Surxondaryo viloyati hokimi Ulug‘bek Qosimov Bandixon tumaniga tashrifi davomida 9-sonli bog‘chada tashkil etilgan "Metodik mahorat kuni" tadbirida ishtirok etdi. Tadbir davomida viloyatning har bir hududidan tanlab olingan tayanch maktabgacha ta’lim tashkilotlariga 330 ta planshet, 15 ta elektron doska hamda televizorlar topshirildi.

Shundan so‘ng, Bandixon Sport maktabida nogironligi bo‘lganlar uchun tashkil etilgan adaptiv sport turlari bo‘yicha to‘garaklar faoliyati bilan tanishildi hamda ishtirokchilar bilan suhbat qilindi. Ushbu yo‘nalishda viloyat bo‘yicha amalga oshirilayotgan ishlar taqdimoti ko‘rib chiqildi. Shuningdek, tumanda adaptiv sport turlariga mo‘ljallangan o‘yingoh qurish taklifiga rozilik berildi. O‘yingoh qurilishi mahalliy byudjet va Ijtimoiy himoya agentligi tomonidan moliyalashtiriladi.

Viloyat rahbari 43-sonli maktabga ham tashrif buyurib, shahar va tumanlardagi 21 ta maktabga jami qiymati 2,6 mlrd so‘mlik 38 turdagi sport anjomlarini topshirish tadbirida ishtirok etdi. Prezidentimizning Surxondaryo viloyatida ta’lim sifatini oshirish, maktab va bog‘chalar moddiy texnika bazasini mustahkamlashga qaratayotgan e’tibori hamda bu borada ko‘rsatayotgan ko‘magi uchun Maktabgacha va maktab ta’limi vazirligiga minnatdorchilik bildirildi.

Shuningdek, maktabda tashkil etilgan to‘garaklar faoliyati bilan tanishilib, ta’lim sifatini oshirish, dual ta’lim tizimini sifatli yo‘lga qo‘yish yuzasidan tavsiyalar berildi.

Surxondaryo.uz | Telegram | Facebook | Instagram | YouTube | X