وأعظم ما تكلفني اللَّيَالي
‏سُكوتٌ عندما يجب الكَلامُ

اللهُم اجعَل والدينا من السُعداء في الدُنيا والآخرة
وأكرمهم بتَمام الصَحة والعَافية، وبَارك في أعمارهم وأعمَالهم، وارضَ عنهم رضاً لا يَعقبه سَخط، ولا يَنقطع مَداه. اللهُم كَمـا أحسنوا إلينا صغَاراً، فأحسن إليهما كبَارا، واجزهم عنّا خَير الجَزاء.‏ㅤㅤㅤㅤ

#يوميات_فاطمة

يوم طفو السراج وقلت انزل اسمر عند عمتي
نزلت وعمتي وسابره منسجمات وبيتجابرين بين الظلمي
بتقل عمتي فديت
بنتي الحميش هيا كن بكري ساع اليوم
قالت يوه يمه لوتبسرو كيف لما بكرت... هولا نسوان عيالش كابوس في الليل والنهار
قالت عمتي اي والله ... من حن واحد يزوج عياله ماعاد يبسر يوم سوى٠٠٠بندي لنا اعداء لا وسط البيت😳
قالت سابره راعو راعو اجابركم ماهو الكابوس الذي قومني.. قلو يمه
حلمت ان فاطمه ...شلت السياره الذي ادها عماد الهمداني لخطيبته🤣 وطلعتني معها وكان تسرع وانا اقلها دلا وهيه ولا 🤣🤣..وانا اقلها دلا وهيه ولا
وكنت اصيح لوما يغيب صوتي ...قالت عمتي وانتي من قلش تطلعي معها وانتي داريه ان جني افلخ ولا مرت الأخ
قالت يمه ركزو هو حلم حلم راعو اكمل لكم
هياا وهيه بتسرع وانا بين اصيح دلا وهيه ولا مابسرتها الا جنبت وطلعت الغرله مرت ابنش الثانيه وتخيلي اين جلست
قالت عمتي اينه
قالت فوقي🤣🤣🤣 لوما اقتطع نفسي ...كان أحاول ادهفها عد اموت وهيه ولا حركه...وهاذاك الجنيه فاطمه بتدوس ماسمعت الا الرزعه
صدمت الونش حق المرور
ماتتخيلوش الهديمه الذي وقعت لي ...والدبيه مرت ابنش دوخت كان أحاول احركها ولا استرت
.. مابسرت
العقربه مرت ابنش الا فتحت باب السياره وهربت وهاذاك مدوخه فوقي وبعدا رحمني الونش وجاء شل مرت ابنش وكنت ابسرها مدندله🤣 وانا كنت أبكي أبكي ...واقل يوه جعلي مكسر عليش
قالت عمتي على من 🤔
قالت على خطيبة عماد
خربت فاطمه الواجهه حق سيارتها
لصو السراج وعمتي وسابره بسرني قالين 🥶🥶🥶 من ايحين انتي
هنا
قلت من حن كان تقلي لي دلا وانا ولا
😡😡😡😡😂😂😂😂
#فاطمه_علي

‏غارقةٌ في الفضل
‏يغمرني الله بنعمته أينما التفتّ
‏كرمه أمامي وخلفي وعن يميني وعن شمالي
‏ومن فوقي.

رمضان كريم من ذلحين 🫡♥️

الإحترام لايصلُح للجميع ،
فالبعض لايقتنع حتى يُهان
_

اللي اخترعت لنا القشاع والنفاض قبل رمضان تجي لاعندي نتفاهم 🔪 🔨 🔫

يقول المثل الشعبي
[ الشَّقَا بَيتَ البَقَا ، وبَيْت حَيَّا ومَرْحَبَا ]

المعنى أن العمل يضمن لصاحبه الحياة الكريمة والاستقرار ويجعل بيته مفتوحًا للضيوف ويرحب ويكرم كل القادمين إليه ، ويضرب في فائدة العمل على صاحبه .

‏تكيد المرأة للمرأة بقدر النقص الموجود فيها.
-

ايام قليله لسماع هذه الصوت والاجواء الروحانيه
اللهم بلغنا رمضان ونحن في احسن حال

مشاركة / فضل الخميسي

سمسرة الفجير (سقف من الألواح الحجرية)
للعام 1998م سمسرة الفجير قرية بيت عز عزلة الضلاع الأعلى مديرية شبام كوكبان محافظة المحويت

صَباحُ الخَير
لا شيء يُساوي العافية في هذه الدُّنيا فمن يُدركها فليحمد الله"

#يوميات_فاطمة

يوم وصلتني رساله من رقم..غريب دولي .... ..لقد ربحت معنا خمسه الف دولار 🙄
...قلت في نفسي كيف ربحت شكلهم غلطوا.فعلت علامة استفهام 🤔 ردو هل انتي فاطمه علي .. ...وعلى طول نزلت لاعند سابره جيت وهيه مسنبه فوق السجاده بين اقلها سابره سابره امانه ابسري لي هذا الرقم هو رقم صدق والا وهمي ...وهيه ساكته واانا بين اهزها وهيه صاحت مابتبسرينش بين اصلي كيف بتحاكيني😳 قلت بتصلي 🤣🤣🤣..قالت للمه بتضحكي ياعقربه
قلت لانش بشعرش ياحيه
قالت بغير جنان🤣🤣🤣 قلت بغير جنان انتي ..الله يزكيش عقلش .قالت هيا اوبهي تقلي لمي 🤣🤣🤣🤣عتجلس تعايرني وتقل كله عمل التلفون...
بسرت الرقم قالت هذا رقم عراقي مشو وهمي
قلت كيف دريتي قالت خبره
مع سابره كل الأمور سابره
رجعت فعلت لهم رساله نعم انا فاطمه علي جت رساله
أعطينا رقمش واسمش الكامل ستصلش رقم الحواله......يارب انا في حلم والا علم ...جلست فوق السرير وانا بين اتخيل نفسي وقد اشتريت باص وربطته بشريط احمر ...وكتبت على الزجاج...هديه لزوجي الغالي .. 🥹...اتصلت لمي
امه شكلش بتدعي لي ...قالت مابه قلت ربحت جايزه ..لكن ولاقد تحاكي احد ... مابش ربع ساعه و فتحت الوتس ...ودخلين خواتي هيا ماقد معنا وين فاطمه اليوم .....انا وربحتي ولا تتعذري خواتش حتى بمية دولار
قلت ماقد ربحتش مدري هو صدق او كذب ..
قالين ماشاء الله سعم عننفسش غر قلي لنا نفرح لش
شويه وقد اخي بيتصل
..الف مبروك ...اختي الغاليه اخوش اخوش لامعاش لاعمل والله ماتفلتي الف دولار بس سلف اشتري متر 🙄الان الان يامنعاه
قلت ييه عاديه غر رساله والله ماقد ريال ..الله يسامحش يمه
رساله عاجله من حموده
وووفطوم انا اخر من يعلم الله المستعان عليش
قصدش لاخفيتي ماعتدراش غدوه انا اليش حتى مية دولار انا اختش اختش 🤔....ثواني ورن التلفون وانيه مرت اخي الذي قد لي من صورتها سنه قلت
حيا بعث الله من في القبور ...قالت عادنا بين اجابر اخوش كم قدنا فاقده لش
كيف لما فقديني ...قالت والله ان قلبي عندش بس الدنيا تلاهي غدوه انتي معزومه عندي ...اها عزومه بكلها ...ابشري ...وقلت في. نفسي حرم عليش مانتي دولار واحد ياعقربه 🙂...شويه وان قد جاء زوجي ومعه ورده ...دخل وهو مشخر شخاره وقلي مساء الخير ياروحي.. 😳 ...قلت له انا 🙄..قال من عاد معي غيرش..ايوه انتي ...ومكني الورده ...😍. قلت الله يسامحش ياحموده خربتي المفاجاءه
مابش دقايق وان قد حمايا الصغير بيفعل لي رساله متر كهربائي يافاطمه...يامنعاه حلم حياتي .. .والله لافعل جمعيه وقضيش اربع سنين والزلط عندش والله ماتتأخر 🤣🤣🤣🤣
انتضروني اكمل لكم ماوقع
فاطمه علي المحظوظه🤣

#فاطمه_علي