​​ဘင်္ဂလားဒေ့ရှ်တွင် ‘အတင်းအကျပ် အစဖျောက်မှုများ’ အပေါ် လူထောင်ချီ ဆန္ဒပြ
=====================

ဘင်္ဂလားဒေ့ရှ်နိုင်ငံတွင် ဝန်ကြီးချုပ် ရှိတ်ဟာစီနာ အစိုးရ အာဏာရနေသည့် ၁၅ နှစ်နီးပါးကာလအတွင်း လုံခြုံရေးတပ်ဖွဲ့များ၏ အဓမ္မခေါ်ဆောင်ခြင်းကို ခံရပြီး ပျောက်ဆုံးသွားသည် ဆိုသော လူရာနှင့်ချီတို့နှင့်ပတ်သက်သည့် သတင်းအချက်အလက်များကို တောင်းဆိုရင်း ဩဂုတ် ၃၀ ရက်က ဆန္ဒပြသူ ထောင်နှင့်ချီတို့က ချီတက်ဆန္ဒထုတ်ဖော်ခဲ့ကြသည်။

အတင်းအကျပ် အစဖျောက်ဖျက်ခံရသူများဆိုင်ရာ နိုင်ငံတကာနေ့ဖြစ်သည့် ယမန်နေ့ ဩဂုတ် ၃၀ ရက်တွင် အတိုက်အခံ ဘင်္ဂလားဒေ့ရှ် အမျိုးသားရေးပါတီ (BNP) ထောက်ခံသူများနှင့် ၎င်းတို့၏ မဟာမိတ်များသည် နိုင်ငံတွင် ပျောက်ဆုံးနေသူများ၏ မိသားစုများနှင့်အတူ ပူးပေါင်းလျက် ဆန္ဒထုတ်ဖော်ခဲ့ကြခြင်း ဖြစ်သည်။ အများအပြားသည် ပါးစပ်များကို အနက်ရောင်အဝတ်စများဖြင့် စည်းထားကြသည်။

အတင်းအကျပ် အစဖျောက်မှုများ၊ တရားလက်လွတ် သတ်ဖြတ်မှုများနှင့် ပတ်သက်သော စွပ်စွဲချက်များကို ဘင်္ဂလားဒေ့ရှ်အစိုးရက ငြင်းဆန်ပယ်ချထားပြီး ပျောက်ဆုံးနေသည် ဆိုသူများအနက် တချို့သည် ဥရောပသို့ သွားရောက်ရန် ကြိုးပမ်းရင်း မြေထဲပင်လယ်၌ ရေနစ်သေဆုံးသွားသူများဖြစ်ကြောင်း ပြောသည်။

ဘေးကင်းပြီးအရသာရှိတဲ့ ဖူကူရှီးမားငါးကို ဂျပန်ဝန်ကြီးချုပ်ကိုယ်တိုင်ကိုယ်ကျ စားသောက်ပြသ
==================

https://youtu.be/xvPKaK2CZls?si=gsQlkEH9CRkKdWuG

ရေလွှမ်းမိုးမှုတွေကြောင့် ပါကစ္စတန်ရဲ့ ဆင်းရဲနွမ်းပါးတဲ့ ကျေးရွာတွေမှာရေနစ်မြုပ်

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts

အာဆီယံ အလှည့်ကျဥက္ကဋ္ဌတာဝန်ယူမယ့် လာအိုအတွက် မြန်မာ့အရေး ဖောင်ဒေးရှင်း ချနိုင်ခဲ့ကြောင်း အင်ဒိုနီးရှားပြော
================

အင်ဒိုနီးရှားနိုင်ငံအနေဖြင့် အာဆီယံအလှည့်ကျဥက္ကဋ္ဌအဖြစ် တာဝန်ယူချိန်အတွင်း မြန်မာနိုင်ငံရေးအခက်အခဲများကို ဖြေရှင်းနိုင်ရန်အတွက် ဖောင်ဒေးရှင်းချနိုင်ခဲ့ကြောင်း အင်ဒိုနီးရှားနိုင်ငံခြားရေးဝန်ကြီး ရက်နိုမာဆူဒီက ထုတ်ဖော်ပြောဆိုလိုက်ပါတယ်။

မြန်မာနိုင်ငံရေးအခက်အခဲက တစ်နှစ်နီးပါးလောက်နဲ့ ဖြေရှင်းဖို့ မဖြစ်နိုင်ပါဘူး။ အနည်းဆုံးတော့ ၂၀၂၃ ခုနှစ်ကာလအတွင်းမှာ မြန်မာနိုင်ငံရေးအငြင်းပွားမှုတွေ ဖြေရှင်းနိုင်အောင် ဖောင်ဒေးရှင်းတော့လုပ်ဆောင်နိုင်ခဲ့တယ်လို့ ဆိုပါတယ်။

အင်ဒိုနီးရှားနိုင်ငံရဲ့ ကြိုးပမ်းမှုတွေကို လာမယ့်နှစ်မှာ အာဆီယံအလှည့်ကျဥက္ကဋ္ဌအဖြစ်တာဝန်ယူမယ့် လာအိုနိုင်ငံက ဆက်လက်လုပ်ကိုင်သွားဖို့ မျှော်လင့်ပြီး မြန်မာနိုင်ငံရေးအငြင်းပွားမှုတွေမှာပါဝင်နေတဲ့ အဖွဲ့အစည်းများတွေ့ဆုံဆွေးနွေးနိုင်အောင် တံတားထိုးပေးနိုင်ဖို့ကြိုးပမ်းတာတွေက လွယ်ကူမှုမရှိခဲ့ကြောင်း ပြောကြားသွားပါတယ်။

အာဆီယံအလှည့်ကျဥက္ကဋ္ဌအဖြစ် တာဝန်ယူခဲ့တဲ့ (၉)လအတွင်းမှာ မြန်မာနိုင်ငံရေးအငြင်းပွားမှုများကိုဖြေရှင်းနိုင်ရန်အတွက် တိတ်ဆိတ်သော ချဉ်းကပ်မှုမျိုးပုံစံဖြင့် လုပ်ဆောင်ခဲ့ရာ စစ်ကောင်စီ၊ NUG အပါအဝင် မြန်မာနိုင်ငံရေးတွင်ပါဝင်နေသော အဖွဲ့အစည်းများ နှင့်အကြိမ်ပေါင်း ၁၄၅ ကြိမ်ဆက်သွယ်ဆွေးနွေးခဲ့ကြောင်းအင်ဒိုနီးရှားနိုင်ငံခြားရေးဝန်ကြီးကပြောပါတယ်။
အင်ဒိုနီးရှားနိုင်ငံက လာမယ့် ရက်ပိုင်းအတွင် အာဆီယံထိပ်သီးအစည်းအဝေးကိုအိမ်ရှင်အဖြစ် လက်ခံကျင်းပမှာဖြစ်ပြီး နိုင်ငံပေါင်း ၂၂နိုင်ငံနဲ့ အဖွဲ့စည်းပေါင်း ၉ခုတက်ရောက်မှာဖြစ်ပေမယ့် စစ်ကောင်စီ တာဝန်ရှိသူများတက်ရောက်ရန်အလားလာနည်းကြောင်းသိရပါတယ်။

ချူလာလောင်ကွန်း တက္ကသိုလ် နိုင်ငံရေးသိပ္ပံဌာနက ဒေါက်တာ Thitinan Pongsudhlrak က တော့ လာမဲ့နှစ်မှာ အာဆီယံဥက္ကဋ္ဌတာဝန်ကို လာအိုကယူမှာဖြစ်တဲ့အတွက် မြန်မာ့အရေးအတွက် သိပ်မျှော်လင့်ချက်မထားနိုင်ပေမယ့် အာဆီယံရဲ့ မြန်မာ့အရေး ဘုံသဘောတူညီချက် ငါးခုဟာ အခုအချိန်အထိတော့ စံသဘောမျိုး ရှိနေသေးတဲ့အပြင် ဒီငါးချက်ကို စစ်ကောင်စီခေါင်းဆောင် မင်းအောင်လှိုင်ကိုယ်တိုင် သဘောတူညီခဲ့တာဖြစ်တဲ့အတွက် အာဆီယံ ၁၀ နိုင်ငံထဲက နိုင်ငံကြီးငါးခုလောက်ကသာ ဖိအားတွေပေးသွားမယ်ဆိုရင်တော့ တခုခုတော့ ဖြစ်လာနိုင်ခြေရှိတယ်လို့ ပြောပါတယ်။
၎င်းက ဩဂုတ်လ ၃၀ရက်နေ့က အင်ဒိုနီးရှားနိုင်ငံ ဂျကာတာမြို့မှာ ကျင်းပတဲ့ မြန်မာ့အရေး တက်ကြွလှုပ်ရှားတဲ့အဖွဲ့အစည်းတွေနဲ့ တတ်သိပညာရှင်တွေရဲ့ ဆွေးနွေးပွဲမှာ အခုလိုပြောကြားခဲ့တာပါ။
အာဆီယံနိုင်ငံတွေကြားမှာ သဘောထားတွေ ကွဲလွဲတာမျိုးမရှိဘဲ စည်းစည်းလုံးလုံးနဲ့ အားကောင်းနေတာကိုမြင်ရကြောင်း၊ အခုတော့ မြန်မာကိစ္စအပြင် အမေရိကန်နဲ့တရုတ်ကြားအားပြိုင်မှုကြားမှာ အာဆီယံလည်း အားနည်းလာပြီး မြန်မာ့အရေး ပစ်ပယ်ထားသလို ဖြစ်နေတယ်လို့လည်း ဒေါက်တာ Thitinan Pongsudhlrak က ပြောပါတယ်။

နိုင်ငံရေး လေ့လာသူတွေကတော့ အာဆီယံဟာ ဒေသတွင်းက ပဋိပက္ခတွေကို တုံ့ပြန်ရာမှာ အတွေ့အကြုံတွေ၊ စွမ်းဆောင်ရည်တွေ၊ငွေကြေးဖူလှုံမှု ရှိနေပေမယ့် ဖြေရှင်းဖို့ မူဘောင်မရှိကြောင်းနဲ့ အာဆီယံဥက္ကဋ္ဌအင်ဒိုနီရှားအပေါ် မျှော်လင့်ချက်တွေထားခဲ့ပေမယ့် သက်တမ်းကုန်ခါနီးအထိ ဘာမှ ဖြစ်မလာဘူးလို့လည်း ဝေဖန်ထောက်ပြထားပါတယ်။

ကုလလုံခြုံရေးကောင်စီရဲ့ နောက်ဆုံးထုတ်ပြန်ချက်ထဲမှာလည်း မြန်မာ့အရေးနဲ့ပတ်သက်ပြီး အာဆီယံကို ရှေ့တန်းတင်ထားပေမဲ့ အများစုကတော့ အာဆီယံအပေါ်မှာ ယုံကြည်မှု လျော့ကျနေတာ ဖြစ်ပါတယ်။

အာဏာသိမ်း မြန်မာ စစ်ခေါင်းဆောင်နဲ့ အာဆီယံခေါင်းဆောင်များကြားရရှိထားတဲ့ အာဆီယံသဘောတူညီချက်ငါးချက်အကောင်ထည်ဖော်မှုတိုးတက်မှုမရှိသေးချိန်အထိ စစ်ကောင်စီ ခေါင်းဆောင်နဲ့ နိုင်ငံခြားရေးဝန်ကြီးတို့ကို အာဆီယံထိပ်သီးအစည်းအဝေးတွေမှာ တက်ရောက်ခွင့် ပေးမှာမဟုတ်ကြောင်း ဆုံးဖြတ်ထားတာဖြစ်ပါတယ်။ ဒါကြောင့် မြန်မာစစ်ခေါင်းဆောင်တွေဟာ ၂၀၂၁ ခုနှစ်နောက်ပိုင်းကတည်းက အာဆီယံထိပ်သီးအစည်းအဝေးတွေကို တက်ရောက်ခွင့်မရခဲ့တာဖြစ်ပါတယ်။

https://youtu.be/KGsS7bYYAhU?si=aQA3BsH4O5fqRTBu

#Political News
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

August - 31 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

ရေလွှမ်းမိုးမှုတွေကြောင့် ပါကစ္စတန်ရဲ့ ဆင်းရဲနွမ်းပါးတဲ့ ကျေးရွာတွေမှာရေနစ်မြုပ်
====================

https://youtu.be/OeS5F97OEkI?si=ZncKOcNsKaNf90U2

စာရွက်စာတမ်းများ ပေါက်ကြားမှုနဲ့ ပတ်သက်ပြီးပါ ကစ္စတန်ဝန်ကြီးချုပ်ဟောင်း အင်မရန်ခန်းကို ထိန်းသိမ်းမိန့်ချ

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts #Pakistan

သြဂုတ်လ ( ၃၁ ) ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
========================

01:09-လာမယ့်နှစ် အာဆီယံအလှည့်ကျဥက္ကဋ္ဌအဖြစ်တာဝန်ယူမယ့် လာအိုနိုင်ငံအတွက် မြန်မာ့အရေး ဖြေရှင်းဖို့ ဖောင်ဒေးရှင်းချပေးနိုင်ခဲ့ကြောင်း အင်ဒိုနီးရှားပြောတဲ့သတင်း

04:41-ထီးလင်းတွင် စစ်ကောင်စီစစ်ကြောင်း မိုင်းဆွဲခံရလို့ လမ်းပြအဖြစ် ဖမ်းဆီးခံရတဲ့ အရပ်သားနဲ့ စစ်ကောင်စီတပ်ဖွဲ့၀င် ၄ ဦး သေဆုံးတဲ့သတင်း

06:40-ယင်းမာပင်၊အင်းဖျားရွာအနီးတိုက်ပွဲမှာ စစ်တပ်ဘက်မှ ၇ ဦးသေဆုံးပြီး လက်နက်ခဲယမ်းများ PDF ရရှိတဲ့သတင်း

11:02-မနက် ၁၁ နာရီအထိ ရရှိထားတဲ့ ငွေလဲနှုန်း၊ ရွှေဈေး၊ စက်သုံးဆီဈေးနဲ့စားအုန်းဆီဈေးတွေအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/GtDOtZj_w0E?si=DxIQA9VxMQIlJtjE

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အာဆီယံအလှည့်ကျဥက္ကဋ္ဌအဖြစ်တာဝန်ယူမယ့် လာအိုအတွက်မြန်မာ့အရေးဖြေရှင်းဖို့ဖောင်ဒေးရှင်းချနိုင်ခဲ့ကြောင်းအင်ဒိုနီးရှားပြော

Watch more detail - https://youtu.be/KGsS7bYYAhU

#အာဆီယံအလှည့်ကျဥက္ကဋ္ဌ#လာအို#မြန်မာ့အရေး
#VideoNews #shorts #reels

ထိုင်းဘက် ထွက်ပြေးလာတဲ့ မြန်မာဒုက္ခသည်တွေ လုံခြုံမှုမရှိဘဲ နေရပ်ပြန်မပို့ဖို့ NHRC တောင်းဆို
=======================

မြန်မာနိုင်ငံတွင်းတိုက်ပွဲတွေကြောင့် မယ်ဟောင်ဆောင်ပြည်နယ်ဘက် ထွက်ပြေး ခိုလှုံနေကြရတဲ့ မြန်မာဒုက္ခသည်တွေကို လုံခြုံမှုမရှိဘဲ နေရပ်ပြန်မပို့ဖို့ ထိုင်း လူ့အခွင့်အရေးကော်မရှင် (NHEC) က တောင်းဆိုလိုက်ပါတယ်။

မြန်မာစစ်ကောင်စီနဲ့ ကရင်နီတပ်တို့ကြားတိုက်ပွဲတွေကြောင့် လူပေါင်း တစ်သောင်းနီးပါး ထိုင်းနယ်စပ် မယ်ဟောင်ဆောင်ပြည်နယ်ထဲကို ထွက်ပြေးလာရတယ်လို့ ထိုင်းလူ့အခွင့်အရေးကော်မရှင်ရဲ့ ဩဂုတ်လ ၂၉ ရက်နေ့ ထုတ်ပြန်ချက်မှာ ဖော်ပြထားပါတယ်။
ကရင်နီပြည်နယ်ထဲက ထွက်ပြေးလာတဲ့ အဲဒီဒုက္ခသည်တွေဟာ မယ်ဟောင်ဆောင်ပြည်နယ်ထဲက ဒုက္ခသည်စခန်း ငါးခုမှာ နေထိုင်နေရပြီး အကူအညီတွေလိုနေတယ်လို့ ဆိုပါတယ်။

လူတွေရဲ့အခွင့်အရေး၊ ဘဝတွေနဲ့ လုံခြုံရေးအန္တရာယ်ရှိနေတဲ့ တိုင်းပြည် ကို ဒုက္ခသည်တွေနဲ့ အခြားလူတွေကို ပြန်မပို့ရဆိုတဲ့ နိုင်ငံတကာလက်ခံထားတဲ့ မူ ကို ထိုင်းနိုင်ငံတော် အဖွဲ့အစည်းတွေက လက်ခံဆောင်ရွက်ကြဖို့လည်း ကော်မရှင် က တောင်းဆိုလိုက်တာဖြစ်ပါတယ်။

ဒုက္ခသည်တွေရဲ့ လူသားဂုဏ်ရည်ကို အာဏာပိုင်တွေကလေးစားဖို့ ထိုင်း လူ့အခွင့်ကော်မရှင်က ပြောလိုက်သလို ဘယ်နိုင်ငံသား၊ ဘယ်လိုသတ်မှတ်ချက်မျိုး ဆိုတာကို မကြည့်ဘဲ ဒုက္ခသည်တွေအားလုံးကို တန်းတူညီမျှဆက်ဆံပံ့ပိုးဖို့လည်း တိုက်တွန်းထားပါတယ်။

ဒေသန္တရအုပ်ချုပ်ရေးအဖွဲ့တွေ၊ အရပ်ဘက် လူမှုအဖွဲ့အစည်းတွေ၊ ထိုင်း ကြက်ခြေနီနဲ့ နိုင်ငံတကာအဖွဲ့အစည်းတွေက မြန်မာဒုက္ခသည်တွေအတွက် စခန်းမှာ နေထိုင်နေစဉ်အတွင်း နေစရာ၊ စားစရာ၊ ဝတ်စရာနဲ့ ကျန်းမာရေးအတွက် လိုအပ်တာတွေ ကို ပံ့ပိုးပေးဖို့လိုအပ်နေတယ်လို့ ကော်မရှင်က ပြောကြားထားပါတယ်။

ထိုင်းအာဏာပိုင်တွေအနေနဲ့ ဒုက္ခသည်တွေကို လူသားချင်းစာနာမှု အကူအညီတွေ ပိုပေးဖို့နဲ့ ထိုင်း-မြန်မာ နယ်စပ်တစ်လျှောက် ဒုက္ခသည်တွေ ခိုလှုံနိုင်ရေး ဘေးကင်းလုံခြုံတဲ့နေရာတွေ ဖန်တီးပေးဖို့ ကိုလည်းတောင်းဆိုထားပါတယ်။

ကယားပြည်နယ်မှာ လတ်တလော လေကြောင်းတိုက်ခိုက်မှုတွေအပြင် အစားအသောက်ပို့ဆောင်ရေးလမ်းကြောင်းတွေ ပိတ်ဆို့ခံထားရတာကြောင့် ဒုက္ခသည်တွေပိုများလာနေတယ်လို့လည်း ထုတ်ပြန်ချက်မှာပါရှိပါတယ်။

https://youtu.be/PDg_Aua_4xo?si=OFPxk5Rh5oAs31xw

#Political News
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.https://bit.ly/2VhJ12U

စစ်မျက်နှာအားလုံးမဟာဗျူဟာကျကျစွမ်းဆောင်မှဖက်ဒရယ်ဒီမိုကရေစီပြည်ထောင်စုဖန်တီးနိုင်မယ် NUGယာယီသမ္မတပြော
===================

စစ်မျက်နှာအားလုံးမှာ မဟာဗျူဟာကျကျနဲ့ စွမ်းဆောင်နိုင်မှသာ ပြည်သူလူထုအတွက် ဒီမိုကရေစီနဲ့ လူ့အခွင့်အရေးစံနှုန်းအပြည့်အဝရှိတဲ့ ဖက်ဒရယ်ဒီမိုကရေစီပြည်ထောင်စုကို ဖန်တီးပေးနိုင်မယ်လို့ NUG ယာယီသမ္မတ ဒူဝါလရှီးလက သတိပေးပြောဆိုလိုက်ပါတယ်။

သြဂုတ် ၂၉ ရက်နေ့က ကျင်းပတဲ့ အမျိုးသားညီညွှတ်ရေးအစိုးရရဲ့ ၂၉ ကြိမ်မြောက် အစိုးရအဖွဲ့အ စည်းအဝေးမှာ NUG ယာယီသမ္မတ ဒူဝါလရှီးလက အခုလိုသတိပေးပြောဆိုခဲ့တာ ဖြစ်ပါတယ်။

ယာယီသမ္မတဒူဝါလရှီးလက မြေပြင်တိုက်ပွဲတွေမှာ အထိနာနေတဲ့စစ်ကောင်စီဟာ လေကြောင်းအင် အားကိုအသုံးချပြီး အရပ်သားပစ်မှတ်၊ စစ်ရေးပစ်မှတ်ခွဲခြားမှုမရှိဘဲ တိုက်ခိုက်မှုတွေနဲ့အတူ ကျေးရွာတွေ၊ နေအိမ်တွေကို မီးရှို့ဖျက်ဆီးမှုတွေ ဆက်တိုက်ကျူးလွန်နေတယ်လို့ ဆိုပါတယ်။

ဒီလိုအခြေအနေမှာ ရန်သူကိုပိုပြီးအထိနာဖို့ဆိုရင် စစ်ရေးတစ်ခုတည်းမဟုတ်ဘဲ စစ်မျက်နှာမျိုးစုံဖွင့်ပြီး တိုက်ပွဲဝင်ရမှာဖြစ်သလို ဘဏ္ဍာရေးနဲ့ နိုင်ငံတကာဆက်ဆံရေး အခန်းကဏ္ဍတွေဟာ တော်လှန် ရေးရဲ့အရေးပါတဲ့ စစ်မျက်နှာတွေဖြစ်တယ်လို့ သတိပေးခဲ့တာပါ။

ဒါ့အပြင် အမေရိကန်အစိုးရရဲ့ စစ်ကောင်စီအပေါ် ဘဏ္ဍာရေး၊ လောင်စာဆီကဏ္ဍတွေနဲ့ ပတ်သတ်ပြီး ဒဏ်ခတ်အရေးယူပိတ်ဆို့ ကန့်သတ်မှုတွေဟာ ရန်သူစစ်ကောင်စီအတွက် အထိနာအကျပ်အတည်းဆိုက်တဲ့ အခြေအနေကို သိသာထင်ရှားစွာ ရောက်ရှိနေပြီလို့ ယာယီသမ္မတဒူဝါလရှီးလက ပြောပါတယ်။

အဲဒီအစည်းအဝေးအတွင်းမှာ အမျိုးသားညီညွတ်ရေးအစိုးရ ဝန်ကြီးချုပ် မန်းဝင်းခိုင်သန်း က ပြည်သူကို ကာကွယ်ပေးရမယ့် တော်လှန်ရေးအဖွဲ့တွေမှာလမ်းကြောင်းလွဲလာကြမယ်ဆိုရင် တော်လှန်ရေးအတွက် ထိခိုက်မှု ရှိလာမယ်လို့ သတိပေးပြောကြားခဲ့ပါတယ်။

တော်လှန်ရေးအင်အားစုများဘက်က လက်နက်ကိုင် တပ်ဖွဲ့တွေအတွင်းမှာလည်း လက်ရှိ ဆင်နွှဲနေရတဲ့ တော်လှန်ရေးရဲ့ အရင်းအမြစ်ပြဿနာက ဘာလဲဆိုတာကို မေ့လျော့ပြီး လက်နက်ရှိလာတာနဲ့ ပြည်သူအပေါ် အာဏာပြချင်တဲ့ လူပုဂ္ဂိုလ်မျိုးတွေ၊ အနိုင်အထက်ပြုကျင့်လိုသူတွေရှိလာတယ်လို့ ဝန်ကြီးချုပ် က ထောက်ပြပါတယ်။

ပြည်သူတွေဘက်က ငြိုငြင်စရာဖြစ်ရပ်တွေ များပြားလာရင် ပြည်သူလူထုရဲ့ အားပေး ထောက်ခံမှုလည်း တစ်စထက်တစ်စ ပျယ်လွင့်သွားနိုင်တာကို ကြီးစွာသတိထားရမှာ ဖြစ်တယ်လို့ဆိုပါတယ်။
အထူးသဖြင့် လက်နက် ကိုင်ထားကြတဲ့ အစုအဖွဲ့တွေကြားက ပြဿနာတွေဆိုရင် အစိုးရအနေနဲ့ ခိုင်ခိုင်မာမာ မူဝါဒတွေ ချမှတ်ဖြေရှင်းကြရမှာ ဖြစ်တာကြောင့် သတိထားဖြေရှင်းရမယ့် ကိစ္စတွေကိုပြဿနာတွေ မကြီးထွားခင် မြန်မြန်ဆန်ဆန်ဖြေရှင်းဆောင်ရွက်ကြမှ အခက်အခဲနည်းမယ်လို့ လည်းပြောကြားခဲ့ပါတယ်။

https://youtu.be/1OkHClY6T-Q?si=AKgCGJtdl56kZbYO

#Political News
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဂါဘွန်းမှာ စစ်တပ်ကအာဏာသိမ်းပြီး သမ္မတကို နေအိမ်အကျယ်ချုပ် ချထား

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts

​​အင်းလေးတွင် အမျိုးသမီး ၂ဦးပါမိသားစု စစ်ကောင်စီဖမ်းပြီး ပြင်ပနှင့်တွေ့ခွင့်ပိတ်
=================

ဂျူချန်း
(မဇ္ဈိမ)။ ။ ညောင်ရွှေမြို့နယ်၊​ အင်းလေးဒေသမှ အမျိုးသမီးနှစ်ဦးအပါအဝင် မိသားစုတစုကို စစ်ကောင်စီက ဖမ်းဆီးထားပြီး ပြင်ပနှင့်တွေ့ဆုံခွင့်ပိတ်ပင်ထားကြောင်း ဒေသတွင်း လူ့အခွင့်အရေးတက်ကြွလှုပ်ရှားသည့် Justice Movement for Community - Innlay အဖွဲ့ ဒါရိုက်တာ ဒေါ်ယုလှိုင်သင်းကပြောသည်။

အင်းလေးဒေသ၊ သပြေပင်သစ်၊အမှတ်(၃) ကျေးရွာမှ ကိုအောင်မျိုးဝင်း၊ မမြအေး၊၎င်းတို့၏ အသက် ၁၈ နှစ်နှင့် ၁၅ နှစ်အရွယ်သားနှင့်သမီးတို့ကို ပြီးခဲ့သည့် ဩဂုတ်လ ၂၈ ရက်နေ့ ည ၈နာရီဝန်းကျင်ခန့်တွင် လက်နက်ကိုင်ထားသည့် ပျုစောထီး၁၀ ဦးခန့်က နေအိမ်သို့ လာရောက်ဖမ်းဆီးသွားခြင်းဟု သိရသည်။

ကိုအောင်မျိုးဝင်းနှင့် မမြအေးကို ညောင်ရွှေမြို့မ ရဲစခန်းအချုပ်ခန်းတွင် ချုပ်နှောင်ထားပြီး သားနှင့် သမီးဖြစ်သူကို ရဲစခန်း၏ ရုံးခန်းတွင် ထားရှိကြောင်း ၎င်းတို့နှင့်ဆွေမျိုးနီးစပ်သူများကပြောသည်။ လေးဦးစလုံးအား မည်သူနှင့်မျှတွေ့ခွင့်မပေးဟု ဆိုသည်။

“၂၉ ရက်နေ့က ကလေးတွေရဲ့ ဘကြီးက သွားတွေ့တာ။ ကလေးတွေနဲ့ ခဏတွေ့ရတယ်။ ကလေးတွေက ဘကြီးကိုမြင်မြင်ချင်း ပြေးဖက်ပြီး ငိုကြတယ်။ ခဏကြာတော့ စခန်းမှူးက လာထွက်ဆဲလို့ ပြန်ပြေးလာရတယ်။ မိဘနှစ်ယောက်ကကျတော့ ဘာမှ မသိရ မကြားရဘဲ ပြန်လာရတယ်။ စကားပြောခွင့်ကိုမပေးတာ။ တွေ့ခွင့်လည်းမပေးဘူး" ဟု ဒေါ်ယုလှိုင်သင်းက ပြောသည်။

ကိုအောင်မျိုးဝင်းတို့ မိသားစုသည် ပြည်သူ့ကာကွယ်ရေးတပ်ဖွဲ့နှင့် ဆက်စပ်သည်ဟူသော သံသယဖြင့် ဖမ်းဆီးခံရခြင်းဖြစ်သော်လည်း စစ်ကောင်စီက တရားဝင်ထုတ်ဖော်ပြောကြားခြင်းမရှိသေးဟု ဒေသခံအချို့ကဆိုသည်။

" ဆွေမျိုးတွေ စိတ်ပူလွန်းလို့ တငိုငို၊တရယ်ရယ်ဖြစ်နေကြတယ်”ဟု ဒေါ်ယုလှိုင်သင်းက ပြောသည်။

ရှမ်းပြည်နယ်တောင်ပိုင်းတွင် ပြီးခဲ့သည့် ဇူလိုင် ၃၁ ရက်နေ့ကလည်း ရွာငံမြို့နယ်၊ပဲရင်းတောင်ကျေးရွာနှင့် လွှစင်ကျေးရွာမှ ဒေသခံသုံးဦးကို စစ်ကောင်စီက ဖမ်းဆီးပြီး နေအိမ်လေးလုံးကို မီးရှို့သွားကြောင်း ဒေသခံများထံမှ သတင်းရရှိသည်။

စစ်တပ်အာဏာသိမ်းပြီးချိန်မှ ယခု၂၀၂၃ ခုနှစ်ဩဂုတ်လ ၃၀ ရက်နေ့အထိ နိုင်ငံတဝှမ်းတွင် မတရားဖမ်းဆီးခံရသူ စုစုပေါင်း ၂၄,၅၃၂ ဦးရှိပြီဖြစ်ပြီး ၁၉,၉၇၀ဦးမှာ ထိန်းသိမ်းခံနေရဆဲဖြစ်ကာ ၇,၂၀၈ဦးသည် ထောင်ဒဏ်ချမှတ်ခြင်းခံထားကြောင်းနိုင်ငံရေးအကျဉ်းသားများကူညီစောင့်ရှောက်ရေးအသင်း AAPPက ထုတ်ပြန်ထားသည်။

စာတည်း-အေးချမ်း

#mizzima
#အင်းလေးဒေသ
#အမျိုးသမီးနှစ်ဦးအပါမိသားစု
#စစ်ကောင်စီဖမ်းဆီး
ဖမ်းဆီးခံထားရသည့် မိသားစု(ပုံဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

August - 31 [2 Pm] Mizzima News Hour

Mizzima Headline News

#2pmnews #mizzimanewshour #mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts

​​ဓနုပြည်သူ့ လွတ်မြောက်ရေး တပ်ဦးသို့ Non CDM ဝန်ထမ်းများ၏ဖိနှိပ်မှုများအပေါ် တိုင်တန်းမှုများရှိနေ။
===============

၃၁-ဩဂုတ်-၂၀၂၃
ဓနုကိုယ်ပိုင်အုပ်ချုပ်ခွင့်ရဒေသ ရွာငံနဲ့ ပင်းတယမြို့များရှိ ဒေသနေ ပြည်သူများဟာ စစ်ကောင်စီ လက်အောက်ခံ Non CDM ဝန်ထမ်းများရဲ့ အနိုင်ကျင့် ဖိနှိပ်မှုများအပေါ် ဓနုပြည်သူ့ လွတ်မြောက်ရေး တပ်ဦး DPLF ထံ တိုင်ကြားမှုများရှိနေတယ်လို့ DPLF ရဲ့ ပြောရေးဆိုခွင့်ရှိသူ ထိပ်တန်းအရာရှိတစ်ဦးက Mizzima ကိုပြောပါတယ်။

“တိုင်ကြားစာတွေက တောက်လျှောက် ရရှိနေပါတယ်။ ပြည်သူ့အစိုးရ လက်ထက်ကလို မဟုတ်တော့ပဲ အရင် စစ်ကောင်စီလက်ထက်က အချိုးမျိုးတွေ ပြန်ကျင့်သုံးလာကြတယ်၊ မလိုအပ်ပဲ အခွန်တွေ အတင်းအကြပ် စည်းကြပ်တာ ကောက်ခံတာ တွေလုပ်တယ်။ ပြည်သူတွေ အပေါ်ကို ရိုင်းရိုင်းစိုင်းစိုင်းတွေ ဖိနှိပ်နေတာ တွေ့ရတယ်။ အာဏာသိမ်းပြီးမှ စကစလက်အောက်ခံ Non CDM တစ်ချို့က ပိုဆိုးနေတာ တွေ့ရတယ်။ “

ပြည်သူတွေက အားကိုးတကြီး တိုင်ကြားမှုတွေ အပေါ် အလေးအနက်ထားတဲ့အကြောင်းလည်း DPLF တာဝန်ရှိသူက ပြောပါတယ်။

ပြည်သူတွေဆီက တိုင်ကြားစာတွေ အရ လျှပ်စစ် ဌာန၊
စည်ပင်သာယာရေး ဌာန၊ ပြည်တွင်း အကောက်ခွန်ဦးစီး ဌာန၊
ရဲတပ်ဖွဲ့၊ အထွေထွေ အုပ်ချုပ်ရေး ဦးစီးဌာန၊ နဲ့ လူဝင်မှု ကြီးကြပ်ရေး ဦးစီးဌာန တို့ကို တိုင်ကြားမှု အများဆုံးရှိနေတယ်လို့ ဆိုပါတယ်။

“ရွာငံ မှာရော ပင်းတယမှာပါ အတိုင်ခံရဆုံးဌာနတွေ ရှိပါတယ်။ ဒေသတည်ငြိမ်ရေး ပြည်သူလူထု အထိပ်တလန့် မဖြစ်စေရေးကို အလေးထားနေလို့ သူတို့ကို အရေးယူမှုအပိုင်း မစတင်သေးတာဖြစ်တယ်။ လုံခြုံရေး ကောင်းပါတယ်ဆိုတဲ့ မန္တလေး ရန်ကုန်မှာတောင် ဌာနဆိုင်ရာတွေကို ရအောင် သတိပေးနိုင်သေးတယ်လေ။ နယ်မြေကျယ်ပြန့်ပြီး အချိန်မရွေး ဝင်ထွက်လို့ ရနေတဲ့ ရွာငံ ပင်းတယက ဌာနဆိုင်ရာတွေကို အရေးယူဖို့ဆိုတာ အခက်အခဲ မရှိပါဘူး။ မလုပ်သေးပဲ စောင့်ကြည့်နေပါတယ်၊ ပြည်သူကို သိပ်ထိပါးလာရင်တော့ ထိထိရောက်ရောက် အရေးယူသွားမှာဖြစ်တယ်” လို့ DPLF ရဲ့တာဝန်ရှိသူက ဆိုပါတယ်။

ရွာငံနဲ့ပင်းတယ ဓနုနဲ့ အခြားဒေသခံများနဲ့ဖွဲ့ စည်းထားတဲ့ ဓနုပြည်သူ့လွတ်မြောက်ရေးတပ်ဦး DPLF ကို ၂၀၂၂ ခုနှစ် ဩဂုတ်လ ၇ ရက်နေ့မှာစတင်ဖွဲ့စည်းခဲ့ပြီး ၂၀၂၃ခုနှစ် ဂျူလိုင်လ ၂၉ ရက်နေ့မှာ ဖွဲ့စည်းထားကြောင်း ပြည်သူထံ အသိပေးထုတ်ပြန်ခဲါပါတယ်။ DPLF ဟာ အခြားမဟာမိတ်တပ်များနဲ့ အတူ စကစနဲ့ ထိတွေ့ တိုက်ပွဲများမှာ တိုက်ပွဲအတွေ့အကြုံတွေ ရယူထားပါတယ်။

DPLF ဖွဲ့စည်းကြောင်း တရားဝင် ကြေငြာပြီး နောက်ပိုင်း အလှူငွေများလည်း ဆက်တိုက် လက်ခံရရှိနေတယ် လို့ ဆိုပါတယ်။
“အလှူငွေကတော့ တောက်လျှောက် ရနေပါတယ်။ မိုးကုတ်၊ နောင်ချို၊ ရွာငံ၊ ပင်းတယ နဲ့ နိုင်ငံခြားရောက် ဓနုဒေသနေ ပြည်သူတွေက လှူကြပါတယ်။ DPLF ဖွဲ့စည်းကြောင်း ကြေငြာပြီးနောက်ပိုင်း အရင်ကထက် အလှူငွေတွေ ပိုရရှိလာပါတယ်။ အလှူရှင်တွေ အနေနဲ့ စကစ လက်အောက်ခံ Kpay ၊ Wavepay တွေမသုံးပဲ လုံခြုံရေး စိတ်ချရတဲ့ နည်းတွေနဲ့ လှူလို့ရအောင် ဆောင်ရွက်ပေးထားပါတယ်။” လို့ DPLF တာဝန်ရှိသူက ဆိုပါတယ်။

ပြည်သူတွေရဲ့ တိုင်ကြားစာတွေကို မှတ်တမ်းထားရှိပြီး အလျင်းသင့်သလို ဆောင်ရွက် ပေးသွားမယ်လို့ သိရှိရပါတယ်။ တိုင်ကြားစာ ၊ အကြံပြုစာများကို DPLF ရဲ့ Telegram -@dplf78 နဲ့ E-mail အနေနဲ့ dplf78@gmail. com များကို လိပ်မှုပေးပို့နိုင်ကြောင်း သိရှိရပါတယ်။

ခွန်ရာဇာ (MMIT)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒီးမော့ဆိုတွင် စစ်ဘေးရှောင်များရှိရာကို စစ်ကောင်စီတပ် လေကြောင်းမှ ဗုံးကြဲ
===================

မောင်ခက်နွေ
(မဇ္ဈိမ) ။ ။ကရင်နီပြည်၊ ဒီးမော့ဆိုမြို့နယ် အနောက်ဘက်ခြမ်းရှိ စစ်ဘေးရှောင်များ နေထိုင်သည့် နေရာကို စစ်ကောင်စီတပ်က ယနေ့ သြဂုတ်လ ၃၁ ရက် မနက်ပိုင်းတွင် လေကြောင်းမှ ဗုံးကြဲခဲ့ကြောင်း ကမ်းလက် - ကယား IDPs Assistance Network ထံက သိရသည်။

စစ်ဘေးရှောင်များရှိသည့် နေရာနှင့် ပေ ၃၀ ခန့်အကွာသို့ ယနေ့ နံနက် ၄ နာရီခန့်က တိုက်လေယာဥ်ဖြင့် သုံးကြိမ်ခန့်လာရောက်ဗုံးကြဲခဲ့ကြောင်း ၎င်းအဖွဲ့က ထုတ်ပြန်ထားသည်။
“ဒီနေရာက စစ်မြေပြင်မဟုတ်ဘူးပေါ့။ စစ်ဖြစ်တာမျိုးမရှိဘဲ လာကြဲတာ” ဟု ကမ်းလက် - ကယား IDPs Assistance Network ၏ ပြန်ကြာရေး တာဝန်ခံက မဇ္ဈိမကို ပြောသည်။

အဆိုပါ နေရာတွင် စစ်ရှောင်ဦးရေ ၁၀၀ ကျော်ရှိပြီး လေကြောင်းတိုက်ခိုက်မှု ထပ်မံပြုလုပ်လာမည်ကို စစ်ရှောင်များက စိုးရိမ်နေကြသော်လည်း ပြောင်းရွေ့ရန် အဆင်ပြေသည့် နေရာမရှိကြောင်း သိရသည်။

“စစ်ရှောင်တွေရဲ့ စိတ်ပိုင်းဆိုင်ရာ အခြေအနေကျတော့ ဘုရားပဲ အားကိုးကျတယ်။ ဖြစ်လာတဲ့ အခြေအနေပေါ် အားလုံး ကြေကွဲ ဝမ်းနည်းမှုတွေ ရှိပေမယ့် ဒါတွေအားလုံး ဘုရားလက်ထဲပဲ အပ်တာများတာပေါ့ ။ အထိအခိုက်တော့ မရှိဘူးဗျာ။ တင်ထားနဲ့ပုံ ထဲက ဗုံးသာကွဲခဲ့ရင် အသေအကြေ အတော်များသွားမယ် ထင်တယ်” ဟု ၎င်းက ဆိုသည်။

စစ်ဘေးရှောင်များတွင် စားနပ်ရိက္ခာ အခက်အခဲရှိနေပြီး ကုန်စျေးနှုန်းကြီးမြင့်လာသည့်ကြားတွင် ဝင်ငွေမရှိ၍ အကူအညီလိုအပ်နေကြကြောင်း သိရသည်။

လက်ရှိတွင် ကရင်နီပြည်ကို အာဏာသိမ်း စစ်တပ်က အင်အားအလုံးအရင်းနှင့် တိုက်ခိုက်မှု ပြုလုပ်လျက်ရှိသည်။ ကရင်နီပြည်တွင် စစ်ဘေးရှောင် ပြည်သူ စုစုပေါင်း ၃ သိန်းနီးပါး ရှိနေပြီး စစ်ရှောင်ကာလ ၂ နှစ်ကျော်နေပြီ ဖြစ်သည့် အတွက် ကျန်းမာရေး၊ စားနပ်ရိက္ခာနှင့် နေထိုင်ရေး စသည့် လိုအပ်ချက်များ ရှိနေကြောင်း စစ်ဘေးရှောင်များကို ကူညီပေးနေသူများက ဆိုသည်။

စာတည်း။ ။အောင်ကျော်ဖြိုး

#Mizzima
#ဒီမော့ဆို
#လေယာဥ်ဖြင့် ဗုံးကြဲ

ပုံအညွှန်း - အာဏာသိမ်း စစ်တပ် ကြဲသွားသည့် မပေါက်ကွဲသေးသည့် ဗုံးအားတွေ့မြင်ရစဉ် (ဓာတ်ပုံ- ကမ်းလက် - ကယား IDPs Assistance Network)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သြဂုတ်လ ( ၃၁ ) ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
=====================

01:06-စစ်မျက်နှာအားလုံး မဟာဗျူဟာကျကျ စွမ်းဆောင်နိုင်မှသာ ဖက်ဒရယ်ဒီမိုကရေစီပြည်ထောင်စု ဖန်တီးနိုင်မယ့်လို့ NUG ယာယီသမ္မတ ပြောတဲ့သတင်း

03:52-ပလမြို့မှာ စစ်ကောင်စီတပ်အရာရှိက ပြည်သူ့စစ်တပ်ဖွဲ့ဝင်ကို စကားများရန်ဖြစ်ရာမှ ဓားနဲ့ထိုးတဲ့သတင်း

04:48-ထိုင်းဘက် ထွက်ပြေးလာတဲ့ မြန်မာဒုက္ခသည်တွေ လုံခြုံမှုမရှိဘဲ နေရပ်ပြန်မပို့ဖို့ NHRC တောင်းဆိုတဲ့သတင်း

06:45-လူအခွင့်အရေးကို ပိုမိုလေးစားလိုက်နာဖို့ တရုတ်နိုင်ငံခရီးစဉ်အတွင်း ယူကေနိုင်ငံခြားရေးဝန်ကြီးပြောကြားတဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/vN8pWciU3L4?si=-xrLm9g4riJQhHkN

#2pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

တရုတ်နဲ့စီးပွားရေး ဆက်ဆံလုပ်ကိုင်နေရမှုဟာ စိတ်မချရဘူးလို့ မိမိတို့ကုမ္ပဏီတွေက ယူဆနေကြောင်းအမေရိကန် ပြော

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts #China #American