Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
နိုဝင်ဘာလ ၂၈ ရက်၊ ညနေ ၄နာရီ Mizzima News Hour မဇ္စျိမသတင်းအစီအစဥ်
00:58-မြန်မာနိုင်ငံရှိ စစ်ဖြစ်ပွားရာဒေသများမှ အမျိုးသမီး ၉သန်းကျော်အတွက် လူသားချင်းစာနာမှုအကူအညီ အရေးပေါ်လိ....
https://l.facebook.com/l.php?u=https%3A%2F%2Fyoutu.be%2Fw-ZiudMKJvI&h=AT2-6CyNuR5nCuiSJgZkyvW_wIIEGJEs0cFmXZrhvTiuK3-ALUrsRvBNpP4OzL3MCbg2BK8lDbFonPah8G39SsubCbvKNSLczz1ExgIE7JnsXdgX4wkcBIgWZiHViMGf&s=1
👍5🔥1🤮1
နိုဝင်ဘာလ ၂၈ ရက်၊ ညနေ ၄နာရီ Mizzima News Hour မဇ္စျိမသတင်းအစီအစဥ်
00:58-မြန်မာနိုင်ငံရှိ စစ်ဖြစ်ပွားရာဒေသများမှ အမျိုးသမီး ၉သန်းကျော်အတွက် လူသားချင်းစာနာမှုအကူအညီ အရေးပေါ်လိ....
https://l.facebook.com/l.php?u=https%3A%2F%2Fyoutu.be%2Fw-ZiudMKJvI&h=AT2fT_KxaOlcd0pzYjwYYMo2v_t3iceCqHsKnPP3sJRec1wjVymnbVvS6wYBZcnFTqqN6ZAZTx-9iQgvjT8LcNMStu0wo_Gv3CDt1LQXLMH62fNn_oeRm72ChdkVlgqB&s=1
🔥3👍2
ကလေးများဖြင့် ဘင်္ဂလားဒေ့ရှ်မှ လှေဖြင့် ထွက်ခွာသည့် ရိုဟင်ဂျာ ဦးရေ တိုးများလာ
မြန်မာနိုင်ငံသို့ နေရပ်ပြန်ရေး မျှော်လင့်ချက်များ မှေးမှိန်နေခြင်းကြောင့် ပို၍ ကောင်းမွန်သော ဘဝအား ရှာဖွ.....
https://ift.tt/MPFQ9ly
🔥3😁1
ကလေးများဖြင့် ဘင်္ဂလားဒေ့ရှ်မှ လှေဖြင့် ထွက်ခွာသည့် ရိုဟင်ဂျာ ဦးရေ တိုးများလာ
မြန်မာနိုင်ငံသို့ နေရပ်ပြန်ရေး မျှော်လင့်ချက်များ မှေးမှိန်နေခြင်းကြောင့် ပို၍ ကောင်းမွန်သော ဘဝအား ရှာဖွ.....
https://ift.tt/nMTEa5F
👍3🔥1😁1
စားအုန်းဆီရည်ညွှန်းဈေး တစ်ပိဿာ ကျပ် ၅,၀၀၀ အထိဖြစ်လာ | Business Roundup (28.7.2023)
- စားအုန်းဆီရည်ညွှန်းဈေး တစ်ပိဿာ ကျပ် ၅,၀၀၀ အထိဖြစ်လာ - ရခိုင်တွင် စက်သုံးဆီပြတ်လပ်ပြီး လုပ်ငန်းများ ရပ်ဆိုင.....
https://l.facebook.com/l.php?u=https%3A%2F%2Fyoutu.be%2FdU4SaSCOD2A&h=AT29nFBOSDNEGHMJnIQltVIcAbCB9id_-2TipH82ivJvtfboStfodFsbeB3dbZP-wMv4ZEfYvGYO_kitpQU_q5Z9YOmRtJhSSKJ1gDgnO42lWI7tVzo-w3Y_CAhSdI6a&s=1
👏3🔥1
တနင်္သာရီမှာ မဟာမိတ် သုံးဖွဲ့ ပေါင်းပြီး တောင်ပိုင်း ညီနောင် တပ်ပေါင်းစု စစ်ကြောင်း ဖွဲ့
ကိုရွှေမြိတ် (မဇ္ဈိမ) ။ ။ တနင်္သာရီတိုင်း၊ မြိတ်ခရိုင်၊ တနင်္သာရီမြို့နယ် အခြေစိုက် ပြည်သူ့ကာကွယ်ရေးတပ်ဖွဲ.....
https://l.facebook.com/l.php?u=https%3A%2F%2Fyoutu.be%2F-y9PfOIMYLE&h=AT3VQt-Vd3hxxIWRhPBzpTQcZ9gGvKPHu01gRqPA9hihqcC6J740CZf_AgvYQQ-GS3lB7o0oZju-FivI1cR_dHfPLiXYZcFLhvGJndqAA2DmDb5LWOQ_tt9sVm-o5UhS&s=1
👍4🔥1👏1
တနင်္သာရီမှာ မဟာမိတ် သုံးဖွဲ့ ပေါင်းပြီး တောင်ပိုင်း ညီနောင် တပ်ပေါင်းစု စစ်ကြောင်း ဖွဲ့စည်း(ရုပ်သံ)
ကိုရွှေမြိတ် (မဇ္ဈိမ) ။ ။ တနင်္သာရီတိုင်း၊ မြိတ်ခရိုင်၊
https://www.youtube.com/watch?v=-y9PfOIMYLE
❤11👍8😁2🥰1
​​လောက်ကိုင်မြို့သိမ်းတိုက်ပွဲ ဒကစ စစ်ဌာနချုပ်အနီး ချဥ်းကပ်လာပြီဟုဆို
==================

ရွှေနွယ်
(မဇ္ဈိမ)။ ။ ရှမ်းပြည်နယ်မြောက်ပိုင်း လောက်ကိုင်မြို့ကို မြို့သိမ်းတိုက်ပွဲဖော်ဆောင်နေပြီဖြစ်ကြောင်း မြန်မာအမျိုးသားဒီမိုကရက်တစ်မဟာမိတ်တပ်မတော် (MNDAA) မှ ကြေညာထားပြီးနောက် ယနေ့ နိုဝင်ဘာ ၂၈ ရက်နေ့၌ တိုက်ပွဲသည် စစ်ကောင်စီ၏ လောက်ကိုင်မြို့ ဒေသကွပ်ကဲမှုစစ်ဌာနချုပ်(ဒကစ)အနီးသို့ ချဥ်းကပ်လာပြီဖြစ်ကြောင်း လောက်ကိုင်သတင်းရင်းမြစ်ထံက သိရသည်။
လက်ရှိတွင် စစ်ကောင်စီတပ်နှင့် MNDAA တပ်ဖွဲ့တို့သည် လောက်ကိုင်မြို့၏ တောင်ဘက်ပိုင်းရှိ မြို့ဝင်ကြေးကောက်ခံသည့် တဆယ်တန်ဂိတ်ကိုကျော်လွန်၍ ဒကစ အနီးတွင် ပစ်ခတ်သံများကြားနေရကြောင်း လောက်ကိုင်သတင်းရင်းမြစ်က ပြောသည်။

"တဆယ်တန်ကနေဝင်လာပြီး ငါးမိနစ်လောက်မောင်းရင် စစ်တပ်ရှိတယ်။ ဂိတ်ကြီးရှိတယ်။ ဒကစပေါ့။ အဲ့ဒါခုက တဆယ်တန်ကြားနဲ့ ဒကစကြားမှာဖြစ်နေတာ။ ခုနကတော့ အသံကြားလိုက်ရတယ်။ မြို့အပြင်အစပ်လေးနားမှာ တိုက်နေကြတာ” ဟု လောက်ကိုင်မြို့ တုန်ချိန်တွင်နေထိုင်သည့် သတင်းရင်းမြစ်က ယနေ့ နိုဝင်ဘာ ၂၈ ရက်နေ့ မွန်းတည့် ၁၂ နာရီအချိန်ခန့်တွင်ပြောသည်။

ချင်းရွှေဟော်မြို့မှ တဆင့် လောက်ကိုင်သို့ တဆင့်ချင်းချီတက်လာခဲ့သည့် MNDAA ၏စစ်ကြောင်းသည် နိုဝင်ဘာ ၂၄ ရက်နေ့တွင်မူ မြို့အနီးရှိ စစ်ကောင်စီ၏ နောက်ဆုံးစစ်စခန်းကုန်း ဆိုင်တာအိုင်တောင်ကုန်းကို သိမ်းပိုက်ခဲ့ကြောင်း MNDAA မှထုတ်ပြန်ခဲ့သည်။
လောက်ကိုင် ဒကစသည် မြို့အဝင်တွင် တည်ရှိနေခြင်းဖြစ်ပြီး အဆိုပါ ဒေသကွပ်ကဲမှုစစ်ဌာနချုပ်ကို ဖြတ်ကျော်ပြီးပါက လောက်ကိုင်မြို့ကိုထိန်းချုပ်နိုင်မည့် အလားအလာများစွာရှိနိုင်ကြောင်းလည်း လောက်ကိုင်မြို့ရှိ စစ်ရေးစောင့်ကြည့်သူဒေသခံတို့က သုံးသပ်သည်။

ယနေ့ လောက်ကိုင်တိုက်ပွဲအခြေအနေနှင့်ပတ်သက်၍ မဇ္ဈိမမှ MNDAA ၏ပြောခွင့်ရသူ လီကျားဝင်းကို ဆက်သွယ်မေးမြန်းသော်လည်း ပြန်လည်ဖြေကြားခြင်းမရှိသေးပေ။

စစ်ဆင်ရေး ၁၀၂၇ စတင်ခဲ့ချိန်မှစတင်ကာ လောက်ကိုင်မြို့၌ လုပ်ငန်းများရပ်ဆိုင်းလိုက်ပြီးဖြစ်သော်လည်း နေရပ်ပြန်ခွင့်မရဘဲ မြို့တွင်ပိတ်မိနေခဲ့ကြသည့် ပြည်သူများသည် ယခုသတင်းပတ်အတွင်း လောက်ကိုင်မြို့ကို စွန့်ခွာသွားကြပြီဖြစ်ကြောင်းလည်း လောက်ကိုင်ဒေသခံက ပြောသည်။

"မြို့ထဲမှာတော့ခြောက်ကပ်ကပ်နဲ့ ဆိုင်ဖွင့်တဲ့လူတို့ ပြန်လို့မဖြစ်တဲ့လူတို့ အဲ့တာလောက်ပဲကျန်တော့တယ်။ အခုလည်း ပြန်တဲ့ဟာတွေက အကုန်လုံးပြန်နေကြတာ။ ကားကျပ်တာက လောက်ကိုင်ရဲ့ တုန်ချိန်မြို့ထဲ မြို့အလယ်ထိကိုကျပ်နေတယ်” ဟု လောက်ကိုင်သတင်းရင်းမြစ်က ပြောသည်။

လောက်ကိုင်မြို့ကို တိုက်ခိုက်တော့မည်ဖြစ်သောကြောင့် တပ်ဖွဲ့ဝင်များလိုက်နာရန် စည်းကမ်းများကို MNDAA က နိုဝင်ဘာ ၁၄ ရက်နေ့တွင် ထုတ်ပြန်ခဲ့ပြီး နိုဝင်ဘာ ၂၄ ရက်နေ့တွင်မူ စစ်ဆင်ရေးသည် လောက်ကိုင်သို့ ဦးတည်နေပြီဖြစ်ကြောင်း ထပ်မံအသိပေးထုတ်ပြန်ခဲ့သည်။

စစ်ဆင်ရေး ၁၀၂၇ စတင်ခဲ့သည့် အောက်တိုဘာ ၂၇ ရက်နေ့မှစတင်ကာ ယမန်နေ့ နိုဝင်ဘာ ၂၇ ရက်နေ့ထိ တလအတွင်း ရှမ်းမြောက် ကိုးကန့်ဒေသ၏ ၇၀ ရာခိုင်နှုန်းကို ထိန်းချုပ်ထားနိုင်ပြီဖြစ်သည်ဟု MNDAA ပြောခွင့်ရသူ လီကျာဝင်းက မဇ္ဈိမကိုပြောကြားထားသည်။

ထို့ပြင် စစ်ဆင်ရေးအတွင်း စစ်ကောင်စီ၏ စခန်းကြီး စခန်းငယ် စုစုပေါင်း ၁၇၈ ခုကို သိမ်းပိုက်ရရှိထားကြောင်းလည်း MNDAA ၏ထုတ်ပြန်ချက်များအရသိရသည်။

စာတည်း - သန့်ဇော်(သန်လျင်)

#mizzima
#စစ်ဆင်ရေး၁၀၂၇
#MNDAA
#လောက်ကိုင်မြို့

ပုံအညွန်း − နိုဝင်ဘာ ၂၅ ရက်နေ့က လောက်ကိုင်မြို့အနီးဖြစ်ပွားခဲ့သည့် တိုက်ပွဲမှတ်တမ်းဓာတ်ပုံနှင့် စစ်ကောင်စီတပ်၏ လေကြောင်းတိုက်ခိုက်မှုမှတ်တမ်းဓာတ်ပုံ
ဓာတ်ပုံ − လောက်ကိုင်ဒေသခံ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍22❤3😁2❤‍🔥1
​​ကလေးမြို့နယ်တွင် စစ်ကောင်စီတပ်စခန်းအနီး နေသူများ ရှောင်တိမ်းကြရန် ပကဖ သတိပေး
=================

ပါခွီး
(မဇ္စျိမ) ။ ။ စစ်ကိုင်းတိုင်း၊ ကလေးမြို့နယ်အတွင်း တိုက်ပွဲများ အရှိန်မြှင့်တော့မည် ဖြစ်သဖြင့် စစ်ကောင်စီတပ်စခန်းအနီး‌နေ ပြည်သူများ ရှောင်တိမ်းကြရန် ကလေးမြို့နယ် ပြည်သူ့ကာကွယ်ရေးအဖွဲ့က နိုဝင်ဘာလ ၂၆ရက်နေ့တွင် ထုတ်ပြန်သည်။
“ကလေးမြို့နယ်တောင်ပိုင်းနဲ့ မြောက်ပိုင်းဘက်မှာ စစ်ရေးအရှိန်မြှင့်ပြီး တိုက်နေတာတွေက မြို့နားအထိ ဖြစ်လာနေပြီ ။ စစ်ကောင်စီတပ်စခန်းနဲ့ နီးတဲ့ သူတွေကရှောင်ရင် အန္တရာယ်ကင်းတာပေါ့” ဟု ကလေးမြို့ ပြည်သူ့ကာကွယ်ရေး တပ်ဖွဲ့ဝင်တဦးက မဇ္စျိမကိုပြောသည်။
ကလေးမြို့နယ်အတွင်း ကာကွယ်ရေးတပ်ဖွဲ့များက နယ်မြေပိုမို ထိန်းချုပ်လာနိုင်ပြီး တောင်ပိုင်းတွင် GTC , သာစည် ၊ ဇင်းကလင်းနှင့် ကြံသာ ၊ မြောက်ပိုင်းတွင် ကံကြီး နှင့် စစ်ကောင်စီတပ်သာ ကျန်သောကြောင့် စစ်ကောင်စီအထိုင်တပ်များကို တိုက်ခိုက်ရန် ပြင်ဆင်လာခြင်းဖြစ်ကြောင်း ၎င်းကဆိုသည်။
စစ်ကောင်စီတပ်၏ တပ်ရင်းများ၊ တပ်စခန်းများ ၊ ဂိတ်များ၊ တပ်စွဲထားသည့်နေရာများနှင့် ပျူစောထီးကျေးရွာများအနီးရှိ မိဘပြည်သူများအနေဖြင့် ဒီဇင်ဘာလ ၁၅ ရက်နောက်ဆုံးထား၍ ဘေးလွတ်ရာသို့ ရှောင်တိမ်းကြရန် အလေးအနက် တိုက်တွန်းသည်ဟု ကလေးမြို့နယ် ပြည်သူ့ကာကွယ်ရေးအဖွဲ့၏ထုတ်ပြန်ချက်တွင်ဖော်ပြထားသည်။
“ကလေးမြို့က တကယ်စစ်ဖြစ်လာပြီဆိုရင် ဘယ်မှ သွားစရာမရှိဘူး ။ ကိုယ့်အိမ်မှာပဲ လုံလုံခြုံခြုံနေနိုင်အောင် ပြင်ဆင်မှပဲရမယ့်အခြေအနေရှိတယ် ။ တပ်စခန်းနဲ့ နီးတဲ့သူတွေတော့ ရှောင်နိုင်ရင်ကောင်းတာပေါ့” ဟု ကလေးမြို့ခံတဦးက ပြောသည်။
ကလေးမြို့တောင်ပိုင်းနှင့် မြောက်ပိုင်းများတွင်လည်း လုံခြုံမှုမရှိဘဲ ရှောင်တိမ်းစရာ နေရာမရှိသဖြင့် အိမ်တွင်လုံခြုံ‌အောင် အတတ်နိုင်ဆုံးပြင်ဆင်သွားမည်ဖြစ်ကြောင်း ၎င်းက ဆိုသည်။
ကလေးမြို့တွင် မြေအနက် လေး - ငါးပေခန့်တူးယုံမျှ ရေထွက်သဖြင့် ဗုံးခိုကျင်း တူးရန်အဆင်မပြေဖြစ်ပြီး အကယ်၍ ဗုံးခိုကျင်းတူးထားကြောင်း စစ်ကောင်စီတပ် သိပါက ဖမ်းဆီးမှုများဖြင့် ကြုံတွေ့ရနိုင်ကြောင်း ၎င်းကဆက်ပြောသည်။
“တို့တိတို့တိ လုပ်မနေကြနဲ့ ချစရာရှိရင် အပြတ်သာချ ၊သေစရာရှိရင်လည်းသေရုံပဲ ။ အကြီးကြီးသာချဗျာ။ မသေဘဲကျန်တဲ့သူ ပြန်ထူထောင်ရေးလုပ်ကြမယ်” ဟု မြို့ခံ နောက်တဦးက ပြောသည်။
တိုက်ပွဲအတွင်း နှစ်ဖက်သေကြေသည့်အပြင် ပြည်သူများ ထိခိုက်သည်မှာ ဓမ္မတာဖြစ်ပြီး အမြန်ဆုံး တိုက်ပွဲများပြီးဆုံးရန်သာ မျော်လင့်ကြောင်း ၎င်းကဆိုသည်။
စစ်ကောင်စီတပ်ဖွဲ့ဝင်များ ၊ ရဲများ ၊ ပျူစောထီးဆိုသူများနှင့် စစ်ကောင်စီဒေါက်တိုင် ဝန်ထမ်းများ အမြန်ဆုံး ပြည်သူ့ရင်ခွင်ခိုလှုံကြရန် ကလေးမြို့နယ် ပကဖ၏ ထုတ်ပြန်ချက်တွင် ဖော်ပြထားသည်။
ပြည်သူ့ရင်ခွင်ခိုလှုံပြီး အလင်းဝင်ရောက်လာသူများကို အသက်အန္တရာယ်လုံခြုံရေး အထူးအာမခံပြီး မိသားစု၊ ဆွေမျိုးများနှင့် အမြန်ဆုံးပြန်လည်ပေါင်းစည်းခွင့်ရစေရန် အတတ်နိုင်ဆုံးကူညီဆောင်ရွက်ပေးမည်ဖြစ်ကြောင်း ဖော်ပြထားသည်။
သတိပေးမှုများနှင့်ပတ်သက်ပြီး တိကျစွာ လိုက်နာရန်နှင့် လိုက်နာခြင်းမရှိပါက နောက်ဆက်တွဲဖြစ်ပေါ်လာမည့် အကျိုးဆက်ကို လုံးဝ တာဝန်ယူမည်မဟုတ်ကြောင်း ထုတ်ပြန်ချက်တွင်တိုက်တွန်းသတိပေးထားသည်။
စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး
#မြန်မာသတင်း
#စစ်ကိုင်းတိုင်း
#ကလေးမြို့နယ်
ပုံအညွှန်း - ကလေးမြို့ ပြည်သူ့ကာကွယ်ရေးတပ်ဖွဲ့ ဝင်များ
ဓါတ်ပုံ - Kalay PDF
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17😁3👏2
​​မုန်တိုင်းအရှိန်ကြောင့် တိုင်းနှင့်ပြည်နယ် ၃ ခု နေရာကွက်၍ မိုးကြီးနိုင်
===============

ရောင်နီ
(မဇ္စျိမ)။။ကပ္ပလီပင်လယ်ပြင်တွင် ဖြစ်ပေါ်နေသည့် လေဖိအားနည်းရပ်ဝန်းအရှိန်ကြောင့် တိုင်းနှင့် ပြည်နယ် သုံးခုတွင် နေရာကွက်၍ မိုးကြီးနိုင်ကြောင်း အမျိုးသားညီညွတ်ရေးအစိုးရ(NUG)၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)က သတင်းထုတ်ပြန်သည်။
နို၀င်ဘာလ ၂၇ ရက်နေ့မှ ဒီဇင်ဘာလ ၃ ရက်နေ့အထိ မိုးလေဝသအခြေအနေကို ထုတ်ပြန်ရာတွင် ကပ္ပလီပင်လယ်ပြင်တွင် ဖြစ်ပေါ်နေသည့် လေဖိအားနည်းရပ်ဝန်းသည် မနက်ဖြန် နို၀င်ဘာလ ၂၉ ရက်နေ့တွင် မုန်တိုင်းငယ်အဆင့်သို့ ရောက်ရှိနိုင်ကြောင်း ဆိုသည်။
အဆိုပါ မုန်တိုင်းငယ်သည် ဆိုင်ကလုန်းမုန်တိုင်းအဖြစ်သို့ ရောက်ရှိလာနိုင်ပြီး မြန်မာနိုင်ငံသို့ တိုက်ရိုက်မသက်ရောက်နိုင်သော်လည်း လေဖိအားနည်းရပ်ဝန်းနှင့် မုန်တိုင်းဖြစ်စဥ်များကြောင့် မြန်မာနိုင်ငံတွင် နေရာကွက်၍ မိုးရွာနိုင်ကြောင်း MOHADM က သတိပေးထားသည်။
အထူးသဖြင့် ချင်းပြည်နယ်၊ စစ်ကိုင်းတိုင်းနှင့် ကချင်ပြည်နယ်တို့တွင် ဒီဇင်ဘာလ ၃ ရက်၌ နေရာကွက်၍ မိုးကြီးနိုင်ကြောင်း ကြိုတင် အသိပေးထားသည်။
စစ်ကောင်စီ၏ မိုးဇလဌာနကလည်း ကပ္ပလီပင်လယ်ပြင်တွင် ဖြစ်ပေါ်နေသည့် လေဖိအားနည်းရပ်ဝန်းသည် ဒီဇင်ဘာလ ၁ ရက်နေ့တွင် ဆိုင်ကလုန်းမုန်တိုင်းအဖြစ်သို့ ရောက်ရှိနိုင်ကြောင်း ယနေ့ နို၀င်ဘာလ ၂၈ ရက် နံနက်ပိုင်းတွင် သတင်းထုတ်ပြန်ထားသည်။
လက်ရှိအချိန်သည် ဆောင်းရာသီဖြစ်ပြီး မုန်တိုင်းကြောင့် အချိန်အခါမဟုတ်မိုးရွာသွန်းနိုင်၍ စိုက်ပျိုးရေးတောင်သူများ ရာသီဥတုအခြေအနေကိုကြိုတင်သတိပြုကြရန် ရာသီဥတုအရေးလေ့လာသူများကသတိပေးသည်။
စာတည်း - အေးချမ်း
#Mizzima
#လေဖိအားနည်းရပ်ဝန်း
#မုန်တိုင်း
#တိုင်းနှင့်ပြည်နယ်သုံးခုမိုးကြီးနိုင်
#MOHADM
ပုံအညွှန်း - ယခုနှစ် စက်တင်ဘာလအတွင်း ရန်ကုန်မြို့တွင် မိုးသည်းထန်စွာ ရွာသွန်းနေစဉ်။ (ပုံ - မဇ္စျိမ)
Website Link - https://www.mizzimaburmese.com/article/136029
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11😁3❤1
​​ရခိုင်တွင် လေကြောင်းနှင့် ရေကြောင်းမှ တိုက်ခိုက်ခံရ၍ ရွာဘုန်းကြီးကျောင်း မီးလောင်ပြီး အရပ်သား ၂ ဦး ပြင်းထန်ဒဏ်ရာရ
================

ဓါတု
(မဇ္ဈိမ) ။ ။ ရခိုင်ပြည်နယ်၊ ပုဏ္ဏားကျွန်းမြို့နယ်တွင် နှစ်ဖက်ထိတွေ့တိုက်ပွဲမရှိဘဲ စစ်ကောင်စီတပ်မှ လေကြောင်းနှင့် ရေကြောင်း ပစ်ခတ်မှုကြောင့် ရွာဘုန်းကြီးကျောင်း မီးလောင်ပြီး အရပ်သား နှစ်ဦး ပြင်းထန်စွာ ဒဏ်ရာရရှိသွားကြောင်း ဒေသခံများထံမှ သိရသည်။
ယမန်နေ့ နိုဝင်ဘာလ ၂၇ ရက် နံနက် ၂ နာရီဝန်းကျင်မှစ၍ ၃ နာရီဝန်းကျင်အထိ စစ်ကောင်စီတပ်၏ ဒရုန်းပေါ်မှ ပစ်ခတ်မှုကြောင့် ပုဏ္ဏားကျွန်းမြို့နယ်၊ ရဲရိုးပြင်ကျေးရွာမှ ဘုန်းကြီးကျောင်း မီးလောင်ကျွမ်းကာ ပြာကျသွားကြောင်း ဒေသခံက ပြောသည်။
ထို့နောက် နံနက် ၉ နာရီဝန်းကျင်တွင် ရဲရိုးပြင်ရွာကပ်ရပ်ရှိ ခမောင်းတောကျေးရွာ ကိုလည်း စစ်ကောင်စီတပ်က ရဟတ်ယာဥ်ပေါ်မှ စက်သေနတ်ဖြင့် ရွာအတွင်းသို့ တောက်လျှောက်ပစ်ခတ်သောကြောင့် လမ်းပေါ်သွားလာနေသည့်အမျိူး သမီးတဦးပြင်းထန်စွာ ထိခိုက်ဒဏ်ရာရခဲ့သည်။
ထို့ပြင် ပေါက်တောပြင်ကျေးရွာတွင်လည်း စစ်ကောင်စီရေတပ်က ပစ်ခတ်သည့်လက်နက်ကြီးအစထိမှန်ပြီး အမျိုးသားတဦး ဒဏ်ရာပြင်းထန်စွာ ရရှိသွားကြောင်း ဒေသခံတဦးက မဇ္စျိမကိုပြောသည်။
"အဲ့ဒီရွာတွေက ကုလားတန်မြစ်နဲ့နီးတော့ တိုက်ပွဲမရှိဘဲ လက်နက်ကြီးနဲ့ရော စက်သေနတ်နဲ့ရော ပစ်ခံရတယ်၊ ဒရုန်းနဲ့လည်း ဗုံးကြဲတယ်၊ အဲ့ဒီနားက ခမောင်းတောကတော့ လမ်းမှာသွားနေတာကို ရဟတ်ယာဥ်တွေ့တော့ ကြောက်လန့်ပြီး ပြေးတာကို စက်သေနတ်နဲ့ပစ်လို့ သူ့ကိုယ်ပေါ် သုံး နေရာလောက် ထိတယ်၊ မနေ့ကတနေကုန် တညလုံး ဆက်တိုက်ပစ်နေတာဗျာ" ဟု ဒေသခံက ပြောသည်။
ပြီးခဲ့သည့် နိုဝင်ဘာလ ၂၁ ရက်နေ့ကလည်း ပုဏ္ဏားကျွန်းမြို့နယ်၊ မင်းဇီချောင်းကျေးရွာ၌ စပါးရိတ်သိမ်းနေသော တောင်သူတဦး စစ်ကောင်စီတပ်၏ ရဟတ်ယာဥ်ပေါ်မှ ပစ်ခတ်မှုကြောင့် ထိခိုက်ဒဏ်ရာရှိခဲ့ သေးသည်။
ပုဏ္ဏားကျွန်းမြို့နယ်တွင် စစ်ကောင်စီတပ်မှ နှစ်ဖက်ထိတွေ့တိုက်ပွဲမရှိဘဲ ရက်သတ္တပတ် တပတ်ကျော်ကြာမြင့်သည်အထိ နေ့စဥ်ပစ်ခတ်နေကြောင်း ဒေသခံများက ပြောသည်။
ကုလားတန်မြစ်ကြောင်းတလျှောက် တက်လာသော စစ်ကောင်စီတပ်၏ ရေတပ်သင်္ဘောနှင့် ပုဏ္ဏားကျွန်းမြို့အခြေစိုက် (၅၅၀) တပ်ရင်းက လက်နက်ကြီးများ၊ ဒရုန်းများဖြင့် အရပ်သားနေထိုင်ရာကျေးရွာများအား ပစ်မှတ်ထားတိုက်ခိုက်နေကြောင်း ညီနောင်မဟာမိတ်သုံးဖွဲ့က နိုဝင်ဘာလ ၂၇ ရက်နေ့တွင် ထုတ်ပြန်ထားသည်။
ထို့အပြင် စစ်တွေမြို့၊ အမှတ် (၁၂) ရဲတပ်ရင်းကလည်း နှစ်ဖက်တိုက်ပွဲ ဖြစ်ပွားနေသည့် ပေါက်တောမြို့ဘက်သို့ ဦးတည်၍ လက်နက်ကြီးများဖြင့် ပစ်ခတ်နေမှုကြောင့် အရပ်သားထိခိုက်မှုနှင့် လူနေအိမ်များ ထိခိုက်ပျက်စီးမှု ရှိနေသည်။
အဆိုပါပေါက်တောမြို့တွင် နိုဝင်ဘာလ ၁၆ ရက်မှစ၍ ယနေ့နိုဝင်ဘာလ ၂၈ ရက်အထိ သုံးကြိမ်ထက်မနည်း လေကြောင်းပစ်ခတ်မှု ခံထားရကြောင်း ဒေသခံများက ပြောသည်။
ရခိုင်ပြည်နယ်က သောင်းနှင့်ချီသော ဒေသခံများ ဘေးလွတ်ရာ စစ်ဘေးတိမ်း ရှောင်နေရပြီး စက်သုံးဆီပြတ်လပ်မှုနှင့် ကြုံနေရသည့်အပြင် အခြေခံစားသောက်ကုန်များ ပြတ်လုနီးပါးဖြစ်နေ၍ အခက်အခဲကြုံနေရကြောင်း စစ်ဘေးရှောင်ကူညီသူများနှင့် လူမှုကူညီရေးအသင်းအဖွဲ့များက ဆိုသည်။
ရခိုင်ပြည်နယ်တွင် ရက္ခိုင့်တပ်တော် (AA) ၏ ထိုးစစ်ဆင် တိုက်ခိုက်မှု စတင်ခဲ့သော နိုဝင်ဘာလ ၁၃ ရက်မှစ၍ နိုဝင်ဘာလ ၂၈ ရက်နေ့အထိ နှစ်ဖက်ထိတွေ့တိုက်ပွဲ များ ဖြစ်ပွားနေပြီး ပေါက်တောနှင့် ပလက်ဝမြို့နယ်တို့တွင် စစ်ရေးအရှိန် ပိုမိုပြင်းထန်နေဆဲ ဖြစ်သည်။
ပုံအညွှန်း - (နိုဝင်ဘာလ ၂၆ ရက်က စစ်ကောင်စီ၏ MI-35 တိုက်ခိုက်ရေး ရဟတ်ယာဥ်တစီး ပုဏ္ဏားကျွန်းတနေရာ၌ ပျံဝဲနေပုံ) (phot- CJ)
စာတည်း။ ။ နောင်နောင်
#Mizzima
#ပုဏ္ဏားကျွန်း
#အရပ်သားထိခိုက်
#၁၀၂၇
#ရခိုင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🔥2🤬2😁1
စားအုန်းဆီရည်ညွှန်းဈေး တစ်ပိဿာ ကျပ် ၅,၀၀၀ အထိဖြစ်လာ | Business Roundup (28.7.2023)
- စားအုန်းဆီရည်ညွှန်းဈေး တစ်ပိဿာ ကျပ် ၅,၀၀၀ အထိဖြစ်လာ - ရခိုင်တွင် စက်သုံးဆီပြတ်လပ်ပြီး လုပ်ငန်းများ ရပ်ဆိုင.....
https://l.facebook.com/l.php?u=https%3A%2F%2Fyoutu.be%2FdU4SaSCOD2A&h=AT0wLLrmjedKBVA1KmjK0pUUQrzzGLVLtorsojSQOjfyX0Uh031pOj7ZWMKoiJtSI_yt-urT5YdopWGlwtJs40PvJBx5HtuCw321XbuIucyl0NL-NwZrD1ZijlRH6W5f&s=1
🔥2
တနင်္သာရီမှာ မဟာမိတ် သုံးဖွဲ့ ပေါင်းပြီး တောင်ပိုင်း ညီနောင် တပ်ပေါင်းစု စစ်ကြောင်း ဖွဲ့
ကိုရွှေမြိတ် (မဇ္ဈိမ) ။ ။ တနင်္သာရီတိုင်း၊ မြိတ်ခရိုင်၊ တနင်္သာရီမြို့နယ် အခြေစိုက် ပြည်သူ့ကာကွယ်ရေးတပ်ဖွဲ.....
https://l.facebook.com/l.php?u=https%3A%2F%2Fyoutu.be%2F-y9PfOIMYLE&h=AT1gr05TsGHfn5kAqkcm3UOmYZr3BfPUMzyfb79cYfs-YGfu8ZvFx45p7iIieF2Mmd_NrHZL6P7PKXE6K8uTdTKxNRfSiOkkCw7IydoK4xhm7s7hjBxQ8QPf5QKtiiF6&s=1
👍7🔥1😁1