Барча миллатлар қадр топган юрт: Тошкентлик қиз халқаро саҳнада зафар қучди

​Туркманбоши шаҳрида якунланган “Татар қизи 2026” халқаро танловида Ўзбекистон вакили Амина Маҳмудова мутлақ ғолибликни қўлга киритди.

Туркманистон президенти Сердар Бердимуҳамедов ғолибга қимматбаҳо Zeekr 9X электромобилини топширган.

Танловда иштирокчилар она тили, миллий урф-одатлар ва ижодий синовларда беллашган.

Сўнгги пайтларда расмий Ашхобод билан Тошкент ўртасида мутлақо янги, анча очиқ ва илиқ муҳит шаклланяпти.

Танловнинг айнан МДҲ саммити пайтида ўтказилгани, залда Туркиядан тортиб Қирғизистонгача вакиллар ўтиргани ва якунда президентнинг шахсан ўзи чиқиб бизнинг қизга бундай эҳтиром кўрсатгани тасодиф эмас. Катта сиёсатда бунақа “тасодифлар” кам бўлади.

🤝@OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!

MrBeast: “Ўзбекистонда мухлисларим шу қадар кўпки, балки кетишимизга тўғри келар”

Ижтимоий тармоқларда MrBeast Самарқанддан Тошкентга шошилинч кетгани, Бухоро ва Хивага сафари бекор қилингани ҳақида хабарлар тарқалди.

Бироқ Ўзбекистон Маданият ва санъатни ривожлантириш жамғармаси унинг кетиши аввалдан режалаштирилганини билдирди.

Жамғарма маълумотига кўра, блогер фақат Тошкент ва Самарқандга боришни режалаштирган, Бухоро ва Хивада эса унинг жамоаси тарихий обидаларни тасвирга олади.

Бухоро вилояти ИИБ матбуот хизмати раҳбари Улуғбек Шукурлаев ҳам блогернинг ўзи шаҳарга бормагани, у ерга фақат тасвирга олиш гуруҳи келганини маълум қилди.

MrBeast Ўзбекистонда мухлислари бунчалик кўп бўлишини кутмаганини айтди. Унинг сўзларига кўра, машинаси ортидан мингдан ортиқ одам эргашган, милиция ёрдамисиз ҳаракатланиш қийинлашган.

Блогер мухлисларга миннатдорлик билдирган, бироқ уларнинг эътибори жамоасига қийинчилик туғдираётганини айтган.

“Балки, менинг бу ерда бўлишим мамлакат учун ортиқча ташвиш туғдираётгандир. Эҳтимол, кетишимизга тўғри келар”, — деган у.

🤝@OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!