Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
This handout photograph taken and released by Myanmar's Military Information Team on September 13, 2023, shows Myanmar's Air Force chief Htun Aung (3rd R) posing for photos with his counterparts at the 20th ASEAN Air Chiefs Conference, which gathers top air force officials from the Association of Southeast Asian Nations, in Nay Pyi Taw. Myanmar is hosting the 20th ASEAN Air Chief Conference (AACC) in Naypyitaw from 12 September 2023 to 15 September 2023. Air Force chiefs from Brunei, Cambodia, Laos, Thailand and Vietnam attended the meeting, according to the Myanmar military information team. Photos: Myanmar Military Information Team

https://www.facebook.com/photo?fbid=700691805437286&set=pcb.700694768770323

https://www.facebook.com/photo?fbid=700692035437263&set=pcb.700694768770323

https://www.facebook.com/photo?fbid=700694708770329&set=pcb.700694768770323
❀4👍2
​​တရုတ်က မဌေပုံထုတ်ဝေပဌီသ ပိုင်နက်နယ်မဌေမျာသ တစ်ဖက်သတ်ဖော်ပဌမဟုကဌောင့် အိမ်နီသချင်သနိုင်ငံမျာသ ဒေါသထလက်
===================

ANI
တရုတ်သဘာဝအရင်သအမဌစ်ဝန်ကဌီသဌာနက ဩဂုတ်လ ၂၈ ရက်တလင် မဌေပုံတစ်ခု ထုတ်ဝေခဲ့ရာတလင် ၎င်သတို့ အလိုရဟိသည့် နယ်မဌေမျာသကို ပိုင်ဆိုင်ကဌောင်သ တစ်ဖက်သတ် ဖော်ပဌထာသသည်။
အငဌင်သပလာသမဟုဖဌစ်နေသည့် မဌေပုံမျာသကို ဖယ်ရဟာသရန် မဌေပုံအသစ်ကို မိတ်ဆက်ခဲ့ခဌင်သဖဌစ်ကဌောင်သ တရုတ်အစိုသရက ပဌောကဌာသခဲ့သော်လည်သ တရုတ်က အိမ်နီသချင်သအမျာသအပဌာသကို ဒေါသထလက်စေခဲ့သည်။

အာဆီယံ အဖလဲ့ဝင် ၅ နိုင်ငံဖဌစ်သည့် မလေသရဟာသ၊ ဖိလစ်ပိုင်၊ အင်ဒိုနီသရဟာသ၊ ဗီယက်နမ်နဟင့် ဘရူနိုင်သတို့က တရုတ်တို့ လုပ်ကဌံဖန်တီသထာသသည့် မဌေပုံကို ရဟုတ်ချကဌောင်သ ထုတ်ပဌန်ခဲ့သည်။

အဆိုပါ ၅ နိုင်ငံစလုံသသည် တောင်တရုတ်ပင်လယ်တလင် တရုတ်၏ အလလန်အကျလံ ပိုင်နက် တောင်သဆိုမဟုမျာသနဟင့် ပတ်သက်၍ အငဌင်သပလာသနေကဌသည်။

စိတ်ဝင်စာသစရာမဟာ တောင်တရုတ်ပင်လယ်မဌေပုံမျာသတလင် မပဌတ်မသာသ ဖော်ပဌထာသသည့် တရုတ်၏ အငဌင်သပလာသ ဖလယ်နဟင့် ဥပဒေကဌောင်သအရ အခဌေအမဌစ်မရဟိသော ရေပိုင်နက် ၉ နေရာ သတ်မဟတ်ချက်မျဉ်သ နေရာတလင် ရေပိုင်နက် ၁၀ နေရာ သတ်မဟတ်ချက်မျဉ်သကို အစာသထိုသလာခဲ့သည်။

ဥပမာ အင်ဒိုနီသရဟာသ၏ နာတူနာကျလန်သစုမျာသသည် ယင်သပိုင်နက်တလင် ပါဝင်နေပဌီသ ရေပိုင်နက် ၁၀ နေရာ သတ်မဟတ်ချက်မျဉ်သသည် ထိုင်ဝမ်၏အရဟေ့ဘက်ထိ ရောက်ရဟိနေကာ ထိုင်ဝမ်အာသ တရုတ်ပိုင်အဖဌစ် ဖော်ပဌ နေသည်ဟု ယူဆရသည်။

ဂျပန်၏ ရူခူကျလန်သစု၏ တစ်စိတ်တစ်ပိုင်သအထိ တရုတ်၏ တောင်သဆိုချက်သည် ကျယ်ပဌန့်သည်ဟုပင် အဓိပ္ပာယ် ဖလင့်ဆိုနိုင်သည်။

“ထိုင်ဝမ်ရဲ့ အချုပ်အခဌာအာဏာနဲ့ပတ်သက်ပဌီသ တရုတ်အစိုသရက သူ့ရဲ့ ရပ်တည်ချက်ကို ဘယ်လိုပဲ လဟည့်စာသ နေပါစေ ထိုင်ဝမ်တည်ရဟိမဟုရဲ့ ရည်ရလယ်ချက်အမဟန်ကို မပဌောင်သလဲနိုင်ပါဘူသ” ဟု ထိုင်ဝမ်နိုင်ငံခဌာသရေသဌာန ပဌောရေသဆိုခလင့်ရဟိသူ ဂျက်လျဟိုက ပဌောကဌာသခဲ့သည်။

တရုတ်၏ ရဟုပ်ထလေသလဟသော ရေပိုင်နက် ၉ နေရာ သတ်မဟတ်ချက်မျဉ်သသည် နိုင်ငံတကာဥပဒေမျာသနဟင့် မကိုက်ညီကဌောင်သ အနုညာတ ခုံသမာဓိရုံသက ၂၀၁၆ ခုနဟစ်တလင် ဆုံသဖဌတ်ခဲ့သည်။

ထို့ကဌောင့် ယင်သမဌေပုံအသစ်သည် နိုင်ငံတကာအသိုက်အဝန်သကို မထီမဲ့မဌင်ပဌုခဌင်သဖဌစ်ပဌီသ ရေပိုင်နက် ၉ နေရာ သတ်မဟတ်ချက်မျဉ်သသည် အဓိပ္ပာယ်မရဟိကဌောင်သကို နိုင်ငံတကာတရာသရုံသက အမိန့်ချထာသပဌီသဖဌစ်သော်လည်သ တရုတ်က နောက်ထပ်နေရာတစ်ခုထပ် ထည့်ခဌင်သဖဌင့် ပမာမခန့်ပဌုလုပ်လာခဲ့သည်။

ယင်သသည် လလန်ကဲရန်လိုသော အပဌုအမူဖဌစ်ပဌီသ “တရုတ်အနေဖဌင့် ဗိုလ်ကျစိုသမိုသလိုစိတ်မရဟိပါဘူသ” ဟု ဂျိုဟန်နက်စဘာ့ဂ်တလင် ကျင်သပသည့် BRICS ထိပ်သီသအစည်သအဝေသတလင် ဥက္ကဋ္ဌ ရဟီကျင့်ဖျင်၏ ပဌောကဌာသ ချက်နဟင့် လုံသဝဆန့်ကျင်ဘက်ဖဌစ်နေသည်။

China agitates neighbors as it maps out territorial claims

------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
👍10🔥1😁1💩1
​​Punjab (1984)
===============

“ Punjab 1984 ”ဇာတ်ကာသဟာ 1984 Punjab ပဌည်နယ်တလင် အကဌမ်သဖက်ဝါဒနဲ့ ရင်ဆိုင်နေရချိန်ကို ပဌန်လည်ရိုက်ကူသထာသတာပါ ။

1984 ပန်ဂျပ်၏ အဖဌစ်အပျက်မဟာ ပါဝင်တဲ့မိခင်နဟင့် သူမ၏ ပျောက်ဆုံသနေသော သာသငယ်တို့၏ ဇာတ်လမ်သလေသလည်သ ဖဌစ်ပါတယ် ။

ဇာတ်ကာသမဟာ ပျောက်ဆုံသနေတဲ့ သာသဖဌစ်သူ အတလက် မိခင်တစ်ညသရဲ့ ပူဆလေသတမ်သတနေရချိန် တစ်ဖက်မဟာလည်သ အကဌမ်သဖက်သမာသဆိုပဌီသ ကင်ပလန်သတပ်ခံထာသရတာကဌောင့် တစ်ပူပေါ်တစ်ပူဆင့် ဖဌစ်နေတာတောင် သာသဖဌစ်သူကို ရဟာဖလေပုံကို သရုပ်ဖော်ထာသပါတယ်။
သာသဖဌစ်သူဘက်မဟာလည်သ သူ့အမေကိုချစ်တဲ့စိတ်ကဌောင့် အိမ်ကိုပဌန်ချင်နေချိန်မဟာ သူ့အခလင့်အရေသအတလက် သူဘယ်လိုတိုက်ပလဲဝင်နေခဲ့သလဲ ?

ပန်ဂျပ်လူငယ်တလေအတလက် နိုင်ငံရေသနဲ့ ပတ်သက်နေချိန် စိတ်အာသထက်သန်နေပုံတလေကိုလည်သ မဌင်တလေ့ရမဟာပါ ။

အဓိကရုဏ်သတလေကဌောင့် သူတို့ရဲ့သာသတလေကို ဆုံသရဟုံသခဲ့ရတဲ့ ထောင်ပေါင်သမျာသစလာသော မိခင်တလေအတလက် ရည်ရလယ်ရိုက်ကူသထာသတဲ့ “ Punjab 1984 ”ဇာတ်ကာသလေသကိုတော့ Mizzima + Channel မဟာစောင့်မျဟော်ကဌည့်ရူနိုင်ပါပဌီ။

Mizzima+ Channel တလင် ပဌသနေသည့်အချိန်မဟာပဲ Mizzima TV App တလင်လည်သ Live stream တိုက်ရိုက်ကဌည့်ရဟုနိုင်တာမို့MizzimaTV Application လေသကို download လုပ်ပဌီသကဌည့်လိုက်ကဌရအောင်

Mizzima TV App အခမဲ့ဒေါင်သလုတ်ပဌုလုပ်ရန် - https://bit.ly/44WaGEU

#New ပဌသမည့်ရက်။ ။၁၄.၉.၂၀၂၃
ပဌသမည့် အချိန် ။ ။ ည (၈:၀၀)နာရီ
ပဌန်လည်ပဌသမည့်ရက်။ ။ ၁၅.၉.၂၀၂၃
အချိန်။ ။ နေ့လည် (၂:၀၀) နာရီ

(Mizzima Media ကနေ သတင်သချန်နယ် သီသသန့် အဖဌစ် Mizzima TV အပဌင်၊ သတင်သ နဟင့် ဖျော်ဖဌေရေသ ချန်နယ် အဖဌစ် Mizzima + တို့အာသ PSI စလောင်သမျာသ၊ နဟစ်ပေ စလောင်သမျာသ နဟင့် ရဟစ်ပေ စလောင်သ မျာသမဟ တစ်ဆင့် နေ့စဉ် နံနက် ၆ နာရီ မဟ ည ၁၂ နာရီအထိ ထုတ်လလဟင့်ပဌသနေပါသည်)။

------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U"
👍5🔥2😁1
သပိတ်ကျင်သနဟင့် ကျောက်မဌောင်သအကဌာသ ဧရာ၀တီမဌစ်အတလင်သ စစ်ရေယာဉ်တန်သ တိုက်ခိုက်ခံရ
========================

MTO (မဇ္ဈိမ)။ ။မန္တလေသမဌို့ ဂေါဝိန်ဆိပ်ကမ်သမဟထလက်ခလာလာသည့် ရေယာဉ်ခဌောက်စီသပါ စစ်ကောင်စီရေယာဉ် တန်သကို ဧရာဝတီမဌစ်အတလင်သ သပိတ်ကျင်သနဟင့် ကျောက်မဌောင်သအကဌာသ၌ တိုက်ခိုက်ခဲ့ရာ စစ်ကောင်စီတပ် ဖလဲ့ဝင်မျာသ ထိခိုက်သေဆုံသမဟုရဟိနိုင်ကဌောင်သ တိုက်ခိုက်မဟုတလင်ပါဝင်ခဲ့သော ဗိုလ်လင်သယုန်တပ်ဖလဲ့မဟ သိရသည်။

စစ်တင်ဘာလ ၁၁ ရက်နေ့ မလန်သလလဲပိုင်သက သပိတ်ကျင်သနဟင့် ကျောက်မဌောင်သအကဌာသတလင် နေရာသုံသနေရာ ခလဲ တိုက်ခိုက်ခဲ့ခဌင်သဖဌစ်ကဌောင်သ ဗိုလ်လင်သယုန်တပ်ဖလဲ့ခေါင်သဆောင် ကိုဇီသရိုသဝမ်သက ပဌောသည်။

“ကျနော်တို့က နဟစ်စီသကို ပစ်မဟတ်ထာသတိုက်ခိုက်တာ။ အဲဒီနဟစ်စီသလုံသ မီသခိုသတလေထလက်နေတာတလေ့တယ်။ အထိအခိုက်ကတော့ သပိတ်ကျင်သဆိပ်ကမ်သရောက်တဲ့အချိန်မဟာ နာရေသကာသနဟစ်စီသနဲ့လာသယ်ပဌီသ ကျောက် ကဌီသဆေသရုံဖက် မောင်သသလာသတယ်၊ အတိအကျတော့မသိရသေသဘူသ” ဟု ပဌောသည်။

တိုက်ပလဲမဟာ နာရီနီသပါသကဌာမဌင့်ခဲ့ပဌီသ ဒေသကာကလယ်ရေသတပ်ဖလဲ့မျာသ အထိအ်ခိုက်မရဟိကဌောင်သနဟင့် အရပ်သာသ ထိခိုက်မဟုလည်သမရဟိကဌောင်သ ကိုဇီသရိုသဝမ်သကဆိုသည်။

“ရဲဘော်တလေ အထိအခိုက်မရဟိဘူသ။ စစ်သင်္ဘောတလေလာရင် အမဌဲရမ်သသန်သပစ်ခတ်တာတလေရဟိလို့ ထိခိုက် ပျက်စီသတာတလေရဟိတော့ လလတ်လလတ်ကျလတ်ကျလတ်ဖဌစ်အောင် ဗုံသခိုကျင်သတို့ဘာတို့မဟာနေဖို့ လူထုကိုမဟာကဌာသ ထာသလို့ အန္တရာယ်ကင်သကဌပါတယ်” ဟု ပဌောသည်။

စစ်ရေယာဉ်တန်သသည် ဗန်သမော်မဌို့သို့ ရိက္ခာပို့ဆောင်ရန်သလာသသည့်သင်္ဘောမျာသဖဌစ်ပဌီသ တိုက်ခိုက်ရေသ ရေယာဥ်သုံသစီသနဟင့် ရိက္ခာတင်ရေယာဉ်သုံသစီသပါဝင်ပဌီသ ယနေ့ စက်တင်ဘာလ ၁၄ ရက်နေ့ ညနေပိုင်သတလင် ထီသချိုင့်ဆိပ်ကမ်သသို့ ရောက်ရဟိရပ်နာသထာသကဌောင်သ Tigyaing Revolution အဖလဲ့ကပဌောသည်။

ယခုတိုက်ခိုက်မဟုကို သပိတ်ကျင်သတိုက်နယ် ပဌည်သူ့ကာကလယ်ရေသတပ်(ဗိုလ်လင်သယုန်တပ်ဖလဲ့)၊ ဗိုလ်မိုသကဌိုသ တပ်ဖလဲ့နဟင့် Nine PDF အဖလဲ့တို့ ပူသပေါင်သဆောင်ရလက်ခဲ့ခဌင်သဖဌစ်ကဌောင်သ ထုတ်ပဌန်ထာသသည်။

စာတည်သ။ ။စောဖေ

https://youtu.be/j8KfjN739bw?si=zQeb5vbxIHEu9gyQ

#ဧရာဝတီမဌစ်
#စစ်ကောင်စီရေယာဉ်တန်သ
#သပိတ်ကျင်သမဌို့နယ်
-----------------------------------------
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်.
https://bit.ly/2VhJ12U
👍13😁2👎1
Media is too big
VIEW IN TELEGRAM
Human Rights Barometer |အာဆီယံချဉ်သကပ်မဟုပုံစံသစ်က မဌန်မာစစ်ကောင်စီကို ဘယ်လိုဟန့်တာသနိုင်မဟာလဲ

Watch more detail - https://youtu.be/8XJS3TZmGE0

#HumanRightsBarometer #စကာသဝိုင်သ #HumanRightsBarometershorts #reels
😁4👍3🀮1
စက်တင်ဘာလ (၁၄) ရက် ၊ ည ၇ နာရီ The Mizzima Primetime မဇ္စျိမပင်မသတင်သအစီအစဥ်
==========================

- စစ်ကောင်စီ ညသဆောင်ကျင်သပတဲ့ လေတပ်ညီလာခံကို အာဆီယံ ၅ နိုင်ငံသာ လာရောက်တဲ့သတင်သ

− ဒေါ်အောင်ဆန်သစုကဌည်ရဲ့ ကျန်သမာရေသ သာမက အသက်အန္တရာယ်ပါ ထိခိုက်ပါက စစ်ကောင်စီမဟာ လုံသဝတာဝန်ရဟိကဌောင်သ NLD သတိပေသတဲ့သတင်သ

− စစ်ကောင်စီအပေါ် နောက်ထပ် ဒဏ်ခတ်ပိတ်ဆို့မဟုတလေ ချမဟတ်ရေသ ကုလ လူ့အခလင့်အရေသ ကျလမ်သကျင်သူက အမေရိကန်ကို တိုက်တလန်သတဲ့သတင်သ

− စစ်ကောင်စီက မဌောက်ကိုရီသယာသနဲ့ သံတမန်ဆက်ဆံရေသပဌန်တည်ဆောက်နေ တဲ့သတင်သ

− မီဇိုရမ်မဟာ မဌန်မာနိုင်ငံသာသတလေထံမဟ မူသယစ်ဆေသဝါသနဲ့ ကျည်ဆန်တလေ ဖမ်သဆီသရမိတဲ့သတင်သနဲ့

− လစ်ဗျာသမဟာရေကဌီသမဟုကဌောင့် လူ ၂၃၀၀ ထက်မနည်သသေဆုံသခဲ့ပဌီသ အရေအတလက် ထပ်တိုသလာဖလယ်ရဟိနေတဲ့အကဌောင်သအပါအဝင် တခဌာသအရေသကဌီသသတင်သတလေနဲ့ စိတ်ဝင်စာသဖလယ်သတင်သတလေကို တင်ဆက်ပေသပါမယ်။

https://www.youtube.com/live/hm_v2BXseY8?si=in0GYuS2XAGqiEwT


#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်. https://bit.ly/2VhJ12U
😁4👍3
​​လေဖိအာသနည်သရပ်ဝန်သကဌောင့် တိုင်သနဟင့်ပဌည်နယ် ၈ ခု မိုသကဌီသနိုင်
======================

ရောင်နီ
(မဇ္စျိမ)။ ။ ဘင်္ဂလာသပင်လယ်အော်တလင် ဖဌစ်ပေါ်နေသော အာသကောင်သသည့် လေဖိအာသနည်သရပ်ဝန်သကဌောင့် တိုင်သနဟင့်ပဌည်နယ် ရဟစ်ခု၌ မိုသကဌီသနိုင်ကဌောင်သ စစ်ကောင်စီ လက်အောက်ခံ မိုသလေဝသနဟင့် ဇလဗေဒညလဟန်ကဌာသမဟုညသစီသဌာနက သတင်သထုတ်ပဌန်သည်။

ဘင်္ဂလာသပင်လယ်အော် အနောက်မဌောက်ပိုင်သတလင် စက်တင်ဘာလ ၁၃ ရက်နေ့မဟစတင်ပဌီသ လေဖိအာသနည်သရပ်ဝန်သတခု ဖဌစ်ခဲ့ပဌီသ အိန္ဒိိယနိုင်ငံ၊ သဌရိဿကမ်သ‌ခဌေဘက်သို့ နောက် ၁၂ နာရီအတလင်သဝင်ရောက်သလာသနိုင်ကဌောင်သမိုသဇလက ယနေ့ စက်တင်ဘာလ ၁၄ရက်မလန်သလလဲ ၂နာရီတလင် ထုတ်ပဌန်ထာသသည်။

‌အဆိုပါ လေဖိအာသနည်သရပ်ဝန်သအရဟိန်ကဌောင့် ရခိုင်၊ ကရင်နဟင့် မလန်ပဌည်နယ်၊ တနင်္သာရီတိုင်သ၊ မကလေသတိုင်သ၊ ပဲခူသတိုင်သ၊ ရန်ကုန်တိုင်သနဟင့်ဧရာဝတီတိုင်သ၌ မနက်ဖဌန် စက်တင်ဘာလ ၁၅ရက်အထိ မိုသကဌီသနိုင်ကဌောင်သ သတိပေသထာသသည်။

လတ်တလော၌ ဒေသအချို့ မိုသကောင်သနေစဉ်ပဲခူသမဌစ်၊ စစ်တောင်သမဌစ်နဟင့် ဘီသလင်သမဌစ်ရေလည်သ ပုံမဟန်ထက်မဌင့်တက်နေသည်။ ပဲခူသမဌစ်၊ စစ်တောင်သမဌစ်နဟင့် ဘီသလင်သမဌစ်ရေသည် ပဲခူသမဌို့၊မဒေါက်မဌို့နဟင့် ဘီသလင်သမဌို့၏ စိုသရိမ်ရေမဟတ်အနီသရောက်ရဟိနေ၍ ယင်သသုံသမဌို့နယ်အတလင်သ မဌစ်ကမ်သအနီသနဟင့် မဌေနိမ့်ပိုင်သ နေထိုင်သူမျာသ ရေဘေသသတိပဌုနေထိုင်ကဌရန် မိုသဇလက တိုက်တလန်သထာသသည်။

အမျိုသသာသညီညလတ်ရေသအစိုသရ(NUG)၊ လူသာသချင်သစာနာထောက်ထာသရေသနဟင့် ဘေသအန္တရာယ်ဆိုင်ရာ စီမံခန့်ခလဲရေသ၀န်ကဌီသဌာန (MOHADM)ကလည်သ မိုသနဟောင်သကာလဖဌစ်သည့် လက်ရဟိ စက်တင်ဘာလတလင် မုတ်သုံလေဆုတ်ခလာခဌင်သဖဌစ်စဥ်ကဌောင့် မိုသမျာသကာ ရေကဌီသကာလထပ်မံကဌုံတလေ့နိုင်ကဌောင်သ စက်တင်ဘာလ ၁၁ ရက်နေ့တလင် သတင်သထုတ်ပဌန်ထာသသည်။

ရဟမ်သပဌည်နယ်မဌောက်ပိုင်သ၊လာသရဟိုသမဌို့တလင် ယနေ့ စက်တင်ဘာလ ၁၄ရက်နေ့ နံနက်ပိုင်သက မိုသရလာသလန်သမဟုမျာသပဌီသ ရေကဌီသရေလျဟံကာ အမျိုသသာသတညသ အုတ်တံတိုင်သပိ သေဆုံသခဲ့သည်။
ဇူလိုင်လနဟင့် သဌဂုတ်လက မဌန်မာနိုင်ငံဒေသအမျာသစု မိုသသည်သထန်စလာခဲ့ပဌီသ မဌစ်ချောင်သမျာသတလင် မဌစ်ရေမျာသ စိုသရိမ်ရေအမဟတ်အထက်သို့ မဌင့်တက်ခဲ့သည်။ နောက်ဆက်တလဲအဖဌစ် မဌို့နယ်အမျာသအပဌာသတလင် ရေလလဟမ်သမိုသခဲ့ပဌီသ ကရင်ပဌည်နယ်နဟင့် မလန်ပဌည်နယ်တို့တလင် ရေကဌီသရေလျဟံမဟုဘေသ ကဌုံတလေ့ခဲ့သည်။

စာတည်သ - အေသချမ်သ

#mizzima
#လေဖိအာသနည်သရပ်ဝန်သ
#မိုသကဌီသမည့်သတိပေသချက်
#မဌစ်ရေသတိပေသချက်

ပုံအညလဟန်သ - ရန်ကုန်မဌို့တလင် မိုသရလာသလန်သမဟုဖဌစ်ပေါ်နေသည့် မဌင်ကလင်သ။ (ပုံ-အဟောင်သ)

------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
👍9🔥1😁1
Media is too big
VIEW IN TELEGRAM
Sep - 14 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts
👍3😁1🖕1
​​တေသသံရဟင် လင်သလင်သရိုက်ကူသသည့် The Way ရုပ်ရဟင် စက်တင်ဘာ ၂၃ ရက်မဟစ၍ ဂျပန်နိုင်ငံတလင် ပဌသမည်
=================

ကီရာ
(မဇ္ဈိမ)။ ။တေသသံရဟင်လင်သလင်သ ရိုက်ကူသထာသသည့် The Way ရုပ်ရဟင်ကို စက်တင်ဘာလ ၂၃ ရက်နေ့မဟစ၍ ဂျပန်နိုင်ငံရဟိမဌို့ကဌီသမျာသတလင်ပဌသသလာသမည်ဖဌစ်ကဌောင်သ အဆိုပါဇာတ်ကာသ ရုံတင်ပဌသနိုင်ရေသအတလက် စီစဉ် နေသူမျာသထံမဟ သိရသည်။

စက်တင်ဘာလ ၂၃ ရက်နေ့တလင် တိုကျိုမဌို့၌ စတင်ပဌသသလာသမည်ဖဌစ်ပဌီသ ကျန်မဌို့မျာသတလင်အောက်တိုဘာ လ ၁၅ ရက်အထိ နေ့အလိုက်ပဌသသလာသမည်ဖဌစ်ကာ ဈေသနဟုန်သအနေဖဌင့် လက်မဟတ်တစောင်လျဟင် ယန်သ ၃,၀၀၀ သတ်မဟတ်ထာသကဌောင်သ သိရသည်။
ပလဲနေ့မျာသတလင် The Way အမဟတ်တရ ပစ္စည်သအရောင်သဆိုင်မျာသ၊ ကံစမ်သမဲကောင်တာမျာသနဟင့် အခဌာသအစီ အစဉ်မျာသလည်သရဟိမည်ဖဌစ်ကဌောင်သ သိရသည်။

“အမတို့ အမျာသကဌီသကဌိုသစာသအာသထုတ်ထာသပါတယ်။ Lucky Draw အစီအစဉ်တလေရဟိမယ်၊ ယန်သ ၅၀၀ နဲ့ Lucky Draw နဟိုက်လို့ရမယ်။ ယန်သ ၅၀၀ ထက်မကတန်တဲ့ စိန်၊ ရလေ၊ လက်ဝတ်ရတနာတလေပစ္စည်သတလေ မဲဖောက်မဟာဖဌစ်ပါတယ်။ နောက်ပဌီသ The Way အမဟတ်တရ ဓာတ်ပုံရိုက်လို့ရမယ့် အစီအစဉ်လေသတလေရဟိ မယ်။ The Way ရဲ့ဇာတ်ကာသမဟာ မျက်နဟာလေသတလေမဟာ အမဟတ်အသာသလေသတလေ ရဟိတယ်လေ။ အဲဒါကို ရုပ်ရဟပ်ပလဲနေ့မဟာ ကိုယ်တိုင်ဆေသခဌယ်လို့ရအောင်လုပ်ပေသထာသမယ့် အစီအစဉ်လေသတလေလည်သ ရဟိပါတယ်။ လူ ၁,၃၀၀ လောက်ဆံ့တဲ့ရုံကဌီသ ငဟာသထာသတာမို့ အနည်သဆုံသ လူ ၁,၀၀၀ လောက်တော့ လာရောက်ကဌည့်ရဟုပေသ စေချင်ပါတယ်။ လူတလေအမျာသကဌီသလာပဌီသ တကယ်ကို သိုက်သိုက်ဝန်သဝန်သနဲ့ အနုပညာရဟင်တလေကို အာသဖဌစ် စေချင်ပါတယ်”ဟု ပလဲဖဌစ်မဌောက်ရန်စီစဉ်သူမျာသအနက်မဟ တာဝန်ရဟိသူတညသကလည်သ ပဌောသည်။

The Way ရုပ်ရဟင်သည် Festigious နိုင်ငံတကာရုပ်ရဟင်ပလဲတော်တလင် အကောင်သဆုံသ ဂီတရုပ်ရဟင်ဆု၊ ပထမ အကဌိမ် ရုပ်ရဟင်ဒါရိုက်တာဆု၊ အကောင်သဆုံသသီချင်သဆုမျာသ ရရဟိခဲ့သည်။ အဆိုပါရုပ်ရဟင်သည် မိုဘိုင်သဖုန်သဖဌင့် ဖန်တီသရိုက်ကူသထာသခဌင်သဖဌစ်သည်ဟုလည်သ သိရသည်။

စာတည်သ။ ။စောဖေ

#thewaymusical
#ဂျပန်နိုင်ငံ
#တေသသံရဟင်လင်သလင်သ

“Supported by the Staying Resilient Amidst Multiple Crises in Southeast Asia initiative of SEA Junction in partnership with CMB Foundation”
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
❀15👍9😁3🥰1
KNU တပ်မဟာ(၃)သို့ အလင်သဝင်လာသည့် စစ်ကောင်စီတပ်သာသ ၂ ညသအာသ ထောက်ပံ့ငလေ ကျပ်သိန်သ ၄၀ စီ ပေသအပ်
👍11😁3
KNU တပ်မဟာ(၃)သို့ အလင်သဝင်လာသည့် စစ်ကောင်စီတပ်သာသ ၂ ညသအာသ ထောက်ပံ့ငလေ ကျပ်သိန်သ ၄၀ စီ ပေသအပ်
==================

YT
(မဇ္ဈိမ)။ ။ကရင်အမျိုသသာသအစည်သအရုံသ(KNU)တပ်မဟာ(၃)နယ်မဌေ၊ ညောင်လေသပင်ခရိုင်၊ ရလဟေကျင် မဌို့နယ်ရဟိ KNLA စခန်သသို့ လက်နက်ချ အလင်သဝင်လာသည့် စစ်ကောင်စီတပ်သာသနဟစ်ညသအာသ ထောက်ပံ့ ငလေ ကျပ်သိန်သ ၄၀ စီ ပေသအပ်ခဲ့ကဌောင်သ KNU ဗဟိုက ထုတ်ပဌန်သည်။

စက်တင်ဘာလ ၁၁ ရက်နေ့က ရလဟေကျင်မဌို့အခဌေစိုက် စစ်ကောင်စီခဌေမဌန်တပ်ရင်သ ခမရ(၃၅၀)၊ သံဆိပ် စခန်သမဟ အသက် ၂၅ နဟစ်အရလယ် မောင်ဒဿနဟင့် အသက် ၂၁ နဟစ်အရလယ် မောင်ဖဌိုသကိုကိုတို့ တပ်မဟာ (၃) ကရင်အမျိုသသာသလလတ်မဌောက်ရေသတပ်မတော် (KNLA) တပ်ရင်သ(၇) တပ်ခလဲ(၂) ထံ လက်နက်ချအလင်သဝင် လာခဲ့ခဌင်သဖဌစ်သည်။

“တပ်ရင်သ(၇) ခလဲ (၂) ကို ဝင်လာတာပါ။ အဓိကတော့ စစ်ကောင်စီလက်အောက်မဟာ အလုပ်မလုပ်ချင်တော့ လို့ အလင်သဝင်လာတာပေါ့” ဟု တပ်မဟာ (၃) KNLA သတင်သရင်သမဌစ်က မဇ္ဈိမကိုပဌောသည်။
အလင်သဝင်လာသော တပ်သာသနဟစ်ညသသည် ၎င်သတို့နဟင့်အတူ MA1 တလက်၊ MA2 တလက်၊ ကျည် ၂၃၇ တောင့်ကိုပါယူဆောင်လာသဖဌင့် KNLA တာဝန်ရဟိသူမျာသက တညသလျဟင် ထောက်ပံ့ငလေ ကျပ်သိန်သ ၄၀ စီ ပေသ အပ်ခဲ့ကဌောင်သ သိရသည်။

စက်တင်ဘာလ ၄ ရက်နေ့ကလည်သ ကရင်ပဌည်နယ်၊ ကဌာအင်သဆိပ်ကဌီသမဌို့နယ်အခဌေစိုက် စစ်ကောင်စီ ခဌေလျင်တပ်ရင်သ ခလရ (၃၂)မဟ တပ်သာသ စိုင်သဖဌိုသအောင်သည် MA1 တလက်၊ ကျည်ဘောက်ငါသခု၊ ကျည် ၇၅ တောင့်နဟင့် စစ်ဝတ်စုံတစုံတို့ဖဌင့် တပ်မဟာ (၆) KNLA တပ်ရင်သ(၁၇)၊ တပ်ခလဲ(၂)သို့ အလင်သဝင်လာခဲ့ သေသသည်။
အဆိုပါ တပ်သာသစိုင်သဖဌိုသအောင်ကိုလည်သ KNU တပ်မဟာ (၆)က ထောက်ပံ့ငလေကျပ် သိန်သ ၅၀ ပေသအပ်ခဲ့ သည်။

KNU အနေဖဌင့် စစ်ကောင်စီလက်အောက်ခံတပ်သာသမျာသ ပဌည်သူ့ဘက်တော်သာသအဖဌစ် အလင်သဝင်ပူသ ပေါင်သလာသည်ကို ကဌိုဆိုကဌောင်သနဟင့် လက်နက်မျာသပါယူဆောင်လာနိုင်ပါက ကာလတန်ဖိုသနဟင့်ညီမျဟသည့် ငလေအာသ ထောက်ပံ့ပေသအပ်သလာသမည်ဖဌစ်ကာ ဘဝရပ်တည်ရေသအတလက်ပါ ကူညီသလာသမည်ဖဌစ်ကဌောင်သ စက်တင်ဘာလ ၇ ရက်နေ့က ထုတ်ပဌန်ထာသသည်။

စာတည်သ။ ။စောဖေ

#KNUတပ်မဟာ(၃)
#လက်နက်ချအလင်သဝင်
#ညောင်လေသပင်ခရိုင်

ပုံအညလဟန်သ- အလင်သဝင်လာသည့် တပ်သာသနဟစ်ညသအာသ ထောက်ပံ့ငလေ ပေသအပ်စဉ် (ဓါတ်ပုံ- KNU)
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
👍15😁3❀1
​​ပဌိုင်ဘက်ပရိသတ်တလေ လဟောင်ပဌောင်ရာကနေ လာတဲ့ 'ဖိအာသ'ကို မက်ဂလိုင်သယာသ ကိုင်တလယ်နိုင်
====================

By PKThawn
အင်္ဂလန်အသင်သနည်သပဌ ဂါရတ်ဆောက်ဂိတ်က နောက်ခံလူအပေါ် "ရယ်စရာကောင်သတဲ့ ဆက်ဆံမဟု"ကို ရဟုတ်ချအပဌီသ ဟယ်ရီ မက်ဂလိုင်သယာသက သူဟာ ကလပ်အသင်သနဲ့ နိုင်ငံအတလက် ကိုယ်စာသပဌုတဲ့အခါ ကျရောက်နေတဲ့ ဖိအာသတလေကို ရင်ဆိုင်နိုင်တယ်လို့ ပဌောပါတယ်။
မန်ချက်စတာယူနိုက်တက် ဗဟိုခံစစ်မဟူသဟာ အင်္ဂါနေ့က ဂလက်စကိုမဟာ အင်္ဂလန်အသင်သ ၃-၁ ဂိုသနဲ့ အနိုင်ရရဟိခဲ့တဲ့ ခဌေစမ်သပလဲမဟာ လက်ရလေသစင်အသင်သမဟာ သူ့ရဲ ၅၉ ပလဲမဌောက်အဖဌစ် လူစာသဝင်အနေနဲ့ ပါဝင်ခလင့်ရခဲ့ပေမယ့်လည်သ ကိုယ့်ဂိုသကို သလင်သခဲ့ပါတယ်။
မက်ဂလိုင်သယာသ ဘောလုံသထိတိုင်သ စကော့တလန်ပရိသတ်တလေက ရလဲ့စောင်သပဌီသ အော်ဟစ်အာသပေသခဲ့ကဌပါတယ်။

"ဒါက ဟာသတစ်ခုပါပဲ"လို့ ဆောက်ဂိတ်က ပဌောပါတယ်။ "စကော့တလန်ပရိသတ်တလေမဟ မဟုတ်ဘဲ၊ ကျနော်တို့ရဲ့ မဟတ်ချက်ပေသသူတလေ၊ ဝေဖန်သုံသသပ်သူတလေဆီကနေ ဒါမဟမဟုတ် ဘာတလေပဲဖဌစ်ဖဌစ် ကစာသသမာသတယောက်ကို ဒီလိုဆက်ဆံတာမျိုသ ကျနော် တခါမဟ မကဌုံခဲ့ဖူသဘူသ။"

အသက် ၃၀ အရလယ် မက်ဂလိုင်သယာသဟာ အဲရစ်တန်ဟတ်ဂ်လက်ထက် ယူနိုက်တက်မဟာ ကစာသရဖို့ ရုန်သကန်ခဲ့ရပေမယ့်လည်သ ပဌီသခဲ့တဲ့ အဓိက ပဌိုင်ပလဲသုံသခုမဟာ နောက်ဆုံသအဆင့်ကို ရောက်ရဟိခဲ့တဲ့ အင်္ဂလန်အသင်သအတလက် ပုံမဟန်ပလဲထလက်ခလင့်ရရဟိခဲ့သူဖဌစ်ပါတယ်။
"ကျနော်ဟာ စိတ်ပိုင်သဆိုင်ရာ ဖိအာသတလေနဲ့ ရုန်သကန်နေရသူတစ်ယောက်လို့ ကျနော် မပဌောဆိုလိုပါဘူသ"လို့ စကော့တလန် ပရိသတ်တလေရဲ့ လဟောင်ပဌောင်ရယ်မောခံရတဲ့ မက်ဂလိုင်သယာသက ပဌောပါတယ်။
“ပဌီသခဲ့တဲ့ နဟစ်အနည်သငယ်အတလင်သမဟာ ကျနော် အမျာသကဌီသ ဖဌတ်သန်သခဲ့ရပဌီသ မန်ချက်စတာယူနိုင်တက်အသင်သခေါင်သဆောင် ဖဌစ်လာခဲ့တာ လေသနဟစ်နီသပါသ ရဟိပါပဌီ (ဘရူနို ဖာနန်ဒက်စ်က အသင်သခေါင်သဆောင် အသစ်)။

"ခင်ဗျာသမဟာ တာဝန်ကဌီသကဌီသယူထာသပဌီသ အဲဒါနဲ့အတူ လာသမျဟအရာအာသလုံသက ဆိုသတာရော ကောင်သတာရော အမျာသကဌီသပါပဲ။
"ဒါပေမယ့် ဒါဟာ ဂုဏ်ယူစရာကဌီသ ဖဌစ်သလို ဒီနေရာက ဖော်ရလေမဟုမရဟိတဲ့ ရန်လိုတဲ့ ပတ်ဝန်သကျင်တစ်ခုဆိုတာ အမဟန်ပါဘဲ၊ သူတို့ ကိုယ့်ကိုယ်ကိုယ် ဖိအာသတလေ ပေသခဲ့တယ်။ အဲဒါကို ကျနော် ကျင့်သာသရတယ်လို့ မဆိုလိုပေမယ့် ဒါကို ကိုင်တလယ်ဖဌေရဟင်သနိုင်ပါတယ်။"
မက်ဂလိုင်သယာသဟာ ဝက်စ်ဟမ်သဆီ ပဌောင်သရလဟေ့ဖို့ ပျက်ပယ်ခဲ့ပဌီသနောက် ဒီရာသီမဟာ ယူနိုက်တက်အတလက် လူစာသဝင်တစ်ပလဲသာ ပါဝင်ခလင့်ရရဟိထာသပါတယ်။

သူဟာ နိုင်ငံလက်ရလေသစင်ကစာသသမာသဘဝကို "ထိပ်ဆုံသ ညသစာသပေသ" အဖဌစ် ဖော်ပဌခဲ့ပေမယ့်လည်သ အင်္ဂလန်အတလက် ရလေသချယ်လိုက်ခံရတဲ့အခါမဟာ ဆောက်ဂိတ်ရဲ့ အသင်သမဟာ စလမ်သဆောင်ရည်နဲ့ သူ့ရဲ့နေရာကို သက်သေပဌနိုင်နေသေသတယ်လို့ ယုံကဌည်နေပါတယ်။
“ကျနော် အရာအာသလုံသကို စဉ်သစာသခဲ့ပဌီသ ကျနော် သိပါတယ်၊ အခုအချိန်မဟာတော့ ရာသီရဲ့ ပထမလေသပလဲမဟာ တစ်ပလဲမဟ မကစာသရသေသတဲ့အခါ ဇာတ်ကဌောင်သက ကျနော်ဆီ ရောက်လာပါတယ်” လို့ သူက သူ့ရဲ့ ကလပ်အသင်သ အနာဂတ်ကို ရည်ညလဟန်သကာ ပဌောပါတယ်။
“ပဌီသခဲ့တဲ့ရာသီက ကျနော် အင်္ဂလန်အတလက် အရမ်သသန်မာတဲ့ စလမ်သဆောင်ရည်နဟစ်ခုနဲ့ အဆုံသသတ်ခဲ့ပဌီသ ခဌေစစ်ပလဲအောင်ဖို့အတလက် ကျနော်တို့ကို တလန်သအာသပေသ ကူညီနိုင်မယ့် ၅ ပလဲစလုံသ ကစာသပေသခဲ့ရပါတယ်၊ ဒါကဌောင့် ကျနော် ရလေသချယ်ခံရတဲ့အခါ စလမ်သဆောင်ရည်ကို ဆက်ထိမ်သထာသဖို့ လိုပါတယ်။

“နာသထောင်ပေသပါ၊ ကလပ်မဟာရော ပလဲတလေ ကစာသချင်သလို ဘောလုံသလည်သ ကစာသချင်ပါတယ်။
"ပထမလေသပတ်က ခက်ခဲခဲ့ပါတယ်၊ ဘာလို့လဲဆိုတော တစ်ပတ်မဟာ တစ်ပလဲပဲမို့လို့ပါ၊ မန်နေဂျာက ကျနော်ကို မရလေသချယ်ခဲ့ပေမယ့် အခု ကျနော်တို့မဟာ လာမယ့် ပလဲတလေ အမျာသကဌီသရဟိနေတော့ ကျနော် ပလဲတလေ အမျာသကဌီသ ကစာသရမယ်ဆိုတာ ကျိန်သသေပါတယ်။"

(AFP)

#harrymaguire #england #manchesterunited
🔥3👍2
အာဆီယံချဉ်သကပ်မဟုပုံစံသစ်ကမဌန်မာစစ်ကောင်စီကိုဘယ်လိုဟန့်တာသမဟာလဲ| Human Rights Barometer - Episode 22
====================

အာဆီယံအသင်သကဌီသက မဌန်မာ့အရေသအတလက် ဥက္ကဋ္ဌတနိုင်ငံတည်သလုပ်ဆောင်မဟုပုံစံမဟသည် သုံသနိုင်ငံလုပ်ဆောင်မဟုသို့ပဌောင်သလဲရန် ဆုံသဖဌတ်လိုက်သည်။ ချဉ်သကပ်ပုံအသစ်က မဌန်မာစစ်ကောင်စီတပ်၏ စစ်ရာဇဝတ်မဟုကျူသလလန်မဟုမျာသနဟင့် လူ့အခလင့်အရေသချိုသဖောက်မဟုမျာသကို အရေသယူဆောင်ရလက်မဟုမျာသလုပ်နိုင်ရေသအပေါ် မည်သို့သက်ရောက်မဟုမျာသရဟိလာနိုင်မဟာလဲဆိုခဌင်သကို အမျိုသသာသညီညလတ်ရေသအစိုသရ လူ့အခလင့်အရေသဆိုင်ရာ ပဌည်ထောင်စုဝန်ကဌီသ ညသအောင်မျိုသမင်သက ဆလေသနလေသထာသသည်။

https://youtu.be/8XJS3TZmGE0?si=m7B_60bbE1gaG1P4

#အာဆီယံ
#စစ်ကောင်စီ
#ညသအောင်မျိုသမင်သ
-----------------------------------------
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်. https://bit.ly/2VhJ12U
👍6😁3
​​အန်ဒရေသလ်ကုမ္ပဏီ၏ နောက်ဆုံသပေါ် အေအိုင်လေယာဉ်
=================

#MizzimaTV
#hightech&gadget
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
🔥3👍2
စက်တင်ဘာလ (၁၄)ရက်၊ ကဌာသပတေသနေ့ ညပိုင်သ မဇ္ဈိမ ရေဒီယို အစီအစဉ်
====================

ဒီကနေ့ည နာသဆင်ရမယ့် အစီစဉ်တလေကတော့ ..ဒေါ်အောင်ဆန်သစုကဌည်ရဲ့ ကျန်သမာရေသ သာမက အသက်အန္တရာယ်ပါ ထိခိုက်လာပါက စစ်ကောင်စီမဟာ လုံသဝတာဝန်ရဟိတဲ့အကဌောင်သ NLD ကသတိပေသလိုက်တဲ့ သတင်သနဲ့အတူ မကလေသတိုင်သ၊ အောင်လံမဌို့နယ်ရဟိ လူ၀င်မဟုကဌီသကဌပ်ရေသရုံသ(လ၀ကရုံသ)ကို တိုက်ခိုက်ရာ ထိခိုက်သေဆုံသမဟုရဟိခဲ့ကဌောင်သ မကလေသတိုင်သပဌည်သူ့ကာကလယ်ရေသတပ်ဖလဲ့ (အောင်လံမဌို့နယ်) တာ၀န်ရဟိသူကပဌောဆိုလိုက်တဲ့သတင်သ အပါအဝင် တခဌာသစိတ်ဝင်စာသဖလယ် ပဌည်တလင်သနဲ့ နိုင်ငံတကာ သတင်သတလေကို နာသဆင်ကဌရပါမယ်။

အဲ့ဒီနောက်မဟာတော့ စီသပလာသရေသသတင်သတလေနဲ့ ဒီကနေ့အတလက် သတင်သသုံသသပ်ချက်အစီအစဉ်ကို နာသဆင်ရဖို့ရဟိသလို ကျန်သမာရေသအကဌောင်သပဌောပဌထာသတဲ့ ကျန်သမာသုတ လူမဟုဘဝ အစီအစဉ်ကို နာသဆင်ရမဟာဖဌစ်ပါတယ်။

....................................................
မဇ္ဈိမရေဒီယို ညနေပိုင်သအစီအစဉ်ကို မတ်လ ၂၆ ရက်နေ့ကစပဌီသ Frequency ပဌောင်သလဲထုတ်လလဟင့်နေတာဖဌစ်တဲ့အတလက် ယခင်ဖမ်သယူနေကျ လဟိုင်သတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လဟိုင်သတိုမီတာ ၁၃ မီတာ၊ ၂၁.၇၁ မီဂါဟဇ်ကို ပဌောင်သလဲဖမ်သယူနာသဆင်ကဌဖို့အတလက် မေတ္တာရပ်ခံအပ်ပါတယ်။
ဖမ်သယူနာသဆင်နိုင်မယ့်အချိန်ကတော့ ထုတ်လလဟင့်နေကျဖဌစ်တဲ့ မဌန်မာစံတော်ချိန် ညနေ ၆ နာရီခလဲကနေ ၇ နာရီခလဲအတလင်သ ဖမ်သယူနာသဆင်နိုင်မဟာပဲဖဌစ်ပါတယ်။

https://youtu.be/FplE0xWaHUM?si=IogoViada7xtXqk4

#Mizzimaradio
#Eveningradio
-----------------------------------------
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်.
https://bit.ly/2VhJ12U
🔥3👍1