البعض يسميها فرسك والبعض فركس.. عندكم ايش تسموها🍑

صباحكم خيرات بلادي 🥹❤️

#شذرات_غنائية

قال لها :
لا تنقدونيش إن بكيت وحنيت
شابكي على ذي ما معه تهنيت

فقالت له :
لو يعلنوا في الغرب حرب ثالث
ما أنا لعهدك يا الحبيب ناكث

فقال لها :
ما أحلى القمر في جو رحمة الله
الله يجمعنا بقدرة الله

#يوميات_فاطمة

قلو مرضت حموده من قبل العيد ...
راسها وفيها ضيق ....ومكتئبه ...اكيد من الوضع والضغوطات حق الحياه ...لكن عمتي مابلا تسير تفتح لها الكتاب ..قلت نشلها المستشفى احسن نبسر لاهو فقر دم قالت عمتي اين تشليها عند الذي مابيرحموش عيطلعو فيها مية عله ...ويخلوها تفعل الف فحص وما عتوصلش لانتيجه ...اهجعي بس انا داريه انيه عين
المهم..بكرت الصبح بزت حموده عند واحده تقرا عليها.. وصلناو بدائت تقرا وحموده جامده كان تقلها بما بتحسي وتقل ولا حاجه
وتعس جبهتها😳 وتقل حاميه.
كلما قريت عليها زادت جي عسي على حما .. هذه فيها جني😳😳😳 قلت بيني وبين نفسي فيش جني انتي أعوذ بالله منش
وعمتي صفرت ...قالت هوذا ما اتشنجت ولا فعلت شي قالت هذا جني روحاني.....ادت لنا حرز وبخور .. ....روحت وانا مفجوعه.... ..وكان واحنا في السياره ...تبدأ حموده تتحاكاو وانا تفترد بطوني
وتتحرك وانا ادوخن🤣
دخلت اسأل شات جي بي تي ماهو الجني الروحاني
قال "جني يُعتقد أنه لا يؤذي صاحبه، بل يساعده، ويكون مرتبطًا به بعلاقة خاصة، وقد يكون خادمًا له في بعض الممارسات الروحانية
😱😱😱😱😱..

فاطمه علي

#يوميات_فاطمة

الجزء الثاني
المهم عمتي جت عندها خبيرتها امي تقيه
وبتجابرها بقصة حموده
قالت لها امي تقيه...😳..يوه ماشاء الله لاقوة الا بالله هيا أجمعي حسش تزد تجابري احد غيري عينفسوها 🤣 هذا فضل عظيم من رب . العالمين
بخرروها بس لما ينطق ..
قالت عمتي البخور على فاطمه انا راكنه عليها ..وكان اول ما اسير افعل ناره تهرب...و تغلق على نفسها
وانا ..افعل البخور باب غرفة حموده واغلق عليها واهرب .والكل ...وعمتي تصيح من ورا الباب هيا مه نطق 🤣🤣🤣🤣
سعليش مايفعلش حاجه هو روحاني
وحموده تضبح وتتكلم عليا وعمتي تقل لا تغثيش مشو برضها😭
المهم جت امي تقيه ومعها ابن ابنها مريض
قالت تعالجه حموده 🤣🤣🤣🤣...سرت اصيح لها ياحموده افتحي امي تقيه ابن ابنها مريض جي عالجيه ...فتحت الباب بقوه وانا ساهيه لما حسيت بطوني في القاع .....وقالت ماهو 😡...وانا الصدق افتجعت قلت لاعاد يزغطني الروحاني هربت .و...قلت لعمتي حموده راقده
قالت امي تقيه والله ما ادي خطوه الا لما تقرا عليه 🙄...بزت عمتي الولد وقالت لحموده ابسري مرحمه 🥹...امانه لما عالجتيه ..وحموده تقل كيف اعالجه 😡 لاتجننونيش😫😫😫... قالت اقري عليه ماشي والله لاحرم صورتش وحموده مزرجنه
قلت لحموده وانتي اقري عليه كله اجر ماعيقع بش
اقري الفاتحه والمعوذبات
قرت عليه حموده وروحت امي تقيه وحموده جننت
فوق عمتي قد سمعتي بي
ان فيني جني ماذلحين افتهني
وحنقت وغلقت على نفسها
المهم يوم ثاني بكرت امي تقيه من زقزقه
قالت اين هيه حموده ...جعلت يدها فالجنه ...وكان تصيح حموده حموده افتحي افتحي ....وحموده ولا
قلت العفو منكم يمه تقيه اكيد هيه ذلحين في جلسه خاصه مع الروحاني
مكنتني زلط .....قلت حق مه هذه....قالت مكنيها ...قلت مابش داعي
قالت لروحاني ياخضعا
مكنيها بس
روحت امي تقيه وبين اعد الزلط وانيه خمسه الف 🤣.....صيحت حموده افتحي حرام انش عتزبطي الحراف ....خمسه الف افتحي ...دخلت لها الف من تحت الباب
قلت هذا الالف لروحاني ولباقي لي 🤣🤣🤣

فاطمه علي...الام المثاليه

#يوميات_فاطمة

...الجزء قبل الاخير

المهم لحقتني حموده ...وشلت الزلط وادت لي الف
قلت والالف بركه فرحت وتهللت اساريري حتى ماعاد كان افتجعش من الروحاني هههههه كيف الزلط تخلي القلب قوي
المهم امي تقيه ولاخلت احد وماقالت له
والنسوان قدن مع الوضع والحراف والهم فيهن ضيق
كل يوم كان يجين خمس
ست تقرا عليهن ...حتى النسوان من الطبقه المبسوطه ..فيهن عين المهم فتح الله علينا .. وافتهنت حموده ورجعت حموده البشوشه الفرفوشه...كيف الفلوس تغير النفوس...ههههه
حتى انا كان يقع لي رزق المقسوم وعمت السعاده البيت ...واعجبنا الوضع ...وحموده كودها كل ساعه وتصيح لي ابخرها🤣🤣🤣🤣 قدي تشتي تطور في العمل والجني ينطق وانا ولاعاد كان اتصايح انا وزوجي ...اصلا ماعادناش فاضيه له...
ولاعاد بين اطلبه حاجه
كودي زاقمه للمبخره🤣🤣🤣
قلت لحموده لانطق لاتنسي اختش لاعاد معه الروحاني اخ ههههههه ....المهم زوجي مدري من قال له مابيحصل وقد به رجال يشتو يجو يتعالجو 🤣🤣🤣🤣🤣
جاء وهو ساع المجنون
صيح لي وانا بالمبخره
من الفجيعه حن ابسرت صورته حملت ابخره🤣🤣🤣..زقمتي برقبتي قال قد معنا روحاني وانا اخر من يعلم 😡...اين هو
كان ااشر عليه لاغرفة حموده 🤣🤣🤣🤣..نبع لحموده وحموده هربت لا عند عمتي
صيحت عمتي صلي على رسول الله وانا شاجابرك
المهم هدا وجابرته وحلف مازد تدخل مره😡...وحموده قد بتبكي عاديه بداءت تفتهن
وانا والكل
قلت لاتحزني ماعليش شي
اتصلت لمي تقيه ...وقلت لها أي واحده تشتي تتعالج لاعاد تجيش اتصلي وعتجي حموده لاعندها
وانا بدئت افعل لها اعلانات في الحاله
حموده للأمراض المستعصية...و الروحانيه اتصلو تجدو ما يسركم🤣🤣🤣🤣

للحزويه بقيه
فاطمه علي المبسوطه

صباحكم عصيد حضرمي 😍

شكلها يفتح النفسسسس 😋

وانسنا بمن يحبنا ونحبه يا رب."
🌸🍃

‏وَمِن عَظيمِ لُطفه؛
‏أنّه يَراكَ مُبتسماً فيكتُبها لك أجرا، ويَراك موجوعاً فيغفِر لَك ذَنبا. ومَا بَين تقلّب أحوالك، أنتَ بعَين اللّطيفِ دَوماً..
🌸🍃

#شذرات_غنائية

ذيه الحمامي لا أزدقم و لا طار
جالس يذكرني بحب من سار

سارت سنة والثانية عدالحق
الله يصيب من بيننا بيمحق

‏"المقارنة قاتلة، رحلتك مختلفة، المعادلة مختلفة، الأهداف مختلفة، والثمن مختلف."
-

#يوميات_فاطمة

قالت حموده ولو يدرا اخي عيقتلني ويطلقش
قلت اتحداه والله مايعسش وانا يطلقني يشلوه الجن المهم الروحاني 🤣🤣🤣...خلاص زبطنا الحراف ...قالت ماشي يافاطمه مابلا اعقلي انتي داريه به
قلت لاتقلقي ...المهم كان تسير حموده تقرا على النسوان .....وانا اوبه في البيت واول مايسألو عليها اتصل لها تروح ..وبعدا..قنا نوسع المشروع ونكسب أكثر...و جت لنا فكره نقرا بين ماء وابين زيت الزيتون ونبيع ....كان ابز لي طاسه ماء واشل الختمه واقرا
وحموده تقرا في الزيت .وتقلي لاتنسي ماتدفلي 😳.
كان يبس حلقي ....زاد الدخل
لايوم قلت لحموده انا ذلحين فيش جني روحاني والا خرط
قالت علمي علمش والله ماعاد. انا داريه
قلت بتحسي بحاجه ...قالت بين احس ان انا مفتهنه ورجع لي الشغف والحياه
قلت خلاص فيش جني روحاني 🤣🤣🤣
ماعاد احد مفتهن هذه الأيام استمري بس
للحزويه بقيه

فاطمه على سيدة الاعمال

مشتاقين لأجواء الأمطار والبرود.. اللهم اسقنا الغيث..

بيضه 🌚😍

ﻣــڼ كان يلعب زمان هذه اللعبة 🥹
لعبة جيل الطيبين ❤️

غزة تختنق جوعاً
اللهم إن أهل غزة يختنقون جوعاً
ولا ناصر لهم إلا أنت
ولا معين لهم سواك
اللهم ارزقهم رزقًا من عندك
يغنيهم عمن سواك
وارفع عنهم البلاء
وأبدلهم بعد الخوف أمناً
ياذا العزة والجبروت

ما هو موسم البلدة السياحي في مدينة المكلا؟

"البلدة" ليست مجرد اسم لمناسبة سنوية، بل تُعد حالة مناخية نادرة تشهدها مدينة المكلا في منتصف يوليو تقريبًا من كل عام

خلال هذه الفترة، تنخفض حرارة مياه البحر بشكل مفاجئ وملحوظ، حتى في ذروة الصيف، بفعل تيارات باردة صاعدة
من أعماق البحر

ويصبح الطقس أكثر برودة ورطوبة مقارنة ببقية أشهر الصيف ما يجعلها وجهة مميزة يقصدها السكان والزوار للاستمتاع بأجوائها الفريدة..

الصبوح الي مايختلفش عليه اثنين 😍😋

عزموا مصري بزواج يافعي واجا الشاعر يقول الزامل

مني سلام الفين واثنعشر ميه...

قال المصري ياعم متقول تلات الاف وميتين وتريحنا

#يوميات_فاطمة

النهايه
**المهم... قد العائلة كلها بتحسد حموده، حنّ معها جني روحاني... لا يوم اتصلت لنا واحدة من الحارة، أدوا بنت أخوها من البلاد، مريضة قوي، قالت:
"حموده، جي معي، بين نفتجع، قالوا فيها مس..."
قلت لها: "إحنا اتفقنا نعالج الضيق، العين... أبردي لش."
قالت: "والله إن أنا أشتي أختبر نفسي، وأختبر الروحاني... وأتطور في عملي."
قلت: "سيري وحدش."
قالت: "شلوش يا خبلا، ما يقيع بش؟ ما بلا قوي قلبش؟"
قلت: "ماشي، ما عاد أسيرش."
قالت: "خلاص... هذه المرة ما يقيع لي نصين."
قلت: "ولا، سيري، الله معش."
قالت: "خلاص يا صياد، ثلثين وثلث 😳... حن عادوا أول عمل لي في المس، شلي لش ثلثين."
ووافقت... أصلًا العرض مغري.

سرت أنا وحموده، وصلنا، وهم مغلقين عليها، وهي بتغور وترزع الباب.
قلت: "يمه! 😨 هيا حموده نهرب!"
قالت: "ما قلنا ثلثين وثلث؟ وبعدا، مالش؟ هذا روحاني!"
فتحت المرة الباب، ودخلنا عند البنت، وغلّقت علينا 😨
أبسر وهي بنت جثه وطويلة 😅.
أول ما بَسَرتنا، سكتت.
قلت: "بركاتك يا روحاني 😘"
قالت لي: "ما تشتي؟ 🙄"
وأنا يبست.
وقرّبت صليا، قصدي عتسلم عليّا، فعلت لي ملاطام، لوما سرّجْن عيوني!
كنت أحاول أقرأ الفاتحة، ومن شدة الفجيعة، ولا عاد ذكرت حرف!
وحموده قفايا... هزرتها، وقالت: "وهذه من هي؟" 🤣🤣🤣
وزقمت رقبتها وخنقتها، لما خرجن عيونها، كان أدبجها، تفلت لها: "عتـموت"، فلتت لها، واستوت صليا، وزقمتني وشلتني للهواء، ونذقت 🥵
لوما اكتبدت 🤣🤣🤣
كنت أحاول أصيح، وحلقي يابس من الفجيعة 🤣
ورجعت لحموده بسرعة، فعلت لها زبطة، لوما لصقت عرض الباب 🤣🤣🤣🤣
وهزرتها، وكان توررر بها، لوما سومت وارتجمت، ورجعت لي 😨، وأنا سنبت.
كان أدور حول الغرفة، وهي بعدي.
يوه! جعلش مصيبة يا حموده، أين الروحاني؟ 🤣🤣🤣🤣
وحموده ممددة، كان أدسعها، أنا وهذه الجنية في كل دورة، ندورها!
المهم، شلت حموده، حقها الثلث 🤣
وكان أتذكر حقي الثلثين 😭😭😭😭😭
وأبكي، خلاص، كنت أحس أني استهلكت كل طاقتي، وهي، والكل!
تعبت...صياد ، لأني كانت جثة وسنبت، وقديّ متشنجة وغضبت وغُصبت!
وكان به دولاب، كان تحاول تقلع حقه الباب تضربني به 🤣🤣🤣🤣
الحمد لله ما أقدرتش...
وأنا خلاص أيقنت بالنهاية، واستسلمت، ما عاد بش قوة أهرب... وهي ما يأستش، جلست تدور ما تضربني به.
بَسَرت لداخل الدولاب، وقلعت رف، وجت كان تفعل لي "اضرب اضرب"، لوما... شليت حقي الثلثين وفقدت الوعي!
وحموده قلدت إنها ميته... وعمّ الهدوء، وفتحوا، وأسعفونا 🤣🤣🤣

فاطمه علي..ربة بيت وام مثاليه

و ريحهووووم مع البابا حمود السمة 😍

فيديو نادر للحياة اليومية لسكان عدن عام 1960م
ما الذي تغير ؟