အောက်တိုဘာ တတိယလပတ်အတွင်း မိုးမများနိုင်ဟု NUG ထုတ်ပြန်
====================

ရောင်နီ
(မဇ္စျိမ)။ ။ လာမည့် ရက်သတ္တပတ်အတွင်း မြန်မာနိုင်ငံဒေသအများစုတွင် မိုးရွာနိုင်သော်လည်း ရေကြီးရေလျှံနိုင်သည့် ပမာဏအထိ မိုးမများနိုင်ကြောင်း အမျိုးသားညီညွတ်ရေးအစိုးရ (NUG) ၊လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)က သတင်းထုတ်ပြန်သည်။

အောက်တိုဘာလ၏ တတိယလပတ်ဖြစ်သည့် ယနေ့ အောက်တိုဘာလ ၁၆ ရက်နေ့မှ ၂၂ ရက်နေ့အထိ မိုးလေ၀သခန့်မှန်းချက်ကို MOHADMက ထုတ်ပြန်ခြင်းဖြစ်သည်။
အဆိုပါ ရက်သတ္တပတ်အတွင်း ဘင်္ဂလားပင်လယ်အော်အနောက်အလယ်ပိုင်းတွင် လေဖိအားနည်းရပ်ဝန်းဖြစ်နိုင်ပြီး မြန်မာနိုင်ငံတောင်ပိုင်းနှင့် အောက်ပိုင်းမှတဆင့် ရှမ်းပြည်နယ်အထိ မိုးအနည်းငယ်ရွာသွန်းနိုင်သေးကြောင်း အသိပေးထားသည်။သို့သော် ပြီးခဲ့သည့် စက်တင်ဘာလဆန်းကာလက ဒေသအများစု၌ တွေ့ကြုံခဲ့သော ရေဘေးမျိုးဖြစ်စေသည်အထိ မိုးမများနိုင်ကြောင်း MOHADM က ဆိုသည်။

ပြီးခဲ့သည့် ရက်ပိုင်းက ပဲခူးတိုင်းအပါအဝင် မြန်မာနိုင်ငံအောင်ပိုင်းဒေသများနှင့် အလယ်ပိုင်းဒေသများ၌ မိုးကြီးခဲ့ပြီး ပဲခူးမြို့တွင် နှစ်ပေါင်း ၅၉ နှစ်အတွင်း အဆိုးဝါးဆုံး ရေဘေး ကြုံတွေ့ခဲ့သည်။
ရန်ကုန်တိုင်း၊ မွန်ပြည်နယ်၊ ကရင်ပြည်နယ်မှ မြို့နယ်အချို့တွင် ရေကြီးရေလျှံမှုဖြစ်ပေါ်ခဲ့ကာ ပြည်သူသောင်းနှင့်ချီ ရေဘေးသင့်ခဲ့သည်။ ထို့အပြင် မန္တလေးတိုင်း၊ စစ်ကိုင်းတိုင်းတို့တွင် နေရာကွက်၍ မိုးကြီးခဲ့သည်။ မတ္တရာမြို့၌ ဆည်တော်ကြီးဆည်ရေလျှံပြီး ဒေသခံ ၃၀,၀၀၀ ကျော် ရေဘေးသင့်ခဲ့သည်။ ကနီမြို့တွင် တောင်ကျရေကြောင့် ရွာချင်းဆက်တံတားအချို့ ပျက်စီးခဲ့သည်။

လက်ရှိအချိန်တွင် ဒေသအများစု ရေပြန်ကျသွားပြီဖြစ်သော်လည်း ပြန်လည်ထူထောင်ရေးလုပ်ငန်းများ လုပ်ဆောင်နေကြရဆဲဖြစ်ကြောင်း ရေဘေးသင့်ဒေသမှပြည်သူများကပြောသည်။

စာတည်း - အေးချမ်း

#mizzima
#လေဖိအားနည်းရပ်ဝန်း
#ရေဘေးအန္တရာယ်လျော့ကျ
#NUG
#MOHADM

ပုံအညွှန်း - ရန်ကုန်တိုင်း လှည်းကူးမြို့နယ် မလစ်အနောက်ကျေးရွာရှိ ရေဘေးသင့်ပြည်သူများအား ထောက်ပံ့ကူညီမှုပြုလုပ်နေစဥ် ။ (ပုံ - Hlegu Information Centre )

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အောက်တိုဘာလ (၁၆)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
01:01 - NCA သဘောတူညီချက် လုံးဝမရှိတော့ဘဲ ...
https://www.youtube.com/watch?v=9d4ZAATSnLs

​​Mizzima needs your support! 

မဇ္ဈိမသတင်းများ ဆက်လက်တင်ဆက်နိုင်ဖို့ သင့်ရဲ့ ပံ့ပိုးမှုလိုအပ်နေပါတယ်.

ဖော်ပြပါလင့်တွင် မဇ္ဈိမကိုကူညီပံ့ပိုးမှု စတင်လိုက်ပါ 
👉 https://bit.ly/2VhJ12U 

For more information- https://donate.mizzima.com/mm/ 

#supportmizzima

​​ရွှေဘိုမြို့နယ်တွင် လက်နက်ကြီးကျည်ကျရောက်ပေါက်ကွဲကာ ဒေသခံ သေဆုံး
===============

MTO

(မဇ္ဈိမ)။   ။ စစ်ကိုင်းတိုင်း၊ ရွှေဘိုမြို့နယ်၊ရင်းဘာရွာတွင် အောက်တိုဘာလ ၁၅ ရက်နေ့က လက်နက်ကြီးကျည် ကျရောက်ပေါက်ကွဲသဖြင့် ဒေသခံတဦး သေဆုံးသွားသည်ဟု ဒေသခံထံက သိရသည်။

“မြို့မြောက်ဘက်ကိုပစ်တာ ရင်းဘာရွာကအသက် ၁၈နှစ်အရွယ် အမျိုးသားတဦး သေဆုံးသွားတယ်။ အဲ့နောက် ၃ နာရီခွဲလောက်မှာ နောက်ထပ်တကြိမ် အနောက် ဘက်ကိုပစ်တာ ရွာသစ်ရွာက ပြည်သူနှစ်ဦး အသေးစား ထိခိုက်မှုတွေ ရှိခဲ့တယ်” ဟု Wetlet Information Network မှ တာဝန်ရှိသူက ပြောသည်။

စစ်ကောင်စီတပ်ဖွဲ့သည် အင်အား ၁၀၀ဖြင့်အောက်တိုဘာလ ၁၂ ရက်နေ့ မှစတင်ကာ စစ်ကြောင်းထိုးလာပြီးနောက် အောက်တိုဘာလ ၁၅ ရက်နေ့တွင် ရွှေဘိုမြို့အဝင် တောင်ဘက်မုဒ်ဦးတွင် ၁၂၀ မမ လက်နက်ကြီး အထိုင်ချကာ မြောက်ဘက်နှင့် အနောက်ဘက်တို့သို့ ပစ်ခတ်ခဲ့ခြင်းဖြစ်သည်ဟု ၎င်းကပြောသည်။

ရွှေဘိုမြို့ အမှတ်(၈)လေ့ကျင့်ရေး သင်တန်းကျောင်းမှ လက်နက်ကြီးပစ်ခတ်မှုများ မကြာခဏ ရှိခဲ့သော်လည်း ယခုကဲ့သို့ ၁၂၀ မမ လက်နက်ကြီးအသုံးပြု ပစ်ခတ်ခြင်းသည် ပထမဆုံးအကြိမ် ဖြစ်ကြောင်း ဒေသခံများက ဆိုသည်။

လက်နက်ကြီးဖြင့် ပစ်ခတ်ခဲ့သည့် စစ်ကြောင်းသည်ဝက်လက်မြို့နယ် မောက်ကြိုးကျေးရွာကိုလည်း ဝင်ရောက်မီးရှို့ခဲ့ကြောင်း Wetlet Information Network မှ တာဝန်ရှိသူထံက သိရသည်။

စစ်ကောင်စီတပ် စစ်ကြောင်းများသည် ယခုရက်ပိုင်းအတွင်း စစ်ကိုင်းတိုင်းအတွင်းရှိ ရွှေဘို ၊ ဝက်လက် ၊ ပုလဲ ၊ ခင်ဦး ၊ ယင်းမာပင် စသည့် မြို့နယ်များအတွင်း အင်အားအလုံးအရင်းဖြင့် စစ်ကြောင်းထိုးနေသည်ဟု ဒေသခံထံက သိရသည်။

စာတည်း။  ။ ဖူးသိမ်ကျ

#စစ်ကိုင်းတိုင်း
#ရွှေဘိုမြို့နယ်
#စစ်ကောင်စီတပ်
#လက်နက်ကြီးပစ်ခတ်မှု

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ပဲခူးမြို့အတွင်း စံချိန်တင် ရေကြီးမှုကြောင့် လယ်မြေဧက ထောင်သောင်းချီ ပျက်စီး |Business Roundup(16.10.2023)
===============

- ဒေါ်လာ ငွေလွှဲပြန်ပို့တဲ့ ပြည်ပရောက်မြန်မာအလုပ်သမားများအား စစ်ကောင်စီက EV တင်သွင်းခွင့်ပြု

- တရုတ်ရဲ့ အကြီးဆုံးစီမံကိန်းဖြစ်တဲ့ ကျောက်ဖြူ စီမံကိန်းကို အမြန်အကောင်အထည်ဖော်ဖို့ စစ်ခေါင်းဆောင်ညွှန်ကြား

- စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်‌ရေးကော်မတီကို ပြန်လည်ပြင်ဆင်ဖွဲ့စည်း 

- ပဲခူးမြို့အတွင်း စံချိန်တင် ရေကြီးမှုကြောင့် လယ်မြေဧက ထောင်သောင်းချီ ပျက်စီး

https://youtu.be/uLqgRpxBOvk?si=_W1qJocMMKCRmztK
 
#BusinessRoundUp
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အောက်တိုဘာ တတိယလပတ်အတွင်း မိုးမများနိုင်ဟု NUG ထုတ်ပြန်
လာမည့် ရက်သတ္တပတ်အတွင်း မြန်မာနိုင်ငံဒေသအများစုတွင် မိုးရွာနိုင်သော်လည်း ရေကြီးရေလျှံနိုင်သည့် ပမာဏအထိ မ...
https://ift.tt/Eow1VqR

ပဲခူးမြို့အတွင်းစံချိန်တင်ရေကြီးမှုကြောင့်လယ်မြေဧကထောင်သောင်းချီပျက်စီး|Business Roundup(16.10.2023)
- ဒေါ်လာ ငွေလွှဲပြန်ပို့တဲ့ ပြည်ပရောက်မြန်မာအလုပ်သမားများအား စစ်ကောင်စီက EV တင်သွင်းခွင့်ပြု- တရုတ်ရဲ့ အကြီး...
https://l.facebook.com/l.php?u=https%3A%2F%2Fyoutu.be%2FuLqgRpxBOvk&h=AT0Bcfr5Avd4r7bg_VrogMo1wC1HjpAn_qo4kleM9Pl3eWpFVUzefPLoMPR615AkMYouozgH4rDSnZKdx9vxAaKhxzya5sWJElFoJLYb35KaywZcpUbJaKr1Hu4wstVc&s=1

ပဲခူးမြို့အတွင်းစံချိန်တင်ရေကြီးမှုကြောင့်လယ်မြေဧကထောင်သောင်းချီပျက်စီး|Business Roundup(16.10.2023)
ဒေါ်လာ ငွေလွှဲပြန်ပို့တဲ့ ပြည်ပရောက်မြန်မာအလုပ်သမားများအား ...
https://www.youtube.com/watch?v=uLqgRpxBOvk

အိုလံပစ်အီးစပေါ့အားကစားပြိုင်ပွဲတွေပြုလုပ်ဖို့လေ့လာနေကြောင်း IOC ပြော

https://www.youtube.com/watch?v=YQICMGGHCE4

Myanmar military marks rebel ceasefire despite rebel clashes
Myanmar's military marks the anniversary of a landmark 2015 peace deal with ethnic rebel groups that its critics say is now ...
https://www.youtube.com/watch?v=-iLCzQsAg0U

​​အကျင့်ပျက်ခြစားမှု စုံစမ်းစစ်ဆေးရေးအပြီး တရုတ်ဘောလုံးအဖွဲ့ချုပ်ဥက္ကဋ္ဌသစ်ကို ရွေးကောက်တင်မြှောက်
====================

By PKThawn
အားကစားလောကမှာ တရုတ်နိုင်ငံရဲ့ ထင်ရှားတဲ့ ပုဂ္ဂိုလ်တချို့ကို ရှင်းလင်းဖယ်ရှားခဲ့တဲ့ အကျင့်ပျက်ခြစားမှု စုံစမ်းစစ်ဆေးရေးအပြီးမှာ နိုင်ငံ့ဘာလုံးအဖွဲ့အချုပ်အတွက် ထိပ်တန်းခေါင်းဆောင်သစ်တစ်ဦးကို တနင်္လာနေ့မှာ ထုတ်ပြန်ကြေညာလိုက်ကြောင်း နိုင်ငံပိုင်မီဒီယာက ဖော်ပြခဲ့ပါတယ်။

ယခင် လျောင်နင်းပြည်နယ် အားကစားဗျူရိုရဲ့ ဆောင်းကိုင်းဟာ CFA ဥက္ကဋ္ဌသစ် ဖြစ်လာမှာဖြစ်ကြောင်း People's Daily သတင်းစာရဲ့ သတင်းတိုလေးမှာ ဖော်ပြထားပါတယ်။
CFA ဟာ ဘေဂျင်းမှာ အလားတူအစည်းအဝေးမှာ အမှုဆောင်ကော်မတီအသစ်ကိုလည်း ရွေးချယ်ခဲ့ပါတယ်။

ဆောင်းရဲ့ ရှေ့က ချန်ဇူယွမ်ဟာ စက်တင်ဘာလက "လာဘ်ငွေလက်ခံခြင်း" ဖြင့် တရားဝင် စွဲချက်တင်ခံခဲ့ရပါတယ်။
ချန်ရဲ့ စုံစမ်းစစ်ဆေးမှုတစ်ရပ်ကို အစိုးရအားကစားအေဂျင်စီက ဖေဖော်ဝါရီလက ထုတ်ပြန်ကြေညာခဲ့ပါတယ်။ သူ့ကို "စည်းကမ်းနဲ့ ဥပဒေကို ပြင်းထန်စွာချိုးဖောက်ခြင်း"ဖြစ်တယ်လို့ စွပ်စွဲခဲ့တာပါ။
လက်ရွေးစင်နည်းပြဟောင်း လီတိုင်ဟာ သြဂုတ်လက အကျင့်ပျက်ခြစားမှုဖြင့် တရားစွဲဆိုခံခဲ့ရပါတယ်။

အဂတိလိုက်စားမှုစွပ်စွဲမှုတွေကို တိုက်ဖျက်ခြင်းဟာ တရုတ်သမ္မတ ရှီကျင့်ဖျင်ရဲ့ အုပ်ချုပ်မှု ဗဟိုချက်ဖြစ်သည်မှာ ကြာမြင့်ပြီဖြစ်ပြီး ဒါက နိုင်ငံရေးပြိုင်ဘက်တွေကို သုတ်သင်ရှင်းလင်းဖို့ သူ့ကို အကူအညီပေးတယ်လို့ ဝေဖန်သူတွေက ပြောဆိုတဲ့ တရုတ်ခေါင်းဆောင် တက်လာပြီးနောက်ပိုင်း လှုံ့ဆော်မှုတွေမှာ ဒါကို ကျယ်ကျယ်ပြန့်ပြန့် လုပ်ဆောင်လာပါတယ်။

ရှီဟာ သူ့ကိုယ်သူ ဘောလုံးပရိသတ်တစ်ဦးအဖြစ် ဖော်ပြခဲ့ပြီး တစ်နေ့ တရုတ်နိုင်ငံမှာ ကမ္ဘာ့ဖလားကိုအိမ်ရှင်အဖြစ် လက်ခံကျင်းပပြီး ဖလားဆွတ်ခူးဖို့ သူ အိပ်မက်မက်ကြောင်း ပြောပါတယ်။
ဒါပေမယ့် တရုတ်နိုင်ငံရဲ့ ထိပ်တန်းလိဂ်က ကလပ်အသင်းတွေဟာ နိုင်ငံခြားကြယ်ပွင့်ကစားသမားတွေကို မတန်တဆ အခကြေးငွေနဲ့ ခေါ်ယူခဲ့ချိန် အရှိန်အဟုန်မြင့်တဲ့ ကာလကို ဖြတ်သန်းပြီးနောက် ချန်ပီယံဟောင်း Jiangsu FC အပါအဝင် အသင်းတော်တော်များများ အခက်တွေ့နေကြရပါတယ်။

CFA ဟာ "ပိုမိုစည်းလုံးညီညွတ်ပြီး၊ ပိုကြိုးစားကာ၊ ပိုမိုပွင့်လင်း၊ သန့်စင်ပြီး ရဲရင့်လာမယ်"လို့ ဆောင်းက တနင်္လာနေ့အစည်းအဝေးမှာ ပြောဆိုကြောင်း တရုတ်မီဒီယာအရ သိရပါတယ်။
"ဒါဟာ တရုတ်နိုင်ငံရဲ့ ဘောလုံးပြုပြင်ပြောင်းလဲမှုနဲ့ ဖွံ့ဖြိုးတိုးတက်မှုကို အဆင့်တဆင့်ပြီးတဆင့် အသစ်သော အတန်းတခုဆီကို တွန်းပို့လိမ့်မယ်"လို့ သူ ပြောဆိုတာကို ကိုးကားဖော်ပြခဲ့ပါတယ်။

(AFP)

#chinesefootballassociation #Corruption #အကျင့်ပျက်ခြစားမှု

​​ကုလသမဂ္ဂ ဒုက္ခသည်များဆိုင်ရာ မဟာမင်းကြီး ထိုင်းနိုင်ငံကို သွားရောက်
=======================

ကုလသမဂ္ဂ ဒုက္ခသည်များဆိုင်ရာ မဟာမင်းကြီး မစ္စတာ ဖိလစ်ပို ဂရန်ဒီ သည် အောက်တိုဘာ ၁၅ ရက်မှ ၁၇ ရက်အထိ ထိုင်းနိုင်ငံသို့ ခရီးစဉ် လာရောက်ရန် စီစဉ်ထားသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​စစ်ကောင်စီတပ်ရှိရာ နေရာ ၃ ခုကို ကာကွယ်ရေးတပ်ဖွဲ့က ဒရုန်းဖြင့် ဗုံးသီးချတိုက်ခိုက်
=====================

ပါခွီး
(မဇ္စျိမ) ။ ။ စစ်ကိုင်းတိုင်း၊ စစ်ကိုင်းမြို့နယ်၊ အရာတော်မြို့နယ်နှင့် မြင်းမူမြို့နယ်တို့မှ စစ်ကောင်စီတပ်ဖွဲ့ရှိရာ နေရာသုံးခုကို ကာကွယ်ရေးပူးပေါင်းတပ်ဖွဲ့က ဒရုန်းဖြင့် ဗုံးသီးချတိုက်ခိုက်ခဲ့ကြောင်း ကာကွယ်ရေးတပ်ဖွဲ့တာဝန်ရှိသူထံက သိရသည်။

“စစ်ကြောင်းထွက်လာတယ်သိရလို့ နယ်မြေခံအဖွဲ့နဲ့ လုပ်ငန်းလုပ်ခဲ့တာပါ ။ စစ်ကြောင်း လှုပ်ရှားမှု ကြားကို ချခဲ့တာဆိုတော့ ထိရောက်မှုတော့ ရှိဖို့သေချာပါတယ်” ဟု စစ်ကိုင်းခရိုင်အမှတ် (၂) ပြည်သူ့ကာကွယ်ရေးတပ်မတော် တပ်ရင်းတာဝန်ခံ Riley က မဇ္စျိမကိုပြောသည်။

အောက်တိုဘာလ ၁၄ရက် နေ့လယ်ပိုင်းအချိန်ကအရာတော်မြို့နယ် လေ့ကျင့်ရေး(၁၀)မှ ထွက်လာ‌သော အင်အား ၅၀ကျော်ပါသည့် စစ်ကောင်စီတပ်ဖွဲ့ကို ဝါးရောင်းနှင့် ကျောက်ပြောက် ကျေးရွာအကြားတွင် ဒရုန်းဖြင့် ဗုံးသီးချတိုက်ခိုက်ခဲ့ခြင်းဖြစ်သည်ဟု ဆိုသည်။
အဆိုပါ တိုက်ခိုက်မှုအတွင်း စစ်ကောင်စီတပ်ဖွဲ့ဘက်မှ ထိခိုက်သေဆုံးမှုကို အတည်ပြုနိုင်ရန် စုံစမ်းနေဆဲဖြစ်ကြောင်း ဆိုသည်။
ထိုတိုက်ခိုက်မှုကို စစ်ကိုင်းခရိုင်တပ်ရင်း(၂)က ဦးဆောင်၍ Ghost Team Ranger Myinmu (GTR MMU) ၊MMDF ၊ မြင်းခြံခရိုင်တပ်ရင်း(၆) နှင့် မုံရွာခရိုင် အထူးကွန် မန်ဒိုတို့က ပူးပေါင်းတိုက်ခိုက်ခဲ့ခြင်းဖြစ်ကြောင်း သိရသည်။

ထို့အတူ အောက်တိုဘာလ ၁၅ရက်နေ့က စစ်ကိုင်းမြို့နယ်၊ မာလဲတောကျေးရွာ ရွာလယ်ဘုန်းကြီးကျောင်းနှင့် စာသင်ကျောင်းတို့တွင် တပ်စွဲထားသည့် ပျူစောထီးဆိုသူများနှင့် စစ်ကောင်စီတပ်ဖွဲ့ကို ဒရုန်းဖြင့် ဗုံးသီးကြဲချ တိုက်ခိုက်ခဲ့ကြောင်း သိရသည်။

မာလဲတောရွာတွင် ပျူစောထီးဆိုသူများအားစစ်သင်တန်းပေးခြင်း ဆောင်ရွက်နေသည့်အတွက် ရွာခံများ နေရပ်မှ စွန့်ခွါသွားကြသည်ဟု ဒေသခံထံက သိရသည်။

အဆိုပါ ဗုံးသီးချ တိုက်ခိုက်မှုကို စစ်ကိုင်းခရိုင်တပ်ရင်း(၂) တပ်ခွဲ(၁)နှင့်အတူ စစ်ကိုင်းမြို့နယ် ပြည်သူ့ကာကွယ်ရေးတပ်ဖွဲ့တို့က ပူးပေါင်းတိုက်ခိုက်ခြင်းဖြစ်သည်ဟု သိရသည်။

ထို့အပြင် အောက်တိုဘာလ ၁၅ရက် ညနေ ၃နာရီ အချိန်တွင် မြင်းမူမြို့နယ် ၊ ဘိုးမင်းကြီးကင်း ကျေးရွာအနီး မြောင်လမ်းခွဲရှိ စစ်ကောင်စီတပ်ဖွဲ့ အထိုင်စခန်းကို ဒရုန်းဖြင့် ဗုံးသီး ခြောက်လုံးချ၍ တိုက်ခိုက်မှုပြုလုပ်ခဲ့သည်ဟု ကာကွယ်ရေးတပ်ဖွဲ့ တာဝန်ရှိသူက ပြောသည်။

“မြောင်လမ်းခွဲဖြစ်စဥ်မှာ စကစ(စစ်ကောင်စီတပ်သား)ဘက်က ၁၀ဦးထိခိုက်ဒဏ်ရာ ရတယ်။ အဲဒီအထဲက နှစ်ဦးကတော့ စိုးရိမ်ရတယ်၊ သေချာစီစစ်ရရှိခဲ့ပါတယ်” ဟု စစ်ကိုင်းခရိုင်တပ်ရင်း(၂) တပ်ရင်းတာဝန်ခံ Riley က ပြောသည်။

ယင်းတိုက်ခိုက်မှုတွင် လက်နက်ကြီး လက်နက်ငယ်များဖြင့် အပြန်အလှန်ပစ်ခတ်မှု ဖြစ်ပွားခဲ့သော်လည်း ကာကွယ်ရေး ပူးပေါင်းတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။

အဆိုပါတိုက်ခိုက်မှုကို စစ်ကိုင်းခရိုင် တပ်ရင်း(၂) ၊ Ghost Team Ranger Myinmu (GTR MMU) ၊ Black Eagle Defence Force ၊ မြင်းမူမြို့နယ် ပြည်သူ့လုံ ခြုံရေးအဖွဲ့(ပလဖ) တို့က ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။

စာတည်း ။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#စစ်ကိုင်းတိုင်း
#စစ်ကောင်စီတပ်ဖွဲ့
#‌ဗုံးသီးချတိုက်ခိုက်မှု

ပုံအညွှန်း-စစ်ကိုင်းခရိုင် အမှတ်(၂) တပ်ရင်း ပြည်သူ့ကာကွယ်ရေးတပ်ဖွဲ့ဝင်များ။(ဓါတ်ပုံ - စစ်ကိုင်းခရိုင်အမှတ်(၂)တပ်ရင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကုလသမဂ္ဂ ဒုက္ခသည်များဆိုင်ရာ မဟာမင်းကြီး ထိုင်းနိုင်ငံကို သွားရောက်
ကုလသမဂ္ဂ ဒုက္ခသည်များဆိုင်ရာ မဟာမင်းကြီး မစ္စတာ ဖိလစ်ပို ဂရန်ဒီ သည် အောက်တိုဘာ ၁၅ ရက်မှ ၁၇ ရက်အထိ ထိုင်းနိုင...
https://ift.tt/8CHJRuU

အောက်တိုဘာလ (၁၆)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
00:57 - မြန်မာအရေး ICC ကိုလွှဲပြောင်းဖို့ ကုလမဟာမင်းကြီးရဲ့ အစီရင်ခံစာကို စစ်ကောင်စီ ပယ်ချတဲ့သတင်း02:20 - ပြင်ဦးလွင်.....
https://l.facebook.com/l.php?u=https%3A%2F%2Fyoutu.be%2FePq1LuHHxL0&h=AT1bFzjAhFMocSt4WDzbDxy0D4FgCmevZnk41h5KcRuUjofEUCPIRsb1xDaswBqSzSRlO4-FgiUVwOgFcqSWXgdki2PInC9LkIm4wIafsOI6eP6wlw969MhbWVzBRtUz&s=1

Oct - 16 [4 Pm] Mizzima News Hour
Oct - 16 [4 Pm] Mizzima News Hour Mizzima Headline News #4pmnews #mizzimanewshour #reels #shorts ...
https://www.youtube.com/watch?v=WsH9Eu-DS7Y

အောက်တိုဘာလ (၁၆)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
00:57 - မြန်မာအရေး ICC ကိုလွှဲပြောင်းဖို့ ကုလမဟာမင်းကြီးရဲ့ ...
https://www.youtube.com/watch?v=ePq1LuHHxL0

အစ္စရေးနဲ့ဂါဇာတိုက်ခိုက်မှုတွေက ကမ္ဘာနိုင်ငံတွေကြားမှာ အနောက်အုပ်စုနဲ့ သွေးကွဲစေခဲ့
အစ္စရေးနဲ့ဂါဇာတိုက်ခိုက်မှုတွေက ကမ္ဘာနိုင်ငံတွေကြားမှာ ...
https://www.youtube.com/watch?v=4pYdLuQl0lY

ခင်ဦးမြို့နယ်မှာ စစ်ကြောင်းထိုးနေလို့ ဒေသခံ ၁ဝ,ဝဝဝ ကျော် တိမ်းရှောင်နေရ
KMN (မဇ္ဈိမ)။ ။စစ်ကိုင်တိုင်း၊ ရွှေဘိုမြို့နယ် ...
https://www.youtube.com/watch?v=ql2btEzo3nA

ဒေါ်လာ ငွေလွှဲပြန်ပို့တဲ့ ပြည်ပရောက်မြန်မာအလုပ်သမားများအား စစ်ကောင်စီက EV တင်သွင်းခွင့်ပြု
ဒေါ်လာ ငွေလွှဲပြန်ပို့တဲ့ ပြည်ပရောက်မြန်မာအလုပ်သမားများအား ...
https://www.youtube.com/watch?v=dGmr3F_rpjA