Бечоранинг жуда кўнгли бўш. Йўқ дея олмайди сира. 😜🤣

"Уч замон" каналига аъзо бўлиш учун ҳавола👉 https://t.me/uchzamon

"Уч замон" каналига аъзо бўлиш учун ҳавола👉 https://t.me/uchzamon

Маълумот учун: "Оллоҳу акбар" деб телевизорни чопаётган, кўчага чиққани учун аёлларни ураётган, кутубхонани ёқиб юборган толиблар бу ишни "Оллоҳ" номидан қилмоқдалар ☝

ФБ ва бошқа ижтимоий тармоқлардаги минглаган, балки юз минглаган зомби юртдошларимиз шу қилмишларни орзу қилганларида, дин номидан ўзгаларни ҳақоратлаганларида, илмлилардан нафратланганларида мана шу аҳлат ботқоғида турган бўладилар.

Адашган юртдошлар, ҳожатхона тубидаги аҳлатдан тепароққа чиқинглар, танангиз ва миянгизни тозаланглар ва инсоний-маданий ҳаёт тарзига ўтинглар!

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

ЖИМ ТУРСАК ТОЛИБОН БИЗНИ АЯЙДИМИ?

Янглишмасам рус мафиялари ҳақидаги бир ҳужжатли фильмда кўрган эдим (ёки Голливуднинг қотилликларга бой бир фильмида. Айнан қаерда кўрганим муҳим эмас).

Унда мафия аъзолари ўз "ўлжалари"ни ҳеч кимса йўқ ўрмонга олиб борадилар ва уларни ўзларига қабр қазишга буюрадилар. Шунда мафия бошлиғи ҳаёлида бир фаосафий фикрни билдиради:

- Одамларни ўлдиришга олиб борганмиз. Уларга ўзларига қабр қазлиряпмиз. Барибир ўлиб кетадиган одам, "Бор, керак бўлса ўзинг қаз" деса бўлади. Лекин улар қабрни қазадилар ва биз уларни барибир ўлдириб ўша қабрга кўмамиз. Ўзларига қабр қазаётган одамлар нималарни ўйлар экан-а? "Агар индамай унга итоат қилсам, айтганини сўзсиз бажарсам балки раҳми келиб мени ўлдирмас" деб ўйлармиканлар ? Одам қандай қилиб ўзига ўзи қабр қазишга кўниши мумкин?...

Бошқа мисол. Жўжа ёки қуёнлар турган жойга илон кириб қолса, жўжалар ва қуёнлар қочиб кетишга бемалол вақт бўлса ҳам қўрқувдан қимирламай тураверадилар. Илон эса эринмай уларни битта битта еб тугатади.

Ва охирги мисол. Собиқ совет армиясида дембеллар, духлар ва ҳокозолар бўлган. Ўша пайтдагидай бшлмаса ҳам ҳозир ҳам армиямизда бор бўлиши керак.

25-30 дух, яъни янги келган аскарларнинг олдига икки нафар дембел (яъни улардан олдин келган аскарлар) кириб, уларни қатор қўйиб савалаши, машқлар қилдириши, калака қилиши мумкин. Юридик жиҳатдан дембеллар духлар билан бир хил мақомга эга. Хоҳласа, духларнинг ҳар бири ёки бир нечаси биргалашса дембелларни бемалол додини беради. Лекин аксарият ҳолларда улар жим туриб калтак ейдилар. Уларнинг ораларида кўпчилиги "агар дембелнинг айтганини қилсам, балки менга тегмас, ёки камроқ урар" деган умид бўлади. Дембелда эса духларнинг биронтасига нисбатан на меҳр, на раҳм, на ҳайрихоҳлик бўлмайди...

Ташқи ишлар вазиримиз Абдулазиз Комиловнинг "Шахсий фикримча, Толибон террористик ташкилот эмас" деганида ўзига қабр қазаётган ўлжа, илон ейишини кутаётган жўжа ва "жим турсам балки урмас" деб умид қилаётган дух эсимга келяпти.

Ижтимоий тармоқлардаги оғзи шалоқ, ниятлари қора, миялари ачиган зомби юртдошларимизни тасаввур қилиб кўринг. Уларга гап уқтиришга, фаросати кириб, тўғри фикрлашига умид қилиб кўрганмисиз? Энди шу зомбилар барча ҳудудларни битта битта олиб, олган сайин янада кучайиб, сизга яқин келяпти. Шундай пайтда, гапга тушунмаган зомбилар сизни аяшига умид қилиб жим туриб турасизми ёки бирон чоралар кўрасизми?

Шахсий фикрларим шулардан иборат. Мен янглишаётган бўлишимни жуда хоҳлардим.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Марҳум турколог олим, Андрей Кубатиннинг рафиқаси, мен ҳурмат қиладиган олима аёллардан бири, Феруза Жуманиёзова билан суҳбат ташкил қилинибди.

Кўришни тавсия қиламан.

Ҳавола: https://youtu.be/6pfCJhLOIeA

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

​​ТЕРРОР ВА СЕКС

Куни кеча ОАВларда Толибон босиб олинган ҳудудларда ҳар бир оила ҳаракат аъзосига қизини эрга бериши кераклигини айтганлиги ҳақида хабар чиқди. Ажабланмадим. Нега?

"Беозор", "фақат раҳмдил Оллоҳ учун" ҳаракат қилаётган, динни ҳеч кимга "мажбурлаб ўтказмайдиган" Толибон одамларни мажбурлаб қизларини олаётганлигидан ташқари мазкур қизлар имкон қадар ёш бўлишлари, ҳатто балоғат ёшига етмаган қизалоқлар бўлишларини эслатишим шарт эмас деб ўйлайман.

Хўш, бу бир гала мияси ачиганларнинг босиб олинган ҳудудлардаги ўзбошимчаликларими?

Менимча, йўқ. Толибон ва умуман террор тарғиботида "секс" катта ўрин эгаллайди. Тарихдан узоққа бормаслик учун ўзларини "Ислом давлати" деб номлаган зомбилар сектаси ҳам одамларни ўлдиришдан ташқари йўлга қўйган асосий ишларидан бири "секс қуллик"ни йўлга қўйиш бўлган эди.

Уларнинг бундай қилишларига камида учта сиёсий-стратегик сабаб бор:

- Биринчидан, "ҳаракат" (Ислом давлати ёки бошқа барча ташкилотлар) асосан ўрта ёшлардаги, миясининг ўрнида жинсий органи жойлашган йигитлардан ташкил топган ва уларни жанг қилдиришнинг энг самарали йўлларидан бири (ҳатто пул ва мансабдан ҳам самаралироқ) бу уларга "секс" совға қилиш. Шу сабабдан, улар бирон ҳудудни босиб олганларида уларга ўша жойдаги энг ёш ва гўзал қизлар "ҳадя" қилинади ва бу уларни навбатдаги жангларга илҳомлантиради.

- Иккинчидан, бундай (ва бошқа барча) ваҳшийликлар навбатдаги босиб олинадиган ҳудудларнинг юрагига қўрқув солади ва толиблар бормасидан олдин улар руҳан жангни ютқазиб бўлган бўладилар.

- Учинчидан, "секс фоҳишалик", босиб олинган ҳудудларда имкон қадар кўпроқ қизларни туғдириш бу "Ҳаракат"нинг демографиясини ўстиришга, уларнинг сонини оширишга ва келажак учун "жангарилар" етиштириб беришга хизмат қилади. Шунда улар, жангчиларни бутун дунё бўйлаб катта пулга ёлламайдилар, балки ўзларининг ҳудудларида туғилган ўғил болаларни эрта ёшданоқ жанга тайёрлайдилар. "Ислом давлати" ҳудудларида 6-7 ёшли болалардан қуролли отрядлар тузишгани ва деярли шу ёшдаги қизларни эрга беришганини эслаш кифоя. Эри жангларда ўлган аёл-қизларни навбатдаги эркакка бериш ҳам шу мақсадга хизмат қилади. Шу сабабдан, аёллар доим ҳар эридан бир икки бола орттириб, охирида 5-6 бола билан ёлғиз қоладилар.

Хулоса ўрнида, сиёсатда "секс"дан фойдаланиш қадим замонлардан келаётган усул. Аммо диний фанатиклар ундан янада ноинсоний ва ваҳшийроқ усулларда фойдаланмоқдалар.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

ЭЙ ХУДО, ЎРНИМГА МАШИНАНИ ҲАЙДА

АҚШда бир аёл худодан унинг ўрнига машинани бошқаришини сўраб, машина соатига 190 км тезликка чиққанида рулни қўйиб юборибди. Машина орқасида унинг 12 ёшли қизи ҳам бор экан.

Нима деб ўйлайсиз, худо унинг ўрнига машинани ҳайдаб кетганми?

Албатта, йўқ. У светофордан қизилда ўтаётганида бир машинага урилиб, охири бир уйга бориб урилиб тўхтабди. Қизи ва ўзи тирик қолган аёлдан нима сабабдан бундай қилишганини сўраганида у худо ёрдамга келиш ёки келмаслигини билмоқчи бўлганлигини айтган.

Қиссадан ҳисса, унинг худоси ёрдам бермас экан ёки ҳақиқий эмас экан. Балки ҳақиқий бўлган худодан сўраганида у машинани ҳайдаб кетган бўлармиди деб ўйлаяпман. 😜🤣

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

​​ВАКЦИНА ОЛМАГАНЛАРНИНГ ЭРКИНЛИКЛАРИНИ ЧЕКЛАШ КЕРАКМИ?

"Миллий тикланиш" партияси раиси Алишер Қодировнинг вакцина олмаган давлат хизматчиларининг эркинликларини чеклаш ҳақидаги таклифи баҳсларга сабаб бўлди.

Хулосаларимизга таъсир қилмаслиги учун бу фикрни ким айтганлиги ва нима учун айтганлигини унутиб турамиз-да, вакцина олмаганларнинг эркинликларини чеклаш керакми ёки йўқми деган саволга жавоб излаб кўрамиз. Мен саволга "Ўзбекистонда" деган сўзни қўшган бўлар эдим, чунки вазият ва шароитлардан келиб чиқиб турли давлатларда бу савол турлича берилиши мумкин.

Масалан Францияда ҳозирда айни ҳолат юз бермоқда, яъни давлат вакцина олмаганларнинг айрим эркинликларини чеклашга ҳаракат қилмоқда. Демак, кимсан демократия ва эркинликлар мамлакати бўлмиш Франция шундай қилаётган бўлса, Ўзбекистон ҳам шундай қилаверса бўладими?

ФРАНЦИЯ, ВАКЦИНА ВА ЭРКИНЛИКЛАР

Элга келган тўй. Дунёдаги барча давлатлар қатори Франция ҳам коронавирус муаммосига эл қатори дуч келмоқда ва унинг хусусиятларини кашф қилиш баробарида хатоларга йўл қўйиб, вазиятларга мослашишга ҳаракат қилиб келмоқда. Бу борада дунёдаги биронта давлат иккинчисига "сабоқ берадиган" аҳволда эмас.

Коронавирус хавфидан холос бўлиш учун жаҳон олимлари кенг изланишлар олиб борганликлари ва имкон қадар қисқа муддатларда бир нечта вакциналарни яратганликларини биламиз. Вакцина яратиш ҳам давлатлар ўртасида сиёсий-мафкуравий рақобатга айлангани, у яралгач унинг катта бизнесга айлангани алоҳида бир катта мавзу.

Асосийси, барча замон ва маконларда бўлгани каби илм-фан кашфиётлари, хусусан янгиликлар қаттиқ қаршиликларга учраб келган ва инсонларни қўрқитиб келган. Бу нарса, ибтидоий жамоа тузумида олов яратилганида ҳам, илк автомобиль ёки самолёт яратиганида ҳам, илк бор одам операция қилингани ёки вакциналар қўлланганида ҳам юз берган. Бу ҳолат илм- фаннинг турли соҳаларида юз бермоқда, келажакда ҳам юз беради ва бу нормал ҳолат. Барчада илмий кашфиётнинг моҳиятини тушуниш ва унга ишонч билдириш учун билим етарли эмас. Кашфиётлар кўплаб муваффақиятсиз урунишлардан сўнггина мукаммалликка яқинлашишини билгач, уни синаб кўриш борасида хавотирлар янада ортади.

Коронавирусга қарши вакцина билан ҳам худди шундай ҳолат юз бермоқда. Олимлар, шифокорлар, мутасадди раҳбар ва масъуллар вакцина ковидни енгиш учун ҳозирги кунда ягона восита эканликларини айтишларига қарамасдан унга ишонмайдиганлар, ёки унинг қайсидир давлат томонидан ишлаб чиқарилганига ишонмайдиганлар ёки ундан бутунлай қўрқадиганлар мавжуд. Франция ва французлар бундан мустасно эмас. Диний ёки мафкуравий сабабларга кўра, конспирологик маълумотлар таъсири остида ва ҳоказо сабабларга кўра вакцина олишни хоҳламайдиган французлар етарлича. АҚШ ва Ғарбдан ҳадиксирайдиган ва кўпроқ Россия ва Хитойга ишонадиган французларга рус ва хитой вакциналари олишга имкон берилмагани ушбу инсонларда ўз хавотирларига ишончни янада орттирган.

Натижада вакцина олмаган ва олишни хоҳламайдиган французларнинг сони миллионларни ташкил қилган. Эпидемия ёки пандемия шароитида агар барча биргаликда ҳаракат қилмаса, ҳатто кўпчилик ҳаракат қилиб, камчилик буни қилмаса ҳам барча чоралар бекор кетиши мумкин. Дори ва вакциналар ҳеч қачон 100% ҳимоя қила олмайди. Шундай бўлгач, 7-8 киши вакцина олиб, икки киши вакцина олмаса, вакцина олмаган икки киши пандемияни бемалол қайта тарқатиши мумкин бўлади.

Шундан келиб чиқиб, дунё давлатлари, хусусан Францияда вакцина ва эркинликлар борасида баҳслар юзага келган. Одамларнинг вакцина олмаслик хоҳиш ва эркинликларини ҳурмат қилиш керакми ёки барчанинг манфаатларини кўзлаб вакцинани мажбурий қилиш керакми?

Давоми

Ҳозиргача Франция давлати вакцинани мажбурий қилишга журъат топгани йўқ, аммо мажбурий қилмасдан мажбурий қилишнинг йўлларини изламоқда. Бу айнан айрим эркинликларни чеклаш орқали амалга оширилмоқда. Масалан, вакцина олиш мажбурий эмас, аммо ресторанга, кинога, стадионга ва 50 кишидан ортиқ киши йиғиладиган барча жойларга кириш учун вакцинанинг иккала дозасини олган бўлиш ёки коронавирус юқтирмаганлиги ҳақида тест натижаси кўрсатиш мажбурий қилинди. Бундан ташқари, ишхоналарга одамлар билан муомалада бўладиган ишчилари вакцина олган бўлиши мажбурий қилинди, акс ҳолда уларга жарима солинади. Бу дегани ишчи ва ходимлар вакцина оладилар ёки ишхона уларни ишдан бўшатади дегани бўлади. Хулоса қилинса, Алишер Қодиров айтган ҳолат Францияда (ва балки бошқа давлатларда ҳам) юз бермоқда.


ЎЗБЕКИСТОНГА ҚАЙТАМИЗ

Кириш сўзида айтганимдай, Франция ёки бошқа давлатлар вакцина олмаганларнинг эркинликларини чеклашга ҳаракат қилаётгани учун бу ишни Ўзбекистонда ҳам қилиш керакми?

Францияда ҳозирга келиб, қарийб 40 миллион нафар инсон вакцинанинг иккала дозасини олиб бўлган. Президент Макрон 9 миллион доза тайёр, яна ҳар ҳафта миллионлаб доза олиб келамиз деб айтди. Кунига 100 минглаб, ҳатто миллионлаб вакциналар қилинмоқда. Яъни Францияда дозалар бор, давлат ўз ишини қилиб қўйган, вакцина оламан деганлар учун барча шароитлар, жумладан ўзи хоҳлаган вакцинани олиш (рус ва хитой вакциналаридан ташқари) имкониятлари яратилган. Шу сабабдан, ўз ихтиёрлари билан вакцина олмоқчи бўлганлар вакцина олиб, ўз ихтиёрлари билан уни олмайдиганлар қолган ва давлат уларни мажбурлаш йўлларини қилишга ҳаракат қилмоқда.

Ўзбекистонда эса 13 июль маълумотларига кўра бор йўғи 900 мингдан ортиқ вакцина (иккала дозаси) қилинган ва ОАВ маълумотларига ишонилса, дозалар миллионлаб эмас 50 000, 100000 доналаб олиб келинмоқда. Бу дегани, Ўзбекистонда ҳали мажбурлаш, эркинликларни чеклаш эмас балки шароитларни яратиш, дозаларни турли хилларидан олиб келиб одамларнинг ихтиёрига тақдим этиш босқичида бўлсак керак деб ўйлаяпман. Тўғри, Ўзбекистондаги бефарқлар, мутаассиблар, конспирология муҳлислари сони кўп бўлиши мумкин, аммо Францияга ўхшаб уларни мажбурлашгача етиб бориш учун дастлаб ўзи хоҳлаб вакцина олмоқчи бўлганларга шароитлар яратиш керак деб ўйлайман. Масалан, Ўзбекистонда рус вакцинасига ишонмайдигандар кўп, улар учун Ғарб вакциналарини кўпроқ олиб келиш мақсадга мувофиқ бўлади деб ўйлайман.

Шароитлар яратиб қўйилиб, ундан кейин одамлар масъулиятни ҳис қилмасалар ўшанда Алишер Қодировнинг таклифини амалга оширишга тўғри келиши мумкин.

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

​​ЭНГ ТЕЗ, ЭНГ АРЗОН: ВАНУАТУ ПАСПОРТИ

Океаниядаги Вануату давлати ҳақида кўпчилик эшитмаган бўлиши мумкин.
Ушбу давлат гўзал табиати, манзаралари, сўлим ҳавосидан ташқари ўз паспортини арзон нархда бериши билан ҳам машҳур. Дунёнинг кўплаб давлатларида 500 000 ёки бир неча миллион доллар пул сарфлагач ёки мулк сотиб олгач фуқаролик берилиши ўрганилиб чиқилади. Шунда ҳам ўша давлатда бир неча йиллар мобайнида яшашингизга тўғри келади.

Вануату эса бор йўғи 130 000 доллар пул киритишингизни сўрайди. Паспортни олиш учун у ерга бориш ва у ерда яшаш шарт эмас. Ўз уйингизда ўтириб, компьютерингиздан бланка тўлдириб, ҳужжатларни юборасиз, пулларни тўлайсиз ва 1,5-2 ойда фуқаролик оласиз.

Бу паспортнинг жозибадорлиги шундаки, у дунёдаги энг қудратли паспортлардан бири ҳисобланади ва дунёнинг 130 мамлакати, хусусан Европа Иттифоқининг барча давлатлари, Англия, Россия, Гонгконг, Сингапур каби давлатларга визасиз бориш имконини беради.

ПС. "Суриш керак"чи бойларимиз, мазкур постни ўқиб, Вануату фуқароси бўлиб кетсангиз бизга фоиз тўлашни унутманг 😜💵

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

Ассалому алайкум, Учзамончилар! 😍

"Уч замон" каналига ҳали обуна бўлмаганлар учун ҳавола: 👉 https://t.me/uchzamon

#КунАнекдоти!

АФАНДИНИНГ 5 ХОТИНИ

Афандининг 5 хотини бор экан. У кечаси бир хотинининг олдига борибди. Хотинига бир узук берибди-да, дебди:

- Хотинжон, мен сени жуда яхши кўраман, шунинг учун сенга мана бу узукни совға қиламан.

Хотини жуда хурсанд бўлибди.

Эртаси куни, хотин кўчага чиқиб, афандининг бошқа хотинларига мақтанибди:

- Қаранглар, афанди акам мени жуда яхши кўради. Шунинг учун менга мана бу узукни совға қилди.

Шунда афандининг яна бир хотини жавоб берибди:

- Афанди акам мени ҳам яхши кўради. Шунинг учун менга мана бу узукни совға қилди.

Сўнгра, афандининг учинчи, тўртинчи ва ниҳоят бешинчи хотини аралишибди. Қарашса, афанди хотинларининг барчасига бир хил узук совға қилиб, барчачига бир хил гапни айтиб кетган экан.

ПС. Бу анекдотни "Давлатимиз менга медаль берди" деб хурсанд бўлиб, эртаси куни медаль 35 миллион кишига берилганлигини билиб олган юртдошларимизга даҳли йўқ.😜

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Хотираси ўчмаган инсон барҳаётдир.

Инсониятнинг энг буюк олимлардан бири, бобокалонимиз Абу Райҳон Берунийнинг таваллуд куни муборак бўлсин!
🙏

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Чунки келажакни башорат қилишдан кўра аллақачон бўлиб ўтган воқеаларни таҳлил қилиш осонроқ 😊🤝.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

АФҒОНИСТОН: ДУНЁДАГИ ЭНГ КАТТА ҚИМОРХОНА ТАҲЛИЛИ!

АФҒОНИСТОН
Дунёдаги энг улкан ва энг хавфли қиморхона. Жангарилар, қуроллар, наркотик моддалар, каллакесарлар бир жойга тўпланган қиморхона унинг ичидаги халқи учун хавфли, қиморхона қўшнилари учун хавотирли жой.

Қиморхонада катта пул айлангани, катта пуллар тикилгани ва дунё тақдирига даҳлдор катта воқеалар ташкил қилингани учун у ерда барча ўйинчилар "ўз одами"ни қўйишни хоҳлайди.

АҚШ
Сўнгги 20 йилда Афғонистонда қимор ўйнаб 2 триллион доллардан ортиқ пул ютқазган энг катта қиморбоз. Ироқ ва Суриядаги қиморхоналардаги билан қўшиб ҳисобласа 6 триллиондан ортиқ ютқазган.

Ҳозирга келиб, яна ўйнагиси бор, лекин уйидагиларга шунча пул ютқазганини ва яна ўйнамоқчилигини "тўғри тушунтириш"га баҳонаси қолмаган. Байден "2 триллионни мен эмас, мендан олдингилар ютқазган" деган баҳона билан қиморхонадан чиқиб кетди, лекин АҚШ даражасидаги катта қиморбоз энг катта қиморхонани тарк этса ҳам четроқда туриб "ўйинлар"ни кузатиб туришга мажбур.

РОССИЯ
АҚШдан олдин Афғонистонда 10 йил қимор ўйнаб, АҚШ каби кўп пул ютқазиб, хонавайрон бўлиб, охири ўлиб кетган СССР деган катта қиморбознинг қиморбоз ўғли. Бир пайтлар, СССРнинг мағлубиятига АҚШ қандай "ҳисса қўшган" бўлса, сўнгги йилларда "Толибон"ни қўллаш ва қуроллантириш орқали АҚШнинг мағлубиятига у ҳам ҳисса қўшди.

Унинг мақсади катта қиморхонанинг янги эгалари билан салом-аликни йўлга қўйиб, уларнинг баҳонасида 3 муаммони ҳал қилиш:
1. АҚШ қиморбозни ўйиндан чиқариб юбориш ва имкон қадар ўйинга яқинлаштирмаслик
2. Қиморхонанинг қўшнилари устидан назоратни қайта қўлга олиш. Агар қиморхонанинг янги хўжайинлари қанча вахший, каллакесар ва хавфли бўлса, бу Россияга мақсадига етишда қўл келади. Чунки Россия уларни ҳимоя қилиш баҳонасида улар устидан ҳукмронлик қилиши мумкин
3.Қиморхонадаги каллакесарлар, наркотик ва бошқа муаммолар ўзининг уйига бормаслигини кафолатлаш. Аммо менимча каллакесарлар ва наркотиклар Европага ўтиб кетмоқчи бўлса, "коридор" яратиб беришдан тап тортмаса керак.

ПОКИСТОН
Қиморхонани бошқаришга интиладиган катта ўйинчиларни уй-жой билан таъминлаб, уларга шароитлар яратиб берадиган "ён қўшни". Бир замонлар у СССРга қарши АҚШ ва унинг малайларини"боққан" бўлса, сўнгги 20 йилда АҚШ ва унинг душманларини биргаликда боқиб келмоқда.

Бу билан у камида 3 томондан ютади:
1. Катта ўйинчининг марҳамати, ҳимоясини ва албатта пулини олади
2.Қиморхонада бўлаётган гаплардан ҳаммадан олдин хабардор бўлади ва ҳатто у ерда ўз одамларини қўйиб "ўйинлар" тақдирига тўғридан-тўғри таъсирқилади
3.Тарихий душмани ва қўшниси, Ҳиндистон билан муносабатларида АҚШ ҳимояси ва қиморхона каллакесарлари хизматидан фойдаланади.

ХИТОЙ
Катта ўйинларни ўйнашни яқинларда бошлаган янги бой, қиморхона билан бир девор қўшни.
Шу пайтгача унинг бош муаммоси ва хавотири қиморхона ҳудудидаги тарафдорлари девордан ошиб, унинг уйидаги уйғурларга ёрдам бериш эҳтимоли бўлиб келган. Бу хавотирларни АҚШ ва ҒАРБ ўз чўнтагидан пул тўлаб ҳал қилиб келаётгани унга қўл келаётган ва шу сабабдан ўйинга аралашмасдан фақат девор ортидан кузатиб туриш билан кифояланиб келаётган эди.

Энди қиморхонада карталар қайта сузилганлиги, қиморхонага янги хўжайинлар келганлиги ва уларни тийиб турадиган энг катта қиморбоз ўйиндан чиққанлиги сабабли Хитой энди ўйинга киришга ва балки катта ўйинчи эгаллаган ролни бажаришга мажбур бўлиши мумкин. Бу бир томондан унга қимматга тушиши, бошқа томондан геосиёсий томондан мисли кўрилмаган устунлик бериши ҳам мумкин.
Қиморхонанинг янги хўжайинлари "пулини берсанг сеникимиз" деб ўз розиликларини бериб бўлишди.

ТОЛИБОН
Қиморхонанинг янги хўжайини. Ўзини "қиморхонада туғилиб катта бўлган, легитим хўжайин" қилиб кўрсатса ҳам амалда турли манфаатларга эга, дунёнинг турли мамлакатларидан йиғилган каллакесарлар, юртидан қувилганлардан ташкил топган ҳаракат.

Қиморхонани эгаллаш энг осон иш эди, зеро қуриш, барпо этишдан кўра бузиш ва вайрон этиш доим осон бўлган.
Бундан 25 йил олдин "Толибон" қиморхонани бир марта эгаллаган эди. Уларнинг вахший методлари сабабли уларни на дунё ҳамжамияти, на афғон жамияти қабул қилмаган эди. Энди улар 25 йил олдинги хатоларини қилмасликка ваъда бермоқдалар, аммо буни уддалай оладиларми ёки йўқми, ваъдаларида турадиларми ёки йўқми, гап шунда.

1. Толибоннинг илк муаммоси: бу уларнинг ички тузилиши. Юқорида айтганимдай, улар турли жойлардан келган, турли манфаатларларга эга майда фракциялардан ташкил топган ва эндиликда "Толибон"ни "ғолиблар" ўртасида "ўлжа талашиш" муаммоси кутиб турибди. Ўлжа талашиш, мансаб ва ҳудуд талашишнинг устига ўз манфаатларидан келиб чиқиб "марказ"га бўй сунмаслик муаммосини ҳам қўшса, Афғонистонни босиб олиш бу ўйиннинг бошланиши эканини билиш мумкин бўлади.
2."Толибон"нинг тўғридан-тўғри душманлари ғайридинлар, еврейлар, массонлар ва бошқалар эмас, балки уларни "ҳақиқий мусулмон эмас" деб биладиган ИШИДчилар ва бошқа "рақобатчилар" бўладилар. Энг асосийси, улар аллақачон қиморхонанинг ичидадирлар ва "Толибон"га қарши очиқдан-очиқ жанг олиб борадилар.
3.Жаҳон ҳамжамияти "Толибон"ни қиморхонанинг янги хўжайини деб тан олиши улар учун жуда муҳим, чунки уларнинг мавжудлиги, келажаги ва узоққа бориш бормаслиги шунга боғлиқ бўлиши мумкин. Чунки қиморхонада ички муаммолар муҳим, аммо унинг тақдирини узоқ йиллардан бери катта қиморбозлар ҳал қилиб келадилар.

ЎЗБЕКИСТОН
Қиморхонанинг тинч қўшнилари орасидаги тарихий, географик, иқтисодий, сиёсий легитимликка эга асосий давлатлардан бири. Қимор ўйнамайди, бунгга пули ҳам йўқ. Ўзбекистоннинг бош мақсади-тинчлик. Иложи бўлса, қиморхона бутунлай ёпилиб, ўрнига фаровон давлат барпо этилишини, шу орқали ўзи ҳам халоват топишини орзу қилади. Шу йўлда у керак бўлса "иблис билан муроса қилиш"га ҳам тайёрлиги кўринмоқда.
Қиморхонанинг янги хўжайини легитимликка интилиш йўлида Ўзбекистонга катта умид боғламоқда ва айнан Ўзбекистонни чўчитмасликка ҳаракат қилмоқда.
Ўзбекистон эса ўз навбатида "иблис билан яхши бўлиб турса", балки ўзига тегмаслигига умид қилмоқда.
Иблис Ўзбекистоннинг ўзига ҳамла қиладими? Бу саволга ҳеч қим жавоб бера олмайди. Қилиши ҳам, қилмаслиги ҳам мумкин. Аммо ҳозир қилмайди. Қилолмайди ҳам. Бунга кучи, пули, имкони ҳам етмайди ва бу унинг манфаатларига тўғри келмайди. Аммо келажакда, Толибон яхшилаб ўрнашиб, легтимликка эришиб, ўз қудратини ошириб олгач, бу ишни қилмаслигига ҳеч ким кафолат бермайди.
Агар Толибон сабабли ҳозир Ўзбекистонга хавф келадиган бўлса, бу юқорида айтилганидай" Толибон"нинг ички муаммоларидан келади. Яъни мансаб талашиш, марказга бўй сунмаслик, манфаатлар тўқнашуви ва ҳоказолар доирасида "Толибон" ичидаги толиблар хавф туғдиришлари мумкин. "Толибон" ичида ва "Толибон"га қарши курашувчи кучлар ичида Ўзбекистондан қувилган ва Ўзбекистонни эгаллашни орзу қиладиган жангарилар борлигини унутмаслик керак.

ИСЛОМ ДИНИ
Ислом дини борасида ҳар кимнинг ўз фикри, қарашлари, эътиқоди бор. Лекин "қиморхона"даги воқеаларда ислом дини бир баҳона холос. У ерда ўлдирган ҳам, ўлган ҳам, қурол сотган ҳам, ватанни сотган ҳам, мусулмонни ўлдирган ҳам, барча барчаси ислом дини номидан қилади. У ерда ҳамма бир-бири учун "ҳақиқий мусулмон эмас" ва шу баҳона туфайли "қиморхона" атрофидаги сиёсий ўйинлар доирасида ўлимга маҳкум.

ХУЛОСА
Афғонистон катта қиморхона. У ерга ўйинчилар келади, ўйнайди, пулларини ютқазади ва чиқиб кетади. Унинг ўрнига навбатдагиси келади.
Афғонистонда "хўжайинлик" деярли имконсиз мансаб. Турли миллатлар, динлар, манфаатлардан ташкил топган ҳудудга эгалик қилишни сўнгги йилларда на ташқаридан, на ичкаридан ҳеч ким эплай олмаган.
Ҳокимиятга келган "Толибон" навбатдаги "хўжайин" холос. Уларнинг ўз олдларига қўйган мақсадларига қараганда, "қиморхона" ҳали бери тинч хонадонга айланмайдиган кўринади.
Шу сабабдан, уларнинг ҳокимиятда узоқ қолишлари ҳам савол остида деб ўйлайман.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Ҳамма йиқилаётган чуқурга сен ҳам йиқилиб ўл. (Чуғул халқ мақоли)

Янги Уч замон каналига ҳуш келибсиз! 😜🤣🤘

Янги "Уч замон" каналига ҳали обуна бўлмаганлар учун ҳавола:
👉 https://t.me/uchzamon

Компьютерда ўйин ўйнайдиганлар учун.

Агар ўйинлар реал ҳаётга кўчса қандай бўларди? Томоша қилинг ва ўйнайдиганларга юборинг 😜🤘

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Ҳҳҳииииииаааҳҳ... Ҳиииииииаааҳ 🥵😤

Бу жуда хавфли қурол-КИТОБ!

Уни йўқ қилмаса одамларнинг билимлари ортиб, фаросатлари кучайиб, фикрлайдиган, ўйлайдиган ва гапга кирмайдиган бўлиб қолади.

Шунинг учун уни кўрган жойингизда йиртинг, ёқинг, йўқ қилинглар.

Толибон 😈👹💩

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

"Паризод", Муҳриддин Ҳолиқов

"Уч замон" каналига ҳали обуна бўлмаганлар учун ҳавола:
👉 https://t.me/uchzamon