“Insonni tishlaydigan kitoblar bor. Oʻqiyotgan narsalaring boshingga bir musht tushirib, seni uyg’otmayotgan boʻlsa, foydasizdir”,- deydi Frans Kafka.

Marziya Saydam yil oxirida tasodifiy kashf etgan adibam bo’ldi. “Suv hidi” meni “tishlay oldi”. Har bir maqolaning tub mohiyatiga yeta olishga ulgura olmagan bir holatimda keyingisida nima haqida so’z ochilganligi borasidagi istagim kitobni yakunlatdi.

Kitob haqidagi fikrlarim chalkashroq, kitoblardan musht yeb turish aslida juda yaxshi narsa. O’qib ko’ring va men kabi o’ylarga tolib qoling.

@nigohlarda

Yaltirashni xohlaysan lekin
nega ishqalanishga chidab bermaysan?!
-Rumiy

@nigohlarda

Bugungi kulfat shundaki:
“Musulmonlar oʻzining dini, oʻzining manbasi qolib boshqa tomondan najot qidirib yuribdi. Oʻzining qasri qolib, birovning kulbasidan boshpana so’rayapti.”
(Hasanxon Yahyo Abdulmajid)

Toʻliq suhbat uchun havola.

@nigohlarda

Siz ham osmonni rasmga olib yuradigan qizlardanmisiz? 🤭

@nigohlarda

… uch yarim kunlik umrimizni oʻzimizga zahar qilmaslik uchun na oʻtmishdagi hayotimizga va na qoʻldan chiqargan fursatlarimizga, na kelajakdagi orzularga quloq solmay, bugungi kunimizni qadrlab yashashimiz kerak.

Hayotda hech narsa bizning orzumizga tobe emas. Garchi, bu bir falokat, lekin yaratilish bizga bu falokatni yengillatadigan bir vosita ham bergan, ya’ni atrofni ibrat koʻzi bilan tomosha qilish qobiliyatini.

"Ichimizdagi shayton"

@nigohlarda

Dekabr oyida oʻqigan kitoblarim. Ochig’i review yozishdan ancha chiqib qolgan koʻrinaman.

Sababi esa doimiy yozib turmaganim. Jimgina oʻqib yurish qulayroqdek nazarimda. Ammo 2024-yilda book reviewlar ko’p boʻlishiga va’da beraman.

Rasmdagi kitoblardan qay biri haqida yozishimni xohlaysiz? @nigohlardabot ga yozishingiz mumkin.

@nigohlarda

​​Eng koʻp soʻralgan kitoblardan biri “Fantom ogʻrigʻi” haqida:

Kitob yozuvchining kichik maqola va postlarining jamlanmasi. Bundan oldin “Suv hidi” kitobini oʻqigandim, ikkisi ham bir yoʻnalishdagi kitoblar.

Men kabi koʻplarda ham “Fantom ogʻrigʻi” nima oʻzi degan savol paydo boʻlgani aniq. Tibbiyotda chindan shundan termin mavjud( “Фантомная боль”). Bu nima degani? Tanadan kesib tashlangan organ asab tolalarining merosi miyada saqlanib qolishi.

Marziya Saydam adabiyotshunos, adabiy tanqidchi Ozod Sharafiddinovning muxlisi ekanligini, “Jahon adabiyoti” jurnalini aynan shu adibning publisistik maqolalari uchun sotib olib oʻqishini alohida ta’kidlagan. Ozod Sharafiddinov umrining soʻngi yillarida shakar(diabet) kasalligiga chalingan va doktorlar uning bir oyog’ini kesib tashlashga majbur boʻlishgan. U kishi doim doktorlarga kesib tashlangan oyog’ining bosh barmogʻi yoki tovoni ogʻrishidan shikoyat qilgan ekan. Doktorlar ham jiddiy muolaja qilib, ogʻriq uchun dorilar yozishgan.

Marziya Saydam esa oʻzining vatandan ayro yashash, uni hamisha qo’msash og’rig’ini fantom ogʻrigiga tenglashtirgan ushbu maqolasida. Takrorlanmas oʻxshatuv. Yozuvchining turkona ruhi (turk yozuvchilarining uslubiga oʻxshashligi) shundoq sezilib turadi. Bir qissa ming hissa an’anasidan ham foydalanilgan.

“Aslida, kasalliklarning oʻzi vujudimizda, ildizi ruhimizdadir. Buni do’xtirlarning hammasi ham bilavermaydi. Bu meros ogʻrigʻi mening ruhimni qaqshatadi.”
(Yozuvchidan iqtibos)

@nigohlarda