Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​တရုတ်က မြေပုံထုတ်ဝေပြီး ပိုင်နက်နယ်မြေများ တစ်ဖက်သတ်ဖော်ပြမှုကြောင့် အိမ်နီးချင်းနိုင်ငံများ ဒေါသထွက်
===================

ANI
တရုတ်သဘာဝအရင်းအမြစ်ဝန်ကြီးဌာနက ဩဂုတ်လ ၂၈ ရက်တွင် မြေပုံတစ်ခု ထုတ်ဝေခဲ့ရာတွင် ၎င်းတို့ အလိုရှိသည့် နယ်မြေများကို ပိုင်ဆိုင်ကြောင်း တစ်ဖက်သတ် ဖော်ပြထားသည်။
အငြင်းပွားမှုဖြစ်နေသည့် မြေပုံများကို ဖယ်ရှားရန် မြေပုံအသစ်ကို မိတ်ဆက်ခဲ့ခြင်းဖြစ်ကြောင်း တရုတ်အစိုးရက ပြောကြားခဲ့သော်လည်း တရုတ်က အိမ်နီးချင်းအများအပြားကို ဒေါသထွက်စေခဲ့သည်။

အာဆီယံ အဖွဲ့ဝင် ၅ နိုင်ငံဖြစ်သည့် မလေးရှား၊ ဖိလစ်ပိုင်၊ အင်ဒိုနီးရှား၊ ဗီယက်နမ်နှင့် ဘရူနိုင်းတို့က တရုတ်တို့ လုပ်ကြံဖန်တီးထားသည့် မြေပုံကို ရှုတ်ချကြောင်း ထုတ်ပြန်ခဲ့သည်။

အဆိုပါ ၅ နိုင်ငံစလုံးသည် တောင်တရုတ်ပင်လယ်တွင် တရုတ်၏ အလွန်အကျွံ ပိုင်နက် တောင်းဆိုမှုများနှင့် ပတ်သက်၍ အငြင်းပွားနေကြသည်။

စိတ်ဝင်စားစရာမှာ တောင်တရုတ်ပင်လယ်မြေပုံများတွင် မပြတ်မသား ဖော်ပြထားသည့် တရုတ်၏ အငြင်းပွား ဖွယ်နှင့် ဥပဒေကြောင်းအရ အခြေအမြစ်မရှိသော ရေပိုင်နက် ၉ နေရာ သတ်မှတ်ချက်မျဉ်း နေရာတွင် ရေပိုင်နက် ၁၀ နေရာ သတ်မှတ်ချက်မျဉ်းကို အစားထိုးလာခဲ့သည်။

ဥပမာ အင်ဒိုနီးရှား၏ နာတူနာကျွန်းစုများသည် ယင်းပိုင်နက်တွင် ပါဝင်နေပြီး ရေပိုင်နက် ၁၀ နေရာ သတ်မှတ်ချက်မျဉ်းသည် ထိုင်ဝမ်၏အရှေ့ဘက်ထိ ရောက်ရှိနေကာ ထိုင်ဝမ်အား တရုတ်ပိုင်အဖြစ် ဖော်ပြ နေသည်ဟု ယူဆရသည်။

ဂျပန်၏ ရူခူကျွန်းစု၏ တစ်စိတ်တစ်ပိုင်းအထိ တရုတ်၏ တောင်းဆိုချက်သည် ကျယ်ပြန့်သည်ဟုပင် အဓိပ္ပာယ် ဖွင့်ဆိုနိုင်သည်။

“ထိုင်ဝမ်ရဲ့ အချုပ်အခြာအာဏာနဲ့ပတ်သက်ပြီး တရုတ်အစိုးရက သူ့ရဲ့ ရပ်တည်ချက်ကို ဘယ်လိုပဲ လှည့်စား နေပါစေ ထိုင်ဝမ်တည်ရှိမှုရဲ့ ရည်ရွယ်ချက်အမှန်ကို မပြောင်းလဲနိုင်ပါဘူး” ဟု ထိုင်ဝမ်နိုင်ငံခြားရေးဌာန ပြောရေးဆိုခွင့်ရှိသူ ဂျက်လျှိုက ပြောကြားခဲ့သည်။

တရုတ်၏ ရှုပ်ထွေးလှသော ရေပိုင်နက် ၉ နေရာ သတ်မှတ်ချက်မျဉ်းသည် နိုင်ငံတကာဥပဒေများနှင့် မကိုက်ညီကြောင်း အနုညာတ ခုံသမာဓိရုံးက ၂၀၁၆ ခုနှစ်တွင် ဆုံးဖြတ်ခဲ့သည်။

ထို့ကြောင့် ယင်းမြေပုံအသစ်သည် နိုင်ငံတကာအသိုက်အဝန်းကို မထီမဲ့မြင်ပြုခြင်းဖြစ်ပြီး ရေပိုင်နက် ၉ နေရာ သတ်မှတ်ချက်မျဉ်းသည် အဓိပ္ပာယ်မရှိကြောင်းကို နိုင်ငံတကာတရားရုံးက အမိန့်ချထားပြီးဖြစ်သော်လည်း တရုတ်က နောက်ထပ်နေရာတစ်ခုထပ် ထည့်ခြင်းဖြင့် ပမာမခန့်ပြုလုပ်လာခဲ့သည်။

ယင်းသည် လွန်ကဲရန်လိုသော အပြုအမူဖြစ်ပြီး “တရုတ်အနေဖြင့် ဗိုလ်ကျစိုးမိုးလိုစိတ်မရှိပါဘူး” ဟု ဂျိုဟန်နက်စဘာ့ဂ်တွင် ကျင်းပသည့် BRICS ထိပ်သီးအစည်းအဝေးတွင် ဥက္ကဋ္ဌ ရှီကျင့်ဖျင်၏ ပြောကြား ချက်နှင့် လုံးဝဆန့်ကျင်ဘက်ဖြစ်နေသည်။

China agitates neighbors as it maps out territorial claims

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍10🔥1😁1💩1
​​Punjab (1984)
===============

“ Punjab 1984 ”ဇာတ်ကားဟာ 1984 Punjab ပြည်နယ်တွင် အကြမ်းဖက်ဝါဒနဲ့ ရင်ဆိုင်နေရချိန်ကို ပြန်လည်ရိုက်ကူးထားတာပါ ။

1984 ပန်ဂျပ်၏ အဖြစ်အပျက်မှာ ပါဝင်တဲ့မိခင်နှင့် သူမ၏ ပျောက်ဆုံးနေသော သားငယ်တို့၏ ဇာတ်လမ်းလေးလည်း ဖြစ်ပါတယ် ။

ဇာတ်ကားမှာ ပျောက်ဆုံးနေတဲ့ သားဖြစ်သူ အတွက် မိခင်တစ်ဦးရဲ့ ပူဆွေးတမ်းတနေရချိန် တစ်ဖက်မှာလည်း အကြမ်းဖက်သမားဆိုပြီး ကင်ပွန်းတပ်ခံထားရတာကြောင့် တစ်ပူပေါ်တစ်ပူဆင့် ဖြစ်နေတာတောင် သားဖြစ်သူကို ရှာဖွေပုံကို သရုပ်ဖော်ထားပါတယ်။
သားဖြစ်သူဘက်မှာလည်း သူ့အမေကိုချစ်တဲ့စိတ်ကြောင့် အိမ်ကိုပြန်ချင်နေချိန်မှာ သူ့အခွင့်အရေးအတွက် သူဘယ်လိုတိုက်ပွဲဝင်နေခဲ့သလဲ ?

ပန်ဂျပ်လူငယ်တွေအတွက် နိုင်ငံရေးနဲ့ ပတ်သက်နေချိန် စိတ်အားထက်သန်နေပုံတွေကိုလည်း မြင်တွေ့ရမှာပါ ။

အဓိကရုဏ်းတွေကြောင့် သူတို့ရဲ့သားတွေကို ဆုံးရှုံးခဲ့ရတဲ့ ထောင်ပေါင်းများစွာသော မိခင်တွေအတွက် ရည်ရွယ်ရိုက်ကူးထားတဲ့ “ Punjab 1984 ”ဇာတ်ကားလေးကိုတော့ Mizzima + Channel မှာစောင့်မျှော်ကြည့်ရူနိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

Mizzima TV App အခမဲ့ဒေါင်းလုတ်ပြုလုပ်ရန် - https://bit.ly/44WaGEU

#New ပြသမည့်ရက်။ ။၁၄.၉.၂၀၂၃
ပြသမည့် အချိန် ။ ။ ည (၈:၀၀)နာရီ
ပြန်လည်ပြသမည့်ရက်။ ။ ၁၅.၉.၂၀၂၃
အချိန်။ ။ နေ့လည် (၂:၀၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U"
👍5🔥2😁1
သပိတ်ကျင်းနှင့် ကျောက်မြောင်းအကြား ဧရာ၀တီမြစ်အတွင်း စစ်ရေယာဉ်တန်း တိုက်ခိုက်ခံရ
========================

MTO (မဇ္ဈိမ)။ ။မန္တလေးမြို့ ဂေါဝိန်ဆိပ်ကမ်းမှထွက်ခွာလာသည့် ရေယာဉ်ခြောက်စီးပါ စစ်ကောင်စီရေယာဉ် တန်းကို ဧရာဝတီမြစ်အတွင်း သပိတ်ကျင်းနှင့် ကျောက်မြောင်းအကြား၌ တိုက်ခိုက်ခဲ့ရာ စစ်ကောင်စီတပ် ဖွဲ့ဝင်များ ထိခိုက်သေဆုံးမှုရှိနိုင်ကြောင်း တိုက်ခိုက်မှုတွင်ပါဝင်ခဲ့သော ဗိုလ်လင်းယုန်တပ်ဖွဲ့မှ သိရသည်။

စစ်တင်ဘာလ ၁၁ ရက်နေ့ မွန်းလွဲပိုင်းက သပိတ်ကျင်းနှင့် ကျောက်မြောင်းအကြားတွင် နေရာသုံးနေရာ ခွဲ တိုက်ခိုက်ခဲ့ခြင်းဖြစ်ကြောင်း ဗိုလ်လင်းယုန်တပ်ဖွဲ့ခေါင်းဆောင် ကိုဇီးရိုးဝမ်းက ပြောသည်။

“ကျနော်တို့က နှစ်စီးကို ပစ်မှတ်ထားတိုက်ခိုက်တာ။ အဲဒီနှစ်စီးလုံး မီးခိုးတွေထွက်နေတာတွေ့တယ်။ အထိအခိုက်ကတော့ သပိတ်ကျင်းဆိပ်ကမ်းရောက်တဲ့အချိန်မှာ နာရေးကားနှစ်စီးနဲ့လာသယ်ပြီး ကျောက် ကြီးဆေးရုံဖက် မောင်းသွားတယ်၊ အတိအကျတော့မသိရသေးဘူး” ဟု ပြောသည်။

တိုက်ပွဲမှာ နာရီနီးပါးကြာမြင့်ခဲ့ပြီး ဒေသကာကွယ်ရေးတပ်ဖွဲ့များ အထိအ်ခိုက်မရှိကြောင်းနှင့် အရပ်သား ထိခိုက်မှုလည်းမရှိကြောင်း ကိုဇီးရိုးဝမ်းကဆိုသည်။

“ရဲဘော်တွေ အထိအခိုက်မရှိဘူး။ စစ်သင်္ဘောတွေလာရင် အမြဲရမ်းသန်းပစ်ခတ်တာတွေရှိလို့ ထိခိုက် ပျက်စီးတာတွေရှိတော့ လွတ်လွတ်ကျွတ်ကျွတ်ဖြစ်အောင် ဗုံးခိုကျင်းတို့ဘာတို့မှာနေဖို့ လူထုကိုမှာကြား ထားလို့ အန္တရာယ်ကင်းကြပါတယ်” ဟု ပြောသည်။

စစ်ရေယာဉ်တန်းသည် ဗန်းမော်မြို့သို့ ရိက္ခာပို့ဆောင်ရန်သွားသည့်သင်္ဘောများဖြစ်ပြီး တိုက်ခိုက်ရေး ရေယာဥ်သုံးစီးနှင့် ရိက္ခာတင်ရေယာဉ်သုံးစီးပါဝင်ပြီး ယနေ့ စက်တင်ဘာလ ၁၄ ရက်နေ့ ညနေပိုင်းတွင် ထီးချိုင့်ဆိပ်ကမ်းသို့ ရောက်ရှိရပ်နားထားကြောင်း Tigyaing Revolution အဖွဲ့ကပြောသည်။

ယခုတိုက်ခိုက်မှုကို သပိတ်ကျင်းတိုက်နယ် ပြည်သူ့ကာကွယ်ရေးတပ်(ဗိုလ်လင်းယုန်တပ်ဖွဲ့)၊ ဗိုလ်မိုးကြိုး တပ်ဖွဲ့နှင့် Nine PDF အဖွဲ့တို့ ပူးပေါင်းဆောင်ရွက်ခဲ့ခြင်းဖြစ်ကြောင်း ထုတ်ပြန်ထားသည်။

စာတည်း။ ။စောဖေ

https://youtu.be/j8KfjN739bw?si=zQeb5vbxIHEu9gyQ

#ဧရာဝတီမြစ်
#စစ်ကောင်စီရေယာဉ်တန်း
#သပိတ်ကျင်းမြို့နယ်
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U
👍13😁2👎1
Media is too big
VIEW IN TELEGRAM
Human Rights Barometer |အာဆီယံချဉ်းကပ်မှုပုံစံသစ်က မြန်မာစစ်ကောင်စီကို ဘယ်လိုဟန့်တားနိုင်မှာလဲ

Watch more detail - https://youtu.be/8XJS3TZmGE0

#HumanRightsBarometer #စကားဝိုင်း #HumanRightsBarometershorts #reels
😁4👍3🤮1
စက်တင်ဘာလ (၁၄) ရက် ၊ ည ၇ နာရီ The Mizzima Primetime မဇ္စျိမပင်မသတင်းအစီအစဥ်
==========================

- စစ်ကောင်စီ ဦးဆောင်ကျင်းပတဲ့ လေတပ်ညီလာခံကို အာဆီယံ ၅ နိုင်ငံသာ လာရောက်တဲ့သတင်း

− ဒေါ်အောင်ဆန်းစုကြည်ရဲ့ ကျန်းမာရေး သာမက အသက်အန္တရာယ်ပါ ထိခိုက်ပါက စစ်ကောင်စီမှာ လုံးဝတာဝန်ရှိကြောင်း NLD သတိပေးတဲ့သတင်း

− စစ်ကောင်စီအပေါ် နောက်ထပ် ဒဏ်ခတ်ပိတ်ဆို့မှုတွေ ချမှတ်ရေး ကုလ လူ့အခွင့်အရေး ကျွမ်းကျင်သူက အမေရိကန်ကို တိုက်တွန်းတဲ့သတင်း

− စစ်ကောင်စီက မြောက်ကိုရီးယားနဲ့ သံတမန်ဆက်ဆံရေးပြန်တည်ဆောက်နေ တဲ့သတင်း

− မီဇိုရမ်မှာ မြန်မာနိုင်ငံသားတွေထံမှ မူးယစ်ဆေးဝါးနဲ့ ကျည်ဆန်တွေ ဖမ်းဆီးရမိတဲ့သတင်းနဲ့

− လစ်ဗျားမှာရေကြီးမှုကြောင့် လူ ၂၃၀၀ ထက်မနည်းသေဆုံးခဲ့ပြီး အရေအတွက် ထပ်တိုးလာဖွယ်ရှိနေတဲ့အကြောင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးပါမယ်။

https://www.youtube.com/live/hm_v2BXseY8?si=in0GYuS2XAGqiEwT


#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😁4👍3
​​လေဖိအားနည်းရပ်ဝန်းကြောင့် တိုင်းနှင့်ပြည်နယ် ၈ ခု မိုးကြီးနိုင်
======================

ရောင်နီ
(မဇ္စျိမ)။ ။ ဘင်္ဂလားပင်လယ်အော်တွင် ဖြစ်ပေါ်နေသော အားကောင်းသည့် လေဖိအားနည်းရပ်ဝန်းကြောင့် တိုင်းနှင့်ပြည်နယ် ရှစ်ခု၌ မိုးကြီးနိုင်ကြောင်း စစ်ကောင်စီ လက်အောက်ခံ မိုးလေဝသနှင့် ဇလဗေဒညွှန်ကြားမှုဦးစီးဌာနက သတင်းထုတ်ပြန်သည်။

ဘင်္ဂလားပင်လယ်အော် အနောက်မြောက်ပိုင်းတွင် စက်တင်ဘာလ ၁၃ ရက်နေ့မှစတင်ပြီး လေဖိအားနည်းရပ်ဝန်းတခု ဖြစ်ခဲ့ပြီး အိန္ဒိိယနိုင်ငံ၊ သြရိဿကမ်း‌ခြေဘက်သို့ နောက် ၁၂ နာရီအတွင်းဝင်ရောက်သွားနိုင်ကြောင်းမိုးဇလက ယနေ့ စက်တင်ဘာလ ၁၄ရက်မွန်းလွဲ ၂နာရီတွင် ထုတ်ပြန်ထားသည်။

‌အဆိုပါ လေဖိအားနည်းရပ်ဝန်းအရှိန်ကြောင့် ရခိုင်၊ ကရင်နှင့် မွန်ပြည်နယ်၊ တနင်္သာရီတိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်းနှင့်ဧရာဝတီတိုင်း၌ မနက်ဖြန် စက်တင်ဘာလ ၁၅ရက်အထိ မိုးကြီးနိုင်ကြောင်း သတိပေးထားသည်။

လတ်တလော၌ ဒေသအချို့ မိုးကောင်းနေစဉ်ပဲခူးမြစ်၊ စစ်တောင်းမြစ်နှင့် ဘီးလင်းမြစ်ရေလည်း ပုံမှန်ထက်မြင့်တက်နေသည်။ ပဲခူးမြစ်၊ စစ်တောင်းမြစ်နှင့် ဘီးလင်းမြစ်ရေသည် ပဲခူးမြို့၊မဒေါက်မြို့နှင့် ဘီးလင်းမြို့၏ စိုးရိမ်ရေမှတ်အနီးရောက်ရှိနေ၍ ယင်းသုံးမြို့နယ်အတွင်း မြစ်ကမ်းအနီးနှင့် မြေနိမ့်ပိုင်း နေထိုင်သူများ ရေဘေးသတိပြုနေထိုင်ကြရန် မိုးဇလက တိုက်တွန်းထားသည်။

အမျိုးသားညီညွတ်ရေးအစိုးရ(NUG)၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)ကလည်း မိုးနှောင်းကာလဖြစ်သည့် လက်ရှိ စက်တင်ဘာလတွင် မုတ်သုံလေဆုတ်ခွာခြင်းဖြစ်စဥ်ကြောင့် မိုးများကာ ရေကြီးကာလထပ်မံကြုံတွေ့နိုင်ကြောင်း စက်တင်ဘာလ ၁၁ ရက်နေ့တွင် သတင်းထုတ်ပြန်ထားသည်။

ရှမ်းပြည်နယ်မြောက်ပိုင်း၊လားရှိုးမြို့တွင် ယနေ့ စက်တင်ဘာလ ၁၄ရက်နေ့ နံနက်ပိုင်းက မိုးရွာသွန်းမှုများပြီး ရေကြီးရေလျှံကာ အမျိုးသားတဦး အုတ်တံတိုင်းပိ သေဆုံးခဲ့သည်။
ဇူလိုင်လနှင့် သြဂုတ်လက မြန်မာနိုင်ငံဒေသအများစု မိုးသည်းထန်စွာခဲ့ပြီး မြစ်ချောင်းများတွင် မြစ်ရေများ စိုးရိမ်ရေအမှတ်အထက်သို့ မြင့်တက်ခဲ့သည်။ နောက်ဆက်တွဲအဖြစ် မြို့နယ်အများအပြားတွင် ရေလွှမ်းမိုးခဲ့ပြီး ကရင်ပြည်နယ်နှင့် မွန်ပြည်နယ်တို့တွင် ရေကြီးရေလျှံမှုဘေး ကြုံတွေ့ခဲ့သည်။

စာတည်း - အေးချမ်း

#mizzima
#လေဖိအားနည်းရပ်ဝန်း
#မိုးကြီးမည့်သတိပေးချက်
#မြစ်ရေသတိပေးချက်

ပုံအညွှန်း - ရန်ကုန်မြို့တွင် မိုးရွာသွန်းမှုဖြစ်ပေါ်နေသည့် မြင်ကွင်း။ (ပုံ-အဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9🔥1😁1
Media is too big
VIEW IN TELEGRAM
Sep - 14 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts
👍3😁1🖕1
​​တေးသံရှင် လင်းလင်းရိုက်ကူးသည့် The Way ရုပ်ရှင် စက်တင်ဘာ ၂၃ ရက်မှစ၍ ဂျပန်နိုင်ငံတွင် ပြသမည်
=================

ကီရာ
(မဇ္ဈိမ)။ ။တေးသံရှင်လင်းလင်း ရိုက်ကူးထားသည့် The Way ရုပ်ရှင်ကို စက်တင်ဘာလ ၂၃ ရက်နေ့မှစ၍ ဂျပန်နိုင်ငံရှိမြို့ကြီးများတွင်ပြသသွားမည်ဖြစ်ကြောင်း အဆိုပါဇာတ်ကား ရုံတင်ပြသနိုင်ရေးအတွက် စီစဉ် နေသူများထံမှ သိရသည်။

စက်တင်ဘာလ ၂၃ ရက်နေ့တွင် တိုကျိုမြို့၌ စတင်ပြသသွားမည်ဖြစ်ပြီး ကျန်မြို့များတွင်အောက်တိုဘာ လ ၁၅ ရက်အထိ နေ့အလိုက်ပြသသွားမည်ဖြစ်ကာ ဈေးနှုန်းအနေဖြင့် လက်မှတ်တစောင်လျှင် ယန်း ၃,၀၀၀ သတ်မှတ်ထားကြောင်း သိရသည်။
ပွဲနေ့များတွင် The Way အမှတ်တရ ပစ္စည်းအရောင်းဆိုင်များ၊ ကံစမ်းမဲကောင်တာများနှင့် အခြားအစီ အစဉ်များလည်းရှိမည်ဖြစ်ကြောင်း သိရသည်။

“အမတို့ အများကြီးကြိုးစားအားထုတ်ထားပါတယ်။ Lucky Draw အစီအစဉ်တွေရှိမယ်၊ ယန်း ၅၀၀ နဲ့ Lucky Draw နှိုက်လို့ရမယ်။ ယန်း ၅၀၀ ထက်မကတန်တဲ့ စိန်၊ ရွေ၊ လက်ဝတ်ရတနာတွေပစ္စည်းတွေ မဲဖောက်မှာဖြစ်ပါတယ်။ နောက်ပြီး The Way အမှတ်တရ ဓာတ်ပုံရိုက်လို့ရမယ့် အစီအစဉ်လေးတွေရှိ မယ်။ The Way ရဲ့ဇာတ်ကားမှာ မျက်နှာလေးတွေမှာ အမှတ်အသားလေးတွေ ရှိတယ်လေ။ အဲဒါကို ရုပ်ရှပ်ပွဲနေ့မှာ ကိုယ်တိုင်ဆေးခြယ်လို့ရအောင်လုပ်ပေးထားမယ့် အစီအစဉ်လေးတွေလည်း ရှိပါတယ်။ လူ ၁,၃၀၀ လောက်ဆံ့တဲ့ရုံကြီး ငှားထားတာမို့ အနည်းဆုံး လူ ၁,၀၀၀ လောက်တော့ လာရောက်ကြည့်ရှုပေး စေချင်ပါတယ်။ လူတွေအများကြီးလာပြီး တကယ်ကို သိုက်သိုက်ဝန်းဝန်းနဲ့ အနုပညာရှင်တွေကို အားဖြစ် စေချင်ပါတယ်”ဟု ပွဲဖြစ်မြောက်ရန်စီစဉ်သူများအနက်မှ တာဝန်ရှိသူတဦးကလည်း ပြောသည်။

The Way ရုပ်ရှင်သည် Festigious နိုင်ငံတကာရုပ်ရှင်ပွဲတော်တွင် အကောင်းဆုံး ဂီတရုပ်ရှင်ဆု၊ ပထမ အကြိမ် ရုပ်ရှင်ဒါရိုက်တာဆု၊ အကောင်းဆုံးသီချင်းဆုများ ရရှိခဲ့သည်။ အဆိုပါရုပ်ရှင်သည် မိုဘိုင်းဖုန်းဖြင့် ဖန်တီးရိုက်ကူးထားခြင်းဖြစ်သည်ဟုလည်း သိရသည်။

စာတည်း။ ။စောဖေ

#thewaymusical
#ဂျပန်နိုင်ငံ
#တေးသံရှင်လင်းလင်း

“Supported by the Staying Resilient Amidst Multiple Crises in Southeast Asia initiative of SEA Junction in partnership with CMB Foundation”
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤15👍9😁3🥰1
KNU တပ်မဟာ(၃)သို့ အလင်းဝင်လာသည့် စစ်ကောင်စီတပ်သား ၂ ဦးအား ထောက်ပံ့ငွေ ကျပ်သိန်း ၄၀ စီ ပေးအပ်
👍11😁3
KNU တပ်မဟာ(၃)သို့ အလင်းဝင်လာသည့် စစ်ကောင်စီတပ်သား ၂ ဦးအား ထောက်ပံ့ငွေ ကျပ်သိန်း ၄၀ စီ ပေးအပ်
==================

YT
(မဇ္ဈိမ)။ ။ကရင်အမျိုးသားအစည်းအရုံး(KNU)တပ်မဟာ(၃)နယ်မြေ၊ ညောင်လေးပင်ခရိုင်၊ ရွှေကျင် မြို့နယ်ရှိ KNLA စခန်းသို့ လက်နက်ချ အလင်းဝင်လာသည့် စစ်ကောင်စီတပ်သားနှစ်ဦးအား ထောက်ပံ့ ငွေ ကျပ်သိန်း ၄၀ စီ ပေးအပ်ခဲ့ကြောင်း KNU ဗဟိုက ထုတ်ပြန်သည်။

စက်တင်ဘာလ ၁၁ ရက်နေ့က ရွှေကျင်မြို့အခြေစိုက် စစ်ကောင်စီခြေမြန်တပ်ရင်း ခမရ(၃၅၀)၊ သံဆိပ် စခန်းမှ အသက် ၂၅ နှစ်အရွယ် မောင်ဒဿနှင့် အသက် ၂၁ နှစ်အရွယ် မောင်ဖြိုးကိုကိုတို့ တပ်မဟာ (၃) ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း(၇) တပ်ခွဲ(၂) ထံ လက်နက်ချအလင်းဝင် လာခဲ့ခြင်းဖြစ်သည်။

“တပ်ရင်း(၇) ခွဲ (၂) ကို ဝင်လာတာပါ။ အဓိကတော့ စစ်ကောင်စီလက်အောက်မှာ အလုပ်မလုပ်ချင်တော့ လို့ အလင်းဝင်လာတာပေါ့” ဟု တပ်မဟာ (၃) KNLA သတင်းရင်းမြစ်က မဇ္ဈိမကိုပြောသည်။
အလင်းဝင်လာသော တပ်သားနှစ်ဦးသည် ၎င်းတို့နှင့်အတူ MA1 တလက်၊ MA2 တလက်၊ ကျည် ၂၃၇ တောင့်ကိုပါယူဆောင်လာသဖြင့် KNLA တာဝန်ရှိသူများက တဦးလျှင် ထောက်ပံ့ငွေ ကျပ်သိန်း ၄၀ စီ ပေး အပ်ခဲ့ကြောင်း သိရသည်။

စက်တင်ဘာလ ၄ ရက်နေ့ကလည်း ကရင်ပြည်နယ်၊ ကြာအင်းဆိပ်ကြီးမြို့နယ်အခြေစိုက် စစ်ကောင်စီ ခြေလျင်တပ်ရင်း ခလရ (၃၂)မှ တပ်သား စိုင်းဖြိုးအောင်သည် MA1 တလက်၊ ကျည်ဘောက်ငါးခု၊ ကျည် ၇၅ တောင့်နှင့် စစ်ဝတ်စုံတစုံတို့ဖြင့် တပ်မဟာ (၆) KNLA တပ်ရင်း(၁၇)၊ တပ်ခွဲ(၂)သို့ အလင်းဝင်လာခဲ့ သေးသည်။
အဆိုပါ တပ်သားစိုင်းဖြိုးအောင်ကိုလည်း KNU တပ်မဟာ (၆)က ထောက်ပံ့ငွေကျပ် သိန်း ၅၀ ပေးအပ်ခဲ့ သည်။

KNU အနေဖြင့် စစ်ကောင်စီလက်အောက်ခံတပ်သားများ ပြည်သူ့ဘက်တော်သားအဖြစ် အလင်းဝင်ပူး ပေါင်းလာသည်ကို ကြိုဆိုကြောင်းနှင့် လက်နက်များပါယူဆောင်လာနိုင်ပါက ကာလတန်ဖိုးနှင့်ညီမျှသည့် ငွေအား ထောက်ပံ့ပေးအပ်သွားမည်ဖြစ်ကာ ဘဝရပ်တည်ရေးအတွက်ပါ ကူညီသွားမည်ဖြစ်ကြောင်း စက်တင်ဘာလ ၇ ရက်နေ့က ထုတ်ပြန်ထားသည်။

စာတည်း။ ။စောဖေ

#KNUတပ်မဟာ(၃)
#လက်နက်ချအလင်းဝင်
#ညောင်လေးပင်ခရိုင်

ပုံအညွှန်း- အလင်းဝင်လာသည့် တပ်သားနှစ်ဦးအား ထောက်ပံ့ငွေ ပေးအပ်စဉ် (ဓါတ်ပုံ- KNU)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍15😁3❤1
​​ပြိုင်ဘက်ပရိသတ်တွေ လှောင်ပြောင်ရာကနေ လာတဲ့ 'ဖိအား'ကို မက်ဂွိုင်းယား ကိုင်တွယ်နိုင်
====================

By PKThawn
အင်္ဂလန်အသင်းနည်းပြ ဂါရတ်ဆောက်ဂိတ်က နောက်ခံလူအပေါ် "ရယ်စရာကောင်းတဲ့ ဆက်ဆံမှု"ကို ရှုတ်ချအပြီး ဟယ်ရီ မက်ဂွိုင်းယားက သူဟာ ကလပ်အသင်းနဲ့ နိုင်ငံအတွက် ကိုယ်စားပြုတဲ့အခါ ကျရောက်နေတဲ့ ဖိအားတွေကို ရင်ဆိုင်နိုင်တယ်လို့ ပြောပါတယ်။
မန်ချက်စတာယူနိုက်တက် ဗဟိုခံစစ်မှူးဟာ အင်္ဂါနေ့က ဂလက်စကိုမှာ အင်္ဂလန်အသင်း ၃-၁ ဂိုးနဲ့ အနိုင်ရရှိခဲ့တဲ့ ခြေစမ်းပွဲမှာ လက်ရွေးစင်အသင်းမှာ သူ့ရဲ ၅၉ ပွဲမြောက်အဖြစ် လူစားဝင်အနေနဲ့ ပါဝင်ခွင့်ရခဲ့ပေမယ့်လည်း ကိုယ့်ဂိုးကို သွင်းခဲ့ပါတယ်။
မက်ဂွိုင်းယား ဘောလုံးထိတိုင်း စကော့တလန်ပရိသတ်တွေက ရွဲ့စောင်းပြီး အော်ဟစ်အားပေးခဲ့ကြပါတယ်။

"ဒါက ဟာသတစ်ခုပါပဲ"လို့ ဆောက်ဂိတ်က ပြောပါတယ်။ "စကော့တလန်ပရိသတ်တွေမှ မဟုတ်ဘဲ၊ ကျနော်တို့ရဲ့ မှတ်ချက်ပေးသူတွေ၊ ဝေဖန်သုံးသပ်သူတွေဆီကနေ ဒါမှမဟုတ် ဘာတွေပဲဖြစ်ဖြစ် ကစားသမားတယောက်ကို ဒီလိုဆက်ဆံတာမျိုး ကျနော် တခါမှ မကြုံခဲ့ဖူးဘူး။"

အသက် ၃၀ အရွယ် မက်ဂွိုင်းယားဟာ အဲရစ်တန်ဟတ်ဂ်လက်ထက် ယူနိုက်တက်မှာ ကစားရဖို့ ရုန်းကန်ခဲ့ရပေမယ့်လည်း ပြီးခဲ့တဲ့ အဓိက ပြိုင်ပွဲသုံးခုမှာ နောက်ဆုံးအဆင့်ကို ရောက်ရှိခဲ့တဲ့ အင်္ဂလန်အသင်းအတွက် ပုံမှန်ပွဲထွက်ခွင့်ရရှိခဲ့သူဖြစ်ပါတယ်။
"ကျနော်ဟာ စိတ်ပိုင်းဆိုင်ရာ ဖိအားတွေနဲ့ ရုန်းကန်နေရသူတစ်ယောက်လို့ ကျနော် မပြောဆိုလိုပါဘူး"လို့ စကော့တလန် ပရိသတ်တွေရဲ့ လှောင်ပြောင်ရယ်မောခံရတဲ့ မက်ဂွိုင်းယားက ပြောပါတယ်။
“ပြီးခဲ့တဲ့ နှစ်အနည်းငယ်အတွင်းမှာ ကျနော် အများကြီး ဖြတ်သန်းခဲ့ရပြီး မန်ချက်စတာယူနိုင်တက်အသင်းခေါင်းဆောင် ဖြစ်လာခဲ့တာ လေးနှစ်နီးပါး ရှိပါပြီ (ဘရူနို ဖာနန်ဒက်စ်က အသင်းခေါင်းဆောင် အသစ်)။

"ခင်ဗျားမှာ တာဝန်ကြီးကြီးယူထားပြီး အဲဒါနဲ့အတူ လာသမျှအရာအားလုံးက ဆိုးတာရော ကောင်းတာရော အများကြီးပါပဲ။
"ဒါပေမယ့် ဒါဟာ ဂုဏ်ယူစရာကြီး ဖြစ်သလို ဒီနေရာက ဖော်ရွေမှုမရှိတဲ့ ရန်လိုတဲ့ ပတ်ဝန်းကျင်တစ်ခုဆိုတာ အမှန်ပါဘဲ၊ သူတို့ ကိုယ့်ကိုယ်ကိုယ် ဖိအားတွေ ပေးခဲ့တယ်။ အဲဒါကို ကျနော် ကျင့်သားရတယ်လို့ မဆိုလိုပေမယ့် ဒါကို ကိုင်တွယ်ဖြေရှင်းနိုင်ပါတယ်။"
မက်ဂွိုင်းယားဟာ ဝက်စ်ဟမ်းဆီ ပြောင်းရွှေ့ဖို့ ပျက်ပယ်ခဲ့ပြီးနောက် ဒီရာသီမှာ ယူနိုက်တက်အတွက် လူစားဝင်တစ်ပွဲသာ ပါဝင်ခွင့်ရရှိထားပါတယ်။

သူဟာ နိုင်ငံလက်ရွေးစင်ကစားသမားဘဝကို "ထိပ်ဆုံး ဦးစားပေး" အဖြစ် ဖော်ပြခဲ့ပေမယ့်လည်း အင်္ဂလန်အတွက် ရွေးချယ်လိုက်ခံရတဲ့အခါမှာ ဆောက်ဂိတ်ရဲ့ အသင်းမှာ စွမ်းဆောင်ရည်နဲ့ သူ့ရဲ့နေရာကို သက်သေပြနိုင်နေသေးတယ်လို့ ယုံကြည်နေပါတယ်။
“ကျနော် အရာအားလုံးကို စဉ်းစားခဲ့ပြီး ကျနော် သိပါတယ်၊ အခုအချိန်မှာတော့ ရာသီရဲ့ ပထမလေးပွဲမှာ တစ်ပွဲမှ မကစားရသေးတဲ့အခါ ဇာတ်ကြောင်းက ကျနော်ဆီ ရောက်လာပါတယ်” လို့ သူက သူ့ရဲ့ ကလပ်အသင်း အနာဂတ်ကို ရည်ညွှန်းကာ ပြောပါတယ်။
“ပြီးခဲ့တဲ့ရာသီက ကျနော် အင်္ဂလန်အတွက် အရမ်းသန်မာတဲ့ စွမ်းဆောင်ရည်နှစ်ခုနဲ့ အဆုံးသတ်ခဲ့ပြီး ခြေစစ်ပွဲအောင်ဖို့အတွက် ကျနော်တို့ကို တွန်းအားပေး ကူညီနိုင်မယ့် ၅ ပွဲစလုံး ကစားပေးခဲ့ရပါတယ်၊ ဒါကြောင့် ကျနော် ရွေးချယ်ခံရတဲ့အခါ စွမ်းဆောင်ရည်ကို ဆက်ထိမ်းထားဖို့ လိုပါတယ်။

“နားထောင်ပေးပါ၊ ကလပ်မှာရော ပွဲတွေ ကစားချင်သလို ဘောလုံးလည်း ကစားချင်ပါတယ်။
"ပထမလေးပတ်က ခက်ခဲခဲ့ပါတယ်၊ ဘာလို့လဲဆိုတော တစ်ပတ်မှာ တစ်ပွဲပဲမို့လို့ပါ၊ မန်နေဂျာက ကျနော်ကို မရွေးချယ်ခဲ့ပေမယ့် အခု ကျနော်တို့မှာ လာမယ့် ပွဲတွေ အများကြီးရှိနေတော့ ကျနော် ပွဲတွေ အများကြီး ကစားရမယ်ဆိုတာ ကျိန်းသေပါတယ်။"

(AFP)

#harrymaguire #england #manchesterunited
🔥3👍2
အာဆီယံချဉ်းကပ်မှုပုံစံသစ်ကမြန်မာစစ်ကောင်စီကိုဘယ်လိုဟန့်တားမှာလဲ| Human Rights Barometer - Episode 22
====================

အာဆီယံအသင်းကြီးက မြန်မာ့အရေးအတွက် ဥက္ကဋ္ဌတနိုင်ငံတည်းလုပ်ဆောင်မှုပုံစံမှသည် သုံးနိုင်ငံလုပ်ဆောင်မှုသို့ပြောင်းလဲရန် ဆုံးဖြတ်လိုက်သည်။ ချဉ်းကပ်ပုံအသစ်က မြန်မာစစ်ကောင်စီတပ်၏ စစ်ရာဇဝတ်မှုကျူးလွန်မှုများနှင့် လူ့အခွင့်အရေးချိုးဖောက်မှုများကို အရေးယူဆောင်ရွက်မှုများလုပ်နိုင်ရေးအပေါ် မည်သို့သက်ရောက်မှုများရှိလာနိုင်မှာလဲဆိုခြင်းကို အမျိုးသားညီညွတ်ရေးအစိုးရ လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းက ဆွေးနွေးထားသည်။

https://youtu.be/8XJS3TZmGE0?si=m7B_60bbE1gaG1P4

#အာဆီယံ
#စစ်ကောင်စီ
#ဦးအောင်မျိုးမင်း
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍6😁3
​​အန်ဒရေးလ်ကုမ္ပဏီ၏ နောက်ဆုံးပေါ် အေအိုင်လေယာဉ်
=================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥3👍2
စက်တင်ဘာလ (၁၄)ရက်၊ ကြာသပတေးနေ့ ညပိုင်း မဇ္ဈိမ ရေဒီယို အစီအစဉ်
====================

ဒီကနေ့ည နားဆင်ရမယ့် အစီစဉ်တွေကတော့ ..ဒေါ်အောင်ဆန်းစုကြည်ရဲ့ ကျန်းမာရေး သာမက အသက်အန္တရာယ်ပါ ထိခိုက်လာပါက စစ်ကောင်စီမှာ လုံးဝတာဝန်ရှိတဲ့အကြောင်း NLD ကသတိပေးလိုက်တဲ့ သတင်းနဲ့အတူ မကွေးတိုင်း၊ အောင်လံမြို့နယ်ရှိ လူ၀င်မှုကြီးကြပ်ရေးရုံး(လ၀ကရုံး)ကို တိုက်ခိုက်ရာ ထိခိုက်သေဆုံးမှုရှိခဲ့ကြောင်း မကွေးတိုင်းပြည်သူ့ကာကွယ်ရေးတပ်ဖွဲ့ (အောင်လံမြို့နယ်) တာ၀န်ရှိသူကပြောဆိုလိုက်တဲ့သတင်း အပါအဝင် တခြားစိတ်ဝင်စားဖွယ် ပြည်တွင်းနဲ့ နိုင်ငံတကာ သတင်းတွေကို နားဆင်ကြရပါမယ်။

အဲ့ဒီနောက်မှာတော့ စီးပွားရေးသတင်းတွေနဲ့ ဒီကနေ့အတွက် သတင်းသုံးသပ်ချက်အစီအစဉ်ကို နားဆင်ရဖို့ရှိသလို ကျန်းမာရေးအကြောင်းပြောပြထားတဲ့ ကျန်းမာသုတ လူမှုဘဝ အစီအစဉ်ကို နားဆင်ရမှာဖြစ်ပါတယ်။

....................................................
မဇ္ဈိမရေဒီယို ညနေပိုင်းအစီအစဉ်ကို မတ်လ ၂၆ ရက်နေ့ကစပြီး Frequency ပြောင်းလဲထုတ်လွှင့်နေတာဖြစ်တဲ့အတွက် ယခင်ဖမ်းယူနေကျ လှိုင်းတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လှိုင်းတိုမီတာ ၁၃ မီတာ၊ ၂၁.၇၁ မီဂါဟဇ်ကို ပြောင်းလဲဖမ်းယူနားဆင်ကြဖို့အတွက် မေတ္တာရပ်ခံအပ်ပါတယ်။
ဖမ်းယူနားဆင်နိုင်မယ့်အချိန်ကတော့ ထုတ်လွှင့်နေကျဖြစ်တဲ့ မြန်မာစံတော်ချိန် ညနေ ၆ နာရီခွဲကနေ ၇ နာရီခွဲအတွင်း ဖမ်းယူနားဆင်နိုင်မှာပဲဖြစ်ပါတယ်။

https://youtu.be/FplE0xWaHUM?si=IogoViada7xtXqk4

#Mizzimaradio
#Eveningradio
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U
🔥3👍1
​​သစ်ချဆိပ်စခန်းအား စစ်ကောင်စီ ပြန်လည်သိမ်းယူနိုင်ခြင်းမရှိသေး
==================

YT
(မဇ္ဈိမ)။ ။KNLA နှင့် ပူးပေါင်းတပ်များက တိုက်ခိုက်သိမ်းပိုက်ခဲ့သည့် ပဲခူးတိုင်း၊ ကျောက်ကြီးမြို့နယ်၊ မုန်းမြို့ရှိ သစ်ချဆိပ်စခန်းအား နှစ်ပတ်ကြာသည်အထိ စစ်ကောင်စီက ပြန်လည်သိမ်းယူနိုင်ခြင်းမရှိသေးဘဲ အဝေးမှလက်နက်ကြီးဖြင့် ပစ်ခတ်နေကြောင်း သတင်းရရှိသည်။

သစ်ချဆိပ်စခန်းအား ပြီးခဲ့သည့် စက်တင်ဘာလ ၁ ရက်နေ့တွင် တပ်မဟာ (၃) ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသားကာကွယ်ရေးတပ် (KNDO) ပူးပေါင်းတပ်ဖွဲ့များက တိုက်ခိုက်သိမ်းပိုက်ခဲ့ခြင်းဖြစ်သည်။ ထိုတိုက်ပွဲတွင် စစ်ကောင်စီတပ်သား ၁၅ ဦး သေဆုံးခဲ့ပြီး ကွန်မန်ဒိုပြောင်း နှစ်လက်၊ စက်လတ်တလက် နှင့်လက်နက်ငယ် စုစုပေါင်း ၁၉ လက်ကို သိမ်းဆည်းရမိခဲ့ကြောင်း ကရင်အမျိုးသားအစည်းအရုံး KNU နှင့်ပဲခူးစစ်ဒေသခွဲကထုတ်ပြန်ထားသည်။ပူးပေါင်းတပ်ဖွဲ့ဘက်မှ Spring Warrior's Column ရဲဘော်နှစ်ဦး ကျဆုံးခဲ့သည်ဟု သိရသည်။

စစ်ကောင်စီတပ်သည် စခန်းအား ပြန်လည်ရယူရန် သစ်ချဆိပ်ကျေးရွာအနီးတဝိုက်ရှိ တိုင်ပင်ရွာ၊ မျက်ရဲကျေးရွာ (ကရင်မျက်ရဲကျေးရွာ၊ ဗမာမျက်ရဲကျေးရွာ)၊ လယ်ပတ်ကျေးရွာများသို့ စစ်ကြောင်းထိုးနေသည်ဟု မြေပြင်ရဲဘော်တဦးက မဇ္ဈိမကိုပြောသည်။ အဆိုပါကျေးရွာများတွင် စက်တင်ဘာ လ ၃ ရက်နေ့မှ စက်တင်ဘာလ ၇ ရက်နေ့အထိ စစ်ကောင်စီတပ်နှင့် KNLA တပ်မဟာ (၃) ပူးပေါင်းတပ်ဖွဲ့များ တိုက်ပွဲဖြစ်ပွားခဲ့သည်ဟု သိရသည်။စက်တင်ဘာ ၇ ရက်တွင် သစ်ချဆိပ်ကျေးရွာအရှေ့ဘက်မှ တိုင်ပင်ရွာတွင် တိုက်ပွဲအပြင်းအထန်ဖြစ်ခဲ့ပြီး စစ်ကောင်စီတပ်ဖွဲ့ဝင် ခြောက်ဦးထက်မနည်း သေဆုံးခဲ့သည်ဟုKNLA သတင်းရင်းမြစ်က ပြောသည်။

တိုင်ပင်ရွာတိုက်ပွဲတွင် အကျအဆုံးများပြီးနောက် စစ်ကောင်စီတပ်​က လေကြောင်းနှင့်လက်နက်ကြီးအသုံးပြုကာ သာလွန်စစ်အင်အားဖြင့် စစ်ကြောင်းထိုးလာ၍ ပူးပေါင်းတပ်ဖွဲ့များ ဆုတ်ခွာခဲ့ရသည်ဟုသိရသည်။ ထို့နေ့တွင် စစ်ကောင်စီတပ်က သစ်ချဆိပ်စခန်းအတွင်းဝင်၍ အရေးကြီးစာရွက်စာတမ်းများ ယူဆောင်ကာ ပြန်လည်ထွက်ခွာသွားသည်ဟုKNLA သတင်းရင်းမြစ်က ပြောသည်။

" သစ်ချဆိပ်ကျေးရွာအတွင်းက လူနေအိမ်တွေကို မီးရှို့ဖျက်ဆီးပြီး စခန်းအတွင်းက အရေးကြီးစာရွက်စာတမ်းတွေကို ယူဆောင်သွားတယ်။ ပြီးတော့ စစ်ကောင်စီတပ်တွေ ဆုတ်ခွာသွားခဲ့ပါတယ်။ သစ်ချဆိပ်မှာတော့ သူ့တို့တပ်ပြန်မဆွဲပါဘူး" ဟု ၎င်းကပြောသည်။
လက်ရှိအချိန်တွင် အဆိုပါ သစ်ချဆိပ်စစ်ကောင်စီစခန်း၌ တပ်မဟာ (၃) KNLA ပူးပေါင်းတပ်ဖွဲ့က တပ်စွဲထားသည်။ စစ်ကောင်စီတပ်သည် အဝေးမှ ၁၂၀ မမ၊ ၈၁ မမ ကဲ့သို့သော လက်နက်ကြီးများဖြင့် ကျေးရွာများဘက်သို့ ပစ်ခတ်နေသည်ဟု သိရသည်။သစ်ချဆိပ်စခန်းသည် KNUတပ်မဟာ (၃)နယ်မြေအတွင်းတည်ရှိသည်။

စာတည်း - အေးချမ်း

#mizzima
#KNU
#သစ်ချဆိပ်စခန်း
#KNLA နှင့်ပူးပေါင်းတပ်
ပုံအညွှန်း- သစ်ချဆိပ်စခန်းအား တိုက်ခိုက်သိမ်းပိုက်ပြီးနောက် ပူးပေါင်းတပ်ဖွဲ့များက ထုတ်ပြန်ခဲ့သည့် မှတ်တမ်းဓါတ်ပုံ ( ဓါတ်ပုံ- Bago Region PDF)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12🔥1😁1
​​အရည်ဟိုက်ဒရိုဂျင်စွမ်းအင်သုံး ပထမဆုံးလေယာဉ် ဝေဟင်၌ပျံဝဲပြီ
=================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥1
​​Love, so divine
==========

ခရစ်ယာန်စာသင်ကိုယ်တော်တစ်ပါးဖြစ်တဲ့ ဂျူရှစ်ဟာ မကြာခင် ဘုန်းကြီးတစ်ပါးအဖြစ် ခံယူရမှာဖြစ်ပြီး သင်တန်းကာလအနေနဲ့ နယ်မြို့လေးတစ်မြို့က ဘုရားကျောင်းတစ်ကျောင်းမှာ ယာယီသွားနေရတယ်...

သူရောက်ပြီး သိပ်မကြာခင်မှာပဲ အဲ့ဒီဘုရားကျောင်းကို ဘုရားကျောင်းက ဖာသာကြီးရဲ့ တူမဖြစ်တဲ့ ဘုံဟီးက ရောက်လာတယ်...
ဘုံဟီး​က အမေရိကန်မှာ ကြီးပြင်းလာသူဖြစ်တဲ့အတွက် အနေအထိုင်အပြောအဆို ပွင့်လင်းတယ်.. စစချင်းဆောက်နဲ့ထွင်းဆိုသလိုပဲ သူတို့နှစ်ယောက်က စပြီးဆုံကြကတည်းက တစ်ယောက်ကိုတစ်ယောက် ကြည့်မရဖြစ်နေခဲ့ကြတယ်..

ဖြစ်ချင်တော့ ဖာသာကလည်း ထိန်းမရတဲ့သူ့တူမကို ခရစ်ယာန်ဘာသာဝင်ဖြစ်လာအောင် စည်းရုံးပေးဖို့ ဂျူရှစ်ကို တာဝန်ပေးလိုက်တဲ့အခါ.....

ဂျူရှစ်နဲ့ ဘုံဟီးတို့ ဘယ်လိုဆက်ပြီး စခန်းသွားကြမလဲ.... ဆက်ကြည့်လိုက်ကြနော်...

အဓိကဇာတ်ကောင်များအဖြစ် မင်းသား ကွန်ဆန်ဝူးနဲ့ မင်းသမီး ဟာဂျီဝန်းတို့ပါဝင်သရုပ်ဆောင်ထားပါတယ်..

Mizzima + တွင် ပြသနေသည့် ဇာတ်ကားများကို Mizzima App တွင်လည်း live stream ကြည့်ရှုနိုင်ပါသည်။

#New ပြသမည့်ရက်။ ။ 14.9.2023
ပြသမည့် အချိန် ။ ။ မနက် (၁၀:၀၀)နာရီ
ပြန်လည်ပြသမည့်အချိန်။ ။ ည (၁၀:၃၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U” #koremovie
👍4🤮1