Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​တန့်ဆည်မြို့ပေါ် စစ်ကောင်စီအဓိကစခန်းကို သိမ်းယူ၊ မြို့အားထိန်းထားနိုင်ဟု မြေပြင်စစ်ရေးသတင်းရင်းမြစ်ပြော
========================

ရွှေနွယ်
(မဇ္ဈိမ)။ ။စစ်ကိုင်းတိုင်း၊တန့်ဆည်မြို့မှ စစ်ကောင်စီအဓိက စခန်းကို တိုက်ခိုက်သိမ်းပိုက်ပြီးနောက် မြို့အားထိန်းချုပ်ထားနိုင်ပြီဟု မြေပြင်စစ်ရေးသတင်းရင်းမြစ်မှ မဇ္ဈိမကိုပြောသည်။

တန့်ဆည်မြို့ပေါ်မှ စစ်ကောင်စီတပ်ဖွဲ့နှင့် ရဲများအထိုင်ချထားသည့် တန့်ဆည်ရဲစခန်းကို ယမန်နေ့ နိုဝင်ဘာ ၂၈ ရက်နေ့ နံနက် ၁၁ နာရီအချိန်ခန့်မှစတင်ကာ ပြည်သူ့ကာကွယ်ရေးတပ်ဖွဲ့များကတိုက်ခိုက်ခဲ့ပြီး ယနေ့ နိုဝင်ဘာလ ၂၉ရက် နံနက်တွင် သိမ်းပိုက်နိုင်ခြင်းဟု သိရသည်။

" သူတို့(စစ်ကောင်စီ) အခြေစိုက်စခန်းတွေကို သိမ်းလိုက်ပါပြီ။ ရဲစခန်း၊ ထွေအုပ်တွေကို သိမ်းလိုက်ပါပြီ။ ၉၀ ရာခိုင်နှုန်း သိမ်းနိုင်ပါပြီ" ဟုတန့်ဆည်မြို့မှ ပြည်သူ့ကာကွယ်ရေးရဲဘော်တဦးက ယနေ့ နံနက် ၁၁နာရီခန့်တွင် ပြောသည်။

လက်ရှိတွင် အဆိုပါ စခန်းမှ ထွက်ပြေးသွားကြသော စစ်ကောင်စီလက်အောက်ခံတပ်ဖွဲ့ဝင်များကို မြို့အတွင်းလိုက်လံရှာဖွေဖမ်းဆီးနေဆဲဖြစ်ကြောင်း သိရသည်။

"အခုက သူတို့နေစရာမကျန်အောင် အကုန်လုံးလှည့်ပတ်လိုက်ရှာနေတာ မြို့ထဲမှာ။ ကန့်ဘလူဘက်ကနေ ဟောက်ဝစ်ဇာတွေနဲ့လှမ်းလှမ်းထုပေးနေတယ်။ ဒီမနက်လေကြောင်းနှစ်ကြိမ်လာသွားတယ်” ဟု မြေပြင်စစ်ရေးသတင်းရင်းမြစ်က ပြောသည်။

တိုက်ပွဲတွင်း စစ်ကောင်စီလက်အောက်ခံတပ်ဖွဲ့ဝင်များ ထိခိုက်သေဆုံးမှု အခြေအနေအတိအကျကိုပြော၍ မရသေးကြောင်း ၎င်းကဆိုသည်။ စစ်ကောင်စီလော်ဘီတယ်လီဂရမ်ချန်နယ်များတွင် တန့်ဆည်မြို့မှ စစ်ကောင်စီစခန်းများ အင်အားအလုံးအရင်းဖြင့် တိုက်ခိုက်ခံရကြောင်း ရေးသားဖော်ပြနေကြသည်။

တန့်ဆည်မြို့တွင် ပြီးခဲ့သည့် နိုဝင်ဘာ ၂၂ ရက်နေ့ကပင် မြို့ပေါ်ရှိ စစ်ကောင်စီတပ်စွဲရာ ဆေးရုံ၊ စာသင်ကျောင်းနှင့် ဘောလုံးကွင်းတို့ကို ကာကွယ်ရေးတပ်ဖွဲ့တို့က တိုက်ခိုက်ရှင်းလင်းခဲ့ပြီး တပ်ပြန်ဆုတ်ခဲ့သည်။ အဓိကစခန်းဖြစ်သည့် ရဲစခန်းကို ယနေ့ တိုက်ခိုက် သိမ်းယူခြင်းဖြစ်သည်။

တန့်ဆည်မြို့သိမ်းတိုက်ပွဲကို အမှတ်(၁) စစ်ဒေသ ၊ရွှေဘိုခရိုင်ကွပ်ကဲရေးက ဦးဆောင်ခဲ့ပြီး ပြည်သူ့ကာကွယ်ရေးတပ်မတော် ရွှေဘိုခရိုင် တပ်ရင်း(၆)၊ တပ်ရင်း(၇)၊ တပ်ရင်း(၈)၊ တပ်ရင်း(၉)၊ တပ်ရင်း(၁၀)၊ တပ်ရင်း(၁၆)၊ တပ်ရင်း(၂၅)၊ တန့်ဆည်မြို့နယ်ပကဖ နှင့် ဒေသကာကွယ်ရေးတပ်များ ပူးပေါင်း ဖော်ဆောင်နေခြင်းဖြစ်ကြောင်း သိရသည်။

ဒေသခံအများအပြားသည် ယခင်ကပင်စစ်ရှောင်နေကြသည်ဟု သိရသည်။တန့်ဆည်မြို့နယ်သည် ရွှေဘိုခရိုင်အတွင်းတည်ရှိပြီး ရေဦး၊ ကန့်ဘလူ၊ ကျွန်းလှမြို့တို့နှင့်နယ်နိမိတ်ချင်းထိစပ်‌နေသည်။ လက်ရှိတွင် ရေဦး၊ ကန့်ဘလူ၊ ကျွန်းလှမြို့တို့တွင်လည်း စစ်ရေးအခြေအနေသတိပြုနေထိုင်ကြရန် ပြည်သူ့ကာကွယ်ရေးတပ်ဖွဲ့များက သတိပေးထားသည်။

စာတည်း - အေးချမ်း

#Mizzima
#တန့်ဆည်
#စစ်ကောင်စီအဓိကစခန်း
#တိုက်ခိုက်သိမ်းယူ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14❤4😁2
​​ရေဇွာမြို့ကို ချင်းတော်လှန်ရေးတပ်များက တိုက်ခိုက်သိမ်းပိုက်
===================

ကိုခင်မောင်
(မဇ္စျိမ)။ ။ ချင်းပြည်နယ်၊ မတူပီမြို့နယ် ရေဇွာမြို့စစ်ကောင်စီစခန်းကို ယနေ့ နိုဝင်ဘာလ ၂၉ရက် နံနက် ၉နာရီခွဲအချိန်တွင် ချင်းတော်လှန်ရေးပူးပေါင်းအဖွဲ့များက တိုက်ခိုက်သိမ်းပိုက်လိုက်ပြီဖြစ်ကြောင်း ချင်းအမျိုးသားတပ်မတော် (CNA) ထံမှ သိရသည်။

ရေဇွာမြို့အခြေစိုက် စစ်ကောင်စီစစ်စခန်းကို ချင်းအမျိုးသားတပ်မတော် ( CNA) ၊ CDF-Mara၊ CDF-Lautu ၊ CDF-Zotung ၊ CDF-Zophei ၊ CDF- Senthang တို့က နိုဝင်ဘာလ ၂၆ ရက်နေ့တွင် စစ်ဆင်ရေးစတင်ကာ တိုက်ခိုက်ခဲ့ပြီး ယနေ့ သိမ်းပိုက်နိုင်ခဲ့ခြင်းဖြစ်သည်ဟု ချင်းအမျိုးသားတပ်မတော် (CNA)မှ ပြောရေးဆိုခွင့်ရှိသူ ဆလိုင်းထက်နီက မဇ္စျိမအားပြောသည်။

“ ရေဇွာစစ်ကောင်စီတပ်စခန်းကို ကျွန်တော်တို့ CNA ဦးဆောင်မှုနဲ့ ဒေသကာကွယ်ရေးတပ်ဖွဲ့ ငါးဖွဲ့နဲ့ ဝင်စီးတော့ မနက် ၉နာရီ ခွဲမှာအပြီးသိမ်းလိုက်တယ်။ သိမ်းလိုက်တယ်ဆိုတဲ့နေရာမှာ သူတို့ ၂၅ ယောက်ကို ကျွန်တော်တို့ဖမ်းဆီးထားတာ၊ သူတို့ရဲ့ လက်နက်တွေကို အကုန်လုံးသိမ်းတယ်။ အခုကျွန်တော်တို့ဘက်က ဒဏ်ရာရရှိမှုသေဆုံးမှု အနည်းငယ် ရှိတယ်။ အခုက တိုက်လေယာဥ်က တိုက်ခိုက်မှုပြန်လုပ်နေတယ်ပေါ့ ။ အဓိက ကတော့ ကျွန်တော်တို့ဘက်ကနေ သိမ်းသွားနိုင်ခဲ့ပြီပေါ့နော်..သတင်းအသေးစိတ်ကတော့ မသိရသေးဘူး။” ဟု ဆလိုင်းထက်နီက မဇ္စျိမကို ပြောသည်။
ရေဇွာမြို့စစ်ကောင်စီတပ်စခန်းသိမ်းတိုက်ပွဲအတွင်း စစ်ကောင်စီတပ်ဘက်မှ ၂၅ဦးသည် လက်နက်ချအညံ့ခံခဲ့ပြီး စစ်ကောင်စီတပ်သားသေဆုံးမှုအခြေအနေကို ဆက်လက်စုံစမ်းနေဆဲဖြစ်သည်ဟု ဆလိုင်းထက်နီက ဆိုသည်။

အဆိုပါတိုက်ပွဲအတွင်း ချင်းတော်လှန်ရေးပူးပေါင်းအဖွဲ့များဘက်မှ ရဲဘော်သုံးဦး အသက်ပေးသွားခဲ့ကြပြီး ချင်းအမျိုးသားတပ်မတော် (CNA) တွင်လည်း ရဲဘော် တဦးထိခိုက်ဒဏ်ရာရရှိသွားကြောင်းလည်း ၎င်းက ဆိုသည်။

ရေဇွာမြို့ စစ်ကောင်စီတပ်စခန်းသိမ်းတိုက်ပွဲအတွင်း စစ်ကောင်စီတပ်မှ လေကြောင်းတိုက်ခိုက်မှုအကြိမ်ကြိမ်ပြုလုပ်ခဲ့ပြီး ထိခိုက်ပျက်စီးမှုအခြေနေအသေးစိတ်ကို ဆက်လက်စုံစမ်းနေဆဲဖြစ်ကြောင်း ဆလိုင်းထက်နီထံမှ သိရသည်။

လက်ရှိတွင် ချင်းပြည်နယ်၊ ရိဒ်ခေါဒါရ်မြို့၊ လိုင်လင်းပီမြို့၊ ရေဇွာမြို့တို့ကို ချင်းတော်လှန်ရေးတပ်များက သိမ်းပိုက်ရရှိထားပြီး စုစုပေါင်း တိုက်ခိုက်သိမ်းပိုက်ရရှိထားသော မြို့ ခုနစ်မြို့ ရှိလာပြီဖြစ်ကြောင်း သိရှိရသည်။

စာတည်း - သန့်ဇော်(သန်လျင်)

#mizzima
#ရေဇွာမြို့
#CNA
#ချင်းပြည်နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍10❤1👎1🔥1
ခရစ်ကတ်ကမ္ဘာ့ဖလားဖိုင်နယ်မှာရှုံးနိမ့်တဲ့အတွက်အကြမ်းဖက်ခဲ့တဲ့အိန္ဒိယကျောင်းသားခုနစ်
ခရစ်ကတ်ကမ္ဘာ့ဖလားဖိုင်နယ်မှာ ရှုံးနိမ့်ခဲ့တဲ့အတွက် အကြမ်းဖက်ခဲ့တဲ့ အိန္ဒိယကျောင်းသား ခုနစ်ဦးကို ရဲကဖမ်း....
https://l.facebook.com/l.php?u=https%3A%2F%2Fyoutu.be%2FNIdVHRh1Q2U&h=AT3O97IcnePPvTSbhoAqpFLbOyFn8uz_55BFSRaOp6-JIfppqshicW01R7A6aIyUHYgFbUUYWRTDD3R-2ztl4tiKEw4qK7AcR_XjD29POQVekzcCZWhXuJlld_LlDda5&s=1
🔥3
နိုဝင်ဘာလ ၂၉ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
00:57-ကလေးမြို့နယ် ရန်ကြီးအောင်စခန်းသိမ်းတိုက်ပွဲမှာ စစ်ကောင်စီတပ်သား ၁၆ ဦးသေဆုံးပြီး ၁၇ ဦး အရှင်ဖမ်းမိတဲ့သတ.....
https://l.facebook.com/l.php?u=https%3A%2F%2Fyoutu.be%2Fa-0oAanqjec&h=AT10fI0YMSb-TowyJA9HeHnILelX5BiHHo4VpWGAnTd9S80B0EpHMc8pLHu1ByEB1BviG-LcUQUAo9Bz2OvvlZzbcQL_6zuJ-O0eqVWogRn_HtC2mWWUm-VM8eM5sKCh&s=1
😁5👍3
တန့်ဆည်မြို့ပေါ် စစ်ကောင်စီအဓိကစခန်းကို သိမ်းယူ၊ မြို့အားထိန်းထားနိုင်ဟု မြေပြင်စစ်ရေး
စစ်ကိုင်းတိုင်း၊တန့်ဆည်မြို့မှ စစ်ကောင်စီအဓိက စခန်းကို တိုက်ခိုက်သိမ်းပိုက်ပြီးနောက် မြို့အားထိန်းချုပ.....
https://ift.tt/hOXcQtL
👍11😁3
ရေဇွာမြို့ကို ချင်းတော်လှန်ရေးတပ်များက တိုက်ခိုက်သိမ်းပိုက်
ချင်းပြည်နယ်၊ မတူပီမြို့နယ် ရေဇွာမြို့စစ်ကောင်စီစခန်းကို ယနေ့ နိုဝင်ဘာလ ၂၉ရက် နံနက် ၉နာရီခွဲအချိန်တွင် ချ....
https://ift.tt/1uSQcid
👍11🔥1
- YouTube
Enjoy the videos and music you love, upload original content, and share it all with friends, family, and the world on YouTube.
https://l.facebook.com/l.php?u=https%3A%2F%2Fyoutu.be%2FmmOqKTRpVYE&h=AT3U9KRn6LJh7IoWJZb5shsOl0K4ef1XT4cFVlfaWM151IkFr8RMKa4uNifZnC9faGKvu1tmpQin_j7094TpWj3JXvhNYaFtNibFjChofuwdkJcbLMgb4VIp8mjLz0aA&s=1
🤮2👍1
ခရစ်ကတ်ကမ္ဘာ့ဖလားဖိုင်နယ်မှာရှုံးနိမ့်တဲ့အတွက်အကြမ်းဖက်ခဲ့တဲ့အိန္ဒိယကျောင်းသားခုနစ်ဦးကိုရဲကဖမ်းဆီး
ခရစ်ကတ်ကမ္ဘာ့ဖလားဖိုင်နယ်မှာ ရှုံးနိမ့်ခဲ့တဲ့အတွက် ...
https://www.youtube.com/watch?v=NIdVHRh1Q2U
🔥2
ခရစ်ကတ်ကမ္ဘာ့ဖလားဖိုင်နယ်မှာရှုံးနိမ့်တဲ့အတွက်အကြမ်းဖက်ခဲ့တဲ့အိန္ဒိယကျောင်းသား ခုနစ်ဦးကို ရဲကဖမ်းဆီး
ခရစ်ကတ်ကမ္ဘာ့ဖလားဖိုင်နယ်မှာ ရှုံးနိမ့်ခဲ့တဲ့အတွက် ...
https://www.youtube.com/watch?v=mTz0HPRBW_M
🔥2
နိုဝင်ဘာလ ၂၉ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
00:57-ကလေးမြို့နယ် ရန်ကြီးအောင်စခန်းသိမ်းတိုက်ပွဲမှာ ...
https://www.youtube.com/watch?v=a-0oAanqjec
👍2🔥2
ဖိလစ်ပိုင်အစိုးရနဲ့ ကွန်မြူနစ်သူပုန်တွေကြား ငြိမ်းချမ်းရေးဆွေးနွေးပွဲတွေပြန်စဖို့ သဘောတူ
ဖိလစ်ပိုင်အစိုးရနဲ့ ကွန်မြူနစ်သူပုန်တွေကြား ...
https://www.youtube.com/watch?v=mmOqKTRpVYE
👍5🔥3
- YouTube
Enjoy the videos and music you love, upload original content, and share it all with friends, family, and the world on YouTube.
https://l.facebook.com/l.php?u=https%3A%2F%2Fyoutu.be%2FmmOqKTRpVYE&h=AT0UV-cHbSs3aSLg6hbFjQxVmNqyVHZGYt0wumGcwP8zMQwsOhSni3Jp0g9yUcV7HHSOtY8Vf1ThoV7gDyqR2x8pamx2tpVXgcUi0K-PBJEOvHDo5d7JqBcv3DtOE-WH&s=1
👍2🤮1
​​အိန္ဒိယအသင်း ခရစ်ကတ်ကမ္ဘာ့ဖလား ရှုံးနိမ့်မှုအပေါ် အောင်ပွဲခံခဲ့တဲ့ ကက်ရှ်မီးယားကျောင်းသား ၇ ဦးကို အိန္ဒိယ ရဲတပ်ဖွဲ့ ဖမ်းဆီး
===================

ဩစတြေးလျနဲ့ ကမ္ဘာ့ဖလားခရစ်ကတ်ပြိုင်ပွဲ ဗိုလ်လုပွဲမှာ အိန္ဒိယအသင်းရှုံးနိမ့်မှုအပေါ် အောင်ပွဲခံခဲ့တဲ့ တက္ကသိုလ် ကျောင်းသား ၇ ဦးကို ကက်ရှ်မီးယားရှိ အိန္ဒိယရဲတပ်ဖွဲ့က အကြမ်းဖက်မှုတိုက်ဖျက်ရေးဥပဒေအရ ဖမ်းဆီးခဲ့ကြောင်း သိရပါတယ်။

ပွဲအပြီးမှာ "အိန္ဒိယဆန့်ကျင်ရေးကြွေးကြော်သံတွေနဲ့ ပြိုင်ဖက်တွေကို ခြိမ်းခြောက်စိန်ခေါ်ခဲ့မှုတွေ ပြုလုပ်မှုအတွက် ဖမ်းဆီးခဲ့တာဖြစ်ကြောင်း ရဲက နိုဝင်ဘာ ၂၈ ရက် အင်္ဂါနေ့က ပြောပါတယ်။
အိမ်ရှင်အိန္ဒိယဟာ နိုဝင်ဘာ ၁၉ ရက် ဗိုလ်လုပွဲမှာ ခရစ်ကတ်သရဖူကိုရယူဖို့ ရေပန်းအစားဆုံးဖြစ်ခဲ့ပေမဲ့ ဩစတြေးလျကို six-wicket နဲ့ ရှုံးနိမ့်ခဲ့ပါတယ်။

ရဲတပ်ဖွဲ့က ကျောင်းသားခုနစ်ဦးကို ပြင်းထန်တဲ့ အကြမ်းဖက်မှု တိုက်ဖျက်ရေးဥပဒေအပြင် ရာဇသတ်ကြီးပုဒ်မများဖြင့် တရားမဝင် လှုပ်ရှားမှုများ တားဆီးကာကွယ်ရေးဥပဒေ (UAPA) ဖြင့် တရားစွဲဆိုထားပါတယ်။

ကက်ရ်ှမီးယားရှိ လူအများအပြားဟာ ပြိုင်ဖက် ပါကစ္စတန်အပါအဝင် အိန္ဒိယအသင်းနဲ့ ကစားတဲ့ ဘယ် ခရစ်ကတ်အသင်းကိုမဆို ထောက်ခံအားပေးကြပြီး သြစတြေးလျရဲ့ အောင်ပွဲကို ဂုဏ်ပြုဖို့အတွက် အဓိကမြို့ Srinagar မှာ မီးရှူးမီးပန်းတွေ ပစ်ဖောက်ခဲ့ကြပါတယ်။

ကက်ရှ်မီးယားဟာ ၁၉၄၇ ခုနှစ် လွတ်လပ်ရေးရပြီးကတည်းက အိန္ဒိယနဲ့ပါကစ္စတန်ကြား ကွဲထွက်သွားပြီး နှစ်ဖက်စလုံးက ကုန်းမြင့်ပိုင်နက်ကို အပြည့်အဝပိုင်ဆိုင်နိုင်ဖို့ ကြိုးပမ်းခဲ့ပေမဲ့ အစိတ်အပိုင်းတွေကို သီးခြားစီခွဲဝေအုပ်ချုပ်ခဲ့ ပါတယ်။

အိန္ဒိယအုပ်ချုပ်တဲ့ကက်ရှ်မီးယားမှာ ၁၉၈၉ ခုနှစ်ကတည်း သူပုန်ထခဲ့ပြီး ပါကစ္စတန်နဲ့ပေါင်းစည်းရေးကို တောင်းဆိုခဲ့ကြပရာ ပဋိပက္ခများအတွင်း အရပ်သားနဲ့စစ်သား ထောင်နဲ့ချီသေဆုံးခဲ့ပါတယ်။
ထောင်နဲ့ချီတဲ့ ကက်ရ်ှမီးယားဒေသခံ၊ ဂျာနယ်လစ်တွေနဲ့ အတိုက်အခံတွေကို တိုက်ခိုက်ရာမှာ ပြဋ္ဌာန်းချက်အချို့ မရှင်းမလင်းလုပ်ထားတဲ့ UAPA ဥပဒေကို အိန္ဒိယက အသုံးပြုခဲ့တယ်လို့ တက်ကြွလှုပ်ရှားသူတွေထံမှ သိရပါတယ်။

UAPA ဥပဒေဟာ လူအများကို စွဲချက်မတင်ဘဲ ခြောက်လကြာ ချုပ်နှောင်ထားခွင့်ပြုထားပြီး အာမခံဟာ မဖြစ်နိုင်သလောက်ပင် ဖြစ်ပါတယ်။

Ref; AFP
Photo: AFP

#cricketworldcup #iccworldcup2023 #Kashmir #ခရစ်ကတ် #ကက်ရှ်မီးယား #Mizzima
👍7😁3
ရွှေပြည်အေးမြို့ကို ပြည်သူ့ကာကွယ်ရေးတပ်ဖွဲ့များ သိမ်းပိုက်ထိန်းချုပ်
👍13
ရွှေပြည်အေးမြို့ကို ပြည်သူ့ကာကွယ်ရေးတပ်ဖွဲ့များ သိမ်းပိုက်ထိန်းချုပ်
=====================

မောင်ခက်နွေ(မဇ္ဈိမ)
(မဇ္ဈိမ)။ ။စစ်ကိုင်းတိုင်း၊ ဟုမ္မလင်းမြို့နယ်၊ ရွှေပြည်အေးမြို့မှ စစ်ကောင်စီစခန်းများကို ပြည်သူ့ကာကွယ်ရေးတပ်ဖွဲ့များက တိုက်ခိုက်သိမ်းပိုက်လိုက်ကြောင်း အမျိုးသားညီညွတ်ရေးအစိုးရ၊ ကာကွယ်‌ရေးဝန်ကြီးဌာန(MOD)က ယမန်နေ့ နိုဝင်ဘာလ ၂၈ရက်ညတွင် သတင်းထုတ်ပြန်သည်။

ရွှေပြည်အေးမြို့မှ စစ်ကောင်စီစခန်းများကို နိုဝင်ဘာလ ၂၁ရက်၊ နံနက် ၆နာရီတွင် စတင်တိုက်ခိုက်ခဲ့ပြီး နိုဝင်ဘာလ (၂၂) ရက်၊ ညနေ ၆ နာရီတွင် သိမ်းပိုက်နိုင်ခဲ့သည်ဟု ထုတ်ပြန်ချက်တွင်ဖော်ပြထားသည်။ မြို့ကိုသိမ်းယူပြီး ခုနစ်ရက်အကြာမှ MOD က တရားဝင် သတင်းထုတ်ပြန်ခြင်းဖြစ်သည်။ တိုက်ပွဲအတွင်း ရန်သူ့တပ်သား ရှစ်ဦး ဖမ်းဆီးနိုင်ခဲ့ပြီး လက်နက်ခဲယမ်းများ သိမ်းဆည်းရရှိခဲ့သည်ဟုဆိုသည်။

ရွှေပြည်အေးမြို့ လတ်တလောအခြေအနေနှင့် ပတ်သက်၍ ပြည်သူ့ကာကွယ်ရေးရဲဘော်တဦးက " " မြို့ထဲမှာ ဘာစစ်စခန်းမှမရှိ‌‌တော့ဘူး။ ကျနော်တို့ ထိန်းချုပ်ထားပါတယ်။စစ်ကောင်စီကတော့ လေကြောင်းကနေ နေ့တိုင်း လာပစ်နေပါတယ်"ဟုယနေ့ နေ့လယ်တွင် ပြောသည်။

ရွှေပြည်အေးမြို့တွင် ပြီးခဲ့သည့် ဖေ‌ဖော်ဝါရီလ ၃ရက်က တိုက်ပွဲ၌ စစ်ကောင်စီရဟတ်ယာဉ်တစီးကို ပြည်သူ့ကာကွယ်ရေးတပ်ဖွဲ့များက ပစ်ချတိုက်ခိုက်နိုင်ခဲ့သည်။

ကောလင်းမြို့နှင့် ခမ်းပတ်မြို့ကို နိုဝင်ဘာလဆန်းပိုင်းတွင် ပြည်သူ့ကာကွယ်ရေးတပ်မတော် (PDF)၊ ကချင်လွတ်လပ်ရေးတပ်မတော် (KIA) ၊ ပြည်သူ့ကာကွယ်ရေးအဖွဲ့ (ပကဖ) နှင့် မဟာမိတ်ပူးပေါင်းတပ်များက တိုက်ခိုက်သိမ်းယူနိုင်ခဲ့ရာ ယခု ရွှေပြည်​အေးမြို့အပါအဝင် စစ်ကိုင်းတိုင်းအတွင်း မြို့ သုံး မြို့ကို ပြည်သူ့ကာကွယ်ရေးတပ်ဖွဲ့များက သိမ်းပိုက်ထားသည်ဟု MOD ၏ထုတ်ပြန်ချက်များအရ သိရသည်။

စာတည်း - အေးချမ်း

#Mizzima
#ရွှေပြည်အေးမြို့
#ပြည်သူ့ကာကွယ်ရေးတပ်ဖွဲ့များ
#ထိုးစစ်ဆင်တိုက်ခိုက်သိမ်းယူ
#MOD
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍15❤2
နိုဝင်ဘာလ ၂၉ ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
01:00-တန့်ဆည်မြို့ပေါ် စစ်ကောင်စီအဓိကစခန်းကို သိမ်းယူပြီး မြို့ကိုထိန်းထားနိုင်တယ်လို့ မြေပြင်စစ်ရေးသတင်းရ.....
https://l.facebook.com/l.php?u=https%3A%2F%2Fyoutu.be%2FHmU-_8SaeOM&h=AT1XbECaJvRK7rlgDRadjigRKJYL9T0Qf4INy8HuGNvXcwK6I1tAuhA9SK_1wmBm2mpYqph6qUfez8F-V6IV25LD0prBAizonlmpXMqOpd5o-1x599C1Iw1Unx6AdC_Y&s=1
👍10