Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​နွားထိုးကြီး-မြင်းခြံလမ်းတွင် စစ်ကောင်စီတပ်ဖွဲ့ ကားမိုင်းဆွဲခံရ၍ ၂ ဦးသေဆုံး
======================

ဓါတု
(မဇ္ဈိမ)။ ။ မန္တလေးတိုင်း၊ နွားထိုးကြီးမြို့နယ် တွင် စစ်ကောင်စီတပ်ဖွဲ့ဝင်များ လိုက်ပါလာသောကားကို မိုင်းဆွဲတိုက်ခိုက်ရာ နှစ်ဦးသေဆုံးသည်ဟု မဟာမိတ်ညီနောင်အဖွဲ့က ယနေ့အောက်တိုဘာလ ၁၆ ရက်တွင် သတင်းထုတ်ပြန်သည်။

"လေးလုံးတွဲပဒေသာမိုင်းပါ။ နှစ်ယောက်သေတယ်လို့ ဖရဲသီးသတင်းပေးချက်အရ သိထားတယ်။ မိုင်းဆွဲတဲ့အချိန်က သူတို့ကဘက်ကလမ်းတလျှောက် ပစ်ခတ်တာရှိပေမယ့် ကျွန်တော်တို့ဘက်က အထိအခိုက်မရှိပါဘူး"ဟု Myingyan Black Tiger(MBT)တပ်ဖွဲ့ခေါင်းဆောင် ဗိုလ်မိုက်ခဲက မဇ္စျိမကိုပြောသည်။

နွားထိုးကြီးမြို့မှ မြင်းခြံမြို့သို့ ပြန်လာသည့် စစ်ကောင်စီတပ်ဖွဲ့ အင်အား ၃၀ ဝန်းကျင်လိုက်ပါလာသော 4-Wheelကား အမျိုးအစား ယာဥ်နှစ်စီးအား ယမန်နေ့ အောက်တိုဘာလ ၁၅ ရက် ည ၈ နာရီအချိန်ခန့်တွင် ကံရွာအနောက်ဘက်လမ်း၌ Myingyan Black Tiger (MBT)၊MDY-PDF -ခရိုင်တပ်ရင်း(၃) နှင့် Natogyi Regional Defence Force တို့က မိုင်းဆွဲတိုက်ခိုက်ခဲ့ခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။

လက်ရှိတွင် မိုင်းဆွဲတိုက်ခိုက်သည့်နေရာနှင့် အနီးတဝိုက်တွင် စစ်ကောင်စီတပ်ဖွဲ့ဝင် အင်အား ၇၀ ခန့် ရောက်ရှိနေသဖြင့် ညီနောင်ရဲဘော်များတိမ်းရှောင်နေရကြောင်း ဗိုလ်မိုက်ခဲ၏အဆိုအရ သိရသည်။

စာတည်း ။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#မန္တလေးတိုင်း
#နွားထိုးကြီးမြို့နယ်
#စစ်ကောင်စီတပ်
#မိုင်းဆွဲတိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👏12👍6😁1🥱1
အနန့်ပါဒေသကို လေကြောင်းဖြင့် ဗုံးကြဲတိုက်ခိုက်ပြန်
🤬16👍3❤1🔥1😁1
အနန့်ပါဒေသကို လေကြောင်းဖြင့် ဗုံးကြဲတိုက်ခိုက်ပြန်
===================

မဇ္ဈိမ။ ။ ကချင်ပြည်နယ်၊ KIA တပ်မဟာ (၉)နယ်မြေဖြစ်သည့် ကံဆီးဒေသ(အနန့်ပါဒေသ)ကို စစ်ကောင်စီတပ်က ယနေ့ အောက်တိုဘာလ ၁၆ ရက် ညနေပိုင်းအချိန်တွင် ဂျက်ဖိုက်တာ နှစ်စီးဖြင့် လေကြောင်းဗုံးကြဲတိုက်ခိုက်သည့်အတွက် ထိခိုက်သေဆုံးမှုရှိသည်ဟု ကချင်ဒေသတွင်း သတင်းရင်းမြစ်များက ဆိုသည်။

"လေယာဥ်နှစ်စီးနဲ့ လာပစ်သွားတာတော့ ဟုတ်ပါတယ်။ အသေးစိတ်အခြေအနေကို ကျနော်တို့လည်း မေးနေတုန်းပဲ။ ထိခိုက်သေဆုံးမှု ရှိတယ်လို့တော့ ပြောလာတယ်"ဟု ကေအိုင်အေတပ်မဟာ(၉)နှင့် နီးစပ်သည့် သတင်းရင်းမြစ်က ပြောသည်။
တိုက်ခိုက်မှုဖြစ်စဥ်နှင့် ထိခိုက်သေဆုံးမှုအခြေအနေအသေးစိတ်ကို မဇ္ဈိမ၏မြေပြင်သတင်းအဖွဲ့က ဆက်သွယ်စုံစမ်းနေဆဲဖြစ်သည်။
ကချင်လွတ်မြောက်ရေးတပ်မတော် KIA တပ်မဟာ (၉) ထိန်းချုပ်ရာ အနန့်ပါဒေသကို ပြီးခဲ့သည့် ၂၀၂၂ခုနှစ် အောက်တိုဘာလ ၂၃ရက် ညပိုင်းအချိန်တွင် စစ်ကောင်စီတပ်က လေယာဥ်ဖြင့် လာရောက်ပစ်ခတ်ဗုံးကြဲခဲ့ရာ အရပ်သားပြည်သူ သုံးဆယ်ကျော် သေဆုံးသည့်ဖြစ်ရပ် ဖြစ်ပွါးခဲ့သေးသည်။

စာတည်း ။ ။ ဖူးသိမ်ကျ

#ကချင်ပြည်နယ်
#KIA
#စစ်ကောင်စီတပ်
#လေကြောင်းတိုက်ခိုက်

ပုံအညွှန်း-စစ်ကောင်စီတပ်က အနန့်ပါဒေသကိုပထမအကြိမ် လေကြောင်းဖြင့် ဗုံးကြဲတိုက်ခိုက်စဉ်က ပျက်ဆီးသွားသည့်နေရာ။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬15👍7❤3😢2🔥1
National Unity Government (NUG)၏ PVTV Channel မှ ၂၀၂၃ ခုနှစ် အောက်တိုဘာလ ၁၆ ရက်ထုတ်လွှင့်မှုများ
National Unity Government (NUG)၏ PVTV Channel မှ ၂၀၂၃ ခုနှစ် အောက်တိုဘာလ ၁၆ ရက်ထုတ်လွှင့်မှုများ #PVTV #MizzimaTV -----------------------------------------မဇ...
https://l.facebook.com/l.php?u=https%3A%2F%2Fyoutu.be%2FSPaeiq3U-bA&h=AT0uIPNSxDFQTE1BTfBOzGi8BoOOn2Zv1aAMhDZgjfZbwbOQv8uVFAk_Nx5hgkPxAjVYlL3PFP5BwCIC8mUSb0dzIuDAOfL4YK920cbuY61W3Di40XWzrF3yNJEaLMrK&s=1
👍3❤1🤮1
ယူရို-၂၀၂၄ ခြေစစ်ပွဲစဉ်များ ရလဒ်
===========

ဘော့စနီးယား ဝ-၅ ပေါ်တူဂီ
ရော်နယ်လ်ဒို ၅'(P)၊ ၂၀'
ဘရူနို ဖာနန်ဒက်စ် ၂၅'
ကန်ဆယ်လို ၃၂'
ယာအို ဖဲလစ်ခ် ၄၁'

ဘယ်လ်ဂျီယံ ၁-၁ ဆွီဒင် (ပွဲရွှေ့ဆိုင်း)*
လူကာကူ ၃၁(P) | Gyokeres ၁၅'

ဂရိ ဝ-၁ နယ်သာလန်
ဗန်ဒိုက် ၉၀+၃(P)

လူဇင်ဘတ် ဝ-၁ ဆလိုဗက်ကီးယား
အိုက်စလန် ၄-၀ လစ်ချ်တင်စတိန်း
ဂျီဘရော်လ်တာ ဝ-၄ အိုင်ယာလန်
အဇာဘိုင်ဂျန် ဝ-၁ သြစတြီးယား

*ဘရပ်ဆဲလ်ရှိ တခြားနေရာမှာ ဆွီဒင်နိုင်ငံသားနှစ်ဦး သေဆုံးခဲ့ရတဲ့ သေနတ်သမားတစ်ဦးရဲ့ အကြမ်းဖက်တိုက်ခိုက်မှုကြောင့် ဘယ်လ်ဂျီယံနှင့် ဆွီဒင်ပွဲစဉ်ကို ပထမပိုင်းအပြီးမှာပဲ ပွဲရွှေ့ဆိုင်းခဲ့ရပါတယ်။

Photos: EPA/X(Twitter)
👍9