شعر:#جلیل_صفربیگی
صدا:#حسام_لرنژاد

شیشه ها باوشمەو دەس یەقه وەرد سانم
دڵ کەنیمه ده خۆەم و ، ها قۆل مێشتم گێانم

قاێقێگم ک  ولاو بۆمه ده ئوقیانوسێ
وەرد توفانه فەقەت  نێشتنم و ئەڵسانم

دەس وراو هەرچگه بەم دووگه کوچگ دێ ده سەرم
هامشوو هەرچگه کەم  وەرد خودا  ،  شەێتانم

دەم گێانم چگه ده تاق ده ئی بازاره
جامەکێگم ک کوچگ ها ده سەرم حەێرانم

ژان و ژینم ده یەکەو نێەوگ هه چۊ مرگ و زنەێ
شێخ و شا دەس وه دەسم کەن م چمان ئێرانم

کی ده مانێشت دراوردگەسەم ، بردگەسەم
دار هشک بەڕۊێگم تیەنگ وارانم

پاتشای قەڵب م بایه د ت  بویت و خەم ت
تەخت جەمشێرم ئەگر، بێ ت وەلێ وێرانم

کەێ کونەێ ئاو بونجم ده کیەنی لێوت
دەرد هەرچگ کەێنی سەرتەزنه ئەڵ گێانم

دین و ئێمان م ئشقەو پەرەسم  دووس فەقەت
ئەر  دنانم شکنیت و کەیه سانێ نانم

📞-🔻 @salam_bar_zarneh