هل تعلم والا شكلك لا تعلم 🌚

"انتصارُكَ بالصّمت خيرٌ مِن انحدارِكَ بالرد" .

حين تشاهد هذه الكثافة في الخضرة، وانهمار المياه من قلب الغابات الكثيفة، قد يذهب خيالك فوراً إلى غابات فيتنام المطرية، أو ربما تظن أنك في إحدى جزر جنوب شرق آسيا المنسية 🌳

​هذه المشاهد التي تبدو وكأنها خرجت من فيلم وثائقي لـ ناشونال جيوغرافيك عن أعماق الأمازون، ليست في قارة بعيدة .. بل هي هنا، في قلب الجزيرة العربية 🇾🇪

​نحن في مديرية الشِعِر بمحافظة إب اليمنية، وتحديداً عند سد الشروم، مكانٌ تتوقف فيه لغة الوصف، حيث تخترق المياه صمت الغابة لتصنع سيمفونية بصرية لا تشبه إلا نفسها.

​لطالما عُرفت إب بأنها اللواء الأخضر، لكن مديرية الشعر يذهب أبعد من ذلك، ليثبت أن اليمن يمتلك تفاصيل جغرافية لا تزال تخبئ الكثير من الأسرار للعالم.

​ففي المرة القادمة التي تبحث فيها عن جمال الأدغال الاستوائية.. تذكر أنك قد تجدها في جبال #اليمن، حيث الطبيعة لا تزال تتحدث بلغتها البِكر ♥️

حاشد القيدلة

#يوميات_فاطمة

الجزء الثالث

وانا على طول شليت تلفون عمتي الذي فيه الوتس العراقي
ودورت صوره واحده جميله يعلم الله منين هيه.... بتنشر صورها يوميه
وفعلت الخلفيه حق الوتس صورتها
ههههههيييي المهم المحترم زاغ عقله حن ابسر الخلفيه
ودخل يجابرني
وقلت له ان انا كرديه من أربيل واسمي مهجه
واحب اليمن ودائما اقرا عنها واتابع أخبارها
المهم قال رسلي لي صورتش ورسلت له ثنتين
وكان يجلس يجابرني لصبح
ويرسل لي اغاني يمنيه
وانا ارسل له عراقيه
وياليلاه
المهم تغير عليا ميه وثمانين درجه ....وكأن بيننا ثار
وكان يتذربني لعل وعسى احنق ....قلت ياجناه ماله هذا الجني. ولو عادو صدق الظاهر لايقتلني 😳
المهم انا وقعت ساع الربل ولا رضيت احنق
وكان اراسله واقله سجلي صوت ويهرب الجباء ههههه
يسجل ويرجع واقله صوتك جميل زد ارفعه شويه ويخرج يسجل المهم اشتغلته قرعه
مابسرته الا يوم بيلف لداته
قلت هيا الين ....قال معي عمل عد اسير الحديده
قلت هوذا قلت انت على الحديده🤔
المهم سافر وصل فعلي رساله
مساء الخير يامهجتي الليله انا فاضي لش وشاجابرش صوت لصبح
قلت في نفسي سافرت علاسب تجابرني 🤔 وانا جلست اتراشاك تخرجني في العيد ولا رضيت ..
وقمت شليت تلفوني انا فاطمه 🤣وفعلت له رساله طمني عليك وصلت
وجلست رسالتي معلقه للفجر ولا جاوب
وبيجابر مهجه
وبعد ماغلقت مهجه رد على رسالتي ايوه وصلت مغرب بس كان معي عمل ما اقدرتش ارد عليش
غلقت وانا الصدق مغلوبه غلب الأرض.....ماكلف نفسه حتى ثواني يرد عليا
المهم من صباح الصبح قام يراسلني صوت أمواج البحر وانا ولاعاد فتحت الرقم العراقي ...لو اجلس اجابره ماعاد عيروحش من الحديده🥹
مابسرته الا رجع من الحديده
وقدو ساع المسكين وبيجابرني سوى....على طول فتحت الرقم العراقي
وبداءت اجابره
قال سافرت محافظه ثانيه من أجل اجابرش براحتنا وغلقتي💔
قلت اعذرني تلفوني اكتسر
وذلحين صلحته وكل شويه ويطفا 🥹 طبعا كنت اجابره بالعربيه الفصحى انا كرديه عجما...اقدر اكتب بس لكن الحكايه كرديه
قال اشتي نتزوج
قلت له كيف انا في العراق
قال شاجي
قلت كيف عتجي لأمطار ولا طيارات😳
قال شاجي ولو سيرا على الاقدام🤣🤣🤣🤣
قلت له ماعتوصل الحدود الا وقد انت ميت😳 ...وغلقت للعشيه افتح وقد فعلي الف رساله فتحت اعذرني تلفوني بيطفا ....واحنا ضروفنا لاتسمح بشراء تلفون جديد
قال الان اشتري لش ايفون آخر اصدار مابش سخا على هذا القمر تلفونه يطفا ...اطفا انا ولا يطفا تلفونش 😳... لكن كيف ارسله 😳...قلي لي
قلت في نفسي ايفون مره واحده وانا معي تلفون قدو مربط الذي يبسره يقل هو عبوه ناسفه 🤣 ...ولما اتصل لحد يقل به صوت متر 😭😭😭😭... وعتطفا انت ...😳😳😳لكن سهل لارحت لك 😭😭😭😭...
جننته ماكان افتح الا شويه
قال الصدق كيف ارسل لشش تلفون ماهكذا تعب ...قلت له ارسل لي قيمة التلفون وخاتم العرس والف دولار مهري والف حق السفر وانا شاجي اليمن
تهللت اساريره وفرح
قال لكن كيف ....قلت امي في عدن عتجي زياره للعراق وتشلني معها وانت اطرح لها الذي قلت لك في أقرب مكان وامي عتتصرف قال ادي رقم امش قلت للاسف زوج امي متشدد لايمكن ادي لك الرقم انا عد اتواصل معها....
قال مايسبرش خلي امش تلقيني لا اي مكان
قلت للأسف صعب ...قال اسكه جابريني صوت ساع الذي شك .....وانا معي صديقه مغربيه ...قلت لها جابريني بالمغربي يامنعاه
كان تجابرني وارسل له وهو مادراه ....
😅..المهم قلت له ليله اشتي تغني لي اغنيه عراقيه
نزل المجلس وجلس يغني لي بيا حجي لو ينحجي 🤣🤣🤣🤣 قلت ما اسمعك علي صوتك
وهو انسجم مابسر الا عمي قال مالك يابني صلاة على رسول الله ما بتفعل
افتجع وطلع
شويه قلت له بصراحه ماعجبتني الاغنيه بكتني😭
قال ماتشتي اغني وانا اغني
قلت اي اغنيه عراقيه تعبر بها حن حبك لي بز التلفون ونزل ..
ماسمعته ...الا بيغني بدي انا مابدي انا غيرك مابدي شو مهضومه ياحبي ياعمري خليك حدي يماه يماه يما يما يما😱😱😱😱 🤣🤣🤣..قلت عيد جعل مايغني غيرك
وارفع صوتك شوي ...صوتك واطي كتير ...وهو اتحمس كان يغني بطول الصوت 🤣🤣🤣....ماسمعت الا عمتي فاطمه انزلي ابسري الجني زوجش ماله قد فجعني عمش....قال سمعه اول وطلعه وذلحين قذا نزل ووو بيغور ويقل يما يما يما يما 🤣🤣💔💔🤣
انتظروني
فاطمه علي😉

#فاطمه_علي

قبل شويه وانا مروح جيت طلعت باص وقد كنت اخر واحد وكمل العدد !
بعدا جات واحده عجوز تشتي تطلع ،السواق قلها مابش مكان ياحاجه الباص ملان !

قالت له لوسمحت ياولدي ماعدبش باصات وانا مره كبيره الله يرضى عليك وانا ساكنه بعد المطار في طرف الدنيا !

رجعت انا قلت لها تعالي ياحجه تعالي اجلسي بقعتي وانا شاسنب عادي !

مادريت الا حين قال السواق انزل ياخي ، مابين اخليش احد يسنب عندي بالباص لاترجع تنكع بعدا المرور يرجع الغلط عليا !
وانا قلت له ياخي امشي بس عليا شمسك سوا ، وبعدا انا سنبت علشان الحجه تجلس مكاني
وهو قال ماااشي مابتحرك الا لوما تنزل لوسمحت !
ومادريت الا حين الحجه قالت انزل يا ابني خلينا نمشي نشتي نروح شرق علينا أخرتنا !

اووف والقلبه ياحجة

😅🤣😂

‏"واحفظ عليّ رقّة قلبي و حسن ظني،
‏ولا تبدل طمأنينتي خوفًا من الجانب الذي آمن".
-

صنعاء خليط من الفن في الزي والبناء الهندسي ونغم الكلمات 💕

#يوميات_فاطمة

الجزء الرابع

لا ليله قلت له اشتي ابسر صورة زوجتك ....
.
قال للأسف مابش معي صورتها.....
قلت... لا... مستحيل زوجتك ومابش معك صورتها ...قال والله مابه ...وبعدا. ماتفعلي بصورتها
قلت انا خايفه تكون أجمل مني
وهو ضحك وتكركر كر كر ههههههه اين أجمل منش
اطمئني حتى لامعاكم ربحه في البيت مشيه أجمل منها ههههه 😡 قلت لا لا لا
قال والله. قلت انت بتبالغ
خلاص زعلت منك مابدك ترسل الصوره .😔.. وغلقت وغلبني النوم كنت مرهقه كودي بين اجابره لافجر واقوم ثمان عمل وعيال وجنان ....قمت الصبح
مافتحت التلفون الا على صورتي 😳😳😳😳 صورني ابن الذينا وانا راقده
🤣🤣🤣🤣...قال يزعل الكون كله ولا تزعلي لاعاش من يغثيش❤️
هيا ابسري الرازم الذي معي ههههه
قلت ماهو الرازم وجلس يشرح لي ماهو الرازم
قلت مسكينه شو مالها
قال ولا لها شي قدو هذا خلقها قلت ياحارام شكلها شقيانه ومقهوره ....ومظلومه
قال اين مظلومه ما مظلوم الا انا ...تخيلي سنين وانا وانا بين ابسر الصوره هذه
قلت ياحرام ...قال حرام والف حرام ماذنبي ... ...غلقت وانا مقهوره على روحي...وبين ابسر صورتي الذي صورني
عيوني حارقات ....وبشرتي باهته وشعري مشهفل وعيوني قلب
والمصيبه ان عاد لقفي مفتوح 🤣🤣🤣😭

فاطمه علي الرازم🥹🤣🤣🤣🤣🤣

#فاطمه_علي

يُقال أنّ امرأة خرجت على زوجها مرة بصوتها العالي تصرخ وتقول:
إني لستُ عبدَة في هذا المنزل، أطبخ وأكنس وأغسل، لماذا لا يحق لي أن أستمتع بحياتي؟
لم الرجال فقط هم الأحرار في هذا العالم؟

فقال زوجها: كيف عددتني حُرَّا وأنا أسيرُ عينيكِ؟

فاستَحت ثم عادت إلى المطبخ ❤
وفعلت بنت صحن وعيناها مشورغات من السعادة .
من كتاب (ترويض الافعى ، لبيع الذهب الاسمى )

😂😂😂😂😂

من نعم الله أن يأتي عليك الليل و أنت آمن في بيتك، معافٍ في صحتك، قادر على فعل الأشياء التي تحبها بدون تعب. 🤎

#يوميات_فاطمة

الجزء الأخير
الصدق صورتي اثرت فيني ...وقوي زعلت عليا .. نسيت روحي .. ونسيت ان لبدني عليا حق ...كل شي يخصني عادي وطز ومشو مهم
والمهم زوجي لاقدو مفتهن
وعيالي لا امورهم سابره .ولاعمري فكرت في نفسي ... ....
ورجعت ابسر صورتي في المرايه 🥹..قلت هيا لاذكر
صبوحش الدافي ولا الغداء الحالي ولا البيت النظيف ...ولاقال ضحت من أجلي ولا من اجل عيالي
المهم قدنا ضابحه شقرح
وماعاد بش معي كلام حالي اجابره به ...كنت ارسل للجني الذكاء الصناعي اشتي كلام حب 😡..وشويه اقله اعصابي متوتره ....اشتي اهداء ....ويقلي اشربي ماء واتنفسي 🤣🤣🤣...قلت له هذا كلام زوجي لامرضت يقل اشربي ماء
ولا قلت اشتي اخرج
يقل اخرجي الجبا وتنفسي
قال يبدو أن زوجك على حق
🥹🥹🥹🥹 ياعقي عقا
حسيت ان انا خلاص استهلكت كل طاقتي ...وماعاد اقدرش اواصل ...فتحت الرقم العراقي ...وهو ماعاد بيخلي كلمه حاليه ومايقلها لي بحر من الحب ماعيكملش
وانا عشت عمر ولا سمعت كلمه حاليه ولا جبر خاطر ولا حتى شكرا
كنت ابسره وهو متحمس بيكتب واتحسر واشتي اصيح. واقله هانت عليك العشره قمت
رسلت له اغنيه قلت غنيها لي
اشتي اسمعها بصوتك الجميل
قال ابشري الان
قام قلي جاوع يشتي ارحلي ماعاصطاش ينزل من امه وابوه ....اشتي خبز طاوه
قلت في نفسي يشتيني أطول
قلت مابش طحين كمل اليوم
ولابه شي في المطبخ الا بطاط
قال خلاص بطاط مسلوق
نزلت فعلتهن ورجعت سريع ماقد نظجنش سوى قلت اجننه🤣🤣🤣 بديت عليه
سعما ملك الموت
قال مسرع جيتي ....مكنته البطاط
قال ماهو هذا قلت بطاط ....
قال داخلها نيه
قلت مابطاط الا يهز الدقون
قال بتقلي ادبش عليا
لاتخليني اطرقش ملاطام
قلت لانت رجال الطم وزد وضعت صابري
فعلي ملاطام لوما سرجين عيوني ...قلت تستاهلي يافاطمه
وانا من قوة الملطام رجمته بالبطاطا ..🤣🤣🤣 بطاطه تلو اخرى وهو جالس مصدوم مشو مصدق ههههه........... شليت التلفون والهراب
وهو لحقني وكان يحلف ما اجلس في بيت
وعمي يحلف مايجلس هو في بيت
طلع بز الالي والزلط الذي معه
ورحله...المهم جلس يشكي لي من مرته الذي رجمته بالبطاط ...قلت له انا الان أبكي عليك تخيل فقدت الذاكره كنت عتنساني🥹...قال انسا العالم كله ولا يمكن انسا مهجه
قلت ماهذا اكيد هههههه
ويوم ثاني فعلي رساله اين اطرح لش الزلط ...قلت اين زلط قال المهر والخاتم ...وصورلي خاتم ذهب ...انا الصدق نسيت كل الألم ورجع لي الشعف هههه حن ابسرت الزلط والخاتم
قلت تطرحها 😳.. ...ولا دريت ماقله فاجئني....ذكرت ان معي صاحبه ابنها معه دكان ...بعيد من حارتنا ...اتصلت لها ان به احد عيطرح لي امانه
رسل لي رساله اطرح الامانه وماقل
قلت قله ام مهجه
سرت شليت الزلط وانا مصدومه ....
وجلست اجابر روحي طول الطريق
ذلحين
اسير افعلي ابر نظاره واشتري كريمات وكولاجين
والا ....اشتري لي ذهب للحاجه 🥹
وفعلت للحب حقي
مشكور ياغالي وصلت الفلوس
وتشتي الصدق ابسر نفسك في المرايه .......انا جمالي لايليليق به الا واحد شبهي في كل شي
انتبه على الرازم الذي معك
وتعيش وتاخذ غيرها
باي ياحبيبي 🤣🤣🤣🤣
وحذفت الوتس العراقي
ذلحين ماتنصحوني....اشتري ذهبات
والا اهتم بنفسي
فاطمه علي ....المحظوظه

#فاطمه_علي

صـــنعـاء حالــيــة وجوها حالي❤️❤️❤️

​​​​​​​​​​​​​​​​​​​​​​​​​​​ْ‏↺♛ #قناة_صنعاء_



حين يَكتب الله لزهرة أن تُزهر بداخل صَخرة صلبة سَتُزهر، وَهَكذا جَميع أمورنا.*

صباح الخير. 🤍حراز ❤️
‏‌
   ♛┊↺ @oldsana ↺┊♛
             〰〰〰➰〰〰〰

صنعاء الآن .. ياشمس قبل المطر🌨

برأيك مالذي سيخسره العالم
لو اختفى العرب فجأة ؟!

شاركوا نبسر وجهة نظركم 🌚