Мана бу ҳаволадаги сепаратист эсингиздами? Ўзбекистон ва Қорақалпоғистонда Қозоғистондагидай тартибсизликлар келтириб чиқаришга чақираётган эди.

Ижтимоий тармоқларда айтишларича, уни Туркияда қўлга олиб, Ўзбекистонга олиб келинган эмиш.

Рост бўлса, тезкор ва самарали иш олиб борган тегишли органларимизга миннатдорчилик билдирсак бўлади.

"Уч замон" каналига обуна бўлиш учун ҳавола👉 https://t.me/uchzamon

​​ҚОЗОҒИСТОН КЕЛАЖАГИ ҲАҚИДА ФОЛ

Менга Қосим-Жўмарт Токаевнинг келаси икки-уч йилларда қиладиган ишлари кўриняпти...

У бундан буён олдинги давр амалдорлари, органлари вакилларини ҳиёнатда айблайди, оёқлари узилганлиги, халқнинг дардини тингламаганликларини айтиб сўкади, ошкорона мансаблардан олиб ташлайди, керак бўлса қаматади.

Ундан кейин қозоқ халқининг ҳаёти оғир эканлигини, бунга барча, жумладан ўзи ҳам айбдор эканлигини айтиб, барчага ёқадиган нутқлар сўзлайди.

Халқнинг мурожаатларини эшитадиган ва барча маиший муаммоларни жойида ҳал қиладиган тизимларни йўлга қўяди. Жамиятда кўтарилган ва шов-шув бўлган муаммолар юзасидан халқнинг тарафини олиб муносабатлар билдиради ва айбдорларни шафқатсиз жазолайди.

Қозоғистон бўйлаб миллион дона маиший мурожаат бўлса, барчаси ҳал қилинади, лекин тизимли муаммолар муаммолигича қолади.

Эринмасдан Қозоғистоннинг барча вилоят ва туманларига, айниқса олдинги президент оёғини қўймаган энг узоқ қишлоқларга боради, муаммоларни кўради ва кўрсатади. Табиийки, уларни жойида ҳал қилиб, ҳокимларга дакки беради.

Навбатдаги президент сайловларигача номини оқлаб, 2022 январь воқеаларини унуттиради ва президентликка қайта сайланади.

Бу орада олдинги президент давридаги бир нечта қудратли мулозимлар, сиёсатчилар ўзларининг 30 йил давомида ухлаб ётганликларини айтадилар, Токаевга мастеркласс учун миннатдорчиликлар билдирадилар.

Элбоши даврида Қозоғистон давлатини ушлаб турган бир нечта устун мулозимлар вақтинча четга чиқиб турадилар, аммо бутунлай кетмайдилар. Токаев яхшилаб жойлашиб олганидан кейин барчасини янги пойдеворлар билан қайта бошлайдилар. Бу даврнинг номини Янги Қозоғистон деб номлайдилар!

ПС. Айтиб қўяй, шу пайтгача биронта фолбин фоли тўғри чиқишига кафолат берган эмас. 😜

"Уч замон" каналига обуна бўлиш учун ҳавола👉 https://t.me/uchzamon

🤣🤣🤣

"Уч замон" каналига обуна бўлиш учун ҳавола👉 https://t.me/uchzamon

Икки аёл

Ҳар кишининг икки бўлса аёли
Кеча-кундуз иши можаро бўлар
Ҳар бирининг бордир юз минг ҳаёли
Оши захар, нони ҳам увол бўлар.

Зарда қилиб келмас бўлса ёнина
Сўз айтмаса ҳар бирининг шаънина,
Бундай эр кўшилмас одам сонина
Икки хотин, бир эр уч аёл бўлар!

Махтимқули

"Уч замон" каналига обуна бўлиш учун ҳавола👉 https://t.me/uchzamon

ХОРАЗМДА...

1. Хоразмда бундан 5-10 минг йил олдин "Калтаминор" деб номланувчи маданият юзага келган.

2.Хоразмда бундан 4 минг йил олдин "Тозабоғёп" деб номланувчи маданият юзага келган.

3.Хоразмда бундан 3-2,5 минг йиллар олдин зардуштийлик дини шаклланган. Зардушт туғилгач, Эронга кўчиб бориб, зардуштийлик расмий давлат динига айланган. Авесто Хоразмда яратилган.

4.Хоразмда бундан 3000 йил олдин ҳозирги "Лазги" рақсининг илк кўринишлари юзага келсак. Нафақат хореографик ва мусиқий, балки фалсафий, маънавий мазмунга эга "Лазги" рақси "ЮНЕСКО"нинг умуминсоний маданий мерослар рўйхатига киритилган.

5.Хоразмда бундан 3000-1700 йиллар олдин Сиёвуший Хоразмшоҳлар ҳукмронлик қилганлар ва бу ўзбек давлатчилигидаги илк давлат деб айтиш мумкин. Мазкур сулола вакили Фарасман дипломатик айёрлик билан Хоразмни Александр Македонский босқинидан сақлаб қолган.

6.Хоразмда бундан 1700-1000 йиллар олдин Африғий Хоразмшоҳлар ҳукмронлик қилганлар. Ҳозирги Қорақалпоғистон ва Туркманистон республикалари ҳудудларидаги 100 лаб қалъалар ва археологик қазишмаларда топилган буюмлар ўша даврда Хоразм давлатида илм-фан, меъморчилик, санъат, ҳарбий ва иқтисодий қудрат қанчалик юксак бўлганлигидан далолат беради.

7.Хоразмда бундан 1200 йиллар олдин буюк математик олим Муҳаммад ал-Хоразмий дунёга келган. У ҳозирги "Алгебра" фани асосчиси ҳисобланиб, унинг қўшимча номи "Ал Хоразмий", яъни "хоразмлик" деган таҳаллуси "Алгоритм" сўзига айланган. У ҳинд халқларида қўлланиладиган "0" сонини фанга олиб кирган ва у туфайли бутун дунё ҳозир "араб рақамлари"ни ишлатади. Ал Хоразмий Боғдоддаги "Байт-ул ҳикма" академиясини бошқарган.

8.Хоразмда бундан 1000 йил олдин Маъмун академияси ташкил қилинган ва уни буюк энциклопедик хоразмий олим Абу Райҳон Беруний бошқарган. Академияга дунёнинг энг буюк олимлари, хусусан Абу Али ибн Сино илмий фаолият олиб бориш учун йиғилганлар.

9.Хоразмда бундан 900 йиллар олдин Абулқосим ал Хоразмий Аз-Замахшарий дунёга келган. У кўп мамлакатларга саёҳат қилиб, узоқ йиллар Макка шаҳрида истиқомат қилиб, буюк олим сифатида ном қозонган. У динга қаттиқ берилиб, илм-фанга қаршилик билдирувчи ва арабларнинг бошқалардан устунлигини тарғиб қилувчи "Шуубия" ҳаракатига қарши бўлган "Мутаазилий" ҳаракатининг фаол аъзоларидан бири бўлган. У дин илм-фанни бўғиши эмас, аксинча илм-фан юксалишда давом этиши керак деб ҳисоблаган. У "Муқаддимат-ул адаб" номли арабча-хоразмча луғат яратган. Унинг араб тили грамматикасига бағишланган "Ал Муфассал" асари ҳозирги замон араб тилининг грамматик асосларини қўйишда бош роллардан бирини ўйнаган.

10.Хоразмда бундан 1000 йиллар олдин Ануштегин Хоразмшоҳлар сулоласи ҳокимиятга келган. Ундан олдин қисқа вақт ичида Маъмуний ва Олтинтош Хоразмшоҳлар даври бўлиб ўтган. Ануштегин Хоразмшоҳлар Хоразм тарихидаги энг катта империяни ташкил қилганлар. Улар шарқда Хитой, Ғарбда Рум (ҳозирги Туркия)гача бўлган кенг ҳудудларни босиб олганлар. Жанубда Ҳиндистон ҳудудларига ва форс кўрфазигача бўлган ҳудудларга эгалик қилганлар. Бу империянинг якуни мўғуллар томонидан тор-мор этилиши ва буюк султон Жалолиддин Мангубердининг қаҳрамонликлари билан тарихда қолган.

11.Хоразмда бундан 900-800 йиллар олдин Марказий Осиёдаги 3 та энг катта тасаввуф тариқатларидан бири юзага келган. Унга буюк диний ва дунёвий олим Нажмиддин Қубро асос солган. Нажмиддин Қубро илмий-маънавий меросидан ташқари ўзининг мўғулларга қарши мардонавор кураши билан тарихда ном қолдирган.

12.Бундан 900-800 йиллар олдин Низомий Ганжавий ўзининг "Ҳамса" асарини ёзган. Асарда бош қаҳрамонлардан бири Баҳром Гўрнинг 7 та саройида истиқомат қиладиган маликалардан бири Хоразм маликаси бўлган. У яшил рангли саройда истиқомат қилиб Ойнинг устидан ҳукмронлик қилган деб ёзилган.

13.Хоразмда бундан 800-700 йиллар олдин буюк паҳлавон-Паҳлавон Маҳмуд, хоразмликлар айтганидек "Полвон пир" туғилган. У шарқ халқлари орасида кураклари ҳеч қачон ерга тегмаган паҳлавон, Ҳиндистонда улкан ғалабаларни қўлга киритиб, минглаб ватандошларини асирдан қутқарган мард инсон ва халқчил шерлари билан буюк шоир сифатида тарихга кирган.

14.Бундан 800-700 йиллар олдин Хоразмшоҳлар давлати Ғарбга махсулотлар экспорт қилган. Экспорт қилинган махсулотлар орасида пахтадан тикилган, этаклари буриштириб, қават-қават қилиб тикилган кўйлаклар ҳам бор бўлган. Мазкур кўйлаклар Хоразм пойтахти Урганч номи билан аталиб, "Урганжи" деб аталган. Орадан вақтлар ўтиб "Урганжи" сўзи "Органди" шаклига келган ва ҳозирда тикувчилар орасида "органди" деб айтиладиган стил Ўрта аср Хоразмшоҳларига бориб тақалади.

15.Хоразмда бундан 600-100 йиллар олдин шоҳликлар ўрнини хонликлар эгаллайди. Хоразм хонлари даврида пойтахт Кўҳна Урганчдан Хива шаҳрига кўчирилди. Бир неча асрлар давомида Хива шаҳрида барпо этилган меъморий обидалар бугунги кунда Марказий Осиёда энг гўзал ва энг яхлит сақланган ёдгорликлар ҳисобланади.

Ўзбекистон шаҳарлари орасида биринчи бўлиб, собиқ совет иттифоқи давридаёқ Хива Ичан қалъанинг ЮНЕСКО умуминсоний ёдгорликлар рўйхатига кириши бежиз эмас.

16.Хоразмда бундан 150 йиллар олдин, Комил Хоразмий "Танбур ноталари"ни яратади. Бутун дунёда мусиқа ноталари мавжуд, аммо улар биздаги мақомларни тўлиқ акс эттириш имконини бермаган. Шу сабабли, хоразмлик шоир, тарихчи, мусиқашунос олим Комил Хоразмий Марказий Осиёдаги илк ноталарни яратган.

17.Хоразмда бундан 150 йиллар олдин марказий Осиёдаги илк нашриёт ташкил қилинган. Буни хоразмлик илк ношир-Отажон Абдалов ташкил қилган ва шарқ адабиётининг буюк асарларини босма китоб шаклида босишни бошлаган. Унинг илк босмадан чиқарган асари Абдуносир Фарохийнинг "Нисабуссибён" асари бўлган. 1876-1910 йилларда Отажон Абдалов Хива матбаасида 10 дан ортиқ китобни нашрдан чиқарди. Булар орасида Навоийнинг "Хамса" (асарнинг "Ҳайрат-ул Аброр" қисми; 1880), " Хазойин-ул Маоний", 1881, "Чор Девон"(1882), Огаҳийнинг "Тавизулошикин" (1882) номли асарлари, Муҳаммад Раҳимхон ll (Феруз)нинг ғазаллари (1897) ва "Мажмуатушшуаро" (1990) тўпламлари бор.

18.Хоразмда бундан 100-150 йиллар олдин Марказий Осиёда биринчи бўлиб фотоаппарат ишлатила бошланган. Хоразм меннонит немисларидан бири Вилҳелм Пеннер Худойберган Девоновга фотографлик сирларини ўргатади. Шундан сўнг, Худойберган Девонов Марказий Осиёдаги илк фотограф, кино оператор бўлиб тарихга киради.

19.Хоразмда бундан 100 йиллар олдин Марказий Осиёдаги илк шифохона, илк почта, илк ўт ўчириш хизматлари ташкил қилинади.

20.Хоразм воҳаси бугунги кунда ҳам илм-фанни улуғловчи, замон билан ҳамнафас, дунё илмлари ва тараққиёт янгиликларига очиқ, кўнгли тоза, мағрур ва меҳнаткаш инсонлар истиқомат қиладиган гўзал диёр ҳисобланади.

Дониёр Рўзметов
(@uchzamon)

Бугун суҳбат қилсак нима дейсизлар?

Ҳа, деганлар изоҳларда мавзулар таклиф қилинглар. Балки орасидан танлаб оларман. Танланмай қолган мавзулар навбатдаги сафарларга ғоя беради. 🙏

ДИҚҚАТ ! БУГУН "УЧ ЗАМОН"ДА СУҲБАТ!

Бугун, Ўзбекистон вақти билан соат 21:00 да @uchzamon каналида суҳбат қиламиз.

Суҳбатни "Нега ўзбеклар 10 минут саломлашади?" деб номлаймиз ва уни маҳаллийчилик муаммоларига бағишлаймиз!

Сизлардан учта илтимос:

1. Суҳбат учун саволлар ўйлаб қўйинглар.

2. Суҳбат давомида фаол бўлинглар ва тортинмасдан сўз олиб, иштирок этинглар

3. Мазкур постни бошқаларга, гуруҳ ва каналларга тарқатинглар. Суҳбатда кўпроқ инсонлар иштирок этсин.

Суҳбатда иштирок этиш учун ҳавола: https://t.me/uchzamon?livestream=887abc67c45079d142

Барчага олдиндан раҳмат. Суҳбатда учрашгунча! 🤓🙏

"Нима учун ўзбеклар 10 минут саломлашади?" номли суҳбатимиз ўз якунига етди.

Суҳбат маъқул ва асосийси фойдали бўлди деб умид қиламан.

Иштирок эта олмаганлар ва тинглашни хоҳлаганлар учун уни улашяпман.

Фикрларингизни изоҳларда ёзишингиз мумкин. 🙏

Суҳбатнинг аудио (мегабайти камроқ) варианти.

Менинг назаримда биз ўзбеклар дунёни қандай кўрамиз :

1. БИЗ - дунёда ЭНГ зўримиз. Дунёнинг марказида турамиз!
2. Алкашлар юрти
3. Арзон ва сифатсиз моллар юрти
4. Кун чиқар юрт
5. Корейслар
6. Бобур биздан чиққан
7. Наркотик ва террористлар юрти
8. Нефт ва газ юрти
9. Бизга тўғри келмайди
10. Мерседес бенз
11. Алишер Усмонов ва Роман Абрамович
12. Яланғоч ва енгилтак аёллар, парфюмерия ва косметика юрти
13. Реал ва Барса
14. Қоронғу дунё
15. Бу ерни Абу Райхон Беруний 1000 йил олдин кашф қилган
16. Бозорларимиздаги энг сифатли моллар шу ердан келади!

ПС. Сиз ҳам ўз вариантларингизни беришингиз мумкин. 😊

"Уч замон" каналига обуна бўлиш учун ҳавола👉 https://t.me/uchzamon

Ўзбекистон, Қозоғистон, Қирғизистон пойтахтлари ва бир неча шаҳарларида свет ўчибди.

Аварияни бартараф этишга ҳаракат қилишяпти экан.

"Уч замон" каналига обуна бўлиш учун ҳавола👉 https://t.me/uchzamon

⚡ Тезкор хабар.

Электр узилишлари бўйича аслида нима бўлганлиги ҳақида видео чиқди. Светни массонлар ва еврейлар ўчирмаган экан.

Ўзингиз кўринг ва бошқаларга ҳам тарқатинг. 😜🤣

"Уч замон" каналига обуна бўлиш учун ҳавола👉 https://t.me/uchzamon

⚡ СВЕТ ЎЧИШЛАРИГА ТАҲМИНИЙ САБАБЛАР:

- Қозоғистонда авария
- Ўзбекистон ва Қирғизистонда авария
- Путин ўчириб қўйган
- Масон ва еврейлар фитнаси
- Солихон домла қарғиши
- Сардобадан Қозоғистонга оқиб кетган лаққа балиқлар
- Қозоғистонда террорчилик акти
- Об-ҳавонинг ноқулай келганлиги
- Толибонга ҳақиқий свет ўчиши қандай бўлишини кўрсатиб қўйиш
- Охир замон бошланганлиги
- Телеграмдаги @uchzamon каналидаги постлар ...

Давом эттиришингиз мумкин 😜👍

СВЕТ ЎЧИШИГА КРИПТОВАЛЮТАЛАР САБАБ БЎЛДИМИ?

Франциянинг деярли барча нашрлари минтақамиздаги электр узилиш ҳолатлари ҳақида ёзди. Марказий нашрлар асосан электр узилганлиги, бунга сабаб совет давридан қолган электр энергия тизимларимиз эскириб кетганлиги сабаб бўлганлигини ёзганлар.

Нуфузли француз нашрларидан бири "Le Monde" мен билмаган бир маълумот ҳақида ёзди. Қозоғистон дунёдаги кўплаб давлатлар, хусусан Хитой учун криптовалюта ишлаб чиқарувчи давлатлар қаторига кирар экан. Криптовалюта ишлаб чиқариш эса электр энергиясини жуда кўп истеъмол қилар экан. Аввалроқ, Косовода айнан криптовалюталар сабабли электр энергияси билан боғлиқ муаммолар юзага келиб, ҳозирда Косово бу фаолиятни таъқиқлаган экан.

Қозоғистон эса совет давридан қолган эски тизимлари билан криптовалюта ишлаб чиқаришга зўр бериб, бугунги ҳолатга сабаб бўлдимикан деган таҳминлар илгари сурилган.

Маълумот учун, дунё криптовалюталарини сақловчи "хотира дисклар"нинг анча қисми Қозоғистон ҳудудларида жойлашган бўлиб, яқиндаги Қозоғистон воқеалари пайтида интернет ёпилиши оқибатида уларнинг фаолиятига катта таъсир қилган ва оқибатда криптовалюталарнинг курси тушиб кетган эди.

"Уч замон" каналига обуна бўлиш учун ҳавола👉 https://t.me/uchzamon

Қиммат нархнинг устини чизиб арзонлаштириб ёзилган скидкаларни кўргандим. Аммо арзон нархнинг устига чизиб қимматлаштириб ёзилган акциялар фақат бизда бўлса керак.

Ҳеч бўлмаса олдин арзонроқ бўлганлигини, нархни қимматлатганлигиги яшириш учун ҳаракат ҳам қилмаган. Аксинча сурбетларча қоғоз эконом қилиб шу қоғознинг ўзига ёзиб қўя қолган 🤦‍♂️

ПС. Суратни Шерали Камилов профилидан олдим.

"Уч замон" каналига обуна бўлиш учун ҳавола👉 https://t.me/uchzamon