Шу ўринда Қирол ака Марксбековнинг энг яқин дўсти, иқтисодчи Одамбой Саматбековнинг куюнчаклик билан айтиб ўтган бир гапини ҳам эслатиб ўтсам :

"Иш корхона фаолиятида имкон қадар кам миқдорда бўлиши керак, чунки акс ҳолда ходимлар ҳам руҳий ҳам жисмоний жиҳатдан чарчаб қолишлари ва натижада улар мажлисларда ўз диққатларини жамлай олмай қолишлари мумкин. Ўз раҳбари уришаётган пайтда чарчаб, уйқусираб ўтириш ходимларга ярашмайдиган ишдир”

Муҳбир :

- Чулун таппи ота, бўлди энди. Китобдан бошингизни кўтариб, охирги саволимда жавоб берсангиз. Сиз "Чуғулистон мажлискор раҳбарлар ташкилот"ининг раисисиз. Ташкилотнинг фаолияти доирасида келажакда режалаштираётган ишлар ҳақидаги фикрингиз билан суҳбатимизни якунласак.

Чулун таппи :

- "Чуғулистон мажлискор раҳбарлар ташкилот"и келажакда мажлисларнинг самарадорлигини ошириш мақсадида корхоналарда иш соатларини қисқартириш ҳисобига мажлисларнинг сонини янада орттириш ҳамда уларнинг ранг-барангликлари устида кўпроқ ишлар олиб боришни режалаштирмоқда. Ишлаб чиқариш, пул топиш, ишчи ва ходимларнинг бола-чақаларини боқишлари каби мавзулар бир гап бўлар. Муҳими раҳбарлар соғ-саломат бўлсинлар ва зерикарли мажлислар бардавом бўлсин !

Таҳририят чуғулларга :

- Файзибоғ ижтимоий тармоғини яратган Марксбек Шакарбековнинг исми унинг бобокалони бўлмиш "Капитал" китобинининг муаллифи Қиролбек Марксбековнинг хотирасига қўйилган эканлигини билармидингиз ? Агар "ҳа" десангиз, сиз ҳақиқий Чуғул экансиз !

Дониёр Рўзметов

"Уч замон"га ҳали аъзо бўлмаганлар учун ҳавола 👉https://t.me/uchzamon

КОРОНАВИРУСДАН ТУЗАЛГАН ШИФОКОР ТАВСИЯЛАРИ !

Корея ва Ўзбекисонтда докторлик даражасига эришган, дунёнинг нуфузли ташкилотлари конференция қилиб бериши учун таклиф қиладиган, АҚШ, Европа ва Осиёдаги катта шифохоналар ишга таклиф қилса ҳам ўз фаолиятини Ўзбекистонда юритаётган бир шифокор дўстимиз бор.

Сал аввалроқ у коронавирусга ўхшаган аломатлар сабабли шифохонага ётганлигини айтиб қолган эди. Биз ундан ҳол-аҳвол сўрасак, касал ҳолида ҳам у бизга маслаҳатлар беришга ҳаракат қиларди. Худога шукур, 10 кунларча шифохонада ётиб, тузалиб чиққан эди.

Дўстимиз Ютубдаги Доктор.уз каналида ўзининг бошидан кечирганлари асосида коронавирусга қарши қандай курашиш ҳақида тавсияларини берибди. Кўринглар ва фикрларингизни билдиринглар!

Видеонинг ҳаволаси : https://www.youtube.com/watch?v=OozaiPfo8oY&feature=youtu.be

"Уч замон"га ҳали аъзо бўлмаганлар учун ҳавола 👉https://t.me/uchzamon

"ОЛДИН ЯХШИ ЭДИ" ёхуд СССРни соғинмасликлари учун муаммоларни ҳал қилиш керак !

Ливанда юз берган кучли портлашдан кейин интернетда "Ливанни 10 йил давомида Франциянинг мандати остига қайтариш"ни таклиф қилган петиция пайдо бўлди ва у ҳозирга қадар 60 000 дан ортиқ овоз тўплади. Ливандаги иқтисодий, сиёсий, ижтимоий қийинчиликлар, порахўрлик, динлараро низолар, терроризм, давлат тизимининг мавжуд эмаслиги каби муаммоларидан норози инсонларнинг Франция мандати остига қайтиш истаклари Ўзбекистондаги муаммолардан умидсизликка тушиб "СССР яхши эди" дейдиган ва Россиянинг "мандати остига қайтиш"ни орзу қиладиган инсонларнинг истакларига ўхшайди.

Мен бу яхши ёки ёмон, тўғри ёки нотўғри демоқчи эмасман. Бу бор йўғи констатация, таъкид холос.

Агар қайси давлат, Ливан ёки Ўзбекистон, ўз фуқаролари мустақилликдан кўра ўзга давлатнинг мустамлакаси бўлишга рози бўлишларини истамаса зудлик билан адолат ва қонунлар устуворлигини ўрнатиши, ички ва ташқи муаммоларини ҳал қилиши керак.

👉https://t.me/uchzamon

#Марсбукликлар !

ДУНЁНИНГ ПОЙТАХТЛАРИ

Сизларда ҳам шунақаси бўлиб турадими?

Масалан, мана бундай пост ёзасиз : "Дунёда ҳар бир давлатнинг пойтахти бўлади. Масалан : АҚШнинг пойтахти Вашингтон шаҳри, Россия Федерациясининг пойтахти Москва шаҳри ва ҳоказо!"

Кейин коментлар ёзила бошлайди :

- Тўппа-тўғри айтдингиз. Масалан Ўзбекистоннинг пойтахти Тошкент шаҳри!
- Ха, Хитойнинг пойтахти Пекин шаҳри.

Шунда орага биттаси суқуладида :

- Бу одам АКШдан мисол келтиряпти. Ғирт ғарбпараст бу. Профилида кўрдим, ўзи Парижда турар экан.
- Барака топгур, бу ерда ғарбпарастлик ва пост муаллифининг қаерда туришининг нима даҳли бор?
- Бу одам миллатимизга, динимизга қарши. Шунинг учун Американи мисол қилиб кўрсатяпди.
- Ахир у Россияни хам мисол қилиб кўрсатяптику, бу билан у руспараст бўлиб қолмаяптику?

Яна биттаси аралашади:

- Менам шуни айтмоқчи бўлиб турувдим. Бу одам руспараст. Атайин Россияни танлаган...
- Тавба қилдим. Биттаси руспараст дейди, иккинчиси ғарбпараст дейди. У руспарастми ёки ғарбпарастми?
- Руспараст...
- Ғарбпараст...
- Хўп, муаллиф руспараст ёки ғарбпарастлигининг мавзуга нима даҳли бор. Дунё давлатларининг ҳар бирида пойтахт бўладику. Тўғрими ёки йўқми?
- Гапни бурманг...
- Айтгандай, биронта мусулмон давлатни мисол қилиб келтирмабди. Мусулмонларни ёмон кўрса керак...

Бу ёғи кеееетди! Сизнинг "Дунё давлатлари ва пойтахтлари" ҳақидаги постингиз бир четда қолиб кетаверади. Одамлар эса сизни ва шахсингизни "чайнаш" билан овора бўлаверадилар. 😜😂

Дониёр Рўзметов

"Уч замон"га ҳали аъзо бўлмаганлар учун ҳавола 👉https://t.me/uchzamon

"Уч замон"га ҳали аъзо бўлмаганлар учун ҳавола 👉https://t.me/uchzamon

БИР ДАҚИҚАНИНГ БАҲОСИ - 10 КУН КАРАНТИН!

Норвегия 8 авгурстдан 4 давлатни, жумладан Францияни "қизил рўйхат"га қўшади ва у ердан самолётда учиб борган йўловчилар 10 кун карантинда туришлари керак бўлади.

7 август куни Франциянинг Ницца шаҳридан Ослога учган самолётнинг учувчиси йўловчилар карантинга тушмасликлари учун манзилга 8 августдан олдин учиб боришга ҳаракат қилиб тезроқ учади. Унинг ҳаракатларига қарамасдан, тунги соат 23:59 да аэропортнинг ҳудудига кириб улгурган самолётнинг ғилдираклари ерга соат 00:01 да тегади. Оқибатда рейс Ослога 8 августда етиб борган деб ёзилади ва самолётдаги 158 нафар йўловчи карантинга юборилади.

Баъзан бир дақиқа ҳеч нарса эмасдай туюлади. Аммо бир дақиқанинг баҳоси мана бундай қимматга тушсагина, ҳар бир дақиқанинг қадрига етадиган бўламиз.

"Уч замон"га ҳали аъзо бўлмаганлар учун ҳавола 👉https://t.me/uchzamon

"Шоҳ ва Гадо", Юлдуз Усмонова

"Уч замон" каналига аъзо бўлиш учун ҳавола👉 https://t.me/uchzamon

БЕЛАРУСЬ: ҲАРБИЙЛАР ХАЛҚҚА ҚАРШИ ҚЎЙИЛМАЙДИ

Беларусда кеча навбатдаги президент сайловлари бўлиб ўтди. Расмий маълумотларга кўра амалдаги президент Лукашенко 80% овоз билан қайта сайланган ва унинг асосий рақибаси 10% дан ортиқ овоз олган.

Сайлов натижаларидан норозилар ўз норозиликларини билдириш учун кўчаларга чиққанлар. Баъзи хабарларга кўра, ҳукумат тинчликни сақлаш учун у ерга ҳарбийларни юборган.

Бу гапларнинг барчасини менсиз ҳам интернетдан ўқиб олишларингиз мумкин. Бунинг устига кўплаб блогерлар шу ҳақда ёзмоқда. Мен бошқа нарсага эътибор қаратмоқчиман.

Ҳарбийлар функцияси жиҳатдан ҲЕЧ ҚАЧОН ХАЛҚҚА ҚАРАМА-ҚАРШИ ҚЎЙИЛМАЙДИГАН ДАВЛАТ ХИЗМАТЧИЛАРИ ҲИСОБЛАНАДИЛАР.

Аслида ҳеч қайси давлат хизматчилари қарши қўйилмайди, аммо ҳарбийлар ҳатто тартибни сақлаш учун ҳам халқнинг рўпарасига ташланмайди. Чунки ҳарбийларнинг функцияси мудофаа, яъни ташқи кучларга юртни мудофаа қилиш. Тартибни сақлаш эса милиция ва ички ишлар тизимларидаги махсус тайёргарлик кўрган бўлимларнинг вазифаси ҳисобланади.

Ҳарбийларнинг халқнинг рўпарасига қўйилишини халқнинг орасига ташқи душман кириб олганлиги билан изоҳлашса, биринчидан махсус хизматлар ўз вазифаларини бажара олмаган бўладилар. Иккинчидан, душманларнинг халқ орасига кириб бўлганлиги аниқ бўлса, уларни омма орасидан олиб чиқишга ўргатилган хизматлар бор. Агар ташқи душман қуролланиб халқ орасига кирадиган бўлса, яна бир марта бу давлатнинг, махсус хизматларнинг айби. Халқнинг ёки ҳарбийларнинг эмас.

Нима бўлишидан қатъий назар, халқни мудофаа қилиши керак бўлган хизматчилар халқнинг рўпарасига қўйилмаслиги керак. Шундай бўлган ҳолатда, ҳарбийлар ўзларидан тепадагилар берадиган буйруқларни бажармасликка ҳақлари бор, чунки уларнинг ҳақиқий хўжайинлари халқ ҳисобланади, тепадагилар эмас. Тепада кимдир улардан ўз ҳарбий билим ва тажрибаларини халққа қарши ишлатишни сўраса, у Конституцияга ва ватанга ҳиёнат қилаётган бўлади. Унинг буйруғини бажариш унга шерик бўлиш ҳисобланади ва шундай ҳолатда ҳарбийлар ўз раҳбариятига бўй сунмасликка ҳақли бўладилар.

Беларусдаги воқеаларда ким ҳақ, ким ноҳақ билмайман. Аммо агар намойишчиларга қарши ҳарбийлар қўлланилса, унда президент ва Беларус ҳукумати аниқ ноҳақ бўлади.

"Уч замон" каналига аъзо бўлиш учун ҳавола👉 https://t.me/uchzamon

⚡️Assalomu aleykum, Aziz yurtdoshlar! Nihoyat bizning uzoq kutgan Kislorod Konsentratorlarimiz Shanghai-Toshkent reysi bo’yicha O’zbekiston Havo yo’llari orqali yetib keldi!

Umid qilamizki ertaga barcha bojxona rasmiylashtiruvlarini muvaffaqiyatli yakunlab konsentratorlarimizni eson-omon qabul qilib olamiz!

🚑50 dan ortiq Kislorod konsentratorlarimiz kelgan bo’lib ularning barchasi 5 litrlik, xitoyning taniqli va sifatli tibbiy buyumlar ishlab chiqaruvchi MICITECH kompaniyasiga tegishli! Yevropa standartlari asosida ishlab chiqarilgan va ishlab chiqaruvchi tomonidan 2 yillik sifat kafolatiga ham ega!

🇺🇿🌏☀️ KISLOROD KONSENTRATORLARIMIZ YETIB KELGANLIGI MUNOSABATI BILAN BIZ O’ZBEKISTONIMIZGA NAFAS ULASHISH maqsadi doirasida birlashamiz va “NAFAS OL O’ZBEKISTON” AKSIYASINI E’LON QILAMIZ!

🚨Kislorod konsentratorlarimizni bojxona rasmiylashtiruvidan o’tib, chiqarib olganimizdan so’ng o’z tannarxida sotuvga chiqaramiz! Jarayon ertangi kunni o’zida hal bo’lishiga umid bildirib qolamiz!

‼️ESLATIB O’TAMIZ, Kislorod konsentratorlarimizni o’z moddiy imkoniyatimizdan kelib chiqqan holda olib kelganmiz! Hech kimdan oldindan pul yoki to’lov qabul qilish evaziga olib kelinmagan! Barchasi o’z hisobimizdan olib kelingan va o’z tannarxida sotish reja qilingan!

📑Barcha sertifikatlar mavjud!

🧾Sotib olayotgan har bir insonga Xitoydan sotib olganligimiz haqida mahsulotning narxi ko’rsatilgan INVOICE (to’lov qog’ozi), Aviakargo (Yetkazib berish) uchun sarflangan harajatlar, Bojxona rasmiylashtiruvi harajatlari (QQS, Bojxona jarayoni uchun to’lov) va barcha to’lovga oid hujjatlar taqdim etiladi!

🆘 BARCHANGIZNI AKSIYA DOIRASIDA BIRLASHISHINGIZNI VA XABARNI MAKSIMAL REPOST qilishda yordamlashishingizni so’rab qolgan bo’lar edik!

🇺🇿 BIZ BIRGAMIZ, NAFAS OL O’ZBEKISTON!

✅ Rasmiy guruhimiz : @oxygen_uz

📥 Aloqa uchun : @Panda_Trading
☎️ Tel. : +998908086777

БИЗ ҚАНЧА ЯШАЙМИЗ?

Динозаврлар (ва бошқа "-заврлар") Ер сайёрасида 150 миллион йил давомида ҳукмронлик қилганлар. Улар ер юзида, сув ости ва устида, ҳавода ҳукмронлик қилганлар, табиий офатлар ва иқлим ўзгаришларига дош берганлар.

Лекин улар ўзлари истиқомат қиладиган сайёрани вайрон қилмаганлар. Ўзлари эса Ер сайёрасидан ташқаридан келган объект сабабли қирилиб кетганлар.

Одам зоти, Ҳомо сапиенсдан ҳисобласа узоғи билан 300 000 йилдан бери мавжуд, 10 000 йил олдин деҳқончиликни ўрганган бўлса, бор йўғи бир неча минг йилдан бери Ер сайёрасида ҳукмронлик қилади.

Аммо аллақачон бутун инсониятни йўқ қилиб юборадиган бир неча вариантларни яратди.

Шундан келиб чиқиб, ўйлаб қоламан, биз, тўғрироғи Инсон зоти қанча яшар экан? Динозаврларга ўхшаб 150 миллион йил мавжуд бўла олармикан ёки ўз оёғига ўзи болта уриб, йўқ бўлиб кетармикан?

"Уч замон" каналига аъзо бўлиш учун ҳавола👉 https://t.me/uchzamon

СЎРОВНОМА ЭНДИ МАВЖУД ЭМАС ЭМИШ!

Блогерлар, одам подаммас экансизлар. Энди хурсандмисизлар?

Шундай ажойиб сўровнома энди мавжуд эмас эмиш.

Одамлар мазза қилиб, чин дилдан овоз бераётгандилар.

Энг асосийси, барча жавоблар ижобий эди ва "Маҳалла" фонди ва сўровнома ташклотчиларига миннатдорчиликлар билан тўлиб тошган эди.

Блогер дегани ичи қора, ижобий ўзгаришларни кўролмайдиган инсон бўлар экан. Эхх. Мен овоз беришга улгурмай қолдим. 😜😂


"Уч замон" каналига аъзо бўлиш учун ҳавола👉 https://t.me/uchzamon

"Маҳалла" фондининг сўровномасини ким ташкил қилганини билмадим-у, ким бўлсаям "Пиар"нинг "Пир"и экан. 😜

Белорусдаги сайловлар, Бейрутдаги портлаш, аммамнинг бузоғи ва бошқаларни муҳокама қилиб ётган барчани фонд ҳақида гапиришга мажбур қилди. Ҳатто Юлдуз Усмонова ҳам бунчалик тез натижага эриша олмаган бўларди.

"Уч замон"гаям шундай бир пиарчи керак эди. Кўрсангизлар айтиб қўйинглар. Бошидаги ғоялари билан бир ўртоқлашсин. 😜

"Уч замон" каналига аъзо бўлиш учун ҳавола👉 https://t.me/uchzamon

ГОЛЛАНДИЯ "ID КАРТА"СИДА ЖИНСНИ КЎРСАТМАСЛИККА ҚАРОР ҚИЛДИ.

Голландия ҳукумати берган хабарларга кўра, 2024-2025 йиллардан бошлаб, фуқароларга бериладиган"ID карта"ларда жинс кўрсатилмайдиган бўлади.

Бу амалиёт 2013 йилда аллақачон Германияда қўлланиб келинади.

"ID карта"ларда кўрсатилмагани билан Европа иттифоқининг талабларига биноан Голландлар паспортида жинсни кўрсатишда давом этадилар.

"Уч замон" каналига аъзо бўлиш учун ҳавола👉 https://t.me/uchzamon

#КунАнекдоти!

СССРДА ЮМОРИСТЛАР КОНКУРСИ

Бир куни Сталин совет иттифоқида фикр эркинлиги борлиги, демократия ҳукм сураётганлиги ва сатирачиларга кенг йўл очилганлигини кўрсатгиси келиб қолибди.

У бутун иттифоқ бўйлаб юмористлар ўртасида «Сталин ва совет иттифоқининг устидан куламиз» номли нуфузли конкурс эълон қилибди. Конкурсда бутун иттифоқдош республиклардан энг кучли қизиқчилар, юмористлар, сатирачилар иштирок этибдилар.

Конкурс очиқ, шаффоф ва эркин руҳда ўтибди. Биронта юмористга ўзи хоҳлаган анекдотларини айтишига тўсқинлик қилинмабди. Ҳатто Сталинни қаттиқ танқид қилган ва совет иттифоқининг устидан кулиб ташлаган анекдотларни айтганларга ҳам бемалол сўз берилибди.

Конкурс ўз якунига етгач, конкурсда иштирок этган юмористларнинг барчалари истисносиз тақдирланибдилар. Уларнинг орасидан фақат энг охирги ўринни олган юмористгина 30 йил қамоқ мукофоти билан қутулибди. Бошқаларнинг мукофотларини тасаввур қилиб олаверинглар ! 😜😂

"Уч замон" каналига аъзо бўлиш учун ҳавола👉 https://t.me/uchzamon

ЗУЛУК - ҒАРОЙИБ МАВЖУДОТ !

Зулукни кўпчилик тиббиётда фойдали нарса эканлигини билади ёки эшитган. Зулукнинг физиологик ўзига ҳосликларини билгач, ҳайратингиз янада ортиши табиий.

Зулукда 2 та юрак, 32 та мия, 10 та кўз, 300 та тиш бўлади. У бир вақтнинг ўзида эркаклик ва аёллик жинсий органларига эга бўлсада (грмофрадит) уларнинг жойлашишлари сабабли ўз-ўзидан кўпая олмайди. Шу сабабли ўзига ўхшаган иккита жинсий органи бор бошқа зулук билан қўшилиш орқали кўпаяди.

Зулук ҳавосиз ва озиқсиз қолиб кетса ҳам ўртача 60 кун яшай олади ва кислородга тўйинтирилган сувга солинса ҳам узоқ вақт чидай олади. Зулук ўртача 6 йил умр кўради дейилади, лекин узоқроқ умр кўриши ҳам мумкин.

Бундай хусусиятлари билан Ер юзида нега зулуклар эмас одамлар ҳукмрон экан деб ўйлаб қоламан!

"Уч замон" каналига аъзо бўлиш учун ҳавола👉 https://t.me/uchzamon

"Уч замон" каналига аъзо бўлиш учун ҳавола👉 https://t.me/uchzamon

ФРАНЦИЯДА 2050 ЙИЛ КЕЛДИ !

2014 йилда Франция телевиденияси "Об-ҳаво" маълумтоларини таништирадиган бошловчи инсонларнинг эътиборини иқлим ўзгаришлари муаммосига қаратиш учун ярим ҳазил тариқасида "Франциянинг 2050 йилдаги об-ҳаво маълумотлари"ни таништиради.

Унда кўрсатилган ҳароратлар Франция учун тасаввурга сиғмайдиган даражада юқори бўлганлиги учун инсонлар бу чиқишдан мазза қилиб кулганлар. Шу билан бирга, агар дунё давлатлари ҳаракат қилмасалар 2050 йилда ростдан ҳам шундай об-ҳаво кузатилади деган совуқ хабардан огоҳлантирилганлар.

Ачинарлиси шундаки, иқлим ўзгаришларининг оқибатларини кўриш учун 2050 йилни кутиш шарт бўлмай қолди. 2019 йил ва бу йил ёзда Францияда ушбу харитада кўрсатилган ҳароратлар мунтазам кузатилмоқда. Бундан инсоният иқлим ўзгаришлари ва атмосфера исиши муаммосига жиддий қараши кераклиги, акс ҳолда 2050 йилга бориб кулгули бўлмаган оқибатлар кузатилиши мумкинлиги аён бўлади.

"Уч замон" каналига аъзо бўлиш учун ҳавола👉 https://t.me/uchzamon

Белоруссия областининг навбатдаги губернатори :

ВЛАДЕКСАНДР ПУТАШЕНКО !

"Уч замон" каналига аъзо бўлиш учун ҳавола👉 https://t.me/uchzamon

Кетиб қолманг !!! ☝️☝️☝️

Бироздан сўнг, шифокорлар ва ўқитувчиларимизнинг қандай қилиб жамиятнинг паст табақа вакилларига айланиб қолганликлари ҳақидаги таҳлилий мақоламни қўяман.