Surxondaryo: ta'lim muassasalari faoliyati o‘rganilmoqda

🔴 Maktabgacha va maktab ta’limi vazirining birinchi o‘rinbosari Sherzod Karimov ayni damda Surxondaryo viloyatida bo‘lib turibdi.

Uchrashuvlar davomida hududdagi ta’lim muassasalarida ta’lim sifatini oshirish, ustozlarni kasbiy rivojlantirish kabi masalalarga alohida urg‘u berildi. Shuningdek, Oltinsoy tumani misolida maktablarni moddiy-texnik bazasini mustahkamlash hamda kelgusi yillarda qurilish-ta’mirlash ishlari bo‘yicha aniq takliflar ishlab chiqish yuzasidan fikr almashildi.

Sherzod Karimov Surxondaryodagi o‘rganish ishlar doirasida Oltinsoy tumanidagi qator ta'lim muassasalari faoliyati bilan tanishdi. Xususan, 13-sonli davlat maktabgacha ta'lim tashkiloti hamda 30-, 37-, 50-, 42-umumta'lim maktablarida ta'lim-tarbiya jarayonlarini yaqindan o‘rgandi.

Maktablar jamoasi bilan o‘tkazilgan muloqotlarda pedagoglar ChSB, BSB baholash tizimlari haqida o’z fikrlarini bildirib, ushbu baholash tizimining foydali jihatlari haqida aytib o’tishdi.

Xususan, ushbu tizim o’quvchilarda kreativlikni shakllantirish barobarida ularning bilimini to’g’ri baholashga yordam berayotganligi hamda o’qituvchilarni o’z ustida ko’proq ishlashiga undayotganligi ta’kidlab o’tildi.

Oliy ta’lim, fan va innovatsiyalar vaziri K. Sharipov ishtirokida 30-maktab faoliyatini o‘rganish davomida ushbu maktab va hududdagi oliy ta’lim muassasalari bilan hamkorlik ishlari hamda boshqa muhim masalalar muhokama etildi.

Oʻzaro muloqotlar davomida taʼlim maskanlari faoliyati, bu yerdagi taʼlim sifatini oshirish va oʻquvchilarning darslarga qiziqishlarini yanada kuchaytirish boʻyicha oʻqituvchilarning fikrlari bilan ham qiziqdi.

Joriy yilda umumta’lim maktabi bilan hududdagi oliy ta’lim muassasalari hamkorligida ta’lim sifatini oshirishda Oltinsoy tumani tajribasini yanada kengaytirish, hamkorlikning mazmunan yanada boyitish, o‘quvchilarga bilim olishi bilan birgalikda xorijiy til, kasb-hunarlarga o‘rgatish ko‘nikmalarini shakllantirish bo‘yicha tavsiyalar ishlab chiqilmoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin