Abdulaziz Muhammad bilan bo'lgan suhbat kutganimdan ko'proq muhokamaga sabab bo'lmoqda. TikTokda suhbatdan parcha kesib tarqatib followerini ko'paytirayotganlar bor. Telegramda kanaliga ssilka qo'yib boshqalarga ilinayotganlar bor. Jinlar mavzusi hamda ikkinchi ayolga uylanish haqidagi gaplar rosti meni charchatdi xozirdan. Qayerlardandir raqamimni topib menda jin bilan muammo bo'lyabdi, yordam beringlar deb kuniga kamida 5-6ta odam qo'ng'iroq qilmoqda. Sen qilgan intervyudan keyin erim ikkinchisiga uylanaman deb qoldi, urug'ing qurisin degan qarg'ishniyam eshitdim bir ayoldan. Hammaga barobar yoqib bo'lmasligi ayni haqiqat. Siz-chi, siz suhbatni ko'rdingizmi?

https://youtu.be/mONs0GLr0kw

“Aqlli odam hamma xatolarni bir o‘zi qilmaydi — u boshqalarga ham imkoniyat beradi”.

Uinston Cherchill

➡️ Kanalga qo‘shiling: Deputat Shohruxbek

#Ҳижоб

Атрофимизда ғалати ишлар бўляпти.

Олий таълим муассасаларида ҳижоб ва соқол масаласи муаммога айланаётгани ҳақида гапларга дастлаб ишонмагандим. Нуқта қўйилди-ку, эски ҳолига қайтмас деб ўйлагандим. Бугун СамДУда бўлган суҳбатни кўрдим. Нотўғри бўлсаям, буйруқ оҳангига ўтмай, сал юмшоқроқ гапирган масъул. Аммо Жиззах давлат педагогика институтида бўлган ҳолат асабни қаттиқ бузди.

Ушбу таълим даргоҳи маъсуллари бўлмиш Суннатилла Сойипов, Абдувалиева Зиёда ва Латофат исмли «инсонлар» ўзбек тили ва адабиёти факултетининг қизларига мажлис қилган. Мавзу ҳижоб ва намоз масаласи бўлган.

Ўзи намоз ўқимай, намозни қандай жойда ўқиш кераклиги ҳақида «маслаҳат» беришган. Қизлар намоз ўқиса ўқитувчиларга гап тегиши, бу эса «гуноҳ»лиги эслатилган.

Энг даҳшати С. Сойипов дегани «Бу падарлаънатини ечиб киринглар, ўқишдан кетаётганда яна кийиб кетаверасизлар» дея ҳайқирган. Фарз ҳақида айтаётган гапини қаранг... Шу одамни таниганлар айтсин, иймон калимасини айтиб, хотини билан никоҳини янгилавогани яхшироқ...

Кўплаб муросалардан қилган хулосам: Бизнинг бошимизга тушган ҳамма нарсага сабаб, руҳий тарбиямиз йўқлиги.

© Мубашшир Аҳмад

Яна ҳижоб, яна соқол... Балки тўхтарсизлар?

Ўзбекистон ОТМларида ҳижоб ўраган ва соқол қўйган талабаларга руҳий босим ўтказиш ҳолатлари давом этмоқда. Навбат Навоий давлат педагогика институтига.

Лавозими маълум қилинмаган шахс баланд ва таҳдид оҳангида ҳижоб ўраган ҳамда соқол қўйган талабаларни бу ишни тўхтатишга чақираркан, суннат ва фарз амаллар ҳақида истеҳзоли гапиришдан заррача ҳайиқмаган.

Ҳижоблиларга кўпинча айтиладиган, ёш боланинг ҳам кулгиси қистайдиган Сурияга чиқиб кетганлар мисол қилиб келтирилган. Соқолнинг микроб ташиши, пенсияга чиққанда соқол қўйиш мумкинлиги қўшимча қилинган.

Ўзбекистонда диний либос деган тушунча йўқ бўлганига қарамай, шу жумла билан одамлар ҳуқуқи топталяпти. Гарчи қонунларда тақиқланмаган бўлсада, ҳижоб ўраган ва соқол қўйганлар таъқиб қилиняпти.

Ҳурматли шу иш ортида турган акалар, педагогларни мамлакатга шарманда қиляпсизлар, бу кетишда юртимизни бутун дунёга шарманда қиласизлар. Балки тўхтарсизлар?

@temurazam

Samarqandlik tadbirkor kam taʼminlanganlarga uy qurib bermoqchi

Samarqand viloyati hokimi Erkinjon Turdimovning qabulida bo‘lgan tadbirkor Abdurahim Po‘latov kam taʼminlanganlarga uy qurib bermoqchi ekanligini, buning uchun yer ajratilishini so‘radi.

Ko‘proq odam joylashishi uchun uylar 4-5 qavatli bo‘lishini so‘ragan tadbirkor buning uchun 1,5 million dollar ketishini bildirdi.

➡️ Kanalga qo‘shiling:
Deputat Shohruxbek

Рўмолга қаршиликлар бўляпти, рўмоллиларнинг ҳуқуқлари топталяпти.

Аммо «Аёллар ҳуқуқи» деб жар соладиган сизлар жим ўтирибсиз. Ҳимоя қилмаяпсиз. Ҳеч йўқ камситилишга учраган аёллар билан елкадош эканлигингизни билдирмаяпсиз.

Лекин плакат кўтарганларни, яъни минг йиллик қадриятларга қарши бош кўтарганларни ҳимоя қиласиз.

Сиз буткул «Аёллар ҳуқуқи»ни эмас, ўзингизга ўхшаган аёлларнинг «ҳуқуқи»ни ҳимоя қиласиз холос.

Адолатингиз фақат нафсингизга хизмат қилади.

@temurazam

#Iqtibos

“Imkonsiz — bu shunchaki balandparvos so‘z bo‘lib, uning orqasida kichik odamlar yashiringan”.

© Muhammad Ali

➡️ Kanalga qo‘shiling:
Deputat Shohruxbek

Санъат учун ечинганларни олқишлайдиганлар нега Аллоҳ учун кийинганларга зулм қилади!?

© Алия Иззатбегович, Босния ва Герцеговинанинг биринчи президенти

Hammasi haqida Saidabror Umarov bilan!

👉Xasad-olov shamni yeb bitirgandek insonni yeb bitiradi!
👉Yaxshi kuningda ibodatingni sustlashtirsang demak Alloh bilan munosabatlaringda samimiylik yo'q.
👉Allohga ishongan savdogar voqeasi.
👉Masjid qurib berib masjidni o'ziniki qilib olgan odam haqida ikki og'iz.
👉Poyga o'ynaydigan avtobus haydovchilari...
👉Lichkada biror qiz bilan do'st bo'lib yozishsam bo'ladimi?

Ps. Ochiqqan ruh uchun ozuqa suhbat!

https://youtu.be/bzI6vJJPdEY

Инсон маймундан тарқаган эмас

Ислом илм-фанга ҳеч қачон қаршилик қилмаган. Биринчи ваҳийси «Ўқи» бўлган, «Илмдан ўзга нажот йўқ»лигини айтган шариатни, унинг уламоларини илм-фанга қаршиликда айблаш учун киши яхшигина жоҳил бўлиши керак.

Ҳаммаси нимадан бошланди? Ижтимоий тармоқларда Сардор домла номи билан машҳур бўлган имом Амирсой дам олиш масканига борганида у ерда бир деворга худдики одам маймундан тарқаганига ишора қилувчи расм борлигига эътибор қаратган ва ушбу жой эгаларидан шу расмни олиб ташлашни сўраган. Айнан сўраган, талаб қилмаган. Агар ўша расм жойида тураверса ҳам ҳеч нарса ўзгармаслигини ҳамма яхши билади.

Шундан кейин маймунзода либералларнинг куни туғди. Улар имом домлани илм-фанга қаршиликда айблаб чиқишди. Ғалати ёндашув. Домла илм-фанга эмас, Дарвиннинг одам маймундан тарқаган деган назариясига қарши чиқди.

Аллоҳ таоло «Инсонни азиз ва мукаррам» қилиб яратганини айтади. Биз мусулмонмиз, Аллоҳга, унинг расулига ва туширган китобига иймон келтирамиз. Биз иймон келтирган китобда Роббимиз бизни маймундан тарқаганимизни эмас, бизни тупроқ (лойдан) яратганини маълум қилди. Биз шунга ишонамиз ва бунга қарама-қарши бўлган Дарвиннинг назариясини қабул қилмасликка ҳақлимиз. Конституция бу ҳуқуқимизни чекламайди. Ушбу ҳужжатда цензурага йўл қўйилмаслиги айтилган экан, биз ўзимиз қабул қилолмайдиган, шариатимизга зид бўлган ишларга нисбатан ўз норозилигимизни билдиришимиз, тавсия оҳангида ўшани тўғрилашларини сўрашимиз мумкин.

Сардор домла хато қилмади. Қонунни бузмади. Шаръий жиҳатда расмни танқид қилди ва жой эгасига бу расмни олиб ташлашни тавсия қилди.

Ислом дини ўзбек давлатчилик тарихида минг йиллар давомида тан олиб келинган. Аҳли илмларнинг гаплари давлат раҳбарлари томонидан кўпинча эътиборга олинган.

Руслар босқини, кейин коммунизм сиёсати динни давлат бошқарувидаги аҳамиятини йўқотишга интилди. Аммо улар ўзи истаганига эриша олмади. Гарчи давлат тан олмаса ҳам, эътиқодли халқимиз ўз динини унутмади. Яширинча бўлса ҳам, уни ўзидан кейингиларга етказиш ишлари давом этди.

Мустақилликнинг дастлабки йилларида берилган эркинлик баъзи ҳаракатлар ортидан чекланди. Йиллар ўтгани сари чекловлар кучайиб борди. Кейин вазият ўзгарди. Мирзиёев президентлиги даврида кўп соҳалар қатори диний соҳага ҳам эркинлик берилди. Азонлар баралла айтила бошлади, диндорлар ўз ҳақ-ҳуқуқлари учун кураша бошладилар. Мана шу нарса аксар ўзбек либералларига ёқмади.

Улар ўзларини демократ санайди, аммо диндорларга нисбатан ўта тоқатсиз. Эркинлик берилиши талаб қилган ҳолда, диндорлар эркинлиги чекланишини қаттиқ исташади ва буни табиий жараён сифатида тақдим этишади.

Ҳой либераллар, сизлар жамиятда радикализм кучайиб кетяпти деб ҳар қанча ҳайқирманг, гапингиз акс-садо бермаяпти. Негалигини биласизми? Чунки гапларингиз ёлғон. Сиз диндорлар ўз ҳаққини талаб қилаётганини радикаллик дея баҳолаяпсиз. Аслида конституцион ҳуқуқни талаб қилиш қачондан радикаллик дея баҳолана бошлади?

Ўзбекистон суверен-демократик давлат. Бу ерда диний қозихона йўқ. Шаръий жиҳатда гуноҳ ишни қилган, хатога йўл қўйилган одамлар шариатга биноан жазоланмайди. Мана шундай ҳолатлар ошкора бўлганида уламолар томонидан ТАВСИЯ оҳангида огоҳлантирилади, тартибга чақирилади.

Исломда рибо ҳаром. Бирор банк тагида қайсидир имомнинг ўтириб «банк кредити ҳаром, олманглар» деганини ким кўрди? Ёки ароқхона ёнида одамларни мажбурлаб ичкиликдан қайтариш ҳолати бўлдими?

Сизлар радикализм кучаймоқда деб оғзингиздан тупук сачратганингиз билан, бу гапларингиз вазиятни қўрқинчли қилиб кўрсатишга уриниш холос. Бизниллаҳ, бу ботил мақсадингизга эриша олмайсиз.

Хуллас, биз ислом динига амал қилувчи инсонлар илм-фан ютуқларини тан оламиз, унинг ривожланишини истаймиз. Фақат дунёвий фанлардаги шариатимизга зид келган жойларини қабул қилмасликка, бунга ўз норозилигимизни ТАВСИЯ оҳангида билдиришга ҳақлимиз. Бу ҳуқуқимиз қонун билан мустаҳкамланган экан, уни ҳеч ким чеклолмайди.

@temurazam

Тентак манов чатда маккилаб қоляпти....

Эшитиб кўринг.

#Iqtibos

“Har birimiz o‘zimizni yaxshi odam hisoblaymiz. Shu sababli bor yaxshilikka aynan men haqliman, deb o‘ylaymiz. Hatto o‘z xalqini osgan, qiynagan zolimlar ham o‘zini islohotchi sanaydi”.

© Mustafo Mahmud

➡️ Kanalga qo‘shiling:
Deputat Shohruxbek

Ассалому алайкум, Райҳон Раимқулова @moonlight_01120 яхшилар кўмагига муҳтож. Райҳон 8 ёшидан бери буйрак етишмовчилиги касаллиги билан курашиб келади.

21 ёшида иккинчи буйрак ҳам ишдан чиққач, Райҳон гемодиалез муолажасини олиб бошлади. Касаллик тобора зўрайиб бораяпти. Аммо Райҳоннинг нормал ҳаётга қайтишга умид бор. Бунинг учун буйрак кўчириб ўтказиш операцияси ўтказилиши керак.

Ўзбекистонда бу операция нархи 50 млн сўм, фақат донор сифатида яқинлардан бири танланиши шарт. Йўқса операция чет элда ўтказилади ва бу операция тахминан 12,000 АҚШ долларидан 20,000 АҚШ долларигача бўлиши мумкин.
Бундан ташқари, агар муолажа чет элда бўлса, кундалик ҳаражатларгаям маблағ зарур бўлади.

Райҳонга боғлиқ бошқа маълумотларни батафсил телеграм мессенжеридаги манабу каналдан https://t.me/moonligtniki олишингиз мумкин.
Хайрия учун пластик карта рақамлари:
8600060266328229
9860030351442071
Райҳон Раимқулова номида

#Ogohlik

Spirtli ichimliklarning salbiy oqibati haqida qisqacha video.

Do‘stlaringizga ham ulashing!

➡️ Kanalga qo‘shiling:
Deputat Shohruxbek

Катта муаммолар вақтида ҳал қилинмаган майда муаммоларнинг йиғиндисидир

Юқоридаги гапнинг муаллифини эслолмадим. Лекин ҳаётим давомида бунинг исботини кўп бора кўрганман.

Бугун бир танишим савол берди: «Қозоғистонда чиндан ҳам газнинг нархи ошиши ортидан шунча муаммо келиб чиқдими?»

Мен газ нархининг ошиши охирги томчи бўлганини айтдим.

Марказий Осиё давлатлари орасида нисбатан демократроқ, сўз эркинлиги нисбатан яхшироқ таъминланган Қозоғистоннинг биринчи президенти тўплаган бойликлару унинг оила аъзолари нималарга эга бўлгани ҳақидаги видеолар етарлича.

Мен ўша видеолардаги гапларнинг ҳаммаси рост деб ўйламайман. Аммо ҳаммаси ёлғон ва туҳмат бўлмаса керак.

Хуллас Элбасига айланган Назарбоев барибир бошқарувни Тўқаевга тўлиқ бермади. Ҳайкалларини ўрнаттирди, пойтахт номини ўзгартирди.

Собиқ иттифоқ давлатларида ҳамон сақланиб қолган анъана: «ўлгунингча бошқарувни бошқага бермаслик учун бор кучинг билан ҳаракат қил» тамойилига амал қилди.

Мана шуларнинг баридан тўлиб кетган халқ учун газ нархининг ошиши охирги томчи бўлди гўё...

Тўқаев бу ҳаракатларни уюштираётганларни аллақачон террорчи деб атаб бўлди ва уларга қарши қуролли ҳаракатлар бошлангани акс этган видеолар тарқади.

Қардош қозоқ халқига сабр тилаймиз ва бу муаммолар тезроқ ечилишини, уларнинг олдингидек осуда ҳаёт кечиришларини тилаймиз.

Рўй бераётган воқеалар бошқаларга ўрнак бўлиши керак. Хулоса қилиниши шарт...

@temurazam

Qo‘shni Qozog‘istonda anchadan beri birinchi prezident oila aʼzolari va qarindoshlari bilan xalq boyligini talab kelayotgani haqidagi xabarlarning keti uzilmayotgandi. Xalqni chalg‘itish uchun turli tuman kinolar olib, hattoki tarixni ham soxtalashtirishga kirishib, bezbetlarcha tarixiy-milliy qahramonlarimizni oyoqosti qilib, behurmat qilishgacha borishayotgandi.

Buyuklik da’vosini har kim qilishi mumkin, lekin buguning va ertang baribir seni kimligingni ko‘rsatib qo‘yadi. Madomiki yaxshi qo‘shnichilik, do‘stona munosabatlar muhim ekan bugungi axborot erkinligi davrida o‘ta ehtiyotkor bo‘lish lozim. Bugungi Qozog‘iston hukumati o‘zining kirli va o‘g‘ri harakatlarini yashirish uchun xalqni yolg‘on buyuklik va uydirma obrazlar bilan aldab, allalab kelayotgan edi.

Bugungi yon qo‘shnimizda bo‘layotgan sxemalar va texnologiyalarni 20 yil oldin muvofaqiyatli singdirsa bo‘lar edi. Unda odamlar boshqa edi, davr boshqa edi. Oldinlari oyni yuzini etak bilan yopib, oyni yuzini bulut to‘sib qo‘yibdi deb ishontirish mumkin edi. Hozirgi vaqtda esa har qancha udaburonlik bilan yolg‘on vaʼda berilayotganini yoki aldanilayotganini axborot asrida bilib olish qiyin emas.

Har qanday qahramon qanchalar zo‘r bo‘lmasin, o‘z vaqti-soati yetganda kursini tark etishi lozim. Vaqt o‘tishi bilan o‘zining vazifasini o‘tagach, qulay paytda katta sahnadan chiqib ketishi kerakligini ham bilishi va payti kelganini payqay olishi haqiqiy san’atdir.

P.S. Ushbu post yozilib, tahrirlanayotgan paytda Qozog‘iston “aksilterror” shiori ostida namoyishchilarga qarshi qurolli harakatlar boshlangani haqida xabarlar chiqa boshladi...

➡️ Kanalga qo‘shiling:
Deputat Shohruxbek

“Har qanday madaniyatni vayron qilishning uchta yo‘li bor...”

Ushbu videoni barcha ota-onalar va ustozlar ko‘rishi shart!

Do‘stlaringizga ulashing, ularni ham ogohlantiring!

➡️ Kanalga qo‘shiling:
Deputat Shohruxbek

Тавба эшиги очиқ...

Тасаввур қилинг, бир дўстингиз билан шерикликда бизнес бошладингиз. Маълум вақт ўтиб билдингизки, ўша дўстингиз умумий кассадан 1000 доллар пулни ўғирлаган. Шу пайтда нима қиласиз? Ўйланмай айтиш мумкинки, 99,9 фоиз одам ўша шерикдан воз кечади. Бир марта ўғрилик қилди, яна қилади дейди.

Яна тасаввур қилайлик, қанча гуноҳимиз бор? Роббимизнинг ғазабини келтирадиган ишларимизнинг адади қанча? Аллоҳ таоло бизнинг тавбаларимизни рад қиладими? Шу бандам мана шу гуноҳини яна такрорлайди деб, бизни ноумид қўядими? Асло! Парвардигори оламнинг марҳамати шу қадар кенгки, у тавба қилган бандаларини яхши кўради. Бир гуноҳимиздан 1000 марта тавба қилган бўлсак, 1001-сини ҳам қабул қилади.

Аллоҳ таоло бизнинг гуноҳларимизни сатр қилади. Ўзимизни ўнглашимиз учун муҳлат беради. Ҳаддимиздан ошсакгина, бизни жазолайди. Шунда ҳам тавба қилсак, тавбамизни қабул қилаверади.

«Агар сизлар ман этилган гуноҳларнинг (Аллоҳга ширк келтириш, ота-онага оқ бўлиш, бировни ноҳақ ўлдириш каби) катталаридан сақлансангизлар, қилган (кичик) гуноҳларингизни ўчирурмиз ва сизларни улуғ манзил – жаннатга киритурмиз» («Нисо» сураси, 31-оят).

Тавба қилишга кеч эмас. Аммо тавба қилгандан кейин, ўша ишни такрорламаслик ўта муҳим. Ўзимиз билган гуноҳимизни бугуноқ ортга ташлайлик.

Аллоҳнинг тавба эшиклари доим очиқ. Биз умид эшикларини ёпмайлик...

@temurazam