Bugun 3-oktabr Xalqaro shifokorlar kuni munosabati bilan, barcha SOG'LIGIMIZ POSBONLARINI chin qalbimdan tabriklayman! Mashaqqatli va sharafli kasb bayramingiz muborak bo'lsin
🌷💐🌷💐🌷💐🌷💐🌷💐🌷💐
Yuragingiz qaltirar, qoʻlingizda titroq yoʻq
Siz kabi jonga malham, hasta tanga oʻrtoq yoʻq
Koʼngli siz kabi ochiq, qalbi siz kabi oq yoʻq
Qalbimdan sizga haykal qoʻyaman shifokorlar.

Siz mehrning bulogʻi, himmatning tub manbasi
Allohning moʻjizaviy idroki bor bandasi
Jonga orosiz doim, har dardning kushandasi
Qalbimdan sizga haykal qoʻyaman shifokorlar.

Ketar chogʻi hammani sogʻ boʻling deb kuzatgan
Dori qolib har jonni shirin soʻzda tuzatgan
Alloh sababchi qilsa kaftida jon uzatgan
Qalbimdan sizga haykal qoʻyaman shifokorlar.

Yuzingizda shuncha nur, istarasi iligʻim
Qalblari muhabbatga va himmatga toʻligʻim
Qaddi osmondek baland, qadri togʻday ulugʻim
Qalbimdan sizga haykal qoʻyaman shifokorlar.

Farishtani eslatar qorday oq xalatingiz
Viqorga toʻlib turar nigohu savlatingiz
Tangrining shifosiga sababkor sanʼatingiz
Qalbimdan sizga haykal qoʻyaman shifokorlar.

Chin insoniy hislatlar qalbida mudom borlar
Oh chekkan har jon uchun oqkoʻngil fidokorlar
Sogʻligimiz posboni - ey jonimiz malhami
Qalbimdan sizga haykal qoʻyaman shifokorlar.




Madaniy ommaviy tadbirlar bòlimi:
Madaniyat ishlar bòyicha tashkilotchisi:
Xolida Raxmatullayevna