Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
မိုးကြောင့် ပင်လည်ဘူး- ဖောင်းပြင်ကားလမ်းပျက်စီးပြီး ကုန်တင်ကားအစီး ၃၀၀ကျော် ပိတ်မိနေ
🔥4👍3
မိုးကြောင့် ပင်လည်ဘူး- ဖောင်းပြင်ကားလမ်းပျက်စီးပြီး ကုန်တင်ကားအစီး ၃၀၀ကျော် ပိတ်မိနေ
========================

ကိုခင်မောင်
(မဇ္စျိမ) ။ ။ စစ်ကိုင်းတိုင်း၊ ကောလင်းခရိုင်အတွင်း မိုးရွာသွန်းမှုကြောင့် ပင်လည်ဘူး-ဖောင်းပြင်ကားလမ်းပိုင်းပျက်စီးပြီး ကုန်တင်ကား အစီးရေ ၃၀၀ကျော် ပိတ်မိနေသည်ဟု ဒေသခံသတင်းရင်းမြစ်များထံမှ သိရသည်။

ပင်လည်ဘူး- ဖောင်းပြင်ကားလမ်းသည် ပြီးခဲ့သည့် သြဂုတ်လ ၂၅ရက်နေ့မှစ၍ မိုးအဆက်မပြတ်ရွာသွန်းမှုကြောင့် ပေကုန်းကျေးရွာအနီးတွင် ရွံ့ဖွက်များထပြီး လမ်းချော်နေ၍ ကားများ မောင်းနှင်မရတော့ကြောင်းသိရသည်။ ပိတ်ဆို့နေသည့် ရက်ပေါင်း ၂၀ ကျော်လာ၍ အခက်အခဲများကြုံတွေ့နေရသည်ဟု ဒေသခံများကပြောသည်။

“မုံရွာ-ပင်လည်ဘူး-ဖောင်းပြင်-ခန္တီးတို့ကို လာတဲ့ ကုန်စည်ကားတွေပိတ်မိတာဖြစ်တယ်။ အဲဒီမှာ ပိတ်နေတဲ့အတွက် ကျွန်တော်တို့ ဒီအထက်ပိုင်းက ကုန်စည်စီးဆင်းမှုအရ နှောင့်နှေးကြန့်ကြာမှုဖြစ်တယ်။ အထက်ပိုင်းခန္တီးမှာကျတော့ ကုန်ဈေးနှုန်းတွေမြင့်တက်သွားတယ်” ဟု ခန္တီးဒေသခံ ကိုအောင်ဆန်းက ပြောသည်။
ပင်လည်ဘူးမြို့နယ်တွင် မြို့ပေါ်မှလွဲ၍ ကျန်ဒေသများ၌ စစ်ကောင်စီအုပ်ချုပ်ရေးယန္တရားလည်ပတ်မှုမရှိတော့ဘဲ အမျိုးသားညီညွတ်ရေးအစိုးရ(NUG)က နယ်မြေစိုးမိုးထားနနိုင်သည်ဟု ဒေသခံများကပြောသည်။

လမ်းပိတ်ဆို့နေမှုကို ပင်လည်ဘူးမြို့နယ် ပြည်သူ့အုပ်ချုပ်ရေးအဖွဲ့ က ကိုင်တွယ်ဖြေရှင်းနေသော်လည်း နှောင့်နှေးနေသလို ကားများထံမှ ငွေတောင်းခံမှုများရှိနေကြောင်း ခရီးသွားအချို့ကပြောသည်။
" NUG အစိုးရအတွက်အခွန်က ဆောင်တယ်။ ဒါပေမယ့် အဲ့အခွန်အပြင် ထပ်တောင်းနေတယ်။ ဒါတွေကို ထိန်းသိမ်းကြပ်မတ်ပေးဖို့လိုတယ်" ဟု ကိုအောင်ဆန်းက ဆက်ပြောသည်။

ပင်လည်ဘူး-ဖောင်းပြင်ကားလမ်းပိုင်းသည် ဖောင်းပြင်-မော်လိုက်-ဟုမ္မလင်း-ခန္တီး စသည့်မြို့များ၏ ကုန်စည်ပို့ဆောင်ရေးအတွက် အဓိကလမ်းကြောင်းဖြစ်သည်။ လမ်းပြုပြင်နိုင်ရန် ကြိုးစားနေသည်ဟု ပင်လည်ဘူးမြို့နယ် ပြည်သူ့အုပ်ချုပ်ရေးအဖွဲ့ ခေါင်းဆောင်က မဇ္စျိမအားပြောသည်။

“လမ်းပြုပြင်ထိန်းသိမ်းဖို့ အတွက် ငွေကြေးကောက်ခံပါတယ်။ ဒီလိုကောက်ခံမှုမရှိရင် ပြုပြင်နိုင်မှာမဟုတ်ဘူး။ ဒေသခံတွေကိုပြောပေးစေချင်တာကတော့ဒီလိုအခက်အခဲကာလမှာ ပူးပေါင်းဆောင်ရွက်ပေးကြပါ။ မရှင်းတာရှိရင်ပွင့်လင်းစွာလာရောက်ဆွေးနွေးနိုင်ပါတယ်။ အကြံပြုပေးကြဖို့ဖိတ်ခေါ်ပါတယ်” ဟု ၎င်းက ပြောသည်။

ကားလမ်းပိုင်းပျက်စီးနေသည့်နေရာအား လူအင်အား ၇၀၊ ဘက်ဟိုးတစီး၊ လယ်ထွန်စက်နှစ်စီးဖြင့် နေ့ညအချိန်ယူပြုပြင်နေသည်ဟု
ပင်လည်ဘူးမြို့နယ် ပြည်သူ့အုပ်ချုပ်ရေးအဖွဲ့ကဆိုသည်။
ကားလမ်းပျက်စီးမှုကြောင့် ကုန်စည်စီးဆင်းမှုမရှိ၍ အခြေခံစားသောက်ကုန်များ ဈေးတက်နေ‌ သောကြောင့် ဒေသခံများအတွက် စားဝတ်နေရေး အကျပ်အတည်းကြုံတွေ့နေသည်ဟု ကိုအောင်ဆန်းကပြောသည်။

“လမ်းမပိတ်ခင်စက်သုံးဆီ ခုနစ်သိန်း။ အခုလမ်းပိတ်တော့ ၁၁သိန်း၊ ဆန်တအိတ် အရင် တသိန်းနှစ်သောင်း အခု နှစ်သိန်းရှိနေပြီ” ဟု ၎င်းကဆိုသည်။

လတ်တလောတွင် စစ်ကိုင်းတိုင်း မြို့နယ်အချို့၌ မိုးရွာသွန်းမှုများရှိနေသည်။ ဧရာဝတီနှင့်ချင်းတွင်းမြစ်ရေလည်း ပြန်လည်မြင့်တက်လာသည်။

မိုးနှောင်းကာလဖြစ်သည့် လက်ရှိ စက်တင်ဘာလအတွင်း မုတ်သုံလေအားကောင်းကာ ဒေသအများစု မိုးကြီးနိုင်ကြောင်း NUGအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)က သတိပေးထားသည်။

စာတည်း - အေးချမ်း

#mizzima
#စစ်ကိုင်းတိုင်း
#ပင်လည်ဘူး-ဖောင်းပြင်ကားလမ်း
#ပျက်စီး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥4
​​ယာဉ်လိုင်စင်သက်တမ်းတိုးရာ၌ အခွန်တိုးကောက်မည်ကို သတိပေးသည့်အနေဖြင့် အခွန်ရုံးကို ဗုံးဖြင့် တိုက်ခိုက်ဟုဆို
=====================

007
(မဇ္ဈိမ)။ ။မန္တလေးမြို့၊ ချမ်းမြသာစည်မြို့နယ်၊ လမ်း ၆၀ နှင့် ၁၀၂ လမ်းထောင့်ရှိ မြို့နယ် ပြည်တွင်းအခွန် များဦးစီးဌာနရုံးကို စက်တင်ဘာလ ၁၁ ရက်နေ့မွန်းလွဲပိုင်းက လက်ပစ်ဗုံးဖြင့် ပစ်ခတ်တိုက်ခိုက်ခဲ့ကြောင်း ဒေသအခြေစိုက် ပြောက်ကျားတပ်ဖွဲ့တခုဖြစ်သော No More Dictatorship People’s Defence Force-NMD အဖွဲ့ က သတင်းထုတ်ပြန်သည်။

ကားနှင့်ဆိုင်ကယ်များ လိုင်စင်သက်တမ်းတိုးရာတွင် ကုန်လမ်းပို့ဆောင်ရေးနှင့်ဆိုင်သော အခွန်အခအား သုံးဆတိုးကောက်ခံရန် ဆောင်ရွက်နေခြင်းကြောင့် သတိပေးတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက် တွင် ဖော်ပြထားသည်။

“ပြည်သူတွေရဲ့အိုးအိမ်တွေ သိမ်းဆည်းခြင်း၊ ဖျက်ဆီးခြင်းတွေအပြင် အခွန်ဘဏ္ဍာဆိုင်ရာတွေနဲ့လည်း မျိုးစုံ ဒုက္ခပေးနေတယ်။ ပြည်သူတွေကို မလွှဲသာမရှောင်သာ ဆိုင်ကယ်၊ ကားလိုင်စင်အခွန်ဆောင်ဖို့ အတင်းအဓမ္မ ဖိအားပေးနေတယ်။ ဒါကြောင့်မို့ ပြည်သူတွေရဲ့ကိုယ်စား ဖောက်ခွဲတိုက်ခိုက်ခဲ့တာဖြစ်ပါ တယ်” ဟု NMD အဖွဲ့မှ တာဝန်ရှိသူကပြောသည်။

စက်တင်ဘာလ ၁၁ ရက်နေ့ မွန်းလွဲ ၃ နာရီခန့်တွင် တိုက်ခိုက်ခဲ့ခြင်းဖြစ်ပြီး ထိခိုက်မှုတစုံတရာမရှိ ကြောင်း နယ်မြေခံရဲတပ်ဖွဲ့နှင့်နီးစပ်သူတဦးကဆိုသည်။

“လက်ပစ်ဗုံးနဲ့ ပစ်သွားတာပါ၊ ရုံးထဲ အထိအခိုက် မရှိပါဘူး” ဟု ၎င်းက ပြောသည်။ NMD အဖွဲ့သည် ပြီးခဲ့သည့် စက်တင်ဘာလ ၂ ရက်နေ့ကလည်း ချမ်းမြသာစည်မြို့နယ် ၆၈ လမ်း၊ ၁၀၁ လမ်းနှင့် ၁၀၂ လမ်းကြားရှိ ရသုံးမှန်းခြေ ငွေစာရင်းရုံးအား ဒုတိယအကြိမ် ဗုံးဖြင့်တိုက်ခိုက်ခဲ့သေးသည်။

စစ်ကောင်စီ၏ ဘဏ္ဍာရေးယန္တရား လည်ပတ်စေရန် အလုပ်လုပ်ပေးနေသောရုံးဖြစ်၍ တိုက်ခိုက်ခဲ့ခြင်း ဖြစ်ကြောင်း သတင်းထုတ်ပြန်ထားသည်။

စစ်ကောင်စီသည် မော်တော်ယာဉ်မှတ်ပုံတင်ဆိုင်ရာလုပ်ငန်းများနှင့်ပတ်သက်၍ အခွန်ငွေများ တိုးမြှင့် ကောက်ခံရန်ပြင်ဆင်နေပြီး လတ်တလောထုတ်ပြန်ထားသော ညွှန်ကြားစာများအရ လက်ရှိထက် သုံးဆ တိုးမြှင့်ကောက်ခံသွားရန် လျာထားကြောင်း သိရသည်။

စာတည်း။ ။စောဖေ

#မန္တလေးမြို့
#အခွန်ရုံး
#ဗုံးဖြင့်တိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🔥2👏2🤬1🤮1
မန္တလေးတွင် ဆေးနှင့် ဆေးပစ္စည်းအချို့ ဈေးကွက်တွင်ပြတ်လပ်
🔥5😢1
မန္တလေးတွင် ဆေးနှင့် ဆေးပစ္စည်းအချို့ ဈေးကွက်တွင်ပြတ်လပ်
=====================

007
(မဇ္စျိမ) ။ ။မန္တလေးမြို့တွင် ယခုလပထမပတ်မှစ၍ ဆေးနှင့်ဆေးပစ္စည်းအချို့ ၀ယ်မရတော့သည့်အခြေ အနေနှင့်ကြုံတွေ့နေရကြောင်း ဒေသခံများထံမှသိရသည်။

မြန်မာငွေတန်ဖိုးကျဆင်းမှုနှင့်အတူ ဈေးနှုန်းမြင့်တက်ခဲ့သည့် နိုင်ငံခြားမှတင်သွင်းရသည့် ဆေးနှင့်ဆေး ပစ္စည်းအချို့သည် ပြီးခဲ့သည့်ဩဂုတ်လအတွင်းက စံချိန်တင်မြင့်တက်ခဲ့ပြီးနောက် လက်ရှိတွင် ၀ယ်မရ တော့သည့် အခြေအနေအထိပါဖြစ်လာကြောင်း သိရသည်။

“အထူးသဖြင့် ဆီးချိုရောဂါနဲ့ပတ်သက်တဲ့ဆေးတွေ၀ယ်မရတော့ဘူး။ ဈေးတက်ရာကနေ ၀ယ်မရတော့ တဲ့အခြေအနေအထိရောက်သွားတာ။ ဆီးချိုသမားတွေမဖြစ်မနေသုံးရတဲ့ အင်ဆူလင် (Insulin Injection BP) လည်း ပစ္စည်းပြတ်နေတယ်၊ ဘယ်ဆိုင်မေးမေး မရှိတာကများတယ်” ဟု နာတာရှည် ဆီးချိုရောဂါ သည်တဦး၏ မိသားစု၀င်ကပြောသည်။

လတ်တလော ၀ယ်ယူ၍မရတော့သည့်ဆေးဝါးများတွင် ဆီးချိုရောဂါသည်များအသုံးပြုရသည့် ဆေးဝါး များ၊ ကျောက်ကပ်ရောဂါသည်များ အသုံးပြုရသည့်ဆေးဝါးများပါ၀င်ပြီး အားဖြည့်ဓာတ်စာအချို့လည်း အဆမတန် ဈေးနှုန်းမြင့်တက်ရာမှ ဈေးကွက်ထဲတွင်ပစ္စည်းပြတ်လပ်သည်အထိဖြစ်နေကြောင်း ၀ယ်ယူ သုံးစွဲနေရသည့်ဒေသခံများက ပြောသည်။

“ကျောက်ကပ်သမားတွေ မဖြစ်မနေသုံးရတဲ့ အားဖြည့်ဓာတ်စာတွေဆိုရင် ဈေးကွက်ထဲမှာ မရှိတော့ဘူး။ တချို့ဆိုင်တွေမှာတော့ အနည်းအကျဉ်းရှိသေးပေမယ့် သက်တမ်းကုန်ကာနီးတွေဖြစ်နေတယ်။ ပစ္စည်းက ထပ်မ၀င်တော့တာလား၊ ဒေါ်လာမရှိလို့ မသွင်းနိုင်တာလားတော့ ကုမ္ပဏီတွေပဲသိမယ်” ဟု အမည်မဖော် လိုသူ ဒေသခံတဦးကပြောသည်။

ပစ္စည်း လိုသလောက်၀ယ်မရခြင်းနှင့်ပတ်သက်၍ ဆေးဆိုင်နှင့်ဆေးကုမ္ပဏီအချို့က ဈေးဆက်တိုက်မြင့် တက်နေချိန်ဖြစ်၍ ထုတ်မရောင်းခြင်းဖြစ်ကြောင်း ဝေဖန်သုံးသပ်ကြသူများရှိသော်လည်း ၎င်းတို့က ငြင်း ဆိုသည်။

“တချို့က ပေါ်တင်ကိုလာပြောကြတယ်၊ ဈေးတက်လို့မရောင်းတာလားပေ့ါ။ တကယ်က ကျွန်တော်တို့မှာ လည်း ရောင်းစရာမရှိလို့ မရောင်းပေးနိုင်တာပါ။ ကုမ္ပဏီတွေကိုက ပစ္စည်းထပ်မသွင်းနိုင်တော့တဲ့အခြေ အနေလေဗျာ၊ ဒေါ်လာပြဿနာပေါ့” ဟု မန္တလေးဆေးရုံကြီးအနီးမှ ဆေးနှင့်ဆေးဝါးပစ္စည်းအရောင်း ဆိုင်တခုက ၀န်ထမ်းတဦးကပြောသည်။

ပြည်တွင်း၌သုံးစွဲနေသည့် ဆေးနှင့်ဆေးပစ္စည်း၏ ၈၀ ရာခိုင်နှုန်းကျော်ကို အိန္ဒိယ၊ တရုတ်နှင့် ထိုင်းစသည့် ပြည်ပနိုင်ငံများမှ တင်သွင်းနေရခြင်းဖြစ်သည်။

အာဏာသိမ်းပြီးနောက် စစ်ကောင်စီက ဒေါ်လာဈေးကွက်ကို ထိန်းချုပ်ကန့်သတ်မှုများပြုလုပ်ခဲ့ပြီး နောက် ဆေးဝါးတင်သွင်းမှုအပေါ် များစွာရိုက်ခတ်ခဲ့သည်။

စာတည်း။ ။စောဖေ

#မန္တလေးမြို့
#ဆေးနှင့်ဆေးပစ္စည်းပြတ်လပ်
#ဒေါ်လာဈေးကွက်

ပုံညွှန်း - ဆေးနှင့်ဆေးပစ္စည်းစျေးကွက်အတွင်း ပစ္စည်းပြတ်လပ်သည်အထိဖြစ်နေသော
ကျောက်ကပ်ဆေး၊ ရောဂါသည်များအတွက် မရှိမဖြစ် အားဖြည့်ဆေးဖြစ်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12🔥2😢1
​​Battleship Island
=============

ဒီကားကိုတော့ ၂၀၁၇မှာရိုက်ကူးခဲ့တာဖြစ်ပြီး နာမည်ကြီးသရုပ်ဆောင်များစွာ ပါဝင်ခဲ့ပါတယ်

ဒီကားဟာ ဒုတိယကမ္ဘာစစ်အတွင်း ဂျပန်ကိုလိုနီခေတ် ကျောက်မီးသွေးတွင်းတွေမှာ မတရားခိုင်းစေခံခဲ့ရတဲ့ ကိုးရီးယားလုပ်သားတွေအကြောင်းကိုအခြေခံပြီးရိုက်ကူးထားတာပါ။

ဖြစ်ရပ်မှန်ဖြစ်တဲ့အပြင် ပုံဖော်နိုင်စွမ်းကောင်းတဲ့အတွက် ကြည့်ရင်းနဲ့ ကိုယ်ပါမွန်းကျပ်လာသလိုခံစားလာရတဲ့အထိ ပရိသတ်ကိုဆွဲခေါ်သွားနိုင်တဲ့ ရုပ်ရှင်ကားကောင်းတစ်ကားဖြစ်ပါတယ်

ရုပ်ရှင်ကြည့်ရင်းအပန်းဖြေရာရောက်တဲ့အပြင် သမိုင်းကိုပါလေ့လာနိုင်တဲ့ကားကောင်းလေးဖြစ်တာမို့ အားလုံးပဲကြည့်ရှုခံစားလိုက်ပါဦး...

ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့ Mizzima TV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် -
http://onelink.to/jnuwak

#New ပြသမည့်ရက်။ ။ 12.9.2023
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍11❤2🔥2🤮1
National Unity Government (NUG)၏ PVTV Channel မှ ၂၀၂၃ ခုနှစ်စက်တင်ဘာလ ၁၂ ရက်ထုတ်လွှင့်မှုများ
=====================

https://youtu.be/1qrwXB9ayUs?si=TCi-wDIfRE1DfwpF

#PVTV
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U
👍24❤3🔥2🤮1
စက်တင်ဘာလ (၁၃) ရက် ဗုဒ္ဓဟူးနေ့ မနက်ပိုင်း မဇ္ဈိမ ရေဒီယိုအစီအစဉ်
===============

မန္တလေးမှာ ဆေးနဲ့ ဆေးပစ္စည်းအချို့ ပြတ်လပ်နေတဲ့အကြောင်းနဲ့အတူ ဒေါက်တာ ဖြိုးသီဟရဲ့ ပီတိအိမ်စာပေ ထုတ်ဝေခွင့် လုပ်ငန်းလိုင်စင်အား စစ်ကောင်စီ ပိတ်သိမ်းလိုက်တယ်ဆိုတဲ့ အကြောင်းတွေပါဝင်တဲ့ နောက်ဆုံးရ ပြည်တွင်းသတင်းတွေ၊စီးပွားရေးသတင်းတွေနဲ့ နိုင်ငံတကာသတင်းတွေကို နားဆင်ကြရပါမယ်။

သတင်းတွေအပြီးမှာတော့ အပတ်စဉ်ကဏ္ဍအနေနဲ့ “ဆက်သွယ်မေးမြန်းချက်” အစီအစဉ်ကို နားဆင်ရမှာပါ။

https://youtu.be/JRoOEY3GI30?si=pDQ8R8RFMzR70Vs7

#Morningradio
#Mizzimaradio
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17😁4❤1
မဇ္ဈိမအတွက် ဗွီအိုအေ သတင်းလွှာ( စက်တင်ဘာလ ၁၃ ရက်၊ ၂၀၂၃ ) | VOA On Mizzima
====================

ကမ္ဘောဒီးယားကမ်းခြေမြို့က တရုတ်ရင်းနှီးမြှုပ်နှံမှု စီမံကိန်းများ၊ အပူချိန်ပြင်းထန်မှုကြောင့် သီးနှံလေလွင့်မှု တိုး၊ ဒီလို စိတ်ဝင်စားစရာ နိုင်ငံတကာသတင်းဆောင်းပါးတွေနဲ့ နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ စက်တင်ဘာလ ၁၃ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/e-tuTfWqU3E?si=No2FfA9DBsBLyeRo

#VOA
#mizzimatv
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5👏1🍌1
လူတွေပြောင်း၊ မူတွေပြောင်းပြီး စစ်ကောင်စီ ဘယ်ကိုခြေလှမ်းနေသလဲ
===================

ကာ/လုံမှာ အာဏာသိမ်းသက်တမ်း ၄ ကြိမ်မြောက်ထပ်တိုးပြီးနောက် စစ်ခေါင်းဆောင်ဟာ သူယုံကြည်ရမယ်လို့ ထင်တဲ့သူတွေနဲ့ စစ်ကောင်စီကို ပြန်လည်ဖွဲ့စည်းခဲ့သလို စစ်တပ်ထိပ်ပိုင်းခေါင်းဆောင်အတော်များများကိုလည်း အပြောင်းအလဲပြုလုပ်ခဲ့တာတွေ့ရပါတယ်။

နောက်ပြီး စစ်ကောင်စီဟာ သူတို့ရဲ့ ရှေ့လုပ်ငန်းစဉ် ငါးရပ်နဲ့ ဦးတည် ချက် ၁၂ ရပ်ထဲကမူဝါဒတချို့ကိုလည်း အပြောင်းအလဲပြုလုပ်ခဲ့တာဖြစ်ပါတယ်။

https://youtu.be/SDWUQz4IDP8?si=P4d_zMyI2vaJJupF

#politics
#newsfeature
#mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁7👍6
ကမ္ဘောဒီးယားကမ်းခြေမြို့က တရုတ်ရင်းနှီးမြှုပ်နှံမှု စီမံကိန်းများ | VOA On Mizzima
=======================

ကိုဗစ်ကပ်ရောဂါဆိုးကြီး မဖြစ်ခင်တုန်းက တရုတ် ရင်းနှီးမြုပ်နှံသူတွေ ကမ္ဘောဒီးယားနိုင်ငံ ကိုလာရောက်ပြီး လူသိပ်မသိသေး၊ မစည်ကားသေးတဲ့ပင်လယ်ကမ်းခြေက Sihanoukville မြို့ကို အချိန်ပြည့်ဖွင့်ထားတဲ့ လောင်းကစားရုံမြို့အဖြစ် ပြောင်းလည်းနိုင်ဖို့ လုပ်ဆောင်ခဲ့ကြပါတယ်။ ဒါပေမယ့်လည်း ကိုဗစ်ကပ်ရောဂါဖြစ်ပွားပြီး နောက်ပိုင်း တရုတ်နိုင်ငံ စီးပွားရေး ကျဆင်းလာခဲ့တဲ့အတွက် အဲဒီ တရုတ် ရင်းနှီးမြုပ်နှံသူတွေလည်း ကမ္ဘောဒီးယားကနေ ပြန်သွားပြီး ပြီးစီးခါနီး အဆောက်အဦးတွေကိုလည်း ဒီအတိုင်း စွန့်ပစ် ချန်ထားရစ်ခဲ့ကြပါတယ်။ အဲဒီအတွက် မြို့ထဲမှာ ကြည့်ရမြင်ရ အကျည်းတန် ရုပ်ဆိုးနေတဲ့အကြောင်း ဗွီအိုအေ သတင်းထောက် Hul Reaksmey ကမ္ဘောဒီးယားနိုင်ငံကနေ သတင်းပေးပို့ထားတာကို ကိုခင်မောင်စိုးမင်း တင်ဆက်ထားပါတယ်။

https://youtu.be/rb9WSSoYbSs?si=bC6ormoRRB12Rf-s

#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8
​​Burning
============

“ဘဝရဲ့အဓိပ္ပါယ်ကို ရှာဖွေခြင်း” ဘဝရဲ့အဓိပွါယ်က ဘာများလဲ??
ဒီမေးခွန်းဟာ လူတစ်ဦးတစ်ယောက်ချင်းအပေါ်မူတည်ပြီးအမျိုးမျိုးသောအဖြေရရှိနိုင်တဲ့ မေးခွန်းပါပဲဒီအကြောင်းကို လေးလေးနက်နက်တွေးဖူးတဲ့လူတွေရှိသလို တစ်ခါမှ မစဉ်းစားဖူးဘဲ လောကကြီးထဲကနေနှုတ်ဆက်သွားကြသူတွေလည်း ဒုနဲ့ဒေးပါပဲ..

ဒီဇာတ်ကားရဲ့ အနှစ်ချုပ်ကို ပြောရရင်တော့“ဘဝရဲ့အဓိပ္ပါယ်ကို ရှာဖွေကြသူများ”ပေါ့

ရှာဖွေပုံရှာဖွေနည်းတွေသာ ကွဲပြားသွားပေမဲ့သူတို့တွေကတော့ တွေ့ရှိသွားကြတဲ့ပုံပါပဲ

Haruki Murakami ရဲ့ Barn Burning ဝတ္ထုကိုရိုက်ကူးထားတဲ့ ဖြစ်ရပ်မှန်ဇာတ်လမ်းဆိုပါတော့တစ်ကားလုံး အငြိမ်ပုံစံမျိုးသွားပေမဲ့လွမ်းဆွေးပြီး ပဟေဠိဆန်တဲ့အငွေ့အသက်ကို ခံစားရစေမယ့်ကားပါ...

Drama/Mystery ဇာတ်ကားအမျိုးအစားဖြစ်ပြီး IMDb rating 7.5 နဲ့ Rotten Tomatoes မှာ 95% တောင်ရရှိထားတာမလို့စောင့်မျှော်ကြည့်ရှုဖို့ တိုက်တွန်းချင်ပါတယ်...

ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

Mizzima TV App အခမဲ့ဒေါင်းလုတ်ပြုလုပ်ရန် - https://bit.ly/44WaGEU

#New ပြသမည့်ရက်။ ။၁၃.၉.၂၀၂၃
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U"
👍8🔥1
​​13.9.2023 (Wednesday) တွင် ထုတ်လွှင့်တင်ဆက်ပြသမည့် အစီအစဉ်
==================

Highlight

အမှန်တရားအတွက် ပြိုင်ဆိုင်မှုများ (ညနေ - ၆ နာရီ)
ရင်ခုန်သံထပ်တူ (ညနေ- ၇ နာရီ)
India Movie - The attacks of 26/11 (ည- ၈ နာရီ)

Mizzima+ channel တွင် ပြသနေ့သည့် အချိန်မှာပဲ Mizzima App တွင်လည်း Live Stream တိုက်ရိုက်ကြည့်ရှုနိုင်ပါသည်။

#mizzimatv
👍2🔥2
​​ဟယ်ရီ မက်ဂွိုင်းယားအပေါ် 'အဓိပ္ပါယ်မဲ့တဲ့' ဝေဖန်မှုကို ဂါရတ် ဆောက်ဂိတ် ရှုတ်ချ
======================

အင်္ဂလန်အသင်းနည်းပြ ဂါရတ်ဆောက်ဂိတ်က ဟယ်ရီ မက်ဂွိုင်းယားအပေါ် 'အဓိပ္ပါယ်မရှိတဲ့ ဆက်ဆံမှု"ကို ရှုတ်ချခဲ့ပြီး နောက်ခံကစားသမား ရင်ဆိုင်နေရတဲ့ ဝေဖန်မှုဟာ "ပြက်ရယ်စရာ တစ်ခု" ဖြစ်တယ်လို့ ပြောကြားလိုက်ပါတယ်။

အသက် ၃၀ နှစ်ရှိ မက်ဂွိုင်းယားဟာ သူ့ရဲ ၅၉ ပွဲမြောက်အဖြစ် အင်္ဂလန်အသင်းမှာ ပါဝင်ခွင့်ရခဲ့ပေမယ့်လည်း အင်္ဂါနေ့က စကော့တလန်ကို ၃-၁ ဂိုးနဲ့ အနိုင်ရတဲ့ အဝေးကွင်းခြေစမ်းပွဲမှာ ကိုယ့်ဂိုးကို သွင်းမိခဲ့ပါတယ်။

သူဟာ အင်္ဂလန်အသင်းကို ၂၀၁၈ ကမ္ဘာ့ဖလား ဆီမီးဖိုင်နယ်နဲ့ ၂၀၂၀ ယူရို ဖိုင်နယ်အထိ ရောက်အောင် ကူညီပေးခဲ့ပေမယ့် မန်ချက်စတာယူနိုက်တက်မှာ ပထမအသင်းအတွက် ရုန်းကန်ခဲ့ရပါတယ်။
“ကစားသမားတစ်ယောက်ဟာ သူ့ပုံစံအတိုင်း ဆက်ဆံခံရတာကို ကျနော် တစ်ခါမှ မသိဖူးပါဘူး။"လို့ ဆောက်ဂိတ်က ပြောပါတယ်။
“ဆယ်စုနှစ်တွေကြာအောင် ဒုတိယအအောင်မြင်ဆုံးအင်္ဂလန်အသင်းမှာ ကျနော်တို့အတွက် သူဟာလုံးဝကို အားကိုးထိုက်သူ၊ သစ္စာစောင့်သိသူတစ်ဦးပါ။ သူက အဲဒါရဲ့ အဓိက အစိတ်အပိုင်းတစ်ခုပါ။

"ကျနော်တို့ရဲ့ စီနီယာကစားသမားတွေရဲ့ အရေးပါပုံကို ကျနော်ပြောခဲ့ပြီးပါပြီ၊ သူဟာ အဲ့ဒီအထဲမှာမှ တော်တော်အရေးပါပါတယ်။
"သူကွင်းထဲဝင်တိုင်း သူပြသခဲ့တဲ့ ခံနိုင်ရည်ဟာ မယုံနိုင်စရာပါပဲ။ သူက ထိပ်တန်းကစားသမားဖြစ်ပြီး ကျနော်တို့အားလုံး သူနဲ့အတူရှိနေသလို ကျနော်တို့ရဲ့ ပရိသတ်တွေကလည်း သူနဲ့အတူ အခိုင်အမာရှိနေခဲ့ပါတယ်။"

မက်ဂွိုင်းယားဟာ ဒီနွေရာသီမှာ ယူနိုက်တက်အသင်းခေါင်းဆောင်ရာထူးကနေ အချခံခဲ့ရပြီး အသင်းကနေ ထွက်ခွာဖို့ ချိတ်ဆက်မှုတွေရှိခဲ့ပေမယ့်လည်း တခြားနောက်ခံလူတွေ ဒဏ်ရာရရှိသွားတဲ့နောက် အိုးလ်ထရက်ဖို့ဒ်မှာ ဆက်လက်ရှိနေခဲ့တာပါ။

သူဟာ ယူနိုက်တက်က အာဆင်နယ်ကို ၃-၁ ဂိုးနဲ့ ရှုံးခဲ့တဲ့ပွဲရဲ့ ဒုတိယပိုင်းမှာ လူစားထိုးအနေနဲ့ စက်တင်ဘာလ ၃ ရက်နေ့မှာ ဒီရာသီ သူ့ရဲ့ပထမဆုံးပွဲကို ကစားခဲ့ပါတယ်။

စကော့တလန်နဲ့ပွဲမှာတော့ မက်ဂွိုင်းယားဟာ ပွဲချိန်ဝက်မှာ လူစားဝင်ခဲ့ပြီး ၆၇ မိနစ်မှာ ကိုယ့်ဂိုးကို မသွင်းမိခင် အိမ်ကွင်းပရိသတ်တွေရဲ့ လှောင်ပြောင်ခြင်းကို ခံခဲ့ရပါတယ်။

"စကော့တလန်ပရိသတ်တွေရဲ့ အမြင်ကနေ ကျနော် နားလည်ပေးနိုင်ပါတယ်။ သူတို့လုပ်ခဲ့တာတွေနဲ့ ပတ်သက်ပြီး ကျနော် လုံးဝ ညည်းညူစရာမရှိပါဘူး"လို့ ဆောက်ဂိတ်က ထပ်ပြောခဲ့ပါတယ်။
“ဒါပေမယ့် ဒါဟာ အချိန်ကာလကြာ သူ့အပေါ် အဓိပ္ပါယ်မရှိတဲ့ ဆက်ဆံမှုရဲ့ အကျိုးဆက်ပါပဲ။

"ဒါဟာ ပြက်ရယ်စရာ တစ်ခုပါပဲ။ စကော့တလန်ပရိသတ်တွေမှ မဟုတ်ဘဲ၊ ကျနော်တို့ရဲ့ မှတ်ချက်ပေးသူတွေ၊ ဝေဖန်သုံးသပ်သူတွေ ဒါမှမဟုတ် ဘာတွေပဲဖြစ်ဖြစ်ပေါ့။ ကျနော် မြင်ဖူးသမျှထက်ကျော်လွန်တဲ့ အရာတစ်ခုကို သူတို့တွေ ဖန်တီးခဲ့ကြတာပါ။
"ကျနော်တို့ရဲ့ပရိသတ်တွေကတော့ သူ့ကို အသိမှတ်ပြုခဲ့တယ်လို့ ထင်တယ်၊ 'အိုကေ ကျနော် ပရိသတ်တွေကနေ နွေးထွေးပေးနေနိုင်တယ်၊ ဒါပေမယ့် ကျနော်တို့က ပြင်ပလွှမ်းမိုးမှုတွေကနေ သူ့ကို ကာကွယ်ပေးသွားမှာပါ။"

Ref; BBC
Photo: AFP

#maguire
#southgate
#မက်ဂွိုင်းယား
👍11🔥1
​​ရိုဟင်ဂျာများအတွက် ရန်ပုံငွေသစ် ပေါင် ၃ သန်းအား ဗြိတိန် ကြေညာ 
====================

ဘင်္ဂလားဒေ့ရှ်တွင် နေထိုင်နေကြသည့် ရိုဟင်ဂျာဒုက္ခသည်များအတွက် ရန်ပုံငွေသစ် ပေါင် သုံးသန်း (အမေရိကန်ဒေါ်လာ ၃ ဒသမ ၇ သန်း) ကို ဗြိတိန်က အင်္ဂါနေ့တွင် ကြေညာသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥1
​​စစ်ကောင်စီစစ်သားများ နယ်စပ်ဖြတ်ကျော်ဝင်ရောက်မှုကိစ္စ စုံစမ်းစစ်ဆေးရန် ထိုင်းအစိုးရကို ထိုင်းလွှတ်တော်အမတ် တောင်းဆို
===================

လက်နက်အပြည့်အစုံတပ်ဆင်ထားသည့် မြန်မာစစ်ကောင်စီ စစ်သားများ နယ်စပ်ဖြတ်ကျော်ကာ ထိုင်းနိုင်ငံ တာ့ခ်ပြည်နယ်ထဲ ဝင်ရောက်မှု သတင်းများကို စုံစမ်းစစ်ဆေးရန် ထိုင်း Fair Party မှ လွှတ်တော်အမတ် ကန်နဗီး ဆူးဘ်ဆန်းက ထိုင်းအစိုးရကို တိုက်တွန်းတောင်းဆိုထားကြောင်း ဘန်ကောက်ပို့စ် သတင်းတပုဒ်တွင် ဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍15🔥2
အပူချိန်ပြင်းထန်မှုကြောင့် သီးနှံလေလွင့်မှု တိုး | VOA On Mizzima
======================

ကင်ညာနိုင်ငံက တောင်သူတွေဟာ ပြင်းထန်လှတဲ့နေ့အပူချိန်ကြောင့် သီးနှံတွေ ပျက်စီးနေရတဲ့အတွက် နေရောင်ခြည် စွမ်းအင်သုံး အအေးခန်းတွေနဲ့ သယ်ယူပို့ဆောင်ရင်း သီးနှံအလေအလွင့်နည်းအောင်ကြိုးပမ်းလာကြပါတယ်။ ဆာယာရ သဲကန္တာရပ်ဝန်းဒေသက ကောက်ပဲသီးနှံ ၃၀ % ကနေ ၄၀ % လောက်ဟာ စိတ်မချရတဲ့ သယ်ယူပို့ဆောင်ရေးစနစ်ကြောင့် ဈေးကွက်မရောက်ခင် ပျက်စီးနေရတယ်လို့ ကုလသမဂ္ဂ စိုက်ပျိုးရေးနဲ့ စားနပ်ရိက္ခာအဖွဲ့ FAO ကပြောပါတယ်။ နန်းလောင်ဝ်က တင်ပြထားပါတယ်။

https://youtu.be/2EIJtfslNH8?si=ilXE1fkl0A3tFIZc

#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍5😁3
​​ဒေါ်အောင်ဆန်းစုကြည်၏ ကျန်းမာရေးအား သားဖြစ်သူ ‘အလွန်အမင်း စိုးရိမ်’
==========================

မြန်မာနိုင်ငံ၏ ဖမ်းဆီးခံ ခေါင်းဆောင်ဟောင်း ဒေါ်အောင်ဆန်းစုကြည်၏ သားဖြစ်သူက သူအနေဖြင့် သူ့မိခင်၏ ကျန်းမာရေးအပေါ် “အလွန်အမင်း စိုးရိမ်ပူပန်ကြောင်း” ပြောပြီး သူမိခင်သည် အစာစားရန် ခက်ခဲနေပြီး ပြင်ပဆရာဝန်နှင့် ပြသခွင့်ကိုလည်း ငြင်းပယ်ခံထားရကြောင်း ဆိုသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢24😁2