Баклажка
Сув ичиб бўлгач, баклажкани ташлаб юборгим келмайди. Бизга тегишли кичик омборхонага ташлаб қўйгим, улар йиққим келаверади. Кўпинча болалигим эсга тушади.
2001 йилдан “Футбол экспресс”, “Интерфутбол” каби газеталарни сотиб ола бошлаганман. Онам тушлик учун берадиган пулдан орттиришнинг имкони бўлмасди. Дадам берадиган қўшимча пул эвазига газеталарни харид қилардим. Кейин дадам вафот этдилар. Онам ўша пайтда “сенинг газеталарингга пул орттиришга имкон йўқ, тўғри тушун” дедилар.
Шундан кейин газета ўқиш учун ўзим пул орттиришим зарурлигини тушундим. Бироқ қандай қилиб деган савол қийнардим. Ейдиган нарсамни бироз камайтирдим. Ҳаммаси яхши кетаётган бир пайтда ёзги таътил бошланди. Ана энди мактаб ҳам, тушлик учун бериладиган пул ҳам йўқ.
Опамлар бўшаган баклажкаларни чиқинди челакка ташлашарди. Мен бунга доимо қарши эдим. Сабаби баклажка киргач челак деярли тўлиб қолар, натижада чиқинди тўкишга тез-тез чиқишга тўғри келарди. Эринчоқлик ўша пайтларда ҳам бор эди.
Бирор нарсага яраб қолар деб пастдаги омборчага баклажкаларни йиға бошладим. Одатдагидек сешанба куни келди. Менинг севимли газеталарим чиқадиган кун. Лекин уларни харид қилишга пул йўқ. Нима қилишимни билмай турибман. Шу пайт қўшним Алишер чиқиб мендан нимадир сўради. Омборчадан олиб беришимни айтдим ва биз пастга тушдик. Ичкарига киргач Алишер у ердаги баклажкаларни кўриб “Эҳ-ҳе, анча баклажка йиғиб қўйибсан-ку. Буларни топширмайсанми” деб қолди. Бу ҳақда ҳатто ўйлаб ҳам кўрмагандим. Дўстим баклажкани қандай, қаерга топшириш кераклигини айтди. Йиғилган баклажкаларнинг 4 дан 1 қисмини топширганимда газеталаримнинг пулига етиб, ортиб ҳам қолди.
Шундан кейин уйимизда баклажкани ташлаб юборишга батамом чек қўйилди. Кўчадаги баклажкаларни олишга ғурурим йўл қўймасди. Аммо уйда йиғилиб қолганларини сотиб, газета харид қилиш ва бошқа майда эҳтиёжларга сарфлардим.
Ҳозир ўзимга етадиган даражада пул топяпман. Лекин ҳалигача сувдан бўшаган баклажкани ташлаб юборгим келмайди. У билан боғлиқ хотираларим кўп...

@temurazam

Илгари ҳар куни "Ахборот"дан кейин бериладиган пахта режаси бўйича маълумотларни кутардик. Гарчи мактаб ўқувчиси бўлсак ҳам, бу биз учун қизиқ эди. Эртаси куни сифдошлар билан шу ҳақда гаплашиб ҳам турардик.

Ҳозир Хоразм вилояти режани тўлдирганидан хабарим бор. Қолган вилоятларда вазият қандайлигини деярли билмаймиз. Қадимги онлайн кўрсаткичларни тиклаган яхшимикан деб ўйлаб қоламан баъзида. Бу пахтакорларга (расм тушиш учу пахтазорга борганларга эмас, албатта) қўшимча мотивация берган бўларди. Ўз навбатида бошқалар ҳам ишларини чамалаб олишарди.

@temurazam

Шавкат Мирзиёев ва Ражаб Тоййиб Эрдўған Анқарада учрашди (фото, видео)
http://azon.uz/content/views/1376

Каналга уланиш: https://telegram.me/joinchat/AAAAAER1go7H6tVWAwaJTQ

Домла билан суҳбатимиз сизларни бефарқ қолдирмайди деган умиддамиз

Шермурод Тоғай: “Динимизга тўлиқ амал қилсак, ёшларнинг одоб-ахлоқида муаммо бўлмайди” (видео)
http://azon.uz/content/views/1370

Каналга уланиш: https://telegram.me/joinchat/AAAAAER1go7H6tVWAwaJTQ

ЎРНАК

Ота сигарет чекиб ўтирарди. Ёнига 4 ёшли ўғли келиб, савол берди:
– Дада, одамлар нега сигарет чекади?
Ота озгина довдираб қолди. Ўғлини алдамоқчи бўлди.
– Биласанми ўғлим, ўзи сигарет жуда ёмон нарса. Сен умуман чекмагин, хўпми? Мен сиқилганимдан чекаман... Тушундинг-а?
Ўша пайтдаёқ бола “мен ҳам катта бўлиб сиқилсам сигарет чекаман” деб қўйди ичида. Бироз улғайиб, биринчи марта “сиқилганидаёқ” чека бошлади. Вақти келиб уйланди, фарзандли бўлди.
Кунларнинг бирида чекиб ўтирганида ўғли келиб, у бир пайтлар отасига берган саволни такрорлади:
– Дада, одамлар нега сигарет чекади?
Ота дарров ўзига савол берди: “мен нега сигарет чекаман ўзи? Ҳа, дадам ўрнак бўла олмагани учун. Ўзи чека туриб, менга чекма дегани учун”. У қўлидаги сигаретни отиб юборди, чўнтагидаги тамаки қутисини чиқариб, барча сигаретларни синдириб ташлади ва чиқинди челакка ташлади. Ўғлига юзланди:
– Одамлар аввало отаси нотўғри ўрнак кўрсатгани учун чекади. Мен бугундан бошлаб умуман чекмайман...

@temurazam

"Архив давлати"

Информацион дастурларда лавҳанинг тепа қисмидаги давлат номи ёзиб қўйилади. Болалик пайтимда айнан шу титр билан боғлиқ қизиқ воқеа содир бўлганди.

2001 йил. Юнусободдаги "дом"имизга сурхондарёлик танишимиз меҳмон бўлиб келди. Уларнинг мен тенги Фазлиддин исмли ўғили ҳам бор эди. Дарров тил топишиб, дўстлашиб олдик. Кечқурун "Давр" кўриб ўтиргандик. Қайсидир уруш ҳақида ҳикоя қилиш жараёнида эски тасмаларга ёзилган лавҳалар намойиш этилди ва тиртга АРХИВ дея ёзилди. Шунда Фазлиддин опамга савол берди:
— Опа, эслолмаяпман, АРХИВ қайси давлат эди?

@temurazam

Уч ҳолатдан бошқада ёлғон ҳаромдир –

1. Одамлар орасини ислоҳ қилиш учун.

2. Урушда ғалаба қилиш учун.

3. Оиланинг аҳиллигини сақлаб қолиш учун.

@temurazam

Бир ота қиссаси
http://azon.uz/content/views/1423

Каналга уланиш: https://telegram.me/joinchat/AAAAAER1go7H6tVWAwaJTQ

"Пахтакор"нинг дербидаги ғалати ўйини

"Пахтакор" ва "Бунёдкор" иштирокидаги ўйиннинг лавҳаларини кўрдим. Ҳакамларнинг мезбонларга ён босгани жуда ғалати туюлди, рости.

Бу ўйинга Эрматов ёки Коваленко тайинланиши керак эди. Ҳакамнинг (исмиям эсда йўғей) тажрибасизлиги билиниб қолди. Мезбонларга ён босаётганини кўрсатиб қўйди. Энг майда вазиятларда "Пахтакор" фойдасига ҳукм чиқарди. "Бунёдкор" футболчиси жарима майдонида йиқитилганида пенальти белгиламагани ҳам майли, "қалдирғочлар" ҳужумчисига сариқ (!!!) карточка кўрсатди.

Келинг, шу вазиятни таҳлил қиламиз. Бунақа ҳолатларда одатда дарвозабонлар тўпга қўл билан ташланади. Лобанов эса ҳужумчининг йўлига оёғини қўйди. Кўриш қобилияти паст бўлган одамгина қўполликни кўрмаслиги мумкин эди, холос. Ҳакам эса улардан ҳам баттар экан.

Қанот ҳакамининг энг асосий вазифаси аут ва оффсайд масаласига ойдинлик киритиш. Яна ҳакам узоқроқда бўлган вазиятларда қоида бузилган-бузилмаганига ҳам аниқлик киритиб бериши зарур.

Иккинчи таймдаги вазиятни эсланг. Дастлаб бош ҳакам баҳсли вазиятда тўп "Бунёдкор" дарвозасига кирди деб қарор қабул қилиб, марказни кўрсатди. Мезбонлар эса голни нишонлашга тушиб кетишди. "Бунёдкор" футболчилари эса рферига эътироз билдира бошлади. Шундан кейин бош ҳакам қанотдаги ёрдамчиси олдига бориб у билан маслаҳатлашди ва голни бекор қилди.

Камолиддин Тожиевнинг голида қанот ҳакам росмана ўзини кўрсатиши керак эди. Эътибор беринг, Тожиев ишонч билан зарба йўлламади. Ҳозир ҳакам барибир ҳуштак чалади деб ўйлади. Унинг ёнида бўлган, худди Камолиддин сингари икки метрлик оффсайдда турган шериги ҳам ҳуштакни кутди. "Бунёдкор"нинг ёш дарвозабони ҳам ҳуштакдан умид қилиб, ўртача куч билан тўпга ташланди. Гол эса инобатга олинди...

Мен ақлимни таниганимдан "Пахтакор" ишқибозиман. "Локомотив" қанчалик кучли бўлмасин, "Бунёдкор" мен учун ашаддий рақиб бўлиб қолаверади. Шунинг учун бу жамоа билан ўйинлар принципиал аҳамиятга эга.

"Пахтакор" раҳбарияти бу гапимни ўқиса хурсанд бўлардим, биз ишқибозларга, аниқроғи мен каби ишқибозларга бунақа ҳаром ғалаба керак эмас. Агар рақобатга дош берсанглар, олдинга интилинглар. Бироқ бунақа кўринишда "қулоқдан тортиш" эвазига қўлга киритилган ғалаба бизга керак эмас. Тўғри тушунасизлар деган умиддаман.

@temurazam

Айтишларига қараганда, Ҳазрат Навоий Астрободга йўл олганларида у кишини "урилган" деб ҳисоблаб, Хирот аҳлидан ҳеч ким буюк шоирни кузатгани чиқмаган экан.

Бу нарса биз яшаб турган даврнинг аксиомасига айланди, гўё. Шунинг учун ҳам ҳар қандай одам эгаллаб турган мансабидан кетгач, атрофида бўлганларнинг аксари ундан нари кетишини тўғри қабул қилиши керак. Акс ҳолда қийин бўлади. Жуда қийин...

@temurazam

Агар бомдод намозига уйғониш илк режанг бўлмаса, қолган кун давомидаги режаларингдан бир маъно йўқ. Чунки сенинг янги кунинг муваффақиятсизлик билан бошланaди!

Шайх Зулфиқор Аҳмад

@axloquz

Шайх Муҳаммад Содиқ Муҳаммад Юсуфнинг «Ислом тарихи» китоби нашр этилди
http://azon.uz/content/views/1503

Каналга уланиш: https://telegram.me/joinchat/AAAAAER1go7H6tVWAwaJTQ

Бир миллатдошимизнинг террорга қўл уриши ҳеч биримиз учун ёқимли эмас, албатта.

Лекин охирги етти йилда у мамлакатдан ташқарида бўлган. Ким билан яқин бўлган, нима иш билан шуғулланган, буни билмаймиз. Ва бу саволларга биз эмас, уни шу йўлга олиб кирганлар жавоб бериши керак.

Мен АҚШда яшайдиган ўзбекистонликлар ва ўзбекларга шу йигитнинг касрига бирор зарар етмаслигини истайман холос...


@temurazam

Кибрнинг ҳар хил кўриниши бор. Ўзимни кибрдан холи инсон деб ҳисоблагим келади. Лекин гоҳида кибр шунчалик юқори чўққисига чиқиб кетадики, ўзимдан-ўзим хафа бўлиб кетаман.
Фейсбукда "Вы можете их знать" деган ойна бор. У ерда биз таниган ва танимаган одамларни кўрсатиб, дўстлар сафига қўшишни тавсия қилишади.
Ўша ойнада 4-5 та танишларимнинг исм-фамилияси чиқди. "Дўстлар сафига қўшиш" тугмасини босгим келмади. Ҳозир ўша одам "менга дўстлик таклифини юборибди" деб ичида катта кетади деб ўйладим. Кибрим паст кетма деди...
Вақт ўтди. Ўша одамларнинг ҳаммаси менга дўстлик таклфини жўнатди. Ва улар бу ишлари билан кибрдан холи эканликларини кўрсатишди. Мен каби худбин эмасликларини исботлашди. Мен эса... Кибрни ўлдириш борасида ҳали кўп машаққат чекишим кераклигини ҳис қилдим...

2014

@temurazam

Америкалик дипломат: “Ўзбеклар жуда меҳнаткаш ва ватанпарвар халқ. Бир аҳмоқ одамнинг қилмишларини у келиб чиққан миллат билан боғлаш нотўғри”
http://azon.uz/content/views/1546

Жасур Иброҳимов фожиаси: муаммо илдизи қаерда? Исломбек Тўлаганов қотилми?
http://azon.uz/content/views/1579

Каналга уланиш: https://telegram.me/joinchat/AAAAAER1go7H6tVWAwaJTQ

Қўқон
Болалигимнинг энг завқли, энг бахтли онлари Қўқонда ўтган. Дадам раҳматли Фарғона вилоятининг Бувайда туманида туғилганлар. Лекин уйимизда Фарғона сўзи деярли ишлатилмасди. Қўқон дейиларди фақат.
Қўқонликман десам Қўқон шаҳридан бўлган баъзиларга ёқмайди. Уларнинг айтишича, фарғоналикман ёки бувайдаликман дейишим керак экан. Лекин мен уларнинг гапига қулоқ солмайман. Қўқонликман деявераман.
1-синфга ҳам айнан Бувайдада борганман. Орада Тошкент ва Самарқандда ўқиб, 11-синфни ҳам Бувайдада битирдим.
Бу ерда дадамнинг қабри бор. Кўнглимга яқин, мени яхши кўрадиган одамлар бор. Шунинг учун ҳам доимо Қўқонга интиламан. Болалигим ўтган масканга яқинлашар эканман, юрагим уриши тезлашаверади...

@temurazam

Мьянмадаги дўстимга хат
Дўстим, бошингга қандайин оғир кунлар тушганини билиб турибмиз. Аллоҳ ягона ва Муҳаммад (с.а.в.) унинг расули деганинг учун қандай азоблар чекаётганингдан хабардормиз. Ҳамма нарсани билган ҳолда сенга ёрдам бера олмаслигимиздан аламдамиз. Дўстим, сенинг ҳаққингга дуо қилишдан бўлак иш қўлидан келмайдиган диндошингни кечир. Сен қўрқув исканжасига тушган бир даврда ўз оиласида тинч ухлаётган, бунинг учун тузук шукр ҳам қила олмаётган биродарингни авф эт.
Бутпарастлар бундай қилмишларни фақат сенгагина қилаётгани йўқ. Улар Аллоҳ ҳақ пайғамбарни жўнатганида Расулуллоҳ ва у кишининг атрофидагиларга қанча зулм ўтказганини эсла. Улар Пайғамбар алайҳиссаломни тошбўрон қилганларини эсла. Уҳуд жангида Жаноби Расулимизнинг муборак қонлари айнан улар сабабли оққанини эсла. Исломнинг илк шаҳиди бўлмиш Сумаййани эсла. Ваҳшийларча ўлдирилган бўлса-да сўнгги нафасига қадар иймонида собит қолганини эсла.
Биродар, мен ишонаманки бутпарастлар нима қилган тақдирда ҳам сен ўз эътиқодингдан қайтмайсан. Умринг узоқ бўлса, бу қийинчиликларни енгиб ўтасан. Агар вафот этадиган бўлсанг, сенинг шаҳид бўлишингдан умидвормиз.
Менга айтишинг мумкин, дуодан бошқа яна нима қила оласан деб. Мен қиёмат кунида Аллоҳнинг ҳузурида сен учун гувоҳлик бераман. Чеккан жабр-ситамларинг учун мукофот олишинг йўлида гувоҳ бўламан.
Сенга сабр тиловчи диндош дўстинг Муҳаммад Темур

@temurazam

– Орол денгизи қуриб кетишида Шароф Рашидовнинг ҳеч қандай айби йўқ!!!
– Шароф Рашидов Ўзбекистондаги қанчадан-қанча қаровсиз ерларни, чўлларни ўзлаштиришда ташаббус кўрсатган!

Мана шу иккита гап ўртасидаги мантиқнинг йўқолиши менга ғалати туюлаверади. Ажойиб халқмиз-а?

@temurazam