အာဏာရှင်နှင့် အာဏာရှင်ဟူသမျှကို အဆုံးသတ်ဖျက်သိမ်းရေး၊ အနာဂတ်ဖက်ဒရယ် ဒီမိုကရေစီနိုင်ငံ ထူထောင်ရေးတို့ကို မျက်ခြေမပြတ် တစိုက်မတ်မတ် လုပ်ဆောင်ဖို့လိုကြောင်း သမ္မတ ဒူဝါလရှီးလက ပြောကြားခဲ့ပါတယ်။

အမျိုးသားညီညွတ်ရေးအစိုးရအနေဖြင့် ပြည်သူ့ အသက်အိုးအိမ်စည်းစိမ်ကို ကာကွယ်စောင့်ရှောက် ရန်နှင့်  စစ်ကောင်စီ၏ ထိုးစစ်ကြောင့် ဒုက္ခခံစားနေရသည့် ပြည်သူလူထုကို ကူညီကယ်ဆယ်ရေး လုပ်ဆောင်ရမည်ဖြစ်ကြောင်း သမ္မတက မှာကြားထားသည်။

စစ်အာဏာရှင်စနစ်အမြစ်ပြတ် ချေမှုန်းရေးအတွက် ခုခံတော်လှန်စစ် ဆင်နွှဲနေရသကဲ့သို့ တစ်ဖက်တွင်လည်း စစ်ကောင်စီ၏ ထိုးစစ်ကြောင့် နေ့စဉ်နီးပါး စစ်ဘေးရှောင်လူထု အရေ အတွက် များပြားလာနေသည်ဟု ယာယီသမ္မတက ပြောသည်။

ပြည်သူ့ကာကွယ်ရေးအလုပ်များ ဖိဖိစီးစီးမလုပ်နိုင်လေ ပြည်သူဒုက္ခ ပိုကြီးမားလာလေလေဖြစ်ပြီး လူသားချင်းစာနာထောက်ထားမှုအကူအညီပေးရေး လုပ်ငန်းစဉ်များလည်း ပိုမိုလိုအပ်လာကြောင်း ပြောသည်။

ထို့ကြောင့် ပြည်သူ့ ကာကွယ်ရေး အဖွဲ့တွေ ပိုမို စွမ်းရည်မြှင့်တက်လာမှသာ ပြည်သူတို့ရဲ့ ဒုက္ခ၊သုက္ခတွေကို လျော့ပါးအောင် ကာကွယ်ပေးထားနိုင်မှာဖြစ်ကြောင်း ယာယီသမ္မတက ပြောသည်။
စစ်ကောင်စီက အရပ်သားပြည်သူလူထုကို စစ်ရေးပစ်မှတ်အဖြစ် ထိုးစစ်ဆင်နေခြင်းအား နိုင်ငံတကာ အသိုင်းအဝန်းက အသေအချာ နားလည်ရန်အထူးလိုအပ်လျက်ရှိကြောင်း ယာယီသမ္မတက ပြောကြားပြီး နည်းနာပေါင်းစုံသုံးပြီး   နိုင်ငံတကာနှင့် ကျယ်ကျယ်ပြန့်ပြန့် ချိတ်ဆက်ဆောင်ရွက်ရန်လည်း ယာယီသမ္မတက မှာကြားခဲ့သည်။

https://youtu.be/f8kIUVXc2OM

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍15😁3❤2👏1
​​ကျိုက်ထိုမြို့နယ်တွင် စစ်ကောင်စီယာဉ်တန်း ကြားဖြတ်တိုက်ခိုက်ခံရပြီး ထိခိုက်သေဆုံးမှုများ
===================

YT
(မဇ္ဈိမ)။ ။ မွန်ပြည်နယ်၊ ကျိုက်ထိုမြို့နယ်၊ သရက်ကုန်းကျေးရွာအနီးတွင် ယာဥ်ခြောက်စီးပါ စစ်ကောင်စီယာဉ်တန်းအား တပ်မဟာ (၁) ကရင်အမျိုးသားလွတ်မြောက်ရေးတပ်မတော် (KNLA)၊ PDF ပူးပေါင်းတပ်ဖွဲ့နှင့် သူရိယ စစ်ကြောင်းတို့က ကြားဖြတ်တိုက်ခိုက်ခဲ့ကြောင်း သထုံခရိုင် PDF တာဝန်ခံထံက သိရသည်။

ယမန်နေ့ ဩဂုတ်လ ၁၅ ရက်နေ့၊ နံနက် ၉ နာရီ ၃၀ မိနစ်အချိန်တွင် ကျိုက်ထိုမြို့ဘက်မှ ဘီးလင်းမြို့နယ်ဘက်သို့ လာသည့် ထိုယာဉ်တန်းကို ကျိုက်ထိုမြို့နယ်၊ သရက်ကုန်းကျေးရွာအနီးတွင် လက်နက်ကြီး၊ လက်နက်ငယ်များဖြင့် ကြားဖြတ်တိုက်ခိုက်ခဲ့ခြင်းဖြစ်သည်။

" မနေ့ကတော့ ၉ နာရီနဲ့ ၃၀ မိနစ်လောက်မှာ စဖြစ်တယ် ၁၀ နာရီနဲ့ ၁၀ မိနစ်လောက်ထိ။ ကျွန်တော်တို့ တော်လှန်ရေးဘက်ကတော့ ထိခိုက်မှုမရှိဘူး။ ရန်သူဘက်ကတော့ အယောက် ၂၀ နီးပါး ထိခိုက်သေဆုံးတယ်။ ဒဏ်ရာရတာတွေရော သေတာတွေရော အယောက် ၂၀ နီးပါးရှိတယ်” ဟု သထုံခရိုင် PDF တာဝန်ခံ ကိုအေးမင်းထွန်းက မဇ္ဈိမကိုပြောသည်။

အဆိုပါ ကြားဖြတ်တိုက်ခိုက်မှုအတွင်း စစ်ကောင်စီယာဉ်တန်းက တန်ပြန်ပစ်ခတ်မှုပြုလုပ်ခဲ့သဖြင့် မိနစ် ၄၀ ကြာ ထိတွေ့တိုက်ပွဲဖြစ်ပွားခဲ့ပြီး နံနက် ၁၀ နာရီ ၁၀ မိနစ်တွင်မှ ရပ်တန့်သွားခဲ့ကြောင်း၊ စစ်ကောင်စီယာဉ်တန်းပါ ကားနှစ်စီး ပျက်စီးကြောင်း သိရသည်။
တိုက်ခိုက်မှုအပြီးတွင် အဆိုပါ စစ်ယာဉ်တန်းသည် ဘီးလင်းမြို့နယ်ဘက်သို့ ဆက်လက်မောင်းနှင်သွားပြီး ရန်ကုန်- မော်လမြိုင်ကားလမ်းမတစ်လျှောက်နှင့် ကျေးရွာများအတွင်းသို့ လက်နက်ကြီးများဖြင့် ရမ်းသန်းပစ်ခတ်ခဲ့ကြောင်း သိရသည်။

" နောက်ပိုင်းမှာတော့ လက်နက်ကြီးတွေပစ်ခတ်တာ များတယ်။ ရွာတွေထဲ လက်နက်ကြီးတွေနဲ့ ပစ်ထည့်တာတွေတော့ များတယ်။ ရွာထဲ အိမ်တွေထိတယ်၊ ပြည်သူလူထုကို ထိခိုက်တာမျိုးတော့ ရှိတယ်" ဟု သထုံခရိုင် PDF တာဝန်ခံက ဆက်လက်ပြောဆိုသည်။
စစ်ကောင်စီတပ်​၏ ပစ်ခတ်မှုများကြောင့် နေအိမ်ပျက်စီးမှုနှင့် ဒေသခံထိခိုက်ဒဏ်ရာရမှုအား မဇ္ဈိမအနေဖြင့် ဆက်လက်အတည်ပြုနေဆဲဖြစ်သည်။

ပြီးခဲ့သည့် ဩဂုတ်လ ၁၃ ရက်နေ့ကလည်း ကျိုက်ထိုမြို့နယ်၊ ကင်မွန်းချောင်းကျေးရွာရှိ ကင်မွန်းချောင်းနယ်မြေရဲစခန်းကို တပ်မဟာ (၁) KNLA၊ PDF ပူးပေါင်းတပ်ဖွဲ့က ဒရုန်းဖြင့် သွားရောက်တိုက်ခိုက်ခဲ့ပြီး အပျက်အစီး အထိအခိုက်များအား စုံစမ်းနေဆဲဖြစ်ကြောင်း သိရသည်။

စာတည်း။ ။အောင်ကျော်ဖြိုး

#Mizzima
#စစ်ကောင်စီ ယာဥ်တန်း
#သရက်ကုန်းကျေးရွာ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13👏6❤2🔥1😁1
Media is too big
VIEW IN TELEGRAM
လာမယ့် ၂ဝ၂၆ ခုနစ် အာဆီယံအလှည့်ကျ ဥက္ကဋ္ဌတာဝန် မြန်မာမယူနိုင်သေး

Watch more detail - https://youtu.be/LOkfhXH-SW0

#PoliticalNews #reels #shorts #MizzimaTV
😁9🔥1🤯1
This media is not supported in your browser
VIEW IN TELEGRAM
အစိုးရအဖွဲ့အနေဖြင့် လက်နက်ခဲယမ်းမီးကျောက်များ လုံလောက်စွာရရှိရေးု အထူးအာရုံစိုက်ရန် လိုအပ်ကြောင်း NUG ယာယီသမ္မတပြော

Watch more detail - https://youtu.be/f8kIUVXc2OM

#PoliticalNews #reels #shorts #MizzimaTV
👍15🤮3😁1🤔1
​​ရေဘေးသင့်ပြည်သူများအား စစ်ကောင်စီက လုံလောက်သည့် အကူအညီ ပေးအပ်မှု မရှိ
================

ဂျူချန်း

(မဇ္ဈိမ)။ ။ ပြီးခဲ့သည့် ဩဂုတ်လဆန်းပိုင်းမှစတင်ကာ မိုးအဆက်မပြတ် ရွာသွန်းမှုကြောင့် ရခိုင်ပြည်နယ်၊ မွန်ပြည်နယ်နှင့် ကရင်ပြည်နယ်ရှိ မြို့နယ်အချို့တွင် ရေကြီးရေလျှံမှု ဖြစ်ပွားခဲ့ပြီး ရေဘေးသင့် ပြည်သူဦးရေ ၆ သောင်းကျော်ရှိခဲ့သည်။ ထိုရေဘေးသင့်ပြည်သူများအား စစ်ကောင်စီက လုံလောက်သည့် အကူအညီ ပေးအပ်မှုမရှိကြောင်း ဒေသခံများက ပြောသည်။

ရေကြီးရေလျှံမှုကြောင့် မွန်ပြည်နယ် ၊ ဘီးလင်းမြို့နယ်တွင် ရေဘေးရှောင်စခန်း ၁၀ခု ဖွင့်လှစ်ခဲ့ရပြီး စစ်ကောင်စီက ရေဘေးရှောင်စခန်းအချို့၌ ဆန် နှင့် ရိက္ခာခြောက် ပေးသော်လည်း လုံလောက်မှုမရှိကြောင်း သိရသည်။

“အမှန်အတိုင်းပြောရရင် အပြည့်အဝ လုံလောက်မှုကတော့ မရှိဘူးပေါ့။ နေရာတိုင်းမှာတော့ ပြည့်ဝတာမရှိပါဘူး။ သူတို့ထောက်ပံ့တာက ထောက်ပံ့တာပေါ့။ ဒါက နှစ်တိုင်းလိုလိုပါပဲ။ ဘယ်နေရာမှလည်း ပြည့်ဝမှုမရှိပါဘူး။ ဒါကတော့ ခေတ်အဆက်ဆက် ဒီလိုပါပဲ” ဟု ဘီးလင်းမြို့တွင် ကယ်ဆယ်ရေးလုပ်ဆောင်ခဲ့သူတစ်ဦးက မဇ္ဈိမ ကိုပြောသည်။

ကရင်ပြည်နယ် ၊ ပိုင်ကျုံမြို့နယ်တွင် အိမ်ထောင်စု ၁,၀၀၀ နီးပါး ရေနစ်မြှုပ်နေပြီး စစ်ကောင်စီက ကူညီကယ်ဆယ်ရေးလုပ်ငန်းများ ဆောင်ရွက်ခြင်း လုံးဝမရှိသေးကြောင်း ဒေသခံများက ပြောသည်။

“ရေကြီးတာ ၁၄၊ ၁၅ ရက်လောက်ရှိပြီ။ ကျနော်တို့မှာ အခုထိ ရေက ဒူးကျော်လောက်၊ တချို့နေရာတွေ ခါးလောက်ရှိနေတုန်း။ ရေကအကျဘက်တော့ သွားနေပြီပေါ့နော်။ စစ်ကောင်စီကတော့ တခုမှကူညီတာမရှိပါဘူး။ ကျနော်တို့နေရာဆို BGF တပ်ရင်းနဲ့ နီးနီးလေး။ သူတို့တော့ တစ်ခုမှ လာမကူပါဘူး” ပိုင်ကျုံမြို့ ဒေသခံတစ်ဦးက မဇ္ဈိမကို ပြောသည်။

အလားတူ ရခိုင်ပြည်နယ်၊ မင်းပြားမြို့နယ်တွင် မင်းတောင်မကျေးရွာ၊ ဒုံးသားကျေးရွာ၊ ကုလားမတောင်ကျေးရွာ၊ မင်းဖူးကျေးရွာနှင့် ညောင်ပါလကျေးရွာ အပါအဝင် ကျေးရွာပေါင်း ၁၂၉ ရွာ ရေကြီးရေလျှံမှု ဖြစ်ပွားခဲ့ကြောင်း ရက္ခိုင်အမျိုးသားအဖွဲ့ချုပ် (ULA) က ထုတ်ပြန်ထားပြီး စစ်ကောင်စီက မင်းပြားမြို့နယ်ရှိ ရေဘေးသင့်ပြည်သူများအား လာရောက်ကူညီခြင်း မရှိခဲ့ကြောင်း မင်းပြားဒေသခံတစ်ဦးက ပြောသည်။

“ရွာတွေမှာတော့ ရေတော်တော်ကြီးတယ်။ (အကူအညီ) သွားပေးတယ်လို့တော့ မကြားမိဘူးဗျ။ စစ်ကောင်စီဘက်က အစိုးရဘက်က သွားကူညီပေးတယ်လို့တော့ ကျနော်တို့လည်း မကြားမိဘူး” ဟု မင်းပြားမြို့ အခြား ဒေသခံတစ်ဦးက မဇ္ဈိမကိုပြောသည်။

မြောက်ဦးမြို့နယ်ရှိ မြတန်ဆောင်းစစ်ဘေးရှောင်စခန်းတွင်လည်း ရေကြီးရေလျှံဖြစ်ပွားမှုကြောင့် ဩဂုတ်လ ၆ ရက်နေ့မှ ၁၀ ရက်နေ့အထိ ရေဘေးရှောင်ရကာ ရေဘေးရှောင်ရစဉ်အတွင်း စစ်ကောင်စီမှ ရေဘေးသင့်ပြည်သူ ၁,၁၇၅ ဦးအတွက် ဆန် ၂၂ အိတ်၊ ဓာတ်ဆား နှင့် ရိက္ခာခြောက်များ လာပေးခဲ့ကြောင်း စခန်းတာဝန်ရှိသူတစ်ဦးထံက သိရသည်။

“ကမ္ဘောဒီးယားကပေးထားတယ်လို့ပြောတာပဲ။ ရယ်ဒီမိတ်ဒံပေါက် အထုပ်တွေ ပါတယ်။ အများကြီးတော့ မဟုတ်ဘူး။ ဒံပေါက်က အထုပ် ၁၀၀ လောက်ပါတယ်။ ခေါက်ဆွဲခြောက်က ၃၆၀ လောက်ပါတယ်။ အထုပ်ဆိုတာ အကြီးကြီးပြောတာမဟုတ်ဘူး။ သေးသေးလေး” ဟု စခန်းတာဝန်ရှိသူတစ်ဦးက မဇ္ဈိမ ကိုပြောသည်။

မိုးအဆက်မပြတ်ရွာသွန်းမှုကြောင့် ရခိုင်ပြည်နယ်တွင် မြို့နယ်ခုနစ်ခုမှ အိမ်ခြေ ၂၈,၀၇၂ ရေလွှမ်းမိုးခံခဲ့ရကာ လူခြောက်ဦး သေဆုံးခဲ့ရပြီး အရေးပေါ်အကူအညီများလိုအပ်နေကြောင်း ULA/AA က ဩဂုတ်လ ၁၄ ရက်နေ့တွင် ထုတ်ပြန်ထားသည်။

မြန်မာနိုင်ငံတွင် ဩဂုတ်လ ပထမအပတ်အတွင်း ရခိုင်ပြည်နယ်၊ မွန်ပြည်နယ်၊ ကရင်ပြည်နယ်၊ ကချင်ပြည်နယ်၊ ချင်းပြည်နယ်၊ တနင်္သာရီတိုင်း ပဲခူးတိုင်း၊ မကွေးတိုင်းနှင့် ရန်ကုန်တိုင်း မှ လူဦးရေ ၆၂,၀၀၀ကျော် ရေကြီးမှုဒဏ်ကို ခံစားခဲ့ရကြောင်း ကုလသမဂ္ဂ လူသားချင်းစာနာမှုဆိုင်ရာညှိနှိုင်းရေးရုံး (UNOCHA)မှ ထုတ်ပြန်ထားသည်။

စာတည်း။ ။အောင်ကျော်ဖြိုး
#Mizzima
#ရေကြီးရေလျှံ
#ရေဘေးသင့်
ပုံအညွှန်း-ဩဂုတ် ၈ ရက်နေ့၊ ပိုင်ကျုံမြို့၊ ကျေးရွာတစ်ရွာမှ ရေကြီးနေစဉ် (ဓါတ်ပုံ- ပေးပို့)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7👏2🤨2🔥1
Media is too big
VIEW IN TELEGRAM
အမေရိကန်လွှတ်တော်ကိုယ်စားလှယ်အဖွဲ့ ရိုဟင်ဂျာဒုက္ခသည်စခန်းသို့ သွားရောက်

Watch more detail - https://youtu.be/sI7kJXvakwU

#PoliticalNews #reels #shorts #MizzimaTV
❤9👍2😁1🤮1
အမေရိကန်လွှတ်တော်ကိုယ်စားလှယ်အဖွဲ့ ရိုဟင်ဂျာဒုက္ခသည်စခန်းသို့ သွားရောက်
=======================

ဘင်္ဂလားဒေ့ရှ်နိုင်ငံ Cox’s Bazar မှာရှိတဲ့ ရိုဟင်ဂျာဒုက္ခသည်စခန်းကို အမေရိကန် လွှတ်တော် ကိုယ်စားလှယ်အဖွဲ့က ဩဂုတ်လ ၁၄ ရက်နေ့က သွားရောက်ကြည့်ရှုခဲ့ပါတယ်။

ဘင်္ဂလားဒေ့ရှ်နိုင်ငံကိုရောက်နေတဲ့ အမေရိကန်လွှတ်တော်ကိုယ်စားလှယ်အဖွဲ့နဲ့ ရိုဟင်ဂျာဒုက္ခသည် တချို့ တွေ့ဆုံခွင့်ရခဲ့ပြီး စားနပ်ရိက္ခာလျော့ချခံရတဲ့ကိစ္စနဲ့ နေရပ်ပြန်ရေးကိစ္စတွေ ဆွေးနွေးတင်ပြခွင့်ရခဲ့တယ်လို့ ရိုဟင်ဂျာဒုက္ခသည်တွေက ပြောပါတယ်။
ရိုဟင်ဂျာ ဒုက္ခသည်တွေ ရင်ဆိုင်နေရတဲ့ အခြေအနေတွေနဲ့ စိန်ခေါ်မှုတွေကို သိနိုင်ဖို့ သွားရောက်ခဲ့တဲ့ ခရီးစဉ်မှာတော့ ရီပတ်ဘလစ်ကန်အောက်လွှတ်တော်အမတ် Richard McCormick နဲ့ အာဏာရ ဒီမိုကရက်ပါတီအမတ် Ed Case တို့ အပါအဝင် အဖွဲ့ဝင် ၁၁ ဦး လိုက်ပါသွားခဲ့ကြတာပါ။

မြန်မာနိုင်ငံမှာ လူ့အခွင့်အရေး ချိုးဖောက်မှုတွေနဲ့ ဖိနှိပ်မှုတွေကြောင့် အိမ်နီးချင်း ဘင်္ဂလားဒေ့ရှ် နိုင်ငံကို တိမ်းရှောင်ခဲ့ကြတဲ့ သိန်းနဲ့ချီတဲ့ ရိုဟင်ဂျာတွေ နေရပ်ပြန်ရေး စီစဉ်နေပေမဲ့ လက်တွေ့အကောင်အထည် မဖော်နိုင်သေးဘဲ ဖြစ်နေတာကြောင့် အခက်အခဲတွေနဲ့ ရင်ဆိုင်နေကြရတာပါ။

ဘင်္ဂလားဒေ့ရှ်နိုင်ငံကိုရောက်နေတဲ့ အမေရိကန်လွှတ်တော်ကိုယ်စားလှယ်အဖွဲ့ဟာ ကော့ဘဇားမှာရှိတဲ့ ရိုဟင်ဂျာဒုက္ခသည်စခန်းတွေမှာ UNHCR အပါအဝင် နိုင်ငံတကာအကူညီပေးရေးအဖွဲ့တွေရဲ့ လုပ်ငန်းတွေကိုလည်း လေ့လာခဲ့တယ်လို့ ဒုက္ခသည်တွေက ပြောပါတယ်။

မကြာသေးခင်ကလည်း ရိုဟင်ဂျာအကျပ်အတည်းကို ရေရှည်တည်တံ့ခိုင်မြဲတဲ့ ဖြေရှင်းချက်ရဖို့အတွက် ခိုင်မာသေချာတဲ့ နိုင်ငံတကာအကူအညီတွေကို စုစည်းဖို့ OIC-UNHCR ပူးတွဲကိုယ်စားလှယ်အဖွဲ့ကို ဘင်္ဂလားဒေ့ရှ်က တိုက်တွန်း လိုက်ပါတယ်။
ရိုဟင်ဂျာတွေအပေါ် ကျူးလွန်ခဲ့တဲ့ ရက်စက်ကြမ်းကြုတ်မှုတွေအတွက် တာဝန်ယူမှု၊ တာဝန်ခံမှု ရှိစေရေးနဲ့ ရိုဟင်ဂျာတွေကို သူတို့ရဲ့ မွေးရပ်မြေ၊ မြန်မာ ဒါမှမဟုတ် တတိယနိုင်ငံကို ပြန်လည်နေရာချထားရေးဟာ ရိုဟင်ဂျာ အကျပ်အတည်းအတွက် ရေရှည်တည်တံ့တဲ့ ဖြေရှင်းနည်းသာဖြစ်တယ်လို့ ဘင်္ဂလားဒေ့ရှ် နိုင်ငံခြားရေးဝန်ကြီး Masud Bin Momen က ပြောဆိုထားပါတယ်။

ဒီလွှတ်တော်ကိုယ်စားလှယ်အဖွဲ့ဟာ ရိုဟင်ဂျာဒုက္ခသည်တွေ နေရပ်ပြန်ရေးနဲ့ပတ်သက်ပြီး ဘင်္ဂလားဒေ့ရှ်အစိုးရနဲ့ ဆွေးနွေးခဲ့တယ်လို့လည်း ဒုက္ခသည်တွေကပြောပါတယ်။

ရခိုင်ပြည်နယ်မှာရှိတဲ့ မြန်မာစစ်တပ်ရဲ့ ၂၀၁၇ ခုနှစ်တုန်းက စစ်ဆင်ရေးတွေကြောင့် နောက်ဆက်တွဲ သိန်းနဲ့ချီတဲ့ ဒုက္ခသည်တွေ ဘင်္ဂလားဒေ့ရှ်နိုင်ငံဖက် တိမ်းရှောင်သွားခဲ့ကြတာပါ။
အဲဒီအချိန်ကနေ ၂၀၂၂ ခုနှစ်၊ နိုဝင်ဘာလအထိဆိုရင် ဘင်္ဂလားဒေ့ရှ်နိုင်ငံထဲမှာ ရိုဟင်ဂျာ ဒုက္ခသည်အရေအတွက် ၉ သိန်းခွဲကျော်အထိရှိနေတယ်လို့ ကုလသမဂ္ဂဒုက္ခသည်များဆိုင်ရာမဟာမင်းကြီးရုံးက ထုတ်ပြန်ပြောဆိုထားပါတယ်။

https://youtu.be/sI7kJXvakwU

#PoliticalNews
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤6👍1😁1🤮1
ချင်းပြည်နယ်တွင် စစ်ကောင်စီတပ်၏ လေကြောင်းတိုက်ခိုက်မှု၊ လက်နက်ကြီးပစ်ခတ်မှုများကြောင့် ၁ လအတွင်း ခရစ်ယာန်ဘုရားကျောင်း ၄ ကျောင်း ပျက်စီး
🤬7🔥2😁1