Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ရေးမြို့နယ်တွင် ရှေ့ကားကို ကျော်တက်ရာမှ ကုန်ကား ၂ စီး တိုက်မိပြီး ယာဉ်မောင်း ၁ ဦးသေဆုံး
👍6🔥1
ရေးမြို့နယ်တွင် ရှေ့ကားကို ကျော်တက်ရာမှ ကုန်ကား ၂ စီး တိုက်မိပြီး ယာဉ်မောင်း ၁ ဦးသေဆုံး
======================

ဂျူချန်း
(မဇ္ဈိမ)။ ။ မွန်ပြည်နယ်၊ ရေးမြို့နယ်၊ မော့ကနင်ကျေးရွာအနီး ရေး-သံဖြူဇရပ် ပြည်ထောင်စုလမ်းမကြီးပေါ်တွင် ကုန်တင်ယာဉ်နှစ်စီး တိုက်မိရာမှ ကားမီးလောင်ကာ ယာဉ်မောင်းအမျိုးသားတဦး သေဆုံးသွားကြောင်း လူမှုကူညီရေးအသင်းများထံမှ သိရသည်။
ယမန်နေ့ စက်တင်ဘာလ ၁၃ ရက်နေ့ ညနေ ၅နာရီခွဲတွင် ရေးဘက်မှ သံဖြူဇရပ်ဘက်သို့ မောင်းနှင်လာသည့် ကွမ်းသီးတင်ကုန်တင်ကားနှင့် ရာဘာသစ်လုံးတင်သည့် ကုန်တင်ကားနှစ်စီး မတော်တဆ တိုက်မိခဲ့ခြင်း ဖြစ်သည်။

ကုန်ကားနှစ်စီးသည် လားရာတူသွားနေသည့် ကုန်တင်ကားများဖြစ်ကြပြီး ရှေ့ကုန်ကားကို ကျော်တက်ရာမှ ကုန်ကားနှစ်စီး တိုက်မိခဲ့ခြင်းဖြစ်ကြောင်း သိရသည်။

ယာဉ်တိုက်မှုကြောင့် ကွမ်းသီးကားမီးလောင်ကာ ယာဉ်မောင်းဖြစ်သူ အသက် (၄၀) အရွယ် ကိုမျိုးမင်း(ခ) ဆံရှည်သည် ကာားခေါင်းခန်းတွင် မီးလောင်သေဆုံးသွားခြင်း ဖြစ်သည်။

ကားခေါင်းခန်းတွင် အမျိုးသားဖြစ်သူနှင့်အတူ လိုက်ပါလာသည့် ဇနီးဖြစ်သူသည် အချိန်မီ ခုန်ဆင်းနိုင်ခဲ့သည့်အတွက် အသက်ဘေးမှ လွတ်မြောက်သွားကြောင်း လူမှုကူညီရေး အသင်းမှ တာဝန်ရှိသူက မဇ္ဈိမကို ပြောသည်။

“ကား ယာဉ်တိုက်မှု ဖြစ်ချင်းမှာ ယာဉ်မောင်းက ကားခေါင်းခန်းမှာ ညှပ်နေတာ၊ သတိလစ်နေတာ ထုတ်လို့လည်း မရဘူး၊ ညှပ်နေတဲ့အချိန်မှာမှ ကားက မီးထလောင်တာ၊ သူ့အမျိုးသမီးကတော့ ကားပေါ်ကနေ ခုန်ဆင်းလို့ မှီသွားတာပေါ့ဗျာ၊ ကျနော်တို့ရောက်တဲ့အချိန်က ကားခေါင်းခန်းက မီးတွေအကုန်လောင်နေတာ” ဟု သွားရောက်ကူညီခဲ့သည့် လူမှုကူညီရေးအသင်း တာဝန်ရှိသူတဦးက မဇ္ဈိမကို ပြောသည်။

ထို့အပြင် ယာဉ်တိုက်မှုဖြစ်ပွားသည့် အချိန်သည် စစ်အုပ်ချုပ်ရေး ကြေငြာထားသည့် အချိန်နီးကပ်နေပြီဖြစ်သဖြင့် ထိုလမ်းပိုင်းတွင် လူအသွား အလာပြတ်ကာ ကယ်ဆယ်ရေးသမားများလည်း အချိန်မီရောက်ရန် အခက်အခဲရှိကြောင်း ကယ်ဆယ်ရေးလုပ်ဆောင်သူတဦးက ပြောသည်။

“ညမထွက်ရအမိန့် ထုတ်ထားတော့ အဲ့ဒီလမ်းမက ည ၆နာရီဆို သွားလာလို့ အဆင်မပြေတော့ဘူးလေ၊ အရင်တုန်းကတော့ ခြံက ပြန်တဲ့လူတွေ ဘာတွေရှိသေးတော့ မပြတ်ဘူးပေါ့၊ ကားသမားတွေလည်း မာရှယ်လောချိန်နီးတော့ အလျင်လိုပြီး မောင်းရာကနေ စက်ချို့ယွင်းပြီး ဖြစ်သွားတာနေမယ်” ဟု ကယ်ဆယ်ရေး လုပ်ဆောင်ခဲ့သူ တဦးက မဇ္ဈိမကို ပြောသည်။

“ကျနော်တို့ရောက်သွားတော့ ရာဘာတုံးတင်တဲ့ ကားသမားကိုတော့ မတွေ့တော့ဘူး၊ dead body (ရုပ်အလောင်း) ကလည်း ပြာဖြစ်သွားပြီ” ဟု ၎င်းက ဆက်ပြောသည်။

သေဆုံးသူ ကိုမျိုးမင်းသည် မန္တလေးမြို့ဇာတိဖြစ်ကာ လက်ရှိတွင် ထားဝယ်မြို့၌ နေထိုင်သူဖြစ်ပြီး ရေးမြို့မှ ရန်ကုန်သို့ ကွမ်းသီးတင်ပို့သည့် ကုန်တင်ကားမောင်းသူဖြစ်ကြောင်း သိရသည်။

စာတည်း။ ။ နောင်နောင်

#ကုန်ကားတိုက်မိ
#ရေးသံဖြူဇရပ်
#Mizzima

ဓါတ်ပုံ- ရွှေဟင်္သာပရဟိတ
ပုံစာ-ယာဉ်မတော်တဆမှုမှ မီးငြိမ်းသက်စဉ်

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11🔥1
​​တရုတ် ရေငုပ်သင်္ဘောတွင် ဂျာမနီထုတ် ရေငုပ်သင်္ဘောအင်ဂျင် တပ်ဆင်ရန် ထိုင်း မျှော်လင့်
=======================

Bangkok Post
ထိုင်းနိုင်ငံက ဝယ်ယူထားသည့် တရုတ်ထုတ် ရေငုပ်သင်္ဘောတွင် ဂျာမနီထုတ် အင်ဂျင် ဝယ်ယူတပ်ဆင်နိုင်ရေးအတွက် ထိုင်းဝန်ကြီးချုပ် ဆရတ်သာ သာဗီဆင်းသည် လာမည့် သီတင်းပတ် နယူးယောက်က ကုလသမဂ္ဂ အထွေထွေညီလာခံသို့ တက်ရောက်မည့် ခရီးစဉ်အတွင်း ဂျာမနီသမ္မတ ဖရန့်ဝေါတာစတိုင်းမီးယားထံ ချည်းကပ်ရန်အတွက် ပြင်ဆင်စိုင်းပြင်းထားသည်။

ဗုဒ္ဓဟူးနေ့က သီတင်းပတ်တာ အစိုးရအဖွဲ့ အစည်းအဝေးအပြီး သတင်းထောက်များ၏ မေးမြန်းမှုကို ပြန်လည်ဖြေကြားရာ၌ နိုင်ငံခြားရေးဝန်ကြီး ပန်ပရီဘာဟစ်ဒါနုကာရာက မှတ်ချက်ပြု ပြောဆိုခြင်း ဖြစ်သည်။

“အတည်ပြုနိုင်ရေးအတွက် ကျွန်တော်တို့ စောင့်ဆိုင်းနေတယ်၊ ဂျာမနီနဲ့လည်း ဆက်သွယ်ထားပြီး ဖြစ်တယ်”ဟု ပန်ပရီက ပြောသည်။

တော်ဝင်ထိုင်းရေတပ်၏ တရုတ်နှင့် ရေငုပ်သင်္ဘော ဝယ်ယူရေး သဘောတူညီချက်အရ အဆိုပါ ရေငုပ်သင်္ဘောတွင် ဂျာမနီထုတ် အင်ဂျင် တပ်ဆင်ရမည် ဖြစ်သည်။ ဂျာမနီအစိုးရအနေဖြင့်မူ အမျိုးသားလုံခြုံရေး အကြောင်းရင်းများအရ တရုတ်သို့ ယင်းအင်ဂျင်ကို ရောင်းချလိမ့်မည် မဟုတ်ပေ။

တရုတ်က ရေငုပ်သင်္ဘော တည်ဆောက်သူများက အခြားသော အင်ဂျင်ကို ကမ်းလှမ်းသော်လည်း ထိုင်းနိုင်ငံက စာချုပ်ပါအတိုင်း ဂျာမနီထုတ် အင်ဂျင်ကိုသာ တောင်းဆိုထားခြင်း ဖြစ်သည်။
ယခု ကိစ္စရပ်နှင့် ပတ်သက်ပြီး အစိုးရအနေဖြင့် ဂျာမနီနှင့် တရုတ်တို့နှင့် သဘောတူညီချက်တရပ် ဖော်ဆောင်နိုင်လိမ့်မည်ဟု ကာကွယ်ရေးဝန်ကြီး ဆူတင်ကလောင်ဆန်က အစောပိုင်း၌ အပြုသဘော ပြောဆိုထားသည်။

ယခု သဘောတူညီချက်မှ သုံးဦး သုံးဖလှယ်စလုံး အကျိုးအမြတ် ဖြစ်လိမ့်မည်ဟု ၎င်းက ပြောခဲ့သည်။
(မိုးသဲ ဘာသာပြန်သည်။)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7🔥1😁1
This media is not supported in your browser
VIEW IN TELEGRAM
အိုင်ဖုန်းရဲ့ လုံခြုံရေးဆိုင်ရာပြဿနာတွေအကြောင်း မီဒီယာတွေမှာ ဖော်ပြနေကြောင်း တရုတ်ပြော

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts #Iphone #China #Media
❤4👍1👏1
အမေရိကန်မြေပေါ်က တရုတ်လျှပ်စစ်ကားထုတ်စက်ရုံ | VOA on Mizzima
======================

Gotion ကုမ္ပဏီဟာ အမေရိကန်ကုမ္ပဏီလက်အောက်ခံ တရုတ် လျှပ်စစ်ကားဘက်ထရီထုတ်လုပ်တဲ့ကုမ္ပဏီဖြစ်ပါတယ်။ ဒီကုမ္ပဏီဟာ မစ်ရှီဂန်ပြည်နယ်က လယ်ယာမြေတွေပေါ်မှာ စက်ရုံဆောက်ဖို့ စီစဉ်နေပါတယ်။ ဒါပေမယ့် ဒီကိစ္စနဲ့ ပတ်သက်ပြီးဒေသခံပြည်သူတွေအကြားသဘောထားကွဲလွဲနေပါတယ်။ မစ်ရှီဂန်ပြည်နယ် Green Charter မြို့ကနေ ဗွီအိုအေသတင်းထောက် Carolyn Calla Yu သတင်းပေးပို့ထားတာကို ကိုဇော်မိုးကျော် တင်ဆက်ထားပါတယ်။

https://youtu.be/pbesTkHCXuE?si=r1MKyTmizlWDx5CG

#VOA
#MizzimaTv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🔥4👍2😁1
This media is not supported in your browser
VIEW IN TELEGRAM
September - 14 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts
👍3🍌2
​​ကယ်ဆယ်ရေး ရေငုပ်သင်္ဘောကို ဗြိတိန်ထံမှ ဒေါ်လာ သန်း ၁၀၀ ဖြင့် အင်ဒိုနီးရှား ဝယ်ယူ
=========================

CNA
အရှေ့တောင်အာရှ အင်ဒိုနီးရှားနိုင်ငံသည် ၎င်း၏ အိုဟောင်းသော စစ်လက်နက်ပစ္စည်းများကို ခေတ်မီအောင် လုပ်ဆောင်မှု၌ ဗြိတိန်ကုမ္ပဏီတခုထံမှ ကယ်ဆယ်ရေးရေငုပ်သင်္ဘောတစင်းကို အမေရိကန်ဒေါ်လာ သန်း ၁၀၀ ဖြင့် ဝယ်ယူရေးအား လက်မှတ်ထိုးထားပြီဟု ကာကွယ်ရေးဝန်ကြီးဌာနက ဗုဒ္ဓဟူးနေ့တွင် ပြောသည်။

ကာကွယ်ရေးဝန်ကြီးဌာန၏ ကိုယ်စားလှယ်အဖြစ် ခန့်အပ်ထားသော PT BTI Indo Tekno ကုမ္ပဏီနှင့် သင်္ဘောထုတ်လုပ်သည့် Submarine Manufacturing & Products and Houlder တို့က လန်ဒန်ရှိ ကာကွယ်ရေးပစ္စည်း ပြပွဲ ပြင်ပန်း၌ အဆိုပါ သဘောတူညီချက်အား အင်္ဂါနေ့တွင် လက်မှတ်ရေးထိုးခြင်း ဖြစ်သည်။

ယခု ဝယ်ယူမှုသည် အင်ဒိုနီးရှား၌ တအံ့တဩ ဖြစ်ကြရသည့် ဒေါ်လာ ၈ ဒသမ ၁ ဘီလီယံ တန်ဖိုးရှိ Dassault Rafale တိုက်လေယာဉ် ၄၂ စင်း၊ Turkish Aerospace ထံမှ ဒေါ်လာ သန်း ၃၀၀ ဖြင့် ဒရုန်းသစ် ၁၂ စင်းနှင့် ဒေါ်လာ သန်း ၈၀၀ ရှိ Mirage 2000-5 တပတ်ရစ် တိုက်လေယာဉ် ၁၂ စင်းတို့အား ဝယ်ယူမှု စသည့် အကြီးစား စစ်လက်နက်များ ဝယ်ယူမှု၌ နောက်ဆုံး ဝယ်ယူမှုလည်းပဲ ဖြစ်သည်။

သမ္မတ ဂျိုကို ဝီဒိုဒိုက ကာကွယ်ရေးဝန်ကြီးဌာန အပါအဝင် နိုင်ငံ၏ လုံခြုံရေးဌာနများ၏ ကြီးမားသော သုံးစွဲမှုများကို အသားပေးပြောဆိုရင်း ဘတ်ဂျက်အသုံးစရိတ်ကို တင့်တောင်းတင့်တယ် ရှိနေစေရန် အစိုးရအဖွဲ့အား ဇူလိုင်လအတွင်းက သတိပေးထားသည်။
ယခု ဗြိတိန်ထုတ် ရေငုပ်သင်္ဘောသည် မြန်ဆန်စွာ ကယ်ဆယ်ရေး ဆောင်ရွက်နိုင်သည့် ရေငုပ်သင်္ဘောဖြစ်ပြီး လူ ၅၀ ဝင်ဆံ့ကာ လေယာဉ်ဖြင့်လည်း သယ်ပို့နိုင်သည်။ မိခင်သင်္ဘောမှနေ၍ ယင်း ရေငုပ်သင်္ဘောကို သယ်ပို့မည်ဟု ကာကွယ်ရေးဝန်ကြီးဌာနက ပြောထားသည်။

ကယ်ဆယ်ရေး ရေငုပ်သင်္ဘော မရှိခဲ့သဖြင့် အင်ဒိုနီးရှားသည် ၂၀၂၁ ခုနှစ်က ဘာလီ၌ တော်ပီဒိုစစ်ရေးလေ့ကျင့်မှုအတွင်း ရေငုပ်သင်္ဘော ငါးစင်း၌ တစင်း ပျက်စီးနစ်မြုပ်ရာတွင် ရေယာဉ်ပေါ် လိုက်ပါသည့် အမှုထမ်း ၅၃ ဦး သေဆုံးခဲ့သည်။

“ဒါဟာ အင်ဒိုနီးရှား ရေတပ်ရဲ့ စွမ်းဆောင်ရည်ကို တိုးမြှင့်နေတဲ့ ကာကွယ်ရေးဝန်ကြီး ပရာဘိုဝို ဆူလီယန်တိုရဲ့ အစီအစဉ် တစိတ်တပိုင်း ဖြစ်တယ်”ဟု ထုတ်ပြန်ချက်၌ ကာကွယ်ရေးဝန်ကြီးဌာနက ဖော်ပြသည်။

ပြီးခဲသည့် ဆယ်စုနှစ်၌ အင်ဒိုနီးရှားသည် ဂျီဒီပီ၏ တရာခိုင်နှုန်းသာ ကာကွယ်ရေး အသုံးစရိတ် ရှိခဲ့ပြီး အရှေ့တောင်အာရှ ထွန်းသစ်စဈေးကွက် စီးပွားရေးနိုင်ငံ ခြောက်နိုင်ငံတွင် အနိမ့်ဆုံး ဖြစ်ခဲ့ကြောင်း Stockholm International Peace Research Institute ပညာရှင်အဖွဲ့အရ သိရသည်။

(မိုးသဲ ဘာသာပြန်သည်။)
(Image: Submarine Manufacturing & Products)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7🔥1
စက်တင်ဘာလ ( ၁၄ ) ရက်၊ မွန်းတည့် ၁၂နာရီ Mizzima News Hour မဇ္ဈိမသတင်းအစီအစဉ်
========================

01:00-ဘိုကလေးမြို့ခံ လူငယ်၄ဦး သေဒဏ်ချမှတ်ခံရတဲ့သတင်း

02:28-မြန်မာစစ်တပ်ရဲ့ လူ့အခွင့်အရေးချိုးဖောက်မှုအခြေအနေ ကြားနာပွဲ အမေရိကန် အောက်လွှတ်တော်ကော်မတီမှာ ပြုလုပ်တဲ့သတင်း

05:20-နိုင်ကျဉ်းတွေရဲ့ အစာငတ်ခံဆန္ဒပြခြင်း ပြီးဆုံးပြီဖြစ်ပေမယ့်လည်း ဆက်လက်စောင့်ကြည့်ရန်လိုအပ်တယ်ဆိုတဲ့သတင်း

10:39-မနက် ၁၁နာရီထိ ရရှိထားတဲ့ ငွေလဲနှုန်း၊ ရွှေဈေး၊ စက်သုံးဆီဈေးနဲ့ စားအုံးဆီဈေးတွေအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/18tvo5xCJr4?si=lh_g7NumanTGfwWn

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍5🔥1
This media is not supported in your browser
VIEW IN TELEGRAM
ဗင်နီဇွဲလားနဲ့ဆက်ဆံရေးကို အဆင့်မြှင့်တင်မယ့်အကြောင်း တရုတ်သမ္မတ ရှီကျင့်ဖျင် ပြော

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts
❤4
လားရှိုးတွင် မိုးကြီးပြီး အုတ်တံတိုင်းပြိုကျ၍ လူသေဆုံး
👍5🔥1😢1
လားရှိုးတွင် မိုးကြီးပြီး အုတ်တံတိုင်းပြိုကျ၍ လူသေဆုံး
==================

မောင်ခက်နွေ
(မဇ္ဈိမ)။ ။ရှမ်းပြည်နယ်မြောက်ပိုင်း၊လားရှိုးမြို့တွင် ယနေ့ စက်တင်ဘာလ ၁၄ရက်နေ့ နံနက်ပိုင်းက မိုးရွာသွန်းမှုများပြီး ရေကြီးရေလျှံကာ အမျိုးသားတဦး အုတ်တံတိုင်းပိ သေဆုံးခဲ့သည်။
ရေကြီးရေလျှံမှုသည် လားရှိုးမြို့ရှိ ရပ်ကွက်(၅)တွင် ဖြစ်ပွားခဲ့ပြီး အုတ်တံတိုင်းပြိုကျသောကြောင့် လေဖြတ်ဝေဒနာခံစားနေရသော အသက်(၃၀)ကျော်အရွယ် အမျိုးသားတဦး သေဆုံးခဲ့ခြင်းဟု ဒေသခံများကပြောသည်။

" လူသေဆုံးမှုက မနက် နှစ်နာရီလောက်က ဖြစ်တာ။
မိုးအရမ်းများနေသေးတယ်။ မိုးဆက်ကောင်းရင် စိုးရိမ်ရတယ်"ဟု လားရှိုးမြို့မှ လူမှုကူညီရေးအဖွဲ့တာဝန်ရှိသူတဦးကပြောသည်။
လားရှိုးမြို့နယ်အတွင်း စက်တင်ဘာလ ၁၂ရက်မှစ၍ မိုးရွာသွန်းမှုများခဲ့ပြီး မြေနိမ့်ပိုင်းရပ်ကွက်များအတွင်း တောင်ကျချောင်းရေ ဆင်းနေကြောင်းသိရသည်။

“မိုးနည်းနည်းကြီးရင် ဖြစ်ပြီ။ ရေမြောင်းတွေနေရာမှာတဖြည်းဖြည်းနဲ့ အုတ်တံတိုင်းတွေခတ်တယ်။ အိမ်တွေဆောက်တယ်။ အဲ့လို လုပ်တဲ့ အခါရေကြီးတော့ ရေကသွားစရာနေရာမရှိဘူး”ဟု ဒေသခံတဦးက ဆိုသည်။

ယနေ့နံနက်လည်း မိုးဆက်လက်ရွာနေပြီး ရေဘေးအန္တရာယ်ထပ်မံမကြုံတွေ့စေရေး ဆောင်ရွက်နေကြောင်း လူမှုကူညီရေးအဖွဲ့များကပြောသည်။

မိုးနှောင်းကာလဖြစ်သည့် လက်ရှိ စက်တင်ဘာလတွင် မုတ်သုံလေဆုတ်ခွာခြင်းဖြစ်စဥ်ကြောင့် မိုးများကာ ရေကြီးကာလထပ်မံကြုံတွေ့နိုင်ကြောင်း အမျိုးသားညီညွတ်ရေးအစိုးရ(NUG)၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)က စက်တင်ဘာလ ၁၁ ရက်နေ့တွင် သတင်းထုတ်ပြန်ထားသည်။

စာတည်း - အေးချမ်း

#mizzima
#လားရှိုးမြို့
#ရေကြီးရေလျှံ

လားရှိုးမြို့ ယခုရက်ပိုင်း ရေကြီးရေလျှံမှုအခြေအနေ
Photo- Nay Myo Facebook

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6🔥1😢1
​​စစ်ကောင်စီအပေါ် နောက်ထပ် ဒဏ်ခတ်ပိတ်ဆို့မှုများ ချမှတ်ရေး ကုလ လူ့အခွင့်အရေး ကျွမ်းကျင်သူက အမေရိကန်ကို တိုက်တွန်း
======================

The Straits Times

မြန်မာအာဏာသိမ်းစစ်ကောင်စီအပေါ် ဒဏ်ခတ်ပိတ်ဆို့မှုများ ထပ်မံ တင်းကျပ်ရန်နှင့် ၎င်းတို့၏ အဓိက ဝင်ငွေရင်းမြစ်ဖြစ်သည့် နိုင်ငံပိုင် ရေနံနှင့် ဓာတ်ငွေ့လုပ်ငန်းကိုလည်း ဒဏ်ခတ်ပိတ်ဆို့သွားရေး မြန်မာနိုင်ငံ လူ့အခွင့်အရေး အခြေအနေဆိုင်ရာ ကုလသမဂ္ဂ အထူးကိုယ်စားလှယ်က စက်တင်ဘာ ၁၃ ရက်တွင် အမေရိကန်ကို တိုက်တွန်းတောင်းဆိုလိုက်သည်။

ဝါရှင်တန်အနေဖြင့် စစ်ကောင်စီ၏ ဒုက္ခပေးမှုကို ခံခဲ့ရသည့် မြန်မာနိုင်ငံအတွင်းနှင့် ပြင်ပရှိ ထိခိုက်ဒုက္ခရောက်ခဲ့ရသူများအတွက် လူသားချင်းစာနာမှု ကူညီပံ့ပိုးမှု လယ်ဗယ်များကို ထိန်းထားရန် အလွန်အရေးကြီးကြောင်း ကုလ အထူးကိုယ်စားလှယ် တွန် အန်ဒရူးစ်က ပြောသည်။

မြန်မာမှ ထွက်ပြေးခဲ့ရသည့် ရိုဟင်ဂျာ ဒုက္ခသည်များအတွက် ထောက်ကူပံ့ပိုးမှုကို အမေရိကန် အပါအဝင် အလှူရှင်နိုင်ငံတချို့က လျှော့ချနိုင်သည် ဆိုသည့် သတင်းနှင့် ဘင်္ဂလားဒေ့ရှ်ရှိ ရိုဟင်ဂျာကလေးငယ်များအတွက် စားနပ်ရိက္ခာများ အပါအဝင် ပူးပေါင်း တုံ့ပြန်မှု အစီအစဉ်တရပ်အတွက် ယခုနှစ် လက်ရှိအချိန်အထိ ၃၂ ရာခိုင်နှုန်းသာ ငွေကြေးထောက်ပံ့မှု ရထားသည် ဆိုသည့် သတင်းများကြောင့် မိမိအနေဖြင့် “စိုးရိမ်” မိကြောင်း တွန် အန်ဒရူးစ်က အမေရိကန်ကွန်ဂရက်၏ Tom Lantos လူ့အခွင့်အရေးကော်မရှင်၏ ကြားနာပွဲတွင် ပြောသည်။

မြန်မာ နိုင်ငံခြားကုန်သွယ်မှုဘဏ်နှင့် မြန်မာ့ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် တို့အပေါ် ဒဏ်ခတ်အရေးယူမှုများ ချမှတ်ခြင်းအတွက် အန်ဒရူးစ်က အမေရိကန်ကို ချီးကျူးခဲ့သော်လည်း နောက်ထပ် ဒဏ်ခတ်ပိတ်ဆို့မှုများ ထပ်မံလုပ်ဆောင်ရန် လိုသေးသည်ဟု ပြောသည်။

“ကျွန်တော်တို့အနေနဲ့ နောက်ထပ် ဒဏ်ခတ်ပိတ်ဆို့မှုတွေ ထပ်မံချမှတ်ဖို့ လိုပါတယ်။

မြန်မာစစ်အုပ်စုရဲ့ တခုတည်းသော အကြီးဆုံး ဝင်ငွေရင်းမြစ် ဖြစ်တဲ့ မြန်မာ့ ရေနံနဲ့ ဓာတ်ငွေ့လုပ်ငန်းအပေါ် အီးယူက ဒဏ်ခတ်ပိတ်ဆို့မှုတွေ ချမှတ်ထားသလိုပဲ အမေရိကန်အနေနဲ့ ခုချက်ချင်း မြန်မာ့ရေနံနဲ့ ဓာတ်ငွေ့လုပ်ငန်းအပေါ် ဒဏ်ခတ်ပိတ်ဆို့ဖို့ ကျွန်တော်တို့ တိုက်တွန်းပါတယ်” ဟု အန်ဒရူးစ်က ပြောသည်။

“သူတို့ (စစ်ကောင်စီ) ဆီ ငွေစီးဝင်မှုကို တားဆီးနိုင်တယ်ဆိုရင် သူတို့ရဲ့ ရက်စက်ကြမ်းကြုတ်တဲ့ လုပ်ရပ်တွေ လုပ်နိုင်စွမ်းကို ဖြတ်တောက်နိုင်မှာဖြစ်တယ်” ဟု ၎င်းက မြန်မာစစ်တပ် လက်ထဲတွင် အရပ်သားများ သေဆုံးရမှုများကို ရည်ရွယ် ပြောဆိုသည်။
ထို့ပြင် မြန်မာစစ်အုပ်စု လက်နက် ရရှိမှုကို ပိတ်ဆို့ရေး အခြားနိုင်ငံများနှင့် ပူးပေါင်းလုပ်ဆောင်ရန် ၎င်းက အမေရိကန်ကို တိုက်တွန်းသည်။

ပြီးခဲ့သည့်လက မြန်မာစစ်အုပ်စု လေကြောင်းတိုက်ခိုက်မှုများ လုပ်ဆောင်ရန် အသုံးပြုသည့် လေယာဉ်ဆီကို ရယူ (ဝယ်ယူ) ရာတွင် ကူညီပေးသည့် နိုင်ငံခြားကုမ္ပဏီများ သို့မဟုတ် လူပုဂ္ဂိုလ်များကို ထည့်သွင်းပြီး ဒဏ်ခတ်ပိတ်ဆို့မှုများကို အမေရိကန်က ချမှတ်ခဲ့သည်။ မြန်မာစစ်တပ်သည် ၂၀၂၁ အာဏာသိမ်းပြီးနောက် အရပ်သား ၃,၉၀၀ ကျော်ကို သတ်ဖြတ်ထားခဲ့သည်။

ဇန်နဝါရီလကလည်း အမေရိကန်သည် မြန်မာ့ရေနံနှင့် ဓာတ်ငွေ့လုပ်ငန်း၏ မန်နေဂျင်းဒါရိုက်တာနှင့် ဒုမန်နေဂျင်းဒါရိုက်တာကို ပစ်မှတ်ထား အရေးယူပိတ်ဆို့ခဲ့သော်လည်း လုပ်ငန်းအပေါ် ထပ်မံ ဒဏ်ခတ်ပိတ်ဆို့မှုများ ချမှတ်ခြင်း မရှိသေးပေ။

မြန်မာစစ်တပ် တာဝန်ရှိသူများက ဒဏ်ခတ်ပိတ်ဆို့မှုများ၏ သက်ရောက်မှုကို လျှောချထားပြီး ၎င်းတို့၏ လေကြောင်းတိုက်ခိုက်မှုများက သောင်းကျန်းသူများကို ပစ်မှတ်ထားသည်ဟု ပြောသည်။
မြန်မာစစ်တပ်သည် အာဏာသိမ်းပြီးနောက် အနည်းဆုံး ဒေါ်လာ ၁ ဘီလီယံတန်ဖိုးရှိ လက်နက်နှင့် အခြားပစ္စည်းများ တင်သွင်းထားခဲ့ကြောင်း အန်ဒရူးစ်က မေလ အစီရင်ခံစာတရပ်တွင် ပြောသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13😁1
​​ရုပ်သံဖိုင်အဟောင်းဖြင့် ဟောင်ကောင်တွင် ရေကြီးနေဟု သတင်းမှားဖြန့်
====================

ZZ
(မဇ္ဈိမ)။ ။ဟောင်ကောင်တွင် ရေကြီးရေလျှံမှုဖြစ်ပွားနေသည်ဆိုသော ရုပ်သံဖိုင်တခု တစ်တော့၌ ပျံ့နှံ့နေ သည်။ အဆိုပါရုပ်သံမှာ ဟောင်ကောင်၌မုန်တိုင်းတိုက်ခိုက်စဉ် မြင်တွေ့ရသော မြင်ကွင်းများမဟုတ်ပေ။

“ရှမ်းကောင်လေး” အမည်ရှိ တစ်တော့အကောင့်မှ စက်တင်ဘာလ ၄ ရက်နေ့တွင် “ဟောင်ကောင်မြို့ကြီး တော့ ရေမြှုပ်သွား” ၊ “၂ ရက်နေ့က လေမုန်တိုင်းတိုက်ပြီး အခုရေကြီးနေတာပါ ဟောင်ကောင်မှာပါ” ဟု ရေးသားကာ ရုပ်သံဖိုင်နှစ်ခုကို ဖြန့်ဝေထားသည်။ ထိုဖိုင်နှစ်ခုလုံးအား ကြည့်ရှုသူ စုစုပေါင်း ၃၀၈,၀၀၀ ကျော် ရှိသည်။
အဆိုပါရုပ်သံဖိုင်ကို “တစ်ကောင်ဘွားစနေသား” အမည် ဖေ့စ်ဘုတ်အကောင့်မှလည်း ဖြန့်ဝေထားသေး သည်။

“ဟောင်ကောင်မြို့ကြီးတော့ရေမြှုပ်သွား”ရုပ်သံဖိုင်၏မူရင်းမှာ “Planet.in.ragegg” အမည်ရှိ တစ်တော့ အကောင့်မှဖြစ်သည်။ စက်တင်ဘာလ ၂ ရက်နေ့က “တရုတ်နိုင်ငံတွင် တိုင်ဖွန်းမုန်တိုင်းကြောင့် လူအများ သေဆုံးခဲ့ရသလို ပေကျင်းမြို့မှ လူပေါင်း ၃၁,၀၀၀ ကျော် ဘေးလွှတ်ရာသို့ရွှေ့ ပြောင်းရွှေ့ခဲ့ရကြောင်း” ဟု ရေးသားဖြန့်ဝေထားသည်။

ပြီးခဲ့သော ဇူလိုင်လ ၃၀ ရက်နေ့က တိုက်ခတ်ခဲ့သည့် တိုက်ဖွန်းမုန်တိုင်းကြောင့် တရုတ်နိုင်ငံအတွင်း ရေလွမ်းမိုးမှုများဖြစ်ပွားခဲ့သည်။ ထိုအကြောင်းကို Down To Earth အမည်ရှိဝက်ဘ်ဆိုက်တွင် သတင်း ဖော်ပြထားသည်။ လင့် - https://shorturl.at/juHLX
တစ်တော့၌ဖြန်ဝေထားသည့်ရုပ်သံပါ ကားများရေနစ်မြုပ်နေသည့်မြင်ကွင်းကို ဇူလိုင်လ ၃၀ ရက်နေ့တွင် တွစ်တာရှိ Insider Paper သတင်းဌာနမှ ဖော်ပြထားသည်။ လင့် - https://shorturl.at/fruzU
“၂ ရက်နေ့က လေမုန်တိုင်းတိုက်ပြီး အခုရေကြီးနေတာပါ ဟောင်ကောင်မှာပါ” စာတမ်းပါ ရုပ်သံတွင်ပါ ဝင်သည့် မီးသတ်ကားသွားနေသည့်ရုပ်သံမြင်ကွင်းမှာလည်း အခြား တစ်တော့အသုံးပြုသူတဦးက ဇူလိုင် လ ၂ ရက်နေ့ကတည်းက ဖြန့်ဝေထားသည်။ လင့် - https://shorturl.at/htxFV

အလားတူ လူနှစ်ဦး ရေထဲမြောပါနေသည့်မြင်ကွင်းကို ဇူလိုင်လ ၁၁ ရက်နေ့က “China Insights” ယူကျု ချန်နယ်၏ သတင်းဖော်ပြမှုတွင် တွေ့ရသည်။ ၎င်းသတင်းတင်ဆက်မှု၏ ၁၃ မိနစ်ကျော်၌ လူနှစ်ဦးရေထဲ မြောပါနေသည်ကို တွေ့ရသည်။

ဟောင်ကောင်တွင် စက်တင်ဘာလ ၂ ရက်နေ့တွင် ဆယ်အိုလာ တိုင်ဖွန်းမုန်တိုင်းဝင်ရောက်တိုက်ခိုက်ခဲ့ ကြောင်း သတင်းဌာနအချို့၏ ဖော်ပြချက်အရ သိရသည်။ မုန်တိုင်းတိုက်ခိုက်မှုကြောင့် ထိခိုက်ပျက်စီးမှု များရှိခဲ့ပြီး ရုပ်သံဖိုင်များလည်း ထွက်ပေါ်ခဲ့သည်။ သို့သော် ယခု ပျံ့နှံ့နေသည့်ရုပ်သံဖိုင်များ မဟုတ်ပေ။

ABC News(Australia) ၏ သတင်းဖော်ပြချက် - https://www.youtube.com/watch?v=vYbO6lfnlDI
DW News ၏ သတင်းဖော်ပြချက် - https://www.youtube.com/watch?v=o8qFcKQB5gc

ထို့ကြောင့် လက်ရှိပျံ့နှံ့နေသည့် ဟောင်ကောင်တွင်ရေကြီးနေသည်ဆိုသောရုပ်သံဖိုင်မှာ စက်တင်ဘာလ ၂ ရက်ကတိုက်ခတ်သော မုန်တိုင်းတိုက်ခတ်မှုနှင့်‌ ရေကြီးမှုဖြစ်စဉ်မဟုတ်ဘဲ ဇူလိုင်လအတွင်းက တရုတ် ပြည်မကြီးအတွင်း ဖြစ်ပွားခဲ့သောဖြစ်စဉ်မှ ရုပ်သံဖိုင်ဖြစ်သည်။

ဖြစ်စဉ်အမှန်အပေါ်အခြေခံကာ အခြားနေရာတွင်ဖြစ်ပွားခဲ့သည့် ရုပ်သံအဟောင်းများဖြင့် ဖြန့်ဝေထား သည့် ချိတ်ဆက်မှုမှားယွင်းနေသည့် သတင်းမှားသာ ဖြစ်သည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News
#TikTik
#Hong_Kong
#Typhoon
#Old_Videos
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥1