✨
مەر ماوا بگرم لە خاک تاقەیل
فەرامووش بوودن لە خێاڵم لەیل

خوردو خوراکم بێ لەیل خوەش نییە
کەس جوور مەجنوون چارە ڕەش نییە

مەجنوون لێوە بۊ لە فراق لەیل
لەیل تەنیا چێە چماێ وە دجەیل

مەجنوون لێوەگەێ بێاوان گەردە
وەر دڵەک خوەێدن لەێ خەمو دەردە

لەیلی دڵتەنڰ بوود منیش دڵتنەنڰم
پڕۊکیەێ قەڵبم، مەر م لە سەنڰم؟

وە زنەی دنیا ئەگەر بێ مەیلم
جاڕکیش جار بکیش ک سەفی لەیلم

دنیا بزانێد بوومە پەروانە
لەیڶ م شەمەو منیش پەروانە

هزار جار ئەگار بسزیەم بێ مەیل
لە وەخت مردن ئۊشم لەیلم لەیل

#ح_شیرزادی

🌐↲▬
🔺 @salam_bar_zarneh