အခုအချိန်ဟာစစ်ကောင်စီနဲ့တွေ့ဆုံဆွေးနွေးပြောဆိုရမယ့်အချိန်မဟုတ်ဘူးလို့ NUG နိုင်ငံခြားရေးဝန်ကြီးပြော
===============

စစ်ကောင်စီ နဲ့ တွေ့ဆုံဆွေးနွေးရေးပြောဖို့ အချိန်မဟုတ်ဘူး လို့ အမျိုးသားညီညွတ်ရေးအစိုးရ NUG ရဲ့ နိုင်ငံခြားရေးဝန်ကြီး ဒေါ်ဇင်မာအောင်က သြဂုတ်လ ၂၉ ရက်နေ့က ပြုလုပ်တဲ့ နိုင်ငံခြားရေးမူဝါဒ သတင်းစာရှင်းလင်းပွဲမှာ ထည့်သွင်းပြောကြားပါတယ်။

အာဆီယံ ဘုံသဘောတူညီချက် ၅ ချက်ထဲပါဝင်တဲ့ အပြုသဘောဆောင်တဲ့ တွေ့ဆုံဆွေးနွေးပြီး ငြိမ်းချမ်းတဲ့ အဖြေရှာဖို့ဆိုတာနဲ့ပတ်သက်လို့ အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်က အခုလို ပြောကြားလိုက်တာပါ။

စစ်ကောင်စီနဲ့ ငြိမ်းချမ်းရေးသဘောအရ တွေ့ဆုံဆွေးနွေးဖို့ တိုက်တွန်းပြောဆိုတာက စစ်ကောင်စီကို နိုင်ငံရေးအရ ထွက်ပေါက်ဆီသွားဖို့ အချိန်ပေးနေတာဖြစ်ပြီး လက်ရှိ စစ်တပ်ကျူးလွန်နေတဲ့ အကြမ်းဖက်ဖိနှိပ်မှုတွေကို ပိုဆိုးဝါးစေတယ်လို့ ဒေါ်ဇင်မာအောင်က ပြောပါတယ်။

 ဒိုင်ယာလော့ဂ် လို့ပြောရင် စစ်ကောင်စီ နဲ့ NUG နှစ်ဖွဲ့ ဆွေးနွေးရုံနဲ့ မပြီးဘူး လို့ ဆိုပါတယ်။

ဖက်ဒရယ် ပဋိညာဉ် မှာပါတဲ့ နွေဦးတော်လှန်ရေးရဲ့ အန္တိမပန်းတိုင်တွေအတိုင်း နိုင်ငံရေးအင်အားစုတွေ၊ သပိတ်အင်အားစုတွေ၊တိုင်းရင်းသားအင်အားစုတွေ နဲ့ တသဘောထဲ ရပ်တည်ပြီး နိုင်ငံရေးဆုံးဖြတ်ချက်တွေ၊ တိုင်းပြည်ရဲ့ အနာဂတ်နဲ့ပတ်သက်တာတွေ ကို ဆွေးနွေးညှိနှိုင်းဆောင်ရွက်သွားမှာဖြစ်တယ် လို့ နိုင်ငံခြားရေးဝန်ကြီးက ပြောပါတယ်။

ဒိုင်ယာလော့ဂ် လို့ပြောရင် အချိန်အခါနဲ့ ပတ်ဝန်းကျင်ဟုတ်မဟုတ်ဆိုတာကို အရင်ဆုံးသုံးသပ်ဖို့ လိုတယ် လို့ သူကပြောပါတယ်။
လက်ရှိမှာ စစ်ကောင်စီအနေနဲ့ ၂၀၂၄ ခုနှစ်မှာ ပြည်လုံးကျွတ်သန်းကောင်စာရင်း ကောက်ယူဖို့ ပြင်ဆင်နေတယ်လို့ ထုတ်ဖော်ပြောဆိုတာတွေ ရှိနေတဲ့အတွက် တွေ့ဆုံညှိနှိုင်းရေးကို အကြောင်းပြပြီး ရွေးကောက်ပွဲပြုလုပ်ဖို့ ရည်ရွယ်ဦးတည်နေတာလို့ နိုင်ငံခြားရေးဝန်ကြီးက ဆက်ပြောပါတယ်။
 
ဒီသတင်းစာရှင်းလင်းပွဲမှာ NUG ဝန်ကြီး ‌ဒေါ်ဇင်မာအောင်၊ ဒုဝန်ကြီး ဦးမိုးဇော်ဦး နဲ့ သံအမတ်ကြီး ဦးကျော်မိုးထွန်း တို့ ပါဝင်ဖြေကြားခဲ့ကြပါတယ်။

ဦးမိုးဇော်ဦးက စစ်ကောင်စီအပေါ် ပိတ်ဆို့မှုတွေ ထပ်လုပ်ဖို့ နိုင်ငံတကာကို တိုက်တွန်းခဲ့ပါတယ်။

အလားတူ သံအမတ်ကြီး ဦးကျော်မိုးထွန်း ကလည်း ကုလသမဂ္ဂလုံခြုံရေးကောင်စီအနေနဲ့ စစ်ကောင်စီအပေါ် အရေးယူမှုပါတဲ့ ဆုံးဖြတ်ချက်တွေ ချမှတ်ဖို့ တိုက်တွန်းပြောဆိုသွားခဲ့ပါတယ်။
စစ်ကောင်စီ ပြောခွင့်ရ ဗိုလ်ချုပ် ဇော်မင်းထွန်းကတော့ NUG၊ CRPH နဲ့ PDF တွေအနေနဲ့ အကြမ်းဖက်လုပ်ရပ်တွေကို မလုပ်တော့ကြောင်း ဝန်ခံချက်ပေးပြီး ကမ္ဘာသိကြေညာချက် ထုတ်ပြန်ပေးမှသာ တွေ့ဆုံဆွေးနွေးနိုင်မယ်လို့ ဩဂုတ် ၂၂ ရက် ပြုလုပ်ခဲ့တဲ့ စစ်ကောင်စီ သတင်းစာရှင်းလင်းပွဲမှာ ပြောဆိုခဲ့ပါတယ်။

https://youtu.be/dp8jkAAtBto?si=8tbD8kFIH4I0tGt1

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ဇနီးဟောင်းကို ဓားဖြင့်ထိုးသတ်သတ်ဖြတ်
================

ဖားကန့်မြို့တွင် ဇနီးဟောင်းဖြစ်သူကို နေအိမ်အတွင်း ဓားဖြင့်ဝင်ရောက်ထိုးသတ်ခဲ့သည်ဆိုမှု ဩဂုတ် ၂၉ ရက်နေ့ နံနက်က ဖြစ်ပွားခဲ့သည်။

ကချင်ပြည်နယ် ဖားကန့်မြို့ မှော်ဝမ်းရပ်ကွက် ဆွတ်ငိုင်ယန်ကျေးရွာနေ ဒေါ်မိုးမိုးအောင် (ခ) အငယ်လေး (အသက် ၃၅ နှစ်) ကို ဦးထွန်းမင်းညီက ဓားဖြင့်ထိုးရာ အခင်းဖြစ်ပွားရာနေရာမှာပင် သေဆုံးသွားခဲ့သည်ဟုဆိုသည်။

အခင်းဖြစ်ပွားချိန်တွင် နံနက် ၈ နာရီခွဲခန့်က နေအိမ်တွင် ဒေါ်မိုးမိုးအောင်၏ ကလေးအငယ်ဆုံးနှင့် ဆိုင်တွင် လာရောက်ကူပေးနေသည့် မိန်းကလေးတစ်ယောက်လည်း ရှိနေခဲ့သည်။ အသက် ၄၀ နှစ်အရွယ် ဦးထွန်းမင်းညီက ဒေါ်မိုးမိုးအောင်ကို သတ်ဖြတ်ပြီးနောက် အဆိုပါ ဆိုင်အကူမိန်းကလေးကို ယင်းအကြောင်းကို ပြန်ပြောပါက သတ်ပစ်မည်ဟုပါ ခြိမ်းခြောက်သွားခဲ့သည်ဟု ဆိုသည်။

သေဆုံးသူ၏ ခန္ဓာကိုယ်ပေါ်တွင် ဓားချက်များနှင့် ဒဏ်ရာများတွေ့ခဲ့ရသည်ဟု ရုပ်အလောင်းကို မျက်မြင်တွေ့သူတဦးက ပြောသည်။

တရားခံဟုစွပ်စွဲခံထားရသော ဦးထွန်းမင်းညီနှင့် ကျောက်အရောင်းအဝယ်လုပ်သူ ဒေါ်မိုးမိုးအောင်တို့သည် ပြီးခဲ့သည့် ဩဂုတ်လ ၁၇ ရက်ကမှ တရားဝင်ကွာရှင်းပြတ်စဲထားသူများဖြစ်သည်။

ဓာတ်ပုံ- ဓါးဖြင့်ထိုးခံရသူ ဒေါ်မိုးမိုးအောင်နှင့် တရားခံဟု စွပ်စွဲခံထားရသူ ဦးထွန်းမင်းညီ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

August - 30 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

ဝန်ကြီးချုပ်ဟောင်း အင်မရန်ခန်းရဲ့ထောင်ဒဏ်ကို ပါကစ္စတန်တရားရုံးဆိုင်းငံ့
==================

https://youtu.be/WLQHDJ74lIk?si=0SZaxBkv0JEJfccu

တရုတ်-မြန်မာ နယ်စပ်အနီး စစ်တပ်နဲ့ TNLA တိုက်ပွဲပြင်းထန်

Watch more detail - https://youtu.be/AXdvvbRJwBc

#PoliticalNews
#reels
#shorts
#MizzimaTV

မြန်မာနဲ့ အရှေ့တောင်အာရှဒေသမှာ အွန်လိုင်းငွေလိမ်ဂိုဏ်းတွေမှာ လူပေါင်း သိန်းနဲ့ချီ အဓမ္မခိုင်းစေခံနေရကြောင်း ကုလထုတ်ပြန်
===============

မြန်မာနိုင်ငံအပါအဝင် အရှေ့တောင်အာရှနိုင်ငံတွေက သိန်းနဲ့ချီတဲ့ ပြည်သူတွေဟာ ရာဇဝတ်ဂိုဏ်းတွေရဲ့ ခြိမ်းခြောက်နှိပ်စက် ညှဉ်းဆဲခံရပြီး အွန်လိုင်းလိမ်လည်မှုလုပ်ငန်းတွေမှာ အဓမ္မစေခိုင်းတာခံနေရတယ်လို့ ကုလသမဂ္ဂက ဩဂုတ် ၂၉ ရက်နေ့က အစီရင်ခံစာ ထုတ်ပြန်လိုက်ပါတယ်။

အများစုဟာ ဆိုက်ဘာရာဇဝတ်မှုတွေကို ကျူးလွန်ဖို့အတွက် လူကုန်ကူးခံရပြီး၊ လိင်ပိုင်းဆိုင်ရာ အကြမ်းဖက်မှုလို ပြင်းထန်တဲ့ ညှဉ်းပန်းနှိပ်စက်မှုတွေကို ရင်ဆိုင်နေရတယ်လို့ အစီရင်ခံစာမှာ ဖော်ပြထားပါတယ်။

စေခိုင်းခံရသူတွေဟာ ရာဇဝတ်သားတွေ မဟုတ်ပါဘူး။ သားကောင်တွေသာ ဖြစ်ကြပါတယ် လို့ ကုလသမဂ္ဂလူ့အခွင့်အရေးဆိုင်ရာ မဟာမင်းကြီး Volker Turk က ပြောပါတယ်။

အွန်လိုင်းလိမ်လည်မှုတွေမှာ အတင်းအကြပ် ခိုင်းစေခံရတဲ့သူတွေဟာ ရာဇဝတ်မှုတွေ ကျူးလွန်ဖို့ ကို အတင်းအကြပ် ဖိအားပေးခံရချိန်မှာ လူမဆန်တဲ့ ဆက်ဆံမှုတွေကိုပါ ခံစားကြရတယ် လို့Volker Turk က အစီရင်ခံစာမှာ ပြောပါတယ်။ 
မြန်မာနိုင်ငံက လူပေါင်းတစ်သိန်းနှစ်သောင်းကျော်နဲ့ ကမ္ဘောဒီးယားနိုင်ငံက လူတစ်သိန်းလောက်ဟာ အွန်လိုင်းကနေ ငွေကြေးလိမ်လည်ဖို့ အတင်းအဓမ္မဖိအားပေး စေခိုင်းခံနေရတယ်လို့ ယုံကြည်ရတဲ့ သတင်းရင်းမြစ်တွေက ခန့်မှန်းထားပါတယ်။

လာအို၊ ဖိလစ်ပိုင်နဲ့ ထိုင်းနိုင်ငံတွေကတော့ ကြားခံလုပ်ဆောင်နေတဲ့ နိုင်ငံတွေဖြစ်နေတယ်လို့ ထုတ်ပြန်ချက်မှာဖော်ပြထားပါတယ်။
အွန်လိုင်းရာဇဝတ်ဂိုဏ်းတွေဟာ နှစ်စဉ် ဒေါ်လာဘီလီယံနဲ့ချီကာ ဝင်ငွေရနေပြီး၊ လိမ်လည်ခံရသူအများစုဟာ အာဆီယံအဖွဲ့ဝင် နိုင်ငံတွေ၊ တရုတ်ပြည်မကြီး၊ ဟောင်ကောင်၊ ထိုင်ဝမ်၊ တောင်အာရှ၊ အာဖရိကနဲ့ လက်တင်အမေရိကတို့က အများစုဖြစ်တယ်လို့လည်း ပြောပါတယ်။ 

သားကောင်ဖြစ်ရသူတွေရဲ့ အရေအတွက်အတိအကျဟာ သက်ဆိုင်ရာနိုင်ငံတွေအလိုက် အာဏာပိုင်တွေရဲ့ တုံ့ပြန်မှုတွေပေါ်မှာ မူတည်နေတယ်လို့ အစီရင်ခံစာမှာ ဖော်ပြပါတယ်။
အွန်လိုင်းလိမ်လည်မှုမှာ လူကုန်ကူးခံရသူအများစုဟာ အမျိုးသားတွေဖြစ်ပေမဲ့ အမျိုးသမီးတွေနဲ့ ဆယ်ကျော်သက်တွေလည်း ပါတယ်လို့ အစီရင်ခံစာမှာ ဖော်ပြထားပါတယ်။ 

ဒီငွေလိမ်ဂိုဏ်းတွေ ကြီးထွားလာတာဟာ ကိုဗစ်ရောဂါဖြစ်ပွားပြီးနောက် လုပ်ငန်းတွေလည်ပတ်မှု ရပ်တန့်သွားတာ၊ လောင်းကစားရုံတွေ ပိတ်သိမ်းရတဲ့နောက်ပိုင်း ပိုမိုများလာတာဖြစ်တယ်လို့ ပါရှိပါတယ်။

ငွေလိမ်ဂိုဏ်းတွေဟာ လောင်းကစားဝိုင်းတွေထက် နေရာအကျယ်အဝန်း သိပ်မလိုဘဲ နိုင်ငံရေးနဲ့ စစ်ရေးပဋိပက္ခတွေဖြစ်နေတဲ့နိုင်ငံ နယ်စပ်ဒေသတွေမှာ လှုပ်ရှားကြတယ်လို့အစီရင်ခံစာမှာ ဖော်ပြထားပါတယ်။

တရုတ်နဲ့ထိစပ်နေတဲ့ မြန်မာနယ်စပ်ဒေသတွေဟာ အွန်လိုင်းလိမ်လည်ဂိုဏ်းတွေ ကျင်လည်ရာဒေသဖြစ်နေပြီး ဒီ အခြေအနေဟာ တရုတ်နိုင်ငံသားတွေနဲ့ တရုတ်ပြည်သူ့အကျိုးစီးပွားအပေါ် ပြင်းပြင်းထန်ထန် သက်ရောက်မှုရှိ တဲ့အကြောင်း ထောက်ပြခဲ့သလို ဒီဂိုဏ်းတွေကို တိတိကျကျနှိမ်နင်းဖို့ မြန်မာ-တရုတ်နဲ့ ထိုင်းနိုင်ငံတို့ ထိထိရောက်ရောက်ပူးပေါင်းဆောင်ရွက်ဖို့နဲ့ ပိတ်မိနေတဲ့တရုတ်နိုင်ငံသားတွေကို အချိန်နဲ့တပြေးညီ ကယ်ဆယ်ဖို့ လည်း တရုတ်နိုင်ငံခြားရေးဝန်ကြီး ချင်းဂန်းက မြန်မာပြည်ကိုလာရောက်စဉ် စစ်ကောင်စီဘက်ကို တိုက်တွန်းသွားပါတယ်။
အခုလို အရှေ့တောင်အာရှ နိုင်ငံတွေမှာ ဖြစ်နေတဲ့ ဆိုက်ဘာရာဇဝတ်မှုတွေကို သေချာကိုင်တွယ်ဖြေရှင်းရာမှာ သက်ဆိုင်ရာ အာဏာပိုင်တွေရဲ့ တုံ့ပြန်မှု ကွာဟချက်ကြောင့် အခက်အခဲရှိတယ်လို့လည်းထုတ်ပြန်ချက်မှာ ဖော်ပြထားပါတယ်။

https://youtu.be/e2s2IE_6_Fk?si=-W8gyAyl756iEA_2

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​တောင်သူများ၏ နှမ်းခင်းကို PDF များ ဓားပြတိုက်သည်ဆိုသော သတင်းအမှား 
=============

ZZ

(မဇ္ဈိမ)။ ။မကွေးတိုင်း၊ ယောနယ်တွင် တောင်သူများ၏နှမ်းခင်းများကို ဒေသခံ ပြည်သူ့ကာကွယ်ရေးတပ် များက ဓားပြတိုက်သည်ဆိုသော သတင်းပျံ့နှံ့လျက်ရှိနေသည်။ ယင်းမှာ မှားယွင်းနေသည်။ 

မှိုင်းဝေ တယ်လီဂရမ်ချန်နယ်က ဩဂုတ်လ ၂၄ ရက်နေ့တွင် “နှမ်းခင်းကို ဓါးပြတိုက် ခွေးကို သတ်စားတဲ့ PDF” (မူရင်းအရေးအသားအတိုင်း)ဟုဆိုကာ ယောနယ်တွင် တောင်သူများ၏နှမ်းခင်းများကို PDF များက ဓါးပြတိုက် ရိတ်သိမ်းပြီး နှမ်းခင်းပိုင်ရှင်နှင့်ပါလာသည့် အိမ်မွေးခွေးကိုသတ်စားသွားကြောင်း ဖြန့်ဝေထား သည်။ ထိုဖြန့်ဝေမှုတွင် ပြောက်ကျားဝတ်စုံ ဝတ်ဆင်ထားသူများက နှမ်းခင်းရိတ်သိမ်းနေသည့်ပုံ နှစ်ပုံ ပါဝင်သည်။ 

ထိုအကြောင်းသည် တယ်လီဂရမ်တွင် ချန်နယ်နှင့် ဂရု(ပ်) ၁၀ ခု၌ ပျံ့နှံ့နေပြီး ကြည့်ရှုသူ ၅၄,၀၀၀ ကျော် နေပြီဖြစ်သည်။ အလားတူပင် ဖေ့စ်ဘုတ်တွင်လည်း ပျံ့နှံ့လျက်ရှိနေသည်။ 
မဇ္ဈိမ၏ အချက်အလက်စစ်ဆေးသူများက ထိုအကြောင်းကို စစ်ဆေးခဲ့ရာတွင် သတင်းတုဖြစ်ကြောင်း အတည်ပြုနိုင်ခဲ့သည်။ 

နှမ်းခင်းရိတ်သိမ်းနေသည့် မူရင်းပုံမှာ “ယောဒေသ ပြည်သူ့ကာကွယ်ရေးတပ်ဖွဲ့”၏ ဖေ့စ်ဘုတ်စာမျက်နှာ ၌ ဩဂုတ်လ ၂၃ ရက်နေ့က ဖော်ပြထားသည်။ ယောဒေသတွင် နှမ်းခင်းရိတ်သိမ်းချိန်နှင့် စပါးစိုက်ပျိုးချိန် တွင် တောင်သူများ၏ လယ်ယာလုပ်သားရှားပါးမှုအခက်အခဲကို ကူညီသည့်အနေဖြင့် ယောဒေသပြည်သူ့ ကာကွယ်ရေးတပ်ဖွဲ့ဝင်များ ဝင်ရောက်ကူညီလုပ်ကိုင်နေကြောင်း ဖော်ပြထားသည်။
လင့်- https://bit.ly/3KZAice

ထိုအကြောင်းကို မြေလတ်အသံမီဒီယာကလည်း “လယ်ယာလုပ်သားရှားပါးလို့ အလုပ်သမားငှားမရတဲ့ တောင်သူတွေကို PDF တွေ ကူညီပေး” ဟု ဩဂုတ်လ ၂၃ ရက်နေ့တွင် သတင်းဖော်ပြထားသည်။
လင့်- https://bit.ly/3sBSD8N

မဇ္ဈိမက ယောဒေသပြည်သူ့ကာကွယ်ရေးတပ်ဖွဲ့သို့ နှမ်းခင်းများကူညီရိတ်သိမ်းပေးခဲ့သည့်ဖြစ်စဉ်အား မေးမြန်းရာတွင် “ကျွန်တော်တို့ အခုလို နှမ်းခင်းတွေကို စေတနာနဲ့ အခမဲ့ဝိုင်းကူညီတာ သုံးနှစ်ရှိပါပြီ။ ပုံထဲ မှာပါတဲ့ခွေးမလေးနာမည်က မီကိုဖြစ်ပါတယ်။ ချစ်လို့မွေးထားတဲ့ခွေးတော့ ဘယ်သတ်မလဲဗျ” ဟု ပြန် လည်ဖြေကြားသည်။ 

ထို့ကြောင့် ယောဒေသပြည်သူ့ကာကွယ်ရေးတပ်ဖွဲ့က နှမ်းခင်းကို ဓါးပြတိုက်ခြင်း၊ ခွေးကိုသတ်စားခြင်း မဟုတ်ဘဲ ကူညီလုပ်ကိုင်ပေးခြင်းသာ ဖြစ်သည်။ ထို့အတူ ပုံတွင်ပါဝင်သော ခွေးကိုလည်း သတ်ဖြတ်ခဲ့ ခြင်းမရှိပေ။ 

ယခုကဲ့သို့ပင် ဒေသခံပြည်သူ့ကာကွယ်ရေးတပ်ဖွဲ့များ လယ်ကူစိုက်ပေးနေသည်ကို မန္တလေး PDF က လယ်မြေအားဓားပြတိုက်သိမ်းယူဟု သတင်းမှားအဖြစ် ပုံဖျက်ရေးသားခြင်းကို ၂၀၂၃ ခုနှစ် ဇူလိုင်လ အတွင်းကလည်း တွေ့ရှိခဲ့သည်။ ထိုအကြောင်းကို မဇ္ဈိမမှအချက်အလက် စစ်ဆေးခဲ့ပြီး ဖြစ်သည်။
လင့် - https://bit.ly/3OWzHcn

ထို့ကြောင့် ယောနယ်တွင် PDF များ နှမ်းခင်းကိုဓါးပြတိုက်သည်ဆိုသောသတင်းမှာ ဖြစ်စဉ်အမှန်အပေါ် အခြေခံကာ အကြောင်းအရာအားပြုပြင်ပြီး ပြန်လည်ဖြန့်ဝေထားသည့် သတင်းအမှားသာ ဖြစ်သည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News 
#ယောမြို့နယ်
------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တရုတ်-မြန်မာ နယ်စပ်အနီး စစ်တပ်နဲ့ TNLA တိုက်ပွဲပြင်းထန် 
=================

ရှမ်းပြည်နယ်မြောက်ပိုင်း တရုတ်-မြန်မာနယ်စပ် မူဆယ်မြို့နယ် ခိုမုန်းရွာအနီးမှာ သြဂုတ်လ ၂၈ ရက်နေ့က စစ်ကောင်စီတပ်နဲ့ တအာင်းအမျိုးသားလွတ်မြာက်ရေး တပ်မတော် TNLA တို့ တစ်နေကုန်နီးပါး တိုက်ပွဲဖြစ်ခဲ့ပြီး း စစ်ရေးအခြေအနေ ဆက်လက်တင်းမာနေတယ်လို့ သိရပါတယ်။

ခိုမုန်းရွာဘက်ကို နမ့်ဖက်ကာမှာရှိတဲ့ စစ်ကောင်စီရဲ့ ၁၂၃ တပ်ဘက်ကနေ လက်နက်ကြီးတွေနဲ့လည်း ပစ်ခတ်တိုက်ခိုက်ပေးခဲ့တယ်လို့ TNLA ဘက်က သတင်းထုတ်ပြန်ထားပါတယ်။
ဒါဟာ တရုတ်နယ်စပ်နဲ့ တစ်ကီလိုမီတာကျော်သာကွာဝေးတဲ့ TNLA ရဲ့ တပ်မဟာ ၁ စစ်ဒေသထဲက ခိုမုန်းရွာဘက်ကို စစ်ကောင်စီက ပြည်သူ့စစ်တွေအပါအဝင် စစ်ကြောင်း ၅ ကြောင်းနဲ့ ထိုးစစ်ဆင်လာခဲ့တာကြောင့် တိုက်ပွဲပြင်းထန်ခဲ့တာလို့ TNLA က ပြောပါတယ်။

ခိုမုန်းကျေးရွာဟာ တရုတ်နယ်စပ်နဲ့ ၁.၅၄ ကီလိုမီတာသာ ကွာဝေးပြီး အကြမ်းဖက် စစ်တပ်ရဲ့ တပ်မ ၉၉ လက်အောက်ခံ ၄၂၁၊ ၄၂၃၊ ၅၇၇ တပ်ရင်းများနဲ့ ပြည်သူ့စစ် တပ်ဖွဲ့များ ဖြစ်တဲ့ ရှောက်ဟော်၊ လုံထန်၊ မြို့မ ၁၊ ၂၊ ၃ အဖွဲ့များက စစ်ကြောင်း ၅ ကြောင်းဖြင့် ထိုးစစ်ဆင်လာတာဖြစ်ပါတယ်။

ဒါအပြင် မူဆယ်မြို့နယ်၊ စယ်လန်ရွာအနီးက ဘုရားတောင်ဘက်ကိုလည်း စစ်ကောင်စီတပ်ရှိရာ လွယ်ကျယ်ကနေ လက်နက်ကြီးတွေနဲ့ပစ်ခတ်တာကြောင့် ဘုရားတောင်က ဘုန်းတော်ကြီးကျောင်းမီးလောင်ကျွမ်းခဲ့တယ်လို့ ဖော်ပြပါတယ်။

TNLA တပ်မဟာ ၄ စစ်ဒေသဖြစ်တဲ့ လားရှိုးမြို့နယ်မှာလည်း စစ်ကောင်စီတပ်တွေက စစ်ကားတွေနဲ့ ထိုးစစ်ဆင်လာတာကြောင့် နှစ်ဖက်တိုက်ပွဲဖြစ်ခဲ့ကြပြီး ထိခိုက်သေဆုံးမှုတွေရှိတယ်လို့ ဆိုပါတယ်။ ဒါကြောင့် အခုလအတွင်း နှစ်ဖက်တိုက်ပွဲဖြစ်ပွားတာ ၁၅ ကြိမ်ရှိလာပြီလို့ TNLA ရဲ့ စာရင်းအရတွေ့ရပါတယ်။

အခုရက်ပိုင်းမှာ စစ်ကောင်စီတပ်က မူဆယ်မြို့နယ်အတွင်းကို စစ်အင်အားတွေ ထပ်ဖြည့်နေတဲ့အတွက် တိုက်ပွဲတွေ ဆက်ပြီးပြင်းထန်လာနိုင်တယ်လို့ မူဆယ်မြို့ခံတွေက ပြောပါတယ်။
ရှမ်းပြည်နယ်မြောက်ပိုင်း မူဆယ်၊ ကွတ်ခိုင်၊ လားရှိုးမြို့နယ်တွေမှာ ဩဂုတ်တစ်လအတွင်း စစ်ကောင်စီတပ်နဲ့ TNLA တပ်ဖွဲ့ကြား တိုက်ပွဲပေါင်း ၁၅ ကြိမ်အထိဖြစ်ခဲ့ပြီး နှစ်ဖက်ထိခိုက်၊ သေဆုံးမှုတွေလည်း ရှိခဲ့တယ်လို့ TNLA က ပြောထားပါတယ်။

၂၀၂၁ စစ်အာဏာသိမ်းမှုဖြစ်ပွားပြီးနောက် စစ်ကောင်စီတပ်ကို နိုင်ငံအနှံ့ ခုခံတော်လှန်မှု ပေါ်ပေါက်လာပြီး လက်နက်ကိုင်ခုခံလိုတဲ့ လူငယ်တွေကို ကူညီတဲ့ တိုင်းရင်းသားလက်နက်ကိုင်အဖွဲ့တွေထဲမှာ TNLA လည်း ပါဝင်ပါတယ်။

https://youtu.be/AXdvvbRJwBc?si=v1i-pGx3cX4OSSX3

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ထန်တလန်တိုက်ပွဲတွင် စစ်ကောင်စီတပ်သား ၃၀ ကျော်သေဆုံးပြီး ချင်းပူးပေါင်းတပ်ဖွဲ့မှ ၁၅ ဦးကျဆုံး
================

ပါခွီး

(မဇ္စျိမ)။ ။ချင်းပြည်နယ်၊ ထန်တလန်မြို့အတွင်း တိုက်ပွဲအပြင်းအထန်ဖြစ်ပွားခဲ့ရာ စစ်ကောင်စီတပ်သား ၃၀ ကျော်သေဆုံးပြီး ချင်းပူးပေါင်းတပ်ဖွဲ့မှ ၁၅ ဦးကျဆုံးခဲ့ကြောင်း ချင်းအမျိုးသားတပ်မတော်(CNA)ထံ မှ သိရသည်။

ထန်တလန်မြို့အတွင်းရှိ တပ်ကုန်းအပါအဝင် စစ်ကောင်စီတပ်များတပ်စွဲထားသည့် နေရာလေးခုကို ချင်း ပူးပေါင်းအဖွဲ့က ဩဂုတ်လ ၂၈ ရက်နေ့ နံနက်ပိုင်းတွင် တပြိုင်တည်း တိုက်ခိုက်ခဲ့ခြင်းဖြစ်သည်။

“ကျနော်တို့ဘက်က ဒရုန်းနဲ့ ဗုံးအလုံး ၄၀၀ ကြဲခဲ့တယ်။ ဟားခါးဖက်က စစ်ကူလာတဲ့ စစ်ကားသုံးစီးကို RPG နဲ့ပစ်ပြီး အနီးကပ် ကျားတက်ထိုးပြီး ပစ်ခဲ့တာရှိတယ်။ သေဆုံးအရေအတွက်က လမ်းပေါ်မှာလဲကျ သေနေတာတွေကို ဒရုန်းနဲ့ကြည့်ပြီး ပြောတာဖြစ်တယ်။ 

ဟားခါးဆေးရုံနဲ့ တပ်ကုန်းမှာသေတာတွေရော ဆိုရင် ၃၀ ကျော်သေတယ်တော့ ပြောနိုင်တယ်။ ဘယ်လောက်ထပ်တိုးမယ်ဆိုတာတော့ မသိနိုင်သေး ဘူး” ဟု CNA ပြောရေးဆိုခွင့်ရှိသူ ဆလိုင်းထက်နီက မဇ္စျိမကိုပြောသည်။

ဩဂုတ်လ ၂၈ ရက်နေ့က တနေကုန်နီးပါးဖြစ်ပွားခဲ့သောတိုက်ပွဲအတွင်း စစ်ကောင်စီတပ်က လေကြောင်း မှ ဂျက်လေယာဥ်ဖြင့် နှစ်ကြိမ်ဗုံးကြဲခဲ့ပြီး ဟားခါးမြို့မှလည်း ၁၂၀ မမ လက်နက်ကြီးဖြင့် ပစ်ကူခဲ့သဖြင့် ချင်းပူးပေါင်းတပ်ဖွဲ့မှ အကျအဆုံးများခဲ့ခြင်းဖြစ်ကြောင်း ဆိုသည်။

ယင်းတိုက်ပွဲ၌ ဩဂုတ်လ ၃၀ ရက် ယနေ့နံနက်ပိုင်းအထိ ချင်းပူးပေါင်းတပ်ဖွဲ့တွင် CNA မှ ငါးဦးနှင့် CDF မှ ၁၀ ဦးကျဆုံးခဲ့ကာ ၂၀ ဦးဒဏ်ရာရရှိထားပြီး အများစုမှာ စိုးရိမ်စရာမရှိကြောင်း သိရသည်။

တိုက်ပွဲများအတွင်း စစ်ကောင်စီတပ်ထံမှ သေနတ်ငါးလက်၊ ကျည်ဆန်များနှင့် ဗုံးသီးအချို့ကို ပူးပေါင်း တပ်ဖွဲ့က သိမ်းဆည်းရရှိထားကြောင်း ဆိုသည်။

အဆိုပါတိုက်ပွဲများကို CNA နှင့် ချင်းကာကွယ်ရေးတပ်ဖွဲ့များဖြစ်သော ဟားခါး၊ ထန်တလန်၊ ဇိုဖေးနှင့် ဟွားလ်းငိုး တပ်ဖွဲ့ဝင်များ ပူးပေါင်းတိုက်ခိုက်နေခြင်း ဖြစ်ကြောင်းသိရသည်။

ထန်တလန်မြို့သည် စစ်ကောင်စီသတ်မှတ်ချက်အရအနက်ရောင်နယ်မြေဖြစ်ပြီး နွေဦးတော်လှန်ရေးတွင် စစ်ရေးအရ အရေးပါပြီး အချက်အချာကျသော နေရာဖြစ်ကြောင်း ဆလိုင်းထက်နီက ပြောသည်။

“ အဓိက သူတို့ဦးတည်တာကတော့ Victoria Base ပါပဲ။ CDF များမွေးထုတ်ရာနဲ့ လက်နက်ခဲယမ်းများ ထောက်ပံ့ပေးရာအဖြစ် စစ်ကောင်စီကသတ်မှတ်ထားတယ်။ ထန်တလန်ကို သူတို့ရသွားရင် CNA ဌာန ချုပ်ကိုလည်း ခြိမ်းခြောက်နိုင်တဲ့ အနေအထားဖြစ်သွားနိုင်တယ်” ဟု CNA ပြောခွင့်ရက ဆက်လက်ပြော ဆိုသည်။

ထန်တလန်မြို့နှင့် ၁၈ မိုင်ခန့်ကွာဝေးသည့် ဟားခါးမြို့မှ ၁၂၀ မမ ၊ ၈၁ မမ များဖြင့် လှမ်း၍ ပစ်ခတ်နိုင်ပြီး ထန်တလန်၌ စစ်ကောင်စီမှစစ်ရေးတည်ဆောက်ထားနိုင်ပါက ချင်းတပ်ဖွဲ့များအနေဖြင့် အခက်ကြုံလာ နိုင်သောကြောင့် ယခုကဲ့သို့ တိုက်ပွဲများဖော်ဆောင်နေရခြင်းဖြစ်ကြောင်း သိရသည်။

စစ်ကောင်စီဘက်မှလည်း ထန်တလန်မြို့မီးလောင်မှုကိုအကြောင်းပြုပြီး ပြန်လည်တည်ဆောက်ရေး အတွက် ပြည်သူများနှင့် ဘာသာရေးခေါင်းဆောင်များကိုစည်းရုံးကာ မြို့ကိုသိမ်းပိုက်နိုင်ရေးလုပ်ဆောင်မှု များရှိကြောင်း ဆိုသည်။

အကယ်၍ ချင်းတပ်ဖွဲ့များ ထန်တလန်မြို့ကိုထိမ်းချုပ်ထားနိုင်ခဲ့ပါက စစ်ကောင်စီတပ်ဗျူဟာ ထိုင်ထား သည့် ဟားခါးမြို့အတွက် လုံခြုံမှုမရှိနိုင်တော့သဖြင့် စစ်ကောင်စီအတွက်လည်း စစ်ရေးအရ အချက်အချာ ကျသောနေရာဖြစ်နေကြောင်း သိရသည်။ 

ထန်တလန်မြို့ကို စစ်ကောင်စီတပ်က တပ်ရင်းငါးရင်းနှင့် ရဲများအပါအဝင် အင်အား ၃၀၀ ကျော်ခန့်ဖြင့် တပ်စွဲထားနိုင်ကြောင်း ခန့်မှန်းခဲ့သော်လည်း မြေပြင်အနေထားနှင့် ဖမ်းဆီးမိခဲ့သော သုံ့ပန်းများ၏ ထွက် ဆိုချက်အရ အင်အား ၁၅၀ ဝန်းကျင်ခန့်သာရှိကြောင်း ဆလိုင်းထက်နီက ပြောဆိုသည်။

ထန်တလန်မြို့အတွင်းမှတိုက်ပွဲများတွင် စစ်ကောင်စီတပ်မှ စတင်တိုက်ခိုက်နိုင်ခြင်းမရှိဘဲ ချင်းတပ်ဖွဲ့ များကတိုက်ခိုက်ခဲ့ပါကလည်း လေကြောင်းနှင့် လက်နက်ကြီးပစ်ကူကိုသာ အားပြုနေကြောင်း သိရ သည်။

ဩဂုတ်လ ၃၀ ရက် ယနေ့နံနက်ပိုင်း နောက်ဆုံးသိရသောသတင်းများအရ ထန်တလန်မြို့တွင် တိုက်ပွဲ ဖြစ်ပွားခြင်းမရှိကြောင်း၊ နှစ်ဖက်တပ်များ ယာယီရပ်နားနေကြောင်း သိရသည်။

အိမ်ခြေ ၂,၀၀၀ ခန့်နှင့် လူဦးရေ ၁၀,၀၀၀ ဝန်းကျင်နေထိုင်သည့် ထန်တလန်မြို့တွင် စစ်ကောင်စီတပ်က နေအိမ်များအား မီးရှို့ဖျက်ဆီးသဖြင့် ဒေသခံများမှာ နေရပ်စွန့်ခွာတိမ်းရှောင်နေကြရသည်။

စာတည်း။ ။စောဖေ

#ချင်းပြည်နယ်
#ထန်တလန်မြို့
#ချင်းအမျိုးသားတပ်မတော်
------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရန်ကုန်ရှိ စစ်ကောင်စီလက်အောက်ခံနေရာ ၆ ခု ၃ ရက်ဆက် ဖောက်ခွဲ တိုက်ခိုက်ခံရ
===============

ဂန္ဒမာ

(မဇ္ဈိမ)။  ။ ရန်ကုန်တိုင်းအတွင်းရှိ စစ်ကောင်စီလက်အောက်ခံနေရာများကို ဩဂုတ်လ ၂၇ ရက်မှစတင်ကာ ၂၉ ရက်နေ့အထိ သုံးရက်ဆက် ညပိုင်းများတွင် စုစုပေါင်းနေရာ ခြောက်ခုကို ဖောက်ခွဲတိုက်ခိုက်မှုပြုလုပ်ထားကြောင်း မြို့ပြပြောက်ကျားအဖွဲ့ထံမှတဆင့် သိရသည်။

အဆိုပါတိုက်ခိုက်မှုများကို ရန်ကုန်တိုင်းပြည်သူ့တပ်မဟာနှင့် မဟာမိတ်အဖွဲ့များမှ လုပ်ဆောင်ခဲ့ခြင်းဖြစ်ကြောင်း ယနေ့ ဩဂုတ်လ ၃၀ ရက်နေ့တွင် ထုတ်ပြန်သည်။

"တိုက်ခိုက်မှုလုပ်ဆောင်တာကတော့ ရန်ကုန်ဟာ ဘယ်တော့မှ မငြိမ်သက်ဘူး၊ စကစ ရဲ့ ထိန်းချုပ်မှု မအောင်မြင်ဘူးဆိုတာ ပြသတဲ့အနေနဲ့ အုပ်ချုပ်ရေးယန္တရားလည်ပတ်နိုင်အောင် အထူးကူညီနေတဲ့ ရဲစခန်းများနဲ့ အုပ်ချုပ်ရေးမှူးရုံးများကို ပစ်မှတ်ထားတိုက်ခိုက်တာပါ။" ဟု ရန်ကုန်တိုင်း ပြည်သူ့တပ်မဟာမှ တာဝန်ခံ မူလန်က မဇ္ဈိမ ကို ပြောသည်။

အဆိုပါတိုက်ခိုက်မှုများအား မြို့ပြပြောက်ကျား(UG) များအတွက် ကမ်ပိန်းတခုဖြစ်သော To the Unsung Heros ရန်ပုံငွေရှာဖွေပွဲအား ဂုဏ်ပြုသောအားဖြင့် အညတရခြေသံ အမည်ဖြင့် မစ်ရှင်များဖော်ဆောင်ခဲ့ကြောင်းသိရသည်။

တိုက်ခိုက်မှုများနှင့်ပတ်သက်၍ နောက်ဆက်တွဲသတင်းများကို စစ်ကောင်စီဝါဒဖြန့် တယ်လီဂရမ်ချန်နယ်များ၊ တပ်လော်ဘီများမှ သတင်းမှားဖြန့်ဝေနေကြောင်းကိုလည်း တွေ့ရသည်။

"အထိအခိုက်ကတော့ ထုံးစံအတိုင်း သူတို့အတွင်းစည်းထဲမှာပဲထားတဲ့အတွက် မသိရဘူး၊ သူတို့ရဲ့ တယ်လီဂရမ်ချန်နယ် တွေကနေပြီး အသံဗုံးပါလို့ လိမ်နေတာကြည့်ရင် ထိခိုက်မှုရှိတာ သိသာပါတယ်။ ထုံးစံအတိုင်း လိမ်ရင် မှန်နေလို့ပဲပေါ့။" ဟု ပြောရေးဆိုခွင့်ရှိသူ မူလန်က ထပ်မံပြောဆိုသည်။

တိုက်ခိုက်မှုတွင် ဩဂုတ်လ ၂၇ ရက် ၊ ည ၇ နာရီ ၉ မိနစ်က မင်္ဂလာဒုံမြို့နယ်ရှိ အမှတ် (၈) လုံခြုံရေးရဲတပ်ဖွဲ့ခွဲအား KMD18 Hunter Unit မှ တိုက်ခိုက်ခဲ့၍ ဩဂုတ်လ ၂၈ ရက် ၊ ည ၉ နာရီ ၁၄ မိနစ်တွင် မြောက်ဒဂုံမြို့နယ် အထွေထွေအုပ်ချုပ်ရေးမှူးရုံးနှင့် ည ၉ နာရီ ၁၉ မိနစ်တွင် ရွှေပေါက္ကံရဲစခန်းအား Guardians UG အဖွဲ့မှ တိုက်ခိုက်ခဲ့ကြောင်းသိရသည်။

ယမန်နေ့ ဩဂုတ်လ ၂၉ ရက် ၊ ည ၈ နာရီ ၅၆ မိနစ်တွင် တောင်ဥက္ကလာပရဲစခန်းနှင့် ည ၈ နာရီ ၅၇ မိနစ်တွင် ရန်ကင်းရဲစခန်းတို့အား ရန်ကုန်တိုင်းပြည်သူ့တပ်မဟာမှ လည်းကောင်း ၊ ည ၈ နာရီ ၅၀ မိနစ်တွင် အရှေ့ဒဂုံမြို့နယ်ရဲစခန်းအား KMD18 Crow Squad မှလည်းကောင်း တိုက်ခိုက်မှုများပြုလုပ်ခဲ့ကြခြင်း ဖြစ်သည်။

စာတည်း - သန့်ဇော်(သန်လျင်)

#mizzima
#ရန်ကုန်
#စစ်ကောင်စီလက်အောက်ခံ
#UG

ပုံစာ - ရန်ကုန်ရှိ စစ်ကောင်စီတပ်သားများနှင့် ပတ်သက်ဆက်နွယ်သည့်နေရာများ တိုက်ခိုက်ခံရပုံ(ပုံဟောင်း)

------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အရှေ့တောင်အာရှတွင် ဆိုက်ဘာရာဇဝတ်မှု ကျူးလွန်သည့် လုပ်ငန်းများသို့ လူသိန်းချီ လူကုန်ကူးခံထားရဟု ကုလ သတိပေး
================

အရှေ့တောင်အာရှဒေသတွင် ဥပဒေချိုးဖောက်သည့် ဂိုဏ်းအဖွဲ့များက လူသိန်းချီကို အွန်လိုင်း လိမ်လည်မှု လုပ်ငန်းများ၌ အတင်းအကျပ် ခိုင်းစေလျက် ရှိပြီး အဆိုပါ ဖိအားပေး ခိုင်းစေခံရသူများသည် မကြာခဏဆိုသလို ညှဉ်းပန်းနှိပ်စက် ခြိမ်းခြောက်ခံနေရကြောင်း ကုလသမဂ္ဂက ဩဂုတ် ၂၉ ရက်တွင် ပြောကြားသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သြဂုတ်လ ( ၃၀ ) ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
====================

-မြန်မာနဲ့ အရှေ့တောင်အာရှဒေသမှာ အွန်လိုင်းငွေလိမ်ဂိုဏ်းတွေမှာ လူပေါင်း သိန်းနဲ့ချီ
အဓမ္မခိုင်းစေခံနေရကြောင်း ကုလထုတ်ပြန်တဲ့သတင်း 

-တွေ့ဆုံဆွေးနွေးရေး ကြိုးပမ်းမှုဟာ “ဖိနှိပ်မှုများကို ပိုဆိုးရွားစေသည်” လို့ NUG ပြောတဲ့သတင်း 

-ကြာအင်းဆိပ်ကြီးမှာ စစ်ကောင်စီလက်အောက်ခံ ရုံးတွေ ၂ ရက်ဆက်တိုက် ဒရုန်းနဲ့ ဗုံးကြဲခံရ တဲ့သတင်း 

- ဖားကန့်မှာ ဇနီးဟောင်းကို ဓားနဲ့ထိုးသတ် သတ်ဖြတ်တဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/eT8SGjaN7tE?si=y4cHjrIqEJM0u39M

#2pmnews
#Mizzimanewshour
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကျိုက်ထိုမြို့ရှိ KRF တပ်ဖွဲ့ဝင် နေအိမ်ချိပ်ပိတ်ခံရ 
===============

YT 

(မဇ္ဈိမ)။      ။ မွန်ပြည်နယ်၊ ကျိုက်ထိုမြိိို့နယ်၊ တောင်သူစုရပ်ကွက်ရှိ ကျိုက်ထိုမြို့နယ်တော်လှန်ရေးအင်အားစု (KRF) ​တပ်ဖွဲ့ဝင် ကိုရန်ရှင်းအောင်​၏ နေအိမ်ကို စစ်ကောင်စီတပ်က လာရောက်ချိပ်ပိတ်သိမ်းဆည်းသွားကြောင်း ဒေသခံများနှင့် ကာယကံရှင် ကိုရန်ရှင်းအောင်ထံက သိရသည်။ 

ယမန်နေ့ ဩဂုတ်လ ၂၉ ရက် နေ့လယ်ပိုင်းတွင် တောင်သူစုရပ်ကွက်၊ နှင်းဆီလမ်းရှိ ကိုရန်ရှင်းအောင်​၏ နေအိမ်ကို စစ်ကောင်စီတပ်သားများ၊ ရဲ၊ ကျိုက်ထိုမြို့နယ် အုပ်ချုပ်ရေးကောင်စီဝင်များ၊ မြို့နယ် ထွေအုပ်ရုံးမှ ဝန်ထမ်းများက လာရောက်ချိပ်ပိတ်သွားခြင်းဖြစ်သည်။

" ကျွန်တော့်ဆီကို သူများပြောပြတော့ နေ့လယ် ၁၂ ခွဲလောက်မှာမှ သိရတာခင်ဗျ။ အိမ်က ဘယ်သူမှ မနေဘူး။ မနေဘူးဆိုတာက ကျွန်တော့်အစ်မလင်မယားရော ကျွန်တော်ရော ကျွန်တော့်ဦးလေးရော သပိတ်ကာလတည်းက အကုန်လုံး ၅၀၅ တွေဆိုတော့ အိမ်မှာ ဘယ်သူမှ မရှိကြဘူး" ဟု ကိုရန်ရှင်းအောင်က မဇ္ဈိမကိုပြောသည်။

အဆိုပါနေအိမ်တွင် ယခင်က ကိုရှင်းအောင်​နှင့်အစ်မဖြစ်သူ CDM ကျောင်းဆရာမ ဒေါ်ခင်ငြိမ်းချမ်း​ တို့၏ မိသားစု နှင့် ဦးလေးဖြစ်သူတို့ အတူတကွ နေထိုင်ခဲ့ကြပြီး စစ်ကောင်စီအာဏာသိမ်းပြီးနောက်တွင် နေထိုင်သူမရှိကြကြောင်း ကိုရန်ရှင်းအောင်ထံက သိရသည်။ 

ကိုရန်ရှင်းအောင်သည် စစ်ကောင်စီအာဏာသိမ်းပြီးနောက်ပိုင်းတွင် ဆန္ဒပြခြင်းကို ပြုလုပ်ခဲ့ပြီးနောက် လက်နက်ကိုင်တော်လှန်ရေးလမ်းစဉ်ကို ရွေးချယ်ခဲ့သည်။ 
 
ကြမ်းဖက်တိုက်ဖျက်ရေးဥပဒေပုဒ်မ ၅၀ (က)၊ ၅၀ (ဈ) တို့ဖြင့် စစ်ကောင်စီက ဖမ်းဝရမ်းထုတ်ထားသည့် ကိုရန်ရှင်းအောင်သည် နေအိမ်ချိပ်ပိတ်ခံခဲ့ရသော်လည်း စစ်အာဏာရှင်အား ဆက်လက်တိုက်ထုတ်သွားမည်ဖြစ်ကြောင်း ပြောသည်။

" ဒီကောင်တွေက ဥပဒေမှမရှိတာ သူတို့ရေးထားတဲ့ ဥပဒေတောင် သူတို့ပြန်ဖောက်ဖျက်သေးတာပဲ။ ကျန်တဲ့ဟာကတော့ အထွေအထူး ပြောစရာမရှိတော့ပါဘူး။ မပြီးသေးဘူး ကျွန်တော်တို့အလှည့်ပြန်လာမယ်။ အဲ့ဒါပဲ ပြောချင်ပါတယ်" ဟု ကိုရန်ရှင်းအောင်က ဆက်လက်ပြောဆိုသည်။ 

ကျိုက်ထိုမြို့နယ်တွင် စစ်ကောင်စီအာဏာသိမ်းပြီးနောက်ပိုင်း NLD ပါတီဝင်များ၊ လွှတ်တော်ကိုယ်စားလှယ်များ​၏ နေအိမ်၊ တော်လှန်ရေးအတွင်း တက်ကြွလှုပ်ရှားသည့် ဒေသခံများ​၏ နေအိမ် စုစုပေါင်း အလုံး ၂၀ ကျော်ကို စစ်ကောင်စီက ချိပ်ပိတ်ခဲ့သည်။ 

" ထပ်ပြီးတော့ ချိပ်ပိတ်မယ့် အိမ်တွေလည်းရှိသေးတယ်တဲ့ ဈေးထဲမှာ ပြောနေကြတယ်။ ကလေးတွေရဲ့ အိမ်တွေပေါ့။ လုပ်ချင်တာ လုပ်နေကြတဲ့အကောင်တွေပဲလေ ဘာမှမလုပ်လည်း ဖမ်းချင်ဖမ်းမယ်။ ချိပ်ပိတ်ချင်ပိတ်မယ်။ ကျွန်မတို့က ဘာလုပ်နိုင်မှာလဲ" ဟု ကျိုက်ထိုမြို့ပေါ် ဒေသခံက မဇ္ဈိမကိုပြောသည်။

ကျိုက်ထိုမြို့နယ်တွင် ပြီးခဲ့သည့် ဩဂုတ်လ ၂၄ ရက်က ကျိုက်ထိုမြို့နယ် NLD ပါတီဝင်၊ မုပ္ပလင်ကျေးရွာ အုပ်ချုပ်ရေးမှူးဟောင်း ဦးကိုကိုနိုင်​၏ နေအိမ်၊ ဩဂုတ်လ ၁၇ ရက်နေ့တွင် ကျိုက်ထိုမြို့နယ် တော်လှန်ရေးအင်အားစု( KRF ) ဒု- တာဝန်ခံ ကိုရဲသွေးညီ​၏ ယောက္ခမနေအိမ်တို့ကို စစ်ကောင်စီတပ်​က ချိပ်ပိတ်ခဲ့သေးသည်။ 

စာတည်း။ ။အောင်ကျော်ဖြိုး
#Mizzima
#KRF တပ်ဖွဲ့ဝင် 
# နေအိမ်ချိပ်ပိတ်ခံရ

ပုံအညွှန်း- ချိပ်ပိတ်ခံရသည့် KRF ရဲဘော် ကိုရန်ရှင်းအောင်​၏ နေအိမ် (ဓါတ်ပုံ- စစ်ကောင်စီပြန်ကြားရေးချန်နယ်)

------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကြယ် - Violin Instrumental(Orchestral Version)
===============

ပဒေသာပင်နဲ့ Artists'Shelter တို့ ပူးပေါင်းစီစဉ်တင်ဆက်တဲ့ "ကြယ်" Violin Instrumental

တော်လှန်ရေးမှာလူသိများထင်ရှားခဲ့တဲ့ "ကြယ်" သီချင်းကို တယောသမား အယောက်(၄၀) ကျော်နဲ့ Performance Art များ ပေါင်းစပ်ပြီး ဖန်တီးတင်ဆက်ထားခြင်းဖြစ်ပါတယ်။

https://youtu.be/eVLI7ygQq1Y?si=59cBMkh1u2O4LHNx

#ကြယ်
#Violin
#Artists
#ပဒေသာပင်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​တော်လှန်ရေးအင်အားစုများ စုစည်းညီညွတ်စွာတိုက်ပွဲဝင်ကြရန် NUG ယာယီသမ္မတနှင့် ဝန်ကြီးချုပ် သတိပေး
==================

မောင်ခက်နွေ

(မဇ္ဈိမ)။ ။၂၀၂၃ နှစ်ကုန်ပိုင်းတွင် တော်လှန်ရေးအရှိန်မြင့်လာခြင်းကြောင့် အင်အားစုများအနေဖြင့် လမ်း ကြောင်း မယိမ်းမယိုင်ဘဲ စုစုစည်းစည်းဖြင့် ဘုံရည်မှန်းချက်ပန်းတိုင်ကို အရောက်လှမ်းနိုင်အောင် သတိ ထားပြီးသွားကြရမည့်အချိန်ဖြစ်သည်ဟု အမျိုးသားညီညွတ်ရေ အစိုးရ(NUG)ယာယီသမ္မတ ဒူဝါလရှီးလ နှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့က သတိပေးလိုက်သည်။

ဩဂုတ်လ ၂၉ ရက်က ကျင်းပခဲ့သည့် အမျိုးသားညီညွတ်ရေးအစိုးရ(NUG) ၏ (၂၉) ကြိမ်မြောက် အစိုးရ အဖွဲ့အစည်းဝေးတွင် ပြောဆိုလိုက်ခြင်းဖြစ်သည်။ 

"ကျွန်တော်တို့နိုင်ငံလို သမိုင်းကြောင်းရှည်လျားပြီး မတူကွဲပြားမှုတွေနဲ့တည်ရှိနေတဲ့ နိုင်ငံဖြစ်တဲ့အပြင် နှစ်ပေါင်းများစွာ သွေးခွဲအုပ်ချုပ်မှုတွေနဲ့နေထိုင်လာရတဲ့ တိုင်းပြည်ဖြစ်နေတာမို့ ဒီလိုတော်လှန်ရေးကာ လမှာ စိန်ခေါ်မှုတွေကလည်း အင်မတန်များမှာ အမှန်ပဲဖြစ်ပါတယ်။ ဒါပေမယ့် စိန်ခေါ်မှုတွေ ဘယ် လောက်များများ ဒါတွေကိုရင်ဆိုင်ကျော်လွှားပြီး စစ်အာဏာရှင်ကို အမြစ်ဖြတ်နိုင်ဖို့၊ ဖက်ဒရယ်နိုင်ငံ တော်တည်ထောင်နိုင်ဖို့ ကျွန်တော်တို့မှာ ယုံကြည်ချက် ခိုင်ခိုင်မာမာရှိနေတာဟာ ဒီတော်လှန်ရေးကို မဖြစ်မနေ အောင်မြင်စေမယ့် အကြောင်းတရားတစ်ခုပဲ ဖြစ်ပါတယ်” ဟု ပြည်ထောင်စုဝန်ကြီးချုပ် မန်းဝင်းခိုင်သန်းက ဆိုသည်။ 

လက်ရှိတော်လှန်ရေးသည် အမှားကင်းကင်းဖြင့် စစ်ကောင်စီ၏လှည့်ကွက်များကို ကျော်လွှားသွားရန် အသင့်ဖြစ်နေသည့် တော်လှန်ရေးဖြစ်ပြီး ပေါင်းစပ်ညှိနှိုင်းကာ ဆက်လက်အားထုတ်သွားရန်တိုက်တွန်း လိုသည်ဟု ၎င်းက ဆက်ပြောသည်။ 

ထို့ပြင် လက်နက်ကိုင်တော်လှန်ရေးတပ်ဖွဲ့များသည် ပြည်သူကိုကာကွယ်ပေးရမည့်သူများဖြစ်ပြီး လမ်း ကြောင်းလွဲလာပါက တော်လှန်ရေးအတွက် ထိခိုက်မှုရှိလာမည်ဖြစ်သည်ဟု ပြည်ထောင်စုဝန်ကြီးချုပ် မန်းဝင်းခိုင်သန်းက ပြောသည်။ 

“ငြိုငြင်စရာဖြစ်ရပ်တွေများပြားလာရင် ပြည်သူလူထုရဲ့ အားပေးထောက်ခံမှုလည်း တစထက်တစ ပျယ် လွင့်သွားနိုင်တာကို ကြီးစွာ သတိထားရမှာ ဖြစ်ပါတယ်။ ဘုံရည်မှန်းချက် တူညီနေကြပြီဆိုရင် အချင်းချင်း ပူးပေါင်းဆောင်ရွက်ရေးတွေမှာ ဘယ်လိုပဲ ကြီးမားတဲ့အခက်အခဲနဲ့ အတားအဆီးတွေရှိနေပါစေ အပြန် အလှန်လေးစားမှု၊ နားလည်မှုတွေနဲ့ ဒီအခက်အခဲတွေကို မုချကျော်လွှားနိုင်မှာ ဖြစ်ပါတယ်” ဟု လည်း ဆိုသည်။

ယာယီသမ္မတ ဒူဝါလရှီးလကလည်း လက်ရှိတော်လှန်ရေးသည် စစ်မျက်နှာမျိုးစုံကိုဖွင့်လှစ်ပြီး တိုက်ပွဲဝင် နေရခြင်းကြောင့် မဟာဗျူဟာကျကျဖြင့်စွမ်းဆောင်နိုင်မှသာလျှင် ဒီမိုကရေစီနှင့် ဖက်ဒရယ်ဒီမိုကရေစီ ပြည်ထောင်စုကို ဖန်တီးပေးနိုင်မှာဖြစ်ကြောင်းဆိုသည်။

“အမျိုးသားညီညွတ်ရေးအစိုးရအဖွဲ့မှာ ကဏ္ဍအသီးသီးမှာ ပုခုံးထမ်းတာဝန်ဆောင်ရွက်နေကြတဲ့ ရဲဘော် ရဲဘက်များကို ကျွန်တော့်အနေနဲ့တိုက်တွန်းလိုတာက ကျွန်တော်တို့ တော်လှန်ရေးဟာ ပြည်သူနဲ့ ကင်း ကွာတဲ့ တော်လှန်ရေးမဖြစ်ရေးဟာ တော်လှန်ရေးသစ္စာတခုဖြစ်တယ်ဆိုတာ အမြဲဂရုပြုထားကြဖို့ ဖြစ်ပါ တယ်။ ကျွန်တော်တို့ဟာ တော်လှန်ရေးရဲ့ လုပ်ငန်းဆောင်တာတွေ မည်မျှပင်များပြားသည်ဖြစ်ပါစေ ပြည်သူလူထုနဲ့ ချိတ်ဆက်မှု၊ တသားတည်းဖြစ်မှုတွေကို အမြဲတမ်း ထိပ်ဆုံးမှာထားရမှာဖြစ်ပါတယ်” ဟု ယာယီသမ္မတ ဒူဝါလရှီးလကပြောကြားသည်။

တော်လှန်ရေးနှင့်အစိုးရ၏ အသက်သွေးကြောသည် ပြည်သူလူထု၏ထောက်ခံမှုဖြစ်ပြီး ပြည်သူလူထုနှင့် တသားတည်းရပ်တည်ရန် အရေးကြီးကြောင်း၊ ဘုံသဘောတူညီချက်ချင်းတူညီလျှင် ပူးပေါင်းဆောင်ရွက် ရမည်ဖြစ်ကြောင်း ဒူဝါလရှီးလက သတိပေးပြောဆိုသည်။ 

ပုံစာ - အမျိုးသားညီညွတ်ရေးအစိုးရ၏ ၂၉ / ၂၀၂၃ အစိုးရအဖွဲ့အစည်းအဝေးအားတွေ့မြင်ရစဉ် (ပုံ - Acting President Duwa Lashi La Facebook )

စာတည်း။ ။စောဖေ

#အမျိုးသားညီညွတ်ရေးအစိုးရ
#တော်လှန်ရေး
#ဒီမိုကရေစီ
------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ပုဂ္ဂလိကကျန်းမာရေးဝန်ထမ်းတွေကို စစ်ကောင်စီက ကြိုတင်ဝင်ငွေခွန်ကောက်ခံ| Business Round Up (30.8.2023)
==============

- စစ်ကောင်စီကို ငွေကြေးတိုက်ရိုက်ထောက်ပံ့မှုမလုပ်ဘူးလို့ ဩစတြေးလျ သံရုံးထုတ်ပြန်

- ဘင်္ဂလားဒေရှ့်အစိုးရက မြန်မာအပါအဝင် နိုင်ငံပေါင်း(၉)နိုင်ငံကနေ ကြက်သွန်များဝယ်ဖို့စီစဉ်

- ပုဂ္ဂလိကကျန်းမာရေးဝန်ထမ်းတွေကို စစ်ကောင်စီက ကြိုတင်ဝင်ငွေခွန်ကောက်ခံ

- အာရှလမ်းမကြီး မြေပြိုမှုကြောင့် ထိုင်းသို့ မြန်မာ့ပြောင်းတင်ပို့မှု နှောင့်နှေးခဲ့ရ

https://youtu.be/RjyF7RBKzFI?si=A7qYtjgxf5Hl0wpJ
 
#BusinessRoundUp
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U