ကမ္ဘောဒီးယားမှာ တရုတ်ချေးငွေနဲ့ဆောက်လုပ်ထားတဲ့ လေဆိပ်စတင်လည်ပတ်
ကမ္ဘောဒီးယားမှာ တရုတ်ချေးငွေနဲ့ဆောက်လုပ်ထားတဲ့ ...
https://www.youtube.com/watch?v=ipGh6s0u-mI

အာရပ်ခရီးစဉ်အပြီး ပဋိပက္ခဆိုင်ရာဆွေးနွေးပွဲအတွက် အစ္စရေးကို ဘလင်ကင်ပြန်ရောက်
အာရပ်ခရီးစဉ်အပြီး ပဋိပက္ခဆိုင်ရာဆွေးနွေးပွဲအတွက် အစ္စရေးကို ...
https://www.youtube.com/watch?v=bzUrhODlLmo

ခါးပတ်လမ်းဖိုရမ်အတွက် ကမ္ဘာ့ခေါင်းဆောင်တွေ တရုတ်နိုင်ငံသို့ရောက်ရှိ
ခါးပတ်လမ်းဖိုရမ်အတွက် ကမ္ဘာ့ခေါင်းဆောင်တွေ ...
https://www.youtube.com/watch?v=rIjkZzHcjZM

Oct - 17 [12 Pm] Mizzima News Hour
Oct - 17 [12 Pm] Mizzima News Hour Mizzima Headline News #12pmnews #mizzimanewshour #reels #shorts ...
https://www.youtube.com/watch?v=H8Ai4Ec8nRU

NCA အခမ်းအနားတက်ရောက်တဲ့ ABSDF တပ်ဖွဲ့ဝင် ၃ ဦးကို နိုင်ငံရေးနဲ့ စစ်ဘက်ဆိုင်ရာ တာဝန်များ ရုပ်သိမ်း
Watch more detail - https://youtu.be/ed9VrzlCRrk #reels #shorts #politicalnews ----------------------------------------- မဇ္ဈိမကို ...
https://www.youtube.com/watch?v=FPBO-82ojt8

စစ်ကောင်စီက ကြီးမားပြင်းထန်တဲ့ ဗုံး အကြီးစားအသုံးပြုကာ လေကြောင်းမှ တိုက်ခိုက်ခဲ့ကြောင်း AI ထုတ်ပြန်
စစ်ကောင်စီက ကချင်စစ်ဘေးရှောင်စခန်းကို ကြီးမားပြင်းထန်တဲ့ ...
https://www.youtube.com/watch?v=SBZUQUONM48

တရုတ်အထူးကိုယ်စားလှယ်နဲ့ စစ်ခေါင်းဆောင်တို့တွေ့ဆုံကာ နယ်စပ်ဒေသအရေးဆွေးနွေး
Watch more detail - https://youtu.be/4A8UvAXbMik #reels #shorts #politicalnews ...
https://www.youtube.com/watch?v=50FAoPdypZY

​​အိန္ဒိယက မြန်မာ့အရေးတွင် ရည်ရွယ်ချက်အကောင်းကို လမ်းကြောင်းအမှားနဲ့ ချဥ်းကပ်နေဟုဆို
=================

ပါခွီး
(မဇ္စျိမ) ။ ။ အိန္ဒိယနိုင်ငံအနေဖြင့် မြန်မာနိုင်ငံ၏ငြိမ်းချမ်းရေးဖြစ်စဥ်၌ ပါဝင်လုပ်ဆောင်ရာတွင် ရည်ရွယ်ချက်ကောင်းသော်လည်း လမ်းကြောင်းအမှားဖြင့် ချဥ်းကပ်နေခြင်းဖြစ်ကြောင်း India for Myanmar လှုပ်ရှားမှုဦးဆောင်သူက သုံးသပ်ပြောဆိုလိုက်သည်။
တနိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA) ရှစ်နှစ်မြောက် အခမ်းအနားသို့ တက်ရောက်ရန် မြန်မာနိုင်ငံသို့ ရောက်ရှိနေသော အိန္ဒိယနိုင်ငံ ၊ ဒုတိယ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် H.E, Mr. Vikram Misri ဦးဆောင်သော ကိုယ်စားလှယ်အဖွဲ့နှင့် စစ်ခေါင်းဆောင် မင်းအောင်လှိုင် အဖွဲ့တို့ တွေ့ဆုံခြင်းကို မြန်မာအလင်းသတင်းစာက အောက်တိုဘာလ ၁၅ရက်နေစွဲဖြင့် ထုတ်ပြန်ခဲ့သည့်အပေါ် ယင်းသို့ ဝေဖန်ပြောဆိုလိုက်ခြင်းဖြစ်သည်။
“အခုလို စကစထွက်ပေါက်အဖြစ်အသုံးပြုလုပ်ဆောင်နေတဲ့ ငြိမ်းချမ်းရေး ၊ ရွေးကောက်ပွဲ စတဲ့လုပ်ငန်းတွေကို ထောက်ခံပြီး အပြုသဘောဆောင်ချဥ်းကပ် တိုက်တွန်းနှိုးဆော်နေတာဟာ ကလေးဆိုးကြီးကို ချော့သိပ်သလိုဖြစ်နေပြီး သူတို့ရဲ့ ရည်ရွယ်ချက်အကောင်းကို လမ်းကြောင်းအမှားနဲ့ ချဥ်းကပ်နေတာဖြစ်တယ်” ဟု India for Myanmar လှုပ်ရှားမှုခေါင်းဆောင်တဦးဖြစ်သူ ဆလိုင်း ဒိုခါရ် က မဇ္စျိမကို ပြောသည်။
မြန်မာ့နိုင်ငံအရေးနှင့်ပတ်သက်ပြီး အိန္ဒိယနိုင်ငံအပါအဝင် အိမ်နီးချင်းနိုင်ငံများ ၊ အာဆီယံနှင့် ကုလသမဂ္ဂအဖွဲ့မှ စစ်ကောင်စီကို ချော့မြှူပြီး အပြောင်းအလဲလမ်းကြောင်းပေါ် ရောက်ရှိလာစေရန် ကြိုးစားအားထုတ်မှုများသည် လက်တွေ့နှင့် တထပ်တည်းမကျကြောင်းဆိုသည်။
ခေတ်အဆက် နိုင်ငံတကာနှင့် တရုတ်နိုင်ငံကပါ အသုံးပြုထားခဲ့သော အပြုသဘောဆောင် ချဥ်းကပ်ဖျောင်းဖျခြင်းသည် အောင်မြင်မှုမရှိခဲ့ဘဲ ယခုအခါ မြန်မာနိုင်ငံသားများကပါ ငြိမ်းချမ်းသောနည်းဖြင့်မရသဖြင့်လက်နက်စွဲကိုင်တော်လှန်နေသော အချိန်တွင် ကမ္ဘာ့ဒီမိုကရေစီအကြီးဆုံး နိုင်ငံက ၎င်းလမ်းစဥ်ဖြင့် ဆက်ဆံနေခြင်းသည် လုံးဝလမ်းမှားဖြစ်ကြောင်း ဆလိုင်း ဒိုခါရ်က ဆက်ပြောသည်။
အာဏာသိမ်းစစ်ခေါင်းဆောင်နှင့် တွေ့ဆုံမှုတွင် အိန္ဒိယနိုင်ငံအနေဖြင့် NCA ကို အပြည့်အဝယုံကြည်ကြောင်း ငြိမ်းချမ်းရေးနှင့် နယ်စပ်တည်ငြိမ်ရေးအတွက် အကူအညီများပေးသွားမည်ဟု ဒုတိယအမျိုးသားလုံခြုံရေးဆိုင်ရာ အကြံပေးပုဂ္ဂိုလ်နှင့်အဖွဲ့က ပြောကြားခဲ့ကြောင်း မြန်မာ့အလင်းသတင်းစာကဆိုသည်။
စစ်ကောင်စီကို တရားဝင်အစိုးရသဖွယ် ဆက်ဆံနေခြင်းအားဖြင့် ၎င်းတို့မှ နိုင်ငံတကာ အသိအမှတ်ပြုအစိုးရပုံစံမျိုးဖြင့် ဆန့်ကျင်နေသည့် အတိုက်အခံများကို မတရားဥပေဒေများအသုံးပြုပြီး ဥပဒေဘောင်အတွင်းမှ ဆောင်ရွက်သယောင် ပြင်းပြင်းထန်ထန်နှိပ်ကွပ်လာနိုင်ကြောင်း India for Myanmar ခေါင်းဆောင်က ထောက်ပြပြောဆိုသည်။
၎င်းအပြင် စစ်ကောင်စီတပ်အနေဖြင့် စစ်ရေးပစ်မှတ်မဟုတ်သော နေရာများနှင့် ပြည်သူများကို ဦးတည်တိုက်ခိုက်လာနိုင်ပြီး လူအခွင့်အရေးချိုးဖောက်မှုများ ပိုမိုရဲတင်းစွာ ပြုလုပ်လာနိုင်ကြောင်းဆိုသည်။
အိန္ဒိယနိုင်ငံအပါအဝင် အိမ်နီးချင်းနိုင်ငံများ ၊ အာဆီယံနှင့် နိုင်ငံတကာအနေဖြင့် လက်ရှိစစ်ကောင်စီကို အပြုသဘောဆောင်ချဥ်းကပ်နေမှုနည်းလမ်းကို အသုံးမပြုဘဲ ပိတ်ဆို့အရေးယူ ဖိအားပေးသည့်နည်းကသာလျှင် အပြောင်းအလဲအတွက် ပိုမိုလက်တွေ့ကျနိုင်ကြောင်း ဆလိုင်းဒိုခါရ် က ၎င်းရဲ့အမြင်ကိုပြောသည်။
အခြားဖက်တွင်လည်း အမျိုးသားညီညွတ်ရေးအစိုးရ (NUG) ဦးဆောင်သော ပြည်သူ့ ကာကွယ်ရေးတပ်ဖွဲ့များ(PDF) နှင့် တော်လှန်ရေးအင်အားစုများအနေဖြင့် အိန္ဒိယ - မြန်မာနယ်စပ်ကို အထူးအာရုံစိုက်ပြီး မြန်မာ့လက်ရှိနိုင်ငံရေးအခင်းအကျင်းတွင် အဓိကအခန်းကဏ္ဍမှ ပါဝင်သူများဖြစ်ကြောင်း သိသာစေရန်ပြုလုပ်သင့်ကြောင်း အကြံပေးပြုထားသည်။

အိမ်နီးချင်းနိုင်ငံများအနေဖြင့် တော်လှန်ရေးအင်အားစုများအပေါ် စစ်ကောင်စီကို ဖြုတ်ချနိုင်သော အင်အားစုဖြစ်ကြောင်းနှင့် မြန်မာ့နိုင်ငံရေးတွင် ချန်လှပ်ထား၍ မရကြောင်းကို သိသာစေရန် စစ်ရေး ၊ သံတမန်ရေး ပေါင်းစပ်သော စစ်ဆင်ရေးများ ပြုလိုရန်လိုကြောင်းဆိုသည်။
ဒိယနိုင်ငံအနေဖြင့် ၎င်း၏အကျိုးစီးပွားနှင့် မြန်မာနိုင်ငံနှင့် ရေရှည်ဆက်ဆံရေးအတွက် ၎င်းတို့ချဥ်းကပ်လုပ်ဆောင်နေသော လမ်းစဥ်မှာ အမှားဖြစ်ကြောင်းသိရှိပြီး မြန်မာ့ဖက်ဒရယ်ဒီမိုကရေစီအရေး အားပေးလာနိုင်မှာဖြစ်ကြောင်း India for Myanmar လှုပ်ရှားမှုခေါင်းဆောင် ဆလိုင်းဒိုခါရ် က ပြောဆိုခဲ့သည်။

စာတည်း - သန့်ဇော်(သန်လျင်)
#mizzima
#အိန္ဒိယနိုင်ငံ
#IndiaforMyanmar
#NCA

ပုံအညွှန်း - စစ်ခေါင်းဆောင်နှင့်တွေ့ဆုံနေသည့် အိန္ဒိယကိုယ်စားလှယ်အဖွဲ့

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကျိုက်ထိုတွင် KNU/KNLA (PC) တပ်ဖွဲ့ဝင်ဟောင်း ပစ်ခတ်ခံရပြီး သေဆုံး 
==============

YT 

(မဇ္ဈိမ)။      ။ မွန်ပြည်နယ်၊ ကျိုက်ထိုမြို့နယ်၊ ဖက္ကလိပ်ကျေးရွာတွင် နေထိုင်သည့် KNU/ KNLA (PC)တပ်ဖွဲ့ဝင်ဟောင်း အောက်တိုဘာလ ၁၅ ရက် ညနေ ၃ နာရီအချိန်က ပစ်ခတ်ခံရ၍ သေဆုံးသွားကြောင်း ဒေသခံများနှင့် သတင်းရင်းမြစ်များထံက သိရသည်။ 

အင်္ဂဘိုကျေးရွာရှိ နေအိမ်ခြံသို့ သွားရောက်ပြီး အပြန်တွင် ပစ်ခတ်ခံရခြင်းဖြစ်သည်ဟု သတင်းအရင်းအမြစ်က ဆိုသည်။

"ရွှေ KTV ပိုင်ရှင်ပေါ့။ သူ့ဆိုင်ကိုလည်း ရဲတွေ စကစတွေက လာနေကျ။ သူကလည်း PC ကနေ ဝင်လိုက် ထွက်လိုက် လုပ်နေတာ။ အစုံလုပ်တယ်၊ ဘလက်(လိုင်စင်မဲ့)ကားတွေ သွင်းတယ်။ ဆေးလည်း လုပ်တယ် " ဟု ဒေသခံတစ်ဦးက မဇ္ဈိမကိုပြောသည်။

ပစ်ခတ်ခံရသူသည် KNU/ KNLA (PC) တပ်ဖွဲ့ဝင်ဟောင်းတဦးဖြစ်ပြီး လက်ရှိစစ်ကောင်စီတပ်နှင့် ပူးပေါင်း၍ လောင်းကစားများ၊ တရားမဝင် စီးပွားရေးများ ပြုလုပ်နေသူဖြစ်ကြောင်း ဒေသခံတဦး၏ ပြောပြချက်အရ သိရသည်။

သေဆုံးသွားသူသည် စောနန်းဦး(ခ)အောင်မျိုးလွင်( အသက် ၆၂ နှစ် ) ဆိုသူဖြစ်ပြီး ၎င်း၏ကျောနှင့် ခါးတို့တွင် ကျည်ထိမှန်ဒဏ်ရာများဖြင့် အခင်းဖြစ်ပွားပြီး မိနစ် ၂၀ အကြာတွင် ကျိုက်ထိုမြို့နယ် ပြည်သူ့ဆေးရုံသို့ ပို့ဆောင်စဉ် လမ်း၌ သေဆုံးခဲ့ကြောင်း သိရသည်။ 

ပစ်ခတ်မှုဖြစ်ပွားရာနေရာ၌ စောနန်းဦး၏ အမျိုးသမီးနှင့် သားသမီးသုံးဦးတို့ အတူရှိကြသော်လည်း ၎င်းတို့တွင် ထိခိုက်မှု တစ်စုံတစ်ရာ မရှိခဲ့ကြကြောင်း သိရသည်။

တော်လှန်ရေးတပ်ဖွဲ့မှ သတင်းရင်းမြစ်တဦးက စောနန်းဦးအား တော်လှန်ရေးတပ်ဖွဲ့တခုက သွားရောက်ပစ်ခတ်ခဲ့ခြင်းဖြစ်ကြောင်း ပြောသော်လည်း မည်သည့်အဖွဲ့အစည်းက ပစ်ခတ်သွားခြင်း ဖြစ်သည်ကို ဆက်လက်အတည်ပြုနေဆဲဖြစ်သည်ဟု ဆိုသည်။

ဒေသတွင်းသတင်းရင်းမြစ်တဦး၏ ပြောကြားချက်အရ စောနန်းဦး၏ ပစ္စတိုသေနတ်ကို လာရောက်ပစ်ခတ်သည့်အဖွဲ့က သိမ်းဆည်းသွားကြောင်း သိရသည်။ 

ဩဂုတ်လ ၂၄ ရက်ကလည်း နယ်ခြားစောင့်တပ် (BGF)မှ ဗိုလ်ဝင်းစိုးနှင့် ၎င်း၏ အမျိုးသမီး စီးနင်းလာသည့်ကားအား ကျိုက်ထိုမြို့နယ်၊ ကော့ထင်းကျေးရွာအနီးတွင် ကျိုက်ထိုတော်လှန်ရေးအင်အားစု (KRF)နှင့် ဝေါမြို့နယ် ပြည်သူ့ကာကွယ်ရေးတပ်ဖွဲ့ ရဲဘော်များက ပစ်ခတ်ခဲ့ရာ အဆိုပါ BGF ဗိုလ်နှင့် ဇနီးဖြစ်သူတို့ သေဆုံးသွားသည့်ဖြစ်ရပ် ဖြစ်ပွါးခဲ့သေးသည်။

စာတည်း။   ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#မွန်ပြည်နယ်
#ကျိုက်ထိုမြို့နယ်
#ပစ်ခတ်မှု 

ပုံအညွှန်း - ကျိုက်ထိုမြို့အဝင်ဆိုင်းဘုတ် (ဓါတ်ပုံ- KNU)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​စဉ့်ကူးနှင့် သပိတ်ကျင်းတွင် တနိုင်တပိုင်ရွှေတူးဖော်သူများအား စစ်ကောင်စီတပ်က အဓမ္မငွေကြေး ကောက်ခံ
================

(မဇ္ဈိမ)။ ။မန္တလေးတိုင်း၊ စဉ့်ကူးမြို့နယ်နှင့် သပိတ်ကျင်းမြို့နယ်တို့ရှိ တနိုင်တပိုင် ရွှေတူးဖော်နေသူများထံ မှ စစ်ကောင်စီတပ်ဖွဲ့က အတင်းအဓမ္မ ငွေကြေးကောက်ခံလျက်ရှိကြောင်း ဒေသခံများကပြောသည်။

သပိတ်ကျင်းမြို့နယ်တွင် အောက်တိုဘာလ ၁၂ ရက်နေ့က စတင်တောင်းခံနေပြီး စဉ့်ကူးမြို့နယ်တွင် ယနေ့ အောက်တိုဘာ ၁၇ ရက် နံနက် ၉ နာရီခန့်က ရွှေတူးဖော်သည့်နေရာများသို့ စစ်ကားနှစ်စီးဖြင့် လာရောက်တောင်းခံခြင်းဖြစ်သည်။

“ကျနော်တို့ဘက်တော့ ဒီနေ့မှရောက်လာတာ။ ၁၀ သိန်းကနေ သိန်း ၅၀ အထိ တောင်းတယ်။ ညှိနှိုင်းတာ ဘာညာ မရှိဘူး။ မပေးနိုင်ရင် လူတော့မဖမ်းဘူး၊ ပစ္စည်းတွေသိမ်းတယ်” ဟု စဉ့်ကူးမြို့နယ်၊ ရှောက်ပင်ရိုး ကျေးရွာအထက်တွင် ရွှေတူးဖော်နေသူတဦးက ပြောသည်။

“ရွှေတူးတယ်ဆိုပေမယ့် မိရိုးဖလာ တနိုင်တပိုင်ပါဗျာ။ မိသားစုစားဝတ်နေရေးအတွက် လုပ်နေကြသူများ ပါတယ်။ တနေကုန်လုပ်မှ ထမင်းဖိုးဟင်းဖိုးရတာပါ။ သူတို့တောင်းသလောက် မပေးနိုင်သူများပါတယ်” ဟု သပိတ်ကျင်းမြို့နယ်မှ ဒေသခံတဦးကလည်း ပြောသည်။

သပိတ်ကျင်းမြို့နယ်တွင် တနိုင်တပိုင် ရွှေတူးဖော်သူ ၁၀၀ နီးပါးရှိပြီး စဉ့်ကူးမြို့နယ်တွင် ၂၀၀ ကျော်ရှိ ကြောင်း ဒေသခံများအဆိုရ သိရသည်။

“သပိတ်ကျင်းက နည်းတယ်ဗျ။ စဉ့်ကူးက ရွှေအတော်အသင့်ရတော့ တူးတဲ့သူများတယ်။ ရွှေရတယ်ဆို တာကလည်း နေ့တွက်လောက်ပါပဲ။ တနေကုန်ကျင်ရ၊ တိုက်ရမှ ၂၀,၀၀၀ ပတ်ဝန်းကျင်ပါပဲ။ တကယ် ထွက်တဲ့နေရာတွေက ကုမ္ပဏီနဲ့ ဦးပိုင်ပဲ ယန္တယားတွေနဲ့တူးနေကြတယ်” ဟု ဒေသခံတဦးက ပြောသည်။

ထိုသို့ ငွေကြေးတောင်းခံရာတွင် မပေးနိုင်သည့် ရွှေတူးဖော်သူအများစုက ပစ္စည်းများထားကာ ထွက်ပြေး ကြကြောင်းသိရသည်။ ကျန်ရှိနေသည့် ရေစုတ်စက်၊ ပိုက်၊ မျောစင်များနှင့် သံတူရွင်းစသည့်တို့ကို စစ်ကောင်စီတပ်က သိမ်းဆည်းသွားကြောင်း ဒေသခံများကဆိုသည်။

“ကျနော်က ပြေးချိန်မရလို့ ပေးလိုက်ရတယ်။ တကယ်တော့ မပေးချင်ဘူး။ ၁၅ သိန်းပေးလိုက်ရတယ်။ ဒီ ဘက်မှာ ရှစ်ဦးပေးလိုက်ရတယ်” ဟု စဉ်ကူးမြို့နယ်၊ ချောင်းကြီးကျေးရွာမှ ရွှေတူးဖော်သူတဦးကပြော သည်။

ထွက်ပြေးသူများနှင့် ငွေမပေးသူများကို စာရင်းကောက်ယူပြီး ထပ်မံလာရောက်မည်ဟုပြောကြားသွား၍ ဒေသခံများ စိုးရိမ်လျက်ရှိကြသည်။

စဉ့်ကူးမြို့နယ်အတွင်း နွယ်ရုံ၊ ကျည်တောက်ပေါက်၊ ကံတောင်၊ ရှောက်ပင်ရိုး၊ ဆည်ကြီး၊ တောင်ကိုင်း၊ ငါးပြားပေးစသည့် ရွှေတူးဖော်သည့်နေရာများကို ဝင်ရောက်တောင်းခံသွားပြီး သပိတ်ကျင်းမြို့နယ်တွင် ရေထွက်၊ ကျောက်ကြီးစသည့် နေရာများ၌ တောင်းခံသွားခြင်းဖြစ်သည်။

လာရောက်တောင်းခံသည့် စစ်ကောင်စီတပ်ဖွဲ့မှာ စဉ့်ကူးမြို့နယ်နှင့် ရွှေဘိုမြို့နယ်အတွင်း စစ်ကြောင်း ထိုးနေသည့်တပ်ဖွဲ့ဖြစ်ကြောင်း ဒေသခံများက ဆိုသည်။

စာတည်း။ ။စောဖေ

#mizzima
#မန္တလေးတိုင်း
#အဓမ္မငွေကြေးကောက်ခံ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မုန်လိုင်ခက်နှင့်အတူ ရပ်တည်ကြောင်း ချီတက်သည့် ကလေးမြို့ပင်မသပိတ်
================

ပါခွီး

(မဇ္စျိမ) ။ ။ စစ်ကိုင်းတိုင်း ၊ ကလေးမြို့နယ်တွင် စစ်အာဏာရှင်ဆန့်ကျင်ရေးနှင့် ကချင်ပြည်နယ် မုန်လိုင်ခက်ပြည်သူများနှင့် အတူရပ်တည်ကြောင်းပြသသည့် သွေးစည်းညီညွတ်ရေးလူထုချီတက်ပွဲကို ကလေးမြို့ပင်မသပိတ်က ယနေ့ အောက်တိုဘာလ ၁၇ ရက်တွင် ပြုလုပ်ခဲ့ကြသည်။

ကလေးမြို့နယ် လူထုသပိတ်ကော်မတီနှင့် တော်လှန်သော ကျောင်းသား ပြည်သူများက “မုန်လိုင်ခက် နှင့်အတူရပ်တည်ကြ၊ ဖက်ဆစ်တပ်ကို အမြစ်ဖြတ်ကြ” ဆိုသည့် စာသားများကို ကိုင်စွဲပြီး ချီတက်ခဲ့ကြခြင်းဖြစ်ကြောင်းသိရသည်။

အောက်တိုဘာလ ၉ရက်နေ့က စစ်ကောင်စီတပ်က တိုက်ခိုက်ခဲ့သဖြင့် ကလေးငယ်များအပါအဝင် လူ ဦးရေ ၃၀ ကျော် သေဆုံးခဲ့ရသည့် ကချင်ပြည်နယ် ၊ လိုင်ဇာမြို့ ၊ မုန်လိုင်ခက် စစ်ဘေးရှောင် စခန်း ဖြစ်ရပ်အပေါ် ထိခိုက်သူများနှင့် အတူရပ်တည်ကြောင်းပြသခဲ့ခြင်းဖြစ်သည်။

မိဘပြည်သူများအနေဖြင့် စစ်အာဏာရှင်စနစ်ကို “ကျေးလက်ပုန်ကန် ၊ မြို့ပြဖီဆန် ကာ” တော်လှန်ရေးမီးစာ အမြင့်ဆုံးသို့ မြှင့်တင်ကာ ကျရာကဏ္ဍအသီးသီးမှ ပါဝင် တိုက်ပွဲဝင်ကြရန် ကလေးမြို့ပင်မသပိတ်က တိုက်တွန်းထားသည်။

စာတည်း။ ။ အောင်ကျော်ဖြိုး
#Mizzima
#မုန်လိုင်ခက်
#ကလေးမြို့ပင်မ သပိတ်

ပုံအညွှန်း - အောက်တိုဘာလ ၁၇ ရက်က ချီတက်ခဲ့သည့် ကလေးမြို့ လူထုပင်မသပိတ်
(ဓါတ်ပုံ - CJ)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​Mizzima needs your support! 

မဇ္ဈိမသတင်းများ ဆက်လက်တင်ဆက်နိုင်ဖို့ သင့်ရဲ့ ပံ့ပိုးမှုလိုအပ်နေပါတယ်.

ဖော်ပြပါလင့်တွင် မဇ္ဈိမကိုကူညီပံ့ပိုးမှု စတင်လိုက်ပါ 
👉 https://bit.ly/2VhJ12U 

For more information- https://donate.mizzima.com/mm/ 

#supportmizzima

အောက်တိုဘာလ (၁၇)ရက်၊ မွန်လွဲ ၂ နာရီ Mizzima News Hour မဇ္စျိမသတင်းအစီအစဥ်
00:57- စစ်ကောင်စီက ကချင်စစ်ဘေးရှောင်စခန်းကို ကြီးမားပြင်းထန်တဲ့ ...
https://www.youtube.com/watch?v=A1lbyLp7sms

Oct - 17 [ 2 Pm ] Mizzima News Hour
Oct - 17 [ 2 Pm ] Mizzima News Hour Mizzima Headline News #2pmnews #mizzimanewshour #reels #shorts ...
https://www.youtube.com/watch?v=5EuW0PIm7sU

​​နိုင်ငံတကာ အိုလံပစ်ကော်မတီမှာ အဖွဲ့ဝင်သစ် ၇ ဦးနဲ့အတူ အော်စကာဆုရှင် မီရှဲယို ပူးပေါင်းပါဝင်
=================

By PKThawn

အာရှရဲ့ ပထမဆုံး အမျိုးသမီး အော်စကာဆုရှင် မီရှဲယိုဟာ မွန်ဘိုင်းမြို့မှာ ကျင်းပတဲ့ အခမ်းအနားတခုမှာ အဖွဲ့ဝင်အဖြစ် မဲပေးရွေးချယ်ခံရပြီးနောက် အင်္ဂါနေ့မှာ နိုင်ငံတကာ အိုလံပစ်ကော်မတီ (IOC)မှာ ဝင်ရောက်ပူးပေါင်းခဲ့ပါတယ်။

၁၄၁ ကြိမ်မြောက် အိုလံပစ်အဖွဲ့ချုပ်အစည်းအဝေးကို အိန္ဒိယတို့ရဲ့ စီးပွားရေးမြို့တော်မှာ ကျင်းပခဲ့တာဖြစ်ပြီး မလေးရှား အငယ်တန်း စကွပ်ရှ်ချန်ပီယံဟောင်း ယိုဟာ ၎င်းအဖွဲ့ချုပ်မှာ ပါဝင်ဖို့ အဆိုပြုထားတဲ့ အဖွဲ့ဝင်သစ် ၈ ဦးအနက်မှ တစ်ဦးဖြစ်ပါတယ်။

ဒီနှစ်အစောပိုင်းက “Everything Everywhere All at Once” ရုပ်ရှင်ကားအတွက် အကောင်းဆုံး အမျိုးသမီးသရုပ်ဆောင်ဆုကို ရရှိခဲ့တဲ့ ပထမဆုံးသော အာရှအမျိုးသမီး အကယ်ဒမီဆုရှင်ကို ထောက်ခံမဲ ၆၇ မဲ၊ ကန့်ကွက်မဲ ၉ မဲ၊ ကြားနေမဲ ၁ မဲဖြင့် ရွေးချယ်ခံခဲ့ရတာပါ။

သူမဟာ ၁၉၉၇ ရဲ့ “Tomorrow Never Dies” ဇာတ်ကားမှာ ပီရာ ဘရောစ်နင်နဲ့အတူ ပထမဆုံး တရုတ်ဘွန်းမင်းသမီးအဖြစ် သရုပ်ဆောင်ခံရချိန်မှာတော့ သူမဟာ ဟောလိဝုဒ်မှာ အောင်မြင်မှုတွေ ရရှိခဲ့ပါတယ်။

ထုတ်လုပ်သူနဲ့ ကုလသမဂ္ဂ ချစ်ကြည်ရေး သံတမန် တစ်ဦးလည်းဖြစ်တဲ့ ယိုဟာ ကိုယ်ခံပညာဆိုင်ရာ ရုပ်ရှင် “Crouching Tiger Hidden Dragon”၊ ၂၀၀၅ ခုနှစ်ကာလ ဒရာမာ “Memoirs of a Geisha”နဲ့ ၂၀၁၈ အချစ်ဟာသဇာတ်လမ်း “Crazy Rich Asians” တို့မှာ သရုပ်ဆောင်ခဲ့ပါတယ်။

အသက် ၆၁ နှစ်အရွယ် မင်းသမီးကြီးဟာ ၂၀၁၃ မှာ IOC မှ အသိအမှတ်ပြုထားတဲ့ FIA World Motor Sport ရဲ့ ဥက္ကဋ္ဌဟောင်းဖြစ်သူ Jean Todt နဲ့ လက်ထပ်ခဲ့ပါတယ်။

သူမဟာ အစ္စရေးရဲ့ ပထမဆုံး အိုလံပစ်ဆုတံဆိပ်ကို ရရှိခဲ့တဲ့ ဂျူဒိုကာ Yael Arad၊ ဟန်ဂေရီစီးပွားရေးရှင်နဲ့ အားကစားဆိုင်ရာစီမံခန့်ခွဲသူ Balasz Furjes၊ ပီရူးနိုင်ငံမှ အိုလံပစ်ဘော်လီဘောဆုရှင်နဲ့ နိုင်ငံရေးသမားဟောင်း Cecilia Roxana Tait Villacorta၊ ဂျာမန်အားကစားလုပ်ငန်းရှင် Michael Mronz နဲ့အတူ တဦးချင်းအဖွဲ့ဝင်သစ် ၈ ဦးအဖြစ် ပါဝင်ခဲ့တာဖြစ်ပါတယ်။

နောက်ထပ် အဖွဲ့ဝင် ၃ ဦးမှာ ဆွီဒင်နိုင်ငံရဲ့ နိုင်ငံတကာ စားပွဲတင်တင်းနစ်အဖွဲ့ချုပ် အကြီးအကဲ Petra Soerling၊ နိုင်ငံတကာစကိတ်စီးယူနီယံရဲ့ ဥက္ကဋ္ဌဖြစ်သူ တောင်ကိုရီးယားသမ္မတ Kim Jae-youl၊ တူနီးရှား အိုလံပစ်ကော်မတီ ဥက္ကဌ Mehrez Boussayene တို့ဖြစ်ပြီး သူတို့ဟာ သူတို့ရဲ့ သက်ဆိုင်ရာ နိုင်ငံတကာ အဖွဲ့ချုပ်ရဲ့ အကြီးအကဲတွေအဖြစ် လုပ်ငန်းတာဝန်တွေနဲ့ ပါဝင်ခဲ့ကြပါတယ်။

(Reuters)

Photo: AFP

#မီရှဲယို #MichelleYeoh #InternationalOlympicCommittee #နိုင်ငံတကာအိုလံပစ်ကော်မတီ