#Respublika_bolalar_kutubxonasi

Toshkent viloyati umumta’lim maktab kutubxonalari faoliyati o‘rganilmoqda

✅Avval xabar berganimizdek, Xalq ta’limi vaziri o‘rinbosari Vahobjon Rajabov boshchiligidagi vazirlik ishchi guruhi shu yil 4-oktyabrdan Toshkent viloyati xalq ta‘limi tizimidagi maktablarga amaliy yordam ko‘rsatish maqsadida xizmat safarida bo‘lib turibdi.

🏃‍♂️Bugun, ishchi guruh Zangiota tumanidagi 10 dan oshiq maktablar faoliyati bilan tanishdi. Ta'lim muassasalarida mavjud kutubxonalar, ularning faoliyati, badiiy va darslik kitoblarining holati, o‘quvchilarning kutubxonaga jalb etilishi batafsil o‘rganilib, tahlil etildi.

🔰Maktab kutubxonachilariga kitob fondidan oqilona foydalanish, kitobxonlar sonini ko‘paytirish va malakalari oshirish bo‘yicha tavsiyalar berildi. Shuningdek, aniqlangan kamchiliklarni bartaraf etish uchun ma'lum muddat belgilab berildi.

✅Shu o‘rinda eslatib o‘tamiz, Xalq ta'limi o‘rinbosari Vahobjon Rajabov tashabbusi bilan o‘rganish davomida soha xodimlariga amaliy ko‘mak berish maqsadida seminar treninglar ham tashkil etilmoqda.

© Respublika bolalar kutubxonasi Axborot xizmati

📱Telegram🎞You tube📱Facebook📱Instagram✅Web site