"Сири дил", Феруза Жуманиёзова

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

SOS! БИР ЯРИМ ЁШЛИ СУЛАЙМОНГА ЁРДАМ БЕРИНГ! (Тарқатинглар)

Азиз Учзамончилар!

Одатда сизларни безовта қилмаслик учун каналга хайрия постларини қўймайман. Аммо бир ярим ёшли болакайнинг оғир аҳволини кўриб бефарқ қараб тура олмадим. Мен ҳам сизлардайман. Ҳали ҳаёт нималигини кўрмаган гўдак азобланиб ётса ёрдамга шошиламан.

Хоразм вилояти Шовот туманида Сулаймон исмли болакай (Жуманазаров Сулаймон) жигар серрози билан туғилган экан. Ҳозирга келиб даволатишга маблағ етишмаслиги сабабли қорни шишиб боряпти экан.

Сулаймонни Ҳиндистонга олиб бориб даволатиш учун 30 000$ пул кетар экан. Саҳий инсонлар имконлари қадар ёрдам беришни бошлашибди. Шунга қарамасдан, Сулаймоннинг ота-оналари бор будларини сотиб ҳеч нарсасиз қолганлар. Энди ўзлари яшаб турган уйни ҳам сотувга қўйишибди.

Умуман, бундай сумма ким бўлсаям бир кишига оғирлик қилади. Аммо кўпчилик озгинадан хайрия қилса ҳам бу пулни бир зумда йиғиб қўйиш мумкин.

Ораларингизда кўнглида қандайдир садақа айтиб қўйганлар, хайрияга пул беришни кўнглига тугиб қўйганлар бўлиши мумкин. Агар шундай бўлса, буни Сулаймонга ёрдам бериш орқали амалга оширинг. Агар бундай ниятингиз бўлмаган бўлса ҳам имконингиз борича (кўп, оз деб ўйламанг) кўрсатилган пластик картага пул юборинглар.

Ва ниҳоят бу постни барча гуруҳ ва каналларга, имконингиз етган ва ҳаққингиз бор бўлган жойларга "Сулаймонга ёрдам беринг" ва шунга ўхшаган инсонларни хайрияга чорловчи сўзлар билан улашинглар! Оддий улашиш сиздан 5 секунд вақт талаб қилади холос, шу вақтни бемор боладан аяманг.

Ўзбекистондан пул юбориш учун:
Uz CARD 8600 0609 6866 7627 ORAZMETOVA MAMURA

Россиядан пул юбориш учун: Сбер банк 4276 4200 2139 7970

Ҳол-аҳвол сўраш ва тўғридан-тўғри ёрдам бериш учун Сулаймоннинг дадасининг номери: +99899 5027973.

Барчага олдиндан раҳмат. Ҳеч кимнинг боласи касал бўлмасин!

​​ТУРКМАНИСТОНДА ЮТҚАЗИБ БЕРМАГАН 14 ЁШЛИ ДЗЮДОЧИНИ УРИБ ЎЛДИРИШГАН

Turkmennews нинг хабар беришича, Туркманистонда ўтказилган дзюдо бўйича мусобақада 14 ёшли Сулаймон Турсунбоев финалгача етиб борган. Финалдан олдин унга МВДнинг курсанти бўлган рақибига ютқазиб беришни айтиб кетишган. Аммо унинг ғурури устунлик қилиб финалда ғолиб бўлган. Шундан кейин мусобақадан чиқишда нотаниш одамлар унинг тренерини уриб, ўзини машинага миндириб олиб кетишган. Кейинроқ уни уриб, чалажон қилиб кўчага ташлаб кетишган. Уни кўриб қолган одамлар "Тез ёрдам" чақиришган, аммо шифокорлар унга ўзининг туғилиб ўсган вилояти Тошҳовуз вилояти, Кўҳна Урганч шаҳрига бориб даволанишини айтишган. Ниҳоят оворагарчиликлардан сўнг ўқувчини Кўҳна Урганчдаги туман шифохонасига олиб келишган ва у бир неча кундан сўнг вафот этган.

Бу ерда икки нарса бор.

Биринчиси, бу собиқ совет республикаларидаги спорт соҳасидаги коррупция, таниш-билишчилик ва ютқазиб бериш анъанаси. Ўзбекистонда ҳам мусобақаларда талантли болаларни чиқармасдан мусобақани сотиб олганлар ўтиб кетганлиги ҳақида эшитганмиз ёки кўрганмиз.

Иккинчидан, йигитнинг ота-оналарининг гапиришларидан улар Туркманистон ўзбекларига ўхшаяпти. Билмаганлар учун Тошҳовуз вилояти ва Кўҳна Урганч шаҳри қадимий Хоразмшоҳлар, жумладан Жалолиддин Мангубердининг она шаҳри ҳисобланиб, у ерда асосан хоразмлик ўзбеклар яшайди. Бу худди Қирғизистондаги Ўш ва Жалолобод, Қозоғистондаги Чимкент, Тожикистондаги Хўжанд каби Туркманистондаги ўзбеклар яшайдиган вилоятдир. Туркманистон уларнинг барчасига туркман миллати деб паспорт бераётгани, мактабларни 100% туркманча қилиб қўйганлиги ҳақида маълумотлар бор, шунга қарамасдан 1000 йиллардан бери яшаб келаётган халқни 30 йилда туркманлаштириб бўлмайди. Шундай бўлгач, уларга нисбатан дискриминация, ажратиш ва камситишлар ҳам мавжуд. Мен Сулаймон ўзбек бўлиб туркман ўқувчини енганлиги учун "жазоланмадимикан" деб ўйлаяпман.

Рус тилидаги хабарнинг изоҳларида одамлар МВД курсантини президент ўғлининг аёли оиласига қариндош бўлган деб ёзишяпти. Агар шундай бўлса, "президентлар оиласи" номли Марказий Осиёча мавзу ҳам ўртага чиққанлиги маълум бўлади.

Нима бўлганда ҳам, орзулари Туркманистон байроғини жаҳон саҳналарида баланд кўтариш бўлган бир ватанпарвар, мард, ғурурли ўғлонни ўлдириб юборишибди. Сулаймоннинг жойи жаннатда бўлсин. Жиноятни қилганлар жазо олишига умид бўлмаса ҳам шундай бўлишига умид қиламиз.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Бугун Ўзбекистоннинг тўртта жойида тўрт хил об-ҳаво бўлмоқда.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Ҳурматли аёллар, намунча, эрларингиздан шунчалик безормисизлар? 😜😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Денгиз махсулотларидан тўйиб тўйиб еб қолиш керак. Витамин бўлади 😋😍

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

2021 ЙИЛДА ЎЗБЕКИСТОНДА :

- Халқ қабулхоналари ўз фаолиятларини қайта бошлаши мумкин ва халқнинг мурожатлари билан шуғулланила бошланади
- Миллион йилдан бери ҳал қилинмаган айрим рамзий муаммолар ҳал бўлади
- Жуда кўп раҳбарлар давлатдаги муаммоларнинг айбдорлари сифатида президент танқидига учраб ишдан бўшайдилар
- Президент кўп нутқлар сўзлайди ва халқнинг қулоғига ва юрагига ёқадиган гапларни айтади
- Президент вилоятларга ташриф буюриб "сюрприз" ташрифларни кўпайтиради, хароба маҳаллаларни, вайрона мактаб ва шифохоналарни кўриб қолиб тузатишга буйруқ беради
- Президент халқ вакилларининг хонадонларига ташриф буюради ва у ердаги эпизод воқеалар сайт ва блогерлар каналларида айлантирилади
- Президент журналистлар билан тўсатдан учрашиб қолиб, улар билан дилдан суҳбатлашади ва уларнинг муҳим эканликларини айтиб мақтайди
...
- Президент президент бўлиб қайта сайланади!

ПС. Ванга ўлганда унинг хусусиятлари кимгадир ўтиб қолган дейишади. Шу мен эмасмиканман деб ўйлаб қоламан баъзан! 😜😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Буни кўриб бўлгунча мен ариққа тушиб кетай дедим 😳😂👍

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

⚡️ Mendirman Jaloliddin 2-Qism (Mobile)
🔥 Serial premyerasi: 2021 yil

Каналимизга аъзо булиш учун ссылка 👉 https://t.me/xorazm_va_xorazmliklar

​​МОМО ҚАЛДИРОҚМИ БОБО ҚАЛДИРОҚ?

Бир нарса эътиборимни тортди. Дунёнинг турли цивилизацияларида "момоқалдироқ худолари" бор. Скандинавларда Тор, грекларда Зевс, ҳиндларда Индра, мисрликларда Сет, кельтларда Таранис, болтиқ бўйи халқларида Перкунас, славянларда Перун ва ҳоказо.

Буларнинг турли хусусиятларидан ташқари бир умумийлиги бор. Уларнинг барчаси эркаклар.

Ўзбек тилида биз "Момоқалдироқ" деймиз. Яъни, "момо" + "қалдироқ". Бошида момо сўзи адашиб тушиб қолгандир деб ўйладим. Кейин қарасам, бу сўз хоразмчада "Гулдурмомо" дейилади. Яъни "Гулдур"+"момо". Балки вилоятларимизда бу сўзнинг бошқа эквивалентлари мавжуддир. Ҳозирги Қорақалпоғистон ҳудудида "Гулдурсун қалъа" номли қадимий қалъа бор. У эрамиздан олдинги 11 ва эрамизнинг 11 асрларига бориб тақалади. 13 асрларда Хоразмшоҳлар уни қайта тиклаган ва уни мўғуллар қайта вайрон қилган. Унга қадимги хоразм-қорақалпоқ эпосларидаги Гулдурсуннинг номи берилган. Гулдурсун маҳаллий Хоразм ҳокимининг қизи бўлиб, қалъа узоқ муддат мўғулларга қарши курашади. Мўғуллар енгишига умидлари қолмай кетишга шайланганда ҳокимнинг қизи, малика Гулдурсун уларга чопар юбориб, қалъада деярли озиқ-овқат қолмаганини айтади. Шундан кейин мўғуллар кетмасдан қалъани қамал қилишда давом этадилар. Ғолиб бўлган мўғуллар "Отасига, халқига ҳиёнат қилган бизга ҳам содиқ бўлмайди" деб Гулдурсунни ўлдирадилар.

Бу қадимий эпосдаги Гулдурсуннинг "Гулдурмомо"га қанчалик даҳли борлигини билмайман, аммо иккаласида ҳам "Гулдур" сўзи аёлларга нисбатан ишлатилган.

Жанубий вилоятларимизда ёмғир чақириш учун "Суст хотин", шамол тўхтатиш учун "Чой момо" қўшиқлари айтилиши ҳисобга олинса, халқларимизда табиат ҳодисаларини, катта эхтимол билан уларнинг худолари (маъбудалари) ни аёллар- она, момо, қиёфаларида тасаввур қилиш ҳолатлари кўп бўлганлиги кузатилади.

Бу ҳолат ҳозирги Ўзбекистон ҳудудларининг ўзига ҳослигими, балки қидимий туркий ва/ёки ундан ҳам қадимий одатларми, билмайман. Булар келажакдаги изланишлар, тадқиқотлар, қизиқишлар учун мавзу. Балки олимларимиз, билимдонларимиз бу мавзуларни аллақачон ўргангандирлар. Шундай бўлса, жуда яхши. Топсак ўқиймиз, ўрганамиз. Агар ҳали ўрганилмаган бўлса, бу мавзулар бизга кўп янгиликларни очиб беришига ишонаман.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Ютубдаги "Улар" канали бир соатдан узоқ вақт интервью қиладиган ва мен барча ишларимни қўйиб охиригача кўрадиган каналлардан бири ҳисобланади. Чунки интервьюларнинг сифати, формати, муаллифнинг саволлар танловидан ташқари таклиф қилинган меҳмонларнинг чуқур ва теран мулоҳазалари лойиҳанинг савиясини баланд ушлаб туради.

Интервьюларни томоша қилиб баъзан ўзимга кўп нарсалар олсам, баъзан ўз билганларимни қайта эслаб, мустаҳкамлаб оламан.

"Улар"нинг бу сафарги меҳмони мен ҳурмат қиладиган, ҳали блогер бўлмаган пайтларидан бери ўқиб, кузатиб, баъзан талашиб тортишиб келадиган Шаҳноза опа Соатова бўлибдилар. Ишонч билан айтишим мумкин, интервью ҳар доимгидай юқори савияда ўтибди. Танланган мавзулар долзарб, берилган жавоблар ва билдирилган мулоҳазалар ҳам теран. Кўриш учун кетказган вақтимга розиман. Сизларга ҳам интервьюни кўришни тавсия қиламан.

Интервьюнинг ҳаволаси:

https://youtu.be/lPmuMTe9_Zc

​​ЎЗБЕКИСТОНДАГИ БАРЧА ШИФОКОРЛАР БИР КУН ИШЛАМАСА

Тасаввур қилинг қўрқинчли туш – 1 кун бутун Ўзбекистондаги 80 мингдан ортиқ врачлар ишламади! Бу қанақа оқибатларга олиб келишини ҳеч ўйлаб кўрганмисиз?

Агар Ўзбекистондаги барча врачлар 1 кун ишламаса:

- 27500 тез тиббий ёрдамга чақирув амалга оширилмай қолади
- Бу чақирувларни 70% оғир беморларага чақирув эканлигини хисобга олсак, 19250 та оғир бемор тиббий ёрдамсиз қолади.
- Агар шу беморларнинг 50 % ўлим ҳавф солган касалликлар билан бўлса, 9625 киши шу куни тиббий ёрдам олмаганлиги сабабли оламдан кўз юмади. 9625 та оилада мотам, аза, жаноза ўқилади.
- 9625 та оламдан ўтганларнинг 10% (энг кам миқдор) болаларга тўғри келишини ҳисобга олсак 962 та бола ШУ КУНИ вафот этиши мумкин. Уруш ўчоғи бўлган Сурияда БИР ОЙДА 90 та бола вафот этади!!!
- Бир кунда бутун республикамиз бўйича мингдан ортиқ шошилинч операция ўтказилмай қолади. Бу эса яна 1000 га яқин кишини ҳаётдан кўз юмишига ёки ногирон бўлиб қолишига сабаб бўлиши мумкин
- Бир кунда республикамизда 2100 дан ортиқ чақалоқ дунёга келади. Агар туғруққа малакали акушерлар ёрдам кўрсатмаса 60% дан кўпроқ чақалоқ нобуд бўлиши мумкин. Бу 1260 та чақалоқ нобуд бўлади дегани.
- 2100 чақалоқни дунёга келтираётган оналар малакали ёрдам олмаса уларнинг 40% туғруқ вақтида вафот этади. Бу 840 она вафот этади дегани!
- Шифохонада ётиб даволанаётган 170 000 дан ортиқ бемор назоратсиз қолади. Улардан 5% оғир бемор деб ҳисобласак, 8500 бемор шу куни турли асоратлардан вафот этиши мумкин.
- Юқоридаги ҳолатлардан ташқари қанчадан – қанча оғир ҳолатдаги бемор болалар, ҳомиладор оналар, бемор қариялар, ногирон беморлар шу куни малакали тиббий ёрдамсиз қолиши ўта аянчли, мудҳиш ҳолатларга олиб келиши мумкин!

Қадрли юртдошим! Биз шифокорларимиз бир кун ишламаса нима ҳолат бўлишини тасаввур қилиб жуда қўрқиб кетдик. Бундай ҳолат ҳаётда бўлмайди дейишингиз мумкин – бўлмасин ҳам!!! Лекин Сиз азизлар бир тасаввур ва тафаккур қилиб кўринг деган мақсадда ушбу ҳисобларни келтирдик.

"Врачи Узбекистана" гуруҳидан олинди.

ПС. Энди шифокорлар бир йил давомида ишламаса нима бўлишини тасаввур қилинг. Ушбу рақамларни 365 га кўпайтирсангиз буни билиб оласиз.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

"Кукушка", Полина Гагарина

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Наманган, Хоразм, Самарқанддан кейин энди Фарғонада маҳлуқ чиқибди 😜😂

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Хоразмча Ижжон

Хоразмликлар хом гўштни деликатес таом қилиш санъатини ўзлаштирган дунёдаги кам сонли халқлардан бири бўладилар.

ПС. Dilshod Odilov аканинг сурати.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Одамлар гений.

Алкоголсиз алкоголларни чиқариб сотишяпти. Одамлар эса шуни олишяпти 😂😂😂

Бу худди кофесиз кофе, қуруқ чойсиз чой, унсиз нон, гуруч, гўшт ва сабзисиз паловдай гап. Яшаворингларей.

Менам нимасиз нима ишлаб чиқариб сотиш ҳақида ўйлашни бошладим 😜😂

ПС. Сурат ФБдан олинди.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

КОРОНАВИРУСНИНГ ҚАЕРДАН КЕЛИБ ЧИҚҚАНИ АНИҚЛАНДИ

Коронавирус илк бор чиққанида айрим инсонлар "Оллоҳ вирусни хитойликларни жазолаш учун юборди" деб айтган эдилар ва пировардида ёлғончи бўлиб чиқиб уялиб қолган эдилар.

Шундан бери инсоният олдида вируснинг қаердан келиб чиққанлиги ҳақидаги савол очиқ турган эди.

Мана ниҳоят саволнинг жавоби топилди. Аслида вирусни Қирғизистонда чиққан янги худо хитойликларга қарши юборган экан. "Худо"нинг қаҳрига сабаб Хитой давлати Қирғизистоннинг 4 миллиард доллар қарзини кечмаганлиги экан.

"Эх, Хитой. Худо бир нарса дегандан кейин қилавермайсанми? Ёки Худога қаршимисан? Энди сен кечмаган 4 миллиард долларни деб бутун дунё 4 триллион доллар йўқотмоқда" дегимиз келади.

😜😂🤘


"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Дониёр Рўзметов: «Ўзгаришлардаги жумлалар ўта мужмал, тушунарсиз ва ўта кенг талқинларни келтириб чиқаради»

Кун.уз интернет нашри "«Миллий тикланиш» ва «Адолат» партияси депутатлари таклиф қилаётган янги қонун лойиҳаси журналист ва блогерларда хавотир уйғотмоқда" номли мақола чоп этди. Унда камина ҳам Франция тажрибаларига асосланиб ўзгаришларга оид фикрларимни билдирдим.

Мақола билан тўлиқ танишиш учун ҳавола: https://kun.uz/news/2021/02/24/milliy-tiklanish-va-adolat-partiyasi-deputatlari-taklif-qilayotgan-yangi-qonun-loyihasi-jurnalist-va-blogerlarda-xavotir-uygotmoqda

"Уч замон" каналига ҳали обуна бўлмаганлар учун ҳавола: 👉 https://t.me/uchzamon