ယင်းမာမြို့နယ်တွင် စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လက်နက်ကြီးဖြင့်ပစ်၍ အမျိ
စစ်ကိုင်းတိုင်း၊ ယင်းမာပင်မြို့နယ်၊ သံဘိုကျေးရွာတွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ် က လက်နက်က...
https://ift.tt/OShl4QB

ယင်းမာမြို့နယ်တွင် စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လက်နက်ကြီးဖြင့်ပစ်၍ အမျိ
စစ်ကိုင်းတိုင်း၊ ယင်းမာပင်မြို့နယ်၊ သံဘိုကျေးရွာတွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ် က လက်နက်က...
https://ift.tt/GyjPmaU

ဒီဇင်ဘာလ ၆ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
00:56-မြန်မာဒုက္ခသည်တွေအတွက် ကုလအရေးပေါ်ရံပုံငွေမှ ဒေါ်လာ ၇ သန်းထောက်ပံ့မယ်ဆိုတဲ့ သတင်း 03:37- စစ်ကောင်စီရဲ့ တရွန....
https://l.facebook.com/l.php?u=https%3A%2F%2Fyoutu.be%2Fs8i3aszX5VY&h=AT2FvX-Nt16SFrcGL4ByTyVVxXRsWSiJQdAHMuWWx2BQA7EWcbinEbnA2GeC11C0oWJEpYl-rWyMYGVxHiRqz3pKuNyC3VVLC997PyiBAmB-9mpuI0xMl0roXn2smRCD&s=1

December - 6 [12 Pm] Mizzima News Hour
December - 6 [12 Pm] Mizzima News Hour Mizzima Headline News #12pmnews #mizzimanewshour #reels #shorts ...
https://www.youtube.com/watch?v=zyXzWUfrMVo

ဒီဇင်ဘာလ ၆ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
00:56-မြန်မာဒုက္ခသည်တွေအတွက် ကုလအရေးပေါ်ရံပုံငွေမှ ဒေါ်လာ ၇ ...
https://www.youtube.com/watch?v=s8i3aszX5VY

သီလဝါတွင် စက်သုံးဆီထုတ်မည့် ဘောက်ဆာယာဉ်များ တန်းစီနေရပြီး ရန်ကုန်ဆီဆိုင်များတွင် ရောင်းစရာစက်သုံးဆီမရှိ
================

002
(မဇ္ဈိမ)သီလဝါတွင် စက်သုံးဆီထုတ်မည့် ဘောက်ဆာယာဉ်များ တန်းစီနေရပြီး ရန်ကုန်ဆီဆိုင်များတွင် ရောင်းစရာစက်သုံးဆီမရှိ ဖြစ်နေသည်ဟု ရန်ကုန်မြို့ခံများက ‌ပြောသည်။

ဒီဇင်ဘာ ၅ ရက်မှစတင်ကာ ရန်ကုန်မြို့ရှိ စက်သုံးဆီဆိုင်များ ဆီပြတ်လပ်နေခြင်းဟု မော်တော်ယာဉ်ပိုင်ရှင်များက ဆိုသည်။
“မနေ့တည်းက ဖြစ်နေတာ။ ဆိုင်တော်တော်များများ မရောင်းနိုင် ဘူး။ ရောင်းတဲ့ဆိုင်မှာလည်း ဆီကို နှစ်သောင်းဖိုး သုံးသောင်းဖိုး လောက်ပဲ ရောင်းပေးတယ်" ဟု ရန်ကုန်မြို့တစ်ဦးက ‌ပြောသည်။
စက်သုံးဆီများကို လိုသလောက်၀ယ်ယူနိုင်ခြင်းမရှိဘဲ ရောင်းချ ပေးမည့် ဆီဆိုင်ကိုသာ လှည့်လည်ရှာဖွေနေရသည်ဟု ပုဂ္ဂလိက ကုမ္ပဏီ၀န်ထမ်းတစ်ဦးက ‌ပြောသည်။

" အရောင်းလမ်း‌ကြောင်းတွေ သွားလို့မရဘူး။ ဆီမရှိတော့ ဆီဆိုင်ပတ်ရှာနေရတာ အချိန်ကုန်နေတယ်" ဟု အဆိုပါ၀န်ထမ်း က ‌ပြောသည်။

တနိုင်ငံလုံးမှ စက်သုံးဆီများကို ဖြန့်ဖြူးပေးနေသည့် သီလဝါတွင် လည်း စက်သုံးဆီထုတ်ယူမည့် ဘောက်ဆာယာဉ်များ ညအိပ်တန်း စီနေရသည်ဟု သန်လျင်မြို့ခံများက ‌ပြောသည်။

" ဆီက ထုတ်မပေးသေးဘူး။ ရတဲ့ဆီကိုလည်း Terminal တွေမှာ ခွဲထည့်နေရတယ်။ ဘောက်ဆာ ပြည့်ဖို့ ညအိပ်တန်းစီနေရ တယ်။ နယ်ဘက်က ဆီကားတွေလည်း ညအိပ်စောင့်နေရတာပဲ" ဟု သီလဝါတွင် ဆီထုတ်ရန်တန်းစီနေသူတစ်ဦးက ‌ပြောသည်။

သီလဝါတွင် စက်သုံးဆီ သွားရောက်ထုတ်ယူနေပြီး ဆိုင်သို့ မရောက်မီတွင် ဓာတ်ဆီအမျိုးအစားများကို အရောင်းခေတ္တပိတ် ထားမည်ဟု ရန်ကုန်စက်သုံးဆီဆိုင်အချို့က ‌ကြေညာထားသည်။
ဆီဈေးနှုန်းမှာ ဒီဇင်ဘာ ၁ ရက်မှစပြီး မြင့်တက်ခဲ့ပြီး ပြန်မကျ ‌သေး‌ပေ။

ဒီဇင်ဘာ ၆ ရက်တွင် ရောင်းချလျက်ရှိသည့် စက်သုံးဆီဈေးနှုန်း များမှာ ၉၂ တစ်လီတာလျှင် ကျပ် ၂၅၁၀၊ ၉၅ တစ်လီတာလျှင် ကျပ် ၂၆၄၀၊ ရိုးရိုးဒီဇယ် တစ်လီတာလျှင် ကျပ် ၂၂၁၀၊ ပရီမီယံဒီဇယ် တစ်လီတာလျှင် ကျပ် ၂၃၀၅ ဖြစ်‌သည်။

​​ပြည်တွင်း၌ တိုက်ပွဲများ အရှိန်မြင့်ခြင်းကြောင့် နေရပ်ရွှေ့ပြောင်းသူ ၅၀၀,၀၀၀ ကျော်အထိ ရှိလာ
=====================

အောက်တိုဘာနှောင်းပိုင်းက မြန်မာအာဏာသိမ်းစစ်တပ်ကို တိုင်းရင်းသားလက်နက်ကိုင်အဖွဲ့များ၏ အဓိက ထိုးစစ်ကြီးဆင်နွှဲချိန်မှစကာ မြန်မာနိုင်ငံတွင် နေအိမ်စွန့်ခွာ ရွှေ့ပြောင်းရသူပေါင်း ၅၀၀,၀၀၀ ကျော်ထက်မနည်း ရှိသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဓာတ်ဆီဈေး စံချိန်တင်မြင့်တက်ပြီး မန္တလေးတွင် ဆီပြတ်လပ်မှုဖြစ်
==================

007
(မဇ္စျိမ)။ ။ ပြည်တွင်းစက်သုံးဆီ(အောက်တိန်းဓာတ်ဆီ)စျေး စံချိန်တင်မြင့်တက်သွားပြီးနောက်၊ မန္တလေးမြို့ကအရောင်း ဆိုင်တော်တော်များများတွင်၊ ဆီပြတ်လပ်မှုဖြစ်ပေါ်နေကြောင်း စက်သုံးဆီ၀ယ်ယူရောင်းချသူများထံက သိရသည်။

ဒီဇင်ဘာလ ၁ ရက်နေ့ကစ၍ ဓာတ်ဆီ(အောက်တိန်း 92/95)စျေးစံချိန်တင်မြင့်တက်ခဲ့ရာမှ၊ ငါးရက်ဆက်တိုက် အမြင့်စျေးဖြင့် တန့်နေပြီးနောက်၊ ယမန်နေ့(ဒီဇင်ဘာ ၅ ရက်)တွင် ဆီပြတ်လပ်မှုနှင့်စတင်ကြုံတွေ့နေရခြင်း ဖြစ်သည်။

“ဆိုင်ကြီးတွေကလွဲပြီး တော်တော်များများက ဆီပြတ်သွားပြီ၊ တချို့က ဆီရှိကြောင်း ဆိုင်းဘုတ်မီးသာလင်းထားတာ၊ ဆီမရှိဘူး၊ ဆိုင်ထဲ၀င်တာနဲ့လက်ခါပြတယ်၊ တချို့တော့ ဆိုင်ပိတ်ထားကြတယ်၊ ဆီ ၃၀,၀၀၀ ဖိုးရဖို့ မနက်မိုးလင်းကတည်းက မြို့ပတ်ခဲ့ရတယ်” ဟု မြို့ခံအငှားယာဉ်မောင်းတဦးက ပြောသည်။

ဒီဇင်ဘာလ ၅ ရက်နေ့ကစ၍ စက်မှုဇုန်လုပ်ငန်းရှင်များကို၊ မိမိအစီအစဉ်ဖြင့်သာ စက်သုံးဆီတင်သွင်းရန် စစ်ကောင်စီကအမိန့်ထုတ်ပြန်လိုက်ပြီးနောက်၊ ပြည်တွင်းဓာတ်ဆီစျေးနှုန်းသည် လက်ရှိထက် တလီတာလျှင် ကျပ်သုံးရာကျော်အထိ စျေးနှုန်းမြင့်တက်သွားသည်။

စက်သုံးဆီတင်သွင်းရန်အတွက် ကျသင့်ငွေ၏ ၅၀ ရာခိုင်နှုန်းကို တဒေါ်လာ ၂၁၀၆ ဒသမ ၃ ကျပ်နှုန်းဖြင့် ဗဟိုဘဏ်ကရောင်းချပေးနေခြင်းကို ဒီဇင်ဘာလ ၁ ရက်နေ့ကစ၍ ရပ်လိုက်ခြင်းကြောင့်လည်း၊ ရုတ်တရက်စျေးထိုးတက်သွားခြင်းဖြစ်ကြောင်း စျေးကွက်လေ့လာသူများက ဆိုသည်။

“စျေးတက်တာရယ် ပစ္စည်းပြတ်တာရယ် နှစ်ချက်ပေါ့နော်၊ စျေးတက်တာက ဗဟိုဘဏ်စျေးနဲ့ ဒေါ်လာမရတော့ လို့၊ ဆီပြတ်ရခြင်းအကြောင်းရင်းကျတော့၊ ရန်ကုန်(သန်လျင်မြို့နယ် သီလဝါဆိပ်ကမ်းရှိ Terminal များ)မှာ ဆီထုတ်ရအခက်အခဲတွေကြောင့်ပါ၊ ဒီတခါဆီစျေးတက်တာက မနှစ်ကထက်ကို စံချိန်တင်တယ်” ဟု စက်သုံးဆီအရောင်းဆိုင်တခုမှ အမည်မဖော်လိုသူ တာ၀န်ရှိပုဂ္ဂိုလ်ကပြောသည်။

စစ်တပ်အာဏာသိမ်းပြီးနောက် တရိပ်ရိပ်မြင့်တက်လာခဲ့သည့် ပြည်တွင်းစက်သုံးဆီစျေးနှုန်းသည် ယမန်နှစ် ဧပြီလနှောင်းပိုင်းတွင် စံချိန်တင်(ပုံမှန်ထက် တလီတာလျင် ကျပ် ၁၀၀ ၀န်းကျင်)မြင့်တက်ခဲ့ဖူးသည်။

“အဲဒီတုန်းက တက်လှချည်လားမှတ်တာ၊ အခုတက်တဲ့ပုံစံနဲ့ယှဉ်လိုက်တော့ သုံးဆကျော်ကွာသွားပြန်ရော၊ သူတို့(စစ်ကောင်စီ)ထိန်းနေရင်းနဲ့ကို စျေးကတနှစ်ထက် တနှစ်စံချိန်တင်တက်နေတာ၊ ရွှေစျေးဒေါ်လာစျေးလည်း သူတို့ထိန်းနေရင်းနဲ့ကို တက်ပြီးရင်းတက်နေတာ” ဟု စျေးကွက်စောင့်ကြည့်လေ့လာသူတဦးက သုံးသပ်ပြောဆိုသည်။

စစ်ကောင်စီဘက်ကတော့ ယခုတကြိမ်စက်သုံးဆီစျေးနှုန်းစံချိန်တင်မြင့်တက်မှု၊ ဆီပြတ်လပ်မှုတို့နှင့်ပတ်သက်၍ တစုံတရာထုတ်ဖော်ပြောဆိုလာခြင်းမရှိသေးပေ။

ပြီးခဲ့သည့် နို၀င်ဘာတလလုံး၊ မန္တလေးစက်သုံးဆီ(ဓာတ်ဆီ)အရောင်းဆိုင်များတွင်၊ 92 တလီတာလျှင် ၂,၂၅၀ ကျပ်၀န်းကျင်၊ 95 တလီတာလျှင် ၂,၃၅၀ ကျပ်၀န်းကျင်ဖြင့် ရောင်းချခဲ့ရာမှ၊ ဒီဇင်ဘာလ ၁ ရက်နေ့တွင်၊ 92 က ၂,၅၆၀ ကျပ်နှင့် 95 က ၂,၆၉၀ ကျပ် အထိစျေးမြင့်တက်ခဲ့ပြီး၊ ယနေ့ ဒီဇင်ဘာလ ၆ ရက်နေ့အထိ အတက်စျေးဖြင့်တန့်နေသည်။

ဒီဇယ်ဆီစျေးနှုန်းမှာ ထူးထူးခြားခြားစျေးမြင့်တက်ခြင်းမရှိသေးပေ။

ပုံစာ မန္တလေးတွင် ဓာတ်ဆီတန်းစီ၀ယ်ယူနေရသည့်အခြေအနေပြန်ဖြစ်လာ
စာတည်း - သန့်ဇော်(သန်လျင်)

#mizzima
#စက်သုံးဆီ
#မန္တလေး
#စက်မှုဇုန်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဖိလစ်ပိုင်တွင် ဘတ်စ်ကား လျှိုထဲထိုးကျမှုကြောင့် လူ ၁၆ ဦးထက်မနည်း သေဆုံး
=====================

ဖိလစ်ပိုင်နိုင်ငံအလယ်ပိုင်း အန်းတစ်ခ်ပြည်နယ်တွင် လူဒါဇင်များစွာ လိုက်ပါလာသော ဘတ်စ်ကားတစီး ဘရိတ်ပေါက်ကာ ချောက်ကမ်းပါးတခုမှ လျှိုထဲ ထိုးကျသွားမှုကြောင့် လူ ၁၆ ဦးထက်မနည်း သေဆုံးကြောင်း အာဏာပိုင်များက ဒီဇင်ဘာ ၆ ရက်တွင် ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ယင်းမာမြို့နယ်တွင် စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လက်နက်ကြီးဖြင့်ပစ်၍ အမျိုးသမီး ၃ ဦး သေဆုံး
===================

လွှမ်းမိုး
(မဇ္ဈိမ)။ ။စစ်ကိုင်းတိုင်း၊ ယင်းမာပင်မြို့နယ်၊ သံဘိုကျေးရွာတွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ် က လက်နက်ကြီးဖြင့်ပစ်ခတ်သောကြောင့် အမျိုးသမီးသုံးဦး သေဆုံးခဲ့ကြောင်း ဒေသခံများထံမှသိရ သည်။

ဒီဇင်ဘာလ ၅ ရက်နေ့ ညနေ ၃ နာရီခွဲခန့်က အောင်ဇေယျတပ်ကုန်းရှိ စစ်ကောင်စီတပ်မှ လက်နက်ကြီး ဖြင့် ရမ်းသန်းပစ်ခတ်ခဲ့ခြင်းဖြစ်ပြီး အမျိုးသမီးသုံးဦးသေဆုံးကာ အပြင်းအထန်ဒဏ်ရာရရှိသူတဦးလည်း ရှိကြောင်း ဒေသကာကွယ်ရေးတပ်ဖွဲ့ဝင်တဦးကပြောသည်။
“အောင်ဇေယျတပ်ကုန်း(အကျိုးအကန်းကုန်း)မှာရှိတဲ့ စစ်သားတွေက ၈၀ မမ လက်နက်ကြီးနဲ့ နှစ်ကြိမ် ရမ်းသန်းပစ်ခတ်ခဲ့တာဖြစ်ပါတယ်။ ပထမအကြိမ်ပစ်ခတ်တဲ့ လက်နက်ကျည်ကြီးက သံဘိုရွာထဲက လူနေ အိမ်ပေါ် ကျရောက်ပေါက်ကွဲလို့ အမျိုးသမီးသုံးဦးသေဆုံးပြီး တဦးထိခိုက်ဒဏ်ရာရခဲ့တာပါ” ဟု ကာကွယ် ရေးတပ်ဖွဲ့ဝင်တဦးက ဆိုသည်။

စစ်ကောင်စီတပ်၏ လက်နက်ကြီးဖြင့်ပစ်ခတ်မှုကြောင့် သံဘိုကျေးရွာနေ မဆန်းမာ(၄၂)၊ မမာကြူ(၄၅) နှင့် မတင်တင်ဝင်း(၂၃)တို့ ထိမှန်သေဆုံးခဲ့ပြီး ယမန်နေ့ညနေပိုင်းက ချက်ခြင်း မီးသင်္ဂြိုလ်ခဲ့ရကြောင်း ဒေသခံများကပြောသည်။

“အောင်ဇေယျတပ်ကုန်းပေါ်ကစစ်သားတွေ ညစဉ်လိုလို လက်နက်ကြီးတွေနဲ့ ရမ်းသန်းပစ်ခတ်နေတာ။ ညတိုင်းလိုလို တပ်ကုန်းရဲ့ အနောက်ခြမ်းနဲ့ တောင်ခြမ်းကို လေးကြိမ်ထက်မနည်း ရမ်းသန်းပစ်ခတ်နေ တာ” ဟု ဒေသကာကွယ်ရေးတပ်ဖွဲ့ဝင် တဦးကပြောသည်။

ယင်းမာပင်မြို့နယ်တွင် အောင်ဇေယျတပ်ကုန်းမှ လက်နက်ကြီးဖြင့်ပစ်ခတ်မှုကြောင့် အရပ်သား ထိခိုက် သေဆုံးမှု နှစ်ကြိမ်ရှိခဲ့ပြီး ပထမအကြိမ်ဖြစ်စဉ်တွင် ပေကုန်းကျေးရွာမှ ကလေးငယ်တဦးသေဆုံးခဲ့ပြီး နှစ် ဦး အပြင်းအထန်ဒဏ်ရာရရှိခဲ့သည်။

စာတည်း။ ။စောဖေ

#စစ်ကိုင်းတိုင်း
#အမျိုးသမီး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ပုဏ္ဏားကျွန်းတွင် စစ်ကောင်စီကြောင့် စျေးဆိုင် ၃၇၉ ခန်း၊အိမ်၁၃၀ ကျော်မီးလောင်ပျက်စီးဟု AAထုတ်ပြန်
==================

ဓါတု
(မဇ္ဈိမ)။ ။ရခိုင်ပြည်နယ်၊ပုဏ္ဏားကျွန်းမြို့တွင် တိုက်ပွဲမရှိဘဲ စစ်ကောင်စီ၏လက်နက်ကြီးနှင့်အကြောင်းမဲ့မီးရှို့မှုများကြောင့် မြို့မစျေးမှ ဆိုင်ခန်းပေါင်း ၃၇၉ ခန်းနှင့်အိမ်ခြေ ၁၃၀ ကျော်မီးလောင်ပျက်စီးခဲ့ကြောင်း ညီနောင်မဟာမိတ်(၃)ဖွဲ့က ထုတ်ပြန်ထားသည်။
ပုဏ္ဏားကျွန်းမြို့ လတ်တလောအခြေအနေကို ယနေ့ဒီဇင်ဘာလ ၆ရက်နေ့ နံနက်တွင် ထုတ်ပြန်ထားခြင်းဖြစ်သည်။

ပြီးခဲ့သည့်နိုဝင်ဘာလ ၂၄ ရက် နေ့လည်ပိုင်းက ပုဏ္ဏားကျွန်းမြို့သို့ စစ်ကောင်စီရေတပ်သင်္ဘောနှင့် ပုဏ္ဏားကျွန်းမြို့အခြေစိုက် ခမရ (၅၅၀)တပ်ရင်းက ပစ်ခတ်လိုက်သော လက်နက်ကြီးကျရောက် ပေါက်ကွဲမှုကြောင့် မြို့မဈေးတခုလုံး မီးလောင်ခဲ့ခြင်းဟု သိရသည်။ ဈေးမီးလောင်နေစဉ် မီးငြိမ်းသတ်ရန် လာသည့် မီးသတ်ကားများအား ခမရ (၅၅၀)တပ်ရင်းက သေနတ်ဖြင့်ပစ်ခတ် တားဆီးခဲ့သည်ဟု ဒေသခံတဦးကပြောသည်။

နိုဝင်ဘာလ ၁၃ ရက်နေ့ နောက်ပိုင်းမှစ၍ ယမန်နေ့အထိ တိုက်ပွဲမရှိဘဲ စစ်ကောင်စီ၏တဖက်သတ်ပစ်မှုများကြောင့် ပုဏ္ဏားကျွန်းမြို့ ဒေသခံအားလုံးနီးပါး ဘေးလွတ်ရာသို့ထွက်ပြေးတိမ်းရှောင်နေကြကြောင်း ဒေသခံတဦးကမဇ္စျိမကိုပြောသည်။

" ပုဏ္ဏားကျွန်းကို နေ့တိုင်း တနေ့ကုန်၊တညလုံးလက်နက်ကြီး တွေနဲ့ပစ်နေတာပဲ။ဟိုးအရင်ရက်တွေက စက်သေနတ်တွေနဲ့လိုက်ပစ်လို့ လမ်းပေါ်ဆိုဘယ်သူမှမထွက်ရဲကြတော့ဘူး။ ဟိုနေ့က(ဒီဇင်ဘာလ ၃ ရက်)ဆိုရင် စစ်ကောင်စီက ကုလားတန်မြစ်နားကရွာထဲတွေမီးလိုက်ရှို့နေလို့အခုဆိုလူတောင်မနေကြတော့ဘူးပြေးကုန်ပြီ"ဟု၎င်းကပြောသည်။

ထို့အပြင်ရဲရိုးပြင်နှင့်ခမောင်းတောကျေးရွာများရှိလူနေအိမ်များ၊စပါးခင်းများကိုပါ စစ်ကောင်စီက မီးရှို့ဖျက်ဆီးခဲ့သည်ဟု ဆိုသည်။
လက်ရှိ အခြေအနေတွင် စားနပ်ရိက္ခာနှင့်ဆေးဝါးလိုအပ်နေကြောင်း ပုဏ္ဏားကျွန်းမြို့မှ စစ်ဘေးရှောင်များကဆိုသည်။

ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးရုံး(UNOCHA)က ဒီဇင်ဘာလ ၃ရက်က ထုတ်ပြန်သည့် အစီရင်ခံစာ၌ " ရခိုင်ပြည်နယ်မှာ ကုန်စည်ပြတ်တောက်မှုတွေကြောင့် ကုန်ဈေးနှုန်းတွေ တဟုန်ထိုးတက်နေပါတယ်"ဟု ဖော်ပြထားသည်။
ရခိုင်ပြည်နယ်တွင် ရက္ခိုင့်တပ်တော် (AA) ၏ ထိုးစစ်ဆင် တိုက်ခိုက်မှု စတင်ခဲ့သော နိုဝင်ဘာလ ၁၃ ရက်မှစ၍ ယနေ့ ဒီဇင်ဘာလ ၆ ရက် နေ့အထိ စစ်ကောင်စီတပ်ဖွဲ့နှင့် ရက္ခိုင့်တပ်‌တော်တို့အကြားတိုက်ပွဲပြင်းထန်နေသည်။

စစ်ကောင်စီတပ်သည် ရခိုင်လူထုကို ဦးတည်၍ပစ်မှတ်ထားသတ်ဖြတ်ခြင်းနှင့်စစ်ရာဇဝတ်မှုကျူးလွန်နေကြောင်း ရက္ခိုင့်တပ်တော် (AA) က ထုတ်ပြန်ထားသည်။ စစ်ကောင်စီကို ဆက်လက်အရှိန်မြှင့်တိုက်ခိုက်သွားမည်ဟုလည်း AAက အသိပေးထားသည်။

ပုံအညွှန်း -ပုဏ္ဏားကျွန်းမြို့မစျေး မီးလောင်နေသည့်ပုံ (Photos-CJ)
စာတည်း - အေးချမ်း

#ပုဏ္ဏားကျွန်းမြို့
#စစ်ကောင်စီ
#လက်နက်ကြီး
#အကြောင်းမဲ့မီးရှို့မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒီဇင်ဘာလ ၆ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
00:56-မြန်မာဒုက္ခသည်တွေအတွက် ကုလအရေးပေါ်ရံပုံငွေမှ ဒေါ်လာ ၇ သန်းထောက်ပံ့မယ်ဆိုတဲ့ သတင်း 03:37- စစ်ကောင်စီရဲ့ တရွန....
https://l.facebook.com/l.php?u=https%3A%2F%2Fyoutu.be%2Fs8i3aszX5VY&h=AT01Z4vtFczm1pyMY-1bTtu8n42KJoLB1NByRNgmcyRDtPjRuNNcj1Q_jSfb86_8EyzDUvMjp34csqhLDsgxwKqHvj5yTiDKi1FtOhDHsiyEAyeRRuTPyPUOB8jBuzVN&s=1

အိန္ဒိယနိုင်ငံမဏိပူရပြည်နယ်မှာ ဖြစ်ပွားခဲ့တဲ့တိုက်ပွဲများအတွင်း လူ ၁၃ ဦးသေဆုံး
အိန္ဒိယနိုင်ငံမဏိပူရပြည်နယ်မှာ ဖြစ်ပွားခဲ့တဲ့တိုက်ပွဲများအတွင်း လူ ၁၃ ဦးသေဆုံး#InternationalNews#Mizzima-----------------------------------------မဇ....
https://l.facebook.com/l.php?u=https%3A%2F%2Fyoutu.be%2F8cRWaO7gWAo&h=AT0EMedyJtnDyhcr45R91iSsKAf7KA8Lf762Q0nbdwCYthKn4JqSoRRAaj2u3Llh8kG_fV5cFNI9Zv9xfHa9-TN6Fa3vu6uvKFpzyyzsgqbZwCNmG1hajRb0bnGoKmG9&s=1

ပုဏ္ဏားကျွန်းတွင် စစ်ကောင်စီကြောင့် စျေးဆိုင် ၃၇၉ ခန်း၊အိမ်၁၃၀ ကျော်မီးလောင်ပျက်စီးဟု AA
ရခိုင်ပြည်နယ်၊ပုဏ္ဏားကျွန်းမြို့တွင် တိုက်ပွဲမရှိဘဲ စစ်ကောင်စီ၏လက်နက်ကြီးနှင့်အကြောင်းမဲ့မီးရှို့မှုမ....
https://ift.tt/8pSvPeY