لا تكن حارساً على كُل شيءٍ
هُناك أشياءُ دعها تكون
وأشياءٌ دعها تذهب
وأخرىٰ دعها تنتهي
قد يُفاجئنا القَدر أحياناً بأحداثِه
لكنّه يصنع فينا تغييرًا كُنا بحاجةٍ إلَيه!

أَشدُّ ما يُختبَرُ فيهِ المَرء هُو الرِّضَا في مَواضِعِ الحِرمَانِ وفي الأَقدَارِ الَّتي خَالفَتْ كُلَّ تَوقُّعاتِه.

لما سمعت مواليد ٢٠٠٦ بيفكروا في الزواج
كبّرت عقلي وبدأت افكّر في الحج🤎.

ذاحين قلدكم اللـہ يرضيكم ﮪـ ͲᏂᎥᎦ ــذا الشي 🥹😢

يرضيكم الركوووود العالمي ڣــې القناة 😢

ماعيوقع فيكم لو كل واحد نشر رابط القناة و دعمها شويه وفرح قلبي 😬

بابا هيا نروح عند امي ، بابا بابا وهو بيمسك دقنة ابوه على شان يبسره ويكسر الشرود اللي كابس على حياة ابوه بابا هيا نروح نرقد ، بابا شنزل اقل لمي تجي ويجري لا نهاية الغرفه ويتلفت يمين وشمال ويبسر الجدران غريبه ويبدا يتذكر ان هذا مش بيتهم ، بابا حقي الملابس وسخه هيا ننزل نلبس جديدات نظاف قبل ما تصيح امي فوقي ، بابا اتصل لمي قلها لا تفتجعش انا شا اروح عندها واضرب الهو ، بابا اشتي امي هياااا .. هياااا مع بكاء واصرار وعدم معرفة الطفل ليش ما يقدرش يوصل لا عند امه ، مع ان كان الوصول لها ابسط شي في حياته ، بل حتى قبل ما يدورها يلقاها قباله وذلحين ليش ما تشلوني عند امي ، هذه الكلمات والمشاهد بتحصل امامي وانا جنب اخي ، مشو داري ما يقل لابنه (نقيب) اللي عمره سنتين ونص ، مره يحاول يغالطه ومره اسمع بس تنهيده محجبه بغصة تشرخ الصدر ، ومره الدموع تلون عيونه باللون الاحمر القهري ، ومره نضراته بتتكلم وهو بيبسر ابنه وبتقول ، اااااح اااااح يا ابني قلي كيف اقنعك ان امك ماتت ، كيف افهمك اننت ما عتبسرش امك مره ثانيه ، وحتى اذا فهمت ، عتقلي ليش ...!!! حتى ليش هذه يبني مقدرش اشرحها لك ، امك اختفت من حياتنا بدون سبب وذنب ، محلا برأتك يا ابني ومحلا جهلها ، بس هذه المره مشنا قادر احسد البرأه تيه لان مصيرها تكتشف الحقيقه وتحقد عليا ....
وانا بنبسر صراعات اخي مع اوجاعه ومراضات ابنه الصغير ، فجأه اسمع تنهادة بتخرج دلا دلا وكأنها ما تشتيش احد يسمعها ، اقتلب ابسر واشوف الزهراء بنت اخي عمار وهي بتحاول تحبس دموعها اللي مغطيه عيونها ، قلت لها مالش يا روح عمو ..؟ طرحت راسها فوق ركبها وبتبكي بكاء يخزق القلب وهي بتتنهد من وسط روحها ، قمت بسرعه لا عندها مشتيش اخي يزيد الحمل فوقه ، الوجع اللي عايشه ما تتحمله جبال ، جلست امام الزهراء واختها البتول التوام جنبها قد عيونها ملان دموع وعتقرح بكاء بس فعلت نفسي اننا ما ركزتش عليها ، مسكت راس الزهراء وقربت راسي لا عندها وبنشاورها دلا .. دلا ، احنا سدينا ما تبكيش قبال النقيب ، لان انتي اخته الكبيرة اللي عتهتم به وتدافع عليه ، لو يبسرش بتبكي عيقل اختي تيه خبلا ما تنفعش ، وسمعت نبرة ضحكه خرجت وسط اهات الوجع من فم الزهراء ، رفعت راسها وابسرتني وقالت مش انت صاحبي ابعد من عندي هيا.. وبتدهفني بيدها ، قلت لها ليش ؟؟ قالت قد قلت لك يا عمو تيه اللي خرجوها من تحت الانقاض مشي امي هي واحده ثانيه زيد دور وعتلقي امي ، بس انت ما رضيت تسمعني ، وقامت وهي بتتكلم وتبكي وخرجت وقالت والله لا اخرج ادورها انا بين الانقاض ، ما شفتجعش من الصواريخ ولا الظلام المهم ما اخليش امي هنيك وحدها مراعيه لنا ، وخرجت من الباب حق الغرفه ، قمت بسرعة شخرج بعدها ، وصلت للباب وسمعت البتول قرحت بكاء رجعت بسرعه لا عند البتول شليتها لا فوق كتفي ، ورجعت اجري بعد الزهراء والبتول بتخبطني في كتفي وبتقول فلتني .. فلتني ، وانا بنصيح يا زهراء لقيت طلي بيتحاكي ، واختلط بكاء البتول الى ضحكة تغسل القلب ، محلا برأة الاطفال في قمة وجعها وقهرها الى انها ضحكت لمزاحي وما سخيت تكسر بخاطري ، المهم وصلت للغرفه الثانيه الي دخلت فيها الزهراء وبنحاول ادهف الباب بس كانت الزهراء مرتزحه بضهرها خلف الباب ما تشتيش تدخلني ، وبنحاول ادهف الباب دلا ، وكل ما يفتتح شويه يرجع يتقفل بسبب الزهراء ، البتول فوق كتفي رجعت قالت هيا فلتني يا عمو فلتني ، وانا قلت هاااااه هيا سمعتي سمعتي يا زهراء قلت لش لقيت طلي بيجابر ، ما صدقتينيش ، والبتول رجعت تضحك وهي بتسد فمها بيدها ، والزهراء قالت مشتيش طلي ، قلت لها على فكرة انا شا ارجع الطلي ذيه وعتندمي الطلي عاد باقي معه ميزات ثااانية انتي دارية بيستر يزعق والكل ، نزلت البتول من فوقي وانا بنأشر لها تسكت وتتخبي جنب الباب حق الغرفه وانا بنتكلم وبنبتعد شويه شويه كاننا شا ارحلي ، بس ما كنبش اي ردة فعل من الزهراء وابي كان بيسمعني من الصاله ، قال بصوت مرتفع شويه وكأنه متفاجأ ،هاااااه ياااا سلاااام حق من الطلي ذيه وهو بيبسر لا عندي والبتول ضحكت وحاولت تكتم ضحكتها وصل ابي لا عندي مسكني من اذني وخلاني اجلس وبيمسح ضهري وبيقل الله والطلي الاسود جي جي يا بتول امسكي بذنه الثانيه ندخل الغرفه نصبغ اظافره ، وبيسحبوني من اذاني وانا بنحبي على ركبي ويداتي ، طريق الغرفه الي فيها الزهراء ، وانا قلت لمه يا اباه بتجحبلوني من اذاني مابش طلي يسحبوه من اذانه ، مشنا ارنب ، قال فدوبك فدى على الطلي لا قدنت عتقع مثله ، اخطي سكته يا اخبل والبتول قرحت ضحك. الزهراء فتحت الباب سريع تشتي تبسرنا ، ودخلوني للغرفه ولعبنا انا وابي والبتول والزهراء وبعد نص ساعه البتول والزهراء ممدات جنب ابي ، وانا قمت شخرج وقالت الزهراء عتسير تدور امي يا عمو منير ، قلت لها ايوه ، فرحت وقالت اول ما تلقيها اتصل لا رقم بابا احمد ، يا سعم ابي ، ومسكت تلفون ابي وحضنته لا صدرها ، وابي قال ايوه عنراعي لتصالك قلت تمام

من عيني ، خرجت وقفلت الغرفه ، ودخلت للغرفه الي فيها اخي عمار ، وابسرت ابنه النقيب راقد فوق ركبته الدموع يابسات فوق خدودة ، واخي جالس مطنن وامواج القهر بتلطم مشاعره بكل قهر ولا وقفت ، قلت اذكر الله يا اخي ، ابسرني وقال هااااه ، وابسر لا عند ابنه وقال يوووه قدهو راقد...! قلت ايوه قربت وشليت النقيب لا فوق حضني ودخلته الغرفه عند ابي والزهراء والبتول ، اول ما فتحت الباب ابسرني البنات وقالين هيا مه لقيت ماما ، اشرت لهن يسكتين لا عاد ينكزين النقيب من نومه وابي قال اووصص النقيب راقد ، وطرحته وسطهم وخرجت سكته وابي بيغالطهم باسلوبه الحالي ، ورجعت وجلست في الغرفه عند عمار ، اشتي اوانس ولو شويه من القهر الي بصدرة ، مع ان القهر ال بصدري انا قد احرق كياني كله ، فما بالكم بالي داخل صدر عمار في تيه اللحظه ،ومشنا داري كيف افتح معه موضوع او اخرجه ولو شويه من القهر ، ما دريت الا لما ابسرني وقال بنبرة صوت تذبح الفؤاد ذبح نبرة صوت مخلوطه بوجع وباطل وحسرة ، ذلحين يا اخي منير اسالك بالله كيف اقنع الجهال ان ماعدبش معاهم ام ولا عاد عيبسروها طول حياتهم ، قلي كيف اقنعهم..! والنقيب لا ذلحين يشتي يروح البيت ومشو داري ان ماعدبش بيت والكل ؟؟ فرحت حين بدأ معي يتكلم ، ذلحين خاطركم شا اقفل التلفون اشتي اركز معه ......

#منيرالنقيب
#شظاياالقصف

يا طالعات الجبل
حمود السمة

و ريحهم 😍

الدينار اليمني -
كان الدينار اليمني ( الشطر الجنوبي سابقا ) من اغلى العملات : حيث كان ثاني اغلى عملة في العالم والاعلى سعرا وقيمة بعد الدينار الكويتي منافسا في حينها الدينار العراقي -وكان سعر الدينار اليمني الواحد يساوي عشرة ونصف ريال سعودي تقريبا ( 10.40ريال سعودي )في سبعينيات وثمانينيات القرن الماضي حيث ظل محافظا على سعره حتى عام 1990م--- ( ويعود ثبات سعر الدينار لعدة اسباب منها الضامن (التامين )وقلت الاصدارات -يتابع لاحقا )
واليكم الاصدار الاول من - واحد الدينار و5 دنانير و10دنانير ورقية من مصرف اليمن عام 1984م - وكان تعد ورقة 10 دينار اكبر عملة نقدية ورقية في الجنوب
مع العلم ان هنا اصدارات سابقة كانت باسم مؤسسة النقد للجنوبي العربي الذي نشآت في عهد الاستعمار البريطاني - حيث اصدر اول دينار قبل الاستقلال عام 1965م