Onasini gullar bayramiga olib chiqibdi..
Oddiy rasm, lekin rasmni koʻrgandagi hislar oddiymas-da, Alloh, bizlarni ham shunday mehribon qilgin volidalarimizga)

@nigohlarda

Я не могу купить счастье, но я могу заварить вкусный чай, взять любимую книгу и создать уют.

Это примерно то же самое) 🍋

@nigohlarda

".. qiyomat yer yuzida koʻpishi shart emas, bir inson botinida yovuzlik ezgulik ustidan gʻalaba qozondimi, shuning oʻzi oʻsha zot uchun qaysi qiyomatdan kam?"

"Muvozanat" Ulugʻbek Hamdam

Bugun shu asarni oʻqib tugatdim, yozadigan joylari koʻp, lekin menga yuqoridagi jumla boshqacha taʼsir qildi. Tirikmizmi hamisha botinimizda, asar qahramoni Yusufnikidek kurash boʻlaveradi. Oltin oʻrtalikni saqlash mushkul albatta, tashqi sabablar ham talay. Ammo, eng katta kuch oʻzimizda, iymonimizda, eʼtiqodimizda. Ruhimizni qanday tarbiyat qilganimizda!
Hamma narsa aslida bizning ichimizda. Chin dunyo ham, haqiqiy jang ham, chinakam gʻalaba ham. Oʻsha yerda gʻolib boʻlsak bas! Qolgani ahamiyatsiz.

#tavsiya @nigohlarda 🌾📚

599-sahifalik sayohat kutmoqda..

"Havas qiling, ibrat oling, oʻxshashga intiling!"
(kitobning shiori ekan)

🏞🌳🌿 @nigohlarda

"Moʻmin kishiga berilgan narsalarning eng yaxshisi-chiroyli xulqdir". Rasuli Akram alayhissalom : "Jannatga tushishga sabab boʻladigan narsa nima?" deb soʻradilar va bunga oʻzlari: "Allohdan qoʻrqish va yaxshi xulqli boʻlish", deb javob qaytarganlar.

#kitobdan @nigohlarda

Kitob oʻqilmagan kun, yashalmagan kun nazarimda)

Osuda tun ✨ @nigohlarda

Jahlimiz koʻptin koʻpu, ilm oz...

©Alisher Navoiy rahmatullohi alayh

#Kuntugamasdankunxulosasi @nigohlarda

​​Havas qiling, ibrat oling, oʻxshashga intiling!

Turkiy hukmdorlardan sulton Mahmud Gʻaznaviy xudojoʻyligi, sunnatga uygʻun yashagani, adolatpeshaligi bilan mashhur edi. Uning bir vaziri boʻlib, vazirining Muhammad ismli oʻgʻli sultonga kotiblik qilardi. Bir kuni Mahmud Gʻaznaviy kotibining ismi bilan emas, "Ey vazirining oʻgʻli!" deb chaqirdi. Bu holdan kotib sergaklandi. Biror yanglish ish qilib, podshohni ranjitib qoʻydimmi, deb oʻyladi. Boʻlgan voqeani otasiga aytib, maslahat soʻradi. Vazir ham ming andishada javob izlab, hukmdorga murojaat qildi. Shunda Mahmud Gʻaznaviy "Tashvishlanmang, ey vazir, hamisha oʻgʻlingizning ismini aytib chaqirganimda tahoratli boʻlardim. Bu safar tahoratim yoʻq edi. Shuning uchun tahoratsiz holda uni Muhammad deb chaqirishdan, yaʼni paygʻambarimiz muborak ismlarini tilga olishdan qoʻrqdim", deb javob qildi".

"Ulugʻlar shunday yashashgan"
Ahmad Muhammad Tursun 📚

Kitobda shunday ibratli rivoyatlar koʻpki, qalbni jiz ettirganlarinigina ulashyapman.
@nigohlarda

Ilm deganda oliy oʻquv yurtini tamomlab qoʻlga kiritiladigan bir parcha qogʻozni tushunmaslik kerak. Ilm bu uyqusiz tunlar, soatlab kitob titishlar, ustozlar eshigiga qatnab, gʻurur va faxrni sindirishlar, qancha ilm olsa-da, hali hech narsaga erishmagani uchun nadomat chekishlardir.
Mavritaniyaning atoqli olimlaridan Muhammad Amin Shinqitiy yolgʻon guvohlik haqida leksiya oʻqiyotgan edi. "U nimaga oʻxshaydi?" deb qoldi oʻtirganlardan biri. U kishi hozirjavoblik bilan: "Universitetdan oladigan shahodatnomangizga oʻxshaydi", deb javob berdi.

Hozirgi holatimiz haqida yozilgan ekan.
#mutolaa @nigohlarda

Kishi farzandini ilmga majburlashi shart. Chunki u bunga javobgardir.

–Sufyon Savriy

@nigohlarda

Hammadan koʻproq oʻzimdan qoʻrqaman, soʻnggi soʻzim, soʻnggi amalim, soʻnggi holimdan bexabarman...

#iqror @nigohlarda

​​Ayrim solihlarda kitobga va uni yigʻishga qiziqish-oshiqlik shu darajada boʻlar ekanki, goho odob chegaralari ham buzilib ketarkan...
Alloma Yoqut "Irshodul arib"da shunday zikr qiladi: "Mashhur nahv olimi Ibn Xashshob kitob bozoriga borganida biror kitobga ishqi tushib qolsa, odamlarning koʻzini shamgʻalat qilib bir-ikki varaq yirtib olarkan. Keyin arzon narxda sotib olish uchun "ayrim varaqlari yetishmas ekan" deb turib olarkan. Zahabiy bu voqeani zikr qilib, u keyinchalik tavba qilgan, deydi.

Yana aytilishicha, oʻsha Ibn Xashshob birovdan oʻqishga kitob olib turarkan-da, u kitobini soʻrab kelsa: "Kitoblar orasiga kirib ketdi, endi topolmayman", der ekan.

"Ulugʻlar shunday yashashgan" 📚
Ahmad Muhammad Tursun rahimahulloh

Bizlardayam shunday mehr bormi kitoblarga?)

#davomibor @nigohlarda

​​Roviylardan Humaydiy aytadi: "Atiyya ibn Said juda koʻp kitoblar yiqqanlar. Bagʻdoddan Makkaga koʻchayotgan paytlarida ularni tuyalarga yuklaganlar. Kitobdan tashqari bitta kosa va sholchalarigina boʻlgan. Shu holatda hajga borganlar. Har kuni u zotni bir notanish kishi mehmon qilib turgan. Sheriklaridan biri (Abul Qosim Abdulaziz Ibn Bundor Sheroziy): "Bu kishining biror marta oʻz ehtiyojlari uchun kitobdan boshqa nimadir olib yurganlarini koʻrmaganman", degan.

Abu Bakr Xatib aytadi: "Nihoyatda solih kishi boʻlgan Ahmad ibn Gʻonim menga: "Ahmad ibn Muhammad Barqoniyga uylaridan koʻchishlariga koʻmaklashganimda u kishining oltmish uch qop va ikki sandiq kitoblari borligini koʻrdim" deb aytib bergandilar".

"Ulugʻlar shunday yashashgan" 📚
Ahmad Muhammad Tursun rahimahulloh

Havas qiling, ibrat oling, oʻxshashga intiling!
@nigohlarda

"Ne kadar okursan oku, bilgine yakişir şekilde davranmadığın sürece cahilsin".

"Qancha oʻqisang oʻqi, oʻz bilimingga mos harakat qilmas ekansan, johilsan".

Biroz qoʻpol, ammo haqiqat!)
@nigohlarda #tarjima

"Shamolday shovullab, shosha-pisha uyoqdan -bu yoqqa yugurgan shu insonlar singari!..
Hayotni yeyish-ichish va faqatgina yaxshi yashashdan iborat deb bilgan bu gʻaflatga gʻarq boʻlgan insonlar hech shubhasiz, oʻlimning nima ekanidan mutlaqo bexabar edi.
Ana shu gʻaflat uyqusida boʻlganlaridan biri men edim va uyqudan uygʻonib ketgandim.. "

Mahmud Olaqosh
"Peshonamdagi nur" 📚

#mutolaa @nigohlarda

​​"Oʻzingizni boshqalar bilan solishtirishdan qoching. Oʻzingizni sizdan boy, martabali, dunyoviy boyligi bisyor odamlar bilan solishtirmang. Buning oʻrniga paygʻambarlar va sahobiylar hayotiga nazar soling hamda ulardan ibrat olishga intiling. Zero, har bir inson Alloh oldida oʻz iymoni bilan baholanadi."

Rasmdagi kitobdan parcha)

Kitob uchun esa, Baxt xonimga tashakkur🌷

@nigohlarda #yapyangikitobbizda