Агар “Титаник” фильми Ҳиндистонда олинган бўлганида мана қандай бўлган бўларди? 😂👍

PS. Романтикани дабдала қилди бу ҳиндлар 😂

"Уч замон"га ҳали аъзо бўлмаганлар учун ҳавола 👉https://t.me/uchzamon

Эй гўзал аёллар!

Оилали эркакларнинг қалби қулфланган бўлади. Қанчалик уринманг уни оча олмайсизлар.

Ҳурмат билан! 😜😂🗝️

"Уч замон"га ҳали аъзо бўлмаганлар учун ҳавола 👉https://t.me/uchzamon

​​ДУБАЙ МАЛИКАСИ ЭРИНИ УЧ ТАЛОҚ ҚЎЙДИ

БАА бош вазири, шайх Муҳаммад бин Рашид ал Мактумнинг қизи, Дубай маликаси Маҳра Инстаграм тармоғи орқали эрини “уч талоқ” қўйди.

Гап шундаки, қизлари туғилганидан икки ой ўтиб, куёв тўра Мана бин Муҳаммад бин Рашиднинг ҳиёнатлари тўғрисида миш-мишлар чиққан. Малика балки миш-мишларнинг исботини топган бўлса керакки, эри билан ажрашишнинг мусулмон оламидаги илк оригинал шаклини яратиб берди.

У Инстаграм тармоғи орқали эрига “I divorce you, I divorce you and I divorce you » (Талоқ талоқ талоқ) деб ёзган постини “Сенинг собиқ хотининг деб имзо чекиб якунлаган. Ва бу билан у эрини қизғонадиган кўплаб мусулмон аёлларининг орзусини ўзи мисолида амалга оширган.

Одатда Ислом динида эркаклар “уч талоқ” орқали аёлидан осон ажрашиб кетишлари мумкин. Малика Маҳранинг уч талоғи мусулмон оламидаги аёл эрига берган илк уч талоқ бўлса керак ва бу билан у қайсидир маънода Ислом динида аёллар ҳуқуқлари, гендер тенглиги бооасида ислоҳот олиб кирди деб айтиш мумкин.

Бундан ташқари, Маҳра эрининг Ислом дини тамойилларига кўра 4 хотингача олиш ҳуқуқини топтаб, эри фақат ўзиники бўлишини талаб қилган.

Малика Маҳранинг Инстаграм саҳифасидаги сурат ва лавҳаларга қаралса, у ҳижоб ёки қора қопга ўхшаш паранжиларда эмас, балки дунёвий, балки ўз давлати миллий кийимларида юришини кузатиш мумкин.

Бундан келиб чиқадики, биздаги зомбилардан кўра мусулмонроқ, эътиқодлироқ бўлган Дубай маликаси Ислом динининг ислоҳ қилинган замонавий, инсонийроқ шаклига амал қилар экан.

Нима дедингиз?

ПС. Сурат сизнинг эътиборингизни жалб қилиш учун танланмади. Суратдаги соҳибжамол малика Маҳранинг ўзи бўлади.

"Уч замон"га ҳали аъзо бўлмаганлар учун ҳавола 👉https://t.me/uchzamon

La symphonie des éclairs, Zaho de Sagazan.

"Уч замон"га ҳали аъзо бўлмаганлар учун ҳавола 👉https://t.me/uchzamon

ПАРИЖ ОЛИМПИАДАСИДА “ЯНГИ СПОРТ ТУРИ”

Маълумотларга кўра, Париж олимпиадасида спортчиларга 300 мингдан ортиқ презервативлар тарқатилар экан. Бу ҳар бир спортчига кунига 2 донадан тўғри келар экан.

Сидней олимпиадасида 70 минг, Лондон олимпиадасида 100 минг дона тарқатилган экан. Париж севги муҳаббат шаҳри бўлиб, инглизлардан ортда қоламизми деб бу рақамларни 3 баробар ошириб юборибди. Натижада спортчилар ўзларининг спорт турлари қолиб, янги спорт тури билан шуғулланишлари хавфи юзага келибди. Энди спортчилар мусобақада чарчаган ҳолда иштирок этса ёки медал ола олмаса, билаверасизки, у бошқа спорт туридан медал олиб олган бўлиши мумкин.

Эҳ Париж, Париж, қўймайсан ҳеч 😍😂👍

"Уч замон"га ҳали аъзо бўлмаганлар учун ҳавола 👉https://t.me/uchzamon

​​ДИЁРА КЕЛДИ 🥇

Ҳеч ким Тўмарис келди, Ойбарчин келди, Хирмондали келди демади. Пропаганда қилиб роликлар ишлаб жар солмади.

Диёранинг ўзи келди. Жанг қилди, рақибларини бирма-бир қийратди, йиғлатди, ҳушларидан кетказди. Олтин медални олмагунча ҳатто жилмаймади, селфилар қилиб ҳаволанмади, интервьюлар бермади.

Ғалабани омади келиб, кучсизларга тушиб қолиб қўлга киритмади. Дастлаб амалдаги Олимпиада ва Жаҳон чемпиони, сўнгги 5 йилда мағлубият нималигини билмаган япон афсонаси Ута Абени соф ғалаба билан енгди. Ҳатто мағлубият Абенинг юрагига тушиб, ҳушидан кетаёзиб юра олмай қолгани жаҳон матбуоти оғзига тушди.

Ундан кейин, 2023 йилда Тошкентдаги Граншлемда олтин медални қўлга киритган, сўнгги жаҳон чемпионати бронза медали соҳибаси германиялик Маша Белхаусни соф ғалаба билан енгди.

Ярим финалда Диёрага нафақат сўнги олимпиада вице-чемпиони, Европанинг амалдаги чемпиони, Франция дзюдо юлдузи, мезбон Амандин Бушар, балки бутун француз оммаси қарши турди. Диёра эса жангда яққол устунлик қилиб, соф ғалабага эришиб, французларнинг ҳам меҳрини қозонди.

Финалда Диёра -48 кг категориядаги амалдаги олимпиада чемпиони, жаҳон рейтингида Диёрадан кейин 2-ўринда турган косовалик Дистриа Красникига қарши жанг қилди. Финалда ҳам устунлик қилиб, соф ғалабага эришиб, французларнинг олқишларини ҳалоллаб қўлга киритди.

Ўзбек дзюдоси тарихида буюк полвонлар кўп. Шулардан француз афсонаси Ринерни олимпиадада енган Абдулло Тангриев ва узоқ йиллар жаҳон рейтингини бошқариб турган Ришод Собировлар бор. Аммо шу пайтгача уларнинг ҳеч бири олимпиада чемпионлигини қўлга кирита олмаган эдилар.

Диёра нафақат ўзи олимпиада чепиони бўлди. Балки битта ўзи бутун ўзбек аёл дзюдочилари, эркак дзюдочилари ва барча ўзбек полвон йигит-қизлари учун чемпионликни олиб келди.

Мусобақа давомида доим жиддий юрган, кулмаган, йиғламаган, ҳиссиётларини кўрсатмаган Диёра ғолиб бўлгач охири табассум қилди, Ўзбекистон мадҳияси янграганда хурсандликдан йиғлади. Ҳақиқий чемпионлар шундай бўлади. Реклама қилинмайди, прораганда қилинмайди, Тўмарис каби шаҳд билан келади, кўради ва олтинни олиб кетади.

Қани йўл беринглар, ДИЁРА КЕЛДИ! Ғалаба муборак, чемпионимиз! 👏🥇

​​КЎРМАГАННИНГ КЎРГАНИ ҚУРСИН

Кеча Диёра тарихга кирди. Унинг ғалабаси бутун бир миллат, балки минтақамиздаги халқларни хурсанд қилди, ғурурга тўлдирди. Бундан ташқари, Диёранинг бир иши унга чексиз ҳурматлар келтирди. У рақиби мағлубият шокидан ўзини йўқотиб, тушкунликка тушиб қолган пайтда ўз ғалабасини нишонламасдан, вазиятда ўзини муносиб тутганлиги ҳатто Япония ОАВларида ҳам олқишланди.

Аммо кечадан бери иккита кўнгилни хира қиладиган ҳолат юз бермоқда.

Биринчиси, яна ўша ўзимизнинг зомбинавис диний радикаллар. Улар кечадан бери Диёранинг муваффақиятидан хурсанд бўлиш ўрнига уни бегона эркаклар билан “қучоқлашганликда”, эрини эса “даюсликда” айблаб ёзиб ётишибди. Майли, букрини гўр тузатади. Булар ўзимизнинг ички муаммоларимиз, ўз ичимизда қолаверади.

Аммо иккинчи тоифа одамлар борки, улар юртимизни, миллатимизни шарманда қилаяптилар. Кўрмаганнинг кўргани қурсин. Тарихимизда дзюдодан бир марта олтин медал олиб қолган эканмиз Инстаграмни эгаллаган, қилган ишлари ва ёзган гапларини ота-оналари, яқинлари кўрмайдиган бефаросат, бетарбиялар япон дзюдочиси Абенинг саҳифасига кириб, уни ҳақоратлаб, камситиб, ерга уриб ёзиб ётибди эканлар.

Япон спортчисининг мағлубияти, қайғуси ўзига етмаётганмиди? Уни яна ҳақорат қилиш, камситиб мазза қилиш учун одам қандай мазохист, касал бўлиши керак?

Бу миллатимиз ЧИҚИНДИЛАРИнинг қилган ишидан уялган Диёра Инстаграмда уларни бу ишни қилишни тўхтатишга чақириб пост ёзишга мажбур бўлди.

Ғалаба қозонган Диёра, ҳақорат қилаётганлар бу ғалаба учун бир грамм ҳисса қўшган эмаслар. Пировардида, ғалабадан ҳаволанишга, ўзларини, Диёрани ва миллатимизни шарманда қилиб унинг рақибига алоқага чиқишга ҳақли эмаслар.

Бу гапни уларга биргина Диёра ёки мен эмас, имкон қадар кўпчилик айтиши керак.

Илтимос, бу постни ўқиганлар, зиёлилар, ижтимоий фаоллар, блогерлар, ОАВ вакиллари ва барча яхши инсонлардан ўзлари ҳам изоҳларини қўшиб постни тарқатишни, агар ижтимоий тармоқларда ҳақддидан ошаётганларни кўриб қолсалар қараб турмасдан тартибга чақиришларини илтимос қилиб қоламан.

Биз эртага иш ишимизга, ўз ҳаётимизга қайтамиз. Диёранинг кўзлари ҳали жаҳон ареналарида япон рақибаси ва бошқа спортчиларнинг кўзларига тушади. Ўшанда у бир гуруҳ бефаросатларни деб уялиб юрмаслиги керак.

Диёра, бундайларга эътибор берманг. Ғалаба нашидасини суринг.

РУСТАМ ЙИЛИМТИҚ: “Қизингизни спортга берсангиз уни бақувват “портнер”га қўйиб берасиз”

Мана диннинг душмани, давлатнинг душмани, халқнинг душмани, аёлларнинг душмани қандай бўлади аслида. Вояга етмаган қизларниям ҳирс кўзи билан кўради.

Биронта атеист, ғайридин, дунёвий қарашларга эга инсон аёлни, қизингизни, опа-синглингиз, онангиз, келинойингизни жинсий объект сифатида ерга уриб, ҳуқуқларини топтамайди.

Кечагина Диёранинг ғалабасидан бутун халқ, эркакгу-аёл, диндор-у динсиз хурсанд бўлганида бир гала зомбисифат радикаллар чемпионимиз ва унинг оиласини ҳақоратлаганининг гувоҳи бўлиб ажабланган эдик.

Радикаллар қўзиқоринга ўхшаб ердан ўсиб чиқмайди, онасининг қорнидан ўз онасини секс объекти деб ўйлайдиган исқиртмия бўлиб туғилмайди. Уларни мана бу Рустам йилимтиққа ўхшаган “диний пир”лар радикаллаштирадилар.

Биз эса бундай бузғунчи пирларнинг юзини очишдан тўхтамаймиз. Уларга чора кўриш, жамиятимизни аҳлатга айланишининг олдини олишни эса давлатга, органларимизга қўйиб берамиз.

https://t.me/uchzamon

Музаффарбек Тўрабоев ярим финалда.

Музаффарбек асли ўзбек курашидан чиққан шекилли. Иккала курашини ҳам кўрдим. Асосан қаддини баланд тутиб тикка туриб курашаркан. Имкон қадар гиламга ётиб курашмасликка интиларкан.

Япон дзюдоси ва ўзбек курашидаги энг асосий фарқлар - дзюдода икки хил - тикка туриб курашиш ва гиламга ётиб курашиш мумкин. Шу сабабли, айрим дзюдочилар ерга ётишгача боришдан қўрқишмайди, ҳатто ерда ётиб курашишни ёқтирадиган дзюдлчилар бор. Ўзбек кураши эса курашчининг қадди букилмаслик, ерга ётмаслик, ҳатто тиззаси ерга тегмасликка асосланганлиги учун курашчилар имкон қадар ерга ётмасликка ҳаракат қилади ва тикка туриб курашишда жуда кучли бўладилар.

Музаффарбекка навбатдаги босқичларда омад тилаймиз ва навбатдаги олтин медални олиб келишини тилаб қоламиз.

Унинг ярим финалдаги рақиби озарбайжонлик Зелим Костоев бўлади.

https://t.me/uchzamon

Жаҳон чепмиони бўлган ёки бошқа улкан мусобақаларни ютган бўлишига қарамасдан бир ёки иккита ғалабадан ўта олмаётган, медал учун курашларда туриб бера олмай ҳеч бўлмача бронза медали ола олмаётган спортчилар кетма-кетлигини кўриб, Диёранинг қилган иши қанчалар қаҳрамонлик эканлигини, унинг медалининг қиймати анча баланди эканлигини ҳис қилиш мумкин.

Медалдан олдинги барча ғалабалар спорт ва жисмоний тайёргарлик махсули, аммо олиналиган ҳар бир медал бу мия, онг ва руҳий кучнинг махсулидир.

Мияси, сабри, ғолиблик руҳи чидаган, туриб бера олган, рақибдан қўрқмаган ва уни енга олган, ақлан ва онг томонлама етукликка эриша олган спортчиларгина медаллар учун курашадилар.

Музаффарбек Тўрабоев озарбайжонлик рақибига ютқазди.

Энди у бронза медали учун курашга чиқади. Рақиби испаниялик (фамилиясидан грузин) Николоз Шеҳаразадишвили бўлади.

Музаффарбекка руҳий ва ақлий ғалаба тилаймиз.

https://t.me/uchzamon

Алишер Юсупов бронза учун курашади.

Дзюдода курашмаганлик, курашишдан қочганлик учун 3 та огоҳлантириш олиб, шунинг ҳисобига ютқазиб чиқиб кетишларига чидай олмайман.

Шундан шунга келдинг, 4 йил тайёргарлик кўрдинг. Дзюда 4 минут, Golden score да таҳминан яна шунча давом этиши мумкин.

Майли иппон бўлиб йиқилиб ютқазиб кет, “омади келмади” ёки “рақиби кучлироқ” экан деймиз. Аммо курашмаганинг учун огоҳлантириш олиб ютқазишинг мумкинлигини билиб туриб ҳаракат қилмаслик ношукурлик-да энди. Ўша ерда курашиб, медални олиб кейин чарчоқдан ўлиб қолмайсанми? 🤯

Тўғри, ўзим Алишер қилган ишнинг юздан бириниям қилмаганман ва менга гапириш осон. Бунинг устига ўзим оз-моз дзюдо билан шуғулланиб кўрганим учун унинг нималарни ҳис қилаётганини ва нима учун курашмай огоҳлантиришлар олганинини ҳам тушунаман. Барибир шундай муҳим паллада бундай мағлубият алам қиляпти.

Алишерга навбатдаги баҳсларда омад ва бронза медалини олишни тилаб қоламиз.

Офарин, Алишер!

Қайғуриб, урушиб, охири бронза олиб бердим. 😂

Бронза медал муборак, Алишер! 🥉

БОКСДА “ТРАНСГЕНДЕРЛАР” : фейк ва нотўғри маълумотлар, бор гаплар ва мужмал ҳолатлар

Парижда бўлиб ўтаётган олимпиада ўйинларида спорт тури бўйича икки боксчининг иштироки муҳокамаларга ва норозиликларга сабаб бўлмоқда. Булар жазойирлик Иман Хелиф ва тайванлик Ю Тинг Линлар бўлиб, улардан иккинчиси бизнинг юртдошимиз Ситора Турдибековага қарши жангга чиқиб ғалабани қўлга киритди.

Бу иккала спортчи ҳақида ҳар ким эшитганига, миш-мишларга қараб турли фикрларни билдирмоқда. Кимлардир уларни олдин ўғил бола бўлиб кейин жинсини ўзгартирган деса, яна кимлардир уларни трансгендерлар деб атамоқда. Тарқалган гапларни умумлаштирса, улар иккаласи эркак киши ва улар аёлларга қарши жанга чиқяпти деб ишониляпти.

Барча биладиган айрим радикал қатлам вазиятдан фойдаланиб қолиб ушбу воқеаларда “гендер тенглигининг оқибатлари”ни кўрмоқда ва бунда “ЛГБТни қўллайдиган Париж”ни айбдамоқда. Албатта бу тоифадаги одамларда азалдан мантиқ билан муаммо бўлган. Чунки биринчидан икки спортчи эркак ва трансгендер бўлса бунинг гендер тенглиги, яъни эркак ва аёлларнинг тенг ҳуқуқлилигига даҳли йўқ. Иккинчидан, олимпиада Париж шаҳрида ўтган бўлса у ерда иштирок этган ҳар бир спортчи билан юз берган муаммога Париж айбдор бўлавермайди. Ваҳоланки, спортчилардан бири мусулмон жахойирлик бўлиб, у рингга кўтарилганида унинг муҳлислари Жазойир ва Фаластин байроқлари билан қўллаб турдилар. Демак, у спортчи билан боғлиқ муаммога на Парижнинг, на еврейларнинг, на массонларнинг, на эътиқоднинг даҳли йўқ экан.

Энди асосий муаммога қайтамиз. Хўш, бу иккала спортчи эркак ёки трансгендерми?

Жавоб: ЙЎҚ. Уларнинг иккаласи ҳам қиз бола бўлиб туғилган ва ҳозирда ҳам ўзларини аёл деб ҳисоблайдиган аёллардир.

Уларни эркак ёки транс деб тарқалган хабарларнинг барчаси ёлғон, фейк ва нотўғри маълумотлардир.

Унда гап нимада?

Гап шундаки, бу иккала споотчида эркаклик гормонлари, жумладан тестостерон ҳажми ортиб кетганлиги билан боғлиқ муаммолар бор. Буни улар хоҳламаган, бу нарса уларда табиий юз беради ва улар бу “табиий” ҳодисанинг қурбонларидирлар.

Ҳаётда эркакларда аёллик гормонлари ортиб кетиб, эркакнинг кўкраги чиқиб, ўзи аёлсифат бўлиб қолган ёки аёлларда эркаклик гормони ортиб кетиб, аёлга соқол ва мўйловлар ўсиб чиққан ҳолатларини кўпчилик эшитган ёки ўқиган.

Бу иккала спортчидаги ҳолат шундай. Уларга эркаклик жинсий аъзоси ўсиб чиқиб, улар эркак ёки транс бўлиб қолган эмаслар. Улар ҳатто қизлар билан катта бўлиб, ўзларини қиз боламан деб ҳисоблайдилар. Фақат улардаги эркаклик гормонлари улардаги кўриниш ва жисмоний хусусиятларини, жумладан мускулларини эркакларга ўхшатиб, ёки шунга яқин қилиб қўйган.

Баъзан эркакшода аёл ва қизлар ўзимизнинг жамиятларда ҳам учраб туради. Ҳамма унинг қиз бола эканини билади, лекин эркаксифат кўриниш ва хусусиятлари сабабли одамлар уларнинг орқаларидан гапириб юришади, лекин жамият олдида уларни аёл деб тан оладилар.

Аслида, бу икки аёлни “эркак” ёки “транс” деган миш-мишларга Газпром ва Россия ҳомийлик қиладиган АИБА ташкилоти сабабчи. У ўтган жаҳон чемпионатида бу қизларни “эркак хромосомалари бор” деб чнмпионатдан четлатган, лекин исботини келтириб бермаган. Менимча келтириб беролмайдиям, чунки бундай тестларни ўтказиш тақиқланганига 20-30 йиллар бўлган.

Хўш, шундай бўлгач, уларни нима қилиш керак?

Бу савол мени ҳам ўйлантирди ва якуний жавобим йўқ.

Бир томондан, табиатан муаммоси борлиги инсон ўз орзуларини амалга оширишига, масалан барча қатори спорт билан шуғулланиш, олимпиадаларда иштирок этиш ва медалларни қўлга киритишга халақит бермаслиги керак. Чунки улар ҳам одам. Эркаклар билан қатнашсин деёлмаймиз, чунки улар эркак эмас, паролимпиадага қаинашсин деёлмаймиз, чунки улар ногирон эмас. Улар аёл, фақат уларда гормонлар билан муаммо бор.

Бошқа томондан, улардаги эркаклик гормонлари миқдори ҳаддан ташқари кўп, яъни уларга допинг даражасида таъсир қилиб, аёллардан яққол устунлик берадиган даражада бўлса, бу мужмал муаммони юзага келтиради.

Футболдаги Пол Погба ҳозир тестостеронини оширадиган гормонли дорилар истеъмол қилгани учун футболдан 4 йилга четлатилган. Чунки у ичган дорилар сабабли унинг организми, мушаклари эркакларникидан ҳам кучлироқ бўлади.

Погба ва юқоридаги икки споричиларнинг фарқи шундаки, Погба буни сунъий қабул қилган. Боксчи қизларнинг организми эса гормонларни табиий ишлаб чиқаради ва улар буни тўхтата олмайди. Шундай бўлгач, уларни Погбага ўхшаб дисквалификация қилиш ҳам адолатсизлик бўлади.

Шу сабабларга кўра, менда ҳозирча муаммога якуний чора йўқ. Мен агар гормонлар миқдори таъқиқиланган моддалар даражасида ёки ундан юқори бўладиган бўлса, адолатсизлик бўлса ҳам бундай спортчиларни иштирок эттирмасликни таклиф қилган бўлардим.