Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​ဂါဇာရှိ ဟားမတ်စ်တို့ကို လုံးလုံးလျားလျား ချေမှုန်းဖျက်ဆီးပစ်မည်ဟု အစ္စရေး ကြုံးဝါး
===============

ဟားမတ်စ် စစ်သွေးကြွအဖွဲ့၏ ရဲတင်းသော အလစ်အငိုက် တိုက်ခိုက်မှု ဖြစ်ပေါ်ပြီးနောက် အစ္စရေးက ဂါဇာကမ်းမြှောင်ရှိ ဟားမတ်စ် ပစ်မှတ်များကို ငါးရက်ဆက်တိုက်အဖြစ် တိုက်ခိုက်ခဲ့သည်။ ဟားမတ်စ်နှင့် အစ္စရေးအကြား ပြင်းထန်သည့် တိုက်ခိုက်မှုများအတွင်း နှစ်ဖက်စလုံး၌ သေဆုံးသူဦးရေသည် ထောင်ချီအထိ မြင့်တက်လာခဲ့ပြီဖြစ်သည်။ ဟားမတ်စ် စစ်သွေးကြွအဖွဲ့ကို လုံးလုံးလျားလျား နာလန်မထူနိုင်အောင် ချေမှုန်းသွားမည်ဟု အစ္စရေးဝန်ကြီးချုပ် ဘန်ဂျမင် နေတန်ယာဟုက ကြုံးဝါးပြောဆိုသည်။

------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍5❤2👏2🔥1
​​အစ္စရေး-ဂါဇာ ပဋိပက္ခအတွင်း ထိုင်းနိုင်ငံသား ၂၁ ဦး သေဆုံး
==================

အစ္စရေးနှင့် စစ်သွေးကြွအုပ်စု ဟားမတ်စ်ကြားက ပဋိပက္ခအတွင်း၌ သေဆုံးသည့် ထိုင်းနိုင်ငံသား ၂၁ ဦး ရှိပြီဟု ယခင် သေဆုံးနှုန်း ၂၀ မှ ထပ်တိုးပြီး ဝန်ကြီးချုပ် ဆရတ်သာ သာဗီဆင်းက ကြာသပတေးနေ့တွင် ပြောသည်။ 
“မနေ့ညက နောက်ဆုံးစာရင်းကတော့ သတင်းဆိုးပါပဲ၊ ထိုင်းနိုင်ငံသား နောက်တဦး သေဆုံးရပြန်တယ်၊ အရေအတွက်က ၂၁ ဦးအထိ ရှိသွားပြီ”ဟု ၎င်းက ဆိုသည်။ 

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢3🔥2
​​ပါလက်စတိုင်းရှိ အင်ဒိုနီးရှားနိုင်ငံသားများကို အခြေအနေ ပေးသည်နှင့် ကယ်ထုတ်မည် 
===============

ဘေးကင်းကင်းနှင့် လုပ်ဆောင်နိုင်ရန် အခြေအနေ ပေးသည်နှင့် ပါလက်စတိုင်းမှ အင်ဒိုနီးရှားနိုင်ငံသားများကို ကယ်ထုတ်သွားမည်ဖြစ်ကြောင်း နိုင်ငံခြားရေးဝန်ကြီး ရတ်နို မာဆူဒီက ဗုဒ္ဓဟူးနေ့တွင် ပြောပြီး နိုင်ငံသားများ ဘေးကင်းစွာ ပြန်လာနိုင်ရေး ကျိန်းသေရန် အရေးပေါ်အစီအစဉ်များကိုလည်း လုပ်ဆောင်လျက် ရှိနေသည်။ 

------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍5😁2🔥1
​​ဆီးရီးယားစစ်တက္ကသိုလ် ကျောင်းဆင်းပွဲအား အမေရိကန်မှ ဒုံးကျည်ဖြင့်တိုက်ခိုက်သည်ဆိုသော သတင်းမှား
==============

Zz

(မဇ္ဈိမ)။ ။ဆီးရီးယားစစ်တက္ကသိုလ် ကျောင်းဆင်းပွဲအား အမေရိကန်မှ ဒုံးကျည်ဖြင့်တိုက်ခိုက်သည်ဆိုသော သတင်း လူမှုကွန်ရက်တွင် ပျံ့နှံ့လျက်ရှိသည်။ ယင်းမှာ မှားယွင်းနေသည်။

အောက်တိုဘာလ ၆ ရက်နေ့က Ko Thet တယ်လီဂရမ်ချန်နယ်တွင် “ဆီးရီးယားစစ်တပ် အကယ်ဒမီ ကျောင်းဆင်းပွဲအခမ်းအနားတစ်ခုမှာ ငပွကြီးက ဒုံးကျည်တိုက်ခိုက်လို လူ ၁၀၀ ကျော်သေဆုံးခဲ့” (မူရင်း အရေးအသားအတိုင်း) ဟုဆိုကာ ရုပ်သံဖိုင်တခုနှင့်အတူ ဖြန့်ဝေခဲ့သည်။ အဆိုပါရုပ်သံဖိုင်အား ကြည့်ရှုသူ ၄၀,၀၀၀ ကျော်ရှိခဲ့သည်။ 

ယင်းနောက်တွင် စစ်ကောင်စီထောက်ခံသည့် တယ်လီဂရမ်ချန်နယ်များ၌ “အမေရိကန်ငပွကြီးအတွက် ရန်ငြိုးရန်စတွေက တစ်ကမ္ဘာလုံးနဲ့တစ်ယောက်လို ဖြစ်လာနေပါပြီ။ အခုလည်း ဆီးရီးယားစစ်တပ် အကယ်ဒမီ ကျောင်းဆင်းပွဲအခမ်းအနားတစ်ကို အမေရိကန်က ဒုံးကျည်နဲ့တိုက်ခိုက်လို လူ ၁၀၀ ကျော် သေဆုံးမှု ဖြစ်ပွားတဲ့ရုပ်သံ ထွက်ပေါ်လာခဲ့ပါတယ်။ ဒီလိုလုပ်ရပ်တွေကြောင့် အမေရိကန်နိုင်ငံမှာ ၉/၁၁ လိုဖြစ်စဉ်မျိုးတွေ ထပ်မံဖြစ်ပေါ်လာနိုင်ပြီး ဖြစ်ခဲ့ရင်လည်း ဝဋ်လည်တယ်ဟုသာ မှတ်ယူရမှာပဲဖြစ်ပါ တယ်”(မူရင်းအရေးအသားအတိုင်း)ဟု ဆိုကာ အမေရိကန်က ဆီးရီးယား စစ်တက္ကသိုလ်ကျောင်းဆင်းပွဲ အား ဒုံးကျည်ဖြင့်တိုက်ခိုက်သည်ဟုရေးသားကာ ချန်နယ် ၁၅ ခု မှ ရေးသားဖြန့်ဝေခဲ့ပြီး ဖေ့စ်ဘုတ် တွင်လည်း ပျံ့နှံ့ခဲ့သည်။

 မဇ္ဈိမ၏အချက်အလက်စစ်ဆေးသူများမှ ဆီးရီးယားစစ်တက္ကသိုလ် သင်တန်းဆင်းပွဲအား အမေရိကန်မှ ဒုံး ကျည်ဖြင့် တိုက်ခိုက်ခဲ့ခြင်း ရှိ၊ မရှိ အချက်အလက်စစ်ဆေးခဲ့သည်။ 
CNN သတင်းဌာန၏ အောက်တိုဘာ ၆ ရက်နေ့က သတင်းဖော်ပြမှု၌ ဆီးရီးယားစစ်တက္ကသိုလ် သင်တန်း ဆင်းပွဲ ဒရုန်းဖြင့်တိုက်ခိုက်ခံရမှုတွင် လူပေါင်း ၈၉ ဦးသေဆုံးကာ ၃၀၀ နီးပါးဒဏ်ရာရရှိခဲ့ကြောင်း ဖော် ပြထားသည်။ 

သတင်းတွင် ဒရုန်းဖြင့်တိုက်ခိုက်မှုကို မည်သည့်အဖွဲ့အစည်းကမှ ၎င်းတို့လက်ချက်ဖြစ်ကြောင်း ဝန်ခံခြင်း မရှိကြသည့်အပြင် ဆီးရီးယားကာကွယ်ရေးဝန်ကြီးဌာနကလည်း “နိုင်ငံတကာမိတ်ဖက်အချို့၏ အကူ အညီရထားသည့် အကြမ်းဖက်အဖွဲ့”ဟုသာ သုံးနှုန်းထားကြောင်း ရေးသားဖော်ပြထားပြီး အမေရိကန်က တိုက်ခိုက်သည်ဟု ရေးသားထားခြင်းမျိုးမရှိပေ။ 
လင့် - https://shorturl.at/jsTZ4 

ထို့ပြင် BBC သတင်းဌာနကလည်း ဆီးရီးယားကာကွယ်ရေးဝန်ကြီးဌာနသုံးနှုန်းထားသည့်အတိုင်း သုံးနှုန်း ခဲ့ပြီး အမေရိကန်နိုင်ငံကပြုလုပ်သည်ဟု ရေးသားထားခြင်း မရှိပေ။ 
လင့် - https://tinyurl.com/ysph9rfb 

ထို့ကြောင့် ဆီးရီးယားစစ်တက္ကသိုလ် သင်တန်းဆင်းပွဲအား အမေရိကန်က ဒုံးကျည်ဖြင့်တိုက်ခိုက်သည်ဆို သောသတင်းမှာ မှားယွင်းပြီး တိုက်ခိုက်ခဲ့သည့်အဖွဲ့အစည်းကို ယနေ့အချိန်ထိ သိရခြင်း မရှိသေးပေ။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🔥1😁1
​​မြန်မာနိုင်ငံကို လာရောက်ပြီး စစ်ကောင်စီနှင့် ထပ်မံဆွေးနွေးသွားလိုဟု ဟွန်ဆန် ပြော
==============

ငြိမ်းချမ်းရေး အကျိုးဆောင်ရန်အလို့ငှာ မြန်မာအာဏာသိမ်း စစ်ကောင်စီနှင့် တွေ့ဆုံ ဆွေးနွေးသွားရန် ဆန္ဒရှိသည်ဟု ကမ္ဘောဒီးယား အာဏာရ ပြည်သူ့ပါတီ (CPP) ဥက္ကဋ္ဌ ကမ္ဘောဒီးယားဝန်ကြီးချုပ်ဟောင်း ဟွန်ဆန်က ပြောဆိုကြောင်း khmer Times သတင်းဌာနက ဖော်ပြသည်။

------------------------ 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
😁7🖕2👍1👏1🤬1
​​ဟားမတ်စ် တိုက်ခိုက်မှု၌ သက်ကြီးလူနာကို မထားခဲ့ရက်သည့် ဖိလစ်ပိုင်သူနာပြု အသတ်ခံရ
===============

အစ္စရေးနှင့် စစ်သွေးကြွအုပ်စု ဟားမတ်စ်တို့၏ ပဋိပက္ခအတွင်း အသတ်ခံရသော ဖိလစ်ပိုင် သူနာပြုအမျိုးသမီးသည် သူ့၏ သက်ကြီးလူနာ မပါဘဲ ထွက်ပြေးရန် ငြင်းဆန်ခဲ့သူဖြစ်သည်ဟု အစ္စရေးတာဝန်ရှိသူတဦးက ပြောသည်။ 
“အိန်ဂျလင်းဟာ ဖိလစ်ပိုင်က သူနာပြုဆရာမတဦးဖြစ်ပြီး သက်ကြီးပိုင်း လူနာ နီရာကို ပြုစုစောင့်ရှောက်နေသူပါ”ဟု ဂျေရုဆလင် မြို့တော်ဝန် ဖလော်ဟာဆန်နာဟွမ်းက ပြောသည်။ 

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢6🔥2👍1😁1
​​တရုတ်၏ လူမျိုးတုံးသတ်ဖြတ်မှုများအား တားဆီးပေးရန် ကမ္ဘာ့အင်အားကြီးနိုင်ငံများကို ဝီဂါများ တိုက်တွန်း
===============

တရုတ်နိုင်ငံက ရှင်ကျန်းပြည်နယ်တွင် ကျူးလွန်နေသော လူ့အခွင့်အရေးချိုးဖောက်မှုများကို တူရကီနိုင်ငံရောက် ဝီဂါများက ဆန့်ကျင်ကန့်ကွက်ကြောင်းနှင့် အဆိုပါချိုးဖောက်မှုများသည် လူသားမျိုးနွယ်အပေါ် ကျူးလွန်သည့် ရာဇ၀တ်မှုမြောက်ကြောင်း Amnesty International ၏ အစီရင်ခံစာသစ်တွင် အတည်ပြုထားသည်ဟု Daily Asian Age သတင်းတွင် ဖော်ပြထားသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍10🔥1😁1
​​စစ်ကောင်စီနဲ့ပေါင်းပြီး ကိုယ်ကျိုးရှာ၊ အများပြည်သူကို ဒုက္ခပေးနေတဲ့ မော်လမြိုင်ကျွန်းက အုပ်ချုပ်ရေးမှူး
===================

အယ်ဒီတာထံပေးစာ
ဧရာဝတီတိုင်း၊ မော်လမြိုင်ကျွန်းမြို့နယ်၊ ကျွန်းခယ်မကျေးရွာအုပ်ချုပ်ရေးမှူး၊ အုတ်လုပ်ငန်းရှင်များ အသင်းရဲ့ဥက္ကဋ္ဌ ဦးဖိုးထွေးဟာ စစ်ကောင်စီနဲ့ပေါင်းပြီး မြို့နယ်အတွင်းမှာရှိတဲ့ အုတ်လုပ်ငန်းရှင်တွေကို နည်းမျိုးစုံနဲ့ ဒုက္ခပေးနေပါတယ်။

အုပ်ချုပ်ရေးမှူးဖြစ်တဲ့အတွက် ရရှိထားတဲ့အခွင့်အာဏာကိုအသုံးပြုပြီး တနိုင်တပိုင် အုတ်လုပ်ငန်း လုပ် ကိုင်နေသူတွေဆီက တဦးကို ၆၀၀,၀၀၀ နှုန်း ကောက်ခံနေပါတယ်။

စစ်ကောင်စီရဲ့ လူကြီးတွေလာရင် ဧည့်ခံဖို့အတွက်လို့ပြောပြီးတော့လည်း တနိုင်တပိုင် အုတ်လုပ်ငန်းလုပ် ကိုင်နေသူတွေဆီက ပိုက်ဆံ ၅၀,၀၀၀ တောင်းတာတွေ၊ ၁၀၀,၀၀၀ တောင်းတာတွေကို တနှစ်ပတ်လုံး အကြိမ်ကြိမ်ပြုလုပ်နေပါတယ်။

မော်လမြိုင်ကျွန်းမြို့နယ်မှာ တရားဝင်အုတ်လုပ်ငန်းလုပ်ကိုင်သူ ၆၀ ဝန်းကျင်လောက်ရှိပြီး၊ တနိုင်တပိုင် အုတ်လုပ်ငန်းလုပ်ကိုင်သူ ၁၀၀ လောက်ရှိနေတဲ့အတွက် ဦးဖိုးထွေးအတွက် ခွင်ကောင်းတခုဖြစ်နေတာ ဖြစ်ပါတယ်။

အဲဒီအပြင် ကားလမ်းမကြီးနဲ့ကပ်လျှက်မှာရှိတဲ့ လယ်တွေကိုလည်း လယ်ယာမြေများအခြားနည်းသုံးစွဲခွင့် လျှောက်ထားပေးမယ်ဆိုပြီး မြို့နယ်စီမံကောင်စီဥက္ကဋ္ဌရဲ့ လက်မှတ်ထိုးဖို့အတွက် ၁၀ သိန်းနှုန်း တောင်းခံ နေတာလည်း ရှိပါတယ်။

သူပိုင်ဆိုင်တဲ့ မော်လမြိုင်ကျွန်းက ပါရာဒိုက် KTV မှာဆိုရင်လည်း မြို့နယ်စီမံကောင်စီဥက္ကဋ္ဌ၊ မြို့နယ်စီမံ ကောင်စီဝင် ဗိုလ်မှူးမင်းလွင်တို့ကို ညစဥ်ညတိုင်းလိုလိုခေါ်ပြီး VIP လို့သတ်မှတ်ထားတဲ့အခန်းတွေမှာ ဧည့်ခံနေပါတယ်။

ပါရာဒိုက် KTV မှာ စားသောက်ဖွယ်ရာမျိုးစုံရှိတဲ့အပြင် အပျော်မယ်တွေ၊ တရားဝင်သဖွယ်ရရှိနိုင်တဲ့ မူးယစ်ဆေးဝါးမျိုးစုံလည်း ရရှိပါတယ်။

ယခင်ရက်တွေကဆိုရင် ပါရာဒိုက်မှာသွားရောက်ပျော်ပါးသူတွေ ညအချိန်လင့်သွားလို့ အဲ့ဒီဆိုင်ရဲ့ဝန်ထမ်း ကောင်လေးတွေက မြို့အဝင်စစ်ဆေးရေးဂိတ်အထိ လိုက်ပို့ခဲ့တာကိုတွေ့ရပါတယ်။ ပါရာဒိုက်ကိုသွားရင် ညမထွက်ရအမိန့်ကိုလည်း ဂရုစိုက်စရာမလိုဘူးလို့ မြို့ခံပြည်သူတွေကြားမှာ ပြောဆိုနေကြတာတွေ ရှိပါ တယ်။
အခုလို စစ်ကောင်စီနဲ့ပေါင်းပြီး ပြည်သူတွေကိုဒုက္ခပေးတာတွေ၊ နည်းမျိုးစုံနဲ့ ငွေကြေးတောင်းယူနေတာ တွေ၊ ကိုယ်ကျိုးစီးပွားအတွက် တရားမဝင်အလုပ်တွေပြုလုပ်နေတဲ့ အုပ်ချုပ်ရေးမှူး ဦးဖိုးထွေးရဲ့ အကြောင်းကို အများပြည်သူသိရှိနိုင်ဖို့အတွက် မဇ္စျိမရဲ့အယ်ဒီတာထံပေးစာကတဆင့် ရေးသားလိုက်ပါ တယ်။

(မော်လမြိုင်ကျွန်းလူငယ်များ)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍13🤮3🔥1😁1
​​ဘတ်ဂျက်လိုငွေပြမှု ကျပ်ဘီလီယံ ၇,၈၀၀ ကျော်ဖြစ်ပေါ်ပြီးနောက် အသုံးစရိတ်များကို စိစစ်သုံးစွဲရန် စစ်ကောင်စီမှာကြား
===================

001
(မဇ္စျိမ)။ ။ လက်ရှိ ၂၀၂၃-၂၀၂၄ ဘဏ္ဍာရေးနှစ်တွင် ကျပ်ဘီလီယံ ၇,၈၀၀ ကျော် ဘတ်ဂျက်လိုငွေပြနေပြီး အသုံးစရိတ်များကို စိစစ်သုံးစွဲရန် စစ်ကောင်စီ၏ စီမံကိန်းနှင့် ဘဏ္ဍာရေးဝန်ကြီးဌာနက စက်တင်ဘာလ ကုန်ပိုင်းက ထုတ်ပြန်သည့် ဘဏ္ဍာရေးမူဝါဒစာတမ်းတွင် ဖော်ပြထားသည်။

လက်ရှိဘဏ္ဍာရေးနှစ်တွင် ပြည်ထောင်စု၊ တိုင်း၊ ပြည်နယ်များ၏ ရငွေစုစုပေါင်းမှာ ကျပ် ၂၅,၃၀၀ ဘီလီယံ ကျော်သာရှိပြီး အသုံးစရိတ်စုစုပေါင်းမှာ ကျပ် ၃၃,၁၀၀ ဘီလီယံကျော်ရှိသည့်အတွက် လိုငွေ ကျပ် ၇,၈၀၀ ဘီလီယံကျော်ပြသနေခြင်းဖြစ်သည်။

ဘတ်ဂျက်လိုငွေဖြည့်ဆည်းရာတွင် ငွေတိုက်စာချုပ်ရောင်းချခြင်း၊ ငွေတိုက်လက်မှတ်ရောင်းချခြင်းနှင့် ဗဟိုဘဏ်မှချေးယူခြင်း စသည့်နည်းလမ်းသုံးမျိုးဖြင့် ဆောင်ရွက်လျက်ရှိကြောင်း စစ်ကောင်စီ၏ ဘဏ္ဍာရေးမူဝါဒစာတမ်းက ဆိုထားသည်။

ထို့ပြင် ဘတ်ဂျက်လိုငွေကို ထိန်းသိမ်းဆောင်ရွက်နိုင်ရန်အတွက် ရငွေလျာထားချက်အပေါ် ပြည့်မီကျော် လွန်ရရှိအောင် ကြိုးပမ်းဆောင်ရွက်ခြင်း၊ အသုံးစရိတ်များလျာထားရာတွင် စီးပွားရေးဖွံ့ဖြိုးတိုးတက်မှုကို အလျင်အမြန်အထောက်အကူပြုနိုင်မည့် လုပ်ငန်းများနှင့် လူမှုစီးပွားဘဝမြှင့်တင်ပေးမည့် အသုံးစရိတ် များကို ဦးစားပေးလျာထားပြီး အခြားအသုံးစရိတ်များကို စနစ်တကျ စိစိစစ်စစ်သုံးစွဲခြင်း စသည့်အချက် များကို လိုက်နာဆောင်ရွက်ကြရမည်ဖြစ်ကြောင်းလည်း ပါရှိသည်။

ယခုဘဏ္ဍာနှစ်အတွက် သာမန်အသုံးစရိတ်တွင် ဝန်ထမ်းအင်အားအသစ်ခန့်အပ်ခြင်းနှင့် ပတ်သက်ပြီး အသေးစိတ်တွက်ချက်ဆောင်ရွက်ရန်၊ အုပ်ချုပ်မှုသုံး စက်သုံးဆီ၊ လုပ်ငန်းသုံးစက်သုံးဆီများကို ရန်ပုံငွေ ခွင့်ပြုဘောင်အတွင်း လောက်ငှအောင်သုံးစွဲရန်၊ သွင်းကုန်အစားထိုးရန်နှင့် ပြည်တွင်းကုန်ထုတ်လုပ်မှု မြှင့်တင်ရေးဆိုင်ရာ အသုံးစရိတ်များတိုးမြှင့်ပေးရန်၊ ကျန်းမာရေးနှင့် ပညာရေးအသုံးစရိတ်တိုးမြှင့်ရန် မူဝါဒချမှတ်ထားကြောင်း အဆိုပါ စာတမ်းအရ သိရသည်။

သို့သော် လက်တွေ့တွင် စစ်ကောင်စီက စစ်အသုံးစရိတ်အတွက် ကျပ်ဘီလီယံ ၅,၆၀၀ ကျော်ဖြင့် ဝန်ကြီး ဌာနအားလုံးထဲတွင် အများဆုံးသုံးစွဲနေခြင်းဖြစ်ပြီး ပညာရေးအတွက် ကျပ်ဘီလီယံ ၂,၁၀၀ ကျော်နှင့် ကျန်းမာရေးအတွက် ကျပ်ဘီလီယံ ၈၀၀ ကျော်ကိုသာ သုံးစွဲထားသည်။

လက်ရှိဘဏ္ဍာရေးနှစ်သည် ၂၀၂၃ ခုနှစ် ဧပြီလ ၁ ရက်နေ့တွင် စတင်ခြင်းဖြစ်ပြီး ၂၀၂၄ ခုနှစ် မတ်လ ၃၁ ရက်နေ့တွင် ကုန်ဆုံးမည်ဖြစ်သည်။

ပြီးခဲ့သည့် ၂၀၂၂-၂၀၂၃ ဘဏ္ဍာရေးနှစ်တွင် ဘတ်ဂျက်လိုငွေကို ကျပ်ဘီလီယံ ၇,၃၀၀ ကျော်ရှိမည်ဖြစ်ကြောင်း မူလကခန့်မှန်းခဲ့သော်လည်း ပြုပြင်ပြီး ခန့်မှန်းခြေအရ ကျပ် ၇,၉၀၀ ဘီလီယံကျော် ဖြစ်ပေါ်ခဲ့ ကြောင်း စစ်ကောင်စီ၏ ဘဏ္ဍာရေး မူဝါဒစာတမ်းအရ သိရသည်။

စာတည်း။ ။စောဖေ

#ဘတ်ဂျက်လိုငွေပြမှု
#ဘဏ္ဍာရေးမူဝါဒစာတမ်း
#စစ်အသုံးစရိတ်

ဓာတ်ပုံ- အင်အားပြ စစ်ကောင်စီလက်နက်အချို့ကို တွေ့ရစဉ် (ပုံ-ဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍10😁5🤮3
​​Mission Mangal
===========

“အိမ်မက်ဆိုတာ အိပ်ပျော်နေတဲ့အချိန်မှာ မြင်ရတဲ့အရာမဟုတ်ဘူ မင်းကိုအိပ်မပျော်စေတဲ့အရာပါ”

၂၀၁၄ ခုနှစ် စက်တင်ဘာလ ၂၄ ရက်နေ့မှာ အိန္ဒိယက ပထမဆုံးအကြိမ်ကြိုးစားမှုမှာပဲ အင်္ဂါဂြိုလ်ပေါ်ကို ရောက်နိုင်ခဲ့တဲ့ ကမ္ဘာပေါ်ကပထမဆုံးနိုင်ငံပါ

၂၀၁၀ ခုနှစ် ဒီဇင်ဘာ ၂၅ ရက်နေ့မှာ ISRO အာကာသထဲကို ပထမဆုံးလူမပါပဲ ဒုံးကျည်လွှတ်တင်တဲ့ မစ်ရှင်အနေနဲ့ GSLV-F06 ကို လွှတ်တင်ခဲ့ပေမဲ့

Project Director တာရာ (Vidya Balan) ရဲ့ အမှားအယွင်းကြောင့် မအောင်မြင်ခဲ့ပဲ ဘင်္ဂဘားပင်လယ်အော်ထဲ ပျက်ကျခဲ့တယ်
တာရာရဲ့အမှားဖြစ်ပေမဲ့ သိပ်ပ္ပံပညာရှင် ရာကတ်ရှ် (Akshay Kumar) က သူ့ဆုံးဖြတ်ချက်ကြောင့် မစ်ရှင်မအောင်မြင်တာဖြစ်တယ်လို့ တာဝန်ခံလိုက်တာကြောင့် ISRO ရဲ့ ၂၀၂၂ မှာ အင်္ဂါဂြိုလ်စူးစမ်းလေ့လာရေး ဂြိုလ်တုတစ်လုံးလွှတ်တင်မဲ့ မစ်ရှင်အတွက် မစ်ရှင်ဒါရိုက်တာအနေနဲ့ ဌာနပြောင်းပြီး တာဝန်ပေးခြင်းခံရတယ်

တကယ်ဆို ဒီမစ်ရှင်ဟာ အဲ့အချိန်မှာအိန္ဒိယနိုင်ငံအနေနဲ့ ဘယ်လိုမှမဖြစ်နိုင်သေးပါဘူး တကယ်တော့ ဒါဟာ ရာကတ်ရှ်ကို အလုပ်ကထွက်စေချင်လို့ ဌာနပြောင်းခဲ့တာပါ..

အင်္ဂါဂြိုလ်ရောက်ဖို့အတွက်ဆို ကမ္ဘာကြီးရဲ့ဆွဲအားတွေကို ကျော်ဖြတ်ဖို့အတွက် လောင်စာဆီ အများကြီးလိုတယ် အိန္ဒိယမှာ ဒီလောက်များတဲ့လောင်စာဆီကို သယ်နိုင်တဲ့ ဒုံးကျည်ကလည်း မရှိသေးတဲ့အပြင် များပြားတဲ့လောင်စာဆီကို သယ်နိုင်တဲ့ GSLV ဒုန်းကျည်လွှတ်တင်တဲ့ မစ်ရှင်ကလည်း မအောင်မြင်ခဲ့ဘူး
ဒါပေမဲ့ ဒီမစ်ရှင်ကို ၂၄ လအတွင်း စတင်အကောင်အထည်ဖော်ဖို့ ရာကတ်ရှ်နဲ့ တာရာဟာ ISRO ရဲ့ ဒါရိုက်တာကိုတင်ပြတယ်
မစ်ရှင်ကိုအလျင်စလို အကောင်အထည်ဖော်ရတဲ့အကြောင်းက ကမ္ဘာနဲ့အင်္ဂါဂြိုလ်လမ်းကြောင်းက သုံးနှစ်မှာတစ်ကြိမ်သာ တိုတောင်းတာကြောင့် ၂၀၁၃ မှာသာ မလွှတ်တင်နိုင်ခဲ့ရင် ၂၀၁၇ မှ လွှတ်တင်နိုင်မယ်..ဒါဆိုတခြားနိုင်ငံတွေထက် အင်္ဂါဂြိုလ်ရောက်ဖို့နောက်ကျနိုင်မယ် အင်္ဂါဂြိုလ်ကို လွှတ်တင်ဖို့အသုံးပြုမဲ့ ဒုံးကျည်က PSLV PSLV ဒုံးကျည်ဟာ လကမ္ဘာကိုပဲရောက်နိုင်တဲ့ ဒုံးကျည်ဖြစ်တာကြောင့် အင်္ဂါဂြိုလ်ထိရောက်နိုင်ဖို့အတွက် လောင်စာဆီအလုံအလောက်မဆန့်ဘူး ဒါတင်မကဘူး ဒီဒုံးကျည်က ဝန်ဆံ့တဲ့ပမာဏအရမ်းနည်းတာကြောင့် အင်္ဂါဂြိုလ်ကိုလေ့လာဖို့ ဂြိုလ်တုရဲ့ အလေးချိန်ကို မသယ်နိုင်ဘူး ဒီထပ်ဆိုးတာက မစ်ရှင်အတွက်လိုအပ်တဲ့ဘတ်ဂျက်က ၈ ဘီလီယံ ၊ ခွင့်ပြုပေးတဲ့ဘတ်ဂျက်က ၄ ဘီလီယံ ဘယ်လိုမှမဖြစ်နိုင်တဲ့မစ်ရှင်တစ်ခုဆိုတာ အားလုံးကသိနေပေမဲ့ ရာကတ်ရှ်နဲ့တာရာရဲ့ စိတ်အားထက်သန်မှုတွေကြောင့် ISRO ရဲ့ဒါရိုက်တာက ခွင့်ပြုပေးခဲ့တယ်..

မဖြစ်နိုင်တဲ့မစ်ရှင်အတွက် အတွေ့အကြုံများတဲ့ ပညာရှင်တွေတောင်းခဲ့ပေမဲ့ မစ်ရှင်အတွက် ရလိုက်တဲ့သူတွေက ဂျူနီယာလေးတွေမစ်ရှင်မှာပါဝင်မဲ့သူတွေက အတွေ့အကြုံနည်းတဲ့သူတွေဖြစ်နေတဲ့အပြင် ကိုယ်ပိုင်ပြဿနာကိုယ်စီကလည်း ရှိနေကြသေးတယ်
ဒီလူတွေဟာ လောင်စာဆီအနည်းဆုံးနဲ့ အပေါ့ပါးဆုံးဂြိုလ်တုကို လွှတ်တင်နိုင်ဖို့အတွက် ဆိုတာ ကြီးမားတဲ့စိန်ခေါ်မှုကြီး.. အဲ့ဒီအချိန်မှာ အင်္ဂါဂြိုလ်ကိုသွားဖို့ ကြိုးစားနေတာ ကမ္ဘာ့ထိပ်သီးနိုင်ငံတွေဖြစ်တဲ့ ရုရှားနဲ့အမေရိကန်လည်း ပါဝင်တယ်

ရုရှားဟာ ရှစ်ကြိမ်တိုင်တိုင်ကျရှုံးခဲ့ပြီး အမေရိကန်ဟာ လေးကြိမ်တိုင် ကျရှုံးထားတယ်..တရုတ်ကလည်း ကြိုးစားနေဆဲအခြေအနေ
သိပ္ပံပညာရှင် ရာကတ်ရှ်ကတော့ “သိပ္ပံအောင်မြင်မှုဆိုတာ တစ်ချိန်တုန်းကတော့ ဟာသတစ်ပုဒ်လိုပါပဲ..ပထမဆုံးအကြိမ်မှာပဲ အောင်မြင်အောင်လုပ်ပြမယ်” တဲ့ စိတ်ကူးယဉ်ရိုက်ကူးတင်ဆက်ထားတဲ့ ဇာတ်လမ်းမဟုတ်ဘူးနော်
တကယ့် Mission Impossible ကို တကယ်ဖြစ်အောင်လုပ်နိုင်ခဲ့တဲ့သူတွေရဲ့ ကြိုးစားအားထုတ်မှုကို ရိုက်ကူးတင်ဆက်ထားတဲ့ ဖြစ်ရပ်မှန်ဇာတ်ကားကောင်းတစ်ကားမို့ လက်လွှတ်မခံပဲ အချိန်ပေးကြည့်ရှု့လိုက်ပါလို့ ဒီဇာတ်ကားမှာ Akshay Kumar, Vidya Balan, Sonakshi Sinha, Taapsee Pannu, Nithya Menen, Kirti Kulhari, Sharman Joshi, H. G. Dattatreya နဲ့ Vikram Gokhale တို့က အဓိကပါဝင်သရုပ်ဆောင်ထားကြပါတယ်

#New
ပြသမည့်ရက် ။ ။ 12.10.2023
ပြသမည့်အချိန်။ ။ ည (၈:၀၀) နာရီ
#Replay
ပြသမည့်ရက် ။ ။13.10.2023
ပြန်လည်ပြသမည့်အချိန်။ ။ နံနက် (၁၁:၀၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

#Mizzimplushd
#indiamoviereview
👍9🔥1
​​ညောင်လေးပင်ခရိုင်တွင် စစ်ကောင်စီ​၏ လက်နက်ကြီးကြောင့် ဆယ်ကျော်သက်အမျိုးသမီးသေဆုံး ၈ ဦး ဒဏ်ရာရ
==================

YT
(မဇ္ဈိမ)။ ။ ပဲခူးတိုင်းဒေသကြီး၊ ညောင်လေးပင်ခရိုင်တွင် စစ်ကောင်စီတပ်များ​၏ လက်နက်ကြီးပစ်ခတ်မှုများကြောင့် ဒေသခံ အသက် ၁၄ နှစ်အရွယ်အမျိုးသမီးငယ် တဦးသေဆုံး၍ ရှစ်ဦးထိခိုက်ဒဏ်ရာရခဲ့ကြောင်း ကရင်အမျိုးသားအစည်းအရုံး (KNU) ဗဟိုက ယမန်နေ့ အောက်တိုဘာလ ၁၁ ရက်နေ့က ထုတ်ပြန်သည်။
အောက်တိုဘာလ ၁၀ ရက်နေ့တွင် ညောင်လေးပင်ခရိုင်အတွင်း အခြေစိုက်၊ အထိုင်ချနေသည့် စစ်ကောင်စီတပ်စခန်းများ​၏ လက်နက်ကြီးပစ်ခတ်မှုများကြောင့် ဒေသခံများ ထိခိုက်၊ သေဆုံးခြင်းဖြစ်ကြောင်း KNU က ဆိုသည်။

" တိုက်ပွဲမဖြစ်ပါဘူး၊ ရမ်းသန်းပစ်နေတာ။ ဒီလိုပဲ တနေကုန် ထုနေတာပဲ။ အခုဆို ဈေးတွေမှာလည်း လိုက်ပတ်တယ်။ အဝေးကနေ ဈေးလာဝယ်တဲ့သူဆိုလည်း စစ်တယ်" ဟု ကျောက်ကြီးမြို့နယ် ဒေသခံတဦးက မဇ္ဈိမကိုပြောသည်။

အောက်တိုဘာလ ၁၀ ရက်နေ့တွင် ပိန်းဇလုပ်မြို့အခြေစိုက် စစ်ကောင်စီခြေလျင်တပ်ရင်း ခလရ (၂၆၄) မှ ၁၅၅ မမ အမျိုးအစားလက်နက်ကြီးများဖြင့် ပစ်ခတ်မှုကြောင့် ကျောက်ကြီးမြို့နယ်၊ ရွာကန့်လန့်ကျေးရွာမှ ကလေးငယ် တဦးအပါအဝင် ဒေသခံသုံးဦး ဒဏ်ရာရခဲ့ပြီး နွားနှစ်ကောင်သေဆုံးခဲ့ကြောင်း သိရသည်။

" ထိုးဝါးစိုက်ကျေးရွာအုပ်စု၊ ရွာကန့်လန့်ကျေးရွာကပါ။ ကလေးရယ်၊ အမေရယ်၊ သူ့အဖေရယ်လို့တော့ သိရပါတယ်။ ကျွန်တော်တို့ရောက်သွားတော့ လူနာတွေကို ဆေးရုံခေါ်သွားပါပြီ။ နွားနှစ်ကောင်သေပြီး တကောင်ဒဏ်ရာရပါတယ်"ဟု ဒေသတွင်း သတင်းရင်းမြစ်တဦးက မဇ္ဈိမကိုပြောသည်။

ထိခိုက်ဒဏ်ရာရသူများမှာ ရွာကန့်လန့်ကျေးရွာနေ အသက် ၃၅ နှစ်အရွယ်ရှိ စောပွါးစေး၊ အသက် ၃၀ နှစ်အရွယ်ရှိ နော်လားဒူးနှင့် ၎င်းတို့​၏ သမီးဖြစ်သူ အသက် နှစ်နှစ်အရွယ်ရှိ နော်ကဲဘလုမူးတို့ဖြစ်သည်။

အဆိုပါနေ့တွင်ပင် မုန်းမြို့နယ်၌လည်း စစ်ကောင်စီခြေမြန်တပ်ရင်း ခမရ (၃၀၇)နှင့် ခမရ (၄၃၉)တို့မှ လက်နက်ကြီး ရမ်းသန်း ပစ်ခတ်မှုများကြောင့် ဆယ်ကျော်သက် အမျိုးသမီးငယ်တဦး သေဆုံး၍ ဆရာတော်တပါးအပါအဝင် ငါးဦး ထိခိုက်ဒဏ်ရာရခဲ့ကြောင်း သိရသည်။

လက်နက်ကြီးထိမှန် သေဆုံးသူမှာ မုန်းမြို့နယ်၊ ကျော်လှကျေးရွာနေ အသက် ၁၄ နှစ်အရွယ်ရှိ မယုရတီနိုင်ဖြစ်ပြီး ထိခိုက်ဒဏ်ရာရသူများမှာ မုန်းမြို့နယ်၊ သနပ်ကွင်းကျေးရွာ ဘုန်းကြီးကျောင်းမှ သက်တော် ၇၄ နှစ်ရှိ ကျောင်းတိုက်ဆရာတော် ဦးကောဝိတ၊ နန္ဒမိတ်ကျေးရွာမှ အသက် ၆၀ အရွယ်ရှိ ဦးတင်ထွန်း၊ အသက် ၅၈ နှစ်အရွယ်ရှိ ဒေါ်မြင့်ဌေး၊ အသက် ၃၅ နှစ်အရွယ်ရှိ ဒေါ်မာလာ၊ အသက် နှစ်နှစ်အရွယ်ရှိ မောင်ပြည့်စုံတို့ ဖြစ်သည်။

ထိခိုက်ဒဏ်ရာရသူများအား KNU ကျေးလက်ဆေးပေးခန်းများမှ ဆေးကုသမှု ပြုလုပ်ပေးထားပြီး ဒဏ်ရာအခြေအနေ မစိုးရိမ်ရကြောင်း သိရသည်။

" အိမ်တလုံးထဲကို ကျတာ။ အိမ်လည်း ပျက်စီးတာပဲ။ လက်နက်ကြီးအစတွေ ထိတာပေါ့ လူတွေက ၊ အခု မစိုးရိမ်ရတော့ဘူး ဆေးကုထားပြီလေ" ဟု KNLA သတင်းရင်းမြစ်တဦးက မဇ္ဈိမကိုပြောသည်။

ဒေသခံများ လက်နက်ကြီး ထိမှန်၍ သေဆုံး၊ ထိခိုက်မှု ဖြစ်ပေါ်နေသည့် ကျောက်ကြီးမြို့နယ်နှင့် မုန်းမြို့နယ်သည် ကရင်အမျိုးသားအစည်းအရုံး (KNU) တပ်မဟာ (၃) နယ်မြေတွင်း တည်ရှိသည်။
KNU တပ်မဟာ (၃) နယ်မြေသည် စစ်ကောင်စီတပ်နှင့် နယ်မြေခံ ကရင်အမျိုးသားလွတ်မြောက်ရေးတပ်မတော်(KNLA)၊ PDF ပူးပေါင်းတပ်ဖွဲ့များအကြား မကြာခဏ ထိတွေ့တိုက်ပွဲ ဖြစ်ပွားလေ့ရှိရာ နယ်မြေဖြစ်သည်။

စာတည်း - သန့်ဇော်(သန်လျင်)

#mizzima
#KNU
#KNLA
#PDF

ပုံအညွှန်း- စစ်ကောင်စီတပ်​၏ လက်နက်ကြီးကြောင့် ဒဏ်ရာရသူအချို့နှင့် ပျက်စီးမှုများ (ဓါတ်ပုံ- KNU)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”
👍13🤬5🔥2😢2