​​မုံရွာမြို့တွင် လူစုဖြင့် ခြိမ်းခြောက်ငွေတောင်းခံမှုများရှိ
===================

ပါခွီး
(မဇ္စျိမ) ။ ။ စစ်ကိုင်းတိုင်း ၊ မုံရွာမြို့ပေါ်တွင် ပြည်သူ့ကာကွယ်ရေးတပ်ဖွဲ့ (PDF) အယောင်ဆောင်ပြီး ခြိမ်းခြောက်ငွေ တောင်းခံမှုများရှိနေကြောင်း ဒေသခံများထံက သိရသည်။

မုံရွာမြို့ သာစည်လမ်းရှိ ဆေးခန်းတခုကို လူတစုဝင်ရောက်လာပြီး PDF အဖွဲ့အစည်းမှ ဖြစ်ကြောင်းပြောဆိုပြီး အောက်တိုဘာလ ၁၁ရက်နေ့တွင် ငွေတောင်းခံသွားကြောင်း သိရသည်။
မြို့ရွာမြို့တွင် လူစုနှင့်လက်နက်ပြ ငွေတောင်းခံခြင်းအပါအဝင် ဖုန်းဖြင့် ခြိမ်းခြောက် ငွေတောင်းခံမှုများလည်း ဖြစ်ပွားခဲ့ကြောင်းသိရသည်။

“ခေတ်အဆက်ဆက်မှာ အခုလို နိုင်ငံရေးအခြေအနေဖြစ်တိုင်း ဓားပြမှု ၊ လုယက်မှု ၊ ခိုးဆိုးလုနှိုက်သမားတွေရဲ့ အခွင့်ကောင်းယူမှုတွေက ဖြစ်စမြဲပါ ၊ နောက်ပြီး စကစ ဘက်ကလည်း အခုလိုမျိုးတွေဖြစ်အောင် လွတ်ငြိမ်းပေးတိုင်း ခိုးဆိုးလုနှိုက်တွေပဲ လွတ်ငြိမ်းပေးတာ အားလုံးလည်းအသိပဲဖြစ်တယ်။ သူတို့ရဲ့လုပ်ရပ်တွေကြောင့် အပြစ်မဲ့ ပြည်သူတွေ ဒုက္ခရောက်နေကြရတဲ့အတွက် လွန်စွာဝမ်းနည်းမိပါတယ်” ဟု မုံရွာမြို့နယ် ပြည်သူအုပ်ချုပ်ရေးအဖွဲ့ ဆက်သွယ်ရေးတာဝန်ခံ ကိုနေမော် က မဇ္စျိမ ကိုပြောသည်။

ယခုဖြစ်စဥ်တွင် မည်သည့်အဖွဲ့မှ ကျူးလွန်သည်ကိုမသိရသေးသော်လည်း မုံရွာမြို့နယ် အုပ်ချုပ်ရေး ၊ ကာကွယ်ရေးနှင့် လုံခြုံရေးအဖွဲ့များအနေဖြင့် အရေးယူမှုများပြုလုပ်နိုင်ရန် ကြိုးစားဖော်ထုတ်နေကြောင်းဆိုသည်။

“စ- (စစ်ကောင်စီတပ်) တွေက PDF တွေကို ပြည်သူလူထုအထင်လွဲအောင် တမင်ပြုလုပ်တာရှိသလို ၊ ခိုးဆိုးလုနှိုက်တွေရဲ့လက်ချက်ဖြစ်နိုင်သလို သန္ဓေမမှန်တဲ့ တချို့ ကာကွယ်ရေးအမည်ခံတွေလည်း ဖြစ်နိုင်တယ်” ဟု မုံရွာမြို့နယ်အခြေစိုက် ကာကွယ်ရေးဝန်ကြီးဌာန လက်အောက်ခံ တပ်ရင်းတခုမှ ခေါင်းဆောင်တဦး က မဇ္စျိမကို ပြောဆိုသည်။

၎င်းတို့တပ်ဖွဲ့ထံသို့ ဖုန်းဖြင့် ငွေကြေးခြိမ်းခြောက်တောင်းဆိုခံရသူများမှ တိုင်ကြားခဲ့မှု ဖြစ်စဥ်များလည်း ရှိခဲ့ကြောင်းသိရသည်။
အချို့ဖြစ်စဥ်မှာ ပုဂ္ဂိုလ်ရေးမကျေနပ်မှုများပေါ်အခြေခံပြီး အခြားဖုန်းနံပါတ်တခုကို အသုံးပြုပြီး PDF အယောင်ဆောင်ကာ ခြိမ်းခြောက်ငွေတောင်းခံမှုများရှိခဲ့ကြောင်း အဆိုပါ ဒေသခံတပ်ရင်းခေါင်းဆောင်ကဆက်ပြောသည်။

စစ်ကောင်စီတပ်လက်အောက်ခံ လက်နက်ကိုင်များမှလည်း ဈေးဆိုင်နှင့် လုပ်ငန်းရှင်များကို ဖုန်းများမှတဆင့်ဆက်သွယ်ပြီး ငွေကြေးတောင်းခံမှုများကို စုံးစမ်းသိရရှိခဲ့ရကြောင်း ဆိုသည်။
ယင်းသို့အခြေအနေများတွေ့ကြုံရပါက ပြည်သူများအနေဖြင့် ပြစ်မှုကျူးလွန်ခံရမှုဖြစ်စဥ် ဖြစ်ပွားပြီးတပြိုက်နက် သက်ဆိုင်ရာ မြို့နယ် ပအဖ ၊ ပလဖ လူမှုကွန်ရက်အဆက်အသွယ်များမှတဆင့် သတင်းပေးတိုင်ကြားကြရန် ပအဖ ဆက်သွယ်ရေးတာဝန်ခံ ကပြောကြားသည်။

မုံရွာမြို့တွင် စစ်ကောင်စီတပ်က ရပ်ကွက်အုပ်ချုပ်ရေးရုံးများတွင် တပ်စွဲနေရာယူ ထားကြသော်လည်း ခိုးဆိုးလုယက်မှုများ တိုးပွားဖြစ်ပေါ်နေပြီး မြို့နေ လုပ်ငန်းရှင်ကြီးများနှင့် အလတ်တန်းစားလုပ်ငန်းရှင်များပါ မြို့ကိုစွန့်ခွာ၍ ရှောင်တိမ်းသွားနေကြကြောင်းလည်း သိရှိရသည်။

စာတည်း - သန့်ဇော်(သန်လျင်)

#mizzima
#မုံရွာမြို့
#PDF
#ခြိမ်းခြောက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တော်လှန်ရေးမှာ ပြည်ပရောက်မြန်မာတွေရဲ့ ထောက်ပံ့မှုဟာ အဓိကဖြစ်လာတယ်(ရုပ်သံ)
MTO (မဇ္ဈိမ)။ ။မြန်မာနိုင်ငံမှာ အာဏာသိမ်းမှုကို မလိုလားတဲ့ ...
https://www.youtube.com/watch?v=fpEZq2lMACQ

အနာဂတ်မှာယူကရိန်းကိုထောက်ပံ့ပေးဖို့အပေါ် သံသယတွေကိုချေဖျက်ဖို့ အမေရိကန်က စစ်ရေးအကူအညီသစ်ပေးအပ်
အနာဂတ်မှာယူကရိန်းကိုထောက်ပံ့ပေးဖို့အပေါ် ...
https://www.youtube.com/watch?v=AMyJYSTSxkY

Oct - 13 [ 7 Pm ] The Mizzima Primetime
Oct - 13 [ 7 Pm ] The Mizzima Primetime Mizzima Headline News #7pmnews #themizzimaprimetime #reels #shorts ...
https://www.youtube.com/watch?v=WBKO9ylzDiA

အောက်တိုဘာလ (၁၃) ရက် ၊ ည ၇ နာရီ The Mizzima Primetime မဇ္စျိမပင်မသတင်းအစီအစဥ်
အောက်တိုဘာလ (၁၃) ရက် ၊ ည ၇ နာရီ The Mizzima Primetime ...
https://www.youtube.com/watch?v=__5eTPbXYmo

အောက်တိုဘာလ( ၁၃ )ရက်၊ သောကြာနေ့ ညပိုင်း မဇ္ဈိမရေဒီယိုအစီအစဉ်
ဒီကနေ့ည နားဆင်ရမယ့် အစီစဉ်တွေကတော့ .
https://www.youtube.com/watch?v=nYvRUAZmfRU

​​နွေဦးတော်လှန်ရေးနေ့စဉ် မှတ်စု (၁၃အောက်တိုဘာ၂၀၂၃) 
=====================

စစ်တပ်အာဏာသိမ်းပြီးနောက်ပိုင်း ဘာသာရေးဖိနှိပ်မှုများ ဆက်တိုက်ပြုလုပ်လာသည် ကိုတွေ့နေရ သည့် အတွက် ဘာသာရေး ပဋိပက္ခများ ဖန်တီးလာနိုင်ဖွယ် ရှိနေသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

နွေဦးတော်လှန်ရေးနေ့စဉ် မှတ်စု (၁၃အောက်တိုဘာ၂၀၂၃)
အမျိုးသားညီညွတ်ရေးအစိုးရ၊ ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော် မတီ အစည်းအဝေး အမှတ်စဉ် ...
https://ift.tt/siPGtr2

- YouTube
Enjoy the videos and music you love, upload original content, and share it all with friends, family, and the world on YouTube.
https://l.facebook.com/l.php?u=https%3A%2F%2Fyoutu.be%2FXw8aCEQy69I&h=AT1eMlQ_UlpTv0_MePrKWblhioY9EBWgeEhLz-yNfSZkvtN98tMoty-XldnFpbjSzV0MvXy_adoVPk78s-iuPt-E0VyjjjsRcL77y9YJFiOD1RaUvxMlW3TkJyZjLc4j&s=1

ဗုံးမှားကျဲမှု | အစိမ်းရောင် လူမျိုးစု
အစွန်အဖျားဒေသတွေမှာနေတဲ့ လူပြာတွေထင်တိုင်းကြဲမှာစိုးလို့ ...
https://www.youtube.com/watch?v=Xw8aCEQy69I

ရေစကြိုမြို့ ရေလယ်ကျွန်းဒေသခံများ စစ်ဘေးရော ရေဘေးပါ ရင်ဆိုင်နေရ၊ ရွာ ၆ ရွာကို စစ်ကောင်စီတပ်မီးရှို့
===================

ဓာတု
(မဇ္ဈိမ) ။ ။ စစ်ကောင်စီက စစ်ကြောင်းထိုးနေ၍ မကွေးတိုင်း ရေစကြိုမြို့ ရေလယ်ကျွန်းဒေသတွင် ယနေ့မိုးသည်းထန်စွာရွာသွန်းမှုကြောင့် ဒေသခံ ၂,၀၀၀ ခန့်သည် စစ်ဘေးရော ရေဘေးပါ ရင်ဆိုင်နေရပြီး သက်ကြီးရွယ်အိုနှင့် ကလေးများ အဓိကဒုက္ခရောက်နေကြောင်း ဒေသခံများထံမှ သိရသည်။

ယမန်နေ့ အောက်တိုဘာလ ၁၂ ရက်တွင် နှစ်ဖက်ထိတွေ့တိုက်ပွဲဖြစ်ပြီးနောက် ကျေးရွာပေါင်း ၁၅ ရွာမှဒေသခံထောင်ချီမှာ ဘေးလွတ်ရာသို့ စက်လှေ၊ ဆိုင်ကယ်၊ နွားလှည်းများဖြင့် အသီးသီးထွက်ပြေးတိမ်းရှောင်နေကြရာ မိုးသည်းထန်စွာရွာသွန်း၍ ယင်းစစ်ဘေးရှောင်များမှာ ရေဘေးပါ တွေ့ကြုံနေရပြီး အဓိကအမိုးအကာများ၊ စားစရာ၊ သောက်သုံးရေနှင့်ဆေးဝါးများ လိုအပ်နေကြောင်း သိရသည်။

"မနေ့က စစ်တပ်ကစစ်ကြောင်းထိုးတော့ တချို့ဆို ရုတ်တရက်ထပြေးလာရတော့ အဝတ်အစား၊ စားစရာတွေမပါလာဘူး၊ မိုးကလည်း ရွာလိုက်တော့ သက်ကြီးပိုင်းနဲ့ကလေးတွေ အဓိကဒုက္ခရောက်တယ်။ ရွာထဲပြန်ယူဖို့ကလည်း သူတို့( စစ်ကောင်စီ)က ရွာထဲကထွက်ပြေးနေတဲ့နေအိမ်တွေထဲ တအိမ်ဝင်တအိမ်ထွက် ပစ္စည်းတွေကို လှည်းတိုက်ယူနေတယ်။ အခုလည်း ရွာတွေကိုလည်း အခုထိမီးရှို့နေတယ်။ မနေ့ကလည်း ကျောက်ဖူးရွာကရိပ်သာကျောင်းကို မီးရှို့သေးတယ်"ဟု စစ်ဘေးရှောင်ဒေသခံတဦးက မဇ္စျိမကို ပြောသည်။

စစ်ကောင်စီတပ်မှ ယနေ့အောက်တိုဘာလ ၁၃ ရက် တိုက်ပွဲအပြီး နေ့လယ် ၂နာရီမှစ၍ ရေလယ်ကျွန်းဒေသရှိ လှေခုတ်၊ ဆင်တဲ၊ ခြံယာ၊ နွယ်နီ၊ကျောက်ဖူး၊ ငတရော် ကျေးရွာတို့တွင် လက်ရှိအချိန်ထိ မီးတင်ရှို့နေရာ ဒေသခံများ၏ ဆိုင်ကယ်၊ အဝတ်အစားများကို ပြန်ယူမည်စိုးသဖြင့် အဓိကထား မီးရှို့နေကြောင်း ရွာတွင်းကျန်ခဲ့သည့် နီးစပ်ရာဒေသခံများကဆိုသည်။

ထို့အပြင် ရွာထဲရှိနေအိမ်များမှလက်ဝတ်ရတနာနှင့် တန်ဖိုးကြီးပစ္စည်းများကိုမူ လှည်းတိုက်ယူဆောင်၍ ဧရာဝတီမြစ်တဖက်ကမ်း မြင်းခြံမြို့ဘက်သို့စက်လှေများနှင့် သယ်ဆောင်သွားကြောင်းသိရသည်။

စစ်ကောင်စီတပ်နှင့် မဟာမိတ်အင်အားစုများ ယနေ့ နေ့လယ် ၁ နာရီအချိန်တွင် ပေ ၁၀၀ ပတ်လည်သာအကွာအဝေးရှိသည့် နေအိမ်လမ်းကြိုလမ်းကြား လှေခုတ်ကျေးရွာ၌ အနီးကပ် နှစ်ဖက်ထိတွေ့တိုက်ပွဲ ဒုတိယအကြိမ်မြောက်ဖြစ်ပွားခဲ့သည်။
အထိအခိုက်အကျအဆုံးစာရင်းအတိအကျကို မသိရသေးကြောင်း မဟာမိတ်အင်အားစုတွင်ပါဝင်သည့် မြင်းခြံ ပကဖအဖွဲ့ဝင်တဦးကပြောသည်။

အဆိုပါတိုက်ပွဲမဖြစ်ခင်နာရီပိုင်းအလို ရေစကြိုဘက်မှလာသည့် အင်အား ၈၀ ခန့် စစ်ကောင်စီတပ်ဖွဲ့သည် ရေလယ်ကျွန်းမြောက်ဘက်ခြမ်းနှင့် မြင်းခြံဘက်မှလာသည့် အင်အား ၁၀၀ ဝန်းကျင်အဖွဲ့မှာ ရေလယ်ကျွန်းတောင်ဘက်ခြမ်းသို့ စစ်ကြောင်းများကို နှစ်ကြောင်းခွဲ၍ ဖြန့်ကြက်ထိုးခဲ့ခြင်းဖြစ်သည်။
"ကိုယ်တွေဘက်က ၄၀ မမ နဲ့ပစ်တာ ဟိုဘက်ကကောင်(စစ်ကောင်စီ) ဦးနှောက်ပွင့်ထွက်သွားတယ်။ ကျန်တဲ့အသေအပျောက်စာရင်းတော့ မသိရသေးဘူး။ လောလောဆယ် ကျွန်တော်တို့ဘက်က ခဏတပ်ဆုပ်ထားတယ်"ဟု မြင်းခြံ ပကဖအဖွဲ့ဝင်တဦးက မဇ္စျိမကို ပြောသည်။

ယမန်နေ့ အောက်တိုဘာလ ၁၂ နေ့တွင် ရေလယ်ကျွန်းဒေသသို့ စစ်ကောင်စီတပ်မှ စစ်ကြောင်းစတင်ထိုးလာသဖြင့် ဒေသကာကွယ်ရေးမဟာမိတ်တပ်ဖွဲ့များနှင့် နှစ်ဘက်ထိတွေ့ တိုက်ပွဲစတင်ဖြစ်ပွားခဲ့ရာ စစ်ကောင်စီတပ်မှ အထိအခိုက်အသေဆုံးများကြောင်း မဟာမိတ်အင်အားစုအဖွဲ့ထံမှ သိရသည်။

အမျိုးသားညီညွတ်ရေးအစိုးရ(NUG)၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန(MOHADM)ကလည်း ယခုရက်ပိုင်း မန္တလေးတိုင်း၊ မကွေးတိုင်းတို့တွင် မိုးကောင်းနိုင်၍ ရေဘေးသတိပြုရန် သတိပေးထားသည်။

စာတည်း - သန့်ဇော်(သန်လျင်)

#mizzima
#ရေစကြိုမြို့
#ရေလယ်ကျွန်းဒေသ
#စစ်ကြောင်း
#ရေဘေး

ဓာတ်ပုံ- ရေလယ်ကျွန်းဒေသရှိစစ်ဘေးရှောင်များ၊ စစ်တပ်မှမီးရှို့နေသည့်ရွာများ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​သောကြာနှင့် တနင်္ဂနွေနေ့၌ ထိုင်းအလုပ်သမား ၁၀၀ ကျော် အစ္စရေးမှ ပြန်ရောက်မည် 
==========================

ထိုင်းအလုပ်သမား ဒုတိယနှင့် တတိယအသုတ် စုစုပေါင်း ၁၁၉ ဦးသည် သောကြာနေ့နှင့် တနင်္ဂနွေနေ့၌ အစ္စရေးမှနေ၍ နိုင်ငံရင်းဆီ ပြန်ရောက်ရန် စီစဉ်ထားပြီး ပြီးခဲ့သည့် ကြာသပတေးနေ့က ပထမသုတ်အဖြစ် ၁၅ ဦး ရောက်ရှိထားသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U