Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​စင်ကာပူတွင် ရေဈေး ၁၈ ရာခိုင်နှုန်းခန့် တိုးမြှင့်မည်
==================

စင်ကာပူနိုင်ငံက ရေဈေးကို လာမည့် နှစ်နှစ်တာ၌ ၁၈ ရာခိုင်နှုန်းခန့် တိုးမြှင့်သွားမည်ဖြစ်ကြောင်း အမျိုးသားရေအရင်းအမြစ်ဌာန PUB က ဗုဒ္ဓဟူးနေ့တွင် ပြောသည်။ 
အိမ်ထောင်စုအများစုအတွက် အခွန်မကောက်ခင် လက်ရှိ သောက်ရေကုန်ကျစရိတ်သည် ၁,၀၀၀ လီတာ သို့မဟုတ် တကုဗမီတာအတွက် စင်ကာပူဒေါ်လာ ၂ ဒသမ ၇၄ ဒေါ်လာ (အမေရိကန်ဒေါ်လာ ၂ ဒသမ ၀၁ ဒေါ်လာ) ရှိသည်။ 
ယခု တိုးမြှင့်ခြင်းကြောင့် တကုဗမီတာအတွက် ထပ်လောင်း ၅၀ ဆင့် ကုန်ကျမည် ဖြစ်သည်။ ထို ထပ်တိုးစရိတ်ကို ၂၀၂၄ ဧပြီ ၁ ရက်တွင် ဆင့် ၂၀ နှင့် ၂၀၂၅ ဧပြီ ၁ ရက်တွင် ဆင့် ၃၀ မျှခံစေမည် ဖြစ်သည်။ 

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍10🔥2❤1😱1
​​ပုလဲတွင် ဒေသကာကွယ်ရေး ရဲဘော် ၃ ဦး သတ်ဖြတ်ခံရ ၊ ဒေသခံ ၅ ဦးပျောက်ဆုံးနေ 
================

လွှမ်းမိုး

(မဇ္ဈိမ)။ ။ စစ်ကိုင်းတိုင်း ၊ ပုလဲမြို့နယ် ၊ ညောင်ကုန်းရွာသို့ မိုင်းရှင်းရန် သွားရောက်သည့် ပြည်သူ့ကာကွယ်ရေးရဲဘော် သုံးဦး စစ်ကောင်စီတပ်၏ သတ်ဖြတ်ခံရပြီး ဒေသခံ အမျိုးသား ငါးဦးပျောက်ဆုံးနေကြောင်း သခင်ဒေါင်းညိုအဖွဲ့မှ ရဲဘော် ဒေါင်းညိုက ပြောသည်။ 

ပြီးခဲ့သည့် စက်တင်ဘာလ ၂၆ ရက် က ဖြစ်ပွားခဲ့ခြင်းဖြစ်ပြီး ရပ်ကျေး ပ.က.ဖ ရဲဘော်ဝင်းအောင် ၊ ရဲဘော် ဇင်ကို နှင့် ယင်းမာပင်ခရိုင် တပ်ရင်းထဲမှ ရဲဘော်ဟန်ကြီး တို့ကျဆုံးခဲ့ခြင်းဖြစ်သည်။ 

“ ကျဆုံး ရဲဘော်တွေ ကို ကျနော်တို့ အစဉ်အောက်မေ့ လျက် ရှိနေမှာ ဖြစ်ပါတယ်။ ဒါကြောင့် မပြီးပြတ်သေးတဲ့ တော်လှန်ရေး ကို အဆုံးအစွန် အထိ တော်လှန် တိုက်ခိုက်ရင်း ပြည်သူလူထု လိုချင်တဲ့ ပန်းတိုင်ကို အရောက်သွားမှာ ဖြစ်တယ်” ၎င်းကပြောသည်။

ညောင်ကုန်းရွာတွင် တပ်စွဲထားသည့် စစ်ကောင်စီစစ်ကြောင်း ရွာမှ ထွက်ခွာသွားပြီ ထင်မှတ်၍ ရွာထဲဝင် မိုင်းရှင်းသည့် ထိုရဲဘော်သုံးဦးသည် စစ်ကောင်စီစစ်ကြောင်း ချန်ထားခဲ့သည့် နောက်ချန်တပ်၏ ဖမ်းဆီးသတ်ဖြတ်မှုကိုခံခဲ့ရခြင်းဖြစ်ကြောင်း သိရသည်။ 

“ ရဲဘော် သုံးဦးစလုံးက ဖမ်းဆီးခံရပြီးမှ သတ်ဖြတ်ခံလိုက်ရတာ ဖြစ်ပါတယ်။ ခြေတွေ ၊ လက်တွေ တချောင်းခြင်းကို ဖြတ်တောက်ခံထားရတာ ဖြစ်တယ်။ ဗိုက်တွေမှာလည်း ဓားထိုးခံထားရတဲ့ ဒဏ်ရာတွေ တော်တော်များတယ်ဗျ။ ရဲဘော် သုံးဦးစလုံးကို ခေါင်းဖြတ် သတ်ထားတာ ဖြစ်ပါတယ်” ဟု ရဲဘော်ဒေါင်းညိုကပြောသည်။

ထိုရဲဘော်သုံးဦးကို ယနေ့ စက်တင်ဘာလ ၂၇ ရက် မနက် ၁၀ နာရီတွင် သင်္ဂြိုဟ်ပြီးစီးပြီး ဖြစ်ကာ ပျောက်ဆုံးရွာသား ငါးဦးနှင့်ပတ်သက်၍ မည်သည့် သတင်းမျှမသိရသေးကြောင်း ၎င်းကဆိုသည်။ 

ထိုစစ်ကောင်စီစစ်ကြောင်းသည် လက်ရှိတွင် ကျိုင်းခမောက်ကျေးရွာသို့ ရောက်ရှိနေကြောင်း သိရသည်။ 

ပုလဲမြို့နယ်တွင် စစ်ကောင်စီတပ် စစ်ကြောင်းများကြောင့် ညောင်ကုန်း ၊ ကန်ကြီး ၊ တနယ် နှင့် နွယ်ရှောက် စသည့် ကျေးရွာများမှ ဒေသခံပြည်သူ ဦးရေ ၃,၀၀၀ ကျော် နေရပ်စွန့်ခွာ စစ်ရှောင်နေရကြောင်း သိရပါသည်။

စာတည်း။ ။အောင်ကျော်ဖြိုး

#Mizzima
#ပုလဲ
#ဒေါင်းညိုတပ်ဖွဲ့
--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢14👍7❤2
"စစ်ကောင်စီက ဒေါ်အောင်ဆန်းစုကြည်ကို နိုင်ငံရေးထွက်ပေါက် အဖြစ် စဉ်းစားရင်မှားလိမ့်မယ်" ဦးကျော်ထွေး - NLD ပါတီ
=======••=====•======

မဇ္ဈိမ

ဒီကနေ့ စက်တင်ဘာလ ၂၇ ရက်နေ့မှာ ကျရောက်တဲ့ အမျိုးသားဒီမိုကရေစီအဖွဲ့ချုပ်ပါတီရဲ့ ၃၅နှစ်ပြည့် သတင်းထုတ်ပြန်ချက်မှာ နိုင်ငံတော်အတိုင်ပင်ခံပုဂ္ဂိုလ်လည်းဖြစ် ပါတီရဲ့ဥက္ကဌလည်းဖြစ်တဲ့ ဒေါ်အောင်ဆန်းစုကြည်ရဲ့ကျန်းမာရေးနဲ့ လွတ်မြောက်ရေးတို့အတွက် အလေးပေးဖော်ပြထားပါတယ်။

လက်ရှိဒေါ်အောင်ဆန်းစုကြည်ရဲ့ကျန်းမာရေးအခြေအနေတွေနဲ့ NLDရဲ့ လက်ရှိကာလ နိုင်ငံရေးလုပ်ငန်းစဉ်တွေနဲ့ ပတ်သက်ပြီး NLD ဗဟိုအလုပ်ကော်မတီဝင်ကို ဦးကျော်ထွေးကို မဇ္ဈိမက ဆက်သွယ်မေးမြန်းထားပါတယ်။

တည်းဖြတ် = လင်းသူရိန်

https://youtu.be/fne8puzP83g?si=uNWZOD2LtpwpNL19

#NLD
#Mizzima
#၃၅နှစ်ပြည့်
#ရုပ်သံ
--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14🤣1
ပြောကြည့်လေ | မရွှေမိုး(ကိုရီးယား)“လေးညှို့သံ” − အပိုင်း (၇၂)
===============

မွန်သူဌေးကြီး ဦးနာအောက် ကြားဖူးကြမှာပေါ့— ဦးနာအောက်နဲ့ ဗြိတိသျှပိုင် ဖလော်တီနာကုမ္ပဏီ အပြိုင်အဆိုင် စီးပွါးရေး စစ်အေးတိုက်ကြတာ..။
အဲ့ဒီ့တုန်းက မြန်မာနိုင်ငံက ကိုလိုနီလက်အောက်ခံ ဘဝပေါ့။ ... ဆိုပြီး မရွှေမိုး ရေးသားထားတဲ့ ဆောင်းပါးကို စာရေးသူ မရွှေမိုး(ကိုရီးယား)က ဖတ်ပြပေးသွားမှာဖြစ်ပါတယ်။
ဒီအစီစဉ်ကိုတော့ အပတ်စဉ် ဗုဒ္ဓဟူးနေ့ ညနေ ၆နာရီခွဲတိုင်းမှာ Mizzima TV ကနေ စောင့်မျှော်ကြည့်ရှုနိုင်ပါပြီ။

https://youtu.be/T59sdIWso-w?si=E-xE4S96J5npIDD6


------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9🤮1
နွေဦးခေါ်သံ
========

 မဇ္ဈိမနဲ့ The Call ခေါ်သံ အွန်လိုင်းမဂ္ဂဇင်းတို့ ပူးပေါင်းတင်ဆက်တဲ့ “နွေဦးခေါ်သံ” အနုပညာကဏ္ဍလာပါပြီ။ ဒီအစီအစဉ်က The Call ခေါ်သံ အွန်လိုင်းမဂ္ဂဇင်းမှာ ဖော်ပြခဲ့တဲ့ ကဗျာ၊ ဆောင်းပါး စတဲ့ အနုပညာလက်ရာများကို The Call ဝိုင်းတော်သူ ဝိုင်းတော်သားတွေ ခံစား ရွတ်ဆို တင်ဆက်ထားတာ နားဆင်ကြရအောင်ပါရှင်။

ဒီတစ်ပတ်မှာတော့ 
- ကဗျာဆရာမင်းချေရဲ့ သင်္ကြန် ဆိုတဲ့ကဗျာ
- စနစ်ကပေးတဲ့ အခွင့်ထူးခံတွေ ဆိုတဲ့ မယ်စုံ ရဲ့ဆောင်းပါး
- ဘဘဝရဲ့ နယ်စပ်မှာ အက်ဆေး ကိုနားဆင်ကြရမှာပါ။

https://youtu.be/rr70SYOTXjM?si=R8SWq4vhL4riI2i2

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥1
စက်တင်ဘာလ (၂၇) ရက် ၊ ည ၇ နာရီ The Mizzima Primetime မဇ္စျိမပင်မသတင်းအစီအစဥ်
 =================

-တရုတ်နိုင်ငံကို ဓာတ်ငွေ့အများဆုံးတင်ပို့နေတဲ့ ထိပ်ဆုံးသုံးနိုင်ငံထဲ မြန်မာပါဝင်တဲ့သတင်း

-ရေးမြို့ မြဝတီဘဏ် လုံခြုံရေးအစောင့် စစ်ကောင်စီတပ်ကို ရေးဘီလူးအဖွဲ့ ပစ်ခတ်တိုက်ခိုက်တဲ့အကြောင်း 

-မူးယစ်ဆေး ဖမ်းဆီးတားမြစ်ရေးတွင် ချင်းအဖွဲ့အစည်းများ ပူးပေါင်းကူညီစေလိုကြောင်း မီဇိုရမ်ဝန်ကြီးချုပ် ပြောကြားလိုက်တဲ့ သတင်း

-NLD တည်ထောင်ခြင်း ၃၅နှစ်မြောက်နေ့မှာ ဒေါ်အောင်ဆန်းစုကြည်ကျန်းမာရေးကို စိုးရိမ်ကြောင်းအလေးပေးဖော်ပြတဲ့အကြောင်း 

-အွန်လိုင်းက ကုန်ပစ္စည်းရောင်းချ၊ ဝန်ဆောင်မှုလုပ်ငန်းတွေ မှတ်ပုံတင်ဖို့ စစ်ကောင်စီအမိန့်ထုတ်တဲ့သတင်းနဲ့

-အမေရိကန်ရဲ့ တိုက်ခိုက်ရေးတင့်ကားတွေ ရောက်ရှိလာပြီဖြစ်ကြောင်း ယူကရိန်းပြောကြားလိုက်တဲ့အကြောင်း သတင်းတွေ အပါအဝင် အရေးကြီးတဲ့သတင်းတွေနဲ့ စိတ်ဝင်စားဖွယ် သတင်းတွေကို တင်ဆက်ပေးသွားမှာပါ။

https://www.youtube.com/live/vdVr94qyfys?si=AkA52beBu4CpzhCW

#MizzimaTV
#7pmnews
#mizzimaprimetime
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8🍌1
​​မူလထင်မှတ်ထားသည်ထက် သက်တမ်းပိုကြီးနိုင်သည့် ကမ္ဘာ့အသက်အကြီးဆုံးပြတိုက်ငါး
========================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12Ueng
🔥3
​​ယူကေ၌ လူများကို ကူးစက်လာသည့် ရှားပါးခွေးရောဂါတစ်မျိုး
====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤5😁1
Media is too big
VIEW IN TELEGRAM
Sep - 27 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts
👍7😁1🍌1
​​ပင်လယ်ရေနက်ပိုင်းမှ တစ္ဆေဆန်ဆန် ဒမ်ဘိုရေဘဝဲအား ဗီဒီယိုရိုက်ကူးနိုင်ခဲ့သည့် သုတေသီများ
=====================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7🔥1
​​စံချိန်တင်အကွာအဝေးအထိ မောင်းနှင်နိုင်ခဲ့သည့် လျှပ်စစ်လှေ
==================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥4
တိုက်ခိုက်မှုများဖြစ်ပွားခဲ့သည့် ၂ လအတွင်း စစ်ကောင်စီတပ်ဘက်က ၄၀ ကျော်သေဆုံးဟု SOF ထုတ်ပြန်
👏15👍3🔥1😁1
တိုက်ခိုက်မှုများဖြစ်ပွားခဲ့သည့် ၂ လအတွင်း စစ်ကောင်စီတပ်ဘက်က ၄၀ ကျော်သေဆုံးဟု SOF ထုတ်ပြန်
====================

မဇ္ဈိမ
တိုက်ခိုက်မှုများဖြစ်ပွားခဲ့သည့် နှစ်လအတွင်း စစ်ကောင်စီတပ်ဘက်က အနည်းဆုံး ၄၀ ကျော်သေဆုံးဟု အထူးစစ်ဆင်ရေးတပ်ဖွဲ့ ( SOF )ကထုတ်ပြန်သည်။

တောင်ပိုင်း စစ်ဒေသအတွင်း KNLA တပ်ဖွဲ့၊ Cloud wings ဒရုန်းတပ်ဖွဲ့များနှင့် ပူးပေါင်း၍ တိုက်ခိုက်ခဲ့ခြင်းဟု SOF ကဆိုသည်။
ဩဂုတ် ၁၂ ရက်တွင် မွန်ပြည်နယ်၊ ဇင်းကျိုက်နယ်မြေရဲစခန်းမှ နယ်ထိန်းထွန်းနိုင်လင်း၊ သြဂုတ် ၂၈ ရက်တွင် ပေါင်မြို့နယ်၊ သဗြုချောင်ကျေးရွာမှ လက်နက်ကိုင်ပျူစောထီးခေါင်းဆောင် အောင်ငွေထွန်း(ခေါ်) မောင်တူး၊ စက်တင်ဘာ ၃ရက်တွင် ပေါင်မြို့နယ်ရဲစခန်းမှ နယ်ထိန်း ကိုကိုလွင်အားတို့အား ရှင်းလင်းခဲ့‌ ကြောင်း၊ အခြားသူများမှာ ပွဲချင်းပြီးသေဆုံးခဲ့သော်လည်း အောင်ငွေထွန်း (ခ) မောင်တူးမှာ သေဆုံးခြင်းရှိမရှိ မသိရသေးကြောင်း SOF က ဆိုသည်။

သြဂုတ် ၂၇ ရက်တွင် ပေါင်မြို့နယ်၊ မြို့နယ်အုပ်ချုပ်ရေးရုံးတွင် တပ်စွဲထားသော အကြမ်းဖက်စစ်ကောင်စီတပ်သားများအား အဝေးထိန်းဒရုန်းဖြင့် ဗုံးသီးခုနစ်လုံးကြဲချတိုက်ခိုက်ရာ ဗိုလ်မှုးကျော်နိုင်ဦး အပါအဝင်၊ ဗိုလ်ကြီး တဦး၊ တပ်ကြပ်နှစ်ဦး၊ တပ်သားတဦး ပြင်းထန်ဒဏ်ရာရရှိခဲ့ပြီး နှစ်ဦးဆေးရုံတွင် သေဆုံးသွားကြောင်း အထူးစစ်ဆင်ရေးအဖွဲ့က ထုတ်ပြန်သည်။

ယင်းစစ်ဆင်ရေးများအား KNU တပ်မဟာ (၁) ၊ တပ်ရင်း (၂) မှရဲဘော်များ၊ မွန်အထူးစစ်ဆင်ရေးတပ်ဖွဲ့ (MSOF)၊ ပကဖ အဖွဲ့များနှင့် ပူးပေါင်းဆောင်ရွက်ခဲ့ခြင်းဖြစ်သည်။

ထို့ပြင် KNU တပ်မဟာ (၆) နယ်မြေ၊ ကွီလုံတိုင်စခန်းကို ပို့ဆောင်မည့် ရိက္ခာလမ်းကြောင်းအား ဩဂုတ် ၂၄ ရက်မှ စတင်၍ စက်တင်ဘာ ၁၄ ရက်အထိ ၂၁ ရက်တိုင်အောင် ဖြတ်တောက် တိုက်ခိုက်ရာ စစ်ကောင်စီတပ်ဘက်မှ ၁၀ ဦးထက်မနည်း သေဆုံးခဲ့သည်ဟု SOF က ထုတ်ပြန်သည်။

အလားတူ ယင်းစခန်းသို့ ရိက္ခာနှင့် ခဲယမ်းများ လာရောက်ပို့ဆောင်သည့် အင်အား ၁၀၀ ခန့်ရှိ စစ်ကောင်စီတပ်စစ်ကြောင်းအား ကြားဖြတ်တိုက်ခိုက်ခဲ့ရာ ၎င်းစစ်ကြောင်းမှာ ထိုင်းဘက်ခြမ်းသို့ ထွက်ပြေးသွားခဲ့ကြောင်း၊ စစ်ကောင်စီတပ်သား ၁၀ ဦးခန့် ချောင်းကူးစဉ် တိုက်ခိုက်ခံရပြီး လက်နက်ခဲယမ်းများနှင့် အလောင်းများ ဟောင်သရောမြစ်အတွင်းသို့ ‌မျောပါသွားခဲ့သည်ဟု ထုတ်ပြန်သည်။

စက်တင်ဘာ ၁၇ရက်တွင် KNU တပ်မဟာ (၆) ၊ တပ်ရင်း (၁၆) အုပ်ချုပ်နယ်မြေသို့ ကျူးကျော်လာသော တပ်မ (၂၂)၊ တပ်မ (၄၄)၊ BGF ပူးပေါင်းအင်အား ၁၀၀ ကျော်စစ်ကြောင်းနှင့် နံနက် ၉ နာရီမှ ညနေ ၃း၀၀ နာရီအထိ တိုက်ပွဲပြင်းထန်ခဲ့ပြီး အကြမ်းဖက် စစ်တပ်ဘက်မှ အကျအဆုံးများစွာဖြင့် ပြန်လည်ဆုတ်ခွာခဲ့‌ကြောင်း၊ နောက်တရက်တွင်လည်း ထပ်မံစစ်ကြောင်း ထိုးလာသဖြင့် နံနက် ၁၀ နာရီမှ ညနေ ၃ နာရီခန့်အထိ တနေကုန်တိုက်ပွဲပြင်းထန်ခဲ့ရာ စစ်တပ်ဘက်မှ ၂၀ ဦးကျော်သေဆုံးကာ ဒဏ်ရာရသူများပြားပြီး အထိနာခဲ့‌‌ကြောင်း၊ ယင်းတိုက်ပွဲတွင် တော်လှန်ရေးပူးပေါင်းအဖွဲ့မှ ရဲဘော်တဦး အသက်ပေးလှူခဲ့သည်ဟု အဆိုပါအဖွဲ့က ထုတ်ပြန်သည်။
စစ်ကောင်စီဘက်မှ လေကြောင်းပစ်ကူဖြင့် သုံးရက်ဆက်တိုက် လာရောက်တိုက်ခိုက်ခဲ့ပြီး တော်လှန်ရေးပူးပေါင်းအဖွဲ့အားလုံး ထိခိုက်မှုတစုံတရာမရှိခဲ့‌ကြောင်း SOF က ထုတ်ပြန်သည်။

KNLA တပ်ရင်း (၁၆)၊ အထူးစစ်ဆင်ရေးတပ်ဖွဲ့နှင့် နဂါးနီပူးပေါင်းစစ်ကြောင်းမှ နယ်မြေစိုးမိုးရေးနှင့် ရှင်းလင်းရေး လုပ်ငန်းများ ဆက်လက်ဆောင်ရွက်နေပြီး အကြမ်းဖက်စစ်တပ်မှ လက်နက်ကြီးများ အနီးရှိကျေးရွာများသို့ နေ့စဉ်ပစ်ခတ်‌နေရာ ဒေသခံစစ်ဘေးရှောင်များ များပြားနေပြီး စစ်ဘေးရှောင်များအား တော်လှန်ရေးအဖွဲ့များမှ ကူညီထောက်ပံ့မှုများ ပေးနေသည်ဟု SOF က ဆိုသည်။
အထူးစစ်ဆင်ရေးတပ်ဖွဲ့ (SOF) အနေဖြင့် တောင်ပိုင်းစစ်ဒေသအတွင်း ရန်သူ၏ စစ်ရေးပစ်မှတ်များကို ခုခံစစ်၊ ပြောက်ကျားစစ်၊ တိုက်စစ် စသည့်ဖြင့် စစ်နည်းဗျူဟာမျိုးစုံဖြင့် ကျေးလက်စစ်ဆင်ရေး၊ မြို့တွင်းစစ်ဆင်ရေးတာဝန်များကို စစ်ရေးအရှိန်မြှင့်မည်ဟု ထုတ်ပြန်ထားသည်။

စာတည်း - သန့်ဇော်(သန်လျင်)

#mizzima
#SOF
#စစ်နည်းဗျူဟာ
#KNLA
#MSOF
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12👏5🔥1😁1
​​မှတ်ပုံတင်မထားသည့် ဆင်းကတ်များရောင်းချပါက ဆက်သွယ်ရေးဥပဒေဖြင့် အရေးယူမည်ဟု စစ်ကောင်စီ ကြေညာ
====================

ဂန္ဒမာ
(မဇ္ဈိမ)။ ။သုံးစွဲသူ၏ ကိုယ်ရေးအချက်အလက်အမှန်ဖြင့် မှတ်ပုံတင်ထားခြင်းမရှိသည့် မိုဘိုင်းဆင်းကတ် များကိုရောင်းချပါက ဆက်သွယ်ရေးဥပဒေပုဒ်မဖြင့် အရေးယူမည်ဖြစ်ကြောင်း စစ်ကောင်စီက ကြေညာ ချက်ထုတ်ပြန်သည်။

အဆိုပါကြေညာချက်တွင် ဆင်းကတ်များလွှဲပြောင်းရောင်းချသူများအနေဖြင့် သုံးစွဲသူများကို အချက် အလက်အမှန်ဖြင့် မှတ်ပုံတင်ပြီးမှ လွှဲပြောင်းရောင်းချရမည်ဖြစ်ပြီး ထိုသို့ပြုလုပ်ထားခြင်းမရှိပါက ဆက် သွယ်ရေးဥပ‌ဒေ ပုဒ်မ ၇၂ ဖြင့် အရေးယူမည်ဖြစ်ကြောင်း ပါရှိသည်။

“ဆိုင်မှာရောင်းတဲ့ Sim card တိုင်းက မှတ်ပုံတင်ပြီးသားတွေဆိုတော့ အဆင်ပြေတယ်။ တယောက်မှ သူတို့အမည်ပေါက်နဲ့ ပြန်ပြီး မှတ်ပုံတင်ချင်တယ်မပြောဘူး၊ ပြောတဲ့သူအရမ်းနည်းတယ်။ ဝယ်သူတွေက တင်ပြီးရင်ပြီးရော ကတ်မပျက်ရင်ရပြီဆိုတာချည်းပဲ။ အရေးယူမယ်ဆိုလဲ ဘယ်လိုသွားအရေးယူလို့ရမှာ လဲ၊ အစောထဲကမှ စနစ်ကမှန်မနေတာ။ တိုင်းပြည်ကအကုန်လွဲနေတာကို ဘာတွေမျှော်လင့်ချင်နေတာ လဲလို့ပဲ စစ်ကောင်စီကိုပြောချင်တယ်” ဟု ရန်ကုန်ရှိ ဖုန်းအရောင်းဆိုင်တခုမှ အရောင်းဝန်ထမ်းတဦးက ဆင်းကတ်ရောင်းချမှုပုံစံကို ရှင်းပြသည်။

ဆက်သွယ်ရေးအော်ပရေတာများ၏ အရောင်းဆိုင်များ၊ ၎င်းတို့နှင့်တရားဝင်စာချုပ် ချုပ်ဆိုထားသည့် အရောင်းကိုယ်စားလှယ်များနှင့် အရောင်းဆိုင်(Points Of sales) များမှာ သုံးစွဲသူမှတ်ပုံတင်ခြင်းဆိုင်ရာ ညွှန်ကြားချက်များနှင့်အညီ မှတ်ပုံတင်ပြီးမှရောင်းချရမည်ဖြစ်ပြီး အသစ်ဖြန့်ဝေမည့် ဆင်းကတ် အပါအဝင် ဈေးကွက်အတွင်းရောက်ရှိပြီးသား ဆင်းကတ်များလည်း အကျုံးဝင်ကြောင်း သိရသည်။

“အခုထုတ်ပြန်ချက်က တော်လှန်ရေးထဲမှာ နည်းအမျိုးမျိုးနဲ့ပါဝင်နေတဲ့သူတွေကို အခက်တွေ့အောင်လုပ် တယ်လို့ပဲ ထင်ပါတယ်။ အာဏာရှင်ဆိုတာ ပြည်သူနဲ့နိုင်ငံအပေါ် ဘယ်တုန်းကမှစေတနာမရှိခဲ့တာ ဆိုတော့ ဒါကရှင်းပါတယ်။ မှတ်ပုံတင်တယ်ဆိုရင်တောင် ကိုယ့်အတွက်အန္တရာယ်ကင်းစေမယ့်နည်းလမ်း ကို အသုံးပြုကြတယ်။ အရင်ကလည်း မှတ်ပုံမတင်တဲ့ဆင်းကတ်တွေကို ပိတ်တာမျိုးရှိတယ်။ အပိတ်ခံရ တာလည်း ရှိတယ်။ ပိတ်ရင် နောက်တခုဝယ်သုံးလိုက်တာပဲ။ သူတို့ကမှတ်ပုံတင်စေချင်ရင် မတင်ပဲနေ လိုက်တယ်။ သူတို့ခိုင်းတဲ့ကိစ္စတွေကို ဆန့်ကျင်တာပဲပေါ့” ဟု မိုဘိုင်းဖုန်းအသုံးပြုသူတဦးက ပြောသည်။

မှတ်ပုံတင်ပြီး ဆင်းကတ်ကို ဝယ်ယူအသုံးပြုပါက ကိုယ်ပိုင်ကိုယ်ရေးအချက်အလက်ဖြင့်သာ မှတ်ပုံတင် အသုံးပြုရမည်ဖြစ်ပြီး ကြေညာချက်ပါ သတ်မှတ်ချက်တရပ်ရပ်အား ဖောက်ဖျက်ကျူးလွန်ပါက အရေးယူခံရမည်ဖြစ်ကြောင်း စက်တင်ဘာလ ၂၅ ရက်နေ့တွင် စစ်ကောင်စီက ထုတ်ပြန်ကြေညာထား သည်။

စာတည်း။ ။စောဖေ

#မိုဘိုင်းဆင်းကတ်
#မှတ်ပုံတင်
#ဆက်သွယ်ရေးဥပဒေ

ပုံအညွှန်း - Mytel ဆင်းမ်ကတ်များအားတွေ့ရစဉ်

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁12👍7❤1
​​အကုန်အကျနည်းပါးသည့် မီးသတ်စက်ရုပ်အား တီထွင်ခဲ့သည့် ကျောင်းသားတစ်ယောက်
========================

#MizzimaTV
#hightech&gadget
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥2
​​မြင်းခြံတွင် ပျူသင်တန်းပို့ချရန် အင်အား ၁၀၀ ဝန်းကျင်ခေါ်ယူ၍ အတင်းအကျပ် အဖွဲ့ဝင်ခိုင်းမှုများရှိ
===================

ဓါတု
(မဇ္ဈိမ)။ ။ မန္တလေးတိုင်း၊ မြင်းခြံမြို့နယ်တွင် စစ်ကောင်စီတပ်မှဦးဆောင်၍ ပျူစောထီးသင်တန်းပို့ချရန် အင်အား ၁၀၀ ဝန်းကျင်စုဆောင်း၍ ယနေ့ စက်တင်ဘာလ ၂၇ ရက် နံနက် ၈ နာရီတွင် ခေါ်ယူလေ့ကျင့်နေကြောင်း ဒေသခံများထံမှသိရသည်။

မြင်းခြံမြို့နယ်ရှိ အမှတ်၁၂ ရပ်ကွက်တွင် ၂၀ ဦး ၊ လေးအိမ်တန်းမှ ၂၀ဦး၊ ဆုံရွာနှင့်ကျေးရွာအချို့မှ ၆၀ ဦးရေဝန်းကျင်အား ခြေမြန်တပ်ရင်း ခမရ (၁၅) တပ်ထဲ၌ ယနေ့ ပျူစောထီးသင်တန်းတက်ရောက်ရန် ယနေ့မှစ၍ ငါးရက်အတွင်း အခြေခံရက်တိုစစ်သင်တန်း လေ့ကျင့်ပေးနေကြောင်းသိရသည်။

အဆိုပါသင်တန်းတွင် ပျူစောထီးသင်တန်းသားအသစ်များဖြစ်ကြ၍ စစ်တပ်ထောက်ခံသူများအပါအဝင် စစ်ကောင်စီတပ်မှခြိမ်းခြောက်သဖြင့်တက်ရောက်ရသည့် ဒေသခံပြည်သူများလည်း ပါဝင်ကြောင်း စစ်တပ်နှင့်နီးစပ်သည့် ဖရဲသီးတဦးက မဇ္စျိမကိုပြောသည်။

" အခုက သင်တန်းသားအသစ်တွေ အင်အားထပ်ချဲ့တာပေါ့၊ ဆုံရွာကတော့တရွာလုံးတပ်ထောက်ခံတဲ့သူတွေကြီးပဲ။ တခြားရွာတွေမှာတော့ ပျူစောထီးအဖွဲ့ထဲဝင်မှာလား မဝင်ရင်သေနတ်နဲ့ပစ်သတ်မယ်ဆိုပြီး ခြိမ်းခြောက်လို့ ကြောက်လန့်ပြီး လိုက်တက်ရတဲ့ကလေးတွေလည်း ရှိတယ်"ဟု ၎င်းကပြောသည်။

အဆိုပါပျူစောထီးသင်တန်းအား ပြီးခဲ့သည့် လေးလခန့်က နောက်ဆုံးသင်တန်းပို့ချပြီး ယခုထပ်မံပို့ချရန် အင်အားစုဆောင်းခြင်းဖြစ်ကြောင်း သိရသည်။

အဆိုပါ မြင်းခြံမြို့နယ်တွင် စစ်တပ်မှအာဏာသိမ်းပြီး နှစ်နှစ်ကျော်နောက်ပိုင်း ပျူစောထီးများ အင်အားကောင်းလာ၍ ၎င်းတို့၏ကြီးစိုးမှုသည် တစတစမြင့်တက်လာကြောင်း ဒေသခံများကဆိုသည်။
ယင်းပျူစောထီးအဖွဲ့ဝင်များမှ ဒေသခံပြည်သူများအား နည်းလမ်းမျိူးစုံဖြင့် ငွေကြေးကောက်ခံခြင်း၊ အကြမ်းဖက်ခြင်းများအား စစ်တပ်နှင့်ပူးပေါင်းလုပ်ဆောင်နေကြောင်း ဒေသခံများ၏အဆိုအရ သိရသည်။

စာတည်း - သန့်ဇော်(သန်လျင်)

#mizzima
#ပျူစောထီး
#မြင်းခြံမြို့နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🤮5😁2❤1