​​မော်လမြိုင်ကျွန်းတွင် လျှပ်စစ်ရုံးဝန်ထမ်းက မီတာခကောက်ထားသည်ငွေများ ယူဆောင်ထွက်ပြေး
=========================

မင်းထက်
(မဇ္စျိမ)။ ။ဧရာဝတီတိုင်း၊ မော်လမြိုင်ကျွန်းမြို့နယ်တွင် မီတာခကောက်ခံရရှိထားသည့် ငွေကျပ်သိန်း ၁၀၀ ကျော်ကို လျှပ်စစ်ရုံးဝန်ထမ်းက ယူဆောင်ထွက်ပြေးသွားကြောင်း ဒေသခံများထံမှ သိရသည်။

မီတာခများအား ယူဆောင်ထွက်ပြေးသွားသူမှာ မော်လမြိုင်ကျွန်းမြို့(၁၁) ရပ်ကွက်၊ ဗန္ဓုလလမ်းနေ ဦးပိုင်စိုးဆိုသူဖြစ်ပြီး ၎င်းသည် လျှပ်စစ်ရုံး ငွေလက်ခံကောင်တာတွင် တာဝန်ရှိသူဖြစ်ကာ မီတာဆောင် သူများအား ငွေရပြေစာပြန်ပေးရသူဖြစ်ကြောင်း သိရသည်။

ဧပြီလမှဇူလိုင်လအထိ ဦးပိုင်စိုးထံ မီတာဆောင်ထားသူများမှာ တရားမဝင်ကြောင်း EPC ဝန်ထမ်းများက ဒေသခံများ၏နေအိမ်များသို့ လာရောက်ပြောဆိုခဲ့သည့်အတွက် ငွေများယူဆောင်ထွက်ပြေးသည့် ဖြစ်စဥ် ကို သိရှိခဲ့ရခြင်းဖြစ်သည်ဟု ဒေသခံကပြောသည်။

“ရုံးဝန်ထမ်းက ပြည်သူတွေမီတာဆောင်ထားတဲ့ လေးလစာ မီတာခထဲက သိန်း ၁၀၀ ကျော်ကို ယူပြီး ထွက်ပြေးတာပါ။ ဒါကို တာဝန်ယူမှု၊ တာဝန်ခံမှုမရှိဘဲ ပြည်သူတွေကို မီတာထပ်ဆောင်ခိုင်းနေတယ်။ ပြီးခဲ့တဲ့လတွေမှာ ပြည်သူတွေက မီတာမဆောင်ခဲ့ဘူးဆိုတဲ့ပုံစံနဲ့ ဒဏ်ကြေးပါ တောင်းနေတယ်” ဟု ၎င်းက ပြောသည်။

ကုန်စျေးနှုန်းများမြင့်တက်နေပြီး ငွေကြေးကျပ်တည်းမှု ဒုက္ခရောက်နေသော ပြည်သူများအား ဌာနဆိုင်ရာ ဝန်ထမ်းများက နည်းမျိုးစုံဖြင့် ဒုက္ခပေးနေခြင်းဖြစ်သည်ဟု ဒေသခံက ဆိုသည်။
ယင်းဖြစ်စဉ်နှင့်ပတ်သတ်၍ မော်လမြိုင်ကျွန်းမြို့နယ် လျှပ်စစ်ရုံးအား မဇ္စျိမက ဆက်သွယ်ခဲ့သော်လည်း လက်ခံဖြေကြားခြင်း မရှိခဲ့ပေ။

လက်ရှိတွင် ငွေကြေးများယူဆောင်ထွက်ပြေးသူ ဦးပိုင်စိုးဆိုသူအား မော်လမြိုင်ကျွန်းရဲစခန်းမှ မည်သည့် ဥပဒေပုဒ်မများဖြင့် အမှုဖွင့်ထားသည်ကို မသိရသေးဘဲ တရားခံမှာ ထွက်ပြေးလွတ်မြောက်နေဆဲဖြစ် ကြောင်း ဒေသခံများက ပြောသည်။

ပြီးခဲ့သည့် ဇူလိုင်လ ဒုတိယပတ်အတွင်းက မော်လမြိုင်ကျွန်းမြို့နယ်၊အမှတ် (၉) ရပ်ကွက်မှ စစ်ကောင်စီ ခန့် ရပ်ကွက်အုပ်ချုပ်ရေးမှူး ဦးမြင့်ဆွေအား ငွေကျပ်သိန်းပေါင်း ၉,၀၀၀ ကျော် ကိုယ်ကျိုးအတွက် သုံးစွဲသည်ဟုဆိုကာ စစ်ကောင်စီတပ်ဖွဲ့ဝင်များက ဖမ်းဆီးခဲ့သေးသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ဧရာဝတီတိုင်း
#မော်လမြိုင်ကျွန်းမြို့နယ်
#လျှပ်စစ်ရုံး

ဓာတ်ပုံ-မော်လမြိုင်ကျွန်းမြို့နယ် လျှပ်စစ်ရုံး (ပုံဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မောင်းနှင်ရေးမော်ဂျူးကနေ ခွဲထွက်လိုက်သည့် အိန္ဒိယလကမ္ဘာသက်ဆင်းယာဉ်
====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မိုင်းဆွဲခံရသည့် စစ်ကောင်စီလက်နက်ထောက်ပို့ ရထားတွဲ ၄ရက်မြောက်အထိ သယ်ယူနိုင်ခြင်းမရှိသေးဟုဆို
======================

ရွှေနွယ်
(မဇ္ဈိမ)။ ။ပဲခူးတိုင်း၊ ဖြူးမြို့နယ်၊ ကညွတ်ကွင်းမြို့အနီး ရန်ကုန်-မန္တလေး မီးရထားလမ်းပိုင်းတွင် မိုင်းဆွဲတိုက်ခိုက်ခံရသည့် စစ်ကောင်စီ၏လက်နက်ခဲယမ်းထောက်ပို့ရထားတွဲများအား ယနေ့ ဩဂုတ်လ ၂၁ရက်နေ့အထိ ပြန်လည်သယ်ယူနိုင်ခြင်းမရှိသေးကြောင်း White Peacock Column - ဒေါင်းဖြူစစ်ကြောင်း၏ ပြန်ကြားရေးတာဝန်ရှိသူက ပြောသည်။

စစ်ကောင်စီ၏လက်နက်ခဲယမ်းထောက်ပို့ရထားကို ပြီးခဲ့သည့် ဩဂုတ်လ ၁၈ ရက် နံနက် ၇ နာရီကျော်ခန့်တွင် KNLA၊PDF ပူးပေါင်းတပ်ဖွဲ့က မိုင်းဆွဲတိုက်ခိုက်သည်။ ရထားတွဲ ခြောက်တွဲထက်မနည်း ပျက်စီးခဲ့သည်။ တိုက်ခိုက်ခံရပြီး လေးရက်မြောက်နေ့ဖြစ်သော ယနေ့အထိ စစ်ကောင်စီက အဆိုပါ ရထားတွဲများအား ပြန်လည်သယ်ဆောင်နိုင်ခြင်းမရှိသေးကြောင်း သိရသည်။

" လူအင်အား အဆမတန် တိုးထားတယ်။ ကျွန်တော်တို့သွားမယ်ဆိုရင် သူတို့ဘက်က ပွိုင့်သုံးနေရာလောက်ကို ဟောက်ဝစ်ဇာတို့ ၁၂၀ မမတို့လို လက်နက်အကြီးစားတွေနဲ့ ထောက်ထားတယ်” ဟု White Peacock Column - ဒေါင်းဖြူစစ်ကြောင်း၏ ပြန်ကြားရေးတာဝန်ရှိသူက ဆိုသည်။

မိုင်းခွဲတိုက်ခိုက်ခံရပြီးနောက် စစ်ကောင်စီ၏ဒုတိယဝန်ကြီးချုပ်၊ ဒုတိယဗိုလ်ချုပ်မှူးကြီးစိုးဝင်းနှင့် ပြည်ထောင်စုဝန်ကြီး ဗိုလ်ချုပ်ကြီး မြထွန်းဦးတို့က လာရောက်စစ်ဆေးပြီး နှစ်ရက်အတွင်း အပြီးပြင်ဆင်ရန် ညွှန်ကြားသွားသည်ဟု ရရှိထားသည့်သတင်းကို ကာကွယ်ရေးရဲဘော်များက ပြောပြသည်။ သို့သော် စစ်ကောင်စီတပ်ဖွဲ့ဝင်များသည် ပျက်စီးသွားသည့်ရထားအနီးလုံခြုံရေးယူထားသည်မှလွဲ၍ မည်သို့မျှ မလုပ်နိုင်သေးဟု ဆိုသည်။

ယခုရက်ပိုင်းတွင် ကညွတ်ကွင်းမြို့အခြေစိုက် စစ်ကောင်စီ၏ ခြေမြန်တပ်ရင်း (၄၃၉) သို့စစ်တိုင်းမှူးရောက်ရှိနေပြီး မြေပြင်၌လည်း စစ်ရေးတင်းမာနေသည်ဟုWhite Peacock Column - ဒေါင်းဖြူစစ်ကြောင်း၏ ပြန်ကြားရေးတာဝန်ရှိသူက ပြောသည်။

"လက်ရှိမှာ စစ်ကြောင်းတွေနေ့တိုင်းထိုးနေပါတယ်။ စစ်သားတွေကလည်း ဗမာစကားမတတ်ဘူး။ တိုင်းရင်းသားတွေ။ တပ်မ (၈၈)ပါ ထပ်ရောက်လာမယ်လို့လည်း ဖရဲသီး(စစ်တပ်အတွင်းသတင်းပေး) အပြောအရ သိရပါတယ်" ဟု ၎င်းကပြောသည်။

မိုင်းဆွဲတိိုက်ခိုက်ခဲ့သည့် ရထားသည် စစ်ကောင်စီတပ်၏ လက်နက်ခဲယမ်း ထောက်ပို့ရထားဖြစ်သည်ဟု KNLA နှင့် ပဲခူးတိုင်း PDFက အခိုင်အမာပြောဆိုထားသည်။ စစ်ကောင်စီဘက်မှလည်း ကုန်တင်ရထားဖြစ်သည်ဟု ထုတ်ပြန်ထားသည်။

ကညွတ်ကွင်းမြို့သည် ရန်ကုန်−မန္တလေး လမ်းဟောင်းပေါ်တည်ရှိပြီး အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ အမှတ်(၂) စစ်ဒေသခွဲတွင်ပါဝင်သည်။ စစ်တောင်းမြစ်ဝှမ်းဒေသနှင့် ရန်ကုန်−မန္တလေးလမ်းဟောင်းနယ်မြေစိုးမိုးရေးများ လုပ်ဆောင်လျက်ရှိကြောင်း MODက ပြီးခဲ့သည့် ဇွန်လက ထုတ်ဖော်ပြောကြားပြီးနောက် အဆိုပါလမ်းပိုင်းပေါ်ရှိ ဖြူးနှင့် ကျောက်တံခါးမြို့နယ်တို့တွင် တိုက်ပွဲများ ပြင်းထန်နေသည်။

ပုံအညွှန်း - ကညွတ်ကွင်းမြို့အနီးမိုင်းဆွဲခံရသည့် မီးရထား
စာတည်း။ ။ ဖူးသိမ်ကျ
စာမူတည်းဖြတ် ။ ။ အေးချမ်း

#mizzima
#ပဲခူးတိုင်း
#ဖြူးမြို့နယ်
#မိုင်းဆွဲတိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နှစ်ပေါင်း ၁၄၂ နှစ်သက်တမ်းရှိသည့် နက္ခတ်ကြည့်အဆောက်အအုံအား အမှတ်မထင် တူးဖော်တွေ့ရှိ
======================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

နေပြည်တော်နှင့် မကွေးတိုင်းအစပ်တွင် စစ်ကောင်စီတပ်နှင့် တော်လှန်ရေးအင်အားစုတို့ တိုက်ပွဲဖြစ်ပွား
===================

001
(မဇ္စျိမ)။ ။ နေပြည်တော်နှင့် မကွေးတိုင်းအစပ်တွင် စစ်ကောင်စီတပ်နှင့် OPRF PLA (အဖိနှိပ်ခံ ပြည်သူ့ တော်လှန်ရေးအင်အားစု)တို့ ဩဂုတ်လ ၂၀ ရက်နေ့ မွန်းလွဲပိုင်းက နှစ်ဖက်အပြန်အလှန် ထိတွေ့တိုက်ပွဲ ဖြစ်ပွားခဲ့ကြောင်း OPRF PLA က ထုတ်ပြန်ထားသည်။

နေပြည်တော်၊ တပ်ကုန်းမြို့နယ် ရွှေမကျီးကျေးရွာနှင့် မကွေးတိုင်း၊ မြို့သစ်မြို့နယ် ရိုးကူးကျေးရွာအကြား ၌ တိုက်ပွဲဖြစ်ပွားခြင်းဖြစ်ပြီး တိုက်ပွဲကြာချိန် နာရီဝက်ကျော်ရှိခဲ့ကြောင်း ဆိုသည်။

တိုက်ပွဲအခြေအနေနှင့် ပတ်သက်ပြီး အသေးစိတ်မေးမြန်းနိုင်ရန် အဆိုပါ တော်လှန်ရေးအင်အားစုအဖွဲ့ထံ ဆက်သွယ်ခဲ့သော်လည်း အကြောင်းပြန်ကြားခြင်းမရှိသေးပေ။

အပြန်အလှန် ပစ်ခတ်မှုဖြစ်စဉ်အတွင်း စစ်ကောင်စီဘက်မှ လေးဦးထိခိုက်ဒဏ်ရာရပြီး နှစ်ဦးမှာ ဒဏ်ရာ ပြင်းထန်ကြောင်း OPRF PLA ဘက်က ဆိုထားပြီး ဆိုင်ကယ် သုံးစီး၊ ၅ ဒသမ ၅၆ ကျည်ဆံ ၂၅ တောင့်နှင့် ကျည်ဘောက်တခု သိမ်းဆည်းရမိခဲ့ကြောင်း ဓာတ်ပုံနှင့်တကွ ထုတ်ပြန်ထားသည်။

အဖိနှိပ်ခံပြည်သူ့တော်လှန်ရေးအင်အားစုအနေဖြင့် တိုက်ပွဲဖြစ်ပွားပြီးနောက် အဆိုပါနေရာအား ရှင်းလင်း ရေးလုပ်ဆောင်ခဲ့ပြီး ရဲဘော်များအားလုံး အထိအခိုက်မရှိ ပြန်လည်ဆုတ်ခွာလာနိုင်ခဲ့ကြောင်းလည်း ထုတ်ပြန်ချက်တွင် ဖော်ပြထားသည်။

ပြီးခဲ့သော ဩဂုတ်လ ဒုတိယပတ်အတွင်းကလည်း နေပြည်တော် ပျဉ်းမနားမြို့နယ်အတွင်းရှိ စစ်ကောင်စီ ၏ ဘို့မသံတောင်စခန်းကို PKS PDF ၁၀၀၄ တပ်ရင်းနှင့် သံတောင်မြောက်ပိုင်းအထူးဒေသအဖွဲ့တို့မှ ဝင်ရောက်တိုက်ခိုက်သိမ်းပိုက်မှု ဖြစ်ပွားခဲ့သေးသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#နေပြည်တော်
#စစ်ကောင်စီ
#တိုက်ပွဲဖြစ်ပွါး

ပုံအညွှန်း-တိုက်ပွဲဖြစ်ပွားပြီးနောက် သိမ်းဆည်းရမိသည့် ကျည်ဆံနှင့် ဆိုင်ကယ်များ (ဓာတ်ပုံ-OPRF PLA)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကိုရီးယားနိုင်ငံ၏ ဉာဏ်ရည်မြင့် စက်ရုပ်ပိုင်းလော့
====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​A man and a woman
==============

အချစ်ဆိုတာ ဘယ်လိုမျိုးလဲ

အချိန်နဲ့အမျှ ပြောင်းလဲနေတာမျိုးလား??

ဘဝရဲ့ အခိုက်အတန့်တစ်ခုမှာ အချစ်စစ်နဲ့ တွေ့တာမျိုးရော ရှိနိုင်လား? တကယ် တွေ့လိုက်ရတဲ့အချိန် အရာအားလုံး နှောင်းနေခဲ့ပြီ ဆိုရင်ရော??
ကိုယ့်ဘဝအတွက် မင်းလာချိန်ဟာ သိပ်နောက်ကျတယ် ဆိုတာမျိုးပေါ့

အမျိုးသမီး တစ်ယောက်
....
အထူးဂရုစိုက်မှုလိုတဲ့ သားတစ်ယောက်နဲ့ အလုပ်ကိစ္စကိုပဲ အချိန်ပေးနေတဲ့ လင်ယောက်ျားကို ပိုင်ဆိုင်ထားတယ် ...
ဘဝဟာ ပင်ပန်းလွန်းလို့ အကြင်နာ အယုအယတွေ တောင့်တမိတယ်၊ နောက်ဆုံး သူမအတွက် အဖော်ကတော့ စီးကရက်တစ်လိပ်ပါပဲ

အမျိုးသားတစ်ဦး
...
ပျော်ရွှင်မှုကို ပေးမယ်ထင်တဲ့ လမ်းတွေနောက် လိုက်ရင်း နောက်ဆုံး သူရခဲ့တာ ဘာလဲ ...အနာဂတ်ပျောက်ဆုံးခြင်းနဲ့ မရေရာမှုတွေပဲပေါ့..

ဘယ်သူ့ကိုများ ရင်ဖွင့်ပြီး ပြောပြလို့ရနိုင်မလဲ...စိတ်နဲ့ ခန္ဓာ တစ်စ တစ်စ ပင်ပန်းယိုယွင်းလာတာကို ...
ကံကြမ္မာဆိုတာလည်း အဆန်းသား... တိုက်ဆိုင်မှုဆိုပေမယ့် တမင်ဖြစ်အောင်လည်း လုပ်ခဲ့ကြတယ် ..ဒါပေမဲ့ ....အချိန်နှောင်းခဲ့ပြီမလား

ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် -
http://onelink.to/jnuwak

#New ပြသမည့်ရက်။ ။ ၂၁.၈.၂၀၂၃
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U"

ဂန့်ဂေါ၊ မင်းရွာရဲစခန်းကို ကာကွယ်ရေးပူးပေါင်းတပ်ဖွဲ့ စီးနင်းတိုက်ခိုက်၊ ရဲ ၅ ဦး သေဆုံး
=========================

ရောင်နီ
(မဇ္စျိမ)။ ။မကွေးတိုင်း၊ ဂန့်ဂေါမြို့နယ်ရှိ မင်းရွာနယ်မြေရဲစခန်းကို ၀င်ရောက်တိုက်ခိုက်ရာ စစ်ကောင်စီတပ်လက်အောက်ခံ ရဲတပ်ဖွဲ့၀င် ငါးဦး သေဆုံးခဲ့ကြောင်း ABSDF Column-3 က သတင်းထုတ်ပြန်သည်။

စစ်ကောင်စီနှင့်ရဲတပ်ဖွဲ့ဝင်များတပ်စွဲထားသည့် မင်းရွာနယ်မြေရဲစခန်းကို ပြည်သူ့ကာကွယ်ရေးပူးပေါင်းတပ်ဖွဲ့ ကိုး ဖွဲ့က ပြီးခဲ့သည့် သြဂုတ်လ ၁၅ ရက်နေ့၊ နံနက် ၅ နာရီခန့်တွင် စီးနင်းတိုက်ခိုက်ခဲ့ခြင်း ဖြစ်သည်။

"PDFတွေက ဝင်တိုက်တာ။ စစ်တပ်က လေကြောင်းကနေ ရွာကို အရမ်းလာပစ်တာ။ ရွာခံတွေက ရှောင်နေလို့မထိဘူး။ အိမ်တွေထိတယ်။ နွားတွေလည်းသေတယ်" ဟု ဒေသခံတဦးကပြောသည်။
တိုက်ခိုက်မှုအတွင်း စစ်ကောင်စီက တိုက်လေယာဥ်ဖြင့် ပေါင် ၃၀၀ ဗုံး ငါးလုံးကြဲပြီး ဂန့်ဂေါမြို့ရှိ အမြောက်တပ်ရင်းမှလည်း လက်နက်ကြီးများဖြင့် ပစ်ခတ်ခဲ့သည်ဟု ABSDF Column-3 က ယနေ့ဩဂုတ်လ ၂၁ရက်တွင် ထုတ်ပြန်သည်။

ထို့အပြင် တိုက်ပွဲဖြစ်ပွားရာနေရာသို့ ဂန့်ဂေါမြို့ရှိ စစ်ကောင်စီတပ်မှ ခန့်မှန်းအင်အား ၁၀၀ ခန့်ဖြင့် မြစ်သာမြစ်အရှေ့ဘက်ကမ်းမှတဆင့် စစ်ကူလာရောက်ခြင်းကြောင့် ယင်းနေ့ နံနက် ၉ နာရီခန့်တွင် ကာကွယ်ရေးတပ်ဖွဲ့များ ပြန်လည်ဆုတ်ခွာခဲ့ရကြောင်း သိရသည်။
တိုက်ပွဲအတွင်း စစ်ကောင်စီလက်အောက်ခံ ရဲတပ် ဖွဲ့၀င် ငါးဦးသေဆုံးကာ ကာကွယ်ရေးတပ်ဖွဲ့၀င် ရဲဘော် ငါး ဦး ထိခိုက်ဒဏ်ရာရရှိခဲ့သည်ဟု ABSDF Column-3 ၏ ထုတ်ပြန်ချက်တွင် ဖော်ပြသည်။

တိုက်ပွဲဖြစ်စဥ်နှင့် ပတ်သက်ပြီး အသေးစိတ်သိရှိနိုင်ရန် ABSDF Column-3 ထံ မဇ္စျိမက ဆက်သွယ်မေးမြန်းထားသော်လည်း ယနေ့ ညနေပိုင်းအထိ ပြန်လည်ဖြေကြားခြင်းမရှိသေးပေ။
မင်းရွာနယ်မြေရဲစခန်းကို ABSDF အမှတ် (၁၂) တပ်ရင်း၊ ဂန့်ဂေါခရိုင် PDF တပ်ရင်း(၁) ၊တပ်ရင်း (၇)၊ တပ်ရင်း (၁၁) ၊ တပ်ရင်း (၁၂) ၊တပ်ရင်း(၁၄) ၊ မင်းဘူးခရိုင် PDF တပ်ရင်း ၊ ဂန့်ဂေါမြို့နယ်ပကဖ၊ ထီးလင်းမြို့နယ် ပကဖ တို့ ပူးပေါင်းတိုက်ခိုက်ခဲ့ခြင်းဟု သိရသည်။ တိုက်ပွဲကြောင့်တိမ်းရှောင်နေသောဒေသခံပြည်သူများသည် ယနေ့နံနက်တွင် မင်းရွာသို့ ပြန်ဝင်လာခဲ့ကြကြောင်း သတင်းရရှိသည်။

စစ်ကောင်စီလေကြောင်းတိုက်ခိုက်မှုကြောင့် ထိခိုက်ပျက်စီးမှုအချို့ Photo/Cj
စာတည်း - ‌အေးချမ်း

#mizzima
#ဂန့်ဂေါမြို့
#မင်းရွာ
#တိုက်ပွဲ
#ABSDF Column-3
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မန္တလေးတွင် စစ်တပ်လှည့်ကင်းနှင့် တည့်တည့်တိုးသော အရပ်သား ၂ ဦး ပစ်ခတ်ခံရပြီး ၁ ဦး သေဆုံး
=====================

007
(မဇ္ဈိမ)။ ။ မန္တလေးမြို့တွင် ဆိုင်ကယ်တစီးကို လူနှစ်ဦးစီးပြီး အိမ်ပြန်လာသူနှစ်ဦးသည် စစ်ကောင်စီတပ်ဖွဲ့ လှည့်ကင်းနှင့် တည့်တည့်တိုးရာမှ သေနတ်ဖြင့် ပစ်ခတ်ခံရပြီး တဦးသေဆုံးသွားကြောင်း ဒေသခံများက မဇ္ဈိမကို ပြောသည်။

ထိုဖြစ်ရပ်သည် သြဂုတ်လ ၁၉ ရက်နေ့ ည ၁၁ နာရီခန့်က မန္တလေးမြို့၊ ပြည်ကြီးတံခွန်မြို့နယ်တွင် ဖြစ်ပွားခဲ့ခြင်း ဖြစ်သည်။
“သေနတ်သံနှစ်ချက်၊ သုံးချက်လောက်ကြားလိုက်ရပြီး ဆဲသံဆိုသံတွေလည်း ကြားတယ်၊ မနက်ကျတော့ ဟိုဘက်ရပ်ကွက်ထဲကလူနှစ်ယောက် အပစ်ခံရတယ်လို့ သိရတာပဲ၊ သူငယ်ချင်းနှစ်ယောက်သား အိမ်အပြန်နောက်ကျလို့ တအားမောင်းလာတာ၊ လမ်းမှာ စကစလှည့်ကင်းနဲ့တည့်တည့်တိုးပြီး အပစ်ခံလိုက်ရတာတဲ့၊ နှစ်ယောက်မှာ တယောက်ကသေတယ်၊ သေတဲ့အိမ်မှာ နာရေးပြင်ထားတယ်” ဟု လုံခြုံရေးအရအမည်မဖော်ပြလိုသူ တဦးက မဇ္ဈိမကို ပြောသည်။

ပြည်ကြီးတံခွန်မြို့နယ် (စ) ရပ်ကွက်၊ လမ်း ၆၀၊ ၁၂၄ လမ်းနှင့် ၁၂၅ လမ်းကြားနေထိုင်သော အသက် ၃၁ နှစ်အရွယ် တိုးကြီးနှင့် အသက် (၂၅) နှစ်အရွယ် ညိုကြီးတို့နှစ်ဦးသည် ထိုနေ့ ည ၁၁ ခန့်တွင် အလုပ်မှ ပြန်လာစဉ် ပစ်ခတ်ခံရခြင်း ဖြစ်သည်။

၎င်းတို့ နှစ်ဦးသည် (ဆ)ရပ်ကွက်၊ ၁၂၈ လမ်း၊ ၆၁ လမ်းနှင့် ၆၂ လမ်းကြား အရောက်တွင် ပစ်ခတ်ခံရခြင်း ဖြစ်သည်။
ဆိုင်ကယ်အနောက်တွင် ထိုင်လိုက်လာသူ ညိုကြီးသည် ၎င်း၏ ယာဘက်လည်ပင်းမှ ကျည်ဖောက်ထွက်ဒဏ်ရာဖြင့် မန္တလေးဆေးရုံအရောက်တွင် သေဆုံးသွားသည်။

ရှေ့မှမောင်းနှင်သူ တိုးကြီး၏ ယာဘက်လက်ပြင်တွင်လည်း ကျည်ဖောက်ဝင် ဒဏ်ရာများ ရရှိသွားပြီး လက်ရှိမန္တလေးဆေးရုံကြီးတွင် ဆေးကုမှု ခံယူနေသည်ဟု မန္တလေးတိုင်းရဲနှင့် နီးစပ်သော သတင်းရင်းမြစ်တဦးက မဇ္ဈိမကို ပြောသည်။

“နှစ်ယောက်စလုံးကို ဆေးရုံပို့ပေးခဲ့တယ်၊ ညိုကြီးက ဆေးရုံမှာပဲ ရရှိဒဏ်ရာနဲ့ သေတယ်၊ နောက်တယောက်လည်း အခြေအနေမကောင်းဘူး” ဟု ၎င်းက ပြောသည်။

မန္တလေးမြို့တွင် ပြီးခဲ့သည့် ဇွန်လ ၂၄ ရက်နေ့ ညကလည်း၊ မဟာအောင်မြေမြို့နယ် ရဲမွန်တောင်ရပ်ကွက်ရုံးရှေ့ ဖြတ်မောင်းသော ဆိုင်ကယ်စီး လူငယ်လေးဦး သေနတ်ဖြင့် ပစ်ခတ်ခံရပြီး တဦးသေဆုံးခဲ့သေးသည်။

စာတည်း။ ။ နောင်နောင်

#မန္တလေး
#ပစ်ခတ်ခံရ
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၂၁ ဩဂုတ် ၂၀၂၃) 
=====================

ပြည်သူများနှင့်ရပ်တည်မည်ဟု ပြောဆိုခဲ့သည့် ရွက်ဆစ် ဦးဆောင်သည့် RCSS အဖွဲ့သည် စစ်ကောင်စီ နှင့် ဆွေးနွေးမှုများ ပြုလုပ်နေသလို NCA ကို ဆက်လက်စွဲကိုင်ထားဟု ထုတ်ပြန်ကြေညာလိုက်သည့်အတွက် အပြော နှင့် လက်တွေ့မညီညွတ်သည်ကို‌ တွေ့ရသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မင်းအောင်လှိုင်အပါအဝင် ဗဟိုဘဏ်ထိပ်ပိုင်းခေါင်းဆောင်များကို ထောင်ထဲထည့်လိုက်ပါက ဒေါ်လာ၊ ရွှေပြသာနာများ ပြေလည်မည်ဟု NUG စီမံဘဏ္ဍာဝန်ကြီး ပြော
==================

002
(မဇ္ဈိမ)။ ။မင်းအောင်လှိုင်အပါအဝင် ဗဟိုဘဏ်ထိပ်ပိုင်းခေါင်းဆောင်များကို ထောင်ထဲထည့်လိုက်ပါက ဒေါ်လာ၊ ရွှေပြသာနာများ ပြေလည် မည်ဟု NUG စီမံကိန်း၊ ဘဏ္ဍာရေးနှင့် ရင်းနှီးမြုပ်နှံမှုဝန်ကြီး ဦးတင်ထွန်းနိုင်က ပြောသည်။

" အခုဖြစ်နေတဲ့ ငွေကြေးဖောင်းပွတာတွေ ဒေါ်လာစျေးတွေ ရွှေစျေးတွေကျချင်လို့ရှိရင် တကယ်တမ်းက ဒီလိုမျိုးရွှေသမား၊ ဒေါ်လာသမားပေါ့နော်။ ကားသမား၊ အိမ်ခြံမြေသမားတွေကို ဖမ်းပြီး တော့ ထောင်ထဲထည့်ရမှာမဟုတ်ဘူး။ တကယ်တမ်းက ဒီဟာတွေ အားလုံးကို ပြန်ပြီးတော့ ပြေလည်သွားစေချင်တယ် သူ့ဖြစ်သင့်ဖြစ် ထိုက်တဲ့အတိုင်း ပုံမှန်ဖြစ်ချင်လို့ရှိရင် ရွှေသမား၊ ဒေါ်လာသမားတွေ ကို ထောင်ထဲမထည့်ပါနဲ့။ မင်းအောင်လှိုင်နဲ့အပေါင်းအပါတွေရယ်၊ သူ့အကြိုက် အလိုက်ဆောင်ပြီး မြှောက်ထိုးပင့်ကော်နဲ့ မြှောက်ပေး နေတဲ့ မြန်မာနိုင်ငံတော်ဗဟိုဘဏ်က ပေါ့နော် တာဝန်ရှိတဲ့ထိပ်ပိုင်း ငွေကြေးမူဝါဒချမှတ်ထားတဲ့ပုဂ္ဂိုလ်တွေကိုပါ ထောင်ထဲထည့်လိုက် ပါ။ သူတို့ကိုသာဖမ်းပြီး ထောင်ထဲထည့်လိုက် ဒီကိစ္စတွေက ပြေလည်သွားပါလိမ့်မယ်" ဟု ဦးတင်ထွန်းနိုင်က ကိုမင်းကိုနိုင်နှင့် စကား ပြောစဉ် ပြောသည်။

စျေးတက်လာပါက စီးပွားရေးသမားများကို ဖမ်းဆီးထောင်ချခြင်းမှာ အာဏာရှင်၏ ဓလေ့စရိုက်ဖြစ်ကြောင်း၊ မဆလခေတ်တွင် ဇူစကာ စစ်ဆင်ရေးဖြင့် စီးပွားရေးသမားများကို ဖမ်းဆီးထောင်ချခြင်းများ ရှိခဲ့သည်ဟု ဝန်ကြီးက ပြောသည်။

" အာဏာရှင်သင်ရိုးညွန်းတမ်းထဲမှာ ဘယ်ခေတ်ဖြစ်ဖြစ် ဘယ်အာ ဏာရှင်ဖြစ်ဖြစ် ဒီအချိုးပဲ" ဟု ဦးတင်ထွန်းနိုင်က ပြောသည်။
စူဇကာစစ်ဆင်ရေးမစတင်မီတွင် ဝိသမလောဘသားများကြောင့် စျေးနှုန်းများ မြင့်တက်ရခြင်းဖြစ်သည်ဟု ဝါဒဖြန့်ခြင်းများရှိခဲ့ပြီး ယခုစစ်ကောင်စီခေတ်တွင်လည်း တစ်ပုံစံတည်း ပြုလုပ်လာသည် ဟု ကိုမင်းကိုနိုင်နှင့် ပြည်ထောင်စုဝန်ကြီးတို့က တညီတညွတ် တည်းပြောသည်။

အာဏာသိမ်းပြီးချိန်မှစပြီး နှစ်နှစ်တာကာလအတွင်းစစ်ကောင်စီက ရိုက်ထုတ်ခဲ့သည့် ငွေကျပ် ဘီလျံ နှစ်သောင်းရှိကြောင်း ရရှိထားသော အထောက်အထားများကို ကိုးကားပြီး ဦးတင်ထွန်းနိုင်က ပြောသည်။

" တစ်ဘီလျံမှာ မြန်မာငွေ သိန်းတစ်သောင်းရှိတယ်။ သူရိုက်ထုတ် ခဲ့တဲ့နှစ်နှစ်တာကာလအတွင်းမှာ ဘီလျံပေါင်း နှစ်သောင်းရိုက်ထုတ် တယ်။ ဒါက ကျွန်တော်တို့ရဲ့ တိုင်းပြည်ရဲ့ စီးပွားရေးထဲမှာ ငွေစက္ကူတွေက ဘယ်လောက်ပမာဏအလုံးအရင်းနဲ့ စီးဝင်နေပြီလဲ ဆိုတဲ့ကိစ္စကို ကျွန်တော်တို့မြင်တွေ့ရတယ်" ဟု ဝန်ကြီးက ပြောသည်။
စစ်ကောင်စီ လက် အောက်ခံ ဗဟိုဘဏ်က သြဂုတ် ၁၉ ရက်တွင် နေပြည်တော်၌ စီးပွားရေး သမားများကို ခေါ်ယူတွေ့ဆုံပြီး ဒေါ်လာစျေးကစားသူများ၊ လူမှုကွန်ရက်တွင် ဒေါ်လာစျေး သတင်းများ ဖြန့်ဝေသူများကို အရေးယူမည်ဟု ပြောသည်။

သြဂုတ် ၂၁ ရက်တွင် အမေရိကန်ဒေါ်လာနှင့် ကျပ်ငွေလဲလှယ်နှုန်းမှာ တစ်ဒေါ်လာလျှင် ကျပ် ၃၅၀၀ ကျော်ဖြင့် စျေးပိတ်ခဲ့သည်။
ဗဟိုဘဏ် ဥက္ကဌတာဝန်ယူထားသူမှာ သေနတ်ဖြင့် အပစ်ခံရသော် လည်း မသေဆုံးခဲ့သည့် ဒေါ်သန်းသန်းဆွေဖြစ်ပြီး ဥက္ကဌဟောင်းမှာ ဦးသန်းညိန်းဖြစ်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဗေဒါပင်ရဲ့ အကျိုးကျေးဇူးများ | Nature Article

Watch more detail - https://youtu.be/CAZ1UYMT_mA

#NatureArticle #mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts

National Unity Government (NUG)၏ PVTV Channel မှ ၂၀၂၃ ခုနှစ် သြဂုတ်လ ၂၁ ရက်ထုတ်လွှင့်မှုများ
===================

https://youtu.be/dFstmUIX3WE

​​IIang: The wolf brigade
=============

ကမ္ဘာလုံးဆိုင်ရာနိုင်ငံရေးမငြိမ်သက်မှုတွေနဲ့ ဒေသတွင်း အင်အားပြိုင်ဆိုင်မှုအခြေအနေတွေကြောင့် တောင်နဲ့မြောက်ကိုရီးယားနှစ်နိုင်ငံ ပေါင်းစည်းဖို့အခြေအနေဖြစ်လာခဲ့ပါတယ်... အဲ့ဒ်ီလိုပေါင်းစည်းဖို့ကိုမလိုလား ကန့်ကွက်တဲ့သူတွေကနေ Sect ဆိုတဲ့ မြေအောက်ဆန့်ကျင်ရေးဂိုဏ်းတစ်ခုပေါ်လာတယ်...

တဖြည်းဖြည်းအင်အားကောင်းလာပြီး သာမန်ရဲတပ်ဖွဲ့နဲ့ ရင်ဆိုင်လို့မရတော့တဲ့အခြေအနေဖြစ်လာတာကြောင့် သမ္မတက Sect ကိုနှိမ်နှင်းဖို့ အထူးတပ်ဖွဲ့ကို ဖွဲ့စည်းလိုက်တယ်....တစ်ဖက်မှာလည်း ပြည်ထဲရေးကိုယ်စားပြု ပြည်သူ့လုံခြုံရေးအဖွဲ့ဆိုပြီး အပြိုင်အဆိုင်တွေရှိလာတယ်...

စစ်ဆင်ရေးတစ်ခု လုပ်ရာက အမှားအယွင်းဖြစ်ပြီး အထူးတပ်ဖွဲ့က အပြစ်မဲ့ မိန်းကလေးငယ် ၁၅ ဦးကို မှားယွင်းသတ်ဖြတ်ခဲ့မိတယ်....အဲ့ဒီနောက်ပိုင်းမှာ အများရဲ့ ဝေဖန်ပြစ်တင်မှုကို ခံခဲ့ရပြီး အထူးတပ်ဖွဲ့ဝင်တွေဟာ သူတို့ရဲ့ သရုပ်မှန်ကို မျက်နှာဖုံးတွေနဲ့ ကွယ်ဝှက်ခဲ့ကြသလို ပိုပြီးလည်း ရက်စက်ကြမ်းတမ်းလာခဲ့ကြတယ်....

ဒီထဲမှာမှ လူသားဆန်တဲ့ တပ်ဖွဲ့ခေါင်းဆောင် လင် နဲ့ Sect အဖွဲ့ဝင်ဟောင်းဖြစ်လို ပြည်သူ့လုံခြုံရေးနဲ့ ပူးပေါင်းလှုပ်ရှားနေတဲ့ ယွန်းမီတို့ ဆုံမိကြပြီး ချစ်ကြိုးသွယ်မိခဲ့ကြတယ်....

နိုင်ငံတော်အာဏာသိမ်းဖို့ တာဆူနေတဲ့ ပြည်သူ့လုံခြုံရေးအဖွဲ့က ယွန်းမီကိုအသုံးချပြီး လင်ကနေတဆင့် အထူးတပ်ဖွဲ့က်ို ဖြုတ်ချနိုင်ဖို့ ဘယ်လိုလှည့်ကွက်တွေသုံးမလဲ... အထူးတပ်ဖွဲ့ကရော ဘယ်လိုတုန့်ပြန်မလဲ... Action ဇာတ်လမ်းတွေ နှစ်ခြိုက်သူများအတွက်​တော့ သဘောကျစေမယ့် ဇာတ်ကားတစ်ကားပါ ....

နာမည်ကြီးမင်းသားမင်းသမီးတွေဖြစ်တဲ့ ဂန်ဒေါင်ဝူး ဂျူဝူးဆောင်းနဲ့ ဟန်ဟျိုဂျူးတို့ အဓိကပါဝင်သရုပ်ဆောင်ထားပါတယ်...
ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့ Mizzima TV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် - https://bit.ly/44WaGEU

#New ပြသမည့်ရက်။ ။ ၂၂.၈.၂၀၂၃
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”