Сурхондарё вилояти, Жарқўрғон туманида вояга етмаган ўқувчи қизга шилқимлик қилган техникум ўқитувчиси 5 суткага қамалди. «Дарё» суд ҳужжати билан танишди.

Ҳодиса 25-сентябрь куни техникумда содир бўлган. Муассасада ишлаб чиқариш таълим устаси бўлиб ишловчи  эркак ўзига бириктирилган гуруҳда таҳсил олувчи вояга етмаган қизни физика дарси пайтида ўқитувчидан рухсат олиб, аудиториядан олиб чиққан. Улар кафедра хонасига киргач, эркак ўқувчини ўзига тортиб, шаҳвоний тусдаги ҳаракатлар қилган. Шунда қиз қаршилик кўрсатиб, хонадан қочиб, дарсга қайтиб кирган.

Дарслар тугагандан кейин қиз ётоқхонада дам олаётган вақтида бегона рақамдан қўнғироқ бўлган. Қўнғироқ қилган киши ўзини бошқа исм билан таништириб, қиздан спортзалга келишини сўраган. Ўқувчи у ерга борганида ходим турли баҳоналар қилиб, яна шилқимлик қилган. Эркакка телефон қўнғироғи бўлган пайтда қиз хонадан чиқиб қочган.

Ўқувчи воқеа ҳақида ўша куни ҳеч кимга хабар бермаган.

«Ҳамманинг олдида шарманда бўлишдан қўрқдим. Бундан ташқари, директоримиз йўқлиги сабабли техникумдаги бошқа ходимлар бу масалада чора кўришига ишонмадим. Директоримиз келгач, барчасини айтиб бердим», дея кўрсатув берган қиз.

Судда эркак қизни дарсдан чиқариб олганини тан олди. Лекин у ўқувчиларга берилмаган оёқ кийимлар масаласида ота-оналардан ариза йиғиш бўйича қиздан ёрдам сўраганини айтиб, шаҳвоний ҳаракатлар қилмаганини билдирган.

Эркак Маъмурий жавобгарлик тўғрисидаги кодекснинг 41-1-моддаси 1-қисмидан (шаҳвоний шилқимлик қилиш) назарда тутилган ҳуқуқбузарликни содир этган деб топган. Унга 5 суткага маъмурий қамоқ жазоси тайинланган.

🛠 «Hududgaz Poytaxt» филиалининг «Юнусабадтумангаз» газ таъминоти бўлими мутахассислари «Посира» МСГ ҳудудида жойлашган юқори босимли D-325 мм ер ости газ қувурини кўчириш ишларини амалга оширади.

Шунингдек, «Минор» МСГ ҳудудида ўрта босимли D-108 мм ва паст босимли D-219 мм ер ости газ қувурларини кўчириш режалаштирилган.

🕙 Газ таъминоти 8 октябрь куни соат 10:00 дан 18:00 гача тўхтатилади.

🚫 «Посира» МСГ: «Обод» МСГ ҳудудида жойлашган 150 та хусусий хонадон;
Микрорайон кўчасидаги кўп қаватли уйлардаги 515 та хонадон.

🚫 «Минор» МСГ: Марказ-6 массивидаги «Қозоғистон» ЖК кўп қаватли уйларидаги 520 та хонадон;
«Мирзо Улуғбек» МСГ, Малая кольцевая кўчаси, 63-уйдаги 30 та хонадон;
Марказ-6 массивидаги Murad Building кўп қаватли уйидаги 140 та хонадон, «Матонат» МСГ;
«Буюк Турон» МСГ ҳудудидаги «Муҳташам» ЖК кўп қаватли уйларидаги 520 та хонадон.

🏢 Улгуржи истеъмолчилар

«Посира» МСГ ҳудудида:
«AGNKS» EDEM; «Bolalar uyi»;
«AGNKS Dream Gaz»; «AGNKS TRIUMPH ORIENTIR»;
«Посира» ва «Обод» МСГ ҳудудидаги 35 та улгуржи истеъмолчи.

«Минор» МСГ ҳудудида:
«Uzbat»; «O‘z Oman» бизнес-маркази;
«Saxara» бизнес-маркази; Журналистика университети; «Paul» ресторани;
«Минор» МСГ ҳудудидаги 18 та улгуржи истеъмолчи.

🔄 Ишлар якунланганидан сўнг газ таъминоти хавфсизлик талабларига риоя қилинган ҳолда босқичма-босқич тикланади.