–Inson, avvalo, oʻzini tanishi va oʻzini bir kitob misoli oʻqiy olishi kerak. Oʻzini oʻqiy olmagan kishi butun koinotning eng nozik sirlarini bilsa ham, baribir johilligicha qolaveradi.

"Iqror", Xolid Ertugʻrul 📖

@nigohlarda

"Kuzning soʻngi kuni,
Oxirgi visol?
Ertadan sogʻinchlar fasli boshlanar.
Bizku yigʻlamaymiz, faqat sovuqdan,
Yanoqlar qizarib, koʻzlar yoshlanar."

📚🍂
Shunday qilib, kuzda siz oʻqigan eng yaxshi kitob? @nigohlardabot

Kitoblardan boshingni koʻtarma, dunyo yomon joy!

@nigohlarda

... huvillagan xonalar yutaman deydi. Kitob javonimdagi qadrli kitoblarim hamroh. Birini olib oʻqiyman, hayotdan uzoqlashaman. Xayollar olamida bir dam yashab, kuch olaman. Baʼzan Anna Karenina, baʼzan Onegin bilan yolgʻiz qolgim keladi. Ammo... ammo Alsgeymer yonimdan jilmaydi, u oʻzgalarni yonimga yoʻlatmaydi. Men uni deb sevgan insonlarimdan ayrildim. U mendan quvonchlarni tortib oldi. U meni yolgʻizlik oʻlkasining tutquni qildi.

"Men, dadam va Alsgeymer" hikoyasidan)

@nigohlarda

Insonlar hadisni qoʻlga kiritishdan xushnud boʻldilar, ammo u bilan amal qilishni tark etdilar.

"Iqtizoul ilmul amal", Xotib al-Bagʻdodiy

@nigohlarda

​​"Olim yetishtirgan onalar" asari haqida

Kitob nomidan maʼlum yozuvchining maqsadi. Yozuvchi hozirgi zamon onalariga saodat asrining onalarini tanishtirmoqni niyat qilgan. Ammo mening nazarimda, kitob qisqa juda. Shunday boʻlsa-da kitobni oʻqib chiqarkansiz, siz qisman tanigan, havas qilgan muhaddis ulamolar, taqvoda benazir buyuk sahobalarning onalari bilan tanishasiz. Ana shu onalar farzandlarini qanday usulda tarbiyalab, ulgʻaytirishgani haqida, bu yoʻlda qanday sinovlardan muvaffaqiyatli oʻtganliklari haqida bilib olasiz.

Menga eng yoqqan olim yetishtirgan onalardan biri bu - Ahmad ibn Hanbalning onalari boʻldi. "Farzandining kitoblarini koʻtargan ona" deya taʼriflanganlar. Onasi bilan bogʻliq xotiralarini esa shunday yodga oladi: "Oʻn bir yoshimda onam Bagʻdoddagi bir hadis olimiga dars tahlili uchun olib bordi. Faqat dars oladigan ustozim bomdod namozidan keyin oʻqitib, ishroq(quyosh chiqqanidan keyin oʻqiladigan namoz) vaqtigacha dars berardi. Shu tufayli onam meni barvaqt uygʻotar va yoʻlga chiqardik. Yoʻlda kitoblarimni onam koʻtarib yurardi. Dars tugaguncha onam meni kutardi. Darsdan soʻng uyga qaytardik. Onam meni uyda qoldirib, oʻzi ishlashga chiqib ketardi."

Oʻzi Ahmad ibn Hanbal kim edi?
–"Musnad" nomli kitobni hech eshitganmisiz? Bu kitob Ahmad ibn Hanbalning bizga yetkazgan hamda hadis ilmi ichida eng qimmatli asarlardan biri. Arab tilidagisi 10-12 jild boʻlgan.

Kitobni oʻqigan har bir oʻquvchidan himmati oshishi, olim yetishtirgan onalardan oʻrnak olib, hayotlariga tatbiq etishlari kutiladi.

Murat Tosun asar yakunida
davrimizda ilmga juda oson, hattoki odamlar eng qiyin mavzularga oid bilimlarga ham oson yetishayotganligini, buyuk va ulkan asarlar elektron shaklda kompyuterlarimizdan joy olganligini bir qator eslatib oʻtgan.

Xulosa qilib aytganda, men kitobning nomidan kirish qismidan joy olgan jumlalarni oʻqib, koʻp narsa kutib yuboribman. Bu bilan asarga nisbatan salbiy fikrda emasman, lekin kitobning sayozligi meni biroz ranjitdi. Nailoj,
shunday mazmunda yozilgan kengroq kitoblarni oʻqish ham nasib qilishini Allohdan soʻrab qolaman.

"Alla aytgan onalarning tiliga oyat, hadis va siyrat haqida soʻzlash qanchalar yarashadi."
(asardan iqtibos) 🌷

@nigohlarda

"Anne, merhametin kalbidir. Kendisi kan kussa yavrusuna hissertirmez, acılarını içine atar, hep güzel gösterir dünyayı... Anne, annedir işte...

Ona marhamat toʻla bir qalbdir. Oʻzi qon qussa-da dilbandiga buni sezdirmaydi, ogʻriqlarini ichiga yutadi, dunyoni esa goʻzal koʻrsatadi..."

Kim anne gibi sevebilir, kim anne gibi sizi koruyabilir.

@nigohlarda

Baxtli davr
- Hayotingizdagi eng baxtiyor onlar?
- Tugʻilgunimcha toʻqqiz oy juda baxtli edim. Chunki onamning yuragi ostida xotirjam yashardim...

Omilik
U kitobni turfa koʻyga soldi. Tandirni yoqish uchun tutantiriq qildi. Pista sotayotganda varaqlarni yirtdi. Asabiga tegayotgan pashshalarga qarata qurol qildi. Oʻgʻillariga "samolyot" yasab berdi. Eshik ochiq tursin uchun tirkagich qildi. Deraza oynalarini artdi. Hojatxonada ham xohlagancha foydalandi. Ammo biror marta oʻqib koʻrmadi. Yillar oʻtib, nursiz qalbiga nedir yetishmay qoldi. Kitobni qoʻliga oldi. Oʻqiy deganda esa koʻzlari allaqachon nurdan qolgan, qoʻllari esa tinimsiz qaltirardi...

Avtohalokatdan soʻng
- Meni kechir, oʻgʻlim... oʻsha kuni tezlikni oshirganimdan afsusdaman.
Jajji qabrdan sado boʻlmadi.

Usmon Azimni oʻqib...
- Shuncha yildan beri kimni kutyapsan oʻzi? Oq otdagi shahzodangnimi?
- Yoʻq. Yomgʻirda soyabon tutmaydigan odamni.

Nodirabegim Ibrohimova (muallif)

@nigohlarda

​​"Men, dadam va Alsgeymer" kitobi haqida

Avvaliga kitobni nomidan va muqova dizaynidan tarjima asar deb oʻyladim. Bilsam oʻzimizniki ekan, quvonib ketdim)
"Alsgeymer"ni siz ham ism deb taxmin qilgan boʻlsangiz, demak siz bilan oʻxshashmiz.

Qoʻngʻiroq sochli qizning surati tushirilgan bu kitob zamon ruhiga mos hikoyalardan iborat. Ularning bari sodda, samimiy uslubda yozilgan. Ayniqsa, kitob yakunidagi mitti hikoyalar, ularga qoʻyilgan nom sizni befarq qoldirmaydi.

"Men, dadam va Alsgeymer" hikoyasida alsgeymer(insonning miya faoliyati soʻnishi) kasali bilan hastalangan ota, kundan-kunga xotirasidan ayrilayotgan otaning qizi, ularning boshdan kechirganlari haqida soʻz boradi. Ogʻriqli hislar yoritilgan hikoya...

Yozuvchining "Voz kechilgan kitoblar", "Urush va kulcha", "Turmush va sevgi", "Qizil roʻmolcha" nomli hikoyalarini oʻqib boʻlganimdan keyin atrofimdagi dugonalarimga ham taʼsirlanib oʻqib berdim.

Oʻzbek hikoyachiligining bir vakilasi ijodidan bahramand boʻlganimdan mamnunman.

"Soʻzdan ayrilish, adabiyotdan ketish, shunchaki kun kechirish - hayotni ulkan maʼnosizlikka boshlaydi."
(Kitobdan iqtibos)

@nigohlarda

- Sening sayyorangda, - dedi kichkina shahzoda, - odamlar bir chamanzorda besh mingta gul oʻstirar ekanu izlaganini topa olmas ekan...
- Topolmaydi, - deb maʼqulladim.
- Xolbuki, ular izlagan narsani bir dona guldan, bir qultum suvdan ham topish mumkin.

"- Afsuski, koʻzlar basir. Koʻngil koʻzi bilan qidirmoq lozim."

–Kichkina shahzoda
@nigohlarda

"... what is essential is invisible to the eye."

"... eng asosiy narsani koʻz bilan koʻra olmaysan!"

– Kichkina shahzoda @nigohlarda

"Hozir odamlarning biror narsani bilishga vaqti qolmagan. Hamma narsani tayyorligicha magazindan sotib olishadi. Lekin doʻst sotadigan magazin yoʻq-da, shuning uchun ham odamlar endi doʻst orttirmaydi."

..but there is no shop anywhere where one can buy friendship 💔

@nigohlarda

​​Kichkina shahzoda'dan choy hamrohligida, qalam bilan chizib oʻqigan satrlarimni sizlar bilan baham koʻrmoqchiman)

🪐 "Bu dunyodagi eng og‘ir ish - oʻzingni
tergash. Sud qilib hukm chiqarish o‘zgalarni sud qilishdan ko‘ra ming karra qiyinroq. Agar o‘zingni to‘g‘ri sud qila olsang demak, chindan ham donishmand odam bo‘lib chiqasan."

🥀 "Sizlar chiroylisizlar, ammo dilingiz bo‘m-bo‘sh", - deya davom etdi Kichkina shahzoda. "Sizlarni deb odamning qurbon bo‘lgisi kelmaydi."

🦊 Senga aytmoqchi bo‘lgan sirli gapim: "faqat ko‘ngil ko‘zigina ochiq, eng asosiy narsani ko‘z bilan ko‘ra olmaysan.
"- Eng asosiy narsani ko‘z bilan ko‘rolmaysan", - deb takrorladi Kichkina shahzoda, bu hikmatni eslab qolish uchun.
"- Guling senga shuning uchun ham qadrliki, unga ko‘nglingni bergansan. Eng asosiy narsani ko‘z ilg‘amaydi, u siyratda, botinda pinhon..."

👑 "The grown-ups are very strange!"
"G‘alati xalq-da, bu kattalar", deb qo‘ydi kichkina shahzoda oʻziga, va yoʻlida davom etdi.
Chindan ham, ana shunaqa g‘alati xalq bu kattalar! Ularning har biri bir dunyo, hammasining o‘z sayyorasi, o‘z tashvishi va o‘z dardlari bor. Birovning birov bilan ishi
yo‘q, hamma o‘zi bilan o‘zi ovvora.

@nigohlarda

"Men yorug‘ olamda raqamdan boshqa narsaga qiziqmaydigan kattalarga o‘xshab qolishni sira-sira istamayman."

Oqayapmiz vaqt daryosida,
Ushalsaydi bitta tilagim:
Kattalarning kir dunyosida
Bola boʻlib qolgin, yuragim. 💙

Aslida yaxshi kitoblarning maqtalishga hech ehtiyoji yoʻq. Shunday boʻlsa-da "Kichkina shahzoda"ni bir marotaba boʻlsa ham oʻqib koʻrishingizni juda-juda istagan boʻlardim.

"Bizni birlashtirsa shu kitob birlashtirsin, bizni tanishtirsa shu kitob tanishtirsin. Bizning qalbimizni tushunishmoqchi boʻlishsa shu kitob yoʻriqnoma boʻlsin!"
(KITOBOOKNIGA) 🌵

@nigohlarda

"En amansız düşman insanın kendi öfkesi."

"Eng ashaddiy dushman insonning o‘z g‘azabidir."
Inson qaltis vaziyatda tashqi dushman bilan emas, hamisha oʻz vujudi bilan kurashadi.

@nigohlarda

Нужно уметь закрывать скучную книгу... уходить с плохого фильма... и расставаться с людьми, которые не дорожат тобой.

Zerikarli kitobni yopishni, yomon filmdan ketishni va seni qadrlamaydigan insonlar bilan ajralishni o'rganish kerak.

@nigohlarda

​​Qizning koʻrki - bilimida!
(Qizning koʻrki - nozida.)

Bir qizga yetti qoʻshni - homiy.
(Bir qizga yetti qoʻshni - ota-ona.)

Sepli boʻlmasa ham, oʻqimishli boʻlsin!
(Sepli boʻlmasa ham, epli boʻlsin.)

Oʻqigan qiz oʻrnini topadi!
(Oʻtirgan qiz oʻrnini topadi.)

Kelinni kelganda koʻr, ilmini amalda koʻr!
(Kelinni kelganda koʻr, sepini yoyganda koʻr.)

Qori boʻlmasa, qish xunuk,
Ilmi boʻlmasa - qiz xunuk!
(Nozi boʻlmasa - qiz xunuk.)

Ilmli kelin kirgan uyga nur kirar.
(Kelin kirgan uyga nur kirar.)

Kelin - qaynona maslahatchisi.
(Kelin - qaynona supurgisi.)

Keling zakovatli boʻlsa, berdi xudo,
Kelining molparast boʻlsa, urdi xudo.
(Kelining yaxshi boʻlsa, berdi xudo,
Kelining yomon boʻlsa, urdi xudo.)

Bidʼatlarning urugʻi koʻp.
(Bemaza qovunning urugʻi koʻp.)

Betashvish kasb qayda,
Mehnatsiz bilim qayda.
(Betashvish bosh qayda,
Mehnatsiz osh qayda.)

Hunarim ikki - molim ikki.
(Boshim ikki - molim ikki.)

#qizpower @nigohlarda