Роналду-Месси даври ўтишига 2-3 йил қолди.
Энди Мбаппе-Ҳааланд даври бошланадигандай.
Сиз қайси тараф? Мбаппе ёки Ҳааланд?
⚽⚽⚽

💪 Mbappé
🤘 Haaland

"Уч замон" каналига аъзо бўлиш учун ҳавола👉 https://t.me/uchzamon

ЎЗИМ БИЛАН ЎЗИМ СЎЗЛАШСАМ

Ҳайрат билан боқманг агарда,
Ўзим билан ўзим сўзлашсам.
Кўкка боқиб тун ё саҳарда,
Ўзим билан ўзим сўзлашсам.

Девонага чиқарманг асло,
Ақлу ҳушдан деманглар жудо,
Баъзан ҳосил бўлар муддао,
Ўзим билан ўзим сўзлашсам.

Кимнинг дилин оғритдим дейман,
Кимнинг йўлин ёритдим дейман,
Кимнинг ёшин қаритдим деман,
Ўзим билан ўзим сўзлашсам.

Ўз ўзимдан сўрайман ёшим,
Билмам қайга урилар бошим,
Қачон ботар ҳаёт қуёшим,
Ўзим билан ўзим сўзлашсам.

Дардларимни тўкиб соламан,
Суҳбатлашиб кўп қувонаман,
Чин дўст топгандайин бўламан,
Ўзим билан ўзим сўзлашсам.

Ҳушбўй шамоллардай эсаман,
Чексиз дунёларни кезаман,
Дўсту-душман кимдир сезаман,
Ўзим билан ўзим сўзлашсам.

ПС. Марҳум санъаткор Ортиқ Отажонов ижро этган ушбу қўшиқни менга ўхшаб ўзи билан ўзи ссзлашадиганларга бағишлайман.

Узр, сўзлар муаллифини билмайман. Биладиганлар изоҳларда айтса, постга қўшиб қўяман.

"Уч замон" каналига аъзо бўлиш учун ҳавола👉 https://t.me/uchzamon

ҚИЗ ЎҒРИЛАШ УРФ-ОДАТМИ Ё ЖИНОЯТ ?

Ижтимоий тармоқларда кеча Қирғизистонда юз берган мана бу қиз ўғрилаш ҳолатининг видеоси тарқалди.

Баъзан "минг йиллик урф-одат", "бунинг ёмон жойи йўқ", "қизлар бахтини топиб кетади" ва ҳоказо деган гапларни эшитамиз.

Урф-одатлар вахший, ноинсоний бўлса ва у "Жиноят кодекси"нинг бир неча оғир моддаларини бузса ҳам уни давом эттиравериш керакми?

Шу видеода қиз бахтлими? Уни ҳайвондай қилиб куч ишлатиб ўғрилаб кетишди. Ундан, сен хоҳлайсанми, режаларинг қандай, шундай келажак сенга маъқулми, ҳозир шу ишларга тайёрмисан деб сўрашдими? Олиб қочгандан кейин катта эҳтимол билан зўрлаш жинояти содир этилади. Агар бундай видеолар тарқалмаса ва ҳеч ким билмай қолса бир умр ўзини зўрлаган одам билан яшаттириш жинояти ҳам содир этилган бўларди.

Бу қизга ҳеч нарса бўлмасидан (жимонан) олдин уни топишади деб умид қиламан. Аммо менимча уни аллоқачон руҳан синдириб бўлишди.

"Уч замон" каналига аъзо бўлиш учун ҳавола👉 https://t.me/uchzamon

У жумладан "Омонат кассаси"да 170 000 евро пули борлиги ва бир нечта компанияларнинг акцияларини сотиб олганлигини яширган. У бугун вазирликдан истеъфо берди.

"Уч замон" каналига аъзо бўлиш учун ҳавола👉 https://t.me/uchzamon

"Уч замон" каналига аъзо бўлиш учун ҳавола👉 https://t.me/uchzamon

Тўғри таомланиш соғлик ва гўзал қомат гаровидир.

"Уч замон" каналига аъзо бўлиш учун ҳавола👉 https://t.me/uchzamon

Айиқ билан панда урушса, ким ютади?
🐻🐼😜😂

"Уч замон" каналига аъзо бўлиш учун ҳавола👉 https://t.me/uchzamon

КИМ ҚАНЧА ВАКЦИНА ҚИЛДИ?

Коронавирус оғир ўтиши, ўлим хавфидан ташқари кенг тарқалиши билан ҳам хавфлироқдир. Унинг тарқалишининг олдини олиш учун бутун дунё унга қарши эмланиши, дунёвий иммунитет яратилиши керак. Шу мақсадда дунё олимлари зудлик билан вирусга қарши бир неча вакциналарни яратдилар ва фармацевтика корхоналари уларни дунё давлатларига етказиб бериш, тўғрироғи сотиш билан машғуллар.

Дунёдаги кўплаб давлатлар ўз халқларини эмлаш билан машғул бўлаётган бир пайтда пули, имкони, етарлича билимлари йўқ бўлган давлатлар, балки бутун бошли қитъа вакцина борасида орқада қолмоқда. Хусусан, Европа қитъаси ўз аҳолисининг деярли 70%ини эмлаб бўлаётган бир пайтда, Африка қитъаси 7%дан ортиқ аҳолисини энди эмлади.

Юқорида айтилганидай, коллектив иммунитет яратилмаса эмлаганнинг фойдаси бўлмаслиги ёки самараси кам бўлиши мумкин. Шу сабабли, сўнгги пайтлардаги коронавируснинг сўнгги штаммлари Африкада чиқиб, Европада тез тарқалмоқда.

"Уч замон" каналига аъзо бўлиш учун ҳавола👉 https://t.me/uchzamon

Заказ қилган футболкасини олмаганлигини зўр қилиб исботлабди 😂😂😂

"Уч замон" каналига аъзо бўлиш учун ҳавола👉 https://t.me/uchzamon

ФРАНЦИЯДА СОТИЛМАЙ ҚОЛГАН МАХСУЛОТЛАРНИ ЙЎҚ ҚИЛИШ ТАҚИҚЛАНАДИ

Францияда қабул қилинган "Исрофгарчиликка қарши қонун"га кўра 2022 йил 1 январдан бошлаб бир неча турдаги сотилмай қолган махсулотларни йўқ қилиш тақиқланади. Бу махсулотлар орасида жумладан электр ва электроника, текстил, озиқ-овқат мебель, тозалаш махсулотлари ва ҳоказолар бор.

Маълумотларга кўра, Францияда ҳар йили 2 миллиард еврога яқин махсулотлар сотилмай қолганлиги учун йўқ қилиб юборилади.

Эндиликда корхоналар сотилмай қолган махсулотларни хоҳласалар катта чегирмалар орқали сотиб тугатишлари ёки камбағалларга тарқатувчи уюшмаларга хайриялар қилишлари керак бўлади.

Қонунни бузган корхонага 15000 евро жарима белгиланган.

"Уч замон" каналига аъзо бўлиш учун ҳавола👉 https://t.me/uchzamon

​​ЎНГЛАР ВА СЎЛЛАР: СИЁСИЙ ТАРАФЛАР ҚАЕРДАН КЕЛИБ ЧИҚҚАН?

Сиёсий таҳлиллар, айниқса Ғарб сиёсати билан боғлиқ хабарларда "ўнг партиялар" ва "сўл партиялар" ҳақида гапирилади. Бироқ нега айнан "ўнг", "сўл" деб айтилиши ва улар нимани англатишини кўпчилик билмайди.

1789 йилда Францияда "француз инқилоби" юз бергач, "Миллий ассамблея" (парламент) турли қарашдаги сиёсий кучлар йиғила бошлайди.

Уларнинг орасида қирол тарафдорлари, аслзодалар, бойлар, диндорлар, косерватор ва ҳоказолар "Қиролнинг ўнг қўл тарафи"га жойлашадилар. Чунки баъзи яккахудолик динларида бўлгани каби улар ўнг тарафни "ҳалол" (худо ва унинг ердаги сояси қирол назарида) ва сўл, яъни чап тарафни харом-шайтон тараф деб ҳисоблаганлар.

Натижада, сўл тарафга қиролга мухолиф бўлган, ижтимоий тенглик ва адолат тарафдори бўлган, халқ орасидан чиққан прогрессист кучлар жойлашганлар.

Бу анъана француз инқилоби модели тарқалиши асосида 19 асрда Европа ва Жанубий Америка давлатлари сиёсатига катта таъсир қилган. Айнан кўчирилган бўлмаса-да, мазкур "сиёсий бўлиниш" англо-саксон давлатлари, жумладан АҚШ, Англия, Австралия ва Канададаги сиёсий бўлинишларга ҳам ўз таъсирини ўтказган.

Собиқ совет иттифоқи йўқолгач, Ғарб сиёсий моделларидан нусха олишга ҳаракат қилган собиқ совет республикаларида ҳам бундай бўлинишларга интилишлар бор, аммо унинг моҳиятини кўпчилик англаб етмагани учун улар тўлиқ амалга кирмаган. Масалан Ўзбекистонда "Экологик партия" ўнг тарафга жойлаштирилиб, Атом станцияларини ҳимоя қилиши, "Миллий тикланиш" партияси ЕОИИга қўшилишни қўллаб, "ХДП" партияси раиси "Тошкентда 5 болали оила 2,5 млн сўм ойликка яшай олади" дейиши сиёсий кучларимиз ўз курашларининг моҳиятини англамаганлигини кўрсатади.

Шундай қилиб, ўнг тарафда асосан либерал иқтисод тарафдорлари, капиталистлар, монополистлар, косерваторлар, диндорлар, миллатчилар, мутаасиблар ва ундан-да радикал (фашистлар, нацистлар) қарашдаги сиёсий кучлар жойлашадилар.

Сўл тарафда эса асосан ижтимоий (жумладан экологик) тенглик ва адолат тарафдорлари, социалистлар, социал-демократлар, коммунистлар, анархистлар ва ундан-да радикал сиёсий кучлар жойлашадилар.

Марказда эса бу иккала кучлар ўртасидаги қарашдаги кучлар, жумладан либераллар сал ўнгларга ён босган ҳолда жойлашадилар. Ўзбекистондаги "ЛиДеП"ни марказга жойлаштириш мумкин. Партия раҳбари баъзан ўз сиёсий мафкурасига тескари равишда "Кўп гўшт еяпмиз" деб қўйса ҳам улар кўпроқ марказга тўғри келадилар.

Ўзбекистондаги партияларда мафкуралар, сиёсий тамойиллар, кураш мақсадлари ва ҳоказолар яхши ривожланмаган, тўғрироғи ривожланишга қўйилмаганлигини ҳисобга олсак, улар ўз ролларини хатолар билан бўлса-да ёмон ўйнамаётганликларини қайд этиш мумкин.

"Уч замон" каналига аъзо бўлиш учун ҳавола👉 https://t.me/uchzamon

​​МЕН ВАКЦИНА ОЛАМАН
(Тарқатинг)

Ковидга қарши вакцина олишга қаршилар, турли хил конспирологик тарғиботларга ишонувчи инсонлар бор. Бу фақат Ўзбекистонда эмас, умуман бутун дунё давлатларида, айниқса мутаасиб (динидан қатъий назар) қатлам орасида кенг тарқалган.

Мен эса ковидга қарши 3-доза вакцина олишга рўйхатга ёзилдим. Яқинда оламан.

Йўқ, мен ҳам бошқалар каби вакцина ичида нима борлигини билмайман. Мен болалигимдан бери олган ва менинг соғ-саломат улғайишимга сабабчи бўлган вакциналарнинг ҳам биронтасининг ичида нима борлигини билган эмасман.

Нафақат вакцина, мен на парацетомол, на аспирин, на цитромон ва кундалик ҳаётда ичадиган бош оғриганда оғриқ қолдирадиган, грипп бўлганда тузатадиган дориларнинг ичида нималар борлигини билмайман. Мен апендицит бўлиб, операция бўлганимда ёки ўпкам шамоллаб касалхонада ётганимда шифокорлар баданимга юборган антибиотик ва оғриқ қолдирувчи дорилар таркибида нималар борлигини билмаслигимни айтмасам ҳам бўлади. Ҳар биримизнинг яқинларимиз, қариндошларимиз, кексалар ва ногиронлар тузалишлари, ҳаётга умид билан боқишлари ва узоқ умр кўришлари учун қандай таркибдаги дори-дармонлар ишлатилишидан ҳам бехабарман.

Вакциналар, дориларни қўйиб туринг. Мен ишлатаётган духиларим, тиш пастаси, ҳидларга қарши дезодорант ва ҳатто тоза бўлиш учун ишлатадиган совун ва шампун таркибида нималар борлигини билмайман.

Бозордан ёғ, туз, шакар, пишлоқ ва ҳоказо махсулотларни сотиб оламан ва уларни истеъмол қилганимда бирон марта улар нималардан таркиб топганлигини ўйлаб кўрмаганман. Оддий картошка, пиёз, помидор ва мева-чеваларни ўстириш, хашоротлардан ҳимоя қилиш учун кимёвий ўғитлар ишлатилади. Мен уларнинг кимёвий формулаларини ҳам билмайман. Ҳатто мен ичаётган сувим ҳам фақатгина "Ҳаш икки О"дан ва олаётган нафасим фақатгина кислороддан иборат эмас. Шунга қарамасдан мен сувдан ичаман ва ҳаводан нафас оламан.

Мен кимёгар, биолог, физик, инфекциолог, шифокор ва ҳоказо эмасман ва универсал билимлар эгаси эмасман. Мен хоҳласам ҳам дунёдаги барча билимларни эгаллаб ололмайман. Аждодимиз Ал Беруний айтганидай, қанчалар кўп билсам ва ўргансам билмаганим ва ўрганадиганларим кўп эканлигига амин бўлиб бораман.

Ҳар ҳолда барча билимларни эгаллаш учун бир инсон умри камлик қилишини яхши биламан.

Шу сабабдан, мен инсонларни даволаган, едирган, ичирган, тозалаган, умрларини узайтирган, дунёларга ва фазога саёҳат қилдирган, қувончли кунларни ато этган ва фақатгина менинг ҳаётим яхшиланишини мақсад қилган илм-фанга ишонаман.

Вақтимни илм-фанга шубҳа билан қараш, конспирологик фитналарга эргашиш, тараққиётнинг оёғидан тортиш, коронавирус тарқалишига ҳисса қўшишнинг ўрнига олимлар ва шифокорлар тавсия қилган вакцинани олишга ва оилам бағрида хурсандчилик ва хотиржамликда ўтказишга сарфлайман.

Мен барчаларингизга, ўзларингиз ва оилаларингизга, жамики инсониятга соғлик-саломатлик, узоқ умр, тотув ҳаёт, шодлик ва қувончли кунларни тилайман!

"Уч замон" каналига аъзо бўлиш учун ҳавола👉 https://t.me/uchzamon

Керак бўлса дунёни ўзингиз ўзгартириб олаверинг 😜😂

"Уч замон" каналига аъзо бўлиш учун ҳавола👉 https://t.me/uchzamon

​​#КунАнекдоти!

ИМОМ ВА РАВВИН

Бир куни имом ва еврей раввин учрашиб қолибди. Раввин имомдан сўрабди:
- Мухтарам имом жаноблари. Сизни ҳар сафар кўрганимда янада кўркамлашиб, тўлишиб, юзларингиз қизариб юрасиз. Бунинг сири нимада?

Имом тушунтирибди:
- Бунинг сири, мен доим мусулмонларнинг энг қиммат ва ҳашаматли ресторанларда овқатлагаман. Ресторанда энг мазали таомни буюртма бераман. Еб бўлгач, бироздан кейин официант келиб ҳисобни айтганида "Ия, мен боя тўладим-ку" дейман. Официант ҳам, унинг хўжайини ҳам имом одамнинг гапига шубҳа қилолмайди ва тўламай чиқиб кетаман.

Раввин имомга раҳмат айтиб еврейларнинг энг қиммат ресторанга борибди. Энг қиммат таомлардан 8 тасини буюртма берибди ва бўккунча овқатланибди.

Бир маҳал официант ҳисобни олиб келибди ва раввин "мен боя тўладим-ку" дебди. Официант "Ҳали тўламадингиз-ку" деса раввин жанжал кўтарибди:

- Сен ҳали раввиннинг гапига ишонмайсанми? Мен еган овқатимга пул тўламаслигим мумкинми?...

Официант хўжайини билан гаплашибди-да, келиб адашганлигини айтиб узр сўрабди.

Орадан ярим соат ўтгач, официант қараса раввин ҳали ўтирганмиш. У келиб "Жаноб раввин, ҳали шу ердамисиз, ахир узр сўрадим-ку" деса раввин жавоб берибди:
- Узрку сўрадинг. Аммо тўлаган пулимга қайтимни қачон берасан?

😂😂😂

"Уч замон" каналига аъзо бўлиш учун ҳавола👉 https://t.me/uchzamon

Фейсбукнинг айтишича мен энг кўп ишлатадиган смайликлар экан.
Айниқса 😆 билан ❤ ни тўғри топибди. Фейсбукда 😜 йўқлиги учун буни топа олмаган.

Сиз қуйидагилардан қайси бирини кўпроқ ишлатасиз?

"Уч замон" каналига аъзо бўлиш учун ҳавола👉 https://t.me/uchzamon

​​ЎЗБЕКИСТОНДА 4 МИЛЛИОН ТОННА РАДИОАКТИВ ЧИҚИНДИЛАР БОР ЭКАН

ОАВ тарқатган маълумотларга кўра Ўзбекистонда 4 миллион тонна радиоактив чиқиндилар бор экан. Қазилма бойликлар эмас, айнан чиқиндилар. Яъни уларни на ишлатиб, на сотиб бўлади. Уларни сақлаш эса хавфли.

Радиоактив чиқиндиларнинг энг хавфлиларининг умри бир неча минг, ҳатто бир неча ўн минг йилларга тенг. Яъни уларни барча қоидаларига амал қилиб, 500 метр ер остига кўмгандан кейин ҳам ўртача эллик минг йил хавфли бўлиб тураверади. Мисол учун Чернобил атом станцияси ҳудудидаги радиоактив чиқиндиларнинг буткул "ўлиши" учун таҳминан 48 000 йил керак бўларкан.

Ўзбекистонда атом электр станцияси, ядро қуроли ва ҳоказолар бўлмаса бунча чиқинди қаердан келди? Барчаси совет даври мероси. Ҳудудларимизда қазиб олинган уран совет илм-фани ва армиясини ривожлантиргач, унинг чиқиндилари қайтиб ўз ҳудудларимизга юборилган.

Бизда-ку, 4 миллион тонна. Қўшнимиз Қозоғистонда 240 миллион тонна экан. Минг эмас, ҳа МИЛЛИОН тонна.

Маълумотларга кўра, Қозоғистон (балки Ўзбекистон ҳам) пул эвазига ривожланган давлатлар чиқарган радиоактив чиқиндиларни қабул қилишда давом этмоқда. Бу дегани, атомдан буткул воз кечган Марказий Осиё ҳудуди келгусида улкан радиоактив қабристонга айланиш хавфи бор. Ўзбекистон ва Қозоғистон АЭС қуришга интилаётгани ҳисобга олинса, бу жараён янада тезлашиши мумкин.

Юртларимиздаги "профессионаллик даражаси", порахўрлик, ажратилган пулларни ўмариш "маданиятимиз" ҳисобга олинса 50 000 йил ҳудудларимизда турадиган миллион тонна чиқиндиларни ўзимизга қарши қўйилган атом бомбалар деб атасак бўлади.

Маълумот учун, энг кўп радиоактив чиқиндилар чиқарадиган, ривожланган давлатлар, хусусан ўз электр энергиясининг 75 фоизини АЭСлардан оладиган Франция мазкур чиқиндиларни ўз ҳудудига кўммайди. Балки қашшоқ ва ривожланмаган Африка ва Осиё давлатлари, билишимча, Қозоғистонга пул тўлаб, уларнинг ҳудудларига жўнатади.

Мен ушбу хавотирларим бекор ва мен ноҳақ бўлиб чиқишимни жуда хоҳлардим. Шундай бўлса-да, мутасаддилар АЭС, радиоактив чиқиндилар, уларнинг ортиб кетмаслиги ва сақланиши борасида жиддий бош қотирсалар ва шуғуллансалар ёмон бўлмайди.

"Уч замон" каналига аъзо бўлиш учун ҳавола👉 https://t.me/uchzamon

​​ПАРИЖ 2024!

Франция ўз-ўзидан дунёдаги энг кўп сайёҳлар ташриф буюрадиган, Париж эса ўз-ўзидан дунёдаги барча боришни орзу қиладиган шаҳар бўлиб қолмаган.

Бунга французларнинг яратувчанлик, ўзига хослик, инсон даҳоси фантазияларига етарлича эркинлик бера олиши каби фазилатлари сабабчидир.

2024 йилда Париж шаҳри Олимпиада ўйинларини қабул қилади. Ўйинларнинг очилиш маросимининг ўзи катта мусобақа ва давлатлар доим миллиардлар сарфлаб оригинал маросим ташкил қилишга ҳаракат қиладилар. Париж ҳам шундай қилиши, "Stade de France"ни замонавий технологиялар дэфилесига айлантириши мумкин эди. Аммо Париж яна бир бор барчани лол қолдирди. У ўйинларнинг очилиш маросимини Сена дарёси бўйлаб, Эйфель минорасининг олдида ўтказишга қарор қилди.

Бу биринчидан, янги стадионлар қуриб, уни безаб юришдан арзонга тушади. Иккинчидан, Париж шаҳри Сена дарёси ва Эйфель минораси уйғунлигидан фойдаланиш борасида катта тажриба бор. Шахсан ўзим у ерда ташкил қилинган Янги йил, Франция миллий байрами тантаналарида бир неча бор иштирок этганман ва бунинг завқи қандай бўлишини яхши биламан.
Ва ниҳоят, бундай тадбир бир стадионга сиғадигангина тадбир бўлиб қолмасдан бутун Париж шаҳрини тантаналар марказига айлантиради ва шаҳарга катта иқтисодий даромад келтиради.

Париж шаҳри айнан ўз миллий бойликлари, ёдгорликларини яратиш, қадрлаш ва улардан фойдаланишни билганлиги учун ҳам дунёдаги энг кўп орзу қилинадиган шаҳар ҳисобланади.

"Уч замон" каналига аъзо бўлиш учун ҳавола👉 https://t.me/uchzamon

ХАЙРЛИ ИЛМИЙ ИШГА ҲИССА ҚЎШИНГ

Бир магистр укамиз илмий иши учун ушбу сўровномани ташкил қилибди ва уни тарқатишга ёрдам сўради. Илмий иш муваффақиятига ҳисса қўшиш учун уни улашяпман.

Агар тадбиркор бўлсангиз, илтимос, сўровномада иштирок этинг. Тадбиркор бўлмасангиз сўровномани тарқатишга ёрдам беринг.

"Ассалому алайкум, ҳурматли тадбиркорлар.

Мен Абдулҳамид Акбаров – Андижон машинасозлик институти "Иқтисодиётда ахборот технологиялари ва тизимлари" мутахассислиги 2-босқич магистрантиман. Магистрлик диссертацияси учун танлаган мавзум – “Кичик бизнес ва хусусий тадбиркорлик фаолиятида иқтисодий хавфсизликни таъминлаш масалалари” юзасидан ушбу кичик сўровномани ташкил этишга қарор қилдим. Умид қиламанки, илм-фан ва ёш тадқиқотчи учун 10 дақиқангизни аямайсиз.

Қуйидаги ҳавола орқали сўровномада иштирок этишингиз мумкин:

https://forms.gle/RiPuB6B3uMzPsVLq7"

Олдинроқ носни ҳимоя қилиб чиққан Мақсуда Ворисова энди аёлларга пиво ичсанглар мўйлов ўсиб чиқади деганмиш 🍺😜😂

"Уч замон" каналига аъзо бўлиш учун ҳавола👉 https://t.me/uchzamon

Доим яхши гумонда бўлиш керак 😜

"Уч замон" каналига аъзо бўлиш учун ҳавола👉 https://t.me/uchzamon